വീഡി​യോ ഡിസപ്ലേ ടെർമി​നൽസ്‌—എത്ര സുരക്ഷി​ത​മാണ?

വേഡ്‌ പ്രോ​സ​സിം​ഗിന്‌ ഉപയോ​ഗി​ക്കു​ന്ന​തു​പോ​ലുള്ള കമ്പ്യൂട്ടർ വീഡി​യോ ഡിസ്‌പ്ലേ ടേർമി​നൽസ്‌ (വീഡി​റ​റീസ്‌) പല വ്യാപാ​ര​സ്ഥാ​പ​ന​ങ്ങ​ളി​ലും സത്വരം ടൈപ്പ്‌​റൈ​റ​റ​റു​ക​ളു​ടെ​യും മററ്‌ ഓഫീസ്‌ യന്ത്രങ്ങ​ളു​ടെ​യും സ്ഥാനത്തു വരിക​യാണ്‌. ഈ ടേർമി​നൽസിൽ ഏറെയും ഒരു കീ ബോഡി​നോ​ടു ഘടിപ്പി​ച്ചി​രി​ക്കുന്ന ടെലി​വി​ഷൻ സ്‌ക്രീ​നു​കൾപോ​ലെ കാണ​പ്പെ​ടു​ന്നു. ടെലി​വി​ഷൻ സ്‌ക്രീ​നു​കൾ പോലെ അവ അയനീ​ക​രി​ക്കാത്ത വികി​ര​ണ​ത്തി​ന്റെ താണ അളവു​കളെ പ്രസരി​പ്പി​ക്കു​ന്നു. തൽഫല​മാ​യി, വിശേ​ഷിച്ച്‌ ഉപയോ​ക്താവ്‌ അവയോട്‌ വളരെ അടുത്തി​രി​ക്കു​മ്പോ​ഴത്തെ അവയുടെ സുരക്ഷി​ത​ത്വം ആവർത്തിച്ച്‌ ചോദ്യം ചെയ്യ​പ്പെ​ട്ടി​രി​ക്കു​ന്നു.

കാലി​ഫോർണി​യാ​യിൽ 1,583 ഗർഭി​ണി​ക​ളെ​ക്കു​റി​ച്ചു നടത്തിയ പഠനത്തി​ന്റെ ഫലങ്ങൾ അടുത്ത​കാ​ലത്ത്‌ അനേക​രു​ടെ​യും ഉത്‌ക്ക​ണ്‌ഠയെ വീണ്ടും ഉയർത്തി​യി​ട്ടുണ്ട്‌. തങ്ങളുടെ ഗർഭാ​രം​ഭ​കാ​ലത്ത്‌ വാരത്തിൽ 20 മണിക്കൂ​റിൽ കൂടുതൽ വീഡി​ററി ഉപയോ​ഗിച്ച സ്‌ത്രീ​കൾക്ക്‌ അവ ഉപയോ​ഗി​ക്കാഞ്ഞ മററ്‌ ഓഫീസ്‌ ജോലി​ക്കാ​രു​ടെ ഇരട്ടി ഗർഭമ​ലസൽ സംഭവി​ച്ച​താ​യി പഠനം കണ്ടെത്തി. വീഡി​റ​റി​യിൽ നിന്നുള്ള വികി​ര​ണ​മാണ്‌ വർദ്ധിച്ച ഗർഭമ​ല​സ​ലി​ന്റെ കാരണ​മെന്ന്‌ പഠനം തെളി​യി​ച്ചി​ല്ലെന്നു സമ്മതി​ക്കു​ന്നു. യഥാർത്ഥ​ത്തിൽ: “യന്ത്രം അതിൽത്ത​ന്നെയല്ല, പിന്നെ​യോ അനേകം വീഡി​ററി പ്രവർത്തകർ ജോലി ചെയ്യുന്ന ഫാക്ടറി സമാന ചുററു​പാ​ടാണ്‌ പ്രശ്‌നം എന്ന്‌ വ്യക്തമാ​ണെന്നു തോന്നു​ന്നു” എന്ന്‌ ഒരു പ്രാമാ​ണി​കൻ തറപ്പിച്ചു പറഞ്ഞു.

എന്നാൽ മററു പ്രാമാ​ണി​കൻമാർ ജാഗ്രത പാലി​ക്കാൻ ശുപാർശ ചെയ്യുന്നു. മീഖാ​യേൽ പോളൻ അവരിൽ ഒരാളാണ്‌. അദ്ദേഹം കാലി​ഫോർണി​യാ പഠനത്തിൽ ഉൾപ്പെ​ട്ടി​രുന്ന ഒരു ഗവേഷ​ക​നാണ്‌. വീഡി​ററി പ്രസരി​പ്പി​ക്കുന്ന വികി​ര​ണ​മാ​തൃക കോശ വളർച്ചയെ താറു​മാ​റാ​ക്കി​യ​താ​യി മൃഗ​ഭ്രൂ​ണ​ങ്ങ​ളിൽ നടത്തിയ മുൻപ​ഠ​നങ്ങൾ പ്രകട​മാ​ക്കി​യെന്ന വസ്‌തു​ത​യി​ലേക്ക്‌ അദ്ദേഹം വിരൽചൂ​ണ്ടി.

ഗർഭി​ണി​ക​ളാ​യ സ്‌ത്രീ​ക​ളോട്‌ ജാഗ്ര​ത​പു​ലർത്താൻ മുന്നറി​യി​പ്പു​കൊ​ടുത്ത മറെറാ​രാ​ളാ​യി​രു​ന്നു വീഡി​ററി ന്യൂസി​ന്റെ എഡിററർ. അദ്ദേഹം ഇങ്ങനെ പറഞ്ഞു: “ഗർഭി​ണി​യാ​യി​രി​ക്കുന്ന അല്ലെങ്കിൽ ഗർഭി​ണി​യാ​കാൻ ശ്രമി​ക്കുന്ന ഏതു സ്‌ത്രീ​യും സുരക്ഷി​ത​മാ​യി പെരു​മാ​റു​ക​യും വീഡി​റ​റി​യിൽ ജോലി ചെയ്യാ​തി​രി​ക്കു​ക​യും വേണം എന്നു ഞാൻ വിചാ​രി​ക്കു​ന്നു. (g89 12/22)