ഭൂമി​യു​ടെ അതിവി​ദൂര ഭാഗങ്ങ​ളി​ലേക്കു ദൈവ​പ​രി​ജ്ഞാ​നം എത്തിക്കൽ

ആൻഡമാൻ നിക്കോ​ബർ ദ്വീപു​കൾ ഇന്ത്യയു​ടെ പൂർവ​തീ​ര​ത്തു​നിന്ന്‌ 1,200 കിലോ​മീ​റ്റർ അകലെ ഇന്ത്യൻ മഹാസ​മു​ദ്ര​ത്തി​ലെ ഒരു മനോ​ഹ​ര​മായ ദ്വീപ​സ​മൂ​ഹം ആണ്‌. മൊത്തം 8,249 ചതുരശ്ര കിലോ​മീ​റ്റർ പ്രദേ​ശ​വി​സ്‌തൃ​തി​യുള്ള 572 ദ്വീപു​ക​ളും ചെറു​ദ്വീ​പു​ക​ളും പാറ​ക്കെ​ട്ടു​ക​ളും പാറക​ളും അവി​ടെ​യുണ്ട്‌. എന്നാൽ ഈ ദ്വീപു​ക​ളിൽ 38 എണ്ണത്തിൽ മാത്ര​മാണ്‌ ജനവാ​സ​മു​ള്ളത്‌.

നൂറ്റാ​ണ്ടു​ക​ളോ​ളം തദ്ദേശ​വാ​സി​കൾ നാവി​കർക്ക്‌ ആതിഥ്യ​മ​രു​ളി​യി​രു​ന്ന​തേ​യില്ല. പല യൂറോ​പ്യൻ രാഷ്ട്ര​ങ്ങ​ളു​ടെ​യും പരാജ​യ​ത്തി​നു ശേഷം, ആദ്യമാ​യി ആ ദ്വീപു​കളെ കോള​നി​വൽക്ക​രി​ച്ചതു ബ്രിട്ടീ​ഷു​കാ​രാണ്‌. ഇന്ത്യ ബ്രിട്ടീഷ്‌ ഭരണത്തിൻ കീഴി​ലാ​യി​രി​ക്കവേ, ഏറ്റവും പ്രമു​ഖ​മാ​യ​വ​യിൽ ഒന്നായ ദക്ഷിണ ആൻഡമൻ ദ്വീപി​നെ ശിക്ഷാ-കോള​നി​യാ​ക്കി​ക്കൊണ്ട്‌ 19-ാം നൂറ്റാ​ണ്ടി​ലാ​യി​രു​ന്നു അവർ അപ്രകാ​രം ചെയ്‌തത്‌. രണ്ടാം ലോക​മ​ഹാ​യു​ദ്ധ​കാ​ലത്തെ ഹ്രസ്വ​കാല ജാപ്പനീസ്‌ ആധിപ​ത്യ​ത്തി​നു ശേഷം ആ ദ്വീപു​കൾ ഇന്ത്യാ റിപ്പബ്ലി​ക്കി​ന്റെ ഭരണത്തിൻ കീഴി​ലാ​യി. കപ്പൽ-വിമാന മാർഗം എളുപ്പം എത്തി​ച്ചേ​രാ​വുന്ന അവ ഇന്ന്‌ 3,00,000 ആളുക​ളു​ടെ വാസസ്ഥ​ല​മാണ്‌. ചെറി​യൊ​രു കൂട്ടം ആദിവാ​സി​ക​ളും ശേഷമു​ള്ളവർ മുഖ്യ​മാ​യും ഇന്ത്യയു​ടെ പൂർവ​തീര പ്രദേ​ശ​ങ്ങ​ളിൽനി​ന്നു വന്നിട്ടു​ള്ള​വ​രു​മാണ്‌.

ബംഗാളി, തമിഴ്‌, തെലുങ്ക്‌ എന്നീ ഭാഷകൾ വ്യാപ​ക​മാ​യി സംസാ​രി​ക്ക​പ്പെ​ടു​ന്നു. മലയാളം സംസാ​രി​ക്കുന്ന സാമാ​ന്യം വലി​യൊ​രു ജനസം​ഖ്യ​യും അവിടെ ഉണ്ട്‌. എന്നാൽ ഈ ദ്വീപു​ക​ളി​ലെ പൊതു​ഭാഷ ഹിന്ദി​യാണ്‌. ഭൂമി​യു​ടെ ഈ വിദൂര ഭാഗത്തു യഹോ​വ​യു​ടെ സാക്ഷി​ക​ളു​ടെ നാലു സഭകളും രണ്ട്‌ ഒറ്റപ്പെട്ട ഗ്രൂപ്പു​ക​ളു​മുണ്ട്‌. മറ്റു സാക്ഷികൾ വിദൂര ദ്വീപു​ക​ളി​ലാ​യി ചിതറി​പ്പാർക്കു​ന്നു. എല്ലാത്ത​ര​ത്തി​ലുള്ള ആളുക​ളെ​യും സമീപി​ക്കാ​നുള്ള ആഗ്രഹ​ത്തി​ന്റെ ഒരു പ്രതി​ഫ​ല​ന​മെന്ന നിലയിൽ, ദ്വീപി​ലെ ഏറ്റവും വലിയ രണ്ടു സഭകളു​ടെ രാജ്യ​ഹാ​ളു​ക​ളിൽ ഈ വർഷത്തെ വിഷയ​വാ​ക്യം അഞ്ചു ഭാഷക​ളിൽ പ്രദർശി​പ്പി​ച്ചി​രി​ക്കു​ന്നു. അത്‌ ഇങ്ങനെ വായി​ക്ക​പ്പെ​ടു​ന്നു: “വചനം പ്രവർത്തി​ക്കു​ന്നവർ ആയിത്തീ​രു​വിൻ.”—യാക്കോബ്‌ 1:22, NW.

1995-96-ൽ ഇന്ത്യയിൽ നടന്ന 16 “സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ ഒന്നിനു ഭരണത​ല​സ്ഥാ​ന​മായ പോർട്ട്‌ ബ്ലെയർ ഡിസംബർ 22 മുതൽ 24 വരെ ആതിഥ്യ​മ​രു​ളി. അത്യുച്ച ഹാജർ 290 ആയിരു​ന്നു. 11 പേർ യഹോ​വ​ക്കുള്ള തങ്ങളുടെ സമർപ്പ​ണ​ത്തി​ന്റെ പരസ്യ​പ്ര​ഖ്യാ​പനം നടത്തി. ഇംഗ്ലീ​ഷിൽ മാത്രമല്ല ഹിന്ദി​യി​ലും പ്രാ​ദേ​ശി​ക​മാ​യി സംസാ​രി​ക്ക​പ്പെ​ടുന്ന എല്ലാ പ്രമുഖ ഭാഷക​ളി​ലും നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌തകം ലഭിച്ച​തിൽ സമ്മേളി​തർ അത്യന്തം സന്തോ​ഷ​മു​ള്ള​വ​രാ​യി​രു​ന്നു. ഇംഗ്ലീഷ്‌ ഭാഷാ പതിപ്പി​നോ​ടൊ​പ്പം ഒരേ സമയത്ത്‌ ഒൻപത്‌ ഇന്ത്യൻ ഭാഷക​ളിൽ പ്രകാ​ശനം ചെയ്യുന്ന ആദ്യത്തെ പുസ്‌ത​ക​മാ​ണിത്‌.

ഒരു പൊതു ഒഴിവു​ദി​ന​മാ​യി​രുന്ന തൊട്ട​ടുത്ത ദിവസം ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത മറ്റുള്ള​വ​രു​മാ​യി പങ്കുവ​യ്‌ക്കാൻ യഹോ​വ​യു​ടെ 60 സന്തുഷ്ട സ്‌തു​തി​പാ​ഠകർ ദ്വീപു​ക​ളൊ​ന്നി​ലെ ഒരു വിദൂര ഭാഗ​ത്തേക്കു യാത്ര ചെയ്‌തു. സാക്ഷികൾ ചെറിയ ഗ്രൂപ്പു​ക​ളാ​യി പിരിഞ്ഞ്‌ വയലു​ക​ളി​ലൂ​ടെ​യും ചെറു​കു​ന്നു​ക​ളി​ലൂ​ടെ​യും ഉള്ള വൃത്തി​ഹീ​ന​മായ, കഷ്ടിച്ചു കാണാ​വുന്ന ഒറ്റയടി​പ്പാ​ത​ക​ളി​ലൂ​ടെ നടന്നു. വിദൂ​ര​ത്തി​ലുള്ള ചെറിയ ഗ്രാമ​ങ്ങ​ളി​ലെ​യും വനനി​ബിഡ പ്രദേ​ശ​ങ്ങ​ളി​ലെ​യും എളിയ കർഷകരെ കണ്ടെത്തു​ക​യെ​ന്ന​താ​യി​രു​ന്നു അവരുടെ ലക്ഷ്യം. അവരുടെ സ്വന്തം ഭാഷയിൽ ഒന്നോ രണ്ടോ തിരു​വെ​ഴു​ത്തു​കൾ വായി​ച്ചിട്ട്‌ അവരുടെ മാതൃ​ഭാ​ഷ​യി​ലുള്ള ഒരു ലഘു​ലേ​ഖ​യോ മാസി​ക​യോ അല്ലെങ്കിൽ പരിജ്ഞാ​നം പുസ്‌ത​ക​മോ അവർ അവർക്കു കൊടു​ത്തു. കടൽത്തീ​രത്തെ ഒരു ഉല്ലാസ​ക​ര​മായ ഉച്ചഭക്ഷ​ണ​ത്തി​നു ശേഷം സാക്ഷികൾ തങ്ങളുടെ ഭവനങ്ങ​ളി​ലേക്കു മടങ്ങി​പ്പോ​യി. “ഭൂമി​യു​ടെ അതിവി​ദൂര ഭാഗങ്ങ”ളൊന്നിൽ ദൈവ​പ​രി​ജ്ഞാ​നം എത്തിച്ചു​കൊ​ണ്ടു തങ്ങളുടെ സമയവും ഊർജ​വും ദൈവ​സേ​വ​ന​ത്തിൽ ചെലവ​ഴി​ച്ച​തിൽ അവർ എത്ര സന്തുഷ്ട​രാ​യി​രു​ന്നു.—പ്രവൃ​ത്തി​കൾ 1:8, NW.