പേജ് രണ്ട്
ഇഗ്വാസൂ വെള്ളച്ചാട്ടം ലോകത്തിലെ പ്രകൃതിയത്ഭുതങ്ങളിലൊന്നുതന്നെ. 2 1/2 മൈൽ വീതിയിൽ 200-നും 270-നും മദ്ധ്യേ അടി ഉയരത്തിൽനിന്ന് 275 വ്യത്യസ്ഥ വെള്ളച്ചാട്ടങ്ങളിലൂടെ 4,50000 ഘനയടി വെള്ളം സെക്കണ്ടിൽ ചാടിച്ചുകൊണ്ടിരിക്കുന്ന ഇഗ്വാസൂ “വലിയ വെള്ളം” എന്നർത്ഥമുള്ള അതിന്റെ പേരിനെ അന്വർത്ഥമാക്കുന്നു.
ഈ വെള്ളച്ചാട്ടം ബ്രസീലിന്റെയും ആർജൻറീനായുടെയും ഇടയിലെ അതിർത്തിയാണ്. രണ്ടു രാജ്യങ്ങളും അതിന്റെ ഭംഗി കാത്തുസൂക്ഷിക്കുന്നതിന് ദേശീയ പാർക്കുകൾ സൃഷ്ടിച്ചിട്ടുണ്ട്. മൂടൽമഞ്ഞിൽ വിശിഷ്ടസസ്യങ്ങൾ ഇടതൂർന്നു വളരുന്നു. മാർജ്ജാരവർഗ്ഗത്തിൽപെട്ട വന്യമൃഗങ്ങളും ഓസിലോട്ടുകളും പന്നിവർഗ്ഗത്തിൽപെട്ട വന്യമൃഗങ്ങളും മാനുകളും ചുറ്റുപാടുമുള്ള വനങ്ങളിൽ ചുറ്റിസഞ്ചരിക്കുന്നു. വിവിധതരം പക്ഷികൾ കണ്ണിന് ആനന്ദം പകരുന്നു. ചിത്രശലഭങ്ങളുടെ കൂട്ടങ്ങൾ അങ്ങുമിങ്ങും തത്തിക്കളിക്കുകയും മിക്കപ്പോഴും സന്ദർശകരുടെമേൽ വന്നിരിക്കുകയും ചെയ്യുന്നു. വീണുചിതറുന്ന വെള്ളങ്ങളിൽനിന്ന് മേൽപ്പോട്ട് വളഞ്ഞുപൊങ്ങുന്ന മഴവില്ലുകൾ മൂടൽമഞ്ഞിൽ വെട്ടിത്തിളങ്ങുന്നു.
ഇഗ്വാസൂവിന്റെ കിടിലംകൊള്ളിക്കുന്ന മനോഹാരിത അവിടത്തെ 30,00,000 വാർഷിക സന്ദർശകരെ എത്രനാൾ സ്തബ്ധരാക്കാൻ അനുവദിക്കപ്പെടും? ഇപ്പോൾത്തന്നെ വൈദ്യുതിയുൽപ്പാദനത്തിന് വെള്ളച്ചാട്ടങ്ങളെ ഉപയുക്തമാക്കുന്നതിനെക്കുറിച്ച് സംസാരമുണ്ട്. മനുഷ്യൻ ഭൂഗ്രഹത്തോടു വൻതോതിൽ ചെയ്തിരിക്കുന്നതുപോലെ ഇഗ്വാസൂവിന്റെ മനോഹാരിതയെ അവൻ നശിപ്പിക്കുമോ? അതോ അവൻ തന്റെ മക്കളെയും അവരുടെ മക്കളെയും ഹർഷപുളകിതരാക്കുന്നതിനും ഭയാദരവുള്ളവരാക്കുന്നതിനും ഈ “വലിയ വെള്ള”ത്തെ സംരക്ഷിക്കുമോ?