ഡോക്ടർമാ​രും യഹോ​വ​യു​ടെ സാക്ഷി​ക​ളും തമ്മിലുള്ള ബന്ധങ്ങൾ മെച്ച​പ്പെ​ടു​ത്താ​നുള്ള സെമി​നാ​റു​കൾ

ഏതു വിധേ​ന​യും ക്രിസ്‌ത്യാ​നി​കൾ രക്തം ഭക്ഷിക്കു​ന്ന​തി​നെ ദൈവ​നി​യമം വിലക്കു​ന്നു. (പ്രവൃ​ത്തി​കൾ 15:28, 29) ആ നിയമ​ത്തോ​ടുള്ള അനുസ​രണം ചില​പ്പോൾ തെററി​ദ്ധാ​ര​ണ​ക​ളി​ലേക്കു നയിച്ചി​ട്ടുണ്ട്‌. അതിന്റെ ഫലമായി തങ്ങളുടെ ആരോ​ഗ്യ​പ്ര​ശ്‌ന​ങ്ങൾക്കു ലഭ്യമായ, ഫലപ്ര​ദ​മായ പകരചി​കി​ത്സാ​രീ​തി​കൾ ക്രിസ്‌ത്യാ​നി​കൾക്കു നിഷേ​ധി​ക്ക​പ്പെ​ട്ടി​ട്ടുണ്ട്‌.

നല്ലൊരു ധാരണ കൈവ​രി​ക്കു​ന്ന​തി​നും രക്തം ഉപയോ​ഗി​ക്കാ​തെ ചികിത്സ പ്രദാനം ചെയ്യാൻ ഡോക്ടർമാ​രെ സഹായി​ക്കു​ന്ന​തി​നും യഹോ​വ​യു​ടെ സാക്ഷികൾ സഹായ​ക​മായ ഒരു ഏകോപന സേവനം വികസി​പ്പി​ച്ചെ​ടു​ത്തി​ട്ടുണ്ട്‌. തിര​ഞ്ഞെ​ടു​ക്ക​പ്പെട്ട മൂപ്പൻമാർക്ക്‌ ആശുപ​ത്രി ഏകോപന സമിതി​ക​ളിൽ (HLCs) പ്രവർത്തി​ക്കു​ന്ന​തി​നു പരിശീ​ലനം നൽകാൻ യഹോ​വ​യു​ടെ സാക്ഷി​ക​ളു​ടെ ഭരണസം​ഘം ബ്രുക്ക്‌ളി​നിൽ ഹോസ്‌പി​ററൽ ഇൻഫർമേഷൻ സർവീ​സസ്‌ (HIS) സ്ഥാപി​ച്ചി​ട്ടുണ്ട്‌. വൈദ്യ​ശാ​സ്‌ത്ര​രം​ഗത്തു ഗവേഷണം നടത്തി എച്ച്‌എൽസി-കൾക്കു വേണ്ടി​യുള്ള സെമി​നാ​റു​ക​ളിൽ ഫലങ്ങൾ അവതരി​പ്പി​ക്കു​ന്നു. ക്രമത്തിൽ ഈ വിവരങ്ങൾ ഡോക്ടർമാർക്കും ആരോ​ഗ്യ​പ​രി​പാ​ലന കേന്ദ്ര​ങ്ങൾക്കും എത്തിച്ചു​കൊ​ടു​ക്കു​ന്നു. മാത്രമല്ല, ഏററു​മു​ട്ടൽ ഒഴിവാ​ക്കു​ന്ന​തി​നുള്ള ഒരു ശ്രമത്തിൽ അനുഭ​വ​പ​രി​ച​യ​മുള്ള മററു ഡോക്ടർമാ​രു​മാ​യി കൂടി​ക്കാ​ഴ്‌ച​യ്‌ക്കു ക്രമീ​ക​രി​ക്കാ​വു​ന്ന​താണ്‌.

ഈ പരിപാ​ടി ഒരു വിജയ​മാ​യി​രു​ന്നോ? അവതരി​പ്പിച്ച വിവരങ്ങൾ വാസ്‌ത​വ​ത്തിൽ സഹായ​ക​മാ​യി​രു​ന്നോ? ഇതി​നോട്‌ ഡോക്ടർമാർ എങ്ങനെ​യാ​ണു പ്രതി​ക​രി​ച്ചി​ട്ടു​ള്ളത്‌? അടുത്ത​കാ​ലത്തെ ഒരു എച്ച്‌എൽസി സെമി​നാ​റിൽ സംബന്ധിച്ച ഒരു മെഡിക്കൽ ഡോക്ടർ റിപ്പോർട്ടു ചെയ്‌ത പിൻവ​രുന്ന അഭി​പ്രാ​യങ്ങൾ വിജ്ഞാ​ന​പ്ര​ദ​വും ആത്മവി​ശ്വാ​സം വർധി​പ്പി​ക്കു​ന്ന​തു​മാണ്‌.

“ഈ അഭി​പ്രാ​യങ്ങൾ വളച്ചു​കെ​ട്ടി​ല്ലാ​ത്ത​തും ഉപയോ​ഗ​പ്ര​ദ​വു​മാ​ണെന്നു നിങ്ങൾ കണ്ടെത്തു​മെന്നു ഞാൻ പ്രത്യാ​ശി​ക്കു​ന്നു.

“യഹോ​വ​യു​ടെ സാക്ഷി​ക​ളു​ടെ ന്യൂ​യോർക്കി​ലുള്ള ആസ്ഥാന​ത്തു​നി​ന്നു വന്ന ഹോസ്‌പി​ററൽ ഇൻഫർമേഷൻ സർവീ​സ​സി​ലെ സ്‌ററാ​ഫം​ഗങ്ങൾ അവതരി​പ്പിച്ച രണ്ടാമത്തെ ആശുപ​ത്രി ഏകോപന സമിതി സെമി​നാ​റിൽ സംബന്ധി​ക്കാൻ ക്ഷണിക്ക​പ്പെ​ട്ടത്‌ ഒരു പദവി​യാ​യി​രു​ന്നു​വെന്നു ഞാൻ ആദ്യമാ​യി നിങ്ങ​ളോ​ടു പറഞ്ഞു​കൊ​ള്ളട്ടെ. ഈ കൂടി​വ​ര​വി​നെ സംബന്ധിച്ച എന്റെ പ്രതീ​ക്ഷകൾ കേവലം സഫലമാ​കുക മാത്രമല്ല, അതിലും കവിഞ്ഞി​രി​ക്കു​ന്നു. അധ്യക്ഷന്റെ പ്രാരംഭ അഭി​പ്രാ​യങ്ങൾ ദ്വി-ദിന സെഷനു​ക​ളു​ടെ പൊതു​സ്വ​ഭാ​വം പ്രകട​മാ​ക്കി. ആശുപ​ത്രി​യിൽ കഴിയുന്ന സമയത്തു രോഗി​ക​ളായ സാക്ഷി​ക​ളു​ടെ ആവശ്യ​ങ്ങ​ളോ​ടു പ്രതി​ക​രി​ക്കാ​നുള്ള ഒരു കേവല സംവി​ധാ​നമല്ല എച്ച്‌എൽസി എന്ന്‌ അദ്ദേഹം ഊന്നി​പ്പ​റഞ്ഞു. പൊതു​ജ​ന​ങ്ങ​ളും ഡോക്ടർമാ​രും ആശുപ​ത്രി അധികൃ​ത​രും വൈദ്യ​രം​ഗത്തെ മററാ​ളു​ക​ളും സാക്ഷി​ക​ളെ​ക്കു​റി​ച്ചു സാധാ​ര​ണ​മാ​യി വെച്ചു​പു​ലർത്തുന്ന അനേകം മിഥ്യാ​ധാ​ര​ണ​കളെ തുറന്നു​കാ​ട്ടാ​നുള്ള സുവർണാ​വ​സരം ഈ കമ്മിററി പ്രദാനം ചെയ്യുന്നു.

“വൈദ്യ​ശാ​സ്‌ത്ര​സം​ബ​ന്ധ​മായ തങ്ങളുടെ വിശ്വാ​സ​ങ്ങ​ളിൽ യഹോ​വ​യു​ടെ സാക്ഷികൾ അശേഷ​വും ക്രിസ്‌റ​റ്യൻ സയൻറി​സ്‌റ​റു​ക​ളെ​പ്പോ​ലെയല്ല എന്നു മനസ്സി​ലാ​ക്കു​ന്നത്‌ അനേകം ആളുകളെ സംബന്ധി​ച്ചി​ട​ത്തോ​ളം കണ്ണുതു​റ​പ്പി​ക്കുന്ന ഒരു സംഗതി​യാണ്‌. സാക്ഷികൾ ‘മരിക്കാ​നുള്ള അവകാശം’ പ്രയോ​ഗി​ക്കു​ക​യോ രക്തസാ​ക്ഷി​ത്വ​സ്ഥാ​നത്തു തങ്ങളെ​ത്തന്നെ പ്രതി​ഷ്‌ഠി​ക്കാൻ ഒരു​മ്പെ​ടു​ക​യോ അല്ല. രക്തം സംബന്ധിച്ച പ്രശ്‌നം സ്ഥാപന​പ​ര​മായ ഒരു കൽപ്പനയല്ല, മറിച്ച്‌ ഹൃദയം​ഗ​മ​മായ ഒരു വ്യക്തിഗത വിശ്വാ​സ​മാണ്‌. അത്തരം വെളി​പ്പെ​ടു​ത്ത​ലു​കൾ എച്ച്‌എൽസി-യുടെ വിദ്യാ​ഭ്യാ​സ​പ​ര​മായ ഉദ്ദേശ്യ​ങ്ങൾക്ക്‌ അടിവ​ര​യി​ടു​ന്നു. അതേ, ശ്രദ്ധേ​യ​മാ​യി​രി​ക്കാ​വു​ന്ന​തു​പോ​ലെ, ഡോക്ടർമാ​രെ പോലും പഠിപ്പി​ക്കാൻ കഴിയും, രക്തരഹിത വൈദ്യ​ചി​കി​ത്സാ രീതികൾ സംബന്ധിച്ച്‌ അവർ വളരെ​യ​ധി​കം കാര്യങ്ങൾ പഠിക്കാ​നുണ്ട്‌. ഈ ക്രമീ​ക​ര​ണം​വഴി നൽകിയ ഗവേഷ​ണ​ത്തി​ന്റെ വ്യാപ്‌തി​യി​ലും ആഴത്തി​ലും ഞാൻ നിരന്തരം അമ്പരന്നു​പോ​കു​ന്നു, അവയി​ല​ധി​ക​വും എന്നെ സംബന്ധി​ച്ചി​ട​ത്തോ​ളം പുതിയവ ആയിരു​ന്നു. എച്ച്‌എൽസി-യുടെ വിദ്യാ​ഭ്യാ​സ​പ​ര​മായ പ്രവർത്ത​നങ്ങൾ ഇവിടെ അവസാ​നി​ക്കു​ന്നില്ല. ആശുപ​ത്രി അധികൃ​തർ, സാമൂ​ഹിക സേവകർ, നിയമ​വും ജുഡീ​ഷ്യ​റി​യും കൈകാ​ര്യം ചെയ്യുന്ന ഉദ്യോ​ഗസ്ഥർ എന്നിവ​രി​ലേ​ക്കും അവരുടെ സേവനങ്ങൾ വ്യാപി​ക്കു​ന്നു.

“സാക്ഷി​ക​ളു​ടെ വിശ്വാ​സ​ങ്ങ​ളോ​ടു സഹകര​ണ​മ​നോ​ഭാ​വ​മുള്ള ഡോക്ടർമാ​രെ കണ്ടെത്തി അവരു​മാ​യി ബന്ധപ്പെട്ട്‌ അവരുടെ ലിസ്‌റെ​റ​ടു​ക്കു​ന്ന​തിന്‌ ഈ കമ്മിറ​റി​കൾ അസാധാ​ര​ണ​മായ ശ്രമങ്ങ​ളാ​ണു നടത്തു​ന്നത്‌. തീർച്ച​യാ​യും, അതിൽ ഡോക്ടർമാ​രു​ടെ സമൂഹം മാത്രമല്ല ഉൾപ്പെ​ടു​ന്നത്‌, എച്ച്‌എൽസി ആശുപ​ത്രി​കൾ, ആരോഗ്യ സംരക്ഷകർ, വക്കീലൻമാർ, ന്യായാ​ധി​പൻമാർ തുടങ്ങി​യ​വ​രു​മാ​യി തൊഴിൽ ബന്ധങ്ങൾ നട്ടുവ​ളർത്തു​ക​യാണ്‌. ഒരുപക്ഷേ, അവർ നൽകുന്ന ഏററവും പ്രധാ​ന​മായ സന്ദേശം യഹോ​വ​യു​ടെ സാക്ഷികൾ ന്യായ​ബോ​ധ​മുള്ള ആളുക​ളാണ്‌, മതഭ്രാ​ന്തൻമാ​രല്ല എന്നതാണ്‌. അവർ കേവലം രക്തത്തിനു പകരം സ്വീകാ​ര്യ​മായ മററു ചികി​ത്സകൾ ആവശ്യ​പ്പെ​ടു​ന്നു എന്നേയു​ള്ളൂ. . . . രക്തത്തിന്റെ ഉപയോ​ഗ​ത്തിൽ വലിയ അപകട​ങ്ങ​ളുണ്ട്‌, ഈ അപകട​ങ്ങളെ തുറന്നു​കാ​ട്ടു​ന്ന​തി​ലും രക്തത്തി​ന്റെ​യും രക്തോ​ത്‌പ​ന്ന​ങ്ങ​ളു​ടെ​യും സാധ്യ​മായ അപകടങ്ങൾ സംബന്ധി​ച്ചു വൈദ്യ​ശാ​സ്‌ത്ര​ലോ​ക​ത്തോട്‌ ഉറപ്പി​ച്ചു​പ​റ​യു​ന്ന​തി​ലും എച്ച്‌എൽസി നിശ്ചയ​മാ​യും ഒരു പ്രമുഖ ധർമം നിറ​വേ​റ​റു​ന്നു.

“ഹോസ്‌പി​ററൽ ഇൻഫർമേഷൻ സർവീ​സ​സും വാച്ച്‌ ടവർ സൊ​സൈ​റ​റി​യും എച്ച്‌എൽസി-ക്കു നൽകുന്ന വിവര​ങ്ങ​ളിൽ ഞാൻ നിരന്തരം അമ്പരന്നു​പോ​കു​ന്നു. ഏതൊരു വിദഗ്‌ധ ജോലി​ക്കാ​ര​നും സാക്ഷ്യ​പ്പെ​ടു​ത്തു​ന്ന​തു​പോ​ലെ, ശരിയായ ഉപകര​ണങ്ങൾ ഉണ്ടെങ്കിൽ ഫലത്തിൽ ഏതൊരു ജോലി​യും നിർവ​ഹി​ക്കാ​നാ​കും. . . . ഏതുതരം അടിയ​ന്തിര ചികിത്സാ സാഹച​ര്യ​ങ്ങ​ളോ​ടും ഫലപ്ര​ദ​മാ​യി സത്വരം പ്രതി​ക​രി​ക്കാൻ ഇപ്പോൾ നിലവി​ലുള്ള ക്രമീ​ക​ര​ണ​ങ്ങ​ളെ​ക്കു​റി​ച്ചു കേട്ട​പ്പോൾ അമ്പരന്നു​പോ​യി. അത്യാ​വശ്യ സ്ഥിതി​വി​വരം സമ്പാദി​ക്കാ​നും ഡോക്ടർമാ​രു​ടെ​യും ആശുപ​ത്രി​ക​ളു​ടെ​യും മനോ​ഭാ​വ​ത്തെ​ക്കു​റി​ച്ചു സത്വരം വിലയി​രു​ത്താ​നും, അടിയ​ന്തി​ര​ത​യു​ടെ അളവും കോടതി ഉത്തരവു​കൾ മുഖേന രക്തപ്പകർച്ച നടത്താൻ ആശുപ​ത്രി നിയമ​പ​ര​മായ നടപടി സ്വീക​രി​ക്കാൻ സാധ്യ​ത​യുള്ള ഭീഷണി​യും വിലയി​രു​ത്താ​നും ഓരോ എച്ച്‌എൽസി അംഗവും പരിശീ​ലി​പ്പി​ക്ക​പ്പെ​ടു​ന്നു.

“സാക്ഷി​ക​ളായ രോഗി​ക​ളു​ടെ ആവശ്യ​ങ്ങ​ളും അഭിലാ​ഷ​ങ്ങ​ളും വിശദീ​ക​രി​ക്കു​ന്ന​തി​നുള്ള മാർഗങ്ങൾ, അവിശ്വാ​സി​ക​ളായ ബന്ധുക്കളെ കൈകാ​ര്യം ചെയ്യുന്ന വിധം, ഡോക്ടർമാ​രെ ഒഴിവാ​ക്കി സാക്ഷി​ക​ളു​ടെ ആവശ്യ​ങ്ങ​ളോ​ടു കൂടുതൽ സഹകരി​ക്കുന്ന മററു ചികി​ത്സാ​ല​യ​ങ്ങ​ളി​ലേക്കു രോഗി​യെ മാററു​ന്ന​തെ​ങ്ങ​നെ​യെന്നു പോലും ഞങ്ങൾ ആരാഞ്ഞു. വാർത്താ​മാ​ധ്യ​മ​ങ്ങ​ളോട്‌ എച്ച്‌എൽസി ഇടപെ​ടുന്ന വിധം വിശേ​ഷ​വ​ത്‌ക​രി​ച്ചു, മാർഗ​നിർദേ​ശ​ങ്ങ​ളും പ്രദാനം ചെയ്യ​പ്പെട്ടു. സാക്ഷികൾ എല്ലാ ചികി​ത്സ​യും അല്ല, രക്തം മാത്രമേ നിരസി​ക്കു​ന്നു​ള്ളൂ എന്ന പ്രാഥ​മിക സംഗതിക്ക്‌ വീണ്ടും ഊന്നൽ കൊടു​ത്തു​കൊ​ണ്ടു​തന്നെ. ഭക്തിയുള്ള ഒരു കത്തോ​ലി​ക്കൻ എല്ലാ ശസ്‌ത്ര​ക്രി​യ​യും നിരസി​ക്കാ​തെ​തന്നെ ഗർഭച്ഛി​ദ്ര​ത്തി​നു വിസമ്മ​തി​ക്കു​ന്ന​തി​നോട്‌ ഏറെക്കു​റെ സമാന​മാ​യി ഇതിനെ കണക്കാ​ക്കാം.

“സാധാ​ര​ണ​മാ​യി ആശുപ​ത്രി​ക​ളും ഡോക്ടർമാ​രും ചില​പ്പോൾ സാക്ഷി​കൾത​ന്നെ​യും ഉന്നയി​ക്കാ​റുള്ള പല ചോദ്യ​ങ്ങ​ളും കൈകാ​ര്യം ചെയ്യാൻ ഏകോപന സമിതി അംഗങ്ങൾ പരിശീ​ലി​പ്പി​ക്ക​പ്പെ​ട്ടി​ട്ടുണ്ട്‌. ഇമ്മ്യൂ​ണോ​ഗ്ലോ​ബു​ലിൻസി​ന്റെ​യോ ആൽബു​മി​ന്റെ​യോ സ്വീകാ​ര്യ​ത​യും ക്രയോ​പ്രി​സി​പ്പി​റേ​റ​റ​റി​ന്റെ​യോ അല്ലെങ്കിൽ ഹീമോ​ഡ​യ​ലൂ​ഷൻ, രക്തം ശരീര​ത്തി​നു വെളി​യി​ലൂ​ടെ കടത്തി​വി​ടൽ, സെൽ സേവർ, ഹീമോ​ഡ​യാ​ലി​സിസ്‌ എന്നീ ചികി​ത്സാ​വി​ധി​ക​ളു​ടെ​യോ ഉപയോ​ഗം, തുടങ്ങിയ പ്രശ്‌നങ്ങൾ ഇതിൽ ഉൾപ്പെ​ട്ടേ​ക്കാം.

“സാക്ഷി​ക​ളു​ടെ​യും അവരുടെ മതവി​ശ്വാ​സ​ങ്ങ​ളു​ടെ​യും പരിര​ക്ഷ​ണ​ത്തി​നു നിയമം മനസ്സി​ലാ​ക്കു​ന്ന​തി​ലും ഉപയോ​ഗി​ക്കു​ന്ന​തി​ലും ഉൾപ്പെ​ട്ടി​രി​ക്കുന്ന നിയമ​പ​ര​മായ പരിചി​ന്ത​നങ്ങൾ സംബന്ധിച്ച വിസ്‌മ​യാ​വ​ഹ​മായ ഒരു ചർച്ച ഞാൻ ആസ്വദി​ച്ചു. ചികി​ത്സാ​സം​ബ​ന്ധ​മായ സ്വയനിർണ​യ​ത്തി​നുള്ള സാക്ഷി​ക​ളു​ടെ അവകാ​ശ​ങ്ങൾക്കു വേണ്ടി പ്രതി​വാ​ദി​ക്കു​ന്ന​തിന്‌ അടിസ്ഥാ​നം പ്രദാനം ചെയ്യുന്ന ന്യായ​ത്തീർപ്പു​കൾ നല്ല ചർച്ചയ്‌ക്കുള്ള അടിത്ത​റ​യാണ്‌. ചിലരെ സംബന്ധി​ച്ചി​ട​ത്തോ​ളം, ആശുപ​ത്രി ഏകോപന സമിതി​യു​ടെ പ്രവർത്തനം അനാവ​ശ്യ​മോ അധിക​പ്പ​റേറാ ആണെന്നു തോന്നി​യേ​ക്കാം; എന്നാൽ സത്യത്തിൽ, പിന്തു​ണാ​സേ​വ​ന​ങ്ങ​ളു​ടെ ഈ ശൃംഖല അനിവാ​ര്യ​മാണ്‌. ആശുപ​ത്രി ചുററു​പാ​ടു​ക​ളു​മാ​യി പരിച​യ​മി​ല്ലാ​ത്ത​വ​രും ഒരുപക്ഷേ, രക്തരഹി​ത​മായ പല ചികി​ത്സ​ക​ളെ​യും സംബന്ധിച്ച്‌ അറിവി​ല്ലാ​ത്ത​വ​രു​മായ സാക്ഷി​ക​ളായ രോഗി​കളെ ഞാൻ ദിവസ​വും കാണാ​റുണ്ട്‌. മാത്രമല്ല, കമ്മിറ​റി​ക്ക​റി​യാ​വുന്ന സഹകര​ണ​മ​നോ​ഭാ​വ​മുള്ള ഡോക്ടർമാ​രു​ടെ വ്യാപ്‌തി സംബന്ധി​ച്ചോ രക്തരഹിത മെഡിക്കൽ ചികിത്സ തേടു​ന്ന​തിൽ നമുക്കു​ള്ള​തും നാം അഭിമു​ഖീ​ക​രി​ക്കു​ന്ന​തു​മായ പ്രത്യേക നിയമാ​വ​കാ​ശ​ങ്ങ​ളും ബാധ്യ​ത​ക​ളും സംബന്ധി​ച്ചോ, അപൂർവം പേർക്കേ സത്യത്തിൽ പരിച​യ​മു​ള്ളൂ.

“എച്ച്‌ഐ​എസ്‌-ന്റെ ശ്രമങ്ങളെ ശ്ലാഘി​ക്കാൻ ഞാൻ ഒരു നിമിഷം ഉപയോ​ഗി​ക്കട്ടെ. ഒരു ഇൻവെൻഷണൽ കാർഡി​യോ​ള​ജി​സ്‌ററ്‌ എന്നനി​ല​യിൽ, എന്റെ ഉപവി​ഷ​യ​ത്തോട്‌ അടുത്തു ബന്ധപ്പെട്ട പല പത്രി​ക​ക​ളും വായി​ക്കാൻ സമയമി​ല്ലെന്നു ഞാൻ മനസ്സി​ലാ​ക്കു​ന്നു, അപ്പോൾപ്പി​ന്നെ ശസ്‌ത്ര​ക്രിയ വേണ്ടാ​ത്ത​വർക്കുള്ള ചികി​ത്സാ​രീ​തി​ക​ളു​ടെ കാര്യം പറയേ​ണ്ട​തി​ല്ല​ല്ലോ. എന്റെ രോഗി​കളെ രക്തം കൂടാതെ ചികി​ത്സി​ക്കു​മ്പോൾ നേരി​ടുന്ന പ്രശ്‌ന​ങ്ങ​ളു​ടെ സുനി​ശ്ചി​ത​മായ ചില പരിഹാ​ര​മാർഗങ്ങൾ നിർദേ​ശി​ച്ചേ​ക്കാ​വുന്ന റഫറൻസു​കൾക്കു വേണ്ടി മെഡിക്കൽ സാഹി​ത്യ​ത്തി​ന്റെ വൈ​ക്കോൽകൂന മുഴുവൻ അരിച്ചു​പെ​റു​ക്കുക അസാധ്യ​മായ ഒരു പണിയാ​യി​രി​ക്കും. പത്രി​കാ​ലേ​ഖ​ന​ങ്ങ​ളാ​കുന്ന കച്ചിത്തു​റു​വിൽനിന്ന്‌ പ്രസക്ത ഗവേഷ​ണ​ത്തി​ന്റെ സൂചി കണ്ടെടു​ക്കാൻ ഒരു കാന്തം തന്നു​കൊണ്ട്‌ ഒരിക്കൽക്കൂ​ടി സൊ​സൈ​ററി എന്റെ സഹായ​ത്തി​നെ​ത്തു​ന്നു.

“ബ്രുക്ക്‌ളി​നിൽനി​ന്നു തുടർച്ച​യാ​യി ലഭിക്കുന്ന വിവരങ്ങൾ എന്റെ ജോലി​യെ സാരമാ​യി ബാധി​ച്ചേ​ക്കാ​വുന്ന ഏററവും പുതിയ കണ്ടുപി​ടി​ത്ത​ങ്ങ​ളു​മാ​യി പരിച​യ​ത്തി​ലാ​കാൻ ഉതകുന്നു. ഇവ ഞാൻ പരിച​യി​ച്ചി​ട്ടുള്ള, പത്രി​കാ​പു​ന​ര​വ​ലോ​ക​ന​ത്തി​ന്റെ ഏതു കമ്പ്യൂട്ടർ സേവന​ങ്ങ​ളെ​ക്കാ​ളും സമ്പൂർണ​വും ശക്തവു​മാണ്‌. തീർച്ച​യാ​യും, അപകട​ത്തി​ലാ​യി​രി​ക്കു​ന്നത്‌ എന്തെന്നു പരിചി​ന്തി​ക്കു​മ്പോൾ അത്‌ അങ്ങനെ​തന്നെ വേണം​താ​നും.”—ഡോ. സ്‌ററീ​ഫൻ ഇ. പോപ്‌, യു.എസ്‌.എ.-യിലെ കാലി​ഫോർണി​യ​യി​ലുള്ള സാൻഫ്രാൻസി​സ്‌കോ ഉൾക്കടൽ പ്രദേ​ശത്തെ ഒരു കാർഡി​യോ​ള​ജി​സ്‌ററ്‌.

[20-ാം പേജിലെ ചതുരം]

• ഐക്യ​നാ​ടു​ക​ളിൽ യഹോ​വ​യു​ടെ സാക്ഷി​കൾക്കു രക്തരഹിത വൈദ്യ​ശു​ശ്രൂഷ പ്രദാനം ചെയ്‌തു​കൊ​ണ്ടു സഹകരി​ക്കാൻ സന്തോ​ഷ​മുള്ള ഏതാണ്ട്‌ 18,000 ഡോക്ടർമാ​രുണ്ട്‌. ലോക​വ്യാ​പ​ക​മാ​യി ആ സംഖ്യ 50,000 ആണ്‌.

• ഐക്യ​നാ​ടു​ക​ളിൽ രക്തരഹിത ചികി​ത്സ​യും ശസ്‌ത്ര​ക്രി​യ​യും ലഭിക്കുന്ന 45 ചികിത്സാ കേന്ദ്ര​ങ്ങ​ളുണ്ട്‌. ലോക​വ്യാ​പ​ക​മാ​യി ആ സംഖ്യ 80 ആണ്‌.