പാപപരിഹാരദിവസം
ഇസ്രായേല്യരുടെ ഏറ്റവും പ്രധാനപ്പെട്ട വിശുദ്ധദിവസം. യോം കിപ്പൂർ (എബ്രായയിലുള്ള യോഹ്മം ഹക്കിപ്പുരിം എന്നതിൽനിന്ന്; അർഥം, “മറയ്ക്കുന്ന ദിവസം.”) എന്നും അറിയപ്പെടുന്നു. ഏഥാനീം മാസം 10-ാം തീയതിയാണ് ഇത് ആചരിക്കുന്നത്. വർഷത്തിൽ ഈ ദിവസം മാത്രമാണു മഹാപുരോഹിതൻ വിശുദ്ധകൂടാരത്തിന്റെ (പിൽക്കാലത്ത് ആലയത്തിന്റെ) അതിവിശുദ്ധത്തിൽ പ്രവേശിക്കുന്നത്. തന്റെയും മറ്റു ലേവ്യരുടെയും ജനത്തിന്റെയും പാപങ്ങൾക്ക് അദ്ദേഹം ബലിമൃഗങ്ങളുടെ രക്തം അവിടെ അർപ്പിക്കും. വിശുദ്ധസമ്മേളനത്തിന്റെയും ഉപവാസത്തിന്റെയും സമയംകൂടിയായിരുന്നു അത്. അന്നു ശബത്തുമായിരുന്നു; ജോലികളൊന്നും ചെയ്യാൻ പാടില്ലായിരുന്നു.—ലേവ 23:27, 28.