കോ​ളേജ്‌ വിദ്യാ​ഭ്യാ​സം—എന്തിനു​വേ​ണ്ടി​യുള്ള ഒരു തയ്യാ​റെ​ടുപ്പ്‌?

ഏതാനും വർഷങ്ങൾക്ക്‌ മുൻമ്പ്‌, ലേഖക​നായ ബിൽറീൽ ഒരു ന്യൂ​യോർക്ക്‌ നഗര വർത്തമാ​ന​പ്പ​ത്ര​മായ ഡെയ്‌ലി ന്യൂസിൽ വന്ന ഒരു ലേഖന​ത്തിൽ, കോ​ളേജ്‌ വിദ്യാ​ഭ്യാ​സ​ത്തെ​ക്കു​റി​ച്ചു ചില ഗൗരവ​മുള്ള വസ്‌തു​തകൾ എഴുതി:

“നാല്‌ വർഷത്തെ ഉന്നത വിദ്യാ​ഭ്യാ​സ​ത്തി​നു​ശേഷം നിങ്ങൾക്ക്‌ എന്തറി​യാം?” അദ്ദേഹം ചോദി​ച്ചു. “തെറ്റില്ല, എന്നാൽ നിങ്ങൾ കൂടു​ത​ലൊ​ന്നും അറിയു​ന്നില്ല. ആ, നിങ്ങൾക്ക്‌ കണക്കെ​ഴു​ത്തു നടപടി​ക്ര​മ​ങ്ങ​ളെ​പ്പ​റ്റി​യും അല്ലെങ്കിൽ കംപ്യൂ​ട്ടർ സാങ്കേ​തി​ക​ത്വ​ത്തെ​ക്കു​റി​ച്ചും, പരിവർത്തന കലാകാ​രൻമാ​രെ​ക്കു​റി​ച്ചും, കാല്‌പ​നീക കവിക​ളെ​ക്കു​റി​ച്ചും നല്ലയൊ​രു ഗ്രാഹ്യം ഉണ്ടായി​രി​ക്കാം. ജീവി​ക്കു​ന്ന​തി​നു ആവശ്യ​മാ​യതു നിങ്ങൾ പഠി​ച്ചെന്ന്‌ ഞാൻ പ്രത്യാ​ശി​ക്കു​ന്നു. . . . എന്നാൽ 22 വയസ്സ്‌ പ്രായ​മുള്ള ആരും കൂടു​ത​ലൊ​ന്നും അറിയു​ന്നില്ല. നിങ്ങൾ മതിയായ സമയം ജീവി​ച്ചി​ട്ടില്ല. പ്രായം​കൊ​ണ്ടു​മാ​ത്രമേ ജ്ഞാനം വരുക​യു​ള്ളു. അതിനാൽ വിനയ​മു​ണ്ടാ​യി​രി​ക്കുക.

“ഭാവിക്ക്‌ വേണ്ടി​യുള്ള സ്വപ്‌ന​ങ്ങ​ളോ​ടു​കൂ​ടി നിങ്ങൾ കോ​ളേ​ജിൽനിന്ന്‌ ബിരു​ദ​ധാ​രി​യാ​യി. ശോച​നീ​യ​മെന്നു പറയട്ടെ, നിങ്ങളു​ടെ അഭിലാ​ഷ​ങ്ങ​ളിൽ ഭൂരി​ഭാ​ഗ​വും നിറ​വേ​റാ​തെ പോകു​ന്നു. ഞാൻ നിങ്ങളു​ടെ ധൈര്യം കെടു​ത്തു​ന്ന​തി​നു ആഗ്രഹി​ക്കു​ന്നില്ല, എന്നാൽ അതു​പോ​ലെ നിങ്ങൾ സത്യം കേൾക്കു​ക​യും വേണം. നിങ്ങൾ അതിയാ​യി അഭില​ഷി​ക്കുന്ന സ്വത്ത്‌ നിങ്ങൾ സമ്പാദി​ക്കു​മ്പോൾ; നിങ്ങൾ അവ നേടു​ന്നു​വെ​ങ്കിൽ, നിങ്ങൾ പിന്തു​ട​രുന്ന വിജയം നിങ്ങൾ നേടു​മ്പോൾ നിങ്ങൾ അവയെ നേടു​ന്നു​വെ​ങ്കിൽ, അതു നിങ്ങളെ തൃപ്‌ത​രാ​ക്കു​ക​യില്ല. മറിച്ച്‌, വിജയ​ത്താൽ മതിമ​റന്ന്‌ ആമോ​ദി​ക്കു​മെന്നു നിങ്ങൾ പ്രതീ​ക്ഷി​ക്കുന്ന അതേ നിമി​ഷ​ങ്ങ​ളിൽ, നിറവി​നു പകരം ശൂന്യ​ത​യും മതിമ​റ​ന്നുള്ള ആഹ്ലാദ​ത്തെ​ക്കാൾ മ്ലാനത​യും സമാധാ​ന​ത്തെ​ക്കാൾ ക്ഷോഭ​വും “നിങ്ങൾക്ക​നു​ഭ​വ​പ്പെ​ടും.”

കോ​ളേജ്‌ ബിരു​ദ​ധാ​രി​കൾ അഭിമു​ഖീ​ക​രി​ക്കുന്ന അങ്ങനെ​യുള്ള ഭൗതിക പ്രലോ​ഭ​ന​ങ്ങളെ സംബന്ധിച്ച്‌ റീൽ സൂചി​പ്പി​ച്ചു. “എല്ലാ മാസി​ക​ക​ളും ഉജ്ജ്വല​രായ, പണക്കാ​രായ അമേരി​ക്കൻ യുവജ​ന​ങ്ങളെ ലക്ഷ്യമാ​ക്കി​യി​രി​ക്കു​ക​യാണ്‌, മറ്റു വാക്കു​ക​ളിൽ പറഞ്ഞാൽ നിങ്ങളെ . . . തിളക്ക​മുള്ള വാഹന​ങ്ങ​ളും, വലിപ്പ​മേ​റിയ സ്‌റ്റീ​രി​യോ​ക​ളും, വിദേശ സൗന്ദര്യ വർദ്ധക സഹായി​ക​ളും, മോടി​യായ വസ്‌ത്ര​ങ്ങ​ളും കൊണ്ട്‌ നിറഞ്ഞി​രി​ക്കു​ക​യാണ്‌. നിലയ്‌ക്കാത്ത സ്‌പഷ്ട​മായ ഉപഭോ​ഗ​ത്തി​ന്റെ ഒരു മദി​രോ​ത്സ​വ​ത്തി​ലേക്ക്‌ നിങ്ങളെ വലി​ച്ചെ​ടു​ക്കാ​മെന്നു പരസ്യ​ക്കാർ പ്രത്യാ​ശി​ക്കു​ന്നു. നിങ്ങൾ കേവലം ആഗ്രഹി​ക്കു​ന്നത്‌ അതു അടിയ​ന്തി​ര​മായ നിങ്ങൾക്കാ​വ​ശ്യ​മാ​ണെന്ന്‌ നിങ്ങളെ തോന്നി​പ്പി​ക്കാൻ അവർ ശക്തമായി ശ്രമി​ക്കും. ആവശ്യ​ങ്ങ​ളെ​യും ആഗ്രഹ​ങ്ങ​ളെ​യും തമ്മിൽ ധാരണ പതിപ്പി​ക്കാൻ കഴിവുള്ള നിങ്ങളു​ടെ മനസ്സിൽ കൂട്ടി​ക്കു​ഴ​ക്കും.

“നിങ്ങളു​ടെ സ്വഭാ​വ​ത്തി​ന്റെ കുറവു​കളെ ചൂഷണം ചെയ്യു​ന്ന​തിൽ നിപു​ണ​രായ, ഓമന​വാക്ക്‌ പറയുന്ന വാർത്താ മാദ്ധ്യ​മ​ക്കാ​രാൽ നിങ്ങളി​ല​നേകർ വഴിപി​ഴ​പ്പി​ക്ക​പ്പെ​ടും . . . നിങ്ങളു​ടെ ശാരീ​രി​ക​നേ​ട്ടങ്ങൾ എന്തൊ​ക്കെ​യാ​യി​രു​ന്നാ​ലും നിങ്ങൾക്ക്‌ യാതൊ​രു തൃപ്‌തി​യും തരുക​യില്ല. വാസ്‌ത​വ​ത്തിൽ വിപരീ​ത​മാണ്‌ സംഭവി​ക്കു​ന്നത്‌. സമ്പന്നത​യ്‌ക്കു​വേ​ണ്ടി​യുള്ള അനുധാ​വനം നിങ്ങളു​ടെ ദേഹിയെ തുരങ്കം വയ്‌ക്കുന്ന തൃപ്‌തി​പ്പെ​ടാത്ത ഒരു വാഞ്‌ഛ​യാണ്‌.” (g87 1/8)