ഈ സാഹസം മൂല്യവത്തോ?
“എയ്ഡ്സിന്റെ മുഖം—പകർച്ചവ്യാധിയുടെ ഒരു വർഷം” എന്ന ഒരു സുദീർഘ ലേഖനം 1987 ഓഗസ്ററ് 10-ലെ ന്യൂസ്വീക്കിൽ പ്രത്യക്ഷപ്പെട്ടു. 12 പേജുകളിലായി ഐക്യനാടുകളിലെ 300-ലധികം എയ്ഡ്സ് രോഗികളുടെ ചിത്രങ്ങൾ കൊടുത്തിരുന്നു. അത് ഐക്യനാടുകളിൽ ഇന്നോളം മരിച്ചിട്ടുള്ള 30,000-ത്തിലധികം എയ്ഡ്സ് രോഗികളുടെ ഒരു ചെറിയ അംശം മാത്രമായിരുന്നു. എന്നിരുന്നാലും ആയിരക്കണക്കിന് മററ് എയ്ഡ്സ് രോഗികളെപ്പോലെ ഇവരിൽ 17 പേർക്കെങ്കിലും ഈ രോഗം ബാധിച്ചത് രക്തപ്പകർച്ചയിലൂടെയൊ രക്തോൽപ്പന്നങ്ങളിലൂടെയൊ ആയിരുന്നു.
ഇവരുടെ സംഗതിയിൽ എയ്ഡ്സ് ബാധയുണ്ടായത് താഴെപ്പറയുമ്പോലെയുള്ള കാരണങ്ങളാലായിരുന്നു: “ശസ്ത്രക്രിയയുടെ സമയത്ത് വൈറസ് ബാധയുള്ള രക്തമുപയോഗിച്ചു,” “1983-ലെ രക്തപ്പകർച്ചയിൽനിന്ന് രോഗം ബാധിച്ചു,” “രക്തപ്പകർച്ചയിൽനിന്ന് രോഗബാധയുണ്ടായി, അവൾ ഭർത്താവിനും പുത്രനും രോഗം പകർന്നുകൊടുത്തു,” “ഒരു രക്തപ്പകർച്ച എയ്ഡ്സ് ബാധക്കിടയാക്കി,” “1981-ലെ ശസ്ത്രക്രിയാസമയത്തെ രക്തപ്പകർച്ച എയ്ഡ്സ് ബാധക്കിടയാക്കി,” “ഹീമോഫിലിയാക്; അയാളുടെ കൊച്ചുമകൻ എയ്ഡ്സ് മൂലം മരിച്ചു, ഭാര്യക്ക് എയ്ഡ്സ് രോഗലക്ഷണങ്ങൾ ഉണ്ട്,” “അയാൾക്ക് രക്തപ്പകർച്ചയിൽനിന്ന് എയ്ഡ്സ് രോഗബാധയുണ്ടായി, വേദനയുടെയും തളർച്ചയുടെയും വർദ്ധമാനമായിക്കൊണ്ടിരുന്ന അന്ധതയുടെയും മൂന്ന് വർഷങ്ങൾ അയാൾ സഹിച്ചു.”
ഒരു സംഭവത്തിൽ 13 മാസം പ്രായമുള്ള ഒരു കുട്ടിയും, “അവന്റെ അമ്മയും രോഗാണുബാധയുണ്ടായിരുന്ന രക്തം സ്വീകരിച്ചതിനാൽ മരിച്ചു.” രണ്ടുവയസ്സുള്ള ഒരു പെൺകുട്ടി “ജനിച്ചേറെത്താമസിയാതെ രക്തപ്പകർച്ച സ്വീകരിച്ചിരുന്നതിനാൽ” എയ്ഡ്സ് മൂലം മരണമടഞ്ഞു.
പ്രകടമായ ഈ അപകടങ്ങളുടെ വീക്ഷണത്തിൽ ചില അധികാരികൾ എന്തുകൊണ്ടാണ് മുതിർന്നവരായ യഹോവയുടെ സാക്ഷികളെയും അവരുടെ കുട്ടികളെയും രക്തപ്പകർച്ച സ്വീകരിക്കാൻ നിർബന്ധിക്കുന്നത്? മിക്കസംഗതിയിലും പകരം ചികിത്സാരീതികൾ ലഭ്യമാണ്. രക്തത്തിന്റെ ദുരുപയോഗം സംബന്ധിച്ച ദൈവത്തിന്റെ നിബന്ധനകൾ ലംഘിക്കാത്ത ഏതൊരു ചികിത്സാരീതിയോടും സഹകരിക്കാൻ യഹോവയുടെ സാക്ഷികൾക്ക് സന്തോഷമേയുള്ളുതാനും.—ലേവ്യപുസ്തകം 17:11, 12; പ്രവൃത്തികൾ 15:28, 29. (g88 4/8)
[31-ാം പേജിലെ ചിത്രം]
രക്തപ്പകർച്ചയിലൂടെ രോഗബാധിതരായിത്തീർന്ന ശിശുക്കൾ എയ്ഡ്സ് മൂലം മരിച്ചിട്ടുണ്ട്