റോമി​ലു​ള്ള​വർക്ക്‌ എഴുതിയ കത്ത്‌

1 ക്രിസ്‌തു​യേ​ശു​വി​ന്റെ അടിമ​യും അപ്പോ​സ്‌ത​ല​നാ​യി​രി​ക്കാൻ വിളി​ക്ക​പ്പെ​ട്ട​വ​നും ദൈവ​ത്തിൽനി​ന്നുള്ള സന്തോ​ഷ​വാർത്ത​യ്‌ക്കു​വേണ്ടി വേർതി​രി​ക്ക​പ്പെ​ട്ട​വ​നും ആയ പൗലോസാണ്‌+ ഇത്‌ എഴുതു​ന്നത്‌. 2 ദൈവം തന്റെ പ്രവാ​ച​ക​ന്മാ​രി​ലൂ​ടെ വിശു​ദ്ധ​തി​രു​വെ​ഴു​ത്തു​ക​ളിൽ നേര​ത്തേ​തന്നെ വാഗ്‌ദാ​നം ചെയ്‌തി​ട്ടുള്ള ഈ സന്തോ​ഷ​വാർത്ത 3 ദൈവത്തിന്റെ പുത്ര​നെ​ക്കു​റി​ച്ചു​ള്ള​താണ്‌. ദാവീ​ദി​ന്റെ സന്തതിപരമ്പരയിൽ* മനുഷ്യ​നാ​യി ജനിച്ച ഈ പുത്രൻ+ 4 മരിച്ചവരിൽനിന്ന്‌ ഉയിർപ്പിക്കപ്പെട്ടപ്പോൾ+ പരിശു​ദ്ധാ​ത്മാ​വി​ന്റെ ശക്തിയാൽ ദൈവപുത്രനാണെന്നു+ തെളിഞ്ഞ നമ്മുടെ കർത്താ​വായ യേശു​ക്രി​സ്‌തു​വാണ്‌. 5 എല്ലാ ജനതകളും+ വിശ്വാ​സ​വും അനുസ​ര​ണ​വും കാണി​ച്ചു​കൊണ്ട്‌ യേശു​വി​ന്റെ പേര്‌ മഹത്ത്വ​പ്പെ​ടു​ത്താൻവേണ്ടി, യേശു​വി​ലൂ​ടെ ദൈവം ഞങ്ങളോ​ട്‌ അനർഹദയ കാട്ടി അപ്പോസ്‌തലന്മാരായിരിക്കാനുള്ള+ പദവി ഞങ്ങൾക്കു തന്നു. 6 ആ ജനതക​ളിൽ, യേശു​ക്രി​സ്‌തു​വി​നു​വേണ്ടി വിളി​ക്ക​പ്പെട്ട നിങ്ങളും ഉൾപ്പെ​ടു​ന്നു. 7 അതുകൊണ്ട്‌ ദൈവ​ത്തി​നു പ്രിയ​പ്പെ​ട്ട​വ​രും വിശു​ദ്ധ​രാ​യി വിളി​ക്ക​പ്പെ​ട്ട​വ​രും ആയ റോമി​ലുള്ള നിങ്ങൾക്ക്‌ എല്ലാവർക്കും​വേണ്ടി ഞാൻ എഴുതു​ന്നത്‌:

നമ്മുടെ പിതാ​വായ ദൈവ​ത്തിൽനി​ന്നും കർത്താ​വായ യേശു​ക്രി​സ്‌തു​വിൽനി​ന്നും നിങ്ങൾക്ക്‌ അനർഹ​ദ​യ​യും സമാധാ​ന​വും ഉണ്ടാകട്ടെ.

8 ആദ്യംതന്നെ നിങ്ങ​ളെ​പ്രതി യേശു​ക്രി​സ്‌തു​വി​ലൂ​ടെ ഞാൻ എന്റെ ദൈവ​ത്തി​നു നന്ദി പറയുന്നു. കാരണം നിങ്ങളു​ടെ വിശ്വാ​സം ലോകം മുഴുവൻ പ്രസി​ദ്ധ​മാണ്‌. 9 ഞാൻ എപ്പോ​ഴും നിങ്ങളെ എന്റെ പ്രാർഥ​ന​യിൽ ഓർക്കുന്നു+ എന്നതിന്‌, ദൈവ​പു​ത്ര​നെ​ക്കു​റി​ച്ചുള്ള സന്തോ​ഷ​വാർത്ത ഘോഷി​ച്ചു​കൊണ്ട്‌ ഞാൻ മുഴുഹൃദയത്തോടെ* ഏതു ദൈവത്തെ സേവിക്കുന്നോ* ആ ദൈവം​തന്നെ സാക്ഷി. 10 ദൈവഹിതമെങ്കിൽ ഇത്തവണ​യെ​ങ്കി​ലും നിങ്ങളു​ടെ അടുത്ത്‌ വരാൻ വഴി തുറന്നു​കി​ട്ട​ണ​മെ​ന്നാ​ണു ഞാൻ യാചി​ക്കാ​റു​ള്ളത്‌. 11 കാരണം നിങ്ങളെ കാണാൻ എനിക്ക്‌ അത്രമാ​ത്രം ആഗ്രഹ​മുണ്ട്‌. അങ്ങനെ​യാ​കു​മ്പോൾ എന്തെങ്കി​ലും ആത്മീയ​സ​മ്മാ​നം നൽകി എനിക്കു നിങ്ങളെ ബലപ്പെ​ടു​ത്താ​മ​ല്ലോ. 12 ശരിക്കും പറഞ്ഞാൽ എന്റെ വിശ്വാ​സ​ത്താൽ നിങ്ങൾക്കും നിങ്ങളു​ടെ വിശ്വാ​സ​ത്താൽ എനിക്കും പരസ്‌പരം പ്രോത്സാഹനം+ ലഭിക്ക​ണ​മെ​ന്നാ​ണു ഞാൻ ആഗ്രഹി​ക്കു​ന്നത്‌.

13 സഹോദരങ്ങളേ, മറ്റു ജനതകൾക്കി​ട​യിൽനിന്ന്‌ കിട്ടി​യ​തു​പോ​ലെ നിങ്ങൾക്കി​ട​യിൽനി​ന്നും ഫലം കിട്ടേ​ണ്ട​തി​നു ഞാൻ പലവട്ടം നിങ്ങളു​ടെ അടുത്ത്‌ വരാൻ ഒരുങ്ങി​യ​താണ്‌. പക്ഷേ ഓരോ​രോ തടസ്സങ്ങൾ കാരണം ഇതുവ​രെ​യും എനിക്ക്‌ അതിനു കഴിഞ്ഞി​ട്ടില്ല. ഇക്കാര്യം നിങ്ങൾ അറിയാ​തെ​പോ​ക​രു​തെന്നു ഞാൻ ആഗ്രഹി​ക്കു​ന്നു. 14 ഗ്രീക്കുകാരെന്നോ വിദേ​ശി​ക​ളെ​ന്നോ,* ബുദ്ധി​മാ​ന്മാ​രെ​ന്നോ ബുദ്ധി​യി​ല്ലാ​ത്ത​വ​രെ​ന്നോ വ്യത്യാ​സ​മി​ല്ലാ​തെ ആളുകളെ സന്തോ​ഷ​വാർത്ത അറിയി​ക്കാൻ ഞാൻ കടപ്പെ​ട്ട​വ​നാണ്‌. 15 അതുകൊണ്ട്‌ അവിടെ റോമിലുള്ള+ നിങ്ങ​ളെ​യും സന്തോ​ഷ​വാർത്ത അറിയി​ക്കാൻ ഞാൻ അതിയാ​യി ആഗ്രഹി​ക്കു​ന്നു. 16 ആ സന്തോ​ഷ​വാർത്ത​യെ​ക്കു​റിച്ച്‌ എനിക്കു നാണ​ക്കേടു തോന്നു​ന്നില്ല.+ ആദ്യം ജൂതനെയും+ പിന്നെ ഗ്രീക്കു​കാ​ര​നെ​യും,+ അങ്ങനെ വിശ്വസിക്കുന്ന+ എല്ലാവ​രെ​യും രക്ഷയി​ലേക്കു നയിക്കാ​നുള്ള ദൈവ​ത്തി​ന്റെ ശക്തി​യേ​റിയ മാർഗ​മാണ്‌ അത്‌. 17 കാരണം അതുവഴി ദൈവ​ത്തി​ന്റെ നീതി, വിശ്വാ​സ​ത്താ​ലും വിശ്വാസത്തിനുവേണ്ടിയും+ വെളി​പ്പെ​ടു​ന്നു. “നീതി​മാൻ വിശ്വാ​സ​ത്താൽ ജീവി​ക്കും”+ എന്നാണ​ല്ലോ എഴുതി​യി​രി​ക്കു​ന്നത്‌.

18 നീതികെട്ട വഴിക​ളി​ലൂ​ടെ സത്യത്തെ അടിച്ചമർത്തുന്ന+ മനുഷ്യ​രു​ടെ എല്ലാവി​ധ​ത്തി​ലു​മുള്ള ദൈവ​നി​ഷേ​ധ​ത്തി​നും നീതി​കേ​ടി​നും എതിരെ ദൈവക്രോധം+ സ്വർഗ​ത്തിൽനിന്ന്‌ വെളി​പ്പെ​ടു​ന്നു. 19 കാരണം, ദൈവ​ത്തെ​ക്കു​റിച്ച്‌ അറിയാൻ കഴിയു​ന്ന​തെ​ല്ലാം അവരുടെ മുന്നിൽ വ്യക്തമാ​യി കിടക്കു​ന്നു. ദൈവം അത്‌ അവർക്കു വ്യക്തമാ​ക്കി​ക്കൊ​ടു​ത്തി​ട്ടു​ണ്ട​ല്ലോ.+ 20 ദൈവത്തിന്റെ അദൃശ്യ​ഗു​ണ​ങ്ങ​ളായ നിത്യശക്തിയും+ ദിവ്യത്വവും+ ലോകാരംഭംമുതൽ* ദൈവ​ത്തി​ന്റെ സൃഷ്ടി​ക​ളി​ലൂ​ടെ വ്യക്തമാ​യി കാണാ​നും മനസ്സി​ലാ​ക്കാ​നും കഴിയുന്നതുകൊണ്ട്‌+ അവർക്ക്‌ ഒരു ഒഴിക​ഴി​വും പറയാ​നില്ല. 21 അവർക്കു ദൈവത്തെ അറിയാ​മാ​യി​രു​ന്നി​ട്ടും ദൈവ​മെന്ന നിലയിൽ ദൈവത്തെ മഹത്ത്വ​പ്പെ​ടു​ത്തു​ക​യോ ദൈവ​ത്തോ​ടു നന്ദി പറയു​ക​യോ ചെയ്‌തില്ല. പകരം അവരുടെ ന്യായ​വാ​ദങ്ങൾ കഴമ്പി​ല്ലാ​ത്ത​തും അവരുടെ മൂഢഹൃ​ദയം ഇരുള​ട​ഞ്ഞ​തും ആയി.+ 22 ബുദ്ധിമാന്മാരെന്ന്‌ അവകാ​ശ​പ്പെ​ട്ടെ​ങ്കി​ലും അവർ വിഡ്‌ഢി​ക​ളാ​യി​പ്പോ​യി. 23 അനശ്വരനായ ദൈവ​ത്തി​ന്റെ മഹത്ത്വത്തെ അവർ നശ്വര​നായ മനുഷ്യ​ന്റെ​യും പക്ഷിയു​ടെ​യും നാൽക്കാ​ലി​യു​ടെ​യും ഇഴജന്തു​വി​ന്റെ​യും രൂപം​പോ​ലെ​യാ​ക്കി.+

24 അതുകൊണ്ട്‌ ദൈവം അവരെ അവരുടെ ഹൃദയ​ത്തി​ലെ മോഹ​ങ്ങൾക്ക​നു​സ​രിച്ച്‌ അശുദ്ധി​ക്കു വിട്ടു​കൊ​ടു​ത്തു​കൊണ്ട്‌ അവരുടെ ശരീര​ങ്ങളെ അവർതന്നെ അപമാ​നി​ക്കാൻ അനുവ​ദി​ച്ചു. 25 അവർ വ്യാജ​മാ​യ​തി​നു​വേണ്ടി ദൈവ​ത്തി​ന്റെ സത്യം ഉപേക്ഷി​ച്ചു. സ്രഷ്ടാ​വി​നു പകരം സൃഷ്ടിയെ സേവിച്ച്‌ പൂജിച്ചു.* സ്രഷ്ടാ​വോ എന്നെന്നും വാഴ്‌ത്ത​പ്പെ​ടു​ന്നവൻ. ആമേൻ. 26 അതുകൊണ്ടാണ്‌ ദൈവം അവരെ നിന്ദ്യമായ കാമവികാരങ്ങൾക്കു+ വിട്ടു​കൊ​ടു​ത്തത്‌. അവരുടെ സ്‌ത്രീ​കൾ സ്വാഭാ​വി​ക​വേഴ്‌ച വിട്ട്‌ പ്രകൃതിവിരുദ്ധമായതിൽ+ ഏർപ്പെട്ടു. 27 അതുപോലെതന്നെ പുരു​ഷ​ന്മാ​രും, സ്‌ത്രീ​ക​ളു​മാ​യുള്ള സ്വാഭാവികവേഴ്‌ച* വിട്ട്‌ അന്യോ​ന്യം കാമം ജ്വലിച്ച്‌ ആണും ആണും തമ്മിൽ മ്ലേച്ഛമാ​യതു പ്രവർത്തി​ച്ചു.+ അവരുടെ തെറ്റി​നുള്ള ശിക്ഷ അവർ മുഴു​വ​നാ​യി ഏറ്റുവാ​ങ്ങി.+

28 ദൈവത്തെ അംഗീകരിക്കാൻ* മനസ്സി​ല്ലാ​തി​രുന്ന അവരെ ദൈവാം​ഗീ​കാ​ര​മി​ല്ലാത്ത ഒരു മാനസി​കാ​വ​സ്ഥ​യി​ലേക്കു ദൈവം കയ്യൊ​ഴി​ഞ്ഞു. അങ്ങനെ, ദൈവം അവരെ അവിഹി​ത​മായ കാര്യങ്ങൾ ചെയ്യാൻ വിട്ടു.+ 29 അവർ എല്ലാ തരം അനീതിയും+ ദുഷ്ടത​യും അത്യാഗ്രഹവും*+ വഷളത്ത​വും നിറഞ്ഞ​വ​രാണ്‌. അസൂയ,+ കൊല​പാ​തകം,+ ശണ്‌ഠ, വഞ്ചന,+ ദ്രോഹചിന്ത+ എന്നിവ​യിൽ മുഴുകി ജീവി​ക്കു​ന്നവർ. അവർ കുശുകുശുപ്പുകാരും* 30 ഏഷണി പറയുന്നവരും+ ദൈവത്തെ വെറു​ക്കു​ന്ന​വ​രും ധിക്കാ​രി​ക​ളും ധാർഷ്ട്യ​ക്കാ​രും വീമ്പി​ള​ക്കു​ന്ന​വ​രും കുടി​ല​പ​ദ്ധ​തി​കൾ മനയു​ന്ന​വ​രും മാതാ​പി​താ​ക്കളെ അനുസരിക്കാത്തവരും+ 31 വകതിരിവില്ലാത്തവരും*+ വാക്കു പാലി​ക്കാ​ത്ത​വ​രും സഹജസ്‌നേ​ഹ​മി​ല്ലാ​ത്ത​വ​രും കരുണ​യി​ല്ലാ​ത്ത​വ​രും ആണ്‌. 32 ഇങ്ങനെയൊക്കെ പ്രവർത്തി​ക്കു​ന്നവർ മരണയോഗ്യരാണെന്ന+ നീതി​യുള്ള ദൈവ​ക​ല്‌പന നന്നായി അറിയാ​മാ​യി​രു​ന്നി​ട്ടും അവർ വീണ്ടും​വീ​ണ്ടും ഇക്കാര്യ​ങ്ങൾ ചെയ്യു​ക​യും മറ്റുള്ളവർ അതു ചെയ്യു​മ്പോൾ ശരി​വെ​ക്കു​ക​യും ചെയ്യുന്നു.

2 മനുഷ്യാ, നീ ആരുമാ​യി​ക്കൊ​ള്ളട്ടെ,+ നീ മറ്റൊ​രാ​ളെ വിധി​ക്കു​ന്നെ​ങ്കിൽ നിനക്ക്‌ ഒരു ഒഴിക​ഴി​വും പറയാ​നില്ല. മറ്റൊ​രാ​ളെ വിധി​ക്കു​മ്പോൾ നീ നിന്നെ​ത്ത​ന്നെ​യാ​ണു കുറ്റം വിധി​ക്കു​ന്നത്‌. കാരണം, വിധി​ക്കുന്ന നീയും അതേ കാര്യ​ങ്ങൾതന്നെ ചെയ്യു​ന്നു​ണ്ട​ല്ലോ.+ 2 ഇങ്ങനെയുള്ള കാര്യങ്ങൾ ചെയ്യു​ന്ന​വർക്കെ​തി​രെ​യുള്ള ദൈവ​ത്തി​ന്റെ ന്യായ​വി​ധി സത്യത്തി​നു ചേർച്ച​യി​ലാ​ണെന്നു നമുക്ക്‌ അറിയാം.

3 മറ്റുള്ളവരെ വിധി​ച്ചിട്ട്‌ അതേ കാര്യ​ങ്ങൾതന്നെ ചെയ്യുന്ന മനുഷ്യാ, ദൈവ​ത്തി​ന്റെ ന്യായ​വി​ധി​യിൽനിന്ന്‌ രക്ഷപ്പെ​ടാ​മെ​ന്നാ​ണോ നിന്റെ വിചാരം? 4 ദൈവം കനിവ്‌ കാണി​ക്കു​ന്നതു നിന്നെ മാനസാ​ന്ത​ര​ത്തി​ലേക്കു നയിക്കാനാണെന്ന്‌+ അറിയാ​തെ നീ ദൈവ​ത്തി​ന്റെ അളവറ്റ ദയയെയും+ സംയമനത്തെയും*+ ക്ഷമയെയും+ പുച്ഛി​ക്കു​ന്നോ? 5 നിന്റെ ശാഠ്യ​വും മാനസാ​ന്ത​ര​മി​ല്ലാത്ത ഹൃദയ​വും കാരണം ദൈവ​ത്തി​ന്റെ നീതി​യുള്ള ന്യായവിധി+ വെളി​പ്പെ​ടുന്ന ക്രോ​ധ​ദി​വ​സ​ത്തി​ലേക്കു നിനക്കു​വേ​ണ്ടി​ത്തന്നെ നീ ക്രോധം ശേഖരി​ച്ചു​വെ​ക്കു​ന്നു. 6 ഓരോരുത്തനും അവനവന്റെ പ്രവൃ​ത്തി​കൾക്ക​നു​സ​രിച്ച്‌ ദൈവം പകരം നൽകും:+ 7 മടുത്തുപോകാതെ നല്ലതു ചെയ്‌തു​കൊണ്ട്‌ മഹത്ത്വ​ത്തി​നും മാനത്തി​നും അനശ്വരതയ്‌ക്കും+ വേണ്ടി ശ്രമി​ക്കു​ന്ന​വർക്കു നിത്യ​ജീ​വൻ കിട്ടും. 8 എന്നാൽ, സത്യം അനുസ​രി​ക്കാ​തെ ശണ്‌ഠ​കൂ​ടി അനീതി​യു​ടെ വഴിയേ നടക്കു​ന്ന​വ​രു​ടെ മേൽ കോപ​വും ക്രോ​ധ​വും വരും.+ 9 മോശമായ കാര്യങ്ങൾ ചെയ്യുന്ന ഏതൊ​രാൾക്കും,* ആദ്യം ജൂതനും പിന്നെ ഗ്രീക്കു​കാ​ര​നും, കഷ്ടതയും യാതന​യും ഉണ്ടാകും. 10 എന്നാൽ നല്ല കാര്യങ്ങൾ ചെയ്യുന്ന ഏതൊ​രാൾക്കും, ആദ്യം ജൂതനും+ പിന്നെ ഗ്രീക്കു​കാ​ര​നും,+ മഹത്ത്വ​വും മാനവും സമാധാ​ന​വും ലഭിക്കും. 11 കാരണം, ദൈവ​ത്തി​നു പക്ഷപാ​ത​മില്ല.+

12 നിയമത്തിനു* കീഴി​ല​ല്ലാ​തി​രി​ക്കെ പാപം ചെയ്‌ത​വ​രെ​ല്ലാം നിയമമില്ലെങ്കിലും+ മരിക്കും. എന്നാൽ നിയമ​ത്തി​നു കീഴി​ലാ​യി​രു​ന്നി​ട്ടും പാപം ചെയ്‌ത​വ​രെ​യെ​ല്ലാം നിയമ​ത്തി​ന്റെ അടിസ്ഥാ​ന​ത്തിൽ വിധി​ക്കും.+ 13 നിയമം വെറുതേ കേൾക്കു​ന്ന​വരല്ല ദൈവ​മു​മ്പാ​കെ നീതി​മാ​ന്മാർ. നിയമ​മ​നു​സ​രിച്ച്‌ പ്രവർത്തി​ക്കു​ന്ന​വ​രെ​യാ​ണു നീതി​മാ​ന്മാ​രാ​യി പ്രഖ്യാ​പി​ക്കു​ന്നത്‌.+ 14 നിയമമില്ലാത്ത ജനതകൾ+ നിയമ​ത്തിൽ പറയുന്ന അതേ കാര്യങ്ങൾ സഹജമാ​യി​ത്തന്നെ ചെയ്യു​ന്നുണ്ട്‌. അവർ നിയമ​മി​ല്ലാ​ത്ത​വ​രാ​ണെ​ങ്കി​ലും അവർ തങ്ങൾക്കു​തന്നെ ഒരു നിയമ​മാണ്‌. 15 അവരോടൊപ്പം അവരുടെ മനസ്സാ​ക്ഷി​യും സാക്ഷി പറയുന്നു. അവരുടെ ചിന്തകൾ ഒന്നുകിൽ അവരെ കുറ്റ​പ്പെ​ടു​ത്തു​ന്നു അല്ലെങ്കിൽ അവരെ ന്യായീ​ക​രി​ക്കു​ന്നു. ഇങ്ങനെ, നിയമ​ത്തി​ലു​ള്ളത്‌ അവരുടെ ഹൃദയ​ങ്ങ​ളിൽ എഴുത​പ്പെ​ട്ടി​ട്ടു​ണ്ടെന്ന്‌ അവർ തെളി​യി​ക്കു​ന്നു. 16 ദൈവം ക്രിസ്‌തു​യേ​ശു​വി​നെ ഉപയോ​ഗിച്ച്‌ മനുഷ്യ​രു​ടെ രഹസ്യ​ങ്ങളെ ന്യായം വിധി​ക്കുന്ന ദിവസ​ത്തിൽ ഇതു സംഭവി​ക്കും.+ ഞാൻ പ്രസം​ഗി​ക്കുന്ന സന്തോ​ഷ​വാർത്ത​യിൽ ഇതും ഉൾപ്പെ​ട്ടി​ട്ടുണ്ട്‌.

17 ഒരു ജൂതനാ​യി അറിയ​പ്പെ​ടുന്ന നീ+ നിയമ​ത്തിൽ ആശ്രയി​ക്കു​ക​യും ദൈവ​വു​മാ​യുള്ള ബന്ധത്തെ​ക്കു​റിച്ച്‌ അഭിമാ​നം​കൊ​ള്ളു​ക​യും ചെയ്യുന്നു. 18 നിയമം നന്നായി പഠിച്ചതുകൊണ്ട്‌*+ നീ ദൈവ​ത്തി​ന്റെ ഇഷ്ടം മനസ്സി​ലാ​ക്കു​ക​യും ശ്രേഷ്‌ഠ​മായ കാര്യങ്ങൾ വിവേ​ചി​ച്ച​റി​യു​ക​യും ചെയ്യുന്നു. 19 നീ അന്ധന്മാർക്കു വഴികാ​ട്ടി​യും ഇരുട്ടി​ലു​ള്ള​വർക്കു വെളി​ച്ച​വും 20 മൂഢന്മാരെ ഉപദേ​ശി​ക്കു​ന്ന​വ​നും കുട്ടി​ക​ളു​ടെ അധ്യാ​പ​ക​നും നിയമ​ത്തിൽനിന്ന്‌ ജ്ഞാനത്തി​ന്റെ​യും സത്യത്തി​ന്റെ​യും രൂപരേഖ ലഭിച്ച​വ​നും ആണെന്നു നിനക്ക്‌ ഉറച്ച വിശ്വാ​സ​മുണ്ട്‌. 21 എന്നാൽ, മറ്റുള്ള​വരെ ഉപദേ​ശി​ക്കു​ന്ന​വനേ, നീ നിന്നെ​ത്തന്നെ ഉപദേ​ശി​ക്കാ​ത്തത്‌ എന്താണ്‌?+ “മോഷ്ടി​ക്ക​രുത്‌”+ എന്നു പ്രസം​ഗി​ച്ചിട്ട്‌ നീതന്നെ മോഷ്ടി​ക്കു​ന്നോ? 22 “വ്യഭി​ചാ​രം ചെയ്യരു​ത്‌”+ എന്നു പറഞ്ഞിട്ട്‌ നീതന്നെ വ്യഭി​ചാ​രം ചെയ്യു​ന്നോ? വിഗ്ര​ഹ​ങ്ങളെ വെറു​ക്കുന്ന നീ ക്ഷേത്രങ്ങൾ കവർച്ച ചെയ്യു​ന്നോ? 23 നിയമത്തിൽ അഭിമാ​നം​കൊ​ള്ളുന്ന നീ നിയമം ലംഘി​ച്ചു​കൊണ്ട്‌ ദൈവത്തെ അപമാ​നി​ക്കു​ന്നോ? 24 അതെ, തിരു​വെ​ഴു​ത്തു​ക​ളിൽ എഴുതി​യി​രി​ക്കു​ന്ന​തു​പോ​ലെ, “നിങ്ങൾ കാരണം ദൈവ​നാ​മം ജനതകൾക്കി​ട​യിൽ നിന്ദി​ക്ക​പ്പെ​ടു​ക​യാണ്‌.”+

25 നീ നിയമം അനുസ​രി​ക്കു​ന്നെ​ങ്കിൽ മാത്രമേ+ പരിച്ഛേദനകൊണ്ട്‌*+ പ്രയോ​ജ​ന​മു​ള്ളൂ. നിയമം ലംഘി​ക്കു​ന്നെ​ങ്കിൽ നിന്റെ പരി​ച്ഛേദന പരി​ച്ഛേ​ദ​ന​യ​ല്ലാ​താ​യി മാറുന്നു. 26 അങ്ങനെയെങ്കിൽ, പരി​ച്ഛേ​ദ​ന​യേൽക്കാത്ത ഒരാൾ+ നിയമ​ത്തി​ലെ നീതി​യുള്ള വ്യവസ്ഥകൾ അനുസ​രി​ക്കു​ന്നെ​ങ്കിൽ അയാളു​ടെ അഗ്രചർമം പരി​ച്ഛേദന ചെയ്‌ത​താ​യി കണക്കാ​ക്കി​ക്കൂ​ടേ?+ 27 അങ്ങനെ, ശരീരം​കൊണ്ട്‌ അഗ്രചർമി​യെ​ങ്കി​ലും നിയമം പാലി​ക്കുന്ന ഒരാൾ, എഴുത​പ്പെട്ട നിയമ​സം​ഹി​ത​യും പരി​ച്ഛേ​ദ​ന​യും ഉണ്ടായി​ട്ടും നിയമം ലംഘി​ക്കുന്ന നിന്നെ വിധി​ക്കു​ക​യാണ്‌. 28 കാരണം പുറമേ ജൂതനാ​യവൻ ജൂതനല്ല.+ ശരീര​ത്തി​ലെ പരി​ച്ഛേദന പരി​ച്ഛേ​ദ​ന​യു​മല്ല.+ 29 അകമേ ജൂതനാ​യി​രി​ക്കു​ന്ന​വ​നാ​ണു ജൂതൻ.+ അയാളു​ടെ പരി​ച്ഛേദന എഴുത​പ്പെട്ട നിയമ​സം​ഹി​ത​യ​നു​സ​രി​ച്ചു​ള്ളതല്ല,+ പകരം ദൈവാ​ത്മാ​വി​നാൽ ഹൃദയ​ത്തിൽ ചെയ്യു​ന്ന​താണ്‌.+ അങ്ങനെ​യു​ള്ള​വനു മനുഷ്യ​രിൽനി​ന്നല്ല, ദൈവ​ത്തിൽനിന്ന്‌ പ്രശംസ ലഭിക്കും.+

3 അങ്ങനെ​യെ​ങ്കിൽ, ജൂതന്റെ മേന്മ എന്താണ്‌? പരിച്ഛേദനകൊണ്ടുള്ള* പ്രയോ​ജനം എന്താണ്‌? 2 എങ്ങനെ നോക്കി​യാ​ലും ധാരാളം പ്രയോ​ജ​ന​ങ്ങ​ളുണ്ട്‌. ഒന്നാമ​താ​യി, ദൈവ​ത്തി​ന്റെ വിശു​ദ്ധ​മായ അരുളപ്പാടുകൾ+ അവരെ​യാണ്‌ ഏൽപ്പി​ച്ചത്‌. 3 എന്നാൽ അവരിൽ ചിലർ വിശ്വ​സി​ച്ചി​ല്ലെ​ങ്കി​ലോ? അവർക്കു വിശ്വാ​സ​മി​ല്ലെ​ന്നു​വെച്ച്‌ ദൈവം വിശ്വ​സ്‌ത​ന​ല്ലെന്നു വരുമോ? 4 ഒരിക്കലുമില്ല! എല്ലാ മനുഷ്യ​രും നുണയന്മാരെന്നു+ വന്നാലും ദൈവം സത്യവാ​നെന്നേ വരൂ.+ “അങ്ങയുടെ വാക്കുകൾ അങ്ങ്‌ നീതി​മാ​നാ​ണെന്നു തെളി​യി​ക്കും. ന്യായ​വി​സ്‌താ​ര​ത്തിൽ അങ്ങുതന്നെ വിജയി​ക്കും”+ എന്നാണ​ല്ലോ എഴുതി​യി​രി​ക്കു​ന്നത്‌. 5 എന്നാൽ നമ്മുടെ അനീതി​കൊണ്ട്‌ ദൈവ​ത്തി​ന്റെ നീതി​യു​ടെ മാറ്റു കൂടു​ന്നെ​ങ്കിൽ പിന്നെ നമ്മൾ എന്തു പറയാ​നാണ്‌? ക്രോധം കാണി​ക്കു​ന്നു എന്നതു​കൊണ്ട്‌ ദൈവം അനീതി​യു​ള്ള​വ​നാ​ണെ​ന്നാ​ണോ? (മാനു​ഷി​ക​മായ കാഴ്‌ച​പ്പാ​ടി​ലാ​ണു ഞാൻ ഇതു പറയു​ന്നത്‌.) 6 ഒരിക്കലുമല്ല! അനീതി​യു​ള്ള​വ​നാ​ണെ​ങ്കിൽ ദൈവം എങ്ങനെ ലോകത്തെ ന്യായം വിധി​ക്കും?+

7 ഇനി, ഞാൻ പറയുന്ന ഒരു നുണയി​ലൂ​ടെ, ദൈവം പറയുന്ന സത്യത്തി​ന്റെ ശോഭ​യേ​റു​ക​യും അങ്ങനെ ദൈവ​ത്തി​നു മഹത്ത്വ​മു​ണ്ടാ​കു​ക​യും ചെയ്യു​ന്നെ​ങ്കിൽ പിന്നെ എന്നെ പാപി​യെന്നു വിധി​ക്കു​ന്നത്‌ എന്തിനാ​ണ്‌? 8 അങ്ങനെയെങ്കിൽ, “നന്മ വരാൻവേണ്ടി നമുക്കു തിന്മ ചെയ്യാം” എന്നു പറഞ്ഞു​കൂ​ടേ? ഞങ്ങൾ അങ്ങനെ പറയു​ന്നെ​ന്നാ​ണ​ല്ലോ ചിലർ ആരോ​പി​ക്കു​ന്നത്‌. അവർക്കെ​തി​രെ​യുള്ള ന്യായ​വി​ധി എന്തു​കൊ​ണ്ടും നീതിക്കു ചേർച്ച​യി​ലാണ്‌.+

9 അപ്പോൾപ്പിന്നെ നമുക്ക്‌ എന്തെങ്കി​ലും മേന്മയു​ണ്ടെ​ന്നാ​ണോ? ഇല്ല, ഒട്ടുമില്ല! മുമ്പ്‌ പറഞ്ഞതു​പോ​ലെ, ജൂതന്മാ​രും ഗ്രീക്കു​കാ​രും ഒരു​പോ​ലെ പാപത്തിൻകീ​ഴി​ലാണ്‌.+ 10 ഇങ്ങനെ എഴുതി​യി​ട്ടു​ണ്ട​ല്ലോ: “നീതി​മാൻ ആരുമില്ല. ഒരാൾപ്പോ​ലു​മില്ല.+ 11 ഉൾക്കാഴ്‌ചയുള്ള ആരുമില്ല. ദൈവത്തെ അന്വേ​ഷി​ക്കുന്ന ഒരാളു​മില്ല. 12 എല്ലാവരും വഴി​തെ​റ്റി​പ്പോ​യി​രി​ക്കു​ന്നു. അവരെ​ല്ലാം ഒരു ഗുണവു​മി​ല്ലാ​ത്ത​വ​രാ​യി​ത്തീർന്നി​രി​ക്കു​ന്നു. ദയ കാണി​ക്കുന്ന ആരുമില്ല. ഒരാൾപ്പോ​ലു​മില്ല.”+ 13 “അവരുടെ തൊണ്ട, തുറന്ന ശവക്കുഴി. നാവു​കൊണ്ട്‌ അവർ വഞ്ചിച്ചി​രി​ക്കു​ന്നു.”+ “അവരുടെ വായിൽ സർപ്പവി​ഷ​മുണ്ട്‌.”+ 14 “അവരുടെ വായ്‌ നിറയെ ശാപവും വിദ്വേ​ഷ​വും ആണ്‌.”+ 15 “അവരുടെ കാലുകൾ രക്തം ചൊരി​യാൻ കുതി​ക്കു​ന്നു.”+ 16 “അവരുടെ വഴിക​ളിൽ വിനാ​ശ​വും കഷ്ടതയും ഉണ്ട്‌. 17 സമാധാനത്തിന്റെ വഴി അവർക്ക്‌ അറിയില്ല.”+ 18 “അവരുടെ കൺമു​ന്നിൽ ഒട്ടും ദൈവ​ഭ​യ​മില്ല.”+

19 നിയമത്തിൽ പറയു​ന്ന​തെ​ല്ലാം നിയമ​ത്തിൻകീ​ഴി​ലു​ള്ള​വ​രോ​ടാ​ണെന്നു നമുക്ക്‌ അറിയാം. അതു​കൊണ്ട്‌ എല്ലാ വായും അടഞ്ഞു​പോ​കു​ക​യും ലോകം മുഴുവൻ ദൈവ​സ​ന്നി​ധി​യിൽ ശിക്ഷയ്‌ക്ക്‌ അർഹരാ​യി​ത്തീ​രു​ക​യും ചെയ്യും.+ 20 അതിനാൽ നിയമം ആവശ്യ​പ്പെ​ടുന്ന കാര്യങ്ങൾ ചെയ്യുന്നു എന്നതു​കൊണ്ട്‌ ആരെയും ദൈവ​ത്തി​ന്റെ മുന്നിൽ നീതി​മാ​നാ​യി പ്രഖ്യാ​പി​ക്കില്ല.+ നിയമ​ത്തിൽനിന്ന്‌ പാപ​ത്തെ​ക്കു​റിച്ച്‌ ശരിയായ* അറിവ്‌ ലഭിക്കു​ന്നു എന്നു മാത്രമേ ഉള്ളൂ.+

21 എന്നാൽ നിയമ​വും പ്രവാ​ച​ക​ന്മാ​രും സാക്ഷ്യപ്പെടുത്തുന്നതുപോലെ+ നിയമം കൂടാ​തെ​തന്നെ ഇപ്പോൾ ദൈവ​ത്തി​ന്റെ നീതി വെളി​പ്പെ​ട്ടി​രി​ക്കു​ന്നു.+ 22 അതെ, വിശ്വ​സി​ക്കുന്ന എല്ലാവർക്കും​വേണ്ടി യേശു​ക്രി​സ്‌തു​വി​ലുള്ള വിശ്വാ​സ​ത്തി​ലൂ​ടെ ദൈവ​നീ​തി വെളി​പ്പെ​ട്ടി​രി​ക്കു​ന്നു. കാരണം ദൈവ​ത്തി​ന്റെ മുമ്പാകെ ആർക്കും ഒരു വ്യത്യാ​സ​വു​മില്ല.+ 23 എല്ലാവരും പാപം ചെയ്‌ത്‌ ദൈവ​തേ​ജ​സ്സി​ല്ലാ​ത്ത​വ​രാ​യി​രി​ക്കു​ന്ന​ല്ലോ.*+ 24 എന്നാൽ ദൈവം, ക്രിസ്‌തു​യേശു നൽകിയ മോചനവിലയാൽ*+ അവരെ മോചി​പ്പിച്ച്‌ നീതി​മാ​ന്മാ​രാ​യി പ്രഖ്യാ​പി​ക്കു​ന്നു. വാസ്‌ത​വ​ത്തിൽ ഇതു ദൈവ​ത്തിന്‌ അനർഹദയ+ തോന്നി​യിട്ട്‌, സൗജന്യ​മാ​യി നൽകുന്ന ഒരു സമ്മാന​മാണ്‌.+ 25 യേശുവിന്റെ രക്തത്തിൽ വിശ്വസിക്കുന്നവർക്കു+ ദൈവ​വു​മാ​യി സമാധാനത്തിലാകാൻ+ ദൈവം യേശു​വി​നെ ഒരു യാഗമായി* നൽകി. ദൈവം അങ്ങനെ ചെയ്‌തത്‌, താൻ സംയമനത്തോടെ* കാത്തി​രുന്ന മുൻകാ​ല​ങ്ങ​ളിൽ ആളുക​ളു​ടെ പാപങ്ങൾ ക്ഷമിച്ചതു തന്റെ ഭാഗത്തെ നീതി​യാ​ണെന്നു വരേണ്ട​തി​നും 26 ഇക്കാലത്ത്‌ താൻ യേശു​വിൽ വിശ്വ​സി​ക്കുന്ന ഒരാളെ നീതി​മാ​നാ​യി പ്രഖ്യാപിക്കുമ്പോൾ+ അതും തന്റെ ഭാഗത്തെ നീതി​യാ​ണെന്നു വരേണ്ട​തി​നും ആണ്‌.+

27 അങ്ങനെയെങ്കിൽ, പൊങ്ങച്ചം പറയാൻ എന്തിരി​ക്കു​ന്നു? അതിനു സ്ഥാനമി​ല്ലാ​താ​യി. ഏതു നിയമ​ത്താൽ? പ്രവൃ​ത്തി​ക​ളു​ടെ നിയമ​ത്താ​ലാ​ണോ?+ അല്ല, വിശ്വാ​സ​ത്തി​ന്റെ നിയമ​ത്താൽ. 28 കാരണം നിയമം ആവശ്യ​പ്പെ​ടുന്ന കാര്യങ്ങൾ ചെയ്യു​ന്ന​തി​നാ​ലല്ല, പകരം വിശ്വാ​സ​ത്താ​ലാണ്‌ ഒരാളെ നീതി​മാ​നാ​യി പ്രഖ്യാ​പി​ക്കു​ന്ന​തെന്നു നമ്മൾ മനസ്സി​ലാ​ക്കു​ന്നു.+ 29 ദൈവം ജൂതന്മാ​രു​ടെ മാത്രം ദൈവ​മാ​ണോ?+ ജനതക​ളിൽപ്പെ​ട്ട​വ​രു​ടെ​യും ദൈവ​മല്ലേ?+ അതെ, ദൈവം ജനതക​ളിൽപ്പെ​ട്ട​വ​രു​ടെ​യും ദൈവ​മാണ്‌.+ 30 ദൈവം ഒന്നേ ഉള്ളൂ.+ അതു​കൊണ്ട്‌ പരി​ച്ഛേ​ദ​ന​യേ​റ്റ​വ​രെ​യും പരി​ച്ഛേ​ദ​ന​യേൽക്കാ​ത്ത​വ​രെ​യും ദൈവം അവരുടെ വിശ്വാ​സ​ത്താൽ നീതി​മാ​ന്മാ​രാ​യി പ്രഖ്യാ​പി​ക്കു​ന്നു.+ 31 അപ്പോൾ നമ്മുടെ വിശ്വാ​സ​ത്താൽ നമ്മൾ നിയമത്തെ നീക്കി​ക്ക​ള​യു​ക​യാ​ണോ? ഒരിക്ക​ലു​മല്ല! നമ്മൾ നിയമത്തെ പിന്താ​ങ്ങു​ക​യാ​ണു ചെയ്യു​ന്നത്‌.+

4 അങ്ങനെ​യെ​ങ്കിൽ, നമ്മുടെ പൂർവി​ക​നായ അബ്രാ​ഹാം ജഡപ്രകാരം* എന്തു നേടി? 2 അബ്രാഹാമിനെ നീതി​മാ​നാ​യി പ്രഖ്യാ​പി​ച്ചതു പ്രവൃ​ത്തി​ക​ളു​ടെ അടിസ്ഥാ​ന​ത്തി​ലാ​ണെ​ങ്കിൽ അബ്രാ​ഹാ​മിന്‌ അഭിമാ​നി​ക്കാൻ വകയുണ്ട്‌. എന്നാൽ ദൈവ​സ​ന്നി​ധി​യിൽ അഭിമാ​നി​ക്കാൻ വകയില്ല. 3 തിരുവെഴുത്ത്‌ എന്തു പറയുന്നു? “അബ്രാ​ഹാം യഹോവയിൽ* വിശ്വ​സി​ച്ചു. അതു​കൊണ്ട്‌ അബ്രാ​ഹാ​മി​നെ നീതി​മാ​നാ​യി കണക്കാക്കി”+ എന്നല്ലേ? 4 ജോലി ചെയ്യു​ന്ന​യാൾക്കു കൊടു​ക്കുന്ന കൂലിയെ ഒരു ഔദാര്യമായി* ആരും കണക്കാ​ക്കില്ല. അത്‌ അയാൾക്ക്‌ അവകാ​ശ​പ്പെ​ട്ട​താണ്‌. 5 എന്നാൽ ഒരാൾ ഒന്നും ചെയ്യു​ന്നി​ല്ലെ​ങ്കിൽപ്പോ​ലും അഭക്തരെ നീതി​മാ​ന്മാ​രാ​യി പ്രഖ്യാ​പി​ക്കുന്ന ദൈവ​ത്തിൽ വിശ്വ​സി​ക്കു​ന്നെ​ങ്കിൽ അയാളു​ടെ വിശ്വാ​സം നീതി​യാ​യി കണക്കി​ടും.+ 6 പ്രവൃത്തികൾ നോക്കാ​തെ​തന്നെ ദൈവം നീതി​മാ​നാ​യി കണക്കാ​ക്കുന്ന മനുഷ്യ​ന്റെ സന്തോ​ഷ​ത്തെ​പ്പറ്റി ദാവീ​ദും ഇങ്ങനെ പറയുന്നു: 7 “ധിക്കാരം* ക്ഷമിച്ചും പാപം മറച്ചും* കിട്ടി​യവർ സന്തുഷ്ടർ. 8 യഹോവ* പാപം കണക്കി​ലെ​ടു​ക്കാത്ത മനുഷ്യൻ സന്തുഷ്ടൻ.”+

9 ഈ സന്തോഷം പരിച്ഛേദനയേറ്റവർക്കു* മാത്ര​മു​ള്ള​താ​ണോ, അതോ പരി​ച്ഛേ​ദ​ന​യേൽക്കാത്ത അഗ്രചർമി​കൾക്കും കൂടെ​യു​ള്ള​തോ?+ “അബ്രാ​ഹാ​മി​ന്റെ വിശ്വാ​സം കാരണം അബ്രാ​ഹാ​മി​നെ നീതി​മാ​നാ​യി കണക്കാക്കി”+ എന്നു നമ്മൾ പറയു​ന്നു​ണ്ട​ല്ലോ. 10 അങ്ങനെയെങ്കിൽ, എപ്പോ​ഴാണ്‌ അതു കണക്കി​ട്ടത്‌? പരി​ച്ഛേ​ദ​ന​യേ​റ്റ​ശേ​ഷ​മോ, അതിനു മുമ്പോ? പരി​ച്ഛേ​ദ​ന​യേ​റ്റ​ശേ​ഷമല്ല, അതിനു മുമ്പു​ത​ന്നെ​യാണ്‌. 11 പരിച്ഛേദനയേൽക്കുന്നതിനു മുമ്പു​തന്നെ വിശ്വാ​സ​ത്താൽ നീതീ​ക​രി​ക്ക​പ്പെട്ടു എന്നതിന്റെ മുദ്രയായി* അബ്രാ​ഹാ​മി​നു പരി​ച്ഛേ​ദ​ന​യെന്ന അടയാളം+ ലഭിച്ചു. അങ്ങനെ, അഗ്രചർമി​ക​ളാ​യി​രി​ക്കെ വിശ്വാ​സ​ത്താൽ നീതീ​ക​രി​ക്ക​പ്പെട്ട സകലർക്കും അബ്രാ​ഹാം പിതാ​വാ​യി.+ 12 പരിച്ഛേദനയേറ്റവർക്കും അബ്രാ​ഹാം പിതാ​വാ​യി. അതെ, പരി​ച്ഛേ​ദ​ന​യേ​റ്റ​വർക്കും അഗ്രചർമി​യാ​യി​രി​ക്കെ നമ്മുടെ പിതാ​വായ അബ്രാ​ഹാ​മി​നു​ണ്ടാ​യി​രുന്ന വിശ്വാ​സ​ത്തി​ന്റെ അതേ മാതൃക ചിട്ട​യോ​ടെ പിൻപ​റ്റു​ന്ന​വർക്കും അബ്രാ​ഹാം പിതാ​വാ​യി.+

13 ഒരു ലോകത്തിന്റെ* അവകാ​ശി​യാ​കു​മെന്ന വാഗ്‌ദാ​നം അബ്രാ​ഹാ​മി​നും സന്തതിക്കും* ലഭിച്ചതു+ നിയമ​ത്തി​ലൂ​ടെയല്ല, വിശ്വാ​സ​ത്താ​ലുള്ള നീതി​യി​ലൂ​ടെ​യാണ്‌.+ 14 നിയമം പാലി​ക്കു​ന്ന​വ​രാണ്‌ അവകാ​ശി​ക​ളെ​ങ്കിൽ വിശ്വാ​സം​കൊണ്ട്‌ ഒരു പ്രയോ​ജ​ന​വു​മി​ല്ലെ​ന്നും വാഗ്‌ദാ​ന​ത്തി​നു വിലയി​ല്ലെ​ന്നും വരും. 15 വാസ്‌തവത്തിൽ, നിയമം ക്രോ​ധ​ത്തി​നു വഴി​തെ​ളി​ക്കു​ക​യാ​ണു ചെയ്യു​ന്നത്‌.+ കാരണം നിയമ​മി​ല്ലെ​ങ്കിൽ ലംഘന​വു​മില്ല.+

16 അതുകൊണ്ടാണ്‌ വിശ്വാ​സ​ത്തി​ന്റെ അടിസ്ഥാ​ന​ത്തിൽ വാഗ്‌ദാ​നം നൽകി​യത്‌. ദൈവ​ത്തിന്‌ അനർഹദയ തോന്നിയിട്ടാണു+ വാഗ്‌ദാ​നം നൽകി​യത്‌ എന്ന്‌ അതിലൂ​ടെ വ്യക്തമാ​കു​ന്നു. വാഗ്‌ദാ​നം നിറ​വേ​റു​മെന്ന്‌ അബ്രാ​ഹാ​മി​ന്റെ സന്തതികൾക്കെല്ലാം*+ ഉറപ്പു തോന്നാ​നാ​ണു ദൈവം അങ്ങനെ ചെയ്‌തത്‌. അതിൽ നിയമം പാലി​ക്കു​ന്നവർ മാത്രമല്ല നമ്മു​ടെ​യെ​ല്ലാം പിതാ​വായ അബ്രാ​ഹാ​മി​ന്റേ​തു​പോ​ലുള്ള വിശ്വാ​സ​മുള്ള മറ്റുള്ള​വ​രും ഉൾപ്പെ​ടു​ന്നു.+ 17 (“ഞാൻ നിന്നെ അനേകം ജനതക​ളു​ടെ പിതാ​വാ​ക്കി​യി​രി​ക്കു​ന്നു”+ എന്ന്‌ എഴുതി​യി​ട്ടു​ണ്ട​ല്ലോ.) അബ്രാ​ഹാം വിശ്വ​സിച്ച ദൈവ​ത്തി​ന്റെ വീക്ഷണ​ത്തിൽ, അതായത്‌ മരിച്ച​വരെ ജീവി​പ്പി​ക്കു​ക​യും ഇല്ലാത്ത​വയെ ഉള്ളവ​യെ​പ്പോ​ലെ വിളിക്കുകയും* ചെയ്യുന്ന ദൈവ​ത്തി​ന്റെ വീക്ഷണ​ത്തിൽ, ഉറപ്പു​ള്ള​താ​യി​രു​ന്നു ഈ വാഗ്‌ദാ​നം. 18 “നിന്റെ സന്തതിയും* ഇതു​പോ​ലെ​യാ​കും”+ എന്ന വാഗ്‌ദാ​ന​ത്തി​നു ചേർച്ച​യിൽ താൻ അനേകം ജനതകൾക്കു പിതാ​വാ​കും എന്ന്‌ അബ്രാ​ഹാം പ്രത്യാ​ശ​യോ​ടെ വിശ്വ​സി​ച്ചു. പ്രതീ​ക്ഷ​യ്‌ക്ക്‌ ഒരു വകയു​മി​ല്ലാ​ഞ്ഞി​ട്ടും അബ്രാ​ഹാം അതു വിശ്വ​സി​ച്ചു. 19 തന്റെ ശരീരം മരിച്ച​തി​നു തുല്യ​മാ​ണെ​ന്നും (കാരണം അപ്പോൾ അബ്രാ​ഹാ​മിന്‌ ഏകദേശം 100 വയസ്സു​ണ്ടാ​യി​രു​ന്നു.)+ സാറയു​ടെ ഗർഭപാ​ത്രം നിർജീവമാണെന്നും*+ അറിയാ​മാ​യി​രു​ന്നി​ട്ടും അബ്രാ​ഹാ​മി​ന്റെ വിശ്വാ​സ​ത്തിന്‌ ഒരു കുറവും വന്നില്ല. 20 ദൈവത്തിന്റെ വാഗ്‌ദാ​നത്തെ അവിശ്വ​സിച്ച്‌ ചഞ്ചല​പ്പെ​ടാ​തെ അബ്രാ​ഹാം വിശ്വാ​സ​ത്താൽ ശക്തി​പ്പെട്ട്‌ ദൈവത്തെ മഹത്ത്വ​പ്പെ​ടു​ത്തി. 21 വാഗ്‌ദാനം നിവർത്തി​ക്കാൻ ദൈവം പ്രാപ്‌തനാണെന്ന്‌+ അബ്രാ​ഹാ​മി​നു പൂർണ​ബോ​ധ്യ​മു​ണ്ടാ​യി​രു​ന്നു. 22 അതുകൊണ്ട്‌, “അബ്രാ​ഹാ​മി​നെ നീതി​മാ​നാ​യി കണക്കാക്കി.”+

23 ‘അത്‌ അബ്രാ​ഹാ​മി​നു കണക്കിട്ടു’ എന്ന്‌ എഴുതി​യി​രി​ക്കു​ന്നത്‌ അബ്രാ​ഹാ​മി​നു​വേണ്ടി മാത്രമല്ല,+ 24 നമുക്കുവേണ്ടിയുമാണ്‌. നമുക്കും അതു കണക്കി​ടും. കാരണം, നമ്മുടെ കർത്താ​വായ യേശു​വി​നെ മരിച്ച​വ​രിൽനിന്ന്‌ ഉയിർപ്പിച്ച ദൈവത്തിൽ+ നമ്മളും വിശ്വ​സി​ക്കു​ന്നുണ്ട്‌. 25 നമ്മുടെ അപരാ​ധ​ങ്ങൾക്കു​വേ​ണ്ടി​യാ​ണ​ല്ലോ യേശു​വി​നെ മരണത്തി​ന്‌ ഏൽപ്പി​ച്ചത്‌.+ നമ്മളെ നീതി​മാ​ന്മാ​രാ​യി പ്രഖ്യാപിക്കാൻവേണ്ടിയാണല്ലോ+ യേശു​വി​നെ ഉയിർപ്പി​ച്ചത്‌.

5 അതു​കൊണ്ട്‌ വിശ്വാ​സ​ത്തി​ന്റെ പേരിൽ നമ്മളെ നീതി​മാ​ന്മാ​രാ​യി പ്രഖ്യാ​പി​ച്ചി​രി​ക്കുന്ന സ്ഥിതിക്ക്‌,+ നമ്മുടെ കർത്താ​വായ യേശു​ക്രി​സ്‌തു​വി​ലൂ​ടെ നമുക്കു ദൈവ​വു​മാ​യി സമാധാ​ന​ത്തി​ലാ​യി​രി​ക്കാം.*+ 2 യേശുവിലൂടെയാണല്ലോ നമ്മൾ ഇപ്പോൾ ആസ്വദി​ക്കുന്ന, ദൈവ​ത്തി​ന്റെ അനർഹ​ദ​യ​യി​ലേക്കു വിശ്വാ​സ​ത്താൽ നമുക്കു പ്രവേ​ശനം കിട്ടി​യത്‌.+ ദൈവ​മ​ഹ​ത്ത്വ​ത്തിൽ പങ്കു​ചേ​രാ​മെന്ന പ്രത്യാ​ശ​യു​ള്ള​തു​കൊണ്ട്‌ നമുക്കു സന്തോ​ഷി​ക്കാം.* 3 അതു മാത്രമല്ല, കഷ്ടതക​ളി​ലും നമുക്ക്‌ ആനന്ദി​ക്കാം.*+ കാരണം കഷ്ടത സഹനശക്തിയും+ 4 സഹനശക്തി അംഗീകാരവും+ അംഗീ​കാ​രം പ്രത്യാ​ശ​യും ഉളവാക്കുന്നെന്നു+ നമുക്ക്‌ അറിയാം. 5 നമ്മുടെ പ്രത്യാശ ഒരിക്ക​ലും നമ്മളെ നിരാ​ശ​പ്പെ​ടു​ത്തില്ല.+ കാരണം നമുക്കു നൽകിയ പരിശുദ്ധാത്മാവിലൂടെ* ദൈവ​ത്തി​ന്റെ സ്‌നേഹം നമ്മുടെ ഹൃദയ​ങ്ങ​ളി​ലേക്കു ചൊരി​ഞ്ഞി​രി​ക്കു​ന്നു.+

6 നിശ്ചയിച്ച സമയത്ത്‌ ക്രിസ്‌തു അഭക്തർക്കു​വേണ്ടി മരിച്ചു. നമ്മൾ ദുർബലരായിരിക്കുമ്പോൾത്തന്നെ+ ക്രിസ്‌തു അങ്ങനെ ചെയ്‌തു. 7 നീതിനിഷ്‌ഠനായ ഒരാൾക്കു​വേണ്ടി ആരെങ്കി​ലും മരിക്കു​ന്നത്‌ അപൂർവ​മാണ്‌. നല്ലവനായ ഒരാൾക്കു​വേണ്ടി ഒരുപക്ഷേ ആരെങ്കി​ലും മരിക്കാൻ തയ്യാറാ​യേ​ക്കാം. 8 എന്നാൽ നമ്മൾ പാപി​ക​ളാ​യി​രി​ക്കു​മ്പോൾത്ത​ന്നെ​യാ​ണു ക്രിസ്‌തു നമുക്കു​വേണ്ടി മരിച്ചത്‌. ഇതിലൂ​ടെ ദൈവം നമ്മളോ​ടുള്ള തന്റെ സ്‌നേഹം കാണി​ച്ചു​ത​രു​ന്നു.+ 9 അതുകൊണ്ട്‌ ക്രിസ്‌തു​വി​ന്റെ രക്തത്തി​ലൂ​ടെ നമ്മളെ നീതി​മാ​ന്മാ​രാ​യി പ്രഖ്യാപിച്ചുകഴിഞ്ഞ+ സ്ഥിതിക്ക്‌, ക്രിസ്‌തു​വി​ലൂ​ടെ നമ്മൾ ദൈവ​ക്രോ​ധ​ത്തിൽനിന്ന്‌ രക്ഷപ്പെടുമെന്ന്‌+ എത്രയ​ധി​കം ഉറപ്പാണ്‌! 10 നമ്മൾ ശത്രു​ക്ക​ളാ​യി​രു​ന്ന​പ്പോൾത്തന്നെ പുത്രന്റെ മരണത്തി​ലൂ​ടെ ദൈവ​വു​മാ​യി അനുരഞ്‌ജനത്തിലായെങ്കിൽ+ ഇപ്പോൾ അനുര​ഞ്‌ജ​ന​ത്തി​ലാ​യി​ക്ക​ഴിഞ്ഞ നമുക്കു പുത്രന്റെ ജീവൻമൂ​ലം രക്ഷ കിട്ടു​മെ​ന്നു​ള്ളത്‌ എത്ര ഉറപ്പാണ്‌! 11 അതു മാത്രമല്ല, നമ്മുടെ കർത്താ​വായ യേശു​ക്രി​സ്‌തു​വി​ലൂ​ടെ ദൈവ​വു​മാ​യി ലഭിച്ച ബന്ധം നിമി​ത്ത​വും നമ്മൾ ആനന്ദി​ക്കു​ന്നു. വാസ്‌ത​വ​ത്തിൽ ക്രിസ്‌തു​വി​ലൂ​ടെ​യാ​ണ​ല്ലോ നമുക്ക്‌ ഇപ്പോൾ അനുര​ഞ്‌ജനം സാധ്യ​മാ​യത്‌.+

12 ഒരു മനുഷ്യ​നി​ലൂ​ടെ പാപവും പാപത്തി​ലൂ​ടെ മരണവും ലോക​ത്തിൽ കടന്നു.+ അങ്ങനെ എല്ലാവ​രും പാപം ചെയ്‌ത​തു​കൊണ്ട്‌ മരണം എല്ലാ മനുഷ്യ​രി​ലേ​ക്കും വ്യാപി​ച്ചു.+ 13 നിയമം നൽകു​ന്ന​തി​നു മുമ്പും പാപം ലോക​ത്തു​ണ്ടാ​യി​രു​ന്നു. എന്നാൽ നിയമ​മി​ല്ലാ​ത്ത​പ്പോൾ പാപം കണക്കി​ടു​ന്നില്ല.+ 14 എങ്കിലും ആദാം മുതൽ മോശ വരെ മരണം രാജാ​വാ​യി വാണു. ആദാം ചെയ്‌ത​തു​പോ​ലുള്ള പാപം ചെയ്യാ​ത്ത​വ​രു​ടെ മേൽപോ​ലും മരണം ആ സമയത്ത്‌ വാഴ്‌ച നടത്തി. വരാനി​രു​ന്ന​വ​നോ​ടു പല കാര്യ​ങ്ങ​ളി​ലും സാമ്യ​മു​ള്ള​വ​നാ​യി​രു​ന്ന​ല്ലോ ആദാം.+

15 എന്നാൽ അപരാ​ധ​ത്തി​ന്റെ കാര്യം​പോ​ലെയല്ല സമ്മാന​ത്തി​ന്റെ കാര്യം. ഒരാളു​ടെ അപരാധം അനേകം പേരുടെ മരണത്തി​നു കാരണ​മാ​യി. അതേസ​മയം, ദൈവ​ത്തി​ന്റെ അനർഹ​ദ​യ​യും യേശു​ക്രി​സ്‌തു എന്ന ഒരാളു​ടെ അനർഹദയയാൽ+ ദൈവം സൗജന്യ​മാ​യി നൽകുന്ന സമ്മാന​വും അനേകർക്കു സമൃദ്ധ​മാ​യി അനു​ഗ്ര​ഹങ്ങൾ ലഭിക്കാൻ ഇടയാക്കി!+ 16 സൗജന്യമായി കിട്ടിയ ഈ സമ്മാനം​കൊ​ണ്ടുള്ള നേട്ടങ്ങളെ ആ ഒരു മനുഷ്യ​ന്റെ പാപത്തി​ന്റെ ഭവിഷ്യത്തുകളോടു+ താരത​മ്യ​പ്പെ​ടു​ത്താ​നാ​കില്ല. കാരണം ഒറ്റ അപരാ​ധ​ത്തെ​ത്തു​ടർന്ന്‌ ആളുകളെ കുറ്റക്കാ​രെന്നു വിധിച്ചു.+ എന്നാൽ പല അപരാ​ധ​ങ്ങൾക്കു ശേഷം ലഭിച്ച സമ്മാനം അനേകരെ നീതി​മാ​ന്മാ​രാ​യി പ്രഖ്യാ​പി​ച്ചി​രി​ക്കു​ന്നു.+ 17 ഒറ്റ മനുഷ്യ​ന്റെ അപരാധം കാരണം അയാളി​ലൂ​ടെ മരണം രാജാ​വാ​യി വാണെ​ങ്കിൽ,+ അനർഹ​ദ​യ​യും സൗജന്യ​മാ​യി കിട്ടുന്ന നീതി എന്ന സമ്മാനവും+ സമൃദ്ധ​മാ​യി ലഭിച്ചവർ യേശു​ക്രി​സ്‌തു എന്ന ഒരു വ്യക്തിയിലൂടെ+ ജീവിച്ച്‌ രാജാ​ക്ക​ന്മാ​രാ​യി വാഴുമെന്നത്‌+ എത്രയോ ഉറപ്പാണ്‌!

18 അങ്ങനെ, ഒറ്റ അപരാധം കാരണം എല്ലാ തരം മനുഷ്യ​രെ​യും കുറ്റക്കാ​രാ​യി വിധി​ച്ച​തു​പോ​ലെ,+ ഒറ്റ നീതി​പ്ര​വൃ​ത്തി​യു​ടെ അടിസ്ഥാ​ന​ത്തിൽ എല്ലാ തരം മനുഷ്യരെയും+ നീതി​മാ​ന്മാ​രാ​യി പ്രഖ്യാ​പിച്ച്‌ അവർക്കു ജീവൻ നൽകും.+ 19 ഒറ്റ മനുഷ്യ​ന്റെ അനുസ​ര​ണ​ക്കേ​ടു​കൊണ്ട്‌ അനേകർ പാപികളായതുപോലെ+ ഒറ്റ വ്യക്തി​യു​ടെ അനുസ​ര​ണം​കൊണ്ട്‌ അനേകർ നീതി​മാ​ന്മാ​രാ​യി​ത്തീ​രും.+ 20 അപരാധങ്ങൾ പെരു​കു​ന്ന​തി​നാ​യി പിന്നെ നിയമം​കൂ​ടെ രംഗ​ത്തെത്തി.+ എന്നാൽ പെരു​കുന്ന പാപ​ത്തെ​യും കവിയു​ന്ന​താ​യി​രു​ന്നു അനർഹദയ. 21 എന്തിനുവേണ്ടി? പാപം മരണ​ത്തോ​ടൊ​പ്പം രാജാ​വാ​യി വാണതുപോലെ+ നമ്മുടെ കർത്താ​വായ യേശു​ക്രി​സ്‌തു മുഖാ​ന്തരം നിത്യ​ജീ​വ​നി​ലേക്കു നയിക്കുന്ന+ നീതി​യി​ലൂ​ടെ അനർഹദയ രാജാ​വാ​യി വാഴാൻവേണ്ടി.

6 എന്നു​വെച്ച്‌ അനർഹദയ സമൃദ്ധ​മാ​യി ലഭിക്കാൻവേണ്ടി പാപം ചെയ്‌തു​കൊ​ണ്ടി​രി​ക്കാ​മെ​ന്നാ​ണോ പറഞ്ഞു​വ​രു​ന്നത്‌? 2 ഒരിക്കലുമല്ല! പാപം ചെയ്യുന്ന കാര്യ​ത്തിൽ നമ്മൾ മരിച്ച സ്ഥിതിക്ക്‌+ ഇനിയും പാപം ചെയ്‌തു​കൊണ്ട്‌ ജീവി​ക്കു​ന്നത്‌ എങ്ങനെ​യാണ്‌?+ 3 സ്‌നാനമേറ്റ്‌ ക്രിസ്‌തു​യേ​ശു​വി​ലേക്കു ചേർന്ന+ നമ്മൾ എല്ലാവ​രും ക്രിസ്‌തു​വി​ന്റെ മരണത്തി​ലേ​ക്കാ​ണു സ്‌നാനമേറ്റ്‌+ ചേർന്ന​തെന്നു നിങ്ങൾക്ക്‌ അറിയി​ല്ലേ? 4 അങ്ങനെ സ്‌നാ​ന​മേറ്റ്‌ ക്രിസ്‌തു​വി​ന്റെ മരണത്തി​ലേക്കു ചേർന്ന നമ്മൾ ക്രിസ്‌തു​വി​ന്റെ​കൂ​ടെ അടക്ക​പ്പെട്ടു.+ പിതാ​വി​ന്റെ മഹത്ത്വ​ത്താൽ ക്രിസ്‌തു മരിച്ച​വ​രിൽനിന്ന്‌ ഉയിർപ്പി​ക്ക​പ്പെ​ട്ട​തു​പോ​ലെ നമുക്കും പുതി​യൊ​രു ജീവിതം നയിക്കാൻ അതു വഴി തുറന്നു​തന്നു.+ 5 ക്രിസ്‌തുവിന്റേതുപോലുള്ള ഒരു മരണത്തി​ലൂ​ടെ നമ്മൾ ക്രിസ്‌തു​വി​നോ​ടു ചേർന്നെങ്കിൽ+ ഉറപ്പാ​യും ക്രിസ്‌തു​വി​ന്റേ​തു​പോ​ലുള്ള ഒരു പുനരു​ത്ഥാ​ന​ത്തി​ലൂ​ടെ​യും നമ്മൾ ക്രിസ്‌തു​വി​നോ​ടു ചേരും.+ 6 കാരണം നമ്മുടെ പഴയ വ്യക്തി​ത്വ​ത്തെ ക്രിസ്‌തു​വി​ന്റെ​കൂ​ടെ സ്‌തം​ഭ​ത്തിൽ തറച്ചെന്നു+ നമുക്ക്‌ അറിയാം. നമ്മൾ ഇനിയും പാപത്തി​ന്റെ അടിമ​ക​ളാ​യി കഴിയാതിരിക്കാൻവേണ്ടി+ പാപം നിറഞ്ഞ നമ്മുടെ ശരീരത്തെ നിഷ്‌ക്രിയമാക്കാനാണ്‌+ അതു ചെയ്‌തത്‌. 7 മരിച്ചയാൾ പാപത്തിൽനി​ന്ന്‌ മോചി​ത​നാ​യ​ല്ലോ.*

8 നമ്മൾ ക്രിസ്‌തു​വി​ന്റെ​കൂ​ടെ മരി​ച്ചെ​ങ്കിൽ ക്രിസ്‌തു​വി​ന്റെ​കൂ​ടെ ജീവി​ക്കു​മെ​ന്നും വിശ്വ​സി​ക്കു​ന്നു. 9 മരിച്ചവരിൽനിന്ന്‌ ഉയിർപ്പി​ക്ക​പ്പെട്ട ക്രിസ്‌തു+ ഇനി ഒരിക്ക​ലും മരിക്കില്ലെന്നു+ നമുക്ക്‌ അറിയാം. മരണത്തി​നു ക്രിസ്‌തു​വി​ന്റെ മേൽ ഇനി ഒരു അധികാ​ര​വു​മില്ല. 10 ക്രിസ്‌തുവിന്റെ മരണം പാപം ഇല്ലാതാ​ക്കുന്ന ഒരിക്കലായുള്ള* മരണമാ​യി​രു​ന്നു.+ എന്നാൽ ക്രിസ്‌തു​വി​ന്റെ ജീവിതം ദൈവ​ത്തി​നാ​യുള്ള ജീവി​ത​മാണ്‌. 11 അങ്ങനെ, നിങ്ങളും പാപത്തി​ന്റെ കാര്യ​ത്തിൽ മരി​ച്ചെ​ന്നും ക്രിസ്‌തു​യേ​ശു​വി​ലൂ​ടെ ദൈവ​ത്തി​നാ​യി ജീവി​ക്കു​ന്നെ​ന്നും കരുതി​ക്കൊ​ള്ളുക.+

12 അതുകൊണ്ട്‌ നിങ്ങൾ നിങ്ങളു​ടെ ശരീര​ത്തി​ന്റെ മോഹ​ങ്ങളെ അനുസ​രിച്ച്‌ നടക്കാ​തി​രി​ക്കാൻ, നിങ്ങളു​ടെ നശ്വര​മായ ശരീര​ത്തിൽ പാപത്തെ രാജാ​വാ​യി വാഴാൻ+ അനുവ​ദി​ക്ക​രുത്‌. 13 നിങ്ങളുടെ ശരീരങ്ങളെ* അനീതി​യു​ടെ ആയുധ​ങ്ങ​ളാ​യി പാപത്തി​നു സമർപ്പി​ക്കു​ന്ന​തി​നു പകരം മരിച്ച​വ​രിൽനിന്ന്‌ ജീവനി​ലേക്കു വന്നവരാ​യി നിങ്ങ​ളെ​ത്തന്നെ ദൈവ​ത്തി​നു സമർപ്പി​ക്കുക. നിങ്ങളു​ടെ ശരീരങ്ങളെ* നീതി​യു​ടെ ആയുധ​ങ്ങ​ളാ​യി ദൈവ​ത്തി​നു സമർപ്പി​ക്കുക.+ 14 നിങ്ങൾ നിയമ​ത്തി​ന്റെ കീഴിലല്ല,+ മറിച്ച്‌ അനർഹദയയുടെ+ കീഴി​ലാ​യ​തു​കൊണ്ട്‌ പാപം നിങ്ങളിൽ ആധിപ​ത്യം നടത്താൻ പാടില്ല.

15 അതിന്റെ അർഥം എന്താണ്‌? നമ്മൾ നിയമ​ത്തി​ന്റെ കീഴിലല്ല, അനർഹദയയുടെ+ കീഴി​ലാണ്‌ എന്നതു​കൊണ്ട്‌ പാപം ചെയ്യാ​മെ​ന്നാ​ണോ? ഒരിക്ക​ലു​മല്ല. 16 നിങ്ങൾ അനുസ​ര​ണ​മുള്ള അടിമ​ക​ളാ​യി ആർക്കെ​ങ്കി​ലും നിങ്ങ​ളെ​ത്തന്നെ വിട്ടു​കൊ​ടു​ക്കു​ന്നെ​ന്നി​രി​ക്കട്ടെ. ആ വ്യക്തിയെ അനുസ​രി​ക്കു​ന്ന​തു​കൊണ്ട്‌ നിങ്ങൾ അയാളു​ടെ അടിമ​യാ​ണെന്ന്‌ അറിയി​ല്ലേ?+ ഒന്നുകിൽ നിങ്ങൾ മരണത്തി​ലേക്കു നയിക്കുന്ന പാപത്തിന്റെ+ അടിമകൾ.+ അല്ലെങ്കിൽ നീതി​യി​ലേക്കു നയിക്കുന്ന അനുസ​ര​ണ​ത്തി​ന്റെ അടിമകൾ. 17 നിങ്ങൾ ഒരിക്കൽ പാപത്തി​ന്റെ അടിമ​ക​ളാ​യി​രു​ന്നെ​ങ്കി​ലും നിങ്ങളെ പഠിപ്പിച്ച കാര്യങ്ങൾ* ഹൃദയ​പൂർവം അനുസ​രി​ക്കാൻ നിങ്ങൾ ഇപ്പോൾ തയ്യാറാ​യ​തു​കൊണ്ട്‌ ദൈവ​ത്തി​നു നന്ദി. 18 പാപത്തിൽനിന്ന്‌ സ്വാത​ന്ത്ര്യം ലഭിച്ച+ നിങ്ങൾ ഇപ്പോൾ നീതി​യു​ടെ അടിമ​ക​ളാ​യി​ത്തീർന്നി​രി​ക്കു​ന്നു.+ 19 നിങ്ങളുടെ ജഡത്തിന്റെ* ബലഹീനത നിമി​ത്ത​മാ​ണു മനുഷ്യർക്കു മനസ്സി​ലാ​കുന്ന ഭാഷയിൽ ഞാൻ ഇതു പറയു​ന്നത്‌. നിങ്ങൾ നിങ്ങളു​ടെ അവയവ​ങ്ങളെ കുത്തഴിഞ്ഞ അവസ്ഥയി​ലേക്കു നയിക്കുന്ന അശുദ്ധി​ക്കും വഷളത്ത​ത്തി​നും അടിമ​ക​ളാ​യി വിട്ടു​കൊ​ടു​ത്ത​തു​പോ​ലെ, വിശു​ദ്ധി​യി​ലേക്കു നയിക്കുന്ന നീതിക്ക്‌ ഇപ്പോൾ നിങ്ങളു​ടെ അവയവ​ങ്ങളെ അടിമ​ക​ളാ​യി വിട്ടു​കൊ​ടു​ക്കുക.+ 20 നിങ്ങൾ പാപത്തി​ന്‌ അടിമ​ക​ളാ​യി​രു​ന്ന​പ്പോൾ നീതി​യു​ടെ പിടി​യിൽനിന്ന്‌ സ്വത​ന്ത്ര​രാ​യി​രു​ന്ന​ല്ലോ.

21 എന്നാൽ അന്നു നിങ്ങൾ എന്തു ഫലമാണു പുറ​പ്പെ​ടു​വി​ച്ചത്‌? ഇപ്പോൾ അത്തരം കാര്യ​ങ്ങ​ളെ​ക്കു​റിച്ച്‌ ഓർക്കു​മ്പോൾ നാണ​ക്കേടു തോന്നു​ന്നി​ല്ലേ? അവയുടെ അവസാനം മരണമാ​ണ്‌.+ 22 എന്നാൽ പാപത്തിൽനി​ന്ന്‌ സ്വത​ന്ത്ര​രാ​യി ഇപ്പോൾ ദൈവ​ത്തി​ന്റെ അടിമ​ക​ളാ​യി​ത്തീർന്നി​രി​ക്കുന്ന നിങ്ങൾ വിശുദ്ധി എന്ന ഫലം പുറ​പ്പെ​ടു​വി​ക്കു​ന്നു.+ അതിന്റെ അവസാ​ന​മോ നിത്യ​ജീ​വ​നും.+ 23 പാപം തരുന്ന ശമ്പളം മരണം.+ ദൈവം തരുന്ന സമ്മാന​മോ നമ്മുടെ കർത്താ​വായ ക്രിസ്‌തുയേശുവിലൂടെയുള്ള+ നിത്യ​ജീ​വ​നും.+

7 സഹോ​ദ​ര​ങ്ങളേ, (നിയമം അറിയു​ന്ന​വ​രോ​ടാ​ണ​ല്ലോ ഞാൻ സംസാ​രി​ക്കു​ന്നത്‌.) ഒരു മനുഷ്യൻ ജീവി​ച്ചി​രി​ക്കു​ന്നി​ട​ത്തോ​ളം കാലമേ നിയമ​ത്തിന്‌ അയാളു​ടെ മേൽ അധികാ​ര​മു​ള്ളൂ എന്നു നിങ്ങൾക്ക്‌ അറിയി​ല്ലേ? 2 ഉദാഹരണത്തിന്‌, വിവാ​ഹി​ത​യായ ഒരു സ്‌ത്രീ ഭർത്താവ്‌ ജീവി​ച്ചി​രി​ക്കു​മ്പോൾ നിയമം മൂലം അയാ​ളോ​ടു ബന്ധിക്ക​പ്പെ​ട്ടി​രി​ക്കു​ന്ന​ല്ലോ. എന്നാൽ ഭർത്താവ്‌ മരിച്ചാൽ ആ സ്‌ത്രീ ഭർത്താ​വി​ന്റെ നിയമ​ത്തിൽനിന്ന്‌ സ്വത​ന്ത്ര​യാണ്‌.+ 3 ഭർത്താവ്‌ ജീവി​ച്ചി​രി​ക്കു​മ്പോൾ ആ സ്‌ത്രീ മറ്റൊരു പുരു​ഷ​ന്റേ​താ​യാൽ വ്യഭി​ചാ​രി​ണി എന്നു വരും.+ എന്നാൽ ഭർത്താവ്‌ മരിച്ചാൽ ആ സ്‌ത്രീ ഭർത്താ​വി​ന്റെ നിയമ​ത്തിൽനിന്ന്‌ സ്വത​ന്ത്ര​യാ​കു​ന്ന​തു​കൊണ്ട്‌ മറ്റൊരു പുരു​ഷ​ന്റേ​താ​യാൽ വ്യഭി​ചാ​രി​ണി​യാ​കില്ല.+

4 അങ്ങനെതന്നെ സഹോ​ദ​ര​ങ്ങളേ, നിങ്ങളും ക്രിസ്‌തു​വി​ന്റെ ശരീരം​വഴി നിയമം സംബന്ധി​ച്ച്‌ മരിച്ച​വ​രാ​യി. ഇതു നിങ്ങൾ മറ്റൊ​രാ​ളു​ടേത്‌,+ അതായത്‌ മരിച്ച​വ​രിൽനിന്ന്‌ ഉയിർത്തെ​ഴു​ന്നേ​റ്റ​വ​ന്റേത്‌,+ ആകാനും അങ്ങനെ നമ്മൾ ദൈവ​ത്തി​നു​വേണ്ടി ഫലം കായ്‌ക്കുന്നവരാകാനും+ വേണ്ടി സംഭവി​ച്ച​താണ്‌. 5 നമ്മൾ ജഡപ്രകാരം* ജീവി​ച്ച​പ്പോൾ നിയമം ഉണർത്തി​വിട്ട പാപവി​കാ​രങ്ങൾ, മരണത്തി​ലേക്കു നയിക്കുന്ന ഫലം കായ്‌ക്കുന്ന+ വിധത്തിൽ നമ്മുടെ ശരീരങ്ങളിൽ* പ്രവർത്തി​ച്ചു​പോ​ന്നു. 6 ഇപ്പോഴോ, നമ്മളെ ബന്ധനത്തി​ലാ​ക്കി​യി​രുന്ന നിയമം സംബന്ധി​ച്ച്‌ നമ്മൾ മരിച്ച​തു​കൊണ്ട്‌ നമ്മൾ നിയമ​ത്തിൽനിന്ന്‌ സ്വത​ന്ത്ര​രാ​ക്ക​പ്പെ​ട്ടി​രി​ക്കു​ന്നു.+ എഴുത​പ്പെട്ട നിയമ​സം​ഹി​ത​യാൽ പഴയ വിധത്തി​ലല്ല,+ ദൈവാ​ത്മാ​വി​നാൽ പുതി​യൊ​രു വിധത്തിൽ അടിമകളായിരിക്കാൻവേണ്ടിയാണ്‌+ ഇതു സംഭവി​ച്ചത്‌.

7 അതുകൊണ്ട്‌ നമ്മൾ എന്താണു പറയേ​ണ്ടത്‌? നിയമം പാപമാ​ണെ​ന്നാ​ണോ? ഒരിക്ക​ലു​മല്ല! നിയമ​ത്താ​ല​ല്ലാ​തെ ഞാൻ പാപത്തെ അറിയു​മാ​യി​രു​ന്നില്ല.+ ഉദാഹ​ര​ണ​ത്തിന്‌, “മോഹി​ക്ക​രുത്‌”*+ എന്നു നിയമം പറഞ്ഞി​ല്ലാ​യി​രു​ന്നെ​ങ്കിൽ മോഹം എന്താ​ണെ​ന്നു​പോ​ലും ഞാൻ അറിയി​ല്ലാ​യി​രു​ന്നു. 8 നിയമത്തിൽ ഈ കല്‌പ​ന​യു​ള്ള​തു​കൊണ്ട്‌ എന്നിൽ എല്ലാ തരം തെറ്റായ മോഹവും* ജനിപ്പി​ക്കാൻ പാപം ഒരു വഴി കണ്ടെത്തി. കാരണം നിയമ​മി​ല്ലാ​ത്ത​പ്പോൾ പാപം നിർജീ​വ​മാണ്‌.+ 9 ഒരു കാലത്ത്‌ നിയമം കൂടാതെ ഞാൻ ജീവിച്ചു. എന്നാൽ കല്‌പന വന്നപ്പോൾ പാപം വീണ്ടും ജീവിച്ചു. ഞാനോ മരിച്ചു.+ 10 ജീവനിലേക്കു നയി​ക്കേ​ണ്ടി​യി​രുന്ന കല്‌പന+ മരണത്തി​ലേ​ക്കാ​ണു നയിച്ച​തെന്നു ഞാൻ കണ്ടു. 11 കാരണം കല്‌പ​ന​യു​ള്ള​തു​കൊണ്ട്‌ എന്നെ വശീക​രി​ക്കാൻ പാപം ഒരു വഴി കണ്ടെത്തി. ആ കല്‌പ​ന​യാൽത്തന്നെ എന്നെ കൊല്ലു​ക​യും ചെയ്‌തു. 12 നിയമം അതിൽത്തന്നെ വിശു​ദ്ധ​മാണ്‌. കല്‌പന വിശു​ദ്ധ​വും നീതി​യു​ക്ത​വും നല്ലതും ആണ്‌.+

13 അങ്ങനെയെങ്കിൽ, ആ നല്ലത്‌* എന്റെ മരണത്തി​നു കാരണ​മാ​യെ​ന്നോ? ഒരിക്ക​ലു​മില്ല! എന്നാൽ പാപം മരണത്തി​നു കാരണ​മാ​യി. ആ നല്ലതി​ലൂ​ടെ പാപം എനിക്കു മരണം വരുത്തി​യതു പാപം എന്താ​ണെന്നു കാണി​ച്ചു​ത​രാൻവേ​ണ്ടി​യാണ്‌.+ അങ്ങനെ, പാപം എത്ര ഹീനമാ​ണെന്നു കല്‌പ​ന​യി​ലൂ​ടെ വെളി​പ്പെ​ടു​ന്നു.+ 14 നിയമം ആത്മീയ​മായ ഒന്നാ​ണെന്നു നമുക്ക്‌ അറിയാ​മ​ല്ലോ. എന്നാൽ ഞാൻ ജഡിക​നാണ്‌, പാപത്തി​ന്‌ അടിമ​യാ​യി വിൽക്ക​പ്പെ​ട്ടവൻ.+ 15 കാരണം ഞാൻ ചെയ്യു​ന്നത്‌ എന്താ​ണെന്ന്‌ എനിക്കു​തന്നെ അറിയില്ല. ആഗ്രഹി​ക്കുന്ന കാര്യ​ങ്ങളല്ല, വെറു​ക്കുന്ന കാര്യ​ങ്ങ​ളാ​ണു ഞാൻ ചെയ്യു​ന്നത്‌. 16 എന്നാൽ, ആഗ്രഹി​ക്കാത്ത കാര്യ​ങ്ങ​ളാ​ണു ഞാൻ ചെയ്യു​ന്ന​തെ​ങ്കിൽ അതിന്റെ അർഥം നിയമം നല്ലതാ​ണെന്നു ഞാൻ സമ്മതി​ക്കു​ന്നു എന്നാണ്‌. 17 അപ്പോൾ അതു ചെയ്യു​ന്നതു ഞാനല്ല, എന്നിൽ വസിക്കുന്ന പാപമാ​ണ്‌.+ 18 എന്നിൽ, അതായത്‌ എന്റെ ശരീര​ത്തിൽ, ഒരു നന്മയും വസിക്കു​ന്നി​ല്ലെന്നു ഞാൻ അറിയു​ന്നു. നന്മ ചെയ്യാൻ ഞാൻ ആഗ്രഹി​ക്കു​ന്നു​ണ്ടെ​ങ്കി​ലും എനിക്ക്‌ അതിനു കഴിയു​ന്നില്ല.+ 19 ആഗ്രഹിക്കുന്ന നന്മയല്ല, ആഗ്രഹി​ക്കാത്ത തിന്മയാ​ണു ഞാൻ ചെയ്യു​ന്നത്‌. 20 ആഗ്രഹിക്കാത്തതാണു ഞാൻ ചെയ്യു​ന്ന​തെ​ങ്കിൽ അതു ചെയ്യു​ന്നതു ഞാനല്ല, എന്നിൽ വസിക്കുന്ന പാപമാ​ണ്‌.

21 അതുകൊണ്ട്‌, എന്റെ കാര്യ​മെ​ടു​ത്താൽ ഞാൻ കാണുന്ന നിയമം ഇതാണ്‌: ഞാൻ നന്മ ചെയ്യാൻ ആഗ്രഹി​ക്കു​ന്നെ​ങ്കി​ലും തിന്മ എന്നോ​ടൊ​പ്പ​മുണ്ട്‌.+ 22 എന്റെ ഉള്ളിലെ മനുഷ്യൻ+ ദൈവ​ത്തി​ന്റെ നിയമ​ത്തിൽ ശരിക്കും സന്തോ​ഷി​ക്കു​ന്നു. 23 എങ്കിലും എന്റെ മനസ്സിന്റെ നിയമ​ത്തോ​ടു പോരാ​ടുന്ന മറ്റൊരു നിയമം എന്റെ ശരീരത്തിൽ* ഞാൻ കാണുന്നു.+ അത്‌ എന്നെ എന്റെ ശരീരത്തിലുള്ള* പാപത്തി​ന്റെ നിയമ​ത്തിന്‌ അടിമ​യാ​ക്കു​ന്നു.+ 24 എന്തൊരു പരിതാ​പ​ക​ര​മായ അവസ്ഥയാ​ണ്‌ എന്റേത്‌! ഇത്തര​മൊ​രു മരണത്തി​ന്‌ അധീന​മായ ഈ ശരീര​ത്തിൽനിന്ന്‌ എന്നെ മോചി​പ്പി​ക്കാൻ ആരുണ്ട്‌? 25 നമ്മുടെ കർത്താ​വായ യേശു​ക്രി​സ്‌തു​വി​ലൂ​ടെ ദൈവ​ത്തി​നു നന്ദി! ഇങ്ങനെ, മനസ്സു​കൊണ്ട്‌ ഞാൻ ദൈവ​ത്തി​ന്റെ നിയമ​ത്തിന്‌ അടിമ​യാണ്‌, ശരീരം​കൊണ്ട്‌ പാപത്തി​ന്റെ നിയമ​ത്തി​നും.+

8 അതു​കൊണ്ട്‌ ക്രിസ്‌തു​യേ​ശു​വു​മാ​യി യോജി​പ്പി​ലാ​യ​വർക്കു ശിക്ഷാ​വി​ധി​യില്ല. 2 കാരണം ക്രിസ്‌തു​യേ​ശു​വു​മാ​യി യോജി​പ്പിൽ ജീവി​ക്കാൻ അവസരം തരുന്ന ദൈവാ​ത്മാ​വി​ന്റെ നിയമം പാപത്തി​ന്റെ​യും മരണത്തി​ന്റെ​യും നിയമ​ത്തിൽനിന്ന്‌ നിങ്ങളെ സ്വത​ന്ത്ര​രാ​ക്കി​യി​രി​ക്കു​ന്നു.+ 3 ജഡത്തിന്റെ* ബലഹീനത+ കാരണം നിയമ​ത്തി​നു ചെയ്യാൻ കഴിയാഞ്ഞതു+ ദൈവം തന്റെ പുത്രനെ അയച്ചുകൊണ്ട്‌+ സാധിച്ചു. പാപം നീക്കി​ക്ക​ള​യാൻവേണ്ടി പാപമുള്ള ശരീര​ത്തി​ന്റെ സാദൃശ്യത്തിൽ+ പുത്രനെ അയച്ചു​കൊണ്ട്‌ ദൈവം ജഡത്തിലെ പാപത്തി​നു ശിക്ഷ വിധിച്ചു. 4 ജഡത്തെ അനുസ​രിച്ച്‌ നടക്കാതെ ദൈവാ​ത്മാ​വി​നെ അനുസ​രിച്ച്‌ നടക്കുന്ന+ നമ്മളിൽ നിയമ​ത്തി​ന്റെ നീതി​യുള്ള വ്യവസ്ഥകൾ നിറ​വേ​റാൻവേ​ണ്ടി​യാ​യി​രു​ന്നു അത്‌.+ 5 ജഡത്തെ അനുസ​രിച്ച്‌ ജീവി​ക്കു​ന്നവർ ജഡത്തിന്റെ കാര്യങ്ങളിലും+ ആത്മാവി​നെ അനുസ​രിച്ച്‌ ജീവി​ക്കു​ന്നവർ ആത്മാവി​ന്റെ കാര്യങ്ങളിലും+ മനസ്സു പതിപ്പി​ക്കു​ന്നു. 6 ജഡത്തിന്റെ കാര്യ​ങ്ങ​ളിൽ മനസ്സു പതിപ്പി​ക്കു​ന്നതു മരണത്തിൽ കലാശി​ക്കു​ന്നു.+ ആത്മാവി​ന്റെ കാര്യ​ങ്ങ​ളിൽ മനസ്സു പതിപ്പി​ക്കു​ന്നതു ജീവനും സമാധാ​ന​വും തരുന്നു.+ 7 കാരണം ജഡത്തിന്റെ കാര്യ​ങ്ങ​ളിൽ മനസ്സു പതിപ്പി​ക്കു​ന്നതു നമ്മളെ ദൈവ​ത്തി​ന്റെ ശത്രു​ക്ക​ളാ​ക്കും.+ ജഡം ദൈവ​ത്തി​ന്റെ നിയമ​ത്തി​നു കീഴ്‌പെ​ടു​ന്നില്ല. കീഴ്‌പെ​ടാൻ അതിനു കഴിയു​ക​യു​മില്ല. 8 അതുകൊണ്ട്‌ ജഡത്തിന്റെ ഇഷ്ടമനു​സ​രിച്ച്‌ ജീവി​ക്കു​ന്ന​വർക്കു ദൈവത്തെ പ്രസാ​ദി​പ്പി​ക്കാൻ കഴിയില്ല.

9 ദൈവത്തിന്റെ ആത്മാവ്‌ ശരിക്കും നിങ്ങളിൽ വസിക്കു​ന്നെ​ങ്കിൽ നിങ്ങൾ ജഡത്തിന്റെ ഇഷ്ടമനു​സ​രി​ച്ചല്ല, ആത്മാവി​ന്റെ ഇഷ്ടമനു​സ​രി​ച്ചാ​യി​രി​ക്കും നടക്കു​ന്നത്‌.+ എന്നാൽ ക്രിസ്‌തു​വി​ന്റെ ആത്മാവില്ലാത്തയാൾ* ക്രിസ്‌തു​വി​നു​ള്ള​യാ​ളല്ല. 10 ക്രിസ്‌തു നിങ്ങളു​മാ​യി യോജിപ്പിലാണെങ്കിൽ+ പാപം കാരണം നിങ്ങളു​ടെ ശരീരം മരിച്ച​താ​ണെ​ങ്കി​ലും നീതി നിമിത്തം ദൈവാ​ത്മാവ്‌ ജീവൻ നൽകും. 11 യേശുവിനെ മരിച്ച​വ​രിൽനിന്ന്‌ ഉയിർപ്പിച്ച ദൈവ​ത്തി​ന്റെ ആത്മാവ്‌ നിങ്ങളിൽ വസിക്കു​ന്നെ​ങ്കിൽ, ക്രിസ്‌തു​യേ​ശു​വി​നെ മരിച്ച​വ​രിൽനിന്ന്‌ ഉയിർപ്പിച്ച+ ദൈവം നിങ്ങളിൽ വസിക്കുന്ന തന്റെ ആത്മാവി​ലൂ​ടെ നിങ്ങളു​ടെ നശ്വര​ശ​രീ​ര​ങ്ങ​ളെ​യും ജീവി​പ്പി​ക്കും.+

12 അതുകൊണ്ട്‌ സഹോ​ദ​ര​ങ്ങളേ, ജഡത്തെ അനുസ​രിച്ച്‌ ജീവി​ക്കാൻ നമുക്കു ജഡത്തോ​ട്‌ ഒരു കടപ്പാ​ടു​മില്ല.+ 13 ജഡത്തെ അനുസ​രിച്ച്‌ ജീവി​ക്കു​ക​യാ​ണെ​ങ്കിൽ നിങ്ങൾ നിശ്ചയ​മാ​യും മരിക്കും. എന്നാൽ ആത്മാവി​നാൽ ജഡത്തിന്റെ പ്രവൃ​ത്തി​കളെ നിഗ്രഹിക്കുന്നെങ്കിൽ+ നിങ്ങൾ ജീവി​ക്കും.+ 14 കാരണം ദൈവാ​ത്മാവ്‌ നയിക്കുന്ന എല്ലാവ​രും ദൈവ​ത്തി​ന്റെ പുത്ര​ന്മാ​രാണ്‌.+ 15 നിങ്ങളെ വീണ്ടും ഭയത്തി​ലേക്കു നയിക്കുന്ന അടിമ​ത്ത​ത്തി​ന്റെ ആത്മാവി​നെയല്ല നിങ്ങൾക്കു കിട്ടി​യത്‌. തന്റെ പുത്ര​ന്മാ​രാ​യി നമ്മളെ ദത്തെടു​ക്കുന്ന ആത്മാവി​നെ​യാ​ണു ദൈവം നിങ്ങൾക്കു നൽകി​യി​രി​ക്കു​ന്നത്‌. അതേ ആത്മാവ്‌, “അബ്ബാ,* പിതാവേ”+ എന്നു വിളി​ച്ച​പേ​ക്ഷി​ക്കാൻ നമ്മളെ പ്രേരി​പ്പി​ക്കു​ന്നു. 16 നമ്മൾ ദൈവ​ത്തി​ന്റെ മക്കളാണെന്ന്‌+ ആ ആത്മാവു​തന്നെ നമ്മുടെ ആത്മാവിന്‌* ഉറപ്പു തരുന്നു.+ 17 നമ്മൾ മക്കളാ​ണെ​ങ്കിൽ അവകാ​ശി​ക​ളു​മാണ്‌. ദൈവ​ത്തി​ന്റെ അവകാ​ശി​ക​ളും ക്രിസ്‌തു​വി​ന്റെ കൂട്ടവകാശികളും+ ആണ്‌ നമ്മൾ. എന്നാൽ നമ്മൾ ക്രിസ്‌തു​വി​ന്റെ​കൂ​ടെ മഹത്ത്വീകരിക്കപ്പെടണമെങ്കിൽ+ ക്രിസ്‌തു​വി​ന്റെ​കൂ​ടെ കഷ്ടം അനുഭ​വി​ക്കണം.+

18 നമ്മളിൽ വെളി​പ്പെ​ടാ​നി​രി​ക്കുന്ന മഹത്ത്വ​ത്തോ​ടു താരത​മ്യം ചെയ്യു​മ്പോൾ ഇപ്പോ​ഴുള്ള കഷ്ടങ്ങളെ വെറും നിസ്സാ​ര​മാ​യി​ട്ടാ​ണു ഞാൻ കണക്കാ​ക്കു​ന്നത്‌.+ 19 കാരണം സൃഷ്ടി ദൈവ​പു​ത്ര​ന്മാ​രു​ടെ വെളിപ്പെടലിനായി+ അത്യാ​കാം​ക്ഷ​യോ​ടെ കാത്തി​രി​ക്കു​ക​യാണ്‌. 20 സൃഷ്ടിക്കു വ്യർഥ​മാ​യൊ​രു ജീവി​ത​ത്തി​ന്റെ അടിമ​ത്ത​ത്തി​ലാ​കേ​ണ്ടി​വന്നു.+ സ്വന്തം ഇഷ്ടപ്ര​കാ​രമല്ല, പകരം അതിനെ കീഴ്‌പെ​ടു​ത്തിയ ദൈവ​ത്തി​ന്റെ ഇഷ്ടപ്ര​കാ​രം. എന്നാൽ പ്രത്യാ​ശ​യ്‌ക്കു വകയു​ണ്ടാ​യി​രു​ന്നു. 21 സൃഷ്ടി ജീർണ​ത​യു​ടെ അടിമ​ത്ത​ത്തിൽനിന്ന്‌ മോചനം നേടി+ ദൈവ​മ​ക്ക​ളു​ടെ മഹത്തായ സ്വാത​ന്ത്ര്യം നേടും എന്നതാ​യി​രു​ന്നു ആ പ്രത്യാശ. 22 ഇന്നുവരെ സർവസൃ​ഷ്ടി​യും ഒന്നടങ്കം ഞരങ്ങി വേദന അനുഭ​വിച്ച്‌ കഴിയു​ക​യാണ്‌ എന്നു നമുക്ക്‌ അറിയാ​മ​ല്ലോ. 23 ദൈവാത്മാവെന്ന ആദ്യഫലം കിട്ടിയ നമ്മൾപോ​ലും മോച​ന​വി​ല​യാൽ ശരീര​ത്തിൽനിന്ന്‌ മോചനം നേടി പുത്ര​ന്മാ​രാ​യി ദത്തെടുക്കപ്പെടാൻ+ ആകാം​ക്ഷ​യോ​ടെ കാത്തി​രി​ക്കു​മ്പോൾ ഉള്ളിൽ ഞരങ്ങുന്നു.+ 24 ഈ പ്രത്യാ​ശ​യോ​ടെ​യാ​ണ​ല്ലോ നമുക്കു രക്ഷ കിട്ടി​യത്‌. എന്നാൽ കാണുന്ന പ്രത്യാശ പ്രത്യാ​ശയല്ല. കാണാ​വുന്ന ഒന്നിനു​വേണ്ടി ഒരാൾ എന്തിനു പ്രത്യാ​ശി​ക്കണം? 25 കാണാത്തതിനുവേണ്ടി+ പ്രത്യാ​ശി​ക്കു​മ്പോൾ,+ അതിനു​വേണ്ടി നമ്മൾ ക്ഷമയോടെ+ ആകാം​ക്ഷാ​പൂർവം കാത്തി​രി​ക്കും.

26 അതുപോലെതന്നെ നമ്മൾ ദുർബ​ല​രാ​യി​രി​ക്കു​മ്പോൾ ദൈവാ​ത്മാവ്‌ നമ്മുടെ സഹായ​ത്തിന്‌ എത്തുന്നു:+ എന്തു പറഞ്ഞ്‌ പ്രാർഥി​ക്ക​ണ​മെന്ന്‌ അറിഞ്ഞു​കൂ​ടാ എന്നതാണു ചില​പ്പോൾ നമ്മുടെ പ്രശ്‌നം. എന്നാൽ നമ്മുടെ നിശ്ശബ്ദമായ* ഞരക്ക​ത്തോ​ടൊ​പ്പം ദൈവാ​ത്മാവ്‌ നമുക്കു​വേണ്ടി അപേക്ഷി​ക്കു​ന്നു. 27 ദൈവാത്മാവ്‌ സംസാ​രി​ക്കു​ന്ന​തി​ന്റെ അർഥം എന്താ​ണെന്നു ഹൃദയങ്ങൾ പരി​ശോ​ധി​ക്കുന്ന ദൈവത്തിന്‌+ അറിയാം. കാരണം ദൈ​വേ​ഷ്ട​ത്തി​നു ചേർച്ച​യി​ലാണ്‌ അതു വിശു​ദ്ധർക്കു​വേണ്ടി അപേക്ഷി​ക്കു​ന്നത്‌.

28 ദൈവത്തെ സ്‌നേ​ഹി​ക്കു​ന്ന​വ​രു​ടെ, ദൈവ​ത്തി​ന്റെ ഉദ്ദേശ്യ​പ്ര​കാ​രം വിളി​ക്ക​പ്പെ​ട്ട​വ​രു​ടെ,+ നന്മയ്‌ക്കു​വേണ്ടി ദൈവം തന്റെ പ്രവൃ​ത്തി​ക​ളെ​ല്ലാം ഏകോ​പി​പ്പി​ക്കു​ന്നെന്നു നമുക്ക്‌ അറിയാ​മ​ല്ലോ. 29 അതുകൊണ്ടാണ്‌ താൻ ആദ്യം അംഗീ​കാ​രം കൊടു​ത്ത​വരെ തന്റെ പുത്രന്റെ പ്രതിരൂപത്തിലാക്കിയെടുക്കാൻ+ ദൈവം നേര​ത്തേ​തന്നെ നിശ്ചയി​ച്ചത്‌. അങ്ങനെ യേശു അനേകം സഹോദരന്മാരിൽ+ ഏറ്റവും മൂത്തവ​നാ​യി.+ 30 മാത്രമല്ല താൻ നേരത്തേ നിശ്ചയിച്ചവരെയാണു+ ദൈവം വിളി​ച്ചത്‌;+ വിളി​ച്ച​വ​രെ​യാ​ണു നീതി​മാ​ന്മാ​രാ​യി പ്രഖ്യാ​പി​ച്ചത്‌;+ നീതി​മാ​ന്മാ​രാ​യി പ്രഖ്യാ​പി​ച്ച​വ​രെ​യാ​ണു മഹത്ത്വീ​ക​രി​ച്ചത്‌.+

31 അതുകൊണ്ട്‌ ഈ കാര്യ​ങ്ങ​ളെ​ക്കു​റിച്ച്‌ നമ്മൾ എന്തു പറയാ​നാണ്‌? ദൈവം നമ്മുടെ പക്ഷത്തു​ണ്ടെ​ങ്കിൽ പിന്നെ ആർക്കു നമ്മളെ എതിർക്കാ​നാ​കും?+ 32 സ്വന്തം പുത്ര​നെ​ത്തന്നെ നമു​ക്കെ​ല്ലാം​വേണ്ടി തരാൻ ദൈവം മനസ്സു കാണിച്ചെങ്കിൽ+ പുത്ര​നോ​ടൊ​പ്പം മറ്റു സകലവും നമുക്കു തരാതി​രി​ക്കു​മോ? 33 ദൈവം തിര​ഞ്ഞെ​ടു​ത്ത​വർക്കെ​തി​രെ കുറ്റം ചുമത്താൻ ആർക്കെ​ങ്കി​ലും പറ്റുമോ?+ അവരെ നീതി​മാ​ന്മാ​രാ​യി പ്രഖ്യാ​പി​ക്കു​ന്നതു ദൈവ​മാ​ണ​ല്ലോ.+ 34 അവരെ കുറ്റം വിധി​ക്കാൻ ആർക്കു കഴിയും? ക്രിസ്‌തു​യേ​ശു​വാ​ണ​ല്ലോ മരിച്ച്‌, അതിലു​പരി മരിച്ച​വ​രിൽനിന്ന്‌ ഉയിർപ്പി​ക്ക​പ്പെട്ട്‌, ദൈവ​ത്തി​ന്റെ വലതു​ഭാ​ഗത്ത്‌ ഇരുന്ന്‌+ നമുക്കു​വേണ്ടി അപേക്ഷി​ക്കു​ന്നത്‌.+

35 ക്രിസ്‌തുവിന്റെ സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ ആർക്കു കഴിയും?+ കഷ്ടതയ്‌ക്കോ ക്ലേശത്തി​നോ ഉപദ്ര​വ​ത്തി​നോ പട്ടിണി​ക്കോ നഗ്നതയ്‌ക്കോ ആപത്തി​നോ വാളി​നോ അതു സാധി​ക്കു​മോ?+ 36 “അങ്ങയെ​പ്രതി ദിവസം മുഴുവൻ ഞങ്ങൾ കൊല്ല​പ്പെ​ടു​ക​യാണ്‌; കശാപ്പി​നുള്ള ആടുക​ളെ​പ്പോ​ലെ​യാ​ണു ഞങ്ങളെ കാണു​ന്നത്‌”+ എന്ന്‌ എഴുതി​യി​ട്ടു​ണ്ട​ല്ലോ. 37 എന്നാൽ നമ്മളെ സ്‌നേ​ഹി​ച്ചവൻ മുഖാ​ന്തരം ഈ കാര്യ​ങ്ങ​ളി​ലൊ​ക്കെ നമ്മൾ സമ്പൂർണ​വി​ജയം നേടി+ പുറത്ത്‌ വരുന്നു. 38 കാരണം മരണത്തി​നോ ജീവനോ ദൂതന്മാർക്കോ ഗവൺമെ​ന്റു​കൾക്കോ ഇപ്പോ​ഴു​ള്ള​തി​നോ വരാനു​ള്ള​തി​നോ അധികാരങ്ങൾക്കോ+ 39 ഉയരത്തിനോ ആഴത്തി​നോ മറ്റ്‌ ഏതെങ്കി​ലും സൃഷ്ടി​ക്കോ നമ്മുടെ കർത്താ​വായ ക്രിസ്‌തു​യേ​ശു​വി​ലൂ​ടെ​യുള്ള ദൈവ​സ്‌നേ​ഹ​ത്തിൽനിന്ന്‌ നമ്മളെ വേർപെ​ടു​ത്താൻ കഴിയില്ല. ഇക്കാര്യ​ത്തിൽ എനിക്കു പൂർണ​ബോ​ധ്യ​മുണ്ട്‌.

9 ഞാൻ ക്രിസ്‌തു​വിൽ സത്യമാ​ണു പറയു​ന്നത്‌. ഞാൻ ഈ പറയു​ന്നതു നുണയല്ല. എന്റെകൂ​ടെ എന്റെ മനസ്സാ​ക്ഷി​യും പരിശു​ദ്ധാ​ത്മാ​വിൽ ഇങ്ങനെ സാക്ഷി പറയുന്നു: 2 എന്റെ ഹൃദയ​ത്തിൽ അതിയായ ദുഃഖ​വും അടങ്ങാത്ത വേദന​യും ഉണ്ട്‌. 3 എന്റെ സഹോ​ദ​ര​ങ്ങ​ളും ജഡപ്രകാരം* എന്റെ ബന്ധുക്ക​ളും ആയ ഇസ്രാ​യേ​ല്യർക്കു​വേണ്ടി ക്രിസ്‌തു​വിൽനിന്ന്‌ വേർപെട്ട്‌ ശാപ​ഗ്ര​സ്‌ത​നാ​കാൻപോ​ലും ഞാൻ ഒരുക്ക​മാണ്‌. 4 അവരെയാണല്ലോ പുത്ര​ന്മാ​രാ​യി ദത്തെടു​ത്തത്‌.+ മഹത്ത്വ​വും ഉടമ്പടികളും+ നിയമവും+ വിശുദ്ധസേവനവും+ വാഗ്‌ദാനങ്ങളും+ എല്ലാം അവർക്കു​ള്ള​താ​ണ​ല്ലോ. 5 പൂർവികരും അവരു​ടേ​താണ്‌.+ ജഡപ്ര​കാ​രം ക്രിസ്‌തു ജനിച്ച​തും അവരിൽനി​ന്നാണ്‌.+ സകലത്തി​നും മീതെ​യുള്ള ദൈവം എന്നും വാഴ്‌ത്ത​പ്പെ​ട്ടവൻ. ആമേൻ.

6 എന്നാൽ ദൈവ​ത്തി​ന്റെ വചനം വെറു​തേ​യാ​യി​പ്പോ​യെന്നല്ല ഞാൻ പറയു​ന്നത്‌. കാരണം ഇസ്രാ​യേ​ലി​ന്റെ മക്കളായി ജനിച്ച എല്ലാവ​രും യഥാർഥ​ത്തിൽ “ഇസ്രാ​യേൽ” അല്ല.+ 7 അബ്രാഹാമിന്റെ സന്തതിയായതുകൊണ്ട്‌* മാത്രം അവർ എല്ലാവ​രും മക്കളാ​കു​ന്ന​തു​മില്ല.+ കാരണം, “നിന്റെ സന്തതി* എന്ന്‌ അറിയ​പ്പെ​ടു​ന്നവൻ വരുന്നതു യിസ്‌ഹാ​ക്കി​ലൂ​ടെ​യാ​യി​രി​ക്കും”+ എന്നാണ​ല്ലോ എഴുതി​യി​രി​ക്കു​ന്നത്‌. 8 അതിന്റെ അർഥം, ജഡപ്ര​കാ​ര​മുള്ള മക്കളല്ല യഥാർഥ​ത്തിൽ ദൈവ​ത്തി​ന്റെ മക്കൾ+ എന്നാണ്‌. പകരം, വാഗ്‌ദാ​ന​പ്ര​കാ​ര​മുള്ള മക്കളെയാണു+ സന്തതിയായി* കണക്കാ​ക്കു​ന്നത്‌. 9 ഇതായിരുന്നു വാഗ്‌ദാ​നം: “അടുത്ത വർഷം ഇതേ സമയത്ത്‌ ഞാൻ വരും. സാറയ്‌ക്ക്‌ അപ്പോൾ ഒരു മകൻ ഉണ്ടായി​രി​ക്കും.”+ 10 എന്നാൽ ആ സന്ദർഭ​ത്തിൽ മാത്രമല്ല, നമ്മുടെ പൂർവി​ക​നായ യിസ്‌ഹാ​ക്കിൽനിന്ന്‌ റിബെക്ക ഇരട്ടക്കു​ട്ടി​കളെ ഗർഭം ധരിച്ചപ്പോഴും+ വാഗ്‌ദാ​നം നൽകി​യി​രു​ന്നു. 11 ദൈവോദ്ദേശ്യപ്രകാരമുള്ള തിര​ഞ്ഞെ​ടു​പ്പു പ്രവൃ​ത്തി​ക​ളു​ടെ അടിസ്ഥാ​ന​ത്തി​ലല്ല പകരം, വിളി​ക്കു​ന്ന​വന്റെ ഇഷ്ടത്തിന്റെ അടിസ്ഥാ​ന​ത്തി​ലാ​ണെന്നു വരാൻ, കുട്ടികൾ ജനിക്കു​ന്ന​തി​നു മുമ്പു​തന്നെ, അതായത്‌ അവർ എന്തെങ്കി​ലും നല്ലതോ ചീത്തയോ ചെയ്യു​ന്ന​തി​നു മുമ്പു​തന്നെ, 12 “മൂത്തവൻ ഇളയവന്റെ അടിമ​യാ​യി​രി​ക്കും”+ എന്നു റിബെ​ക്ക​യോ​ടു പറഞ്ഞി​രു​ന്നു. 13 “ഞാൻ യാക്കോ​ബി​നെ സ്‌നേ​ഹി​ച്ചു, ഏശാവി​നെ വെറുത്തു”+ എന്നാണ​ല്ലോ എഴുതി​യി​രി​ക്കു​ന്നത്‌.

14 എന്നു കരുതി, ദൈവം നീതി​കെ​ട്ട​വ​നാ​ണെ​ന്നാ​ണോ പറഞ്ഞു​വ​രു​ന്നത്‌? ഒരിക്ക​ലു​മല്ല!+ 15 “എനിക്കു കരുണ കാണി​ക്ക​ണ​മെ​ന്നു​ള്ള​വ​നോ​ടു ഞാൻ കരുണ കാണി​ക്കും, അനുകമ്പ കാണി​ക്ക​ണ​മെ​ന്നു​ള്ള​വ​നോട്‌ അനുകമ്പ കാണി​ക്കും”+ എന്നു ദൈവം മോശ​യോ​ടു പറഞ്ഞല്ലോ. 16 അതുകൊണ്ട്‌ ഒരാളു​ടെ ആഗ്രഹ​മോ പരി​ശ്ര​മ​മോ ഒന്നുമല്ല ഇതിന്റെ അടിസ്ഥാ​നം. പകരം കരുണാ​മ​യ​നായ ദൈവമാണ്‌+ ഈ തിര​ഞ്ഞെ​ടു​പ്പു നടത്തു​ന്നത്‌. 17 കാരണം തിരു​വെ​ഴു​ത്തിൽ, ഫറവോ​നോട്‌ ദൈവം ഇങ്ങനെ പറയു​ന്നുണ്ട്‌: “നിന്നി​ലൂ​ടെ എന്റെ ശക്തി കാണി​ക്കാ​നും ഭൂമി​യി​ലെ​ങ്ങും എന്റെ പേര്‌ പ്രസി​ദ്ധ​മാ​ക്കാ​നും വേണ്ടി മാത്ര​മാ​ണു നിന്നെ ജീവ​നോ​ടെ വെച്ചി​രി​ക്കു​ന്നത്‌.”+ 18 ചുരുക്കിപ്പറഞ്ഞാൽ, ദൈവം തനിക്ക്‌ ഇഷ്ടമു​ള്ള​തു​പോ​ലെ ചില​രോ​ടു കരുണ കാണി​ക്കു​ന്നു, തനിക്ക്‌ ഇഷ്ടമു​ള്ള​തു​പോ​ലെ ചിലരെ കഠിന​ഹൃ​ദ​യ​രാ​കാൻ വിടുന്നു.+

19 അപ്പോൾ നിങ്ങൾ എന്നോടു ചോദി​ക്കും: “ദൈവ​ത്തി​ന്റെ ഇഷ്ടത്തോ​ട്‌ എതിർത്തു​നിൽക്കാൻ ആർക്കും കഴിയി​ല്ല​ല്ലോ, അങ്ങനെ​യെ​ങ്കിൽ പിന്നെ ദൈവം എന്തിനാ​ണ്‌ ആളുക​ളു​ടെ കുറ്റം കണ്ടുപി​ടി​ക്കു​ന്നത്‌?” 20 പക്ഷേ മനുഷ്യാ, ദൈവത്തെ ചോദ്യം ചെയ്യാൻ നീ ആരാണ്‌?+ വാർത്തു​ണ്ടാ​ക്കിയ ഒരു വസ്‌തു അതിനെ വാർത്ത​യാ​ളോട്‌, “എന്തിനാ​ണ്‌ എന്നെ ഇങ്ങനെ ഉണ്ടാക്കി​യത്‌”+ എന്നു ചോദി​ക്കു​മോ? 21 കുശവന്‌ ഒരേ കളിമ​ണ്ണിൽനി​ന്നു​തന്നെ ഒരു പാത്രം മാന്യ​മായ ഉപയോ​ഗ​ത്തി​നും മറ്റൊന്നു മാന്യ​മ​ല്ലാത്ത ഉപയോ​ഗ​ത്തി​നും വേണ്ടി ഉണ്ടാക്കാൻ അധികാ​ര​മി​ല്ലേ?+ 22 അതുപോലെതന്നെ ദൈവ​വും, തനിക്കു ക്രോധം പ്രകടി​പ്പി​ക്കാ​നും ശക്തി കാണി​ക്കാ​നും ആഗ്രഹ​മു​ണ്ടാ​യി​ട്ടും നാശത്തി​നും ക്രോ​ധ​ത്തി​നും അർഹമായ പാത്ര​ങ്ങളെ വളരെ ക്ഷമയോ​ടെ സഹി​ച്ചെ​ങ്കിൽ അതിൽ എന്താണു കുഴപ്പം? 23 ദൈവം അങ്ങനെ ചെയ്‌തത്‌, താൻ മഹത്ത്വ​ത്തി​നാ​യി മുമ്പു​തന്നെ ഒരുക്കി​യ​തും കരുണ​യ്‌ക്കു യോഗ്യ​മാ​യ​തും ആയ പാത്ര​ങ്ങ​ളു​ടെ മേൽ+ തന്റെ മഹത്ത്വം സമൃദ്ധ​മാ​യി വെളി​പ്പെ​ടു​ത്താ​നാ​ണെ​ങ്കി​ലോ? അതിന്‌ എന്തെങ്കി​ലും കുഴപ്പ​മു​ണ്ടോ? 24 ആ പാത്ര​ങ്ങ​ളിൽ നമ്മളെ​ല്ലാം, അതായത്‌ ജൂതന്മാ​രിൽനിന്ന്‌ ദൈവം വിളി​ച്ചവർ മാത്രമല്ല ജനതകളിൽനിന്ന്‌+ ദൈവം വിളി​ച്ച​വ​രും, ഉൾപ്പെ​ടു​ന്നു. 25 ഇതു ദൈവം ഹോ​ശേ​യ​യു​ടെ പുസ്‌ത​ക​ത്തിൽ പറഞ്ഞതി​നു ചേർച്ച​യി​ലാണ്‌: “എന്റെ ജനമല്ലാത്തവരെ+ ഞാൻ ‘എന്റെ ജനം’ എന്നും എനിക്കു പ്രിയ​മി​ല്ലാ​തി​രു​ന്ന​വളെ ‘പ്രിയ​പ്പെ​ട്ടവൾ’+ എന്നും വിളി​ക്കും. 26 ‘നിങ്ങൾ എന്റെ ജനമല്ല’ എന്ന്‌ അവരോ​ടു പറഞ്ഞ സ്ഥലത്തു​വെ​ച്ചു​തന്നെ അവരെ ‘ജീവനുള്ള ദൈവ​ത്തി​ന്റെ പുത്ര​ന്മാർ’+ എന്നു വിളി​ക്കും.”

27 അതു മാത്രമല്ല, ഇസ്രാ​യേ​ലി​നെ​ക്കു​റിച്ച്‌ യശയ്യയും ഇങ്ങനെ വിളി​ച്ചു​പ​റ​യു​ന്നു: “ഇസ്രാ​യേൽമ​ക്ക​ളു​ടെ എണ്ണം കടലിലെ മണൽത്ത​രി​കൾപോ​ലെ​യാ​ണെ​ങ്കി​ലും അതിൽ ചെറി​യൊ​രു ഭാഗത്തി​നു മാത്രമേ രക്ഷ കിട്ടു​ക​യു​ള്ളൂ.+ 28 കാരണം യഹോവ* ഭൂമി​യിൽ ഒരു കണക്കു​തീർപ്പിന്‌ ഒരുങ്ങു​ക​യാണ്‌. അതിവേഗം* ദൈവം അതു പൂർത്തി​യാ​ക്കും.”+ 29 “സൈന്യ​ങ്ങ​ളു​ടെ അധിപ​നായ യഹോവ* നമുക്കു​വേണ്ടി ഒരു സന്തതിയെ* ബാക്കി വെച്ചി​ല്ലാ​യി​രു​ന്നെ​ങ്കിൽ നമ്മൾ സൊ​ദോ​മി​നെ​പ്പോ​ലെ​യും നമ്മുടെ അവസ്ഥ ഗൊ​മോ​റ​യു​ടേ​തു​പോ​ലെ​യും ആയേനേ”+ എന്നും യശയ്യ മുൻകൂ​ട്ടി​പ്പ​റ​ഞ്ഞ​ല്ലോ.

30 അതുകൊണ്ട്‌ ഇപ്പോൾ എന്തു പറയാ​നാ​കും? ജനതകൾ നീതി പിൻപ​റ്റാൻ ശ്രമി​ക്കാ​ഞ്ഞി​ട്ടും നീതി​മാ​ന്മാ​രാ​യി.+ അതു വിശ്വാ​സ​ത്താ​ലുള്ള നീതി​യാ​യി​രു​ന്നു.+ 31 എന്നാൽ ഇസ്രാ​യേ​ല്യർ നീതി​യു​ടെ നിയമം പിൻപ​റ്റാൻ ശ്രമി​ച്ചി​ട്ടും ആ ലക്ഷ്യത്തിൽ എത്തിയില്ല. 32 എന്തുകൊണ്ട്‌? കാരണം അവർ വിശ്വാ​സ​ത്തി​ലൂ​ടെയല്ല, പ്രവൃ​ത്തി​ക​ളി​ലൂ​ടെ​യാണ്‌ അതു പിൻപ​റ്റാൻ ശ്രമി​ച്ചത്‌. ‘ഇടറി​വീ​ഴാൻ ഇടയാ​ക്കുന്ന കല്ലിൽ’+ തട്ടി അവർ ഇടറി​വീ​ണു. 33 “ഇതാ, ഇടറി​വീ​ഴാൻ ഇടയാ​ക്കുന്ന ഒരു കല്ലും തട്ടിവീ​ഴാൻ ഇടയാ​ക്കുന്ന ഒരു പാറയും ഞാൻ സീയോ​നിൽ സ്ഥാപി​ക്കു​ന്നു.+ എന്നാൽ അതിൽ* വിശ്വാ​സ​മർപ്പി​ക്കു​ന്നവൻ നിരാ​ശ​നാ​കില്ല”+ എന്ന്‌ എഴുതി​യി​രി​ക്കു​ന്ന​തു​പോ​ലെ​തന്നെ അവർക്കു സംഭവി​ച്ചു.

10 സഹോ​ദ​ര​ങ്ങളേ, അവർക്കു രക്ഷ കിട്ടണ​മെ​ന്നാണ്‌ എന്റെ ഹൃദയ​ത്തി​ലെ ആഗ്രഹ​വും ദൈവ​ത്തോ​ടുള്ള അകമഴിഞ്ഞ പ്രാർഥ​ന​യും.+ 2 അവർക്കു ദൈവ​ത്തി​ന്റെ കാര്യ​ത്തിൽ ശുഷ്‌കാന്തിയുണ്ടെന്നു+ ഞാൻ സാക്ഷി പറയുന്നു. പക്ഷേ അതു ശരിയായ* അറിവി​ന്റെ അടിസ്ഥാ​ന​ത്തി​ലു​ള്ള​ത​ല്ലെന്നു മാത്രം. 3 ദൈവത്തിന്റെ നീതി+ അറിയാ​തെ സ്വന്തം നീതി+ സ്ഥാപി​ക്കാൻ ശ്രമി​ച്ച​തു​കൊണ്ട്‌ അവർ ദൈവ​ത്തി​ന്റെ നീതിക്കു കീഴ്‌പെ​ട്ടില്ല.+ 4 വിശ്വസിക്കുന്ന എല്ലാവ​രും നീതിമാന്മാരാകാൻ+ ക്രിസ്‌തു നിയമ​ത്തി​ന്റെ അവസാ​ന​മാണ്‌.+

5 നിയമത്തിലൂടെയുള്ള നീതി​യെ​ക്കു​റിച്ച്‌ മോശ എഴുതി: “ഇക്കാര്യ​ങ്ങൾ ചെയ്യുന്ന മനുഷ്യൻ ഇവയാൽ ജീവി​ക്കും.”+ 6 എന്നാൽ വിശ്വാ​സ​ത്തി​ലൂ​ടെ​യുള്ള നീതി​യെ​ക്കു​റിച്ച്‌ തിരു​വെ​ഴു​ത്തു പറയുന്നു: “ക്രിസ്‌തു​വി​നെ ഇറക്കി​ക്കൊ​ണ്ടു​വ​രാൻ ‘ആരാണു സ്വർഗ​ത്തി​ലേക്കു കയറി​ച്ചെ​ല്ലുക’+ എന്നോ 7 ക്രിസ്‌തുവിനെ മരിച്ച​വ​രു​ടെ ഇടയിൽനി​ന്ന്‌ കയറ്റി​ക്കൊ​ണ്ടു​വ​രാൻ ‘ആരാണ്‌ അഗാധ​ത്തി​ലേക്ക്‌ ഇറങ്ങുക’+ എന്നോ നിന്റെ ഹൃദയ​ത്തിൽ പറയരു​ത്‌.”+ 8 തിരുവെഴുത്തു പിന്നെ എന്താണു പറയു​ന്നത്‌? “വചനം നിന്റെ അടുത്ത്‌, നിന്റെ വായി​ലും ഹൃദയ​ത്തി​ലും തന്നെയു​ണ്ട്‌.”+ ഇപ്പറഞ്ഞ വചനം വിശ്വാ​സ​ത്തി​ന്റെ “വചനം” ആണ്‌. ആ വചനമാ​ണു ഞങ്ങൾ പ്രസം​ഗി​ക്കു​ന്നത്‌. 9 യേശുവാണു കർത്താവ്‌+ എന്നു വായ്‌കൊ​ണ്ട്‌ പരസ്യ​മാ​യി പ്രഖ്യാ​പി​ക്കു​ക​യും ദൈവം യേശു​വി​നെ മരിച്ച​വ​രിൽനിന്ന്‌ ഉയിർപ്പി​ച്ചെന്നു ഹൃദയ​ത്തിൽ വിശ്വ​സി​ക്കു​ക​യും ചെയ്യു​ന്നെ​ങ്കിൽ നിനക്കു രക്ഷ കിട്ടും. 10 കാരണം ഹൃദയ​ത്തി​ലെ വിശ്വാ​സം നീതി​യി​ലേക്കു നയിക്കും. എന്നാൽ വായ്‌കൊ​ണ്ട്‌ അതു പരസ്യ​മാ​യി പ്രഖ്യാപിക്കുമ്പോഴാണു+ രക്ഷ കിട്ടു​ന്നത്‌.

11 “അവനിൽ വിശ്വാ​സ​മർപ്പി​ക്കുന്ന ആരും നിരാ​ശ​രാ​കില്ല”+ എന്നാണ​ല്ലോ തിരു​വെ​ഴു​ത്തു പറയു​ന്നത്‌. 12 കാരണം ജൂതനും ഗ്രീക്കു​കാ​ര​നും തമ്മിൽ ഒരു വ്യത്യാ​സ​വു​മില്ല.+ എല്ലാവ​രു​ടെ​യും കർത്താവ്‌ ഒരാൾത​ന്നെ​യാണ്‌. തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും കർത്താവ്‌ സമൃദ്ധമായി* കൊടു​ക്കു​ന്നു. 13 “യഹോവയുടെ* പേര്‌ വിളി​ച്ച​പേ​ക്ഷി​ക്കുന്ന എല്ലാവർക്കും രക്ഷ കിട്ടും”+ എന്നാണ​ല്ലോ. 14 എന്നാൽ അവർ വിശ്വാ​സ​മർപ്പി​ക്കാത്ത ഒരാളെ അവർ എങ്ങനെ വിളി​ച്ച​പേ​ക്ഷി​ക്കും? കേട്ടി​ട്ടി​ല്ലാത്ത ഒരാളിൽ അവർ എങ്ങനെ വിശ്വാ​സ​മർപ്പി​ക്കും? ആരെങ്കി​ലും പ്രസം​ഗി​ക്കാ​തെ അവർ എങ്ങനെ കേൾക്കും? 15 ആരെങ്കിലും അയയ്‌ക്കാ​തെ അവർ എങ്ങനെ പ്രസം​ഗി​ക്കും?+ “നല്ല കാര്യ​ങ്ങ​ളെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കു​ന്ന​വ​രു​ടെ പാദങ്ങൾ എത്ര മനോ​ഹരം!”+ എന്ന്‌ എഴുതി​യി​ട്ടു​ണ്ട​ല്ലോ.

16 എന്നാൽ സന്തോ​ഷ​വാർത്ത കേട്ട എല്ലാവ​രും അത്‌ അനുസ​രി​ച്ചില്ല. “യഹോവേ,* ഞങ്ങൾ പറഞ്ഞതു കേട്ട്‌* വിശ്വ​സിച്ച ആരാണു​ള്ളത്‌”+ എന്ന്‌ യശയ്യ ചോദി​ക്കു​ന്ന​ല്ലോ. 17 അതുകൊണ്ട്‌ വചനം കേട്ടതി​നു ശേഷമാ​ണു വിശ്വാ​സം വരുന്നത്‌.+ കേൾക്കു​ന്ന​തോ, ക്രിസ്‌തു​വി​നെ​ക്കു​റി​ച്ചുള്ള വചനം ആരെങ്കി​ലും പറയു​മ്പോ​ഴും. 18 പക്ഷേ ഞാൻ ചോദി​ക്കു​ന്നു: ഇനി, അവർ അതു കേട്ടില്ലേ? തീർച്ച​യാ​യും കേട്ടു. ശരിക്കും പറഞ്ഞാൽ, “ഭൂമി​യി​ലെ​ങ്ങും അവരുടെ സ്വരം പരന്നി​രി​ക്കു​ന്നു. നിവസി​ത​ഭൂ​മി​യു​ടെ അറ്റങ്ങളി​ലേക്ക്‌ അവരുടെ സന്ദേശം എത്തിയി​രി​ക്കു​ന്നു.”+ 19 പക്ഷേ ഞാൻ ചോദി​ക്കു​ന്നു: ഇനി, ഇസ്രാ​യേ​ലിന്‌ അതു മനസ്സി​ലാ​യി​ല്ലേ?+ തീർച്ച​യാ​യും മനസ്സി​ലാ​യി. ആദ്യം മോശ ഇങ്ങനെ പറഞ്ഞു: “നിസ്സാ​ര​രായ ഒരു ജനത​യെ​ക്കൊണ്ട്‌ ഞാൻ നിങ്ങളിൽ രോഷം ജനിപ്പി​ക്കും. ബുദ്ധി​ഹീ​ന​രായ ഒരു ജനത​യെ​ക്കൊണ്ട്‌ ഞാൻ നിങ്ങളിൽ ക്രോധം ജനിപ്പി​ക്കും.”+ 20 പിന്നെ യശയ്യയും ധൈര്യ​ത്തോ​ടെ ഇങ്ങനെ പറഞ്ഞു: “എന്നെ അന്വേ​ഷി​ക്കാ​ത്തവർ എന്നെ കണ്ടെത്തി.+ എന്നെ ചോദി​ക്കാ​ത്തവർ എന്നെ അറിഞ്ഞു.”+ 21 എന്നാൽ ഇസ്രാ​യേ​ലി​നെ​ക്കു​റിച്ച്‌ യശയ്യ പറയുന്നു: “അനുസ​ര​ണം​കെട്ട, ശാഠ്യ​ക്കാ​രായ ഒരു ജനത്തെ സ്വീക​രി​ക്കാ​നാ​ണ​ല്ലോ ഞാൻ ദിവസം മുഴുവൻ എന്റെ കൈ വിരി​ച്ചു​പി​ടി​ച്ചത്‌.”+

11 അങ്ങനെ​യെ​ങ്കിൽ, ദൈവം തന്റെ ജനത്തെ പാടേ തള്ളിക്ക​ള​ഞ്ഞെ​ന്നാ​ണോ?+ ഒരിക്ക​ലു​മല്ല. കാരണം, ഞാനും ഒരു ഇസ്രാ​യേ​ല്യ​നാണ്‌. അബ്രാ​ഹാ​മി​ന്റെ സന്തതിയും* ബന്യാ​മീൻ ഗോ​ത്ര​ത്തിൽനി​ന്നു​ള്ള​വ​നും. 2 താൻ ആദ്യം അംഗീ​കാ​രം കൊടുത്ത ആ ജനത്തെ ദൈവം തള്ളിക്ക​ള​ഞ്ഞില്ല.+ ഏലിയ ഇസ്രാ​യേ​ലിന്‌ എതിരെ ദൈവ​ത്തോട്‌ അപേക്ഷി​ച്ച​തി​നെ​പ്പറ്റി തിരു​വെ​ഴു​ത്തിൽ പറയു​ന്നതു നിങ്ങൾക്ക്‌ അറിയി​ല്ലേ? 3 “യഹോവേ,* അവർ അങ്ങയുടെ പ്രവാ​ച​ക​ന്മാ​രെ കൊന്നു, അങ്ങയുടെ യാഗപീ​ഠങ്ങൾ ഇടിച്ചു​ക​ളഞ്ഞു. ഞാൻ മാത്രമേ ബാക്കി​യു​ള്ളൂ. ഇപ്പോൾ ഇതാ, അവർ എന്റെയും ജീവ​നെ​ടു​ക്കാൻ നോക്കു​ന്നു”+ എന്ന്‌ ഏലിയ പറഞ്ഞ​പ്പോൾ 4 ദൈവം എന്തു മറുപ​ടി​യാ​ണു കൊടു​ത്തത്‌? “ബാലിനു മുമ്പാകെ മുട്ടു​കു​ത്താ​തെ എന്റെ പക്ഷത്ത്‌ നിൽക്കുന്ന 7,000 പേർ ഇനിയും ബാക്കി​യുണ്ട്‌”+ എന്നല്ലേ? 5 അതുപോലെതന്നെ ഇക്കാല​ത്തും അനർഹ​ദ​യ​യാൽ തിര​ഞ്ഞെ​ടുത്ത ഒരു ശേഷി​പ്പുണ്ട്‌.+ 6 തിരഞ്ഞെടുത്തത്‌ അനർഹദയയാലാണെങ്കിൽ+ അതിന്റെ അർഥം തിര​ഞ്ഞെ​ടു​പ്പി​ന്റെ അടിസ്ഥാ​നം മേലാൽ പ്രവൃ​ത്തി​ക​ള​ല്ലെ​ന്നാണ്‌.+ പ്രവൃ​ത്തി​ക​ളാണ്‌ അടിസ്ഥാ​ന​മെ​ങ്കിൽ അനർഹദയ പിന്നെ അനർഹ​ദ​യയല്ല.

7 പിന്നെ എന്തുണ്ടാ​യി? ഇസ്രാ​യേൽ താത്‌പ​ര്യ​ത്തോ​ടെ തേടു​ന്നത്‌ അവർക്കു കിട്ടാ​തെ​പോ​യി. തിര​ഞ്ഞെ​ടു​ക്ക​പ്പെ​ട്ട​വർക്കാണ്‌ അതു കിട്ടി​യത്‌.+ ബാക്കി​യു​ള്ള​വ​രോ തിരു​വെ​ഴു​ത്തു​കൾ പറയു​ന്ന​തു​പോ​ലെ മനസ്സു തഴമ്പി​ച്ച​വ​രാ​യി.+ 8 “ദൈവം അവർക്ക്‌ ഇന്നോളം ഗാഢനിദ്രയും+ കാണാത്ത കണ്ണുക​ളും കേൾക്കാത്ത ചെവി​ക​ളും നൽകി​യി​രി​ക്കു​ന്നു”+ എന്ന്‌ എഴുതി​യി​രി​ക്കു​ന്ന​തു​പോ​ലെ​യാ​യി അവരുടെ അവസ്ഥ. 9 കൂടാതെ, ദാവീ​ദും ഇങ്ങനെ പറഞ്ഞു: “അവരുടെ മേശ അവർക്ക്‌ ഒരു കുടു​ക്കും കെണി​യും ഇടറി​വീ​ഴാൻ ഇടയാ​ക്കുന്ന ഒരു തടസ്സവും ശിക്ഷയും ആകട്ടെ. 10 കാണാൻ പറ്റാത്ത വിധം അവരുടെ കണ്ണുകൾ ഇരുണ്ടു​പോ​കട്ടെ. അവരുടെ മുതുക്‌ എപ്പോ​ഴും കുനി​ഞ്ഞി​രി​ക്കട്ടെ.”+

11 എന്നാൽ ഞാൻ ചോദി​ക്കു​ന്നു: ഇടറി​പ്പോയ അവർ നിലം​പറ്റെ വീണു​പോ​യോ? ഒരിക്ക​ലു​മില്ല! അവരുടെ തെറ്റായ കാൽവെപ്പു കാരണം ജനതകൾക്കു രക്ഷ ലഭിച്ചു. അത്‌ അവരിൽ അസൂയ ഉണർത്തി.+ 12 അവരുടെ തെറ്റായ കാൽവെപ്പു ലോക​ത്തി​നു സമൃദ്ധ​മായ അനു​ഗ്ര​ഹ​ങ്ങ​ളും അവരുടെ കുറവ്‌ ജനതകൾക്കു സമൃദ്ധ​മായ അനു​ഗ്ര​ഹ​ങ്ങ​ളും നൽകു​മെ​ങ്കിൽ,+ അവരുടെ എണ്ണം തികയു​മ്പോൾ ആ അനു​ഗ്ര​ഹങ്ങൾ എത്രയ​ധി​ക​മാ​യി​രി​ക്കും!

13 ഇനി, ജനതക​ളിൽപ്പെട്ട നിങ്ങ​ളോ​ടാ​ണു ഞാൻ സംസാ​രി​ക്കാൻപോ​കു​ന്നത്‌. ജനതക​ളു​ടെ അപ്പോസ്‌തലൻ+ എന്ന നിലയിൽ ഞാൻ എന്റെ ശുശ്രൂ​ഷയെ മഹത്ത്വ​പ്പെ​ടു​ത്തു​ന്നു.+ 14 അതിലൂടെ, എന്റെ സ്വന്തം ജനത്തിൽപ്പെ​ട്ട​വ​രിൽ എങ്ങനെ​യെ​ങ്കി​ലും അസൂയ ഉണ്ടാക്കി അവരിൽ ചില​രെ​യെ​ങ്കി​ലും രക്ഷിക്കാ​നാ​ണു ഞാൻ നോക്കു​ന്നത്‌. 15 ദൈവം അവരെ തള്ളിക്കളഞ്ഞപ്പോൾ+ ലോക​ത്തി​നു ദൈവ​വു​മാ​യി അനുര​ഞ്‌ജ​ന​പ്പെ​ടാൻ അവസരം കിട്ടി​യെ​ങ്കിൽ ദൈവം അവരെ സ്വീക​രി​ക്കു​മ്പോ​ഴോ? മരിച്ച​വ​രായ അവർക്ക്‌ അപ്പോൾ ഉറപ്പാ​യും ജീവൻ കിട്ടും. 16 കുഴച്ച മാവിൽനി​ന്ന്‌ ആദ്യഫ​ല​മാ​യി അർപ്പി​ക്കുന്ന അൽപ്പം മാവ്‌ വിശു​ദ്ധ​മാ​ണെ​ങ്കിൽ ആ മാവ്‌ മുഴു​വ​നും വിശു​ദ്ധ​മാ​യി​രി​ക്കും. വേരു വിശു​ദ്ധ​മെ​ങ്കിൽ കൊമ്പു​ക​ളും വിശു​ദ്ധ​മാണ്‌.

17 എന്നാൽ കൊമ്പു​ക​ളിൽ ചിലതു മുറി​ച്ചു​മാ​റ്റി. എന്നിട്ട്‌ നീ കാട്ടൊ​ലി​വാ​യി​രു​ന്നി​ട്ടും നിന്നെ ആ സ്ഥാനത്ത്‌ ഒട്ടിച്ചു​ചേർത്തു. അങ്ങനെ നിനക്കും മറ്റു കൊമ്പു​ക​ളോ​ടൊ​പ്പം ഒലിവി​ന്റെ വേരിൽനി​ന്ന്‌ പോഷണം കിട്ടി. 18 എന്നുവെച്ച്‌ മറ്റു കൊമ്പു​ക​ളോ​ടു നീ ഗർവം കാണി​ക്ക​രുത്‌.*+ ഗർവം കാണി​ക്കു​ന്നെ​ങ്കിൽ ഒരു കാര്യം ഓർക്കുക: നീ വേരി​നെയല്ല, വേരു നിന്നെ​യാ​ണു താങ്ങു​ന്നത്‌. 19 “എന്നെ ഒട്ടിച്ചു​ചേർക്കാൻവേണ്ടി കൊമ്പു​കൾ മുറി​ച്ചു​ക​ളഞ്ഞു”+ എന്നു നീ പറഞ്ഞേ​ക്കാം. 20 ശരിയാണ്‌, കൊമ്പു​കൾ മുറി​ച്ചു​ക​ളഞ്ഞു.+ പക്ഷേ അത്‌ അവരുടെ വിശ്വാ​സ​മി​ല്ലാ​യ്‌മ​കൊ​ണ്ടാണ്‌. എന്നാൽ നീ നിൽക്കു​ന്നതു നിന്റെ വിശ്വാ​സം​കൊ​ണ്ടാണ്‌.+ അഹങ്കരി​ക്കാ​തെ ഭയമു​ള്ള​വ​നാ​യി​രി​ക്കുക. 21 സ്വതവേയുള്ള കൊമ്പു​ക​ളോ​ടു ദൈവം ദാക്ഷി​ണ്യം കാണി​ച്ചില്ല. പിന്നെ നിന്നോ​ടു കാണി​ക്കു​മോ? 22 അതുകൊണ്ട്‌ ദൈവം ദയയുള്ളവനും+ അതേസ​മയം കർക്കശ​ക്കാ​ര​നും ആണെന്ന്‌ ഓർത്തു​കൊ​ള്ളുക. വീണു​പോ​യ​വ​രോ​ടു ദൈവം കർക്കശ​മാ​യി ഇടപെ​ടും.+ എന്നാൽ നീ ദൈവ​ത്തി​ന്റെ ദയയിൽ നിലനിൽക്കു​ന്നെ​ങ്കിൽ നിന്നോ​ടു ദൈവം ദയ കാണി​ക്കും. അല്ലാത്ത​പക്ഷം നിന്നെ​യും മുറി​ച്ചു​മാ​റ്റും. 23 അവരുടെ കാര്യ​ത്തി​ലും അങ്ങനെ​ത​ന്നെ​യാണ്‌. അവർ വിശ്വാ​സ​മി​ല്ലാ​യ്‌മ​യിൽ തുടരാ​തെ വിശ്വാ​സം കാണി​ക്കു​ന്നെ​ങ്കിൽ അവരെ​യും ഒട്ടിച്ചു​ചേർക്കും.+ അവരെ തിരികെ ഒട്ടിച്ചു​ചേർക്കാൻ ദൈവ​ത്തി​നു കഴിയു​മ​ല്ലോ. 24 കാട്ടൊലിവിൽനിന്ന്‌ മുറി​ച്ചെ​ടുത്ത നിന്നെ പ്രകൃ​തി​സ​ഹ​ജ​മ​ല്ലാത്ത രീതി​യിൽ നാട്ടൊ​ലി​വിൽ ഒട്ടിച്ചു​ചേർക്കാ​മെ​ങ്കിൽ സ്വത​വേ​യുള്ള കൊമ്പു​കളെ അവ ഉണ്ടായി​വന്ന തായ്‌മ​ര​ത്തിൽ ഒട്ടിച്ചു​ചേർക്കു​ന്നത്‌ എത്ര എളുപ്പ​മാണ്‌!

25 സഹോദരങ്ങളേ, ഈ പാവനരഹസ്യം+ നിങ്ങൾ അറിയാ​തെ​പോ​ക​രു​തെന്നു ഞാൻ ആഗ്രഹി​ക്കു​ന്നു. കാരണം അത്‌ അറിഞ്ഞി​ല്ലെ​ങ്കിൽ നിങ്ങൾ ബുദ്ധി​മാ​ന്മാ​രാ​ണെന്നു നിങ്ങൾക്കു​തന്നെ തോന്നും. ഇതാണ്‌ ആ പാവന​ര​ഹ​സ്യം: ജനതക​ളിൽപ്പെ​ട്ട​വ​രു​ടെ എണ്ണം തികയു​ന്ന​തു​വരെ ഇസ്രാ​യേ​ലിൽ കുറെ​പ്പേ​രു​ടെ മനസ്സ്‌ ഒരു പരിധി​വരെ തഴമ്പി​ച്ചു​പോ​യി​രി​ക്കു​ന്നു. 26 അങ്ങനെ, ഇസ്രാ​യേൽ മുഴുവനും+ രക്ഷ നേടും. ഇങ്ങനെ എഴുതി​യി​ട്ടു​ണ്ട​ല്ലോ: “വിമോചകൻ* സീയോ​നിൽനിന്ന്‌ വരും.+ അവൻ യാക്കോ​ബിൽനിന്ന്‌ ഭക്തികെട്ട പ്രവൃ​ത്തി​കൾ നീക്കി​ക്ക​ള​യും. 27 ഞാൻ അവരുടെ പാപങ്ങൾ നീക്കിക്കളയുമ്പോൾ+ ഇതായി​രി​ക്കും അവരു​മാ​യുള്ള എന്റെ ഉടമ്പടി.”+ 28 ശരിയാണ്‌, സന്തോ​ഷ​വാർത്ത തള്ളിക്ക​ള​ഞ്ഞ​തു​കൊണ്ട്‌ അവർ ദൈവ​ത്തി​ന്റെ ശത്രു​ക്ക​ളാ​യി. അതു നിങ്ങൾക്ക്‌ ഉപകാ​ര​പ്പെട്ടു. എന്നാൽ അവരുടെ പൂർവി​കർക്കു നൽകിയ വാക്കു നിമിത്തം ദൈവം അവരിൽ ചിലരെ സ്‌നേ​ഹി​ത​രാ​യി തിര​ഞ്ഞെ​ടു​ത്തു.+ 29 താൻ നൽകുന്ന സമ്മാന​ങ്ങ​ളെ​ക്കു​റി​ച്ചോ താൻ വിളി​ച്ച​വ​രെ​ക്കു​റി​ച്ചോ ഓർത്ത്‌ ദൈവ​ത്തി​നു പിന്നീടു ഖേദം തോന്നില്ല. 30 ഒരു കാലത്ത്‌ ദൈവത്തെ അനുസ​രി​ക്കാ​തി​രുന്ന നിങ്ങ​ളോട്‌,+ അക്കൂട്ട​രു​ടെ അനുസ​ര​ണ​ക്കേടു കാരണം+ ഇപ്പോൾ കരുണ കാണി​ച്ചി​രി​ക്കു​ന്നു.+ 31 അവരുടെ അനുസ​ര​ണ​ക്കേടു കാരണം നിങ്ങ​ളോ​ടു കരുണ കാണിച്ച സ്ഥിതിക്ക്‌ ഇപ്പോൾ അവർക്കും കരുണ ലഭിക്കും. 32 അങ്ങനെ എല്ലാവ​രോ​ടും കരുണ കാണിക്കാൻ+ കഴി​യേ​ണ്ട​തി​നു ദൈവം എല്ലാവ​രെ​യും അനുസ​ര​ണ​ക്കേ​ടി​ന്റെ തടവറ​യി​ലാ​ക്കി.+

33 ഹോ, ദൈവ​ത്തി​ന്റെ ധനവും ജ്ഞാനവും അറിവും എത്ര അപാരം! ദൈവ​ത്തി​ന്റെ വിധികൾ പരി​ശോ​ധി​ച്ച​റി​യുക തികച്ചും അസാധ്യം! ദൈവ​ത്തി​ന്റെ വഴികൾ ഒരിക്ക​ലും അന്വേ​ഷിച്ച്‌ കണ്ടുപി​ടി​ക്കാൻ പറ്റാത്തവ! 34 അല്ല, “യഹോവയുടെ* മനസ്സ്‌ അറിഞ്ഞ ആരെങ്കി​ലു​മു​ണ്ടോ? ദൈവ​ത്തി​ന്റെ ഉപദേ​ഷ്ടാ​വാ​കാൻ ആർക്കെ​ങ്കി​ലും കഴിയു​മോ?”+ 35 അല്ലെങ്കിൽ “തിരി​ച്ചു​ത​ര​ണ​മെന്ന്‌ ആവശ്യ​പ്പെ​ടാൻ, ദൈവ​ത്തിന്‌ അങ്ങോട്ട്‌ വല്ലതും കൊടുത്ത ആരെങ്കി​ലു​മു​ണ്ടോ?”+ 36 കാരണം എല്ലാം ദൈവ​ത്തിൽനി​ന്നു​ള്ള​തും ദൈവ​ത്താ​ലു​ള്ള​തും ദൈവ​ത്തി​നു​വേ​ണ്ടി​യു​ള്ള​തും ആണ്‌. ദൈവ​ത്തിന്‌ എന്നും മഹത്ത്വം. ആമേൻ.

12 അതു​കൊണ്ട്‌ സഹോ​ദ​ര​ങ്ങളേ, ദൈവ​ത്തി​ന്റെ അനുക​മ്പ​യു​ടെ പേരിൽ ഞാൻ നിങ്ങ​ളോട്‌ അപേക്ഷി​ക്കു​ന്നു: നിങ്ങളു​ടെ ശരീര​ങ്ങളെ വിശുദ്ധവും+ ദൈവ​ത്തി​നു സ്വീകാ​ര്യ​വും ആയ ജീവനുള്ള ബലിയാ​യി അർപ്പിച്ചുകൊണ്ട്‌+ ചിന്താ​പ്രാ​പ്‌തി ഉപയോ​ഗി​ച്ചുള്ള വിശു​ദ്ധ​സേ​വനം ചെയ്യുക.+ 2 ഈ വ്യവസ്ഥിതി* നിങ്ങളെ അതിന്റെ അച്ചിൽ വാർത്തെ​ടു​ക്കാൻ ഇനി സമ്മതി​ക്ക​രുത്‌. പകരം, മനസ്സു പുതുക്കി രൂപാ​ന്ത​ര​പ്പെ​ടുക.+ അങ്ങനെ, നല്ലതും സ്വീകാ​ര്യ​വും അത്യു​ത്ത​മ​വും ആയ ദൈ​വേഷ്ടം എന്താ​ണെന്നു പരി​ശോ​ധിച്ച്‌ ഉറപ്പു വരുത്താൻ നിങ്ങൾക്കു കഴിയും.+

3 എനിക്കു ലഭിച്ച അനർഹദയ ഓർത്ത്‌ ഞാൻ നിങ്ങളിൽ ഓരോ​രു​ത്ത​രോ​ടും പറയുന്നു: നിങ്ങൾ നിങ്ങ​ളെ​ക്കു​റി​ച്ചു​തന്നെ വേണ്ടതി​ല​ധി​കം ചിന്തി​ക്ക​രുത്‌.+ പകരം, ദൈവം നിങ്ങൾക്ക്‌ ഓരോ​രു​ത്തർക്കും നൽകിയിരിക്കുന്ന* വിശ്വാ​സ​ത്തി​ന്റെ അളവനു​സ​രിച്ച്‌ സുബോ​ധ​ത്തോ​ടെ സ്വയം വിലയി​രു​ത്തുക.+ 4 ശരീരത്തിൽ നമുക്കു പല അവയവ​ങ്ങ​ളു​ണ്ട​ല്ലോ.+ എന്നാൽ ഈ അവയവ​ങ്ങൾക്കെ​ല്ലാം ഒരേ ധർമമല്ല ഉള്ളത്‌. 5 അതുപോലെതന്നെ, നമ്മൾ പലരാ​ണെ​ങ്കി​ലും ക്രിസ്‌തു​വി​നോ​ടുള്ള യോജി​പ്പിൽ ഒരൊറ്റ ശരീര​മാണ്‌. എന്നാൽ വ്യക്തി​ക​ളെന്ന നിലയിൽ നമ്മൾ, പരസ്‌പരം ആശ്രയി​ക്കുന്ന അവയവ​ങ്ങ​ളാണ്‌.+ 6 നമുക്കു ലഭിച്ച അനർഹ​ദ​യ​യ​നു​സ​രിച്ച്‌ വ്യത്യ​സ്‌ത​മായ കഴിവു​ക​ളാ​ണു നമുക്കു​ള്ളത്‌.+ അതു​കൊണ്ട്‌ പ്രവചി​ക്കാ​നുള്ള കഴിവാ​ണു​ള്ള​തെ​ങ്കിൽ നമ്മുടെ വിശ്വാ​സ​ത്തി​ന്റെ അളവനു​സ​രിച്ച്‌ നമുക്കു പ്രവചി​ക്കാം. 7 ശുശ്രൂഷയ്‌ക്കുള്ള കഴിവാ​ണു​ള്ള​തെ​ങ്കിൽ നമുക്കു ശുശ്രൂഷ ചെയ്യാം. പഠിപ്പി​ക്കു​ന്ന​യാൾ പഠിപ്പി​ക്കട്ടെ.+ 8 പ്രോത്സാഹിപ്പിക്കുന്നയാൾ പ്രോ​ത്സാ​ഹി​പ്പി​ക്കട്ടെ.+ കൊടുക്കുന്നയാൾ* ഉദാര​മാ​യി കൊടു​ക്കട്ടെ.+ നേതൃത്വമെടുക്കുന്നയാൾ* അത്‌ ഉത്സാഹത്തോടെ* ചെയ്യട്ടെ.+ കരുണ കാണി​ക്കു​ന്ന​യാൾ അതു സന്തോ​ഷ​ത്തോ​ടെ ചെയ്യട്ടെ.+

9 നിങ്ങളുടെ സ്‌നേഹം കാപട്യ​മി​ല്ലാ​ത്ത​താ​യി​രി​ക്കട്ടെ.+ തിന്മയെ വെറു​ക്കുക.*+ നല്ലതി​നോ​ടു പറ്റിനിൽക്കുക. 10 നിങ്ങൾ തമ്മിൽത്ത​മ്മിൽ ആർദ്ര​ത​യോ​ടെ സഹോ​ദ​ര​സ്‌നേഹം കാണി​ക്കണം. പരസ്‌പരം ബഹുമാ​നം കാണി​ക്കു​ന്ന​തിൽ മുൻകൈ​യെ​ടു​ക്കുക.*+ 11 മടിയുള്ളവരാകാതെ+ നല്ല അധ്വാ​ന​ശീ​ല​മു​ള്ള​വ​രാ​യി​രി​ക്കുക.* ദൈവാ​ത്മാ​വിൽ ജ്വലി​ക്കുക,+ യഹോവയ്‌ക്കുവേണ്ടി* ഒരു അടിമ​യെ​പ്പോ​ലെ പണി​യെ​ടു​ക്കുക.+ 12 പ്രത്യാശ ഓർത്ത്‌ സന്തോ​ഷി​ക്കുക. കഷ്ടതകൾ ഉണ്ടാകു​മ്പോൾ സഹിച്ചു​നിൽക്കുക.+ മടുത്ത്‌ പിന്മാ​റാ​തെ പ്രാർഥി​ച്ചു​കൊ​ണ്ടി​രി​ക്കുക.+ 13 വിശുദ്ധരെ അവരുടെ ആവശ്യ​ങ്ങ​ളിൽ സഹായി​ക്കുക.+ അതിഥി​കളെ സത്‌ക​രി​ക്കു​ന്നതു ശീലമാ​ക്കുക.+ 14 നിങ്ങളെ ഉപദ്ര​വി​ക്കു​ന്ന​വരെ അനു​ഗ്ര​ഹി​ക്കുക.+ അതെ, അവരെ ശപിക്കാ​തെ എപ്പോ​ഴും അനു​ഗ്ര​ഹി​ക്കുക.+ 15 സന്തോഷിക്കുന്നവരുടെകൂടെ സന്തോ​ഷി​ക്കുക. കരയു​ന്ന​വ​രു​ടെ​കൂ​ടെ കരയുക. 16 നിങ്ങൾ നിങ്ങളെ എങ്ങനെ കാണു​ന്നോ അതു​പോ​ലെ​തന്നെ മറ്റുള്ള​വ​രെ​യും കാണുക. വലിയ​വ​ലിയ കാര്യ​ങ്ങ​ളു​ടെ പിന്നാലെ പോകാതെ* എളിയ കാര്യ​ങ്ങ​ളിൽ മനസ്സ്‌ ഉറപ്പി​ക്കുക.+ വലിയ ബുദ്ധി​മാ​നാ​ണെന്ന്‌ ആരും ഭാവി​ക്ക​രുത്‌.+

17 തിന്മയ്‌ക്കു പകരം തിന്മ ചെയ്യരു​ത്‌.+ എല്ലാവ​രു​ടെ​യും കാഴ്‌ച​പ്പാ​ടിൽ ശരി​യെ​ന്താണ്‌ എന്നതു​കൂ​ടെ കണക്കി​ലെ​ടു​ക്കുക. 18 എല്ലാവരുമായി സമാധാ​ന​ത്തി​ലാ​യി​രി​ക്കാൻ നിങ്ങളു​ടെ കഴിവി​ന്റെ പരമാ​വധി ശ്രമി​ക്കുക.+ 19 പ്രിയപ്പെട്ടവരേ, നിങ്ങൾതന്നെ പ്രതി​കാ​രം ചെയ്യാതെ ദൈവ​ക്രോ​ധ​ത്തിന്‌ ഇടം കൊടു​ക്കുക.+ കാരണം, “‘പ്രതി​കാ​രം എനിക്കു​ള്ളത്‌; ഞാൻ പകരം ചെയ്യും’ എന്ന്‌ യഹോവ* പറയുന്നു”+ എന്ന്‌ എഴുതി​യി​ട്ടു​ണ്ട​ല്ലോ. 20 എന്നാൽ, “നിന്റെ ശത്രു​വി​നു വിശക്കു​ന്നെ​ങ്കിൽ ഭക്ഷണം കൊടു​ക്കുക. ദാഹി​ക്കു​ന്നെ​ങ്കിൽ എന്തെങ്കി​ലും കുടി​ക്കാൻ കൊടു​ക്കുക. അങ്ങനെ ചെയ്യു​ന്ന​തി​ലൂ​ടെ നീ അയാളു​ടെ തലയിൽ തീക്കനൽ കൂട്ടും.”*+ 21 തിന്മ നിങ്ങളെ കീഴ്‌പെ​ടു​ത്താൻ അനുവ​ദി​ക്ക​രുത്‌. പകരം, എപ്പോ​ഴും നന്മകൊ​ണ്ട്‌ തിന്മയെ കീഴട​ക്കുക.+

13 എല്ലാവ​രും ഉന്നതാ​ധി​കാ​രി​കൾക്കു കീഴ്‌പെ​ട്ടി​രി​ക്കട്ടെ.+ കാരണം ദൈവ​ത്തിൽനി​ന്ന​ല്ലാ​തെ ഒരു അധികാ​ര​വു​മില്ല.+ നിലവി​ലുള്ള അധികാ​രി​കളെ അതാതു സ്ഥാനങ്ങളിൽ* നിറു​ത്തി​യി​രി​ക്കു​ന്നതു ദൈവ​മാണ്‌.+ 2 അതുകൊണ്ട്‌ അധികാ​രത്തെ എതിർക്കു​ന്നവൻ ദൈവ​ത്തി​ന്റെ ക്രമീ​ക​ര​ണ​ത്തെ​യാണ്‌ എതിർക്കു​ന്നത്‌. അതിനെ എതിർക്കു​ന്നവൻ തനിക്കു​തന്നെ ശിക്ഷാ​വി​ധി വരുത്തി​വെ​ക്കും. 3 നല്ലതു ചെയ്യു​ന്ന​വരല്ല, മോശ​മായ കാര്യങ്ങൾ ചെയ്യു​ന്ന​വ​രാണ്‌ അധികാ​രി​കളെ പേടി​ക്കേ​ണ്ടത്‌.+ അധികാ​രി​കളെ പേടി​ക്കാ​തെ ജീവി​ക്ക​ണ​മെ​ന്നു​ണ്ടോ? എങ്കിൽ എപ്പോ​ഴും നല്ലതു മാത്രം ചെയ്യുക.+ അപ്പോൾ അവർ നിന്നെ പ്രശം​സി​ക്കും. 4 നിന്റെ ഗുണത്തി​നു​വേണ്ടി അവർ ദൈവ​ത്തി​ന്റെ ശുശ്രൂ​ഷ​ക​രാ​യി പ്രവർത്തി​ക്കു​ക​യാ​ണ​ല്ലോ. പക്ഷേ നീ മോശം കാര്യങ്ങൾ ചെയ്യു​ന്നെ​ങ്കിൽ പേടി​ക്കണം. കാരണം, വെറു​തേയല്ല അവരുടെ കൈയിൽ വാളു​ള്ളത്‌. അവർ ദൈവ​ത്തി​ന്റെ ശുശ്രൂ​ഷ​ക​രും മോശം കാര്യങ്ങൾ ചെയ്യു​ന്ന​വ​രു​ടെ മേൽ ക്രോധം ചൊരിഞ്ഞുകൊണ്ട്‌* പ്രതി​കാ​രം ചെയ്യു​ന്ന​വ​രും ആണ്‌.

5 അതുകൊണ്ട്‌ കീഴ്‌പെ​ട്ടി​രി​ക്കാൻ തക്കതായ കാരണ​മുണ്ട്‌. ക്രോധം പേടി​ച്ചി​ട്ടു മാത്രമല്ല നിങ്ങളു​ടെ മനസ്സാ​ക്ഷി​യെ കരുതി​യും നിങ്ങൾ അങ്ങനെ ചെയ്യണം.+ 6 നിങ്ങൾ നികുതി കൊടു​ക്കു​ന്ന​തും അതു​കൊ​ണ്ടാണ്‌. അവർ ദൈവ​ത്തി​നു​വേണ്ടി എപ്പോ​ഴും പൊതു​ജ​ന​സേ​വനം ചെയ്യു​ന്ന​വ​രാ​ണ​ല്ലോ. 7 എല്ലാവർക്കും കൊടു​ക്കേ​ണ്ടതു കൊടു​ക്കുക: നികുതി കൊടു​ക്കേ​ണ്ട​വനു നികുതി;+ കപ്പം* കൊടു​ക്കേ​ണ്ട​വനു കപ്പം; ഭയം കാണി​ക്കേ​ണ്ട​വനു ഭയം;+ ബഹുമാ​നം കാണി​ക്കേ​ണ്ട​വനു ബഹുമാ​നം.+

8 അന്യോന്യമുള്ള സ്‌നേ​ഹ​ത്തി​ന്റെ കാര്യ​ത്തി​ല​ല്ലാ​തെ നിങ്ങൾ ആരോ​ടും ഒന്നിനും കടപ്പെ​ട്ടി​രി​ക്ക​രുത്‌.+ ശരിക്കും പറഞ്ഞാൽ, സഹമനു​ഷ്യ​നെ സ്‌നേ​ഹി​ക്കു​ന്ന​യാൾ നിയമം നിറ​വേ​റ്റി​യി​രി​ക്കു​ന്നു.+ 9 കാരണം, “വ്യഭി​ചാ​രം ചെയ്യരു​ത്‌,+ കൊല ചെയ്യരു​ത്‌,+ മോഷ്ടി​ക്ക​രുത്‌,+ മോഹി​ക്ക​രുത്‌”*+ എന്നീ കല്‌പ​ന​ക​ളും മറ്റെല്ലാ കല്‌പ​ന​ക​ളും, “നിന്റെ അയൽക്കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കണം”+ എന്നതിൽ അടങ്ങി​യി​രി​ക്കു​ന്നു. 10 സ്‌നേഹം അയൽക്കാ​രനു ദോഷം ചെയ്യു​ന്നില്ല.+ അതു​കൊണ്ട്‌, സ്‌നേ​ഹി​ക്കു​ന്ന​യാൾ നിയമം നിറ​വേ​റ്റു​ക​യാണ്‌.+

11 നിങ്ങൾ അങ്ങനെ ചെയ്യണം. കാരണം കാലം ഏതാ​ണെ​ന്നും ഉറക്കത്തിൽനി​ന്ന്‌ ഉണരേണ്ട സമയമായെന്നും+ നിങ്ങൾക്ക്‌ അറിയാ​മ​ല്ലോ. നമ്മൾ വിശ്വാ​സി​ക​ളാ​യി​ത്തീർന്ന സമയ​ത്തെ​ക്കാൾ രക്ഷ ഇപ്പോൾ കൂടുതൽ അടു​ത്തെ​ത്തി​യി​രി​ക്കു​ന്നു. 12 രാത്രി കഴിയാ​റാ​യി; പകൽ അടുത്തി​രി​ക്കു​ന്നു. അതു​കൊണ്ട്‌ നമുക്ക്‌ ഇരുട്ടി​ന്റെ പ്രവൃ​ത്തി​കൾ ഉപേക്ഷിച്ച്‌+ വെളി​ച്ച​ത്തി​ന്റെ ആയുധങ്ങൾ ധരിക്കാം.+ 13 വന്യമായ ആഘോ​ഷ​ങ്ങ​ളി​ലും മുഴു​ക്കു​ടി​യി​ലും അവിഹി​ത​വേ​ഴ്‌ച​ക​ളി​ലും ധിക്കാ​ര​ത്തോ​ടെ​യുള്ള പെരുമാറ്റത്തിലും*+ കലഹത്തി​ലും അസൂയയിലും+ മുഴുകി ജീവി​ക്കാ​തെ പകൽസ​മ​യത്ത്‌ എന്നപോ​ലെ നമുക്കു മര്യാ​ദ​യോ​ടെ നടക്കാം.+ 14 കർത്താവായ യേശു​ക്രി​സ്‌തു​വി​നെ ധരിച്ചു​കൊ​ള്ളുക.+ ജഡമോഹങ്ങൾ* തൃപ്‌തി​പ്പെ​ടു​ത്താ​നുള്ള പദ്ധതികൾ ആലോ​ചി​ക്ക​രുത്‌.+

14 വിശ്വാ​സ​ത്തിൽ ബലഹീ​ന​നായ ആളെ സന്തോ​ഷ​ത്തോ​ടെ സ്വീക​രി​ക്കുക.*+ അയാൾക്കു മറ്റൊരു അഭിപ്രായമുണ്ട്‌* എന്നതിന്റെ പേരിൽ അയാളെ വിധി​ക്ക​രുത്‌. 2 ഒരാളുടെ വിശ്വാ​സം എല്ലാം കഴിക്കാൻ അയാളെ അനുവ​ദി​ച്ചേ​ക്കാം. എന്നാൽ ബലഹീ​ന​നായ ആൾ സസ്യാ​ഹാ​രം മാത്രം കഴിക്കു​ന്നു. 3 കഴിക്കുന്നയാൾ കഴിക്കാ​ത്ത​യാ​ളെ പുച്ഛി​ക്ക​രുത്‌. കഴിക്കാ​ത്ത​യാൾ കഴിക്കു​ന്ന​യാ​ളെ വിധി​ക്കു​ക​യു​മ​രുത്‌.+ കാരണം ദൈവം അയാളെ സ്വീക​രി​ച്ച​താണ്‌. 4 മറ്റൊരാളുടെ ദാസനെ വിധി​ക്കാൻ നീ ആരാണ്‌?+ അയാൾ നിന്നാ​ലും വീണാ​ലും അത്‌ അയാളു​ടെ യജമാ​നന്റെ കാര്യം.+ അയാൾ നിൽക്കു​ക​തന്നെ ചെയ്യും. കാരണം യഹോവയ്‌ക്ക്‌* അയാളെ നിറു​ത്താൻ കഴിയും.

5 ഒരാൾ ഒരു ദിവസത്തെ മറ്റൊരു ദിവസ​ത്തെ​ക്കാൾ മാനി​ക്കു​ന്നു.+ മറ്റൊ​രാൾ എല്ലാ ദിവസ​ങ്ങ​ളെ​യും ഒരു​പോ​ലെ മാനി​ക്കു​ന്നു.+ ഓരോ​രു​ത്തർക്കും സ്വന്തം മനസ്സിൽ പൂർണ​ബോ​ധ്യ​മു​ണ്ടാ​യി​രി​ക്കട്ടെ. 6 ഒരു പ്രത്യേ​ക​ദി​വസം ആചരി​ക്കു​ന്ന​യാൾ യഹോവയ്‌ക്കുവേണ്ടി* അത്‌ ആചരി​ക്കു​ന്നു. ഭക്ഷണം കഴിക്കു​ന്ന​യാൾ യഹോവയ്‌ക്കുവേണ്ടി* കഴിക്കു​ന്നു. കാരണം അയാൾ ദൈവ​ത്തോ​ടു നന്ദി പറയുന്നു.+ കഴിക്കാ​ത്ത​യാൾ യഹോവയ്‌ക്കുവേണ്ടി* കഴിക്കാ​തി​രി​ക്കു​ന്നു. എന്നാൽ അയാളും ദൈവ​ത്തി​നു നന്ദി നൽകുന്നു.+ 7 നമ്മളിൽ ആരും തനിക്കു​വേണ്ടി മാത്രം ജീവി​ക്കു​ന്നില്ല.+ ആരും തനിക്കു​വേണ്ടി മാത്രം മരിക്കു​ന്നു​മില്ല. 8 ജീവിക്കുന്നെങ്കിൽ നമ്മൾ യഹോവയ്‌ക്കുവേണ്ടി* ജീവി​ക്കു​ന്നു.+ മരിക്കു​ന്നെ​ങ്കിൽ നമ്മൾ യഹോവയ്‌ക്കുവേണ്ടി* മരിക്കു​ന്നു. അതു​കൊണ്ട്‌ ജീവി​ച്ചാ​ലും മരിച്ചാ​ലും നമ്മൾ യഹോ​വ​യ്‌ക്കു​ള്ള​വ​രാണ്‌.*+ 9 ജീവിച്ചിരിക്കുന്നവർക്കും മരിച്ച​വർക്കും കർത്താ​വാ​കേ​ണ്ട​തി​നാ​ണ​ല്ലോ ക്രിസ്‌തു മരിക്കു​ക​യും വീണ്ടും ജീവി​ക്കു​ക​യും ചെയ്‌തത്‌.+

10 ആ സ്ഥിതിക്ക്‌, നീ നിന്റെ സഹോ​ദ​രനെ വിധി​ക്കു​ന്നത്‌ എന്തിനാ​ണ്‌?+ നീ നിന്റെ സഹോ​ദ​രനെ പുച്ഛി​ക്കു​ന്നത്‌ എന്തിനാ​ണ്‌? നമ്മളെ​ല്ലാ​വ​രും ദൈവ​ത്തി​ന്റെ ന്യായാസനത്തിനു* മുന്നിൽ നിൽക്കേ​ണ്ട​വ​രാണ്‌.+ 11 “‘ഞാനാണെ,+ എന്റെ മുന്നിൽ എല്ലാ മുട്ടും മടങ്ങും, എല്ലാ നാവും ദൈവത്തെ പരസ്യ​മാ​യി അംഗീ​ക​രി​ച്ചു​പ​റ​യും’+ എന്ന്‌ യഹോവ* പറയുന്നു” എന്ന്‌ എഴുതി​യി​ട്ടു​ണ്ട​ല്ലോ. 12 അതുകൊണ്ട്‌ നമ്മൾ ഓരോ​രു​ത്ത​രും ദൈവ​ത്തോ​ടു കണക്കു ബോധി​പ്പി​ക്കേ​ണ്ടി​വ​രും.+

13 അങ്ങനെയാണെങ്കിൽ നമുക്ക്‌ ഇനി അന്യോ​ന്യം വിധി​ക്കാ​തി​രി​ക്കാം.+ സഹോ​ദരൻ ഇടറി​വീ​ഴാൻ ഇടയാ​ക്കുന്ന എന്തെങ്കി​ലു​മോ ഒരു തടസ്സമോ അയാളു​ടെ മുന്നിൽ വെക്കില്ല എന്നു തീരു​മാ​നി​ച്ചു​റ​യ്‌ക്കുക.+ 14 ഒന്നും സ്വതവെ മലിനമല്ല+ എന്നു കർത്താ​വായ യേശു​വിൽ എനിക്ക്‌ അറിയാം. അത്‌ എനിക്കു ബോധ്യ​പ്പെ​ടു​ക​യും ചെയ്‌തി​ട്ടുണ്ട്‌. പക്ഷേ എന്തെങ്കി​ലും മലിന​മാ​ണെന്ന്‌ ഒരാൾ വിചാ​രി​ക്കു​ന്നെ​ങ്കിൽ അത്‌ അയാൾക്കു മലിന​മാണ്‌. 15 സഹോദരനു ബുദ്ധി​മുട്ട്‌ ഉണ്ടാക്കുന്ന ഭക്ഷണമാ​ണു നീ കഴിക്കു​ന്ന​തെ​ങ്കിൽ അതു സ്‌നേ​ഹമല്ല.+ ക്രിസ്‌തു ആർക്കു​വേണ്ടി മരിച്ചോ അയാളെ നിന്റെ ഭക്ഷണം​കൊണ്ട്‌ നശിപ്പി​ക്ക​രുത്‌.+ 16 അതുകൊണ്ട്‌ നിങ്ങൾ ചെയ്യുന്ന നല്ലൊരു കാര്യം മോശ​മാ​ണെന്ന്‌ ആരും പറയാൻ ഇടവരു​ത്ത​രുത്‌. 17 ദൈവരാജ്യം എന്നതു തീറ്റി​യും കുടി​യും അല്ല,+ പരിശു​ദ്ധാ​ത്മാ​വി​നാ​ലുള്ള സന്തോ​ഷ​വും നീതി​യും സമാധാ​ന​വും ആണ്‌. 18 ഈ വിധത്തിൽ ക്രിസ്‌തു​വി​നു​വേണ്ടി ഒരു അടിമ​യെ​പ്പോ​ലെ പണി​യെ​ടു​ക്കുന്ന ഏതൊ​രാ​ളും ദൈവ​ത്തി​നു സ്വീകാ​ര്യ​നാണ്‌. മനുഷ്യ​രും അയാളെ അംഗീ​ക​രി​ക്കും.

19 അതുകൊണ്ട്‌ സമാധാ​നം ഉണ്ടാക്കാനും+ അന്യോ​ന്യം ബലപ്പെ​ടു​ത്താ​നും വേണ്ടി നമ്മളാ​ലാ​കു​ന്ന​തെ​ല്ലാം നമുക്കു ചെയ്യാം.+ 20 ദൈവം പണിതു​ണ്ടാ​ക്കി​യ​തി​നെ വെറും ഭക്ഷണത്തി​ന്റെ പേരിൽ ഇടിച്ചു​ക​ള​യ​രുത്‌.+ എല്ലാം ശുദ്ധി​യു​ള്ള​താണ്‌. പക്ഷേ അതു കഴിക്കു​ന്ന​തു​കൊണ്ട്‌ മറ്റാ​രെ​ങ്കി​ലും വിശ്വാ​സ​ത്തിൽനിന്ന്‌ വീണുപോകുമെങ്കിൽ*+ അതു ദോഷം ചെയ്യും.* 21 മാംസം കഴിക്കു​ന്ന​തു​കൊ​ണ്ടോ വീഞ്ഞു കുടി​ക്കു​ന്ന​തു​കൊ​ണ്ടോ സഹോ​ദരൻ വിശ്വാ​സ​ത്തിൽനിന്ന്‌ വീണു​പോ​കു​മെ​ങ്കിൽ അത്‌ ഒഴിവാ​ക്കു​ന്ന​താ​ണു നല്ലത്‌.+ 22 നിന്റെ വിശ്വാ​സം നിനക്കും ദൈവ​ത്തി​നും ഇടയിൽ മാത്ര​മാ​യി ഇരിക്കട്ടെ. എന്നാൽ തനിക്കു ശരി​യെന്നു തോന്നുന്ന ഒരു കാര്യ​ത്തി​ന്റെ പേരിൽ തന്നെത്തന്നെ കുറ്റം വിധി​ക്കേ​ണ്ടി​വ​രാ​ത്തവൻ സന്തുഷ്ടൻ. 23 എന്നാൽ സംശയ​ത്തോ​ടെ കഴിക്കു​ന്ന​യാൾ ന്യായം വിധി​ക്ക​പ്പെ​ട്ടു​ക​ഴി​ഞ്ഞു. കാരണം വിശ്വാ​സ​ത്തി​ന്റെ അടിസ്ഥാ​ന​മി​ല്ലാ​തെ​യാണ്‌ അയാൾ അതു കഴിച്ചത്‌. വിശ്വാ​സ​ത്തിൽ അടിസ്ഥാ​ന​മി​ല്ലാ​ത്ത​തെ​ല്ലാം പാപമാ​ണ്‌.

15 എന്നാൽ ശക്തരായ നമ്മൾ അശക്തരു​ടെ ബലഹീ​ന​ത​കളെ ചുമക്കണം,+ നമ്മളെ​ത്തന്നെ പ്രീതി​പ്പെ​ടു​ത്തു​കയല്ല വേണ്ടത്‌.+ 2 നമ്മൾ ഓരോ​രു​ത്ത​രും അയൽക്കാ​രനു ഗുണം ചെയ്‌ത്‌ അയാളെ പ്രീതി​പ്പെ​ടു​ത്തണം, അയാളെ ബലപ്പെ​ടു​ത്തണം.+ 3 ക്രിസ്‌തുപോലും തന്നെത്തന്നെ പ്രീതി​പ്പെ​ടു​ത്തി​യില്ല.+ “അങ്ങയെ നിന്ദി​ക്കു​ന്ന​വ​രു​ടെ നിന്ദ എന്റെ മേൽ വീണി​രി​ക്കു​ന്നു”+ എന്നാണ​ല്ലോ എഴുതി​യി​രി​ക്കു​ന്നത്‌. 4 മുമ്പ്‌ എഴുതി​യി​ട്ടു​ള്ള​തെ​ല്ലാം നമുക്കു​വേ​ണ്ടി​യാണ്‌. അതായത്‌, നമ്മളെ പഠിപ്പിക്കാനും+ അങ്ങനെ നമ്മുടെ സഹനത്താലും+ തിരു​വെ​ഴു​ത്തു​കൾ നൽകുന്ന ആശ്വാ​സ​ത്താ​ലും നമുക്കു പ്രത്യാശ ഉണ്ടാകാനും+ വേണ്ടി​യാണ്‌. 5 സഹനശക്തിയും ആശ്വാ​സ​വും തരുന്ന ദൈവം, ക്രിസ്‌തു​യേ​ശു​വി​നു​ണ്ടാ​യി​രുന്ന അതേ മനോ​ഭാ​വം നിങ്ങൾക്കും ഉണ്ടാകാൻ ഇടവരു​ത്തട്ടെ. 6 അങ്ങനെ നിങ്ങൾ ഐക്യത്തോടെ+ ഒരേ സ്വരത്തിൽ നമ്മുടെ കർത്താ​വായ യേശു​ക്രി​സ്‌തു​വി​ന്റെ പിതാ​വായ ദൈവത്തെ വാഴ്‌ത്തും.

7 അതുകൊണ്ട്‌ ക്രിസ്‌തു നിങ്ങളെ സ്വീക​രി​ച്ച​തു​പോ​ലെ,+ ദൈവത്തെ മഹത്ത്വ​പ്പെ​ടു​ത്തണം എന്ന ലക്ഷ്യത്തിൽ അന്യോ​ന്യം സ്വീക​രി​ക്കുക.*+ 8 ഞാൻ പറയുന്നു: ദൈവം സത്യവാ​നാ​ണെന്നു സാക്ഷ്യ​പ്പെ​ടു​ത്താൻ ക്രിസ്‌തു, പരിച്ഛേദനയേറ്റവരുടെ*+ ശുശ്രൂ​ഷ​ക​നാ​യി​ത്തീർന്നു. അവരുടെ പൂർവി​ക​രോ​ടു ദൈവം ചെയ്‌ത വാഗ്‌ദാനങ്ങൾക്ക്‌+ ഉറപ്പു​കൊ​ടു​ക്കാ​നും 9 ദൈവത്തിന്റെ കരുണ​യു​ടെ പേരിൽ ജനതകൾ ദൈവത്തെ മഹത്ത്വപ്പെടുത്താനും+ വേണ്ടി​യാ​യി​രു​ന്നു അത്‌. “അതു​കൊണ്ട്‌ ഞാൻ പരസ്യ​മാ​യി ജനതകൾക്കി​ട​യിൽ അങ്ങയെ വാഴ്‌ത്തി അങ്ങയുടെ നാമത്തി​നു സ്‌തുതി പാടും”+ എന്ന്‌ എഴുതി​യി​ട്ടു​ണ്ട​ല്ലോ. 10 വീണ്ടും ദൈവം പറയുന്നു: “ജനതകളേ, ദൈവ​ത്തി​ന്റെ ജനത്തോ​ടൊ​പ്പം ആനന്ദി​ക്കു​വിൻ.”+ 11 “ജനതകളേ, നിങ്ങ​ളേ​വ​രും യഹോവയെ* സ്‌തു​തി​പ്പിൻ. സകല ജനങ്ങളും ദൈവത്തെ സ്‌തു​തി​ക്കട്ടെ”+ എന്നും പറയുന്നു. 12 “ജനതകളെ ഭരിക്കാ​നി​രി​ക്കുന്ന,+ യിശ്ശാ​യി​യു​ടെ വേര്‌+ എഴു​ന്നേൽക്കും. അദ്ദേഹ​ത്തിൽ ജനതകൾ പ്രത്യാശ വെക്കും”+ എന്ന്‌ യശയ്യയും പറയുന്നു. 13 നിങ്ങൾ ദൈവ​ത്തിൽ ആശ്രയി​ക്കു​മ്പോൾ പ്രത്യാശ നൽകുന്ന ആ ദൈവം നിങ്ങളിൽ വലിയ സന്തോ​ഷ​വും സമാധാ​ന​വും നിറയ്‌ക്കട്ടെ. അങ്ങനെ, പരിശു​ദ്ധാ​ത്മാ​വി​ന്റെ ശക്തിയാൽ+ നിങ്ങളിൽ പ്രത്യാശ നിറഞ്ഞു​ക​വി​യട്ടെ.

14 എന്റെ സഹോ​ദ​ര​ങ്ങളേ, നിങ്ങൾ നന്മ നിറഞ്ഞ​വ​രും തികഞ്ഞ അറിവു​ള്ള​വ​രും അന്യോ​ന്യം ഉപദേ​ശി​ക്കാൻ പ്രാപ്‌ത​രും ആണെന്ന്‌ എനിക്ക്‌ ഇപ്പോൾ ബോധ്യ​മാ​യി. 15 എന്നാൽ ചില കാര്യങ്ങൾ നിങ്ങളെ ഒന്നുകൂ​ടെ ഓർമി​പ്പി​ക്കു​ന്ന​തിന്‌ എനിക്ക്‌ അവ വെട്ടി​ത്തു​റന്ന്‌ പറയേ​ണ്ടി​വന്നു. ദൈവം എന്നോട്‌ അനർഹദയ കാണിച്ച്‌ 16 ജനതകൾക്കുവേണ്ടി ക്രിസ്‌തു​യേ​ശു​വി​ന്റെ ഒരു സേവകനായിരിക്കാൻ+ അവസരം തന്നതു​കൊ​ണ്ടാണ്‌ ഇക്കാര്യ​ങ്ങൾ ഞാൻ എഴുതി​യത്‌. ഈ ജനതകളെ പരിശു​ദ്ധാ​ത്മാ​വി​നാൽ വിശു​ദ്ധീ​ക​രിച്ച്‌ സ്വീകാ​ര്യ​മായ ഒരു യാഗമാ​യി അർപ്പി​ക്കാൻവേ​ണ്ടി​യാ​ണു ദൈവ​ത്തിൽനി​ന്നുള്ള സന്തോഷവാർത്ത+ അറിയി​ക്കു​ക​യെന്ന വിശു​ദ്ധ​മായ പ്രവർത്തനം ഞാൻ നടത്തു​ന്നത്‌.

17 അതുകൊണ്ട്‌ ക്രിസ്‌തു​യേ​ശു​വി​ന്റെ ശിഷ്യ​നായ എനിക്കു ദൈവ​സേ​വ​ന​ത്തിൽ സന്തോ​ഷി​ക്കാൻ വകയുണ്ട്‌. 18 ജനതകളെ അനുസ​ര​ണ​ത്തി​ലേക്കു വരുത്താ​നാ​യി, ക്രിസ്‌തു എന്നിലൂ​ടെ ചെയ്‌ത കാര്യ​ങ്ങ​ളെ​ക്കു​റി​ച്ച​ല്ലാ​തെ മറ്റൊ​ന്നി​നെ​ക്കു​റി​ച്ചും സംസാ​രി​ക്കാൻ ഞാൻ മുതി​രാ​റില്ല. എന്റെ വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും 19 അടയാളങ്ങളുടെയും അത്ഭുതങ്ങളുടെയും+ പ്രഭാ​വ​ത്തി​ലൂ​ടെ​യും ദൈവാ​ത്മാ​വി​ന്റെ ശക്തിയി​ലൂ​ടെ​യും ചെയ്‌ത കാര്യ​ങ്ങ​ളെ​ക്കു​റിച്ച്‌ മാത്രമേ ഞാൻ പറയാ​റു​ള്ളൂ. അങ്ങനെ, ഞാൻ യരുശ​ലേം മുതൽ ഇല്ലുര്യ വരെയുള്ള പ്രദേ​ശ​ങ്ങ​ളി​ലെ​ല്ലാം ചുറ്റി​സ​ഞ്ച​രിച്ച്‌ ക്രിസ്‌തു​വി​നെ​ക്കു​റി​ച്ചുള്ള സന്തോ​ഷ​വാർത്ത സമഗ്ര​മാ​യി പ്രസം​ഗി​ച്ചി​രി​ക്കു​ന്നു.+ 20 മറ്റൊരാൾ ഇട്ട അടിസ്ഥാ​ന​ത്തി​ന്മേൽ പണിയാ​തി​രി​ക്കാൻവേണ്ടി, ക്രിസ്‌തു​വി​ന്റെ പേര്‌ അറിഞ്ഞി​ട്ടുള്ള സ്ഥലങ്ങളിൽ ആ സന്തോ​ഷ​വാർത്ത അറിയി​ക്കേ​ണ്ടെന്നു ഞാൻ തീരു​മാ​നി​ച്ചു. 21 “അവനെ​ക്കു​റിച്ച്‌ അറിഞ്ഞി​ട്ടി​ല്ലാ​ത്തവർ കാണും. അവനെ​ക്കു​റിച്ച്‌ കേട്ടി​ട്ടി​ല്ലാ​ത്തവർ മനസ്സി​ലാ​ക്കും”+ എന്ന്‌ എഴുതി​യി​ട്ടു​ണ്ട​ല്ലോ.

22 അതുകൊണ്ടാണ്‌ പല തവണ വിചാ​രി​ച്ചി​ട്ടും എനിക്കു നിങ്ങളു​ടെ അടുത്ത്‌ വരാൻ കഴിയാ​തി​രു​ന്നത്‌. 23 ഇപ്പോഴാണെങ്കിൽ, ഈ പ്രദേ​ശ​ങ്ങ​ളിൽ ഞാൻ പ്രവർത്തി​ക്കാ​ത്ത​താ​യി ഒരു സ്ഥലവും ബാക്കി​യില്ല. അനേകം* വർഷങ്ങ​ളാ​യി നിങ്ങളു​ടെ അടുത്ത്‌ വരണ​മെന്നു ഞാൻ ആഗ്രഹി​ക്കു​ക​യും ചെയ്യുന്നു. 24 അതുകൊണ്ട്‌ സ്‌പെ​യി​നി​ലേക്കു പോകുന്ന വഴിക്കു നിങ്ങളെ കാണാ​മെന്നു ഞാൻ കരുതു​ന്നു. നിങ്ങളെ കണ്ട്‌ കുറച്ച്‌ സമയം നിങ്ങളു​ടെ​കൂ​ടെ ചെലവ​ഴി​ക്ക​ണ​മെ​ന്നാണ്‌ എന്റെ ആഗ്രഹം. ഞാൻ അവി​ടെ​നിന്ന്‌ പോകു​മ്പോൾ നിങ്ങൾ കുറച്ച്‌ ദൂരം എന്റെകൂ​ടെ വരു​മെ​ന്നും ഞാൻ പ്രതീ​ക്ഷി​ക്കു​ന്നു. 25 എന്നാൽ ഇപ്പോൾ വിശു​ദ്ധരെ സഹായിക്കാൻ* എനിക്ക്‌ യരുശ​ലേ​മിൽ പോ​കേ​ണ്ട​തുണ്ട്‌.+ 26 കാരണം യരുശ​ലേ​മി​ലെ വിശു​ദ്ധ​രിൽ ദരി​ദ്ര​രാ​യ​വർക്ക്‌ ഒരു സംഭാവന കൊടു​ക്കാൻ മാസി​ഡോ​ണി​യ​യി​ലും അഖായ​യി​ലും ഉള്ളവർക്കു സന്മനസ്സു തോന്നി.+ 27 വാസ്‌തവത്തിൽ, അങ്ങനെ ചെയ്യാൻ അവർ കടപ്പെ​ട്ട​വ​രു​മാണ്‌. ആ വിശുദ്ധർ തങ്ങളുടെ ആത്മീയാ​നു​ഗ്ര​ഹങ്ങൾ ജനതക​ളിൽപ്പെ​ട്ട​വ​രു​മാ​യി പങ്കുവെച്ച സ്ഥിതിക്ക്‌, ജനതക​ളിൽപ്പെ​ട്ടവർ തങ്ങളുടെ ഭൗതി​കാ​നു​ഗ്ര​ഹ​ങ്ങൾകൊണ്ട്‌ അവരെ​യും സഹായി​ക്കേ​ണ്ട​താ​ണ​ല്ലോ.+ 28 ഈ സംഭാവന* ഭദ്രമാ​യി അവരെ ഏൽപ്പിച്ച്‌ എന്റെ ജോലി പൂർത്തി​യാ​ക്കി​യ​ശേഷം ഞാൻ നിങ്ങളു​ടെ അടുത്ത്‌ വരും. എന്നിട്ട്‌ അവി​ടെ​നിന്ന്‌ സ്‌പെ​യി​നി​ലേക്കു പോകും. 29 എന്തായാലും ഞാൻ നിങ്ങളു​ടെ അടുത്ത്‌ വരുന്നതു ക്രിസ്‌തു​വിൽനി​ന്നുള്ള സമൃദ്ധ​മായ അനു​ഗ്ര​ഹ​ങ്ങ​ളു​മാ​യി​ട്ടാ​യി​രി​ക്കും എന്ന്‌ എനിക്ക്‌ അറിയാം.

30 സഹോദരന്മാരേ, നമ്മുടെ കർത്താ​വായ യേശു​ക്രി​സ്‌തു​വി​ന്റെ​യും ദൈവാ​ത്മാ​വി​നാ​ലുള്ള സ്‌നേ​ഹ​ത്തി​ന്റെ​യും പേരിൽ ഞാൻ നിങ്ങ​ളോട്‌ അഭ്യർഥി​ക്കു​ന്നു: നിങ്ങൾ എന്നോ​ടൊ​പ്പം എനിക്കു​വേണ്ടി ദൈവ​ത്തോ​ടു മുട്ടി​പ്പാ​യി പ്രാർഥി​ക്കണം.+ 31 അതുവഴി യഹൂദ്യ​യി​ലെ അവിശ്വാ​സി​ക​ളു​ടെ കൈയിൽനി​ന്ന്‌ ഞാൻ രക്ഷപ്പെടാനും+ യരുശ​ലേ​മി​ലെ വിശുദ്ധർക്കുവേണ്ടിയുള്ള+ എന്റെ ശുശ്രൂഷ അവർക്കു സ്വീകാ​ര്യ​മാ​കാ​നും ഇടയാ​കട്ടെ. 32 അങ്ങനെ, ദൈവ​ത്തി​ന്റെ ഇഷ്ടമെ​ങ്കിൽ, ഞാൻ നിങ്ങളു​ടെ അടുത്ത്‌ സന്തോ​ഷ​ത്തോ​ടെ വരുക​യും ഞാനും നിങ്ങളും ഒരു​പോ​ലെ ഉന്മേഷം നേടു​ക​യും ചെയ്യും. 33 സമാധാനം തരുന്ന ദൈവം നിങ്ങളു​ടെ എല്ലാവ​രു​ടെ​യും​കൂ​ടെ​യു​ണ്ടാ​യി​രി​ക്കട്ടെ.+ ആമേൻ.

16 കെംക്രെയ+ സഭയിലെ ഒരു ശുശ്രൂ​ഷ​ക​യും നമ്മുടെ സഹോ​ദ​രി​യും ആയ ഫേബയെ ഞാൻ നിങ്ങൾക്കു പരിച​യ​പ്പെ​ടു​ത്തു​ന്നു. 2 വിശുദ്ധർക്കു ചേർന്ന രീതി​യിൽ കർത്താ​വിൽ ഫേബയെ സ്വീക​രിച്ച്‌ ആവശ്യ​മുള്ള ഏതു സഹായ​വും ചെയ്‌തു​കൊ​ടു​ക്കുക.+ കാരണം ഞാൻ ഉൾപ്പെടെ പലർക്കും ഫേബ വലി​യൊ​രു സഹായ​മാ​യി​രു​ന്നി​ട്ടുണ്ട്‌.

3 ക്രിസ്‌തുയേശുവിന്റെ വേലയിൽ എന്റെ സഹപ്ര​വർത്ത​ക​രായ പ്രിസ്‌ക​യെ​യും അക്വിലയെയും+ എന്റെ സ്‌നേ​ഹാ​ന്വേ​ഷ​ണങ്ങൾ അറിയി​ക്കണം. 4 അവർ എനിക്കു​വേണ്ടി ജീവൻ പണയ​പ്പെ​ടു​ത്തി​യ​വ​രാണ്‌.+ ഞാൻ മാത്രമല്ല, ജനതക​ളു​ടെ എല്ലാ സഭകളും അവർക്കു നന്ദി പറയുന്നു. 5 അവരുടെ വീട്ടിലെ സഭയെ​യും എന്റെ അന്വേ​ഷണം അറിയി​ക്കുക.+ എന്റെ പ്രിയ​പ്പെട്ട എപ്പൈ​ന​ത്തൊ​സി​നെ​യും അന്വേ​ഷി​ച്ച​താ​യി പറയുക. ഏഷ്യയിൽ ആദ്യമാ​യി ക്രിസ്‌തു​വി​ന്റെ അനുഗാ​മി​ക​ളാ​യ​വ​രിൽ ഒരാളാ​ണ​ല്ലോ എപ്പൈ​ന​ത്തൊസ്‌. 6 നിങ്ങൾക്കുവേണ്ടി നന്നായി അധ്വാ​നിച്ച മറിയ​യെ​യും അന്വേ​ഷണം അറിയി​ക്കണം. 7 എന്റെ ബന്ധുക്കളും+ എന്റെകൂ​ടെ ജയിലിൽ കിടന്ന​വ​രും ആയ അന്ത്രൊ​നി​ക്കൊ​സി​നെ​യും യൂനി​യാ​സി​നെ​യും എന്റെ സ്‌നേഹം അറിയി​ക്കുക. അപ്പോ​സ്‌ത​ല​ന്മാർക്കി​ട​യിൽ അവരെ​ക്കു​റിച്ച്‌ വളരെ നല്ല അഭി​പ്രാ​യ​മാണ്‌. എന്നെക്കാൾ മുമ്പു​തന്നെ ക്രിസ്‌തു​ശി​ഷ്യ​രാ​യി​ത്തീർന്ന​വ​രു​മാ​ണ​ല്ലോ അവർ.

8 കർത്താവിൽ എനിക്കു പ്രിയ​പ്പെട്ട അംപ്ലി​യാ​ത്തൊ​സി​നെ എന്റെ സ്‌നേ​ഹാ​ന്വേ​ഷ​ണങ്ങൾ അറിയി​ക്കുക. 9 ക്രിസ്‌തുവിന്റെ വേലയിൽ നമ്മുടെ സഹപ്ര​വർത്ത​ക​നായ ഉർബ്ബാ​നൊ​സി​നെ​യും എനിക്കു പ്രിയ​പ്പെട്ട സ്‌താ​ക്കി​സി​നെ​യും അന്വേ​ഷി​ച്ച​താ​യി പറയണം. 10 ക്രിസ്‌തുവിനു സുസമ്മ​ത​നായ അപ്പെ​ലേ​സി​നെ സ്‌നേഹം അറിയി​ക്കുക. അരിസ്‌തൊ​ബൂ​ലൊ​സി​ന്റെ വീട്ടു​കാ​രെ​യെ​ല്ലാം ഞാൻ അന്വേ​ഷി​ച്ച​താ​യി പറയണം. 11 എന്റെ ബന്ധുവായ ഹെരോ​ദി​യോ​നെ അന്വേ​ഷണം അറിയി​ക്കുക. നർക്കി​സ്സൊ​സി​ന്റെ വീട്ടു​കാ​രിൽ, കർത്താ​വി​ന്റെ അനുഗാ​മി​ക​ളാ​യ​വരെ എന്റെ സ്‌നേഹം അറിയി​ക്കുക. 12 കർത്താവിന്റെ വേലയിൽ കഠിനാ​ധ്വാ​നം ചെയ്യുന്ന സ്‌ത്രീ​ക​ളായ ത്രു​ഫൈ​ന​യെ​യും ത്രു​ഫോ​സ​യെ​യും എന്റെ സ്‌നേഹം അറിയി​ക്കണം. കർത്താ​വി​ന്റെ വേലയിൽ നന്നായി അധ്വാ​നിച്ച നമ്മുടെ പ്രിയ പെർസി​സി​നെ എന്റെ സ്‌നേഹം അറിയി​ക്കുക. 13 കർത്താവിന്റെ ശുശ്രൂ​ഷ​യിൽ വളരെ നന്നായി പ്രവർത്തി​ക്കുന്ന രൂഫൊ​സി​നെ​യും, എന്റെയും​കൂ​ടെ അമ്മയായ രൂഫൊ​സി​ന്റെ അമ്മയെ​യും എന്റെ സ്‌നേ​ഹാ​ന്വേ​ഷ​ണങ്ങൾ അറിയി​ക്കണം. 14 അസുംക്രിതൊസിനെയും പ്ലെഗോ​നെ​യും ഹെർമി​സി​നെ​യും പത്രോ​ബാ​സി​നെ​യും ഹെർമാ​സി​നെ​യും അവരു​ടെ​കൂ​ടെ​യുള്ള സഹോ​ദ​ര​ങ്ങ​ളെ​യും ഞാൻ അന്വേ​ഷി​ച്ച​താ​യി പറയുക. 15 ഫിലൊലൊഗൊസിനെയും യൂലി​യ​യെ​യും നെരെ​യു​സി​നെ​യും നെരെ​യു​സി​ന്റെ സഹോ​ദ​രി​യെ​യും ഒളിമ്പാ​സി​നെ​യും അവരു​ടെ​കൂ​ടെ​യുള്ള എല്ലാ വിശു​ദ്ധ​രെ​യും എന്റെ അന്വേ​ഷണം അറിയി​ക്കണം. 16 വിശുദ്ധചുംബനത്താൽ പരസ്‌പരം അഭിവാ​ദനം ചെയ്യുക. ക്രിസ്‌തു​വി​ന്റെ എല്ലാ സഭകളും നിങ്ങളെ സ്‌നേ​ഹാ​ന്വേ​ഷ​ണങ്ങൾ അറിയി​ക്കു​ന്നു.

17 സഹോദരങ്ങളേ, നിങ്ങൾ പഠിച്ച ഉപദേ​ശ​ത്തി​നു വിരു​ദ്ധ​മാ​യി ഭിന്നി​പ്പു​ണ്ടാ​ക്കു​ക​യും വഴി​തെ​റ്റി​ക്കു​ക​യും ചെയ്യു​ന്ന​വരെ സൂക്ഷി​ക്കണം. അവരെ ഒഴിവാ​ക്കുക.+ 18 അങ്ങനെയുള്ളവർ നമ്മുടെ കർത്താ​വായ ക്രിസ്‌തു​വി​ന്റെ അടിമ​കളല്ല, സ്വന്തം അഭിലാഷങ്ങളുടെ* അടിമ​ക​ളാണ്‌. ചക്കരവാ​ക്കും മുഖസ്‌തു​തി​യും പറഞ്ഞ്‌ അവർ ശുദ്ധഗ​തി​ക്കാ​രു​ടെ ഹൃദയ​ങ്ങളെ വശീക​രി​ക്കു​ന്നു. 19 നിങ്ങളുടെ അനുസ​രണം വളരെ പ്രസി​ദ്ധ​മാ​യി​രി​ക്കു​ക​യാണ്‌. അതു​കൊണ്ട്‌ നിങ്ങളെ ഓർത്ത്‌ എനിക്കു വളരെ സന്തോ​ഷ​മുണ്ട്‌. എന്നാൽ നിങ്ങൾ നല്ല കാര്യങ്ങൾ നന്നായി അറിയു​ന്ന​വ​രും ചീത്ത കാര്യങ്ങൾ ഒട്ടും അറിയാ​ത്ത​വ​രും ആയിരി​ക്കാൻ ഞാൻ ആഗ്രഹി​ക്കു​ന്നു.+ 20 സമാധാനം നൽകുന്ന ദൈവം പെട്ടെ​ന്നു​തന്നെ സാത്താനെ നിങ്ങളു​ടെ കാൽക്കീ​ഴെ തകർത്തു​ക​ള​യും.+ നമ്മുടെ കർത്താ​വായ യേശു​വി​ന്റെ അനർഹദയ നിങ്ങളു​ടെ​കൂ​ടെ​യു​ണ്ടാ​യി​രി​ക്കട്ടെ.

21 എന്റെ സഹപ്ര​വർത്ത​ക​നായ തിമൊ​ഥെ​യൊ​സും എന്റെ ബന്ധുക്കളായ+ ലൂക്യൊ​സും യാസോ​നും സോസി​പ​ത്രൊ​സും നിങ്ങളെ സ്‌നേ​ഹാ​ന്വേ​ഷ​ണങ്ങൾ അറിയി​ക്കു​ന്നു.

22 ഈ കത്ത്‌ എഴുതി​ക്കൊ​ടു​ക്കുന്ന തെർതൊ​സ്‌ എന്ന ഞാനും കർത്താ​വിൽ നിങ്ങളെ സ്‌നേഹം അറിയി​ക്കു​ന്നു.

23 എനിക്കും മുഴു​സ​ഭ​യ്‌ക്കും ആതിഥ്യ​മ​രു​ളുന്ന ഗായൊസും+ നിങ്ങളെ അന്വേ​ഷണം അറിയി​ക്കു​ന്നു. നഗരത്തി​ന്റെ ധനകാ​ര്യ​വി​ചാ​ര​ക​നായ എരസ്‌തൊ​സും എരസ്‌തൊ​സി​ന്റെ സഹോ​ദ​ര​നായ ക്വർത്തൊ​സും നിങ്ങളെ അന്വേ​ഷണം അറിയി​ക്കു​ന്നു. 24 *——

25 ഞാൻ അറിയി​ക്കുന്ന സന്തോ​ഷ​വാർത്ത​യും യേശു​ക്രി​സ്‌തു​വി​നെ​ക്കു​റി​ച്ചുള്ള സന്ദേശ​വും പാവനരഹസ്യത്തെക്കുറിച്ച്‌+ വെളി​പ്പെ​ടു​ത്തി​ക്കി​ട്ടിയ കാര്യ​ങ്ങ​ളും കാണി​ക്കു​ന്നതു ദൈവ​ത്തി​നു നിങ്ങളെ ശക്തീക​രി​ക്കാ​നാ​കു​മെ​ന്നാണ്‌. ആ പാവന​ര​ഹ​സ്യം ദീർഘ​കാ​ല​മാ​യി മറഞ്ഞി​രു​ന്ന​താ​ണെ​ങ്കി​ലും 26 ഇപ്പോൾ വെളി​പ്പെ​ട്ടി​രി​ക്കു​ന്നു. നിത്യ​നായ ദൈവ​ത്തി​ന്റെ കല്‌പ​ന​യ​നു​സ​രിച്ച്‌, തിരു​വെ​ഴു​ത്തി​ലെ പ്രവച​ന​ങ്ങ​ളി​ലൂ​ടെ അത്‌ എല്ലാ ജനതക​ളെ​യും അറിയി​ച്ചി​രി​ക്കു​ന്നു. കാരണം അവരെ​ല്ലാം, തന്നെ വിശ്വ​സി​ക്ക​ണ​മെ​ന്നും ആ വിശ്വാ​സം നിമിത്തം തന്നെ അനുസ​രി​ക്ക​ണ​മെ​ന്നും ആണ്‌ ദൈവ​ത്തി​ന്റെ ആഗ്രഹം. 27 ദൈവത്തിന്‌, ഒരേ ഒരു ജ്ഞാനി​യായ ആ ദൈവ​ത്തിന്‌,+ യേശു​ക്രി​സ്‌തു മുഖാ​ന്തരം എന്നും മഹത്ത്വം! ആമേൻ.