“സന്തുഷ്ട സ്‌തു​തി​പാ​ഠകർ” ഡിസ്‌ട്രി​ക്‌റ്റ്‌ കൺ​വെൻ​ഷൻ നഷ്ടപ്പെ​ടു​ത്ത​രുത്‌

ബൈബിൾ പ്രബോ​ധ​ന​ത്തി​ന്റെ മൂന്നു പ്രതി​ഫ​ല​ദാ​യ​ക​ങ്ങ​ളായ ദിനങ്ങൾ നിങ്ങളെ കാത്തി​രി​ക്കു​ന്നു. വെള്ളി​യാഴ്‌ച രാവിലെ 9:40-ന്‌ സംഗീ​ത​ത്തോ​ടെ പരിപാ​ടി ആരംഭി​ക്കു​മ്പോൾ സന്നിഹി​ത​രാ​യി​രി​ക്കുക. “സന്തുഷ്ട സ്‌തു​തി​പാ​ഠ​കരേ, സ്വാഗതം!” എന്ന ആരംഭ പ്രസം​ഗ​വും “സന്തുഷ്ട സ്‌തു​തി​പാ​ഠകർ എന്ന നിലയിൽ ലോക​വ്യാ​പ​ക​മാ​യി വേർതി​രി​ക്ക​പ്പെ​ട്ടി​രി​ക്കു​ന്നവർ” എന്ന മുഖ്യ​വി​ഷയ പ്രസം​ഗ​വും ആസ്വദി​ക്കുക.

വെള്ളി​യാ​ഴ്‌ച ഉച്ചതി​രി​ഞ്ഞത്തെ പരിപാ​ടി യുവാ​ക്ക​ളെ​യും അവരുടെ മാതാ​പി​താ​ക്ക​ളെ​യും വിദ്യാ​ഭ്യാ​സ​ത്തെ​യും കേന്ദ്രീ​ക​രി​ച്ചു​ള്ള​താ​യി​രി​ക്കും. “ഞാൻ വിവാ​ഹി​ത​നാ​കാൻ സജ്ജനാ​ണോ?” എന്ന പ്രസംഗം പലരും കേൾക്കാ​നാ​ഗ്ര​ഹി​ക്കുന്ന ഒന്നാണ്‌. “തങ്ങളുടെ കുട്ടി​ക​ളിൽ ആനന്ദം കണ്ടെത്തുന്ന മാതാ​പി​താ​ക്കൾ” എന്ന ചർച്ച മാതാ​പി​താ​ക്കൾ ശ്രദ്ധാ​പൂർവം കേൾക്കണം. ഉച്ചകഴി​ഞ്ഞുള്ള പരിപാ​ടി അവസാ​നി​ക്കു​ന്നത്‌ “വിദ്യാ​ഭ്യാ​സം—യഹോ​വയെ സ്‌തു​തി​ക്കു​ന്ന​തി​നു​വേണ്ടി അത്‌ ഉപയോ​ഗി​ക്കൽ” എന്ന പ്രസം​ഗ​ത്തോ​ടെ ആയിരി​ക്കും. പ്രദാ​നം​ചെ​യ്യ​പ്പെ​ടുന്ന കാര്യങ്ങൾ സ്‌കൂ​ളിൽ വിജയ​ക​ര​മാ​യി മുന്നോ​ട്ടു പോകു​ന്ന​തി​നു യുവാ​ക്കളെ സഹായി​ക്കേ​ണ്ട​താണ്‌.

“യഹോ​വയെ സ്‌തു​തി​ക്കാ​നുള്ള ആഹ്വാ​ന​ത്തി​നു ചെവി​കൊ​ടു​ക്കൽ” എന്ന ശനിയാഴ്‌ച രാവി​ലത്തെ സിം​പോ​സി​യം അനേകർക്കും പ്രോ​ത്സാ​ഹ​ജ​ന​ക​മാ​യി​രി​ക്കേ​ണ്ട​താണ്‌. രാവി​ലത്തെ സെഷൻ സ്‌നാപന പ്രസം​ഗ​ത്തോ​ടെ അവസാ​നി​ക്കും. ആളുകളെ കെണി​യി​ലാ​ക്കു​ന്ന​തിന്‌ ആദ്യകാ​ലം​മു​തൽ സാത്താൻ ലൈം​ഗി​കേ​ച്ഛയെ എങ്ങനെ ഉപയോ​ഗി​ച്ചി​രി​ക്കു​ന്നു എന്നതു സംബന്ധിച്ച്‌ ഉച്ചതി​രിഞ്ഞ്‌ ഒരു തുറന്ന ചർച്ച ഉണ്ടായി​രി​ക്കും. തങ്ങളുടെ ശുശ്രൂഷ കൂടുതൽ ഫലപ്ര​ദ​മാ​യി നിർവ​ഹി​ക്കാൻ ദൈവ​ജ​നത്തെ സജ്ജമാ​ക്കുന്ന വിവര​ങ്ങ​ളു​ടെ ഒരു അവതര​ണ​ത്തോ​ടു കൂടി ആ ദിവസത്തെ പരിപാ​ടി അവസാ​നി​ക്കും.

“മഹോ​പ​ദ്രവ”ത്തിനു മുമ്പ്‌ താമസം​വി​നാ സുരക്ഷാ​സ്ഥാ​ന​ത്തേക്ക്‌ ഓടേ​ണ്ട​തി​ന്റെ അടിയ​ന്തി​രാ​വ​ശ്യ​ത്തിൽ ശ്രദ്ധ​കേ​ന്ദ്രീ​ക​രി​ച്ചു​കൊ​ണ്ടുള്ള ഉത്തേജ​ക​മായ വിവരങ്ങൾ ഞായറാഴ്‌ച രാവി​ലത്തെ സെഷൻ വിശേ​ഷ​വ​ത്‌ക​രി​ക്കും. (മത്തായി 24:21, NW) “അർഹരാ​യ​വരെ അവരുടെ വാർധ​ക്യ​കാ​ലത്ത്‌ ആദരിക്കൽ” എന്ന പ്രധാ​ന​പ്പെട്ട നാടക​ത്തോ​ടു​കൂ​ടി ആ സെഷൻ അവസാ​നി​ക്കും. ഉച്ചകഴി​ഞ്ഞു നടക്കുന്ന, “നിത്യ​ത​യു​ടെ രാജാ​വി​നെ സ്‌തു​തി​ക്കുക!” എന്ന പരസ്യ​പ്ര​സം​ഗം കൺ​വെൻ​ഷന്റെ മറ്റൊരു മുഖ്യ​വ​ശ​മാണ്‌.

ഐക്യ​നാ​ടു​ക​ളിൽ തന്നെ 180 കൺ​വെൻ​ഷ​നു​കൾ പട്ടിക​പ്പെ​ടു​ത്തി​യി​രി​ക്കു​ന്നു. നിങ്ങളു​ടെ വീടി​നോട്‌ അകലെ​യ​ല്ലാ​തെ ഒരു കൺ​വെൻ​ഷൻ ഉണ്ടായി​രി​ക്കും. നിങ്ങൾക്ക്‌ ഏറ്റവും അടുത്തുള്ള ഒന്നിന്റെ സമയവും സ്ഥലവും മനസ്സി​ലാ​ക്കു​ന്ന​തിന്‌ നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളോ​ടു ചോദി​ക്കുക.