പേജ് രണ്ട്
ഈ നൂറ്റാണ്ട് ബഹുലമായ സാമൂഹിക മാറ്റങ്ങൾക്കു സാക്ഷ്യം വഹിച്ചിരിക്കുന്നു. മുൻതലമുറകൾ ഏറെയും ചെറിയ ഗ്രാമങ്ങളിൽ ഒതുങ്ങി ജീവിച്ചിരുന്നു. ജോലി ഭവനത്തെ കേന്ദ്രീകരിച്ചായിരുന്നതിനാൽ യാത്ര ഒരു ആഡംബരമായിരുന്നു. എന്നാൽ വ്യവസായവൽക്കരണം അതിനു മാറ്റം വരുത്തി.
തൽഫലമായി, ജീവിതഗതിവേഗം വർദ്ധിച്ചു. ആളുകൾ ജോലി സ്ഥലത്തെത്താൻ പായുകയാണ്, ധൃതഗതിയിൽ ഷോപ്പിംഗ് നടത്തുന്നു, തങ്ങളുടെ കുട്ടികളെ തിടുക്കത്തിൽ നേഴ്സറികളിലും ഡേ കെയർ കേന്ദ്രങ്ങളിലും ആക്കുന്നു, വാരാന്ത്യങ്ങളിൽ ത്വരിതഗമനം ചെയ്യുന്നു—വിശ്രമിക്കാനെന്നാണ് സങ്കൽപ്പം. ജീവിതം റ്റൈം ക്ലോക്കുകളാലും ട്രെയിൻ സമയപ്പട്ടികകളാലും കട തുറക്കുന്ന സമയങ്ങളാലും നിയന്ത്രിക്കപ്പെടുന്നതായി തോന്നുന്നു.
ഇന്നത്തെ അത്യാവേശംപൂണ്ട ഗതിവേഗത്തെ നേരിടാൻ കഴിയത്തക്കവണ്ണം നിങ്ങളുടെ ജീവിതത്തിൻമേൽ കൂടുതൽ നിയന്ത്രണം നേടാൻ നിങ്ങൾക്ക് എന്തു ചെയ്യാൻ കഴിയും?