ഞങ്ങളുടെ വായന​ക്കാ​രിൽ നിന്ന്‌

വൃദ്ധജ​ന​ങ്ങളെ ബഹുമാ​നി​ക്കുക “നിങ്ങൾ വൃദ്ധജ​ന​ങ്ങളെ ബഹുമാ​നി​ക്കു​ന്നു​വോ?” (ജനുവരി 8, 1992) എന്ന വിഷയത്തെ ആസ്‌പ​ദ​മാ​ക്കി​യുള്ള ലേഖന​ങ്ങൾക്ക്‌ നന്ദി. ദൈവ​ത്തോ​ടുള്ള വിശ്വ​സ്‌ത​മായ 40 വർഷത്തെ സേവന​ത്തി​നു​ശേഷം എന്റെ അമ്മക്ക്‌ കേന്ദ്ര നാഡീ​വ്യൂ​ഹ​ത്തി​ന്റെ ക്ഷയിക്കൽ എന്ന അസുഖം മൂലം മുഴു​സമയ പരിച​രണം ആവശ്യ​മാ​യി​രു​ന്നു. വാച്ച്‌ടവർ സൊ​സൈ​ററി പ്രസി​ദ്ധീ​ക​രിച്ച കലണ്ടർ ഒരു വലിയ സഹായ​മാ​ണെന്നു തെളിഞ്ഞു, കാരണം അമ്മയുടെ അനേകം സന്ദർശകർ തങ്ങളുടെ സന്ദർശ​ന​ത്തീ​യ​തി​യിൽ തങ്ങളുടെ പേര്‌ എഴുതു​മാ​യി​രു​ന്നു. പകുതി​യി​ല​ധി​കം തീയതി​ക​ളും പേരു​ക​ളാൽ നിറഞ്ഞി​രു​ന്ന​തി​നാൽ അമ്മയുടെ ഏക സന്ദർശക ഞാൻ മാത്ര​മാ​യി​രു​ന്നില്ല എന്ന്‌ എനിക്ക്‌ അമ്മയെ ഓർമ്മി​പ്പി​ക്കാൻ കഴിഞ്ഞു! കൂടാതെ അമ്മയുടെ ക്ഷേമത്തിൽ അനേകർ തല്‌പ​ര​രാ​ണെന്ന്‌ നേഴ്‌സിംഗ്‌ ഹോമി​ലെ ജോലി​ക്കാർക്ക്‌ അറിയാ​മാ​യി​രു​ന്ന​തി​നാൽ അമ്മക്ക്‌ അവരിൽ നിന്ന്‌ അത്യു​ത്ത​മ​മായ ശുശ്രൂഷ ലഭിക്കു​ക​യും ചെയ്‌തു. ഞങ്ങൾക്ക്‌ വേണ്ടി​യുള്ള നിങ്ങളു​ടെ കരുത​ലിന്‌ നന്ദി.

ഡബ്‌ള്യൂ. ജെ. എച്ച്‌., ഐക്യ​നാ​ടു​കൾ

അരയ്‌ക്കു താഴേക്ക്‌ തളർന്നു​പോയ എന്റെ അമ്മ മലമൂത്ര വിസർജ്ജനം പോലുള്ള ശരീര​പ്ര​ക്രി​യ​കളെ നിയ​ന്ത്രി​ക്കു​ന്ന​തി​നുള്ള കഴിവി​ല്ലായ്‌മ മൂലം ദുരി​ത​മ​നു​ഭ​വി​ക്കു​ക​യാണ്‌. ഞങ്ങൾ അവരെ പൂർണ്ണ​മാ​യും കഴുകു​ക​യും ദിവസ​വും രാവിലെ കിടക്ക​വി​രി മാററു​ക​യും വേണം. അവരെ വസ്‌ത്രം ഉടുപ്പി​ക്കു​ക​യും ഭക്ഷണം കഴിപ്പി​ക്കു​ക​യും വേണം, കൂടാതെ മിക്ക​പ്പോ​ഴും വൈദ്യ​ചി​കി​ത്സ​യും ആവശ്യ​മാണ്‌. എന്റെ ഭർത്താ​വും കുട്ടി​ക​ളും ഒരു യഥാർത്ഥ പിന്തുണ തന്നെയാണ്‌, എന്നിരു​ന്നാ​ലും ഉത്തരവാ​ദി​ത്ത​ത്തിൽ അധിക​പ​ങ്കും എനിക്കാണ്‌. നിരാ​ശ​യു​ടേ​തായ നിമി​ഷങ്ങൾ എനിക്കു​ണ്ടാ​കാ​റുണ്ട്‌, അതിനാൽ സ്വാത്മ​പ​രി​ത്യാ​ഗ​ത്തി​ന്റേ​തായ ഒരു നിരന്തര ആത്മാവ്‌ എനിക്കാ​വ​ശ്യ​മാണ്‌. അതു​കൊണ്ട്‌ അത്യധി​കം സന്തോ​ഷ​ത്തോ​ടെ​യാ​യി​രു​ന്നു ഞാൻ നിങ്ങളു​ടെ ലേഖനങ്ങൾ വായി​ച്ചത്‌. എന്റെ ഹൃദയ​ത്തി​ന്റെ അടിത്ത​ട്ടിൽ നിന്നും നന്ദി.

എൽ. ഡി., ഇററലി

മൃഗങ്ങ​ളെ​ക്കു​റി​ച്ചുള്ള ലേഖനങ്ങൾ മൃഗങ്ങ​ളെ​ക്കു​റി​ച്ചും പ്രകൃ​തി​യെ​ക്കു​റി​ച്ചു​മുള്ള ലേഖന​ങ്ങൾക്ക്‌ ഹൃദയം​ഗ​മ​മായ നന്ദി. ആ ലേഖന​ങ്ങ​ളി​ലെ ചിത്രങ്ങൾ മനോ​ഹ​ര​വും ആകർഷ​ണീ​യ​വു​മാ​ണെന്ന്‌ ഞാൻ എല്ലായ്‌പോ​ഴും നിരീ​ക്ഷി​ച്ചി​ട്ടു​ണ്ടെ​ങ്കി​ലും യഥാർത്ഥ​ത്തിൽ ആദ്യ​മൊ​ക്കെ ഞാൻ ആ ലേഖന​ങ്ങൾക്ക്‌ അധികം ശ്രദ്ധ നൽകി​യില്ല. കുഡു എന്ന ഒരു കൃഷ്‌ണ​മൃ​ഗ​ത്തെ​ക്കു​റിച്ച്‌ വായിച്ച ആരോ ആ ലേഖന​ത്തെ​ക്കു​റിച്ച്‌ ഒരിക്കൽ എന്നോട്‌ പറഞ്ഞു. ഇത്‌ ആ ലേഖനം വായി​ക്കു​ന്ന​തി​ലുള്ള എന്റെ താൽപ​ര്യ​ത്തെ ഉണർത്തി. കീരി​യെ​ക്കു​റി​ച്ചു​ള്ള​തു​പോ​ലുള്ള മററ്‌ ലേഖന​ങ്ങ​ളും ഞാൻ വായി​ക്കാൻ തുടങ്ങി. യഹോ​വയെ അവന്റെ സൃഷ്ടി​യി​ലൂ​ടെ “കാണുന്ന”തിന്‌ ഈ ലേഖനങ്ങൾ എന്നെ സഹായി​ച്ചി​ട്ടുണ്ട്‌.

ബി. ററി., ഐക്യ​നാ​ടു​കൾ