ആംഗ്യ​ഭാ​ഷ​യു​ടെ സഹായ​ഹ​സ്‌തം നീട്ടി​ക്കൊണ്ട്‌

1995 ജൂണി​ലാ​രം​ഭിച്ച്‌ വേനൽക്കാ​ല​ത്തു​ട​നീ​ളം, ഐക്യ​നാ​ടു​ക​ളി​ലെ ബ്രാഞ്ചി​ന്റെ പ്രദേ​ശ​ത്തുള്ള യഹോ​വ​യു​ടെ സാക്ഷികൾ “സന്തുഷ്ട സ്‌തു​തി​പാ​ഠകർ”എന്ന പ്രതി​പാ​ദ്യ​വി​ഷ​യ​ത്തോ​ടു​കൂ​ടിയ 181 ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ നടത്തി. ഇതിൽ രണ്ടെണ്ണ​ത്തിൽ—ഒന്നു കിഴക്കും മറ്റൊന്നു പടിഞ്ഞാ​റും—മുഴു​പ​രി​പാ​ടി​യും അമേരി​ക്കൻ ആംഗ്യ​ഭാ​ഷ​യിൽ നേരിട്ട്‌ അവതരി​പ്പി​ച്ചു. അങ്ങനെ പരിപാ​ടി​യു​ടെ വ്യക്തത അത്യന്തം വർധിച്ചു; കാരണം, സംസാ​രി​ക്കുന്ന വാക്കിന്റെ പരിഭാ​ഷ​യെ​ക്കാൾ വളരെ​യ​ധി​കം സുഗ്രാ​ഹ്യ​മാ​ണു ബധിരർക്കു​വേണ്ടി ആംഗ്യ​ഭാ​ഷ​യിൽ നേരി​ട്ട​വ​ത​രി​പ്പി​ക്കു​ന്നത്‌.

11 ആംഗ്യ​ഭാ​ഷാ സഭകളിൽനി​ന്നും ഐക്യ​നാ​ടു​ക​ളിൽ എമ്പാടു​മുള്ള ഏതാണ്ട്‌ 30 ആംഗ്യ​ഭാ​ഷാ കൂട്ടങ്ങ​ളിൽനി​ന്നു​മുള്ള പ്രതി​നി​ധി​കൾ സന്നിഹി​ത​രാ​യി​രു​ന്നു. കൂടാതെ ബ്രിട്ടൻ, കാനഡ, ഡെൻമാർക്ക്‌, ദ ഡൊമി​നി​ക്കൻ റിപ്പബ്ലിക്ക്‌, ഇക്വ​ഡോർ, ജർമനി, ജപ്പാൻ, മെക്‌സി​ക്കോ, നോർവേ, പോർട്ട​റി​ക്കോ, റഷ്യ എന്നിവി​ട​ങ്ങ​ളിൽനി​ന്നുള്ള പ്രതി​നി​ധി​ക​ളും സന്നിഹി​ത​രാ​യി​രു​ന്നു. അങ്ങനെ ഒരു സാർവ​ദേ​ശീയ പ്രതീതി ദൃശ്യ​മാ​യി​രു​ന്നു.

ക്ലോസ്‌ഡ്‌ സർക്യൂട്ട്‌ ടെലി​വി​ഷ​നിൽ പരിപാ​ടി വീക്ഷി​ക്ക​ത്ത​ക്ക​വി​ധം വീഡി​യോ മോണി​റ്റ​റു​കൾ സ്ഥാപി​ച്ചി​രു​ന്നു. പക്ഷേ, ഒട്ടേറെ പ്രതി​നി​ധി​കൾ ബധിര​രും അന്ധരു​മാ​യി​രു​ന്നു. ഈ വ്യക്തികൾ പരിപാ​ടി​യിൽനിന്ന്‌ എങ്ങനെ പ്രയോ​ജ​ന​മ​നു​ഭ​വി​ക്കു​മാ​യി​രു​ന്നു? നൂറി​ല​ധി​കം സന്നദ്ധ​സേ​വകർ ഊഴമ​നു​സ​രിച്ച്‌ ഓരോ ദിവസ​ത്തെ​യും പരിപാ​ടി സ്‌പൃശ്യ (സ്‌പർശന) പരിഭാ​ഷ​യി​ലൂ​ടെ അവർക്കു പകർന്നു​കൊ​ടു​ക്കു​ന്നതു വീക്ഷി​ക്കു​ന്നതു യഥാർഥ​ത്തിൽ വികാ​ര​സ്‌പർശി​യാ​യി​രു​ന്നു.

ഈ രണ്ടു കൺ​വെൻ​ഷ​നു​ക​ളി​ലാ​യി 36 പേർ സ്‌നാ​പ​ന​ത്തി​ലൂ​ടെ യഹോ​വ​യാം ദൈവ​ത്തി​നുള്ള തങ്ങളുടെ സമർപ്പ​ണത്തെ ലക്ഷ്യ​പ്പെ​ടു​ത്തി. അർഹരാ​യ​വരെ അവരുടെ വാർധ​ക്യ​ത്തിൽ ബഹുമാ​നി​ക്കൽ എന്ന നാടക​മാ​യി​രു​ന്നു മറ്റൊരു സവി​ശേഷത. അവതര​ണ​ത്തിൽ ഒരു കൂടിയ പങ്കുണ്ടാ​യി​രി​ക്കാൻ ബധിര​രായ അംഗങ്ങളെ അനുവ​ദി​ച്ചു​കൊണ്ട്‌, നാടകം മുഴു​വ​നാ​യും ആംഗ്യ​ഭാ​ഷ​യിൽ അവതരി​പ്പി​ച്ചത്‌ എത്ര പുളക​പ്ര​ദ​മാ​യി​രു​ന്നു!

തുടർന്ന്‌, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുതിയ ബൈബിൾ പഠന സഹായി​യു​ടെ പ്രകാ​ശ​ന​മു​ണ്ടാ​യി. ഈ പുസ്‌ത​ക​ത്തി​ന്റെ ആംഗ്യ​ഭാ​ഷ​യി​ലുള്ള ഒരു അവതരണം വീഡി​യോ ടേപ്പിൽ ലഭ്യമാ​ക്ക​പ്പെ​ട്ടി​രി​ക്കു​ന്നു എന്നറി​ഞ്ഞ​തിൽ സമ്മേളി​തർ വിശി​ഷ്യാ സന്തുഷ്ട​രാ​യി! ആദ്യത്തെ മൂന്ന്‌ അധ്യാ​യ​ങ്ങ​ള​ട​ങ്ങിയ വാല്യം 1 കൺ​വെൻ​ഷ​നിൽ പ്രകാ​ശനം ചെയ്‌തു. അഞ്ചു വാല്യ​ങ്ങ​ളും​കൂ​ടെ ഉടൻ ലഭ്യമാ​കും. “ഈ പുതിയ വീഡി​യോ​യ്‌ക്കു ഞങ്ങൾ എത്ര നന്ദിയു​ള്ള​വ​രാണ്‌; ബധിര​രുള്ള പ്രദേ​ശ​ങ്ങ​ളി​ലെ പ്രസം​ഗ​വേല ത്വരി​ത​പ്പെ​ടു​ത്താൻ ഇതു ഞങ്ങളെ സഹായി​ക്കും” എന്ന്‌ ഒഹാ​യോ​വിൽ നിന്നുള്ള ഒരു പ്രതി​നി​ധി അഭി​പ്രാ​യ​പ്പെട്ടു.

ഈ രണ്ടു കൺ​വെൻ​ഷ​നു​ക​ളിൽ ഹാജരായ 2,621 പേരും ആത്‌മീ​യ​മാ​യി നവോ​ന്മേഷം നേടി​യ​വ​രാ​യി ഭവനങ്ങ​ളി​ലേക്കു പോയി. മുമ്പെ​ന്ന​ത്തെ​ക്കാ​ളു​മ​ധി​ക​മാ​യി, സങ്കീർത്ത​ന​ക്കാ​രന്റെ വാക്കുകൾ പ്രതി​ധ്വ​നി​പ്പി​ക്കാൻ അവർ ദൃഢനി​ശ്ചയം ചെയ്‌തി​രി​ക്കു​ന്നു: “ജീവനു​ള്ള​തൊ​ക്കെ​യും യഹോ​വയെ സ്‌തു​തി​ക്കട്ടെ; യഹോ​വയെ സ്‌തു​തി​പ്പിൻ.”—സങ്കീർത്തനം 150:6.