വർഗ്ഗീയ മുൻവി​ധി​കളെ തരണം ചെയ്യുന്നു

ദക്ഷിണാ​ഫ്രി​ക്ക​ക്കാ​ര​നായ ഐസക്ക്‌ ലാംഗാ ജോഹ​ന്നെ​സ്‌ബർഗി​ലെ കറുത്ത​വ​രു​ടെ ടൗൺഷിപ്പ്‌ ആയ അലക്‌സാൺട്രാ​യിൽ വളർത്ത​പ്പെട്ടു. അദ്ദേഹ​ത്തിന്‌ ഒരു ശക്തമായ വർഗ്ഗീയ ആവേശ​മു​ണ്ടാ​യി​രു​ന്ന​തി​നാൽ അദ്ദേഹം വെള്ളക്കാ​രെ വെറു​ക്കു​ക​യും സുളു ജനത മററു കറുത്ത​വ​രെ​ക്കാൾ ഉയർന്ന​വ​രാ​ണെന്ന്‌ വീക്ഷി​ക്കു​ക​യും ചെയ്‌തി​രു​ന്നു. ഐസക്ക്‌ നിരോ​ധി​ക്ക​പ്പെട്ട ഒരു ഗവൺമെൻറ്‌ വിരുദ്ധ സംഘട​ന​യായ ആഫ്രിക്കൻ നാഷനൽ കോൺഗ്രസ്‌ (ANC) ക്രമീ​ക​രിച്ച മീററിം​ഗു​ക​ളിൽ സംബന്ധി​ച്ചു​കൊണ്ട്‌ 1976-ലെ ദക്ഷിണാ​ഫ്രി​ക്കൻ വിപ്ലവ​ങ്ങ​ളിൽ ഉൾപ്പെട്ടു. അദ്ദേഹം ഇപ്രകാ​രം ഓർമ്മി​ക്കു​ന്നു: “അനേകർ പോലീ​സ്‌വെ​ടി​വെ​പ്പിൽ കൊല്ല​പ്പെട്ടു; ചിലർക്ക്‌ ആജീവ​നാ​ന്തം അംഗഭം​ഗം ഭവിച്ചു. ഞാൻ ഇവയെ​ല്ലാം കണ്ടപ്പോൾ, ഒരു പ്രതി​കാ​ര​ത്തി​ന്റെ ആത്മാവ്‌ എന്നിൽ വികാസം പ്രാപി​ച്ചു. ഒരു ഓട്ടോ​മാ​റ​റിക്ക്‌ തോക്കു ലഭിക്കു​ന്ന​തി​നും ഞാൻ വധിക്ക​പ്പെ​ടു​ന്ന​തി​നു മുമ്പ്‌ കഴിയു​ന്നത്ര ആളുകളെ വെടി​വെ​ക്കു​ന്ന​തി​നും ഞാൻ ആഗ്രഹി​ച്ചു. ഒന്ന്‌ കണ്ടെത്താൻ കഴിയാ​ഞ്ഞ​തി​നാൽ, സൈനിക പരിശീ​ലനം നേടു​ന്ന​തി​നു​വേണ്ടി അയൽ രാജ്യ​ങ്ങ​ളി​ലേക്ക്‌ കടന്ന മററു ചിലരു​ടെ ദൃഷ്ടാന്തം പിൻപ​റ​റാൻ ഞാൻ തീരു​മാ​നി​ച്ചു.”

ഈ നിർണ്ണാ​യക സമയത്ത്‌, യഹോ​വ​യു​ടെ സാക്ഷികൾ അവരുടെ വീടു​തോ​റു​മുള്ള പ്രസം​ഗ​ത്തിൽ ഐസക്കു​മാ​യി സമ്പർക്ക​പ്പെട്ടു. ബൈബി​ളി​ന്റെ ദൂത്‌ വിശദീ​ക​രി​ക്കുന്ന പുസ്‌ത​കങ്ങൾ അയാൾക്കു സമർപ്പി​ക്ക​പ്പെട്ടു, അവയിൽ പ്രത്യേ​കി​ച്ചും യഥാർത്ഥ സമാധാ​ന​വും സുരക്ഷി​ത​ത്വ​വും—ഏതുറ​വിൽ നിന്ന്‌? എന്ന ഒരു പുസ്‌തകം നിലനിൽക്കുന്ന മതിപ്പു​ള​വാ​ക്കി. അദ്ദേഹം ഇപ്രകാ​രം വിശദീ​ക​രി​ക്കു​ന്നു: “ഇപ്പോൾ ഞാൻ അന്വേ​ഷി​ച്ചു​കൊ​ണ്ടി​രുന്ന യഥാർത്ഥ സമാധാ​നം കണ്ടെത്തി. ‘വക്രമാ​യി ഉണ്ടാക്ക​പ്പെ​ട്ടി​രി​ക്കു​ന്ന​തി​നെ നേരെ​യാ​ക്കാൻ കഴിയു​ക​യില്ല,’ എന്നും ‘തന്റെ കാലടി​കളെ നയിക്കു​ന്ന​തു​പോ​ലും നടക്കുന്ന മനുഷ്യ​നു​ള്ളതല്ല’ എന്നും ബൈബിൾ പറയുന്നു എന്ന്‌ ഞാൻ മനസ്സി​ലാ​ക്കി. (സഭാ​പ്ര​സം​ഗി 1:15; യിരെ​മ്യാവ്‌ 10:23) അതു​കൊണ്ട്‌ ഞങ്ങളുടെ സമരം ഭൂമി​യിൽ സമാധാ​നം കൈവ​രു​ത്താൻ പോകു​ന്നി​ല്ലാ​ഞ്ഞ​തി​നാൽ വൃഥാ​വാ​ണെന്ന്‌ എനിക്ക്‌ വ്യക്തമാ​യി​ത്തീർന്നു. ദൈവ​ത്തി​ന്റെ രാജ്യം മാത്രമേ അതു കൈവ​രു​ത്തു​ക​യു​ള്ളു. (വെളി​പ്പാട്‌ 11:17, 18) മററ്‌ വർഗ്ഗങ്ങളെ സംബന്ധിച്ച എന്റെ വീക്ഷണം മാററു​ന്ന​തി​നും ബൈബിൾ എന്നെ സഹായി​ച്ചു. (പ്രവൃ​ത്തി​കൾ 10:34, 35) എല്ലാ വർഗ്ഗത്തി​ലും ഗോ​ത്ര​ത്തി​ലും പെട്ട ആളുകൾ ഇപ്പോൾത്തന്നെ ദൈവ​രാ​ജ്യ​ത്തിൻകീ​ഴി​ലുള്ള ഒരു പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാ​ശ​യിൽ ജീവി​ക്കു​ന്നുണ്ട്‌ എന്ന്‌ അറിയു​ന്നത്‌ ഹൃദയ​ഹാ​രി​യാണ്‌.”

ഐസക്ക്‌ ഇപ്പോൾ പല വ്യത്യസ്‌ത ദേശീയ കൂട്ടങ്ങൾ ഉൾപ്പെ​ടുന്ന യഹോ​വ​യു​ടെ സാക്ഷി​ക​ളു​ടെ സഭകളെ ശക്തി​പ്പെ​ടു​ത്തുന്ന ഒരു മുഴു​സമയ സഞ്ചാര ശുശ്രൂ​ഷ​ക​നാ​യി സേവി​ക്കു​ന്നു. (g88 1/22)