മെക്‌സി​ക്കോ​യി​ലെ വിപത്തു​കൾക്കു മധ്യേ ക്രിസ്‌തീയ സ്‌നേഹം

മെക്‌സി​ക്കോ നഗരത്തി​ലെ ഒരു പത്രം ഇപ്രകാ​രം റിപ്പോർട്ടു ചെയ്‌തു: “കൊടു​ങ്കാ​റ്റു​ക​ളും ഭൂകമ്പ​വും പോ​ലെ​യുള്ള പ്രകൃതി പ്രതി​ഭാ​സങ്ങൾ ജീവഹാ​നി​ക്കും നാശത്തി​നും ഇടയാ​ക്കി​ക്കൊണ്ട്‌ കഴിഞ്ഞ 20 വർഷമാ​യി മെക്‌സി​ക്കൻ തീര​പ്ര​ദേ​ശ​ങ്ങ​ളിൽ ആഞ്ഞടി​ക്കു​ക​യാണ്‌.”—എൽ ഫിനാൻസി​യെ​റോ, 1995 ഒക്ടോബർ 17.

ഒക്ടോബർ ആദ്യമു​ണ്ടായ ഓപ്പൽ കൊടു​ങ്കാറ്റ്‌ കാംപി​ച്ചി, കിന്റാനാ റോ, റ്റിബി​സ്‌ക്കോ എന്നീ മെക്‌സി​ക്കൻ സംസ്ഥാ​ന​ങ്ങ​ളിൽ ഗുരു​ത​ര​മായ അളവിൽ വിനാശം വരുത്തി. ഏകദേശം 200 പേർ കൊല്ല​പ്പെ​ടു​ക​യും 150-ലധികം പേർക്കു പരു​ക്കേൽക്കു​ക​യും 5,00,000 പേർ നഷ്ടങ്ങൾ അനുഭ​വി​ക്കു​ക​യും ആയിര​ക്ക​ണ​ക്കി​നു ഭവനങ്ങൾക്കു കേടോ പൂർണ നാശമോ സംഭവി​ക്കു​ക​യും ചെയ്‌തു.

നാശന​ഷ്ട​ങ്ങ​ളെ​ക്കു​റി​ച്ചു കേട്ടയു​ടനെ, മെക്‌സി​ക്കോ​യി​ലെ യഹോ​വ​യു​ടെ സാക്ഷി​ക​ളു​ടെ ബ്രാഞ്ച്‌ ഓഫീസ്‌, ബാധിത പ്രദേ​ശ​ങ്ങ​ളി​ലെ യഹോ​വ​യു​ടെ സാക്ഷി​കൾക്ക്‌ എങ്ങനെ​യുണ്ട്‌ എന്നറി​യു​ന്ന​തിന്‌ അങ്ങോ​ട്ടേക്ക്‌ ഒരാളെ അയച്ചു. 2,500-ലധികം പേർ വീടുകൾ ഉപേക്ഷി​ക്കാൻ നിർബ​ന്ധി​ത​രാ​യ​താ​യി അറിഞ്ഞു. അവരെ സഹ സാക്ഷി​ക​ളു​ടെ ഭവനങ്ങ​ളി​ലേക്കു ദയാപൂർവം സ്വീക​രി​ച്ചു.

ദുരി​താ​ശ്വാ​സ കേന്ദ്രങ്ങൾ സംഘടി​പ്പി​ക്ക​പ്പെട്ടു. ആവശ്യ​ക്കാർക്ക്‌ ആഹാര​വും വസ്‌ത്ര​വും പണവും പ്രദാനം ചെയ്‌തു. വെള്ള​പ്പൊ​ക്കം മാറി​യ​പ്പോൾ സാക്ഷികൾ തങ്ങളുടെ ക്രിസ്‌തീയ സഹോ​ദ​ര​ങ്ങ​ളു​ടെ ഭവനങ്ങൾ പുനഃ​നിർമി​ക്കാൻ തുടങ്ങി.

ഒക്ടോബർ 9-ാം തീയതി, റിക്ടർ സ്‌കെ​യി​ലിൽ 7.6 അളവുള്ള ഒരു ശക്തമായ ഭൂകമ്പം മെക്‌സി​ക്കൻ സംസ്ഥാ​ന​ങ്ങ​ളായ കലിമ​യി​ലും ഹാല്ലി​സ്‌ക്കോ​യി​ലും ഹാനി വിതച്ചു. യഹോ​വ​യു​ടെ സാക്ഷി​ക​ളു​ടെ എട്ടു രാജ്യ​ഹാ​ളു​കൾക്കു ഗുരു​ത​ര​മായ ക്ഷതം സംഭവി​ച്ചു. അവരുടെ 12 വീടുകൾ നിലം​പൊ​ത്തി, ഏതാണ്ട്‌ 65 എണ്ണത്തിനു കേടു​പാ​ടു​കൾ സംഭവി​ച്ചു. വീണ്ടും, ഒരു ദുരി​താ​ശ്വാ​സ​ക്ക​മ്മി​റ്റി സംഘടി​പ്പി​ക്ക​പ്പെ​ടു​ക​യും സഹായം പ്രദാനം ചെയ്യു​ക​യും ചെയ്‌തു.

പിന്നെ, ചിയാ​പാസ്‌ സംസ്ഥാ​നത്തെ ഉലച്ചു​കൊ​ണ്ടു മറ്റൊരു ഭൂകമ്പം ഒക്ടോബർ 20-ന്‌ ആഞ്ഞടിച്ചു. കൂടു​ത​ലായ 88 സാക്ഷി​ക​ളു​ടെ വീടുകൾ നശിപ്പി​ക്ക​പ്പെട്ടു, 38 എണ്ണത്തിനു ഗുരു​ത​ര​മായ ഹാനി സംഭവി​ച്ചു. രണ്ടു രാജ്യ​ഹാ​ളു​കൾ പൂർണ​മാ​യും നശിക്കു​ക​യും മറ്റു നാലെ​ണ്ണ​ത്തി​നു വല്ലാത്ത ക്ഷതം സംഭവി​ക്കു​ക​യും ചെയ്‌തു. ഏതാണ്ട്‌ അതേ സമയത്തു തന്നെ, റോക്ക്‌സൻ കൊടു​ങ്കാ​റ്റും അതോ​ടൊ​പ്പം വന്ന വെള്ള​പ്പൊ​ക്ക​ങ്ങ​ളും വെറാ​ക്ക്രൂസ്‌ സംസ്ഥാ​ന​ത്തി​ലെ ഏതാണ്ട്‌ 80 സാക്ഷി​ക​ളു​ടെ ഭവനങ്ങൾക്കു ഹാനി വരുത്തി. നാലു വീടുകൾ പൂർണ​മാ​യി തകർന്നു. യഹോ​വ​യു​ടെ സാക്ഷികൾ സ്ഥാപിച്ച ഒരു ദുരി​താ​ശ്വാ​സ ഫണ്ടും ഈ ദുരി​തർക്കു വേഗം സഹായം പ്രദാനം ചെയ്‌തു.

ചില സാക്ഷി​കൾക്കു ചതവു​ക​ളും അസ്ഥിഭം​ഗ​ങ്ങ​ളും ഉണ്ടാ​യെ​ങ്കി​ലും ഈ പ്രകൃതി വിപത്തു​ക​ളിൽ ആർക്കും ജീവഹാ​നി സംഭവി​ച്ചില്ല. മൊത്ത​ത്തിൽ, ഏതാണ്ട്‌ 24 ടൺ ആഹാര​വും 4 ടൺ വസ്‌ത്ര​വും ആവശ്യ​ക്കാർക്ക്‌ അയച്ചു​കൊ​ടു​ത്തു. ദുരി​താ​ശ്വാ​സ പ്രവർത്ത​നത്തെ അനേകം നിരീ​ക്ഷകർ പ്രശം​സി​ച്ചു. കലിമ​യി​ലെ ഒരു സ്‌ത്രീ ഇപ്രകാ​രം പറഞ്ഞു: “യഹോ​വ​യു​ടെ സാക്ഷികൾ വളരെ ഏകീകൃ​ത​രാ​ണെന്നു ഞാൻ കേട്ടി​ട്ടേ​യു​ണ്ടാ​യി​രു​ന്നു​ള്ളൂ, ഇപ്പോൾ എന്റെ സ്വന്തം കണ്ണു​കൊണ്ട്‌ എനിക്കതു കാണാൻ കഴിയു​ന്നു.”

സാക്ഷി​ക​ളെ​ക്കു​റി​ച്ചും അവരുടെ ദുരി​താ​ശ്വാ​സ പ്രവർത്ത​ന​ത്തെ​ക്കു​റി​ച്ചും ആളുകൾ കൂടെ​ക്കൂ​ടെ അഭി​പ്രാ​യ​പ്പെ​ട്ടി​ട്ടുണ്ട്‌: “ഇവർ യഥാർഥ സഹോ​ദ​ര​ങ്ങ​ളാണ്‌.” “അവർ മെച്ചമാ​യി സംഘടി​പ്പി​ക്ക​പ്പെട്ട കൂട്ടമാണ്‌.” ചിലർ ഇങ്ങനെ പറയു​ന്ന​താ​യും കേട്ടി​ട്ടുണ്ട്‌: “സഹായി​ക്കാൻ വന്ന എല്ലാ ദുരി​താ​ശ്വാ​സ സംഘങ്ങ​ളും യഹോ​വ​യു​ടെ സാക്ഷി​ക​ളെ​പ്പോ​ലെ പ്രവർത്തി​ച്ചി​രു​ന്നെ​ങ്കിൽ ഈ മുഴു പട്ടണവും ഇതി​നോ​ടകം വൃത്തി​യാ​കു​മാ​യി​രു​ന്നു.”

ഇപ്പോൾ 4,40,000-ത്തിലധി​കം സാക്ഷികൾ തങ്ങളുടെ സഹ മെക്‌സി​ക്ക​രോട്‌ ദൈവ​രാ​ജ്യ​ത്തി​ന്റെ സുവാർത്ത പങ്കു വയ്‌ക്കു​ന്നുണ്ട്‌. അടുത്ത​കാ​ല​ത്തു​ണ്ടായ ഈ പ്രകൃതി വിപത്തു​ക​ളു​ടെ സമയത്ത്‌ അവർ പരസ്‌പരം പ്രകട​മാ​ക്കിയ സ്‌നേഹം ശക്തമായ ഒരു സാക്ഷ്യം പ്രദാനം ചെയ്‌തു.—യോഹ​ന്നാൻ 13:34, 35.