പർപ്പിൾ ചായം

ഇവിടെ കാണി​ച്ചി​രി​ക്കുന്ന മ്യൂ​റെ​ക്‌സ്‌ ട്രങ്ക്യ​ലസ്‌ (ഇടത്ത്‌), മ്യൂ​റെ​ക്‌സ്‌ ബ്രാൻഡെ​റസ്‌ (വലത്ത്‌) എന്നീ കക്കകളിൽനി​ന്നാ​ണു പർപ്പിൾ ചായം ലഭിച്ചി​രു​ന്നത്‌. അവയുടെ തോടിന്‌ 5 സെ.മീ. മുതൽ 8 സെ.മീ. വരെ നീളം​വ​രും. തോടി​നു​ള്ളിൽ കഴിയുന്ന ഈ ജീവി​ക​ളു​ടെ കഴുത്തി​ലെ ചെറി​യൊ​രു ഗ്രന്ഥി​യിൽ ഫ്‌ലവർ എന്നു വിളി​ക്കുന്ന ഒരു ദ്രാവ​ക​മുണ്ട്‌. സാധാ​ര​ണ​യാ​യി അത്‌ ഒറ്റ തുള്ളിയേ കാണാ​റു​ള്ളൂ. ആദ്യം ഇതു പാലിന്റെ ക്രീം പോലി​രി​ക്കു​മെ​ങ്കി​ലും കാറ്റും വെളി​ച്ച​വും തട്ടു​മ്പോൾ അതു പതിയെ ചുവപ്പു കലർന്ന നീല (കടും വയലറ്റ്‌) നിറമോ ചുവപ്പു കലർന്ന പർപ്പിൾ നിറമോ ആകും. മെഡിറ്ററേനിയൻ കടലിന്റെ തീര​ത്തോ​ടു ചേർന്ന്‌ കാണ​പ്പെ​ടുന്ന ഈ കക്കകളിൽനിന്ന്‌ കിട്ടുന്ന ചായത്തി​നു പ്രദേ​ശ​മ​നു​സ​രിച്ച്‌ നേരിയ നിറവ്യ​ത്യാ​സം വരും. കക്കകൾ വലുതാ​ണെ​ങ്കിൽ അവ ഓരോ​ന്നാ​യി തുറന്ന്‌, അതീവ​ശ്ര​ദ്ധ​യോ​ടെ ദ്രാവകം ശേഖരി​ക്കും. എന്നാൽ കക്കകൾ ചെറു​താ​ണെ​ങ്കിൽ ഇടിക​ല്ലിൽ ഇട്ട്‌ ചതച്ചാണ്‌ അതു ശേഖരി​ച്ചി​രു​ന്നത്‌. ഇത്തരത്തിൽ ഓരോ കക്കയിൽനി​ന്നും കിട്ടുന്ന ദ്രാവ​ക​ത്തി​ന്റെ അളവ്‌ തീരെ കുറവാ​യി​രു​ന്ന​തു​കൊണ്ട്‌ ഗണ്യമായ ഒരളവ്‌ ശേഖരി​ക്കാൻ നല്ല പണച്ചെ​ല​വു​ണ്ടാ​യി​രു​ന്നു. ഈ ചായത്തി​നു വില വളരെ കൂടു​ത​ലാ​യി​രു​ന്ന​തു​കൊണ്ട്‌ പർപ്പിൾ നിറം പിടി​പ്പിച്ച വസ്‌ത്രങ്ങൾ അതിസ​മ്പ​ന്ന​രു​ടെ​യും ഉന്നതസ്ഥാ​ന​ങ്ങ​ളിൽ ഉള്ളവരു​ടെ​യും ഒരു അടയാ​ള​മാ​യി മാറി.​—എസ്ഥ 8:15.