മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബങ്ങൾ—വളർന്നു​വ​രുന്ന ഒരു പ്രവണത

ബ്രിട്ടനിലെ ഉണരുക! ലേഖകൻ

“മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബങ്ങൾ ബ്രിട്ട​നിൽ യൂറോ​പ്പി​ലെ മറ്റേതു രാജ്യ​ത്തെ​ക്കാ​ളും കൂടു​ത​ലാണ്‌” എന്ന്‌ ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു. “ബ്രിട്ട​നിൽ 18 വയസ്സിനു താഴെ പ്രായം​വ​രുന്ന കുട്ടി​ക​ളുള്ള ഏതാണ്ട്‌ അഞ്ചു കുടും​ബ​ങ്ങ​ളിൽ ഒന്നിൽ ഒറ്റയ്‌ക്കുള്ള മാതാ​വോ പിതാ​വോ ആണ്‌ . . . ഇപ്പോൾ നേതൃ​ത്വം വഹിക്കു​ന്നത്‌. അതി​നോ​ടു താരത​മ്യം ചെയ്യു​മ്പോൾ ഡെൻമാർക്കി​ലെ ഏഴിൽ ഒന്നു കുടും​ബ​ങ്ങ​ളും ജർമനി​യി​ലെ​യും ഫ്രാൻസി​ലെ​യും എട്ടിൽ ഒന്നു കുടും​ബ​ങ്ങ​ളും അത്തരത്തി​ലു​ള്ള​വ​യാണ്‌.”

ബ്രിട്ട​നി​ലെ മാതാ​പി​താ​ക്ക​ളിൽ ഒരാൾ മാത്ര​മുള്ള ഓരോ പത്തു കുടും​ബ​ങ്ങ​ളിൽ ഒൻപതി​ലും സ്‌ത്രീ​ക​ളാ​ണു നേതൃ​ത്വം വഹിക്കു​ന്നത്‌. മാതാ​വും പിതാ​വും കുട്ടി​ക​ളും ഒരുമി​ച്ചു കഴിയുന്ന പരമ്പരാ​ഗത കുടും​ബം അല്ലെങ്കിൽ അണു കുടും​ബം എന്നു പറയു​ന്നത്‌ ഇപ്പോൾ മറ്റു കുടും​ബാ​ശ​യ​ങ്ങ​ളു​ടെ കൂട്ടത്തി​ലെ ഒരു “കുടും​ബാ​ശയം” മാത്ര​മാ​യി കാണ​പ്പെ​ടു​ന്നു. എന്നാൽ മാതാ​പി​താ​ക്ക​ളിൽ ഒരാൾ മാത്ര​മു​ണ്ടാ​യി​രി​ക്കുക എന്ന വൈവി​ധ്യം മുമ്പ​ത്തെ​ക്കാൾ ഇപ്പോൾ വ്യാപ​ക​മാ​യി​രി​ക്കു​ന്ന​തെ​ന്തു​കൊ​ണ്ടാണ്‌?

കാരണ​ങ്ങ​ളു​ടെ പട്ടിക​യിൽ തലപ്പത്തു നിൽക്കു​ന്നതു വിവാ​ഹ​മോ​ച​ന​വും വേർപെ​ട​ലു​മാണ്‌. ഇക്കാര്യ​ത്തിൽ ബ്രിട്ടൻ ഐക്യ​നാ​ടു​ക​ളി​ലെ പ്രവണത പിന്തു​ട​രു​ന്നു. അവിടെ എല്ലാ വിവാ​ഹ​ങ്ങ​ളു​ടെ​യും ഏതാണ്ടു പകുതി വിവാ​ഹ​മോ​ച​ന​ത്തിൽ കലാശി​ക്കു​ന്നു. കൂടാതെ, വിവാ​ഹ​ത്തിൽനിന്ന്‌ ആളുകൾ പ്രതീ​ക്ഷി​ക്കുന്ന കാര്യ​ങ്ങൾക്കും മാറ്റം​വ​ന്നി​രി​ക്കു​ന്നു. ഒരു വിവാഹ മാർഗ​നിർദേശ സ്ഥാപന​മായ റിലേ​റ്റി​ലെ സെൽഡ വെസ്റ്റ്‌-മീഡ്‌സ്‌ പറയു​ന്ന​ത​നു​സ​രിച്ച്‌, 20-ഓ 30-ഓ വർഷങ്ങൾക്കു മുമ്പ്‌ “പുരു​ഷൻമാ​രു​ടെ​യും സ്‌ത്രീ​ക​ളു​ടെ​യും ധർമങ്ങൾ വളരെ​യ​ധി​കം വ്യക്തമാ​യി നിർവ​ചി​ക്ക​പ്പെ​ട്ടി​രു​ന്നു. പുരുഷൻ കുടും​ബം പുലർത്തു​ന്ന​വ​നാ​യി​രു​ന്നു; സ്‌ത്രീ പരിപാ​ല​ക​യും.” എന്നാൽ ഇപ്പോ​ഴോ? “ഇന്നത്തെ വിവാ​ഹങ്ങൾ കൂടുതൽ ഉത്തേജ​ന​പ്ര​ദ​വും രസിക​വും ആയിരു​ന്നേ​ക്കാം. എന്നാൽ അവയ്‌ക്കു കൂടുതൽ കഷ്ടകര​വും ആയിരി​ക്കാൻ കഴിയും. സ്‌ത്രീ​കൾ തങ്ങളുടെ അമ്മമാ​രും വല്യമ്മ​മാ​രും പ്രതീ​ക്ഷി​ച്ച​തി​നെ​ക്കാൾ കൂടുതൽ വിവാ​ഹ​ത്തിൽനിന്ന്‌ ആഗ്രഹി​ക്കു​ന്നു. അവർക്കു സമത്വം വേണം, നന്നായി സ്‌നേ​ഹി​ക്കുന്ന ഒരാളെ വേണം, ഒരു നല്ല സുഹൃ​ത്തി​നെ വേണം, സ്വയം ജോലി​സാ​ധ്യ​തകൾ വേണം—കൂടാതെ കുട്ടി​ക​ളും.”

വിനോദ ലോക​ത്തി​ലു​ട​നീ​ളം വിശേ​ഷ​വ​ത്‌ക​രി​ക്ക​പ്പെ​ടുന്ന അനുവാ​ദാ​ത്മക ലൈം​ഗി​ക​ത​യി​ലൂ​ടെ ലോകം പരമ്പരാ​ഗത കുടും​ബ​ത്തോ​ടുള്ള വെറുപ്പ്‌ ഊട്ടി​വ​ളർത്തു​ന്നു. വളരെ ചെറിയ പ്രായ​ത്തിൽ ലൈം​ഗിക അനുഭ​വ​ങ്ങ​ളു​ണ്ടാ​യി​ട്ടുള്ള യുവജ​നങ്ങൾ സാധ്യ​ത​യുള്ള പരിണ​ത​ഫ​ല​ങ്ങ​ളെ​ക്കു​റി​ച്ചു പലപ്പോ​ഴും അറിയു​ന്നില്ല. അവരെ സംബന്ധി​ച്ചി​ട​ത്തോ​ളം വിവാഹം ഒരു കഷ്ടപ്പാ​ടാണ്‌, തങ്ങളുടെ വ്യക്തി​പ​ര​മായ സ്വാത​ന്ത്ര്യ​ത്തി​ന്റെ വെട്ടി​ച്ചു​രു​ക്ക​ലാണ്‌, ജീവി​ത​ത്തി​ലെ ഒരു അനാവ​ശ്യ​മായ സങ്കീർണ​ത​യാണ്‌.

ചിലർ സ്വന്ത ഇഷ്ടപ്ര​കാ​രം ഒറ്റക്കാ​രായ മാതാ​ക്ക​ളോ പിതാ​ക്കൻമാ​രോ ആയിത്തീ​രു​ന്നു. എന്നാൽ മറ്റുചി​ലർ സാഹച​ര്യം മൂലം അങ്ങനെ​യാ​യി​ത്തീ​രു​ന്നു. ഒറ്റയ്‌ക്കുള്ള മാതാ​വോ പിതാ​വോ ആയിരി​ക്കാൻ നിർബ​ന്ധി​ത​രാ​കു​മ്പോൾ വിവാ​ഹി​ത​രായ പലരും തങ്ങളുടെ സ്വയം ഭരണത്തിൽ അസന്തു​ഷ്ട​രാണ്‌. സന്തോ​ഷ​ത്തോ​ടെ വിവാ​ഹി​ത​രാ​യി​രു​ന്നിട്ട്‌ തങ്ങളുടെ പങ്കാളി​യെ മരണത്തിൽ നഷ്ടമാ​യവർ ഇവരിൽപ്പെ​ടു​ന്നു.

നേരേ​മ​റിച്ച്‌, ചിലരെ സംബന്ധി​ച്ചി​ട​ത്തോ​ളം വിവാഹം കടുത്ത ശത്രു​ത​ക​ളു​ടെ മുഖമു​ദ്ര​യാ​യി​രു​ന്നു. തങ്ങളുടെ കുട്ടി​കളെ ഒറ്റയ്‌ക്കു വളർത്തി​ക്കൊ​ണ്ടു​വ​രു​ന്ന​തിൽ അവർ ആശ്വാസം കണ്ടെത്തു​ന്നു. തങ്ങളുടെ കുട്ടി​ക​ളു​മാ​യി വളർത്തി​യെ​ടു​ത്തി​രി​ക്കുന്ന അടുത്ത ബന്ധത്തെ​ക്കു​റിച്ച്‌ ഇക്കൂട്ടർ പലരും പറയാ​റുണ്ട്‌.

മാതാ​പി​താ​ക്ക​ളിൽ ഒരാൾ മാത്ര​മുള്ള കുടും​ബ​ങ്ങ​ളു​ടെ എണ്ണം വർധി​ച്ചു​വ​രുന്ന പ്രവണ​ത​യ്‌ക്ക്‌ അസംഖ്യം കാരണങ്ങൾ ഉണ്ടെങ്കി​ലും അനുദിന ജീവി​ത​ത്തി​ലെ ചുമത​ല​ക​ളു​ടെ​യും വെല്ലു​വി​ളി​ക​ളു​ടെ​യും കാര്യം വരു​മ്പോൾ ഒറ്റക്കാ​രായ മാതാ​ക്കൾക്കും പിതാ​ക്കൻമാർക്കും പ്രത്യേ​ക​മായ ഉത്‌ക​ണ്‌ഠ​ക​ളുണ്ട്‌. അവയെ​ന്തെ​ല്ലാ​മാണ്‌? ഒറ്റക്കാ​രായ മാതാ​ക്കൾക്കും പിതാ​ക്കൻമാർക്കും തങ്ങളുടെ ചുമത​ലകൾ വിജയ​ക​ര​മാ​യി ചുമലി​ലേ​റ്റാൻ എങ്ങനെ കഴിയും?