പ്രകൃതി വിപത്തു​കൾ—തരണം​ചെ​യ്യാൻ നിങ്ങളു​ടെ കുട്ടിയെ സഹായി​ക്കൽ

ഭൂകമ്പങ്ങൾ, ചുഴലി​ക്കാ​റ്റു​കൾ, തീപി​ടു​ത്തങ്ങൾ, വെള്ള​പ്പൊ​ക്കങ്ങൾ, കൊടു​ങ്കാ​റ്റു​കൾ—പ്രകൃ​തി​യു​ടെ ഉഗ്ര​കോ​പത്തെ നേരി​ടു​മ്പോൾ നാം എത്രയോ നിസ്സഹാ​യ​രാണ്‌! ഒരു പ്രകൃതി വിപത്തി​ന്റെ അനുഭവം മനസ്സിൽ പതിപ്പിച്ച ഭീതി​പ്പെ​ടു​ത്തുന്ന ചിത്രങ്ങൾ മാഞ്ഞു​പോ​കാൻ ഒരുപക്ഷേ വർഷങ്ങൾ എടുക്കു​ന്ന​താ​യി മുതിർന്നവർ പലപ്പോ​ഴും കണ്ടെത്തു​ന്നു. അത്തരം അനുഭ​വ​ങ്ങ​ളിൽനി​ന്നു പൂർവ​സ്ഥി​തി പ്രാപി​ക്കാൻ കുട്ടി​കൾക്കു കൂടു​ത​ലായ സഹായം ആവശ്യ​മാ​യി​രു​ന്നേ​ക്കാ​മെ​ന്ന​തിൽ അതിശ​യ​മില്ല.

ഒരു വിപത്തു കഴിഞ്ഞാ​ലു​ടൻ സാധാ​ര​ണ​മാ​യി കുട്ടികൾ (1) തങ്ങൾ ഒറ്റയ്‌ക്കാ​കു​മെന്ന്‌, (2) തങ്ങൾ കുടും​ബ​ത്തിൽനി​ന്നു വേർപെ​ടു​മെന്ന്‌, (3) സംഭവം ഇനിയും ഉണ്ടാകു​മെന്ന്‌, (4) ആർക്കെ​ങ്കി​ലും പരി​ക്കേൽക്കു​ക​യോ ആരെങ്കി​ലും കൊല്ല​പ്പെ​ടു​ക​യോ ചെയ്യു​മെന്ന്‌ സാധാരണ ഭയപ്പെ​ടു​ന്ന​താ​യി യു.എസ്‌. ഫെഡറൽ അടിയ​ന്തി​രതാ നിർവഹണ ഏജൻസി (എഫ്‌ഇ​എംഎ) അഭി​പ്രാ​യ​പ്പെ​ടു​ന്നു. ഒരു വിപത്തി​നു​ശേഷം നിങ്ങളു​ടെ കുട്ടി​ക്കു​ണ്ടാ​കുന്ന ഉത്‌കണ്‌ഠ കുറയ്‌ക്കാൻ ഒരു മാതാ​വോ പിതാ​വോ എന്നനി​ല​യിൽ നിങ്ങൾക്ക്‌ എന്തു ചെയ്യാൻ കഴിയും? എഫ്‌ഇ​എംഎ ഈ ശുപാർശകൾ നടത്തുന്നു.a

കുടും​ബം ഒന്നിച്ചാ​യി​രി​ക്കാൻ ശ്രമി​ക്കുക. ഒന്നിച്ചാ​യി​രി​ക്കു​ന്നതു കുട്ടിക്ക്‌ ഉറപ്പു നൽകു​ക​യും ഒറ്റപ്പെ​ടു​മെ​ന്നുള്ള അവന്റെ ഭയം ലഘൂക​രി​ക്കു​ക​യും ചെയ്യുന്നു. നിങ്ങൾ സഹായം തേടു​മ്പോൾ കുട്ടി​കളെ ബന്ധുമി​ത്രാ​ദി​ക​ളു​ടെ​കൂ​ടെ​യോ ഒഴിപ്പി​ക്കൽ കേന്ദ്ര​ങ്ങ​ളി​ലോ നിർത്താ​തി​രി​ക്കു​ന്ന​താ​ണു മെച്ചം. “കുട്ടികൾ ഉത്‌ക​ണ്‌ഠാ​കു​ല​രാ​യി​ത്തീ​രു​ന്നു, മാതാ​പി​താ​ക്കൾ തിരികെ വരിക​യി​ല്ലെന്ന്‌ അവർ ആകുല​പ്പെ​ടു​ന്നു” എന്ന്‌ എഫ്‌ഇ​എംഎ പറയുന്നു. നിങ്ങൾക്ക്‌ എവി​ടെ​യെ​ങ്കി​ലും പോ​കേ​ണ്ട​തു​ണ്ടെ​ങ്കിൽ സാധ്യ​മാ​കു​ന്നി​ട​ത്തോ​ളം നിങ്ങളു​ടെ കുട്ടി​യെ​യും കൂട്ടത്തിൽ കൊണ്ടു​പോ​കുക. അങ്ങനെ​യാ​യി​രി​ക്കു​മ്പോൾ “കുട്ടികൾ ഭയം നിമിത്തം പുറകിൽനി​ന്നു മാറാത്ത സ്വഭാ​വ​മു​ള്ള​വ​രാ​യി​രി​ക്കാ​നുള്ള സാധ്യത കുറവാ​യി​രി​ക്കും.”

സ്ഥിതി​വി​ശേ​ഷ​ത്തെ​ക്കു​റി​ച്ചു ശാന്തമാ​യും ദൃഢമാ​യും വിശദീ​ക​രി​ക്കാൻ സമയ​മെ​ടു​ക്കുക. വിപത്തി​നെ​ക്കു​റി​ച്ചു നിങ്ങൾക്ക​റി​യാ​വു​ന്നത്‌ കുട്ടിക്കു പറഞ്ഞു​കൊ​ടു​ക്കുക. ആവശ്യ​മെ​ങ്കിൽ അതു പലതവണ ആവർത്തി​ച്ചു വിശദീ​ക​രി​ച്ചു​കൊ​ടു​ക്കുക. അടുത്ത​താ​യി എന്തു സംഭവി​ക്കു​മെ​ന്ന​തി​ന്റെ രൂപരേഖ നൽകുക. ഉദാഹ​ര​ണ​മാ​യി, ‘ഇന്നു രാത്രി നാം ഒരുമിച്ച്‌ അഭയസ​ങ്കേ​ത​ത്തിൽ താമസി​ക്കു​ന്ന​താ​യി​രി​ക്കും’ എന്ന്‌ നിങ്ങൾ പറഞ്ഞേ​ക്കാം. കുട്ടി​ക​ളോട്‌ അവരുടെ കണ്ണിനു​നേരെ നിന്നു​കൊ​ണ്ടു സംസാ​രി​ക്കുക, ആവശ്യ​മെ​ങ്കിൽ മുട്ടു കുത്തി​നി​ന്നു​കൊ​ണ്ടു​പോ​ലും.

സംസാ​രി​ക്കാൻ കുട്ടിയെ പ്രോ​ത്സാ​ഹി​പ്പി​ക്കുക. “കുട്ടി​യു​ടെ ഉത്‌കണ്‌ഠ കുറയ്‌ക്കാൻ ആശയവി​നി​യമം ഏറ്റവും സഹായ​ക​ര​മാ​ണെ”ന്ന്‌ എഫ്‌ഇ​എംഎ ചൂണ്ടി​ക്കാ​ണി​ക്കു​ന്നു. വിപത്തി​നെ​ക്കു​റി​ച്ചും തന്റെ ഭയങ്ങ​ളെ​ക്കു​റി​ച്ചും ഓരോ കുട്ടി​യും പറയു​ന്നതു ശ്രദ്ധി​ക്കുക. (യാക്കോബ്‌ 1:19 താരത​മ്യം ചെയ്യുക.) ഭയം തോന്നു​ന്നതു സാധാ​ര​ണ​മാ​ണെന്ന്‌ അവനോ​ടു പറയുക. മനസ്സി​ലു​ള്ളതു പറയാൻ നിങ്ങളു​ടെ കുട്ടി വൈമു​ഖ്യം കാണി​ക്കു​ന്നെ​ങ്കിൽ നിങ്ങൾക്കും ഭയമു​ണ്ടെന്ന്‌ അവനെ അറിയി​ക്കുക. അങ്ങനെ ചെയ്യു​ന്നതു തന്റെ ഭയങ്ങ​ളെ​ക്കു​റി​ച്ചു സംസാ​രി​ക്കു​ന്നത്‌ അവനു കൂടുതൽ എളുപ്പ​മാ​ക്കി​ത്തീർത്തേ​ക്കാം, അങ്ങനെ ചെയ്യു​ന്ന​തു​വഴി അവന്റെ ഉത്‌കണ്‌ഠ കുറയു​ക​യും ചെയ്യും. (സദൃശ​വാ​ക്യ​ങ്ങൾ 12:25 താരത​മ്യം ചെയ്യുക.) “സാധ്യ​മാ​കു​ന്നെ​ങ്കിൽ മുഴു കുടും​ബ​ത്തെ​യും ചർച്ചയിൽ ഉൾപ്പെ​ടു​ത്തുക.”

വൃത്തി​യാ​ക്കൽ പ്രവർത്ത​ന​ങ്ങ​ളിൽ കുട്ടി​കളെ ഉൾപ്പെ​ടു​ത്തുക. വൃത്തി​യാ​ക്കു​മ്പോ​ഴും വീടിന്റെ കേടു​പോ​ക്കു​മ്പോ​ഴും കുട്ടി​കൾക്ക്‌ അവരു​ടേ​തായ ജോലി​കൾ നിയമി​ച്ചു​കൊ​ടു​ക്കുക. “ഒരു ജോലി​യു​ണ്ടാ​യി​രി​ക്കു​ന്നത്‌ എല്ലാം ശരിയാ​കും എന്നു മനസ്സി​ലാ​ക്കാൻ അവരെ സഹായി​ക്കും.” എന്നാൽ തീരെ ചെറിയ ഒരു കുട്ടിക്കു സാധാ​ര​ണ​ഗ​തി​യിൽ പ്രത്യേക ശ്രദ്ധ ആവശ്യ​മാണ്‌. എഫ്‌ഇ​എംഎ ഇപ്രകാ​രം വിശദീ​ക​രി​ക്കു​ന്നു: “അത്തര​മൊ​രു കുട്ടിക്കു കൂടുതൽ ശാരീ​രിക പരിച​ര​ണ​വും കൂടുതൽ ആലിം​ഗ​ന​വും ആവശ്യ​മാ​യി​രു​ന്നേ​ക്കാം; അത്‌ നിർവ​ഹി​ക്കേണ്ട മറ്റു കാര്യ​ങ്ങ​ളിൽ ശ്രദ്ധി​ക്കു​ന്നതു മാതാ​പി​താ​ക്കൾക്കു വിഷമ​ക​ര​മാ​ക്കി​ത്തീർക്കു​ന്നു. നിർഭാ​ഗ്യ​മെന്നു പറയട്ടെ, ഒരു എളുപ്പ​വ​ഴി​യു​മില്ല. കുട്ടി​യു​ടെ ആവശ്യങ്ങൾ നിറ​വേ​റ്റി​യി​ല്ലെ​ങ്കിൽ പ്രശ്‌നം ഏറെ നാൾ നിലനിൽക്കും.”

അവസാ​ന​മാ​യി ഒരാശയം മനസ്സിൽ പിടി​ക്കേ​ണ്ട​തുണ്ട്‌. എഫ്‌ഇ​എംഎ മാതാ​പി​താ​ക്കളെ ഇപ്രകാ​രം ഉപദേ​ശി​ക്കു​ന്നു: “നിങ്ങളു​ടെ കുട്ടി​കൾക്ക്‌ ഏറ്റവും നല്ലതെ​ന്താ​ണെന്ന്‌ ആത്യന്തി​ക​മാ​യി നിങ്ങൾ തീരു​മാ​നി​ക്കണം.” ഈ മാർഗ​നിർദേ​ശങ്ങൾ ബാധക​മാ​ക്കു​ന്നത്‌ ഒരു വിഷമാ​വ​സ്ഥ​യിൽ ഏറ്റവും മെച്ചമാ​യി പ്രവർത്തി​ക്കാൻ നിങ്ങളെ സഹായി​ക്കും.

[അടിക്കു​റിപ്പ്‌]