അവളുടെ ജീവി​ത​ത്തി​നു മാററം വരുത്തിയ ഒരു ദിനം

പള്ളിയിൽ പോയി​രു​ന്നെ​ങ്കി​ലും മതത്തോ​ടുള്ള താത്‌പ​ര്യം ഇല്ലാതാ​യി​ത്തീർന്നി​രു​ന്നു എന്ന്‌ യു.എസ്‌.എ.യിലെ അരി​സോ​ണ​യി​ലുള്ള ഒരു യുവതി പറഞ്ഞു. ഒടുവിൽ അവൾ പ്രാർഥ​ന​യിൽ ദൈവ​ത്തോട്‌ ഇങ്ങനെ പറഞ്ഞു: “ഞാൻ ഇനി പള്ളിയിൽപോ​ക്കു നിർത്തു​ക​യാണ്‌. എന്നിട്ട്‌ ഏററവും നല്ലതെന്ന്‌ എനിക്കു തോന്നുന്ന വിധത്തിൽ ഞാൻ ജീവി​ക്കാൻ പോകു​ക​യാണ്‌, ഒരു നല്ല വ്യക്തി​യാ​യി​രി​ക്കാൻ ഞാൻ ശ്രമി​ക്കും.”

പിന്നീട്‌ എന്തു സംഭവി​ച്ചു​വെന്ന്‌ ആ സ്‌ത്രീ വിശദീ​ക​രി​ച്ചു: “യഹോ​വ​യു​ടെ സാക്ഷി​ക​ളു​ടെ ഒരു പ്രത്യേക സമ്മേളന ദിനത്തിൽ സംബന്ധി​ക്കാൻ സ്ഥലത്തു വരു​മെന്ന്‌ എന്റെ ആൻറി ഫോൺ ചെയ്‌ത്‌ പറഞ്ഞു. അവർക്കും എന്റെ മച്ചൂനർക്കും അന്നു രാത്രി എന്റെ അപ്പാർട്ടു​മെൻറിൽ താമസി​ക്കാ​നാ​വു​മോ എന്നവർ ചോദി​ച്ചു. എന്നിട്ട്‌ ‘ഞങ്ങളോ​ടൊ​പ്പം പോരാൻ നിനക്കി​ഷ്ട​മാ​ണോ?’ എന്നും അവർ ചോദി​ച്ചു. ‘അതി​നെന്താ? അതിലും നല്ലൊരു കാര്യം എനിക്ക്‌ ചെയ്യാ​നി​ല്ല​ല്ലോ’ എന്നു ഞാൻ മറുപടി പറഞ്ഞതാ​യി ഓർക്കു​ന്നു. മതത്തി​ലുള്ള എന്റെ താത്‌പ​ര്യം ഏറെക്കു​റെ നിർജീ​വ​മാ​യി​രു​ന്നു.

“യഹോ​വ​യു​ടെ സാക്ഷി​കളെ സൂക്ഷി​ക്കേ​ണ്ട​താ​ണെന്ന്‌ എനിക്കു സദാ മുന്നറി​യി​പ്പു ലഭിച്ചി​രു​ന്നു. അതു​കൊണ്ട്‌ സമ്മേളനം നടന്നു​കൊ​ണ്ടി​രുന്ന സമയത്ത്‌, ഞാൻ കാര്യ​ങ്ങ​ളെ​ല്ലാം സശ്രദ്ധം നിരീ​ക്ഷി​ച്ചു​കൊ​ണ്ടി​രു​ന്നു. എന്നാൽ, ഒരു പറുദീ​സാ​ഭൂ​മി ഉണ്ടായി​രി​ക്കാ​നുള്ള ദൈവ​ത്തി​ന്റെ ആദി​മോ​ദ്ദേ​ശ്യം സംബന്ധി​ച്ചും ദൈവ​ത്തി​ന്റെ ആ ഉദ്ദേശ്യ​ത്തി​നു മാററം വന്നിട്ടില്ല എന്നതു സംബന്ധി​ച്ചും പറയപ്പെട്ട കാര്യ​ങ്ങ​ളിൽ യാതൊ​രു നിഗൂ​ഢ​ത​യും ഉണ്ടായി​രു​ന്നില്ല. ഊഷ്‌മ​ള​മായ ഈ വികാ​ര​ത്തോ​ടെ​യാണ്‌ ഞാനവി​ടെ ഇരുന്നത്‌, കുടും​ബങ്ങൾ ഒന്നിച്ചി​രി​ക്കു​ന്ന​തും ഐക്യ​ത്തി​ന്റെ ആത്മാവു പ്രകട​മാ​ക്കു​ന്ന​തും ഞാൻ നിരീ​ക്ഷി​ച്ചു. തല കുമ്പിട്ട്‌ ഞാൻ ശാന്തമാ​യി ദൈവ​ത്തോ​ടു ചോദി​ച്ചു: ‘ഇതായി​രി​ക്കു​മോ സത്യം? ഞാൻ അന്വേ​ഷി​ച്ചു​കൊ​ണ്ടി​രു​ന്നത്‌ ഇതായി​രി​ക്കു​മോ?’

“ആ ദിവസം ഞാൻ തിരി​ച്ചു​പോ​ന്ന​പ്പോൾ അവിട​മാ​കെ നിറഞ്ഞു​നിന്ന പുഞ്ചി​രി​യോ​ടെ ആളുകൾ കെട്ടി​പ്പി​ടി​ക്കു​ന്ന​തും ചുംബി​ച്ചു വേർപി​രി​യു​ന്ന​തും കണ്ടു. തങ്ങളുടെ വിശ്വാ​സ​വും യഹോവ ആരാ​ണെ​ന്നു​ള്ള​തും അവൻ അവർക്കു വേണ്ടി എന്തു ചെയ്‌തി​രി​ക്കു​ന്നു എന്നതും സംബന്ധിച്ച്‌ അവരുടെ മനസ്സി​ലോ ഹൃദയ​ത്തി​ലോ സംശയ​ത്തി​ന്റെ ഒരു നാമ്പു​പോ​ലും ഇല്ലെന്ന്‌ അവരുടെ മുഖങ്ങ​ളിൽ എനിക്കു കാണാൻ കഴിഞ്ഞു. അന്നുമു​തൽ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളിൽ ഞാൻ പോയി​ത്തു​ടങ്ങി, ഇന്നും അതു തുടരു​ന്നു. പിറേറ പ്രത്യേക സമ്മേളന ദിനത്തിൽ, 1988-ൽ, ജലസ്‌നാ​പ​ന​ത്തി​ലൂ​ടെ യഹോ​വ​ക്കുള്ള എന്റെ സമർപ്പ​ണത്തെ പരസ്യ​മാ​യി പ്രതീ​ക​പ്പെ​ടു​ത്തി​ക്കൊണ്ട്‌ ആ വിശിഷ്ട കുടും​ബ​ത്തി​ന്റെ ഭാഗമാ​യി​ത്തീർന്നു ഞാനും.”

യഹോ​വ​യു​ടെ സാക്ഷി​ക​ളു​ടെ വിശ്വാ​സ​ങ്ങ​ളും പ്രവർത്ത​ന​ങ്ങ​ളും സംബന്ധി​ച്ചു കൂടുതൽ അറിയാൻ ആഗ്രഹി​ക്കു​ന്നെ​ങ്കിൽ, അവരുടെ പ്രാ​ദേ​ശിക രാജ്യ​ഹാ​ളിൽവെച്ച്‌ അവരു​മാ​യി ബന്ധപ്പെ​ടുക. അല്ലെങ്കിൽ 5-ാം പേജിൽ പട്ടിക​പ്പെ​ടു​ത്തി​യി​രി​ക്കുന്ന നിങ്ങളു​ടെ ഏററവും അടുത്ത വിലാ​സ​ത്തിൽ എഴുതുക.

[32-ാം പേജിലെ ചിത്രം]

ഇവിടെ റഷ്യയിൽ കാണു​ന്ന​തു​പോ​ലെ, യഹോ​വ​യു​ടെ സാക്ഷി​ക​ളു​ടെ വലിയ കൂടി​വ​ര​വു​ക​ളിൽ ഊഷ്‌മ​ള​മായ ഒരു കുടും​ബ​പ്ര​തീ​തി വ്യാപി​ക്കു​ന്നു