ദൈവ​ത്തോ​ടുള്ള എന്റെ പ്രതിജ്ഞ നിറ​വേ​റ്റു​ന്നു

ദൈവം എന്നെ സഹായി​ക്കു​ക​യാ​ണെ​ങ്കിൽ എന്റെ ജീവൻ നൽകി അവനെ സേവി​ക്കാ​മെന്ന—ഏകദേശം 30 വർഷം മുമ്പു് ഞാൻ ദൈവ​വു​മാ​യി ചെയ്‌തി​രുന്ന എന്റെ പ്രതിജ്ഞ ഞാൻ ഒരിക്ക​ലും മറന്നി​ട്ടില്ല. അവൻ നിരവധി പ്രാവ​ശ്യം എന്നെ സഹായി​ച്ച​തും ഞാൻ അനുഭ​വി​ച്ച​റി​ഞ്ഞി​ട്ടു​ണ്ടു്. ദൈവ​ത്തി​നുള്ള കടം വീട്ടാ​തി​രി​ക്കു​ന്ന​തി​നാൽ ഞാൻ എത്ര മാത്രം കുറ്റ​ബോ​ധ​മു​ള്ള​വ​ളാ​ണു്!

അമേരി​ക്ക​യി​ലെ എന്റെ ജീവിതം വിയറ്റ്‌നാ​മി​ലേ​തിൽ നിന്നും വളരെ വ്യത്യ​സ്‌ത​മാ​യി​രു​ന്നു. നിങ്ങൾ ആഗ്രഹി​ക്കു​മ്പോൾ പോകാൻ ആഗ്രഹി​ക്കു​ന്നി​ടത്തു പോകു​ന്ന​തി​നുള്ള—സ്വാത​ന്ത്ര്യം ആസ്വദി​ക്കാ​നുള്ള പ്രാപ്‌തി എത്ര നന്നായി​രി​ക്കു​ന്നു! എങ്കിലും അതിന്റെ ശാസ്‌ത്രീ​യ​വീ​ക്ഷ​ണ​ത്തിൽ ഭൗതി​ക​വാ​ദ​പ​ര​മായ ജീവി​ത​ത്താൽ ഞാൻ പൂർണ്ണ​മാ​യും വിഭ്രാ​ന്ത​യാ​യി​രു​ന്നു. സൻമാർഗ്ഗി​ക​മൂ​ല്യ​ങ്ങൾ വളരെ വിരള​മാ​യി തോന്നി! ദിന​ന്തോ​റു​മുള്ള വാർത്തകൾ ഭയങ്കര കുറ്റകൃ​ത്യ​ങ്ങ​ളാൽ നിറയ​പ്പെ​ട്ടി​രു​ന്നു,—കുട്ടികൾ മതാപി​താ​ക്കളെ അഥവാ നേരേ​മ​റി​ച്ചും കൊല്ലു​ന്നു. ഗർഭച്ഛി​ദ്രം, വിവാ​ഹ​മോ​ചനം, തെരു​വീ​ഥി​യി​ലെ പാതകങ്ങൾ ഇവയെ​ല്ലാം എന്നെ ഭയപ്പെ​ടു​ത്തി. ധനവും സൗന്ദര്യ​വും കൊണ്ടു് അനുഗൃ​ഹീ​ത​മായ ഒരു രാജ്യ​ത്തു് ഇത്രവ​ളരെ അധഃപ​തനം എന്തു​കൊ​ണ്ടു്? ഞാൻ അതിശ​യി​ച്ചു​പോ​യി.

ഇപ്പോൾ മുമ്പെ​ന്നെ​ത്തേ​തി​ലു​മ​ധി​ക​മാ​യി ആ പഴയ ചോദ്യ​ങ്ങൾ എന്നെ അലട്ടാൻ തുടങ്ങി: യഥാർത്ഥ​ത്തിൽ മനുഷ്യ​നെ സൃഷ്ടി​ച്ചതു ദൈവ​മാ​ണോ? നാം യഥാർത്ഥ​ത്തിൽ ദൈവ​ത്തി​ന്റെ മക്കളാ​ണോ? അങ്ങനെ​യെ​ങ്കിൽ അവൻ ഈ അപരാ​ധങ്ങൾ സംബന്ധി​ച്ചു് ഉദാസീ​ന​നാ​യി​രി​ക്കു​ന്ന​തു് എന്തു​കൊ​ണ്ടു്? ഇനിയും കൂടുതൽ വഷളാ​കാ​തി​രി​ക്കാൻ ഇപ്പോൾ മനുഷ്യ​രെ ശിക്ഷി​ക്കാ​ത്ത​തെ​ന്തു​കൊ​ണ്ടു്? അഥവാ മനുഷ്യൻ തന്റെ പാപത്തിൽ നിന്നു് അനുത​പി​ച്ചു തിരി​ച്ചു​വ​രാൻ ദൈവം കാത്തി​രി​ക്ക​യാ​ണോ? മനുഷ്യ​നെ സംബന്ധി​ച്ചാ​ണെ​ങ്കിൽ അവൻ ദൈവ​ത്താൽ സൃഷ്ടി​ക്ക​പ്പെ​ട്ടെ​ങ്കിൽ, അവന്റെ പിതാ​വി​ന്റെ സാദൃ​ശ്യം അവനു് ഇല്ലാത്ത​തെ​ന്തു​കൊ​ണ്ടു്? അവനെ സന്തുഷ്ട​നാ​ക്കാൻ ശ്രമി​ക്കാ​ത്ത​തെ​ന്തു​കൊ​ണ്ടു്? ഒരു ദൈവം സ്ഥിതി​ചെ​യ്യു​ന്നു​ണ്ടെ​ന്നു് എന്റെ സ്വന്ത അനുഭ​വ​ങ്ങ​ളിൽ നിന്നു് എനിക്കു ബോദ്ധ്യ​മാ​യി. എങ്കിലും അവൻ എന്തു​കൊ​ണ്ടു് ഇത്രയ​ധി​കം തെറ്റി​ദ്ധ​രി​ക്ക​പ്പെ​ട്ടി​രി​ക്കു​ന്നു​വെന്നു ഞാൻ ആശ്ചര്യ​പ്പെട്ടു. തങ്ങളുടെ നീതി​യുള്ള പ്രവൃ​ത്തി​കൾകൊ​ണ്ടു് അവനെ സന്തോ​ഷി​പ്പി​ക്കുന്ന, അവനെ സ്‌നേ​ഹി​ക്കുന്ന അവനെ മനസ്സി​ലാ​ക്കുന്ന കുറെ മക്കൾ അവനു് ഉണ്ടായി​രി​ക്ക​യി​ല്ലേ? തീർച്ച​യാ​യും അവനു് ഉണ്ടായി​രി​ക്കണം! എന്നാൽ അവരെ എവിടെ എങ്ങനെ കണ്ടെത്താൻ കഴിയും? അവരു​മാ​യി എനി​ക്കെ​ങ്ങനെ പരിച​യ​പ്പെ​ടാൻ കഴിയും?

ഇത്തരം ചോദ്യ​ങ്ങൾ എന്നെ പീഡി​പ്പി​ച്ചു. ഉത്തരം കിട്ടായ്‌ക എന്നെ അസന്തു​ഷ്ട​യാ​ക്കി. അനന്തരം 1981 ജൂൺ മാസത്തിൽ ഒരു ദിവസം ടെക്‌സാ​സി​ലെ പസദെ​ന​യിൽ താമസി​ക്കു​മ്പോൾ ഒരു വൃദ്ധനും അയാളു​ടെ പൗത്ര​നും​കൂ​ടി എന്നെ സന്ദർശി​ച്ചു. ദൈവ​ത്തി​നു് ഒരു രാജ്യ​മു​ണ്ടെ​ന്നും അതൊരു യഥാർത്ഥ ഗവൺമെ​ന്റാ​ണെ​ന്നും അതു് ഭൂമി​ക്കു് അനു​ഗ്ര​ഹങ്ങൾ കൊണ്ടു​വ​രു​മെ​ന്നും അവർ പറഞ്ഞു. ഞാൻ ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ ആഗ്രഹി​ക്കു​ന്നു​ണ്ടോ​യെ​ന്നു് ആ മനുഷ്യൻ എന്നോ​ടു് ചോദി​ച്ചു.

എന്റെ പ്രതി​ക​രണം “ഇല്ല” എന്നായി​രു​ന്നു. എന്റെ വലിയ ആഗ്രഹം സത്യ​ദൈ​വത്തെ അറിയു​ക​യെ​ന്ന​താ​യി​രു​ന്നു. പറുദീ​സ​യിൽ എന്നേക്കും ജീവി​ച്ചി​രി​ക്കു​ക​യെ​ന്ന​തു് അപ്പോ​ഴത്തെ എന്റെ താല്‌പ​ര്യ​മ​ല്ലാ​യി​രു​ന്നു. എന്നിരു​ന്നാ​ലും അവരുടെ അന്തസുറ്റ രീതി എന്നിൽ വിശ്വാ​സ​വും മതിപ്പും ഉളവാക്കി, അതിനാൽ ഞാൻ അവരെ അകത്തേ​ക്കു് ക്ഷണിച്ചു. ദൈവ​ത്തി​ന്റെ സംരക്ഷ​ണ​വും സ്‌നേ​ഹ​പൂർവ്വ​മായ കരുത​ലും ആയിരു​ന്ന​താ​യി ഞാൻ വിശ്വ​സി​ച്ചി​രു​ന്നതു സംബന്ധിച്ച എന്റെ അനുഭ​വ​ങ്ങ​ളെ​ല്ലാം ഞാൻ പറഞ്ഞു. “ഈ മികച്ച ഗുണങ്ങ​ളെ​ല്ലാ​മുള്ള ദൈവ​ത്തെ​യാ​ണു് ഞാൻ അന്വേ​ഷി​ക്കു​ന്ന​തു്.” എന്നു് ഞാൻ അവരോ​ടു പറഞ്ഞു. “നിങ്ങളു​ടെ ദൈവം യഥാർത്ഥ​ത്തിൽ ഇത്തരക്കാ​ര​നാ​ണെ​ങ്കിൽ അവനെ അറിയു​ന്ന​തി​നുള്ള മാർഗ്ഗം എനിക്കു് ദയവായി കാണിച്ചു തരിക.”

ഏകദേശം ഒരു മണിക്കൂർ സമയം ആ പ്രായം​ചെന്ന മനുഷ്യൻ മഹാ​ദൈ​വ​മായ യഹോ​വ​യെ​ക്കു​റി​ച്ചു ബൈബി​ളിൽനി​ന്നു് എന്നെ വായിച്ചു കേൾപ്പി​ച്ചു. ദൃഷ്ടാ​ന്ത​ത്തി​നു് സ്‌നേ​ഹ​വും പരിഗ​ണ​ന​യും കാണി​ച്ചു​കൊ​ണ്ടു് തന്റെ ജനമായ യിസ്രാ​യേ​ലി​നോ​ടു യഹോവ എങ്ങനെ ഇടപെ​ട്ടു​വെ​ന്നു് അയാൾ വിശദീ​ക​രി​ച്ചു​തന്നു. അടുത്ത ആഴ്‌ച​യിൽ ആ മനുഷ്യൻ എന്റെ ബൈബിൾ കഥാപു​സ്‌തകം എന്ന പ്രസി​ദ്ധീ​ക​ര​ണ​വു​മാ​യി വന്നു. അയാൾ അതു തുറന്നു. “ചെങ്കടൽ കടക്കുന്നു” എന്ന 33-ാമത്തെ കഥ എനിക്കു കാണി​ച്ചു​തന്നു. ഞാൻ അതു വായി​ക്കാ​തെ ചിത്രം മാത്രം കണ്ടു​കൊ​ണ്ടു് എന്താണു സംഭവി​ച്ച​തെന്നു ഞാൻ ഊഹിച്ചു. മർദ്ദക​രു​ടെ കയ്യിൽനി​ന്നു അത്ഭുത​ക​ര​മാ​യി ദൈവം തന്റെ ജനത്തെ വിടു​വി​ച്ചു.

‘ഞാൻ അന്വേ​ഷി​ക്കുന്ന ദൈവം യഥാർത്ഥ​ത്തിൽ ഇതുത​ന്നെ​യെ​ന്നു്’ ഞാൻ ചിന്തിച്ചു. അടുത്ത ആഴ്‌ച​യിൽ, ബൈബി​ന്റെ ഒരു നിരന്ത​ര​മായ പഠനം ഞാൻ യഹോ​വ​യു​ടെ സാക്ഷി​ക​ളോ​ടൊ​ത്തു് ആരംഭി​ച്ചു. ഞാൻ പഠിക്കു​ന്തോ​റും എന്റെ എല്ലാ ചോദ്യ​ങ്ങൾക്കും യുക്തി​പൂർവ്വ​മായ ഉത്തരങ്ങൾ ബൈബി​ളിൽനി​ന്നു കണ്ടെത്തി. ഉവ്വു്, എന്റെ കടം വീട്ടു​ന്ന​തി​നു​വേണ്ടി സേവി​ക്കാൻ ഞാൻ അവസാ​ന​മാ​യി സത്യ​ദൈ​വത്തെ കണ്ടെത്തി. എന്നേക്കും അവനെ സേവി​ക്കാൻ ഞാൻ എന്റെ ജീവൻ സമർപ്പി​ച്ചി​രി​ക്കു​ന്ന​താ​യി കാണി​ക്കാൻ ഞാൻ ജലസ്‌നാ​ന​മേറ്റു.

ഇപ്പോൾ യഹോ​വ​യെ​പ്പറ്റി, ഇപ്പോൾവരെ അവൻ ദുഷ്ടത അനുവ​ദി​ച്ചി​രി​ക്കു​ന്ന​തി​ന്റെ കാരണ​ങ്ങ​ളെ​ക്കു​റി​ച്ചു്, വേഗം​തന്നെ ഭൂമി​യി​ലെ കഷ്ടതകളെ നിർമ്മാർജ്ജനം ചെയ്യു​ന്ന​തി​നുള്ള അവന്റെ ഉപാധി​യെ​ക്കു​റി​ച്ചു് പഠിക്കു​ന്ന​തി​നു് മറ്റുള്ള​വരെ സഹായി​ക്കാൻ എന്റെ സമയം പൂർണ്ണ​മാ​യി മാറ്റി​വെ​ച്ചി​രി​ക്കു​ന്നു. എന്റെ സ്‌നേ​ഹ​മുള്ള സഹേദരീ സഹോ​ദ​രൻമാ​രുൾക്കൊ​ള്ളുന്ന യഹോ​വ​യു​ടെ ഭൗമിക സ്ഥാപന​ത്തോ​ടൊ​ത്തു് അവനെ സേവി​ക്കു​ന്ന​തി​നാ​ലുള്ള ഒരു യഥാർത്ഥ സമാധാ​ന​ത്തി​ന്റെ​യും സുരക്ഷി​ത​ത്തി​ന്റെ​യും ഒരു അനുഭൂ​തി എനിക്കു് അന്തിമ​മാ​യു​ണ്ടു്.

[24-ാം പേജിലെ ചിത്രം]

കൊടുങ്കാറ്റിന്റെ സമയത്തു് ഞാൻ രക്ഷപ്പെ​ടു​ത്തിയ എന്റെ സഹോ​ദ​ര​പു​ത്രി​യോ​ടൊ​പ്പം