“വംശനാ​ശം ഭവിച്ച” പക്ഷി വീണ്ടു​മി​താ

വീട്ടിൽ വളർത്തുന്ന പിട​ക്കോ​ഴി​യു​ടെ അത്രയും വലിപ്പ​വും തത്തമ്മയു​ടേ​തു​പോ​ലെ ചുവന്ന ചുണ്ടും നീലാ​രുണ വർണത്തി​ലുള്ള തൂവലും ഉള്ളതും പറക്കാൻ കഴിവി​ല്ലാ​ത്ത​തും 1900 മുതൽ 1948 വരെയുള്ള കാലയ​ള​വിൽ വംശനാ​ശം സംഭവി​ച്ച​താ​യി കരുത​പ്പെ​ട്ടി​രു​ന്ന​തു​മായ പക്ഷി​യേ​താണ്‌? മറെറാ​രു സൂചന കൂടെ: അതിനെ ന്യൂസി​ലൻഡിൽ മാത്രമേ കാണാ​നൊ​ക്കൂ, അതി​നൊ​രു ന്യൂസി​ലൻഡു നിവാ​സി​യു​ടെ പേരു​മാണ്‌. അത്‌ ററാക്കാ​ഹി അഥവാ നൊ​ട്ടൊർനിസ്‌ മാന്റെല്ലി ഹൊച്ച്‌സ്‌റെ​റ​റൈ ആണ്‌.

ന്യൂസി​ലൻഡി​ലെ തെക്കൻ ദ്വീപി​ന്റെ തെക്കു​പ​ടി​ഞ്ഞാ​റുള്ള ഫിയോർഡ്‌ലൻഡി​ലെ മർച്ചസൻ-കെപ്ലർ പർവത​നി​ര​ക​ളു​ടെ ഉയർന്ന പ്രദേ​ശ​ങ്ങ​ളി​ലാണ്‌ പിടി​കൊ​ടു​ക്കാത്ത ഈ പക്ഷികൾ വർഷത്തി​ന്റെ ഭൂരി​ഭാ​ഗ​വും ചെലവ​ഴി​ക്കു​ന്നത്‌. എന്നിരു​ന്നാ​ലും, നമ്മുടെ ഫോ​ട്ടോ​യിൽ കാണുന്ന റെറ ആനൗവി​ലെ ചെറിയ പൊതു​പാർക്കി​ലുള്ള ഈ പക്ഷി​യെ​പ്പോ​ലെ ചുരുക്കം ചിലതി​നെ കൂട്ടി​ലി​ട്ടു വളർത്തു​ന്നുണ്ട്‌. “മററു സ്ഥലങ്ങളിൽനി​ന്നു വന്നിട്ടുള്ള മൃഗങ്ങ​ളു​ടെ മത്സരത്തി​ന്റെ​യും ഇരപി​ടി​യു​ടെ​യും ഫലമായി” ഈ വലിയ പക്ഷി (ഏകദേശം 25 ഇഞ്ച്‌ നീളമു​ള്ളത്‌) “ഒരു വിപത്‌ക​ര​മായ നാശം അനുഭ​വി​ച്ചി​രി​ക്കു​ന്നു” എന്ന്‌ ദി ഇല്ലസ്‌​ട്രേ​റ​റഡ്‌ എൻ​സൈ​ക്ലോ​പീ​ഡിയ ഓഫ്‌ ബേർഡ്‌സ്‌ പ്രസ്‌താ​വി​ക്കു​ന്നു. കൂട്ടി​ലി​ട്ടു വംശവർധ​നവ്‌ നടത്തു​ക​യും ഇരപി​ടി​യൻ മൃഗങ്ങളെ നിയ​ന്ത്രി​ക്കു​ക​യും ചെയ്‌തി​ട്ടും അത്‌ വംശനാ​ശം സംഭവി​ച്ചു​കൊ​ണ്ടി​രി​ക്കുന്ന ഒരു വർഗമാണ്‌.

“അത്‌ വിത്തിന്റെ തലപ്പങ്ങ​ളും പുല്ലിന്റെ നേർമ​യുള്ള ചുവടു​ക​ളും തിന്നുന്നു”വെന്ന്‌ ഇതേ സ്രോ​ത​സ്സു​തന്നെ പറയുന്നു. എന്നാൽ അതിന്‌ “മററു സ്ഥലങ്ങളിൽനി​ന്നു വരുന്ന മാനു​ക​ളു​മാ​യി” ആഹാര​ത്തി​നു​വേണ്ടി മത്സരി​ക്കേ​ണ്ടി​വ​രു​ന്നു. “സാധാ​ര​ണ​മാ​യി” അത്‌ “മത്സരത്തിൽ തോൽക്കു​ന്നു.” ന്യൂസി​ലൻഡി​ലെ അപൂർവ സൃഷ്ടി​ക​ളു​ടെ പട്ടിക​യിൽനിന്ന്‌ അസാധാ​ര​ണ​മായ ഈ പക്ഷി അപ്രത്യ​ക്ഷ​മാ​വി​ല്ലെന്ന്‌ നമുക്കു പ്രത്യാ​ശി​ക്കാം.