ദാനി​യേൽ

1 യഹൂദാ​രാ​ജാ​വായ യഹോ​യാ​ക്കീ​മി​ന്റെ വാഴ്‌ച​യു​ടെ മൂന്നാം വർഷം+ ബാബി​ലോൺരാ​ജാ​വായ നെബൂ​ഖ​ദ്‌നേസർ യരുശ​ലേ​മി​നു നേരെ വന്ന്‌ അതിനെ ഉപരോ​ധി​ച്ചു.+ 2 ഒടുവിൽ യഹോവ, യഹൂദാ​രാ​ജാ​വായ യഹോ​യാ​ക്കീ​മി​നെ അദ്ദേഹ​ത്തി​ന്റെ കൈയിൽ ഏൽപ്പിച്ചു.+ സത്യ​ദൈ​വ​ത്തി​ന്റെ ഭവനത്തിലെ* ചില ഉപകര​ണ​ങ്ങ​ളും പാത്ര​ങ്ങ​ളും നെബൂ​ഖ​ദ്‌നേ​സ​റി​നു നൽകി. നെബൂ​ഖ​ദ്‌നേസർ അവ ശിനാർ* ദേശത്ത്‌+ തന്റെ ദൈവ​ത്തി​ന്റെ ഭവനത്തിലേക്കു* കൊണ്ടു​പോ​യി അവിടത്തെ ഖജനാ​വിൽ വെച്ചു.+

3 പിന്നെ, രാജാവ്‌ കൊട്ടാ​ര​ത്തി​ലെ പ്രധാ​നോ​ദ്യോ​ഗ​സ്ഥ​നായ അശ്‌പെ​നാ​സി​നോട്‌ ഇസ്രാ​യേ​ല്യ​രിൽ ചിലരെ കൊണ്ടു​വ​രാൻ ഉത്തരവി​ട്ടു. രാജകു​ടും​ബ​ത്തി​ലും കുലീ​ന​കു​ടും​ബ​ങ്ങ​ളി​ലും നിന്നു​ള്ള​വ​രെ​യും കൊണ്ടു​വ​ര​ണ​മെന്നു കല്‌പ​ന​യു​ണ്ടാ​യി​രു​ന്നു.+ 4 വൈകല്യങ്ങളൊന്നുമില്ലാത്ത, നല്ല അറിവും ജ്ഞാനവും ഉള്ള, വിവേ​കി​ക​ളായ,+ കണ്ടാൽ കൊള്ളാ​വുന്ന ചെറുപ്പക്കാരെ* ആയിരു​ന്നു കൊണ്ടു​വ​രേ​ണ്ടത്‌. കൊട്ടാ​ര​ത്തിൽ സേവനം അനുഷ്‌ഠി​ക്കാ​നും അവർ പ്രാപ്‌ത​രാ​യി​രി​ക്ക​ണ​മാ​യി​രു​ന്നു. അദ്ദേഹം അവരെ കൽദയ​രു​ടെ എഴുത്തും* ഭാഷയും പഠിപ്പി​ക്ക​ണ​മെ​ന്നും നിർദേ​ശ​മു​ണ്ടാ​യി​രു​ന്നു. 5 താൻ കഴിക്കുന്ന വിശി​ഷ്ട​വി​ഭ​വ​ങ്ങ​ളിൽനി​ന്നും കുടി​ക്കുന്ന വീഞ്ഞിൽനി​ന്നും ദിവസ​വും ഒരു പങ്ക്‌ അവർക്കു കൊടു​ക്കാ​നും രാജാവ്‌ നിർദേ​ശി​ച്ചു. മൂന്നു വർഷത്തെ പരിശീ​ല​ന​ത്തി​നു ശേഷം* അവരെ രാജാ​വി​ന്റെ സേവന​ത്തി​നു നിയമി​ക്കാ​നാ​യി​രു​ന്നു പദ്ധതി.

6 അക്കൂട്ടത്തിൽ യഹൂദാ​ഗോ​ത്ര​ത്തി​ലെ ദാനി​യേൽ,*+ ഹനന്യ,* മീശാ​യേൽ,* അസര്യ*+ എന്നിവ​രു​മു​ണ്ടാ​യി​രു​ന്നു. 7 കൊട്ടാരത്തിലെ പ്രധാ​നോ​ദ്യോ​ഗസ്ഥൻ ദാനി​യേ​ലി​നു ബേൽത്ത്‌ശസ്സർ+ എന്നും ഹനന്യക്കു ശദ്രക്ക്‌ എന്നും മീശാ​യേ​ലി​നു മേശക്ക്‌ എന്നും അസര്യക്ക്‌ അബേദ്‌-നെഗൊ+ എന്നും പേരിട്ടു.*

8 എന്നാൽ രാജാ​വി​ന്റെ വിശി​ഷ്ട​വി​ഭ​വ​ങ്ങ​ളാ​ലോ വീഞ്ഞി​നാ​ലോ അശുദ്ധ​നാ​കി​ല്ലെന്നു ദാനി​യേൽ ഹൃദയ​ത്തിൽ തീരു​മാ​നിച്ച്‌ ഉറപ്പിച്ചു. അതു​കൊണ്ട്‌, ഇവയാൽ അശുദ്ധ​നാ​കാ​തി​രി​ക്കാൻ അനുവ​ദി​ക്ക​ണ​മെന്നു കൊട്ടാ​ര​ത്തി​ലെ പ്രധാ​നോ​ദ്യോ​ഗ​സ്ഥ​നോ​ടു ദാനി​യേൽ അപേക്ഷി​ച്ചു. 9 അദ്ദേഹത്തിനു ദാനി​യേ​ലി​നോ​ടു പ്രീതിയും* കരുണ​യും തോന്നാൻ സത്യ​ദൈവം ഇടയാക്കി.+ 10 എങ്കിലും അദ്ദേഹം ദാനി​യേ​ലി​നോ​ടു പറഞ്ഞു: “എന്റെ യജമാ​ന​നായ രാജാ​വി​നെ എനിക്കു പേടി​യാണ്‌. നിങ്ങൾ എന്തു കഴിക്ക​ണ​മെ​ന്നും കുടി​ക്ക​ണ​മെ​ന്നും നിശ്ചയി​ച്ചതു രാജാ​വാ​ണ​ല്ലോ. നിങ്ങളു​ടെ പ്രായ​ത്തി​ലുള്ള മറ്റു ചെറുപ്പക്കാരെക്കാൾ* നിങ്ങൾ ക്ഷീണി​ച്ചി​രി​ക്കു​ന്ന​താ​യി രാജാവ്‌ കണ്ടാൽ എന്താകും സ്ഥിതി? നിങ്ങൾ കാരണം രാജാ​വി​ന്റെ മുന്നിൽ ഞാൻ കുറ്റക്കാ​ര​നാ​കും.” 11 എന്നാൽ ദാനി​യേൽ, ഹനന്യ, മീശാ​യേൽ, അസര്യ എന്നിവ​രു​ടെ രക്ഷാധി​കാ​രി​യാ​യി കൊട്ടാ​ര​ത്തി​ലെ പ്രധാ​നോ​ദ്യോ​ഗസ്ഥൻ നിയമി​ച്ചി​രുന്ന വ്യക്തി​യോ​ടു ദാനി​യേൽ പറഞ്ഞു: 12 “ദയവായി പത്തു ദിവസം അങ്ങയുടെ ഈ ദാസന്മാ​രെ പരീക്ഷി​ച്ചു​നോ​ക്കേ​ണമേ. കഴിക്കാൻ ഞങ്ങൾക്കു പച്ചക്കറി​ക​ളും വെള്ളവും തന്നാൽ മതി. 13 എന്നിട്ട്‌, രാജാ​വി​ന്റെ വിശി​ഷ്ട​വി​ഭ​വങ്ങൾ കഴിക്കുന്ന ചെറു​പ്പ​ക്കാ​രും ഞങ്ങളും കാഴ്‌ച​യ്‌ക്ക്‌ എങ്ങനെ​യി​രി​ക്കു​ന്നെന്ന്‌ ഒത്തു​നോ​ക്കി​യാ​ലും. അതിനു ശേഷം, അങ്ങ്‌ കാണു​ന്ന​ത​നു​സ​രിച്ച്‌ ഈ ദാസ​രോ​ടു ചെയ്‌തു​കൊ​ള്ളൂ.”

14 അദ്ദേഹം അവരുടെ നിർദേശം അംഗീ​ക​രി​ച്ചു; പത്തു ദിവസം അവരെ പരീക്ഷി​ച്ചു. 15 പത്തു ദിവസം കഴിഞ്ഞ​പ്പോൾ ഇവർ, രാജാ​വി​ന്റെ വിശി​ഷ്ട​വി​ഭ​വങ്ങൾ കഴിച്ചി​രുന്ന എല്ലാ ചെറു​പ്പ​ക്കാ​രെ​ക്കാ​ളും കാഴ്‌ച​യ്‌ക്ക്‌ ഏറെ അഴകും ആരോ​ഗ്യ​വും ഉള്ളവരാ​യി കാണ​പ്പെട്ടു. 16 അതുകൊണ്ട്‌, രക്ഷാധി​കാ​രി അവർക്കുള്ള വിശി​ഷ്ട​വി​ഭ​വ​ങ്ങ​ളും വീഞ്ഞും മാറ്റി​യിട്ട്‌ പകരം പച്ചക്കറി​കൾ കൊടു​ക്കാൻതു​ടങ്ങി. 17 സത്യദൈവം ഈ നാലു ചെറു​പ്പ​ക്കാർക്കും സകലവിധ രചനക​ളി​ലും വിജ്ഞാ​ന​ശാ​ഖ​ക​ളി​ലും അറിവും ഉൾക്കാ​ഴ്‌ച​യും കൊടു​ത്തു. ദാനി​യേ​ലിന്‌ എല്ലാ തരം ദിവ്യ​ദർശ​ന​ങ്ങ​ളും സ്വപ്‌ന​ങ്ങ​ളും മനസ്സി​ലാ​ക്കാ​നുള്ള കഴിവും നൽകി.+

18 അവരെ രാജസ​ന്നി​ധി​യിൽ കൊണ്ടു​വ​രാൻ കല്‌പി​ച്ചി​രുന്ന കാലം തികഞ്ഞപ്പോൾ+ കൊട്ടാ​ര​ത്തി​ലെ പ്രധാ​നോ​ദ്യോ​ഗസ്ഥൻ അവരെ നെബൂ​ഖ​ദ്‌നേസർ രാജാ​വി​ന്റെ മുന്നിൽ ഹാജരാ​ക്കി. 19 രാജാവ്‌ അവരോ​ടു സംസാ​രി​ച്ച​പ്പോൾ ദാനി​യേൽ, ഹനന്യ, മീശാ​യേൽ, അസര്യ എന്നിവർക്കു തുല്യ​രാ​യി അക്കൂട്ട​ത്തിൽ ഒരാൾപ്പോ​ലു​മി​ല്ലെന്നു കണ്ടെത്തി;+ അങ്ങനെ അവർ രാജസ​ന്നി​ധി​യിൽ സേവി​ക്കാൻ തുടങ്ങി. 20 ജ്ഞാനത്തോടെയും വിവേ​ക​ത്തോ​ടെ​യും കൈകാ​ര്യം ചെയ്യേണ്ട ഏതൊരു കാര്യ​ത്തെ​ക്കു​റിച്ച്‌ ചോദി​ക്കു​മ്പോ​ഴും അവർ സാമ്രാ​ജ്യ​ത്തി​ലു​ട​നീ​ള​മുള്ള എല്ലാ മന്ത്രവാ​ദി​ക​ളെ​ക്കാ​ളും മാന്ത്രി​ക​രെ​ക്കാ​ളും പത്തിരട്ടി മെച്ചമാ​ണെന്നു രാജാവ്‌ കണ്ടു.+ 21 കോരെശ്‌ രാജാ​വി​ന്റെ വാഴ്‌ച​യു​ടെ ഒന്നാം വർഷം​വരെ ദാനി​യേൽ അവിടെ കഴിഞ്ഞു.+

2 നെബൂ​ഖ​ദ്‌നേസർ തന്റെ ഭരണത്തി​ന്റെ രണ്ടാം വർഷം ചില സ്വപ്‌നങ്ങൾ കണ്ടു. ആകെ അസ്വസ്ഥനായ*+ അദ്ദേഹ​ത്തിന്‌ ഉറക്കമി​ല്ലാ​താ​യി. 2 അതുകൊണ്ട്‌, താൻ കണ്ട സ്വപ്‌നങ്ങൾ പറഞ്ഞു​ത​രാൻ മന്ത്രവാ​ദി​ക​ളെ​യും മാന്ത്രി​ക​രെ​യും ആഭിചാരകന്മാരെയും* കൽദയരെയും* വിളി​ച്ചു​വ​രു​ത്താൻ രാജാവ്‌ ഉത്തരവി​ട്ടു. അങ്ങനെ അവർ വന്ന്‌ രാജസ​ന്നി​ധി​യിൽ നിന്നു.+ 3 രാജാവ്‌ അവരോ​ടു പറഞ്ഞു: “ഞാൻ ഒരു സ്വപ്‌നം കണ്ടു; ഞാൻ കണ്ടത്‌ എന്താ​ണെന്ന്‌ എനിക്ക്‌ അറിയണം. അത്‌ അറിയാ​ഞ്ഞിട്ട്‌ ഞാൻ ആകെ അസ്വസ്ഥ​നാണ്‌.”* 4 കൽദയർ അരമായ ഭാഷയിൽ+ രാജാ​വി​നോ​ടു പറഞ്ഞു:* “രാജാവേ, അങ്ങ്‌ നീണാൾ വാഴട്ടെ. അങ്ങ്‌ അടിയ​ങ്ങ​ളോ​ടു സ്വപ്‌നം വിവരി​ച്ചാ​ലും. അതിന്റെ അർഥം ഞങ്ങൾ പറഞ്ഞു​ത​രാം.”

5 അപ്പോൾ, രാജാവ്‌ കൽദയരോടു* പറഞ്ഞു: “എന്റെ അന്തിമ​തീ​രു​മാ​നം കേട്ടു​കൊ​ള്ളൂ: നിങ്ങൾ സ്വപ്‌ന​വും അതിന്റെ അർഥവും എന്നെ അറിയി​ക്കു​ന്നി​ല്ലെ​ങ്കിൽ നിങ്ങളെ തുണ്ടം​തു​ണ്ട​മാ​ക്കും, നിങ്ങളു​ടെ വീടുകൾ പൊതു​ശൗ​ചാ​ല​യ​മാ​ക്കും.* 6 എന്നാൽ, നിങ്ങൾ സ്വപ്‌ന​വും അതിന്റെ അർഥവും പറഞ്ഞാൽ ഞാൻ നിങ്ങൾക്കു സമ്മാന​ങ്ങ​ളും പ്രതി​ഫ​ല​വും ബഹുമ​തി​യും തരും.+ അതു​കൊണ്ട്‌ സ്വപ്‌ന​വും അർഥവും എന്നോടു പറയൂ!”

7 അവർ വീണ്ടും രാജാ​വി​നോ​ടു പറഞ്ഞു: “രാജാവ്‌ അടിയ​ങ്ങ​ളോ​ടു സ്വപ്‌നം വിവരി​ച്ചാ​ലും. അതിന്റെ അർഥം ഞങ്ങൾ പറഞ്ഞു​ത​രാം.”

8 അപ്പോൾ രാജാവ്‌ പറഞ്ഞു: “എന്റെ അന്തിമ​തീ​രു​മാ​നം അറിഞ്ഞി​ട്ടു നിങ്ങൾ മനഃപൂർവം കാലതാ​മസം വരുത്തു​ക​യാണ്‌. എന്തെങ്കി​ലും ഒഴിക​ഴിവ്‌ കണ്ടുപി​ടി​ക്കാ​നാ​ണു നിങ്ങൾ നോക്കു​ന്ന​തെന്ന്‌ എനിക്കു നന്നായി അറിയാം. 9 സ്വപ്‌നം എന്താ​ണെന്ന്‌ എന്നോടു പറയു​ന്നി​ല്ലെ​ങ്കിൽ നിങ്ങൾക്ക്‌ എല്ലാവർക്കും ഒറ്റ ശിക്ഷയേ ഉള്ളൂ. സ്ഥിതി​ഗ​തി​കൾ മാറു​ന്ന​തു​വരെ നുണ പറഞ്ഞ്‌ എന്നെ വഞ്ചിക്കാൻ എല്ലാവ​രും​കൂ​ടെ ഒത്തുക​ളി​ക്കു​ക​യാ​ണല്ലേ? സ്വപ്‌നം എന്താ​ണെന്നു പറയൂ! അപ്പോൾ, അതിന്റെ അർഥം വിശദീ​ക​രി​ക്കാൻ നിങ്ങൾക്കാ​കു​മെന്ന്‌ എനിക്കു ബോധ്യ​മാ​കും.”

10 അപ്പോൾ, കൽദയർ* രാജാ​വി​നോ​ടു പറഞ്ഞു: “രാജാവ്‌ ആവശ്യ​പ്പെ​ടുന്ന ഈ കാര്യം ചെയ്യാൻ പറ്റുന്ന ഒരാൾപ്പോ​ലും ഈ ഭൂമു​ഖ​ത്തില്ല. ഏതെങ്കി​ലും മഹാരാ​ജാ​വോ ഗവർണ​റോ ഇതുവരെ ഇങ്ങനെ​യൊ​രു കാര്യം ഒരു മന്ത്രവാ​ദി​യോ​ടോ മാന്ത്രി​ക​നോ​ടോ ജ്യോത്സ്യനോടോ* ആവശ്യ​പ്പെ​ട്ടി​ട്ടില്ല. 11 രാജാവ്‌ ആവശ്യ​പ്പെ​ടുന്ന ഈ കാര്യം അത്ര എളുപ്പമല്ല. ദൈവ​ങ്ങൾക്ക​ല്ലാ​തെ മറ്റാർക്കും രാജാ​വി​നോട്‌ ഇക്കാര്യം പറയാ​നാ​കില്ല; അവരാ​ണെ​ങ്കിൽ മനുഷ്യ​രു​ടെ ഇടയിൽ കഴിയു​ന്ന​വ​രു​മല്ല.”

12 ഇതു കേട്ട്‌ കോപാ​ക്രാ​ന്ത​നായ രാജാവ്‌ ബാബി​ലോ​ണി​ലെ ജ്ഞാനി​ക​ളെ​യെ​ല്ലാം കൊന്നു​ക​ള​യാൻ ഉത്തരവി​ട്ടു.+ 13 ജ്ഞാനികളെ കൊല്ലാ​നുള്ള ഉത്തരവ്‌ വിളം​ബരം ചെയ്‌തു. അവരെ കൊല്ലേണ്ട സമയമാ​യ​പ്പോൾ ദാനി​യേ​ലി​നെ​യും കൂട്ടു​കാ​രെ​യും കൊന്നു​ക​ള​യേ​ണ്ട​തിന്‌ അവരെ​യും തിരഞ്ഞു.

14 ദാനിയേൽ ആ സമയത്ത്‌ രാജാ​വി​ന്റെ അംഗര​ക്ഷ​ക​രു​ടെ പ്രമാ​ണി​യായ അര്യോ​ക്കി​നോ​ടു നയത്തോ​ടെ​യും വിവേ​ക​ത്തോ​ടെ​യും സംസാ​രി​ച്ചു. ബാബി​ലോ​ണി​ലെ ജ്ഞാനി​കളെ കൊല്ലാൻവേണ്ടി ഇറങ്ങി​യ​താ​യി​രു​ന്നു അര്യോ​ക്ക്‌. 15 രാജാവിന്റെ ഉദ്യോ​ഗ​സ്ഥ​നായ അര്യോ​ക്കി​നോ​ടു ദാനി​യേൽ, “എന്തിനാ​ണു രാജാവ്‌ ഇത്ര കഠിന​മായ ഒരു ഉത്തരവ്‌ പുറ​പ്പെ​ടു​വി​ച്ചി​രി​ക്കു​ന്നത്‌” എന്നു ചോദി​ച്ചു. നടന്ന​തെ​ല്ലാം അര്യോ​ക്ക്‌ ദാനി​യേ​ലി​നോ​ടു പറഞ്ഞു.+ 16 അപ്പോൾ ദാനി​യേൽ രാജസ​ന്നി​ധി​യിൽ ചെന്ന്‌ സ്വപ്‌ന​ത്തി​ന്റെ അർഥം വിശദീ​ക​രി​ക്കാ​മെ​ന്നും അതിനു കുറച്ച്‌ സമയം തരണ​മെ​ന്നും അപേക്ഷി​ച്ചു.

17 പിന്നെ, ദാനി​യേൽ വീട്ടിൽ ചെന്ന്‌ കൂട്ടു​കാ​രായ ഹനന്യ, മീശാ​യേൽ, അസര്യ എന്നിവ​രോ​ടു കാര്യം പറഞ്ഞു. 18 ബാബിലോണിലെ മറ്റു ജ്ഞാനി​ക​ളോ​ടൊ​പ്പം തങ്ങളും കൊല്ല​പ്പെ​ടാ​തി​രി​ക്കാൻ, കനിവ്‌ തോന്നി ഈ രഹസ്യം വെളി​പ്പെ​ടു​ത്തി​ത്ത​ര​ണ​മെന്നു സ്വർഗ​സ്ഥ​നായ ദൈവ​ത്തോ​ടു പ്രാർഥി​ക്കാൻ ദാനി​യേൽ അവരോ​ടു പറഞ്ഞു.

19 അങ്ങനെ, രാത്രി​യി​ലു​ണ്ടായ ഒരു ദിവ്യദർശനത്തിൽ+ ദാനി​യേ​ലിന്‌ ആ രഹസ്യം വെളി​പ്പെട്ടു. ദാനി​യേൽ സ്വർഗ​സ്ഥ​നായ ദൈവത്തെ സ്‌തു​തി​ച്ചു. 20 ദാനിയേൽ പറഞ്ഞു:

24 പിന്നെ ദാനി​യേൽ, ബാബി​ലോ​ണി​ലെ ജ്ഞാനി​കളെ കൊന്നു​ക​ള​യാൻ രാജാവ്‌ നിയമിച്ച അര്യോ​ക്കി​ന്റെ അടുത്ത്‌ ചെന്ന്‌ പറഞ്ഞു:+ “ബാബി​ലോ​ണി​ലെ ജ്ഞാനി​ക​ളെ​യൊ​ന്നും കൊല്ല​രുത്‌. എന്നെ രാജസ​ന്നി​ധി​യിൽ കൊണ്ടു​പോ​യാ​ലും. സ്വപ്‌ന​ത്തി​ന്റെ അർഥ​മെ​ന്താ​ണെന്നു ഞാൻ രാജാ​വി​നോ​ടു പറയാം.”

25 പെട്ടെന്നുതന്നെ അര്യോ​ക്ക്‌ ദാനി​യേ​ലി​നെ രാജസ​ന്നി​ധി​യിൽ കൂട്ടി​ക്കൊ​ണ്ടു​ചെന്ന്‌ ഇങ്ങനെ പറഞ്ഞു: “യഹൂദ​യിൽനിന്ന്‌ പിടി​ച്ചു​കൊ​ണ്ടു​വ​ന്ന​വ​രു​ടെ കൂട്ടത്തിൽ,+ സ്വപ്‌ന​ത്തി​ന്റെ അർഥം രാജാ​വി​നെ അറിയി​ക്കാൻ കഴിവുള്ള ഒരാളെ ഞാൻ കണ്ടു.” 26 അപ്പോൾ, ബേൽത്ത്‌ശസ്സർ+ എന്നു പേരുള്ള ദാനി​യേ​ലി​നോ​ടു രാജാവ്‌ ചോദി​ച്ചു: “ഞാൻ കണ്ട സ്വപ്‌ന​വും അതിന്റെ അർഥവും വിശദീ​ക​രി​ക്കാൻ ശരിക്കും നിനക്കു പറ്റുമോ?”+ 27 ദാനിയേൽ രാജാ​വി​നോ​ടു പറഞ്ഞു: “രാജാവ്‌ ചോദി​ക്കുന്ന ആ രഹസ്യം വെളി​പ്പെ​ടു​ത്താൻ ഒരു ജ്ഞാനി​ക്കും മാന്ത്രി​ക​നും മന്ത്രവാ​ദി​ക്കും ജ്യോ​ത്സ്യ​നും കഴിയില്ല.+ 28 എന്നാൽ, രഹസ്യങ്ങൾ വെളി​പ്പെ​ടു​ത്തുന്ന ഒരു ദൈവം സ്വർഗ​ത്തി​ലുണ്ട്‌.+ അവസാ​ന​നാ​ളു​ക​ളിൽ എന്തു സംഭവി​ക്കു​മെന്ന്‌ ആ ദൈവം നെബൂ​ഖ​ദ്‌നേസർ രാജാ​വി​നെ അറിയി​ച്ചി​രി​ക്കു​ന്നു. ഇതാണ്‌ അങ്ങ്‌ കണ്ട സ്വപ്‌നം; കിടക്ക​യി​ലാ​യി​രു​ന്ന​പ്പോൾ അങ്ങയ്‌ക്കു​ണ്ടായ ദിവ്യ​ദർശ​നങ്ങൾ ഇവയാണ്‌:

29 “രാജാവേ, പള്ളി​മെ​ത്ത​യിൽവെച്ച്‌ അങ്ങയുടെ മനസ്സു തിരി​ഞ്ഞതു ഭാവി​യിൽ സംഭവി​ക്കാ​നുള്ള കാര്യ​ങ്ങ​ളി​ലേ​ക്കാണ്‌. രഹസ്യങ്ങൾ വെളി​പ്പെ​ടു​ത്തു​ന്നവൻ സംഭവി​ക്കാ​നി​രി​ക്കു​ന്നത്‌ അങ്ങയെ അറിയി​ച്ചി​രി​ക്കു​ന്നു. 30 ജീവിച്ചിരിക്കുന്ന മറ്റാ​രെ​ക്കാ​ളും ജ്ഞാനി​യാ​യ​തു​കൊ​ണ്ടല്ല ഈ രഹസ്യം എനിക്കു വെളി​പ്പെ​ട്ടത്‌. പകരം, സ്വപ്‌ന​ത്തി​ന്റെ അർഥം രാജാ​വി​നെ അറിയി​ക്കാ​നും അങ്ങനെ, അങ്ങയുടെ ഹൃദയ​ത്തി​ലെ ചിന്തകൾ അങ്ങയ്‌ക്കു മനസ്സി​ലാ​കാ​നും വേണ്ടി​യാണ്‌.+

31 “രാജാവേ, അങ്ങ്‌ നോക്കി​ക്കൊ​ണ്ടി​രു​ന്ന​പ്പോൾ അതാ, ഭീമാ​കാ​ര​മാ​യൊ​രു പ്രതിമ! ഉജ്ജ്വല​ശോ​ഭ​യുള്ള ആ കൂറ്റൻ പ്രതിമ അങ്ങയുടെ മുന്നിൽ നിൽക്കു​ക​യാ​യി​രു​ന്നു. കണ്ടാൽ ഭയം തോന്നുന്ന രൂപം! 32 അതിന്റെ തല മേത്തരം സ്വർണംകൊണ്ടുള്ളതും+ നെഞ്ചും കൈക​ളും വെള്ളികൊണ്ടുള്ളതും+ വയറും തുടക​ളും ചെമ്പുകൊണ്ടുള്ളതും+ 33 കാലുകൾ ഇരുമ്പുകൊണ്ടുള്ളതും+ ആയിരു​ന്നു. പാദങ്ങ​ളാ​കട്ടെ ഭാഗി​ക​മാ​യി ഇരുമ്പു​കൊ​ണ്ടു​ള്ള​തും ഭാഗി​ക​മാ​യി കളിമ​ണ്ണു​കൊ​ണ്ടു​ള്ള​തും.*+ 34 രാജാവ്‌ നോക്കി​ക്കൊ​ണ്ടി​രു​ന്ന​പ്പോൾ കൈ ഉപയോ​ഗി​ക്കാ​തെ ഒരു കല്ലു വെട്ടി​യെ​ടു​ക്ക​പ്പെ​ടു​ന്നതു കണ്ടു! അതു പ്രതി​മ​യു​ടെ ഇരുമ്പും കളിമ​ണ്ണും കൊണ്ടുള്ള പാദങ്ങ​ളിൽ വന്നിടി​ച്ച്‌ അവ തകർത്തു​ക​ളഞ്ഞു.+ 35 അപ്പോൾ, ഇരുമ്പും കളിമ​ണ്ണും ചെമ്പും വെള്ളി​യും സ്വർണ​വും എല്ലാം ഒരു​പോ​ലെ തകർന്ന്‌ വേനൽക്കാ​ലത്ത്‌ മെതി​ക്ക​ള​ത്തിൽ കാണുന്ന പതിരു​പോ​ലെ​യാ​യി. പൊടി​പോ​ലും ബാക്കി വെക്കാതെ കാറ്റ്‌ അവ പറത്തി​ക്കൊ​ണ്ടു​പോ​യി. പ്രതി​മയെ ഇടിച്ച ആ കല്ലാകട്ടെ ഒരു വലിയ പർവത​മാ​യി ഭൂമി മുഴുവൻ നിറഞ്ഞു.

36 “ഇതാണു സ്വപ്‌നം. ഇനി അതിന്റെ അർഥം ഞങ്ങൾ രാജാ​വി​നോ​ടു പറയാം. 37 രാജാവേ, സ്വർഗ​സ്ഥ​നായ ദൈവം രാജ്യാ​ധി​കാ​ര​വും ബലവും ശക്തിയും മഹത്ത്വ​വും തന്നിരി​ക്കുന്ന രാജാ​ധി​രാ​ജാ,+ 38 എല്ലായിടത്തും താമസി​ക്കുന്ന മനുഷ്യ​രെ​യും കാട്ടു​മൃ​ഗ​ങ്ങ​ളെ​യും ആകാശ​ത്തി​ലെ പക്ഷിക​ളെ​യും കൈയിൽ ഏൽപ്പിച്ച്‌ അവയു​ടെ​യെ​ല്ലാം ഭരണാ​ധി​കാ​രി​യാ​യി ദൈവം വാഴിച്ച രാജാവേ,+ അങ്ങുത​ന്നെ​യാ​ണു സ്വർണം​കൊ​ണ്ടുള്ള തല.+

39 “എന്നാൽ അങ്ങയ്‌ക്കു ശേഷം അങ്ങയെ​ക്കാൾ താണ മറ്റൊരു രാജ്യം നിലവിൽ വരും.+ അതിനു ശേഷം, ചെമ്പു​കൊ​ണ്ടുള്ള, മൂന്നാ​മ​തൊ​രു രാജ്യം ഉയർന്നു​വ​രും; അതു മുഴു​ഭൂ​മി​യെ​യും ഭരിക്കും.+

40 “നാലാ​മത്തെ രാജ്യം ഇരുമ്പു​പോ​ലെ ശക്തമാ​യി​രി​ക്കും.+ ഇരുമ്പു മറ്റെല്ലാം തകർത്ത്‌ തരിപ്പ​ണ​മാ​ക്കു​ന്ന​തു​പോ​ലെ, അതെ, തച്ചുട​യ്‌ക്കുന്ന ഇരുമ്പു​പോ​ലെ, അത്‌ ഇവയെ മുഴുവൻ ഇടിച്ച്‌ തകർക്കും.+

41 “പാദവും കാൽവി​ര​ലു​ക​ളും ഭാഗി​ക​മാ​യി കുശവന്റെ കളിമ​ണ്ണും ഭാഗി​ക​മാ​യി ഇരുമ്പും കൊണ്ടാ​ണെന്നു കണ്ടല്ലോ. അതു​പോ​ലെ ആ രാജ്യം ഭിന്നി​ച്ച​താ​യി​രി​ക്കും. എന്നാൽ, മയമുള്ള കളിമ​ണ്ണി​നോട്‌ ഇരുമ്പു കലർന്നി​രി​ക്കു​ന്ന​തി​നാൽ അതിനു കുറ​ച്ചൊ​ക്കെ ഇരുമ്പി​ന്റെ ഉറപ്പു​ണ്ടാ​യി​രി​ക്കും. 42 പാദത്തിലെ വിരലു​കൾ ഭാഗി​ക​മാ​യി ഇരുമ്പും ഭാഗി​ക​മാ​യി കളിമ​ണ്ണും കൊണ്ടാ​യി​രു​ന്ന​തു​പോ​ലെ രാജ്യം ഭാഗി​ക​മാ​യി ബലമു​ള്ള​തും ഭാഗി​ക​മാ​യി ദുർബ​ല​വും ആയിരി​ക്കും. 43 മയമുള്ള കളിമ​ണ്ണി​നോട്‌ ഇരുമ്പു കലർന്ന​താ​യി കണ്ടതു​പോ​ലെ ജനങ്ങളുമായി* അവ ഇടകലർന്നി​രി​ക്കും. എന്നാൽ, ഇരുമ്പു കളിമ​ണ്ണു​മാ​യി ചേരാ​ത്ത​തു​പോ​ലെ അവ തമ്മിൽ ചേരില്ല.

44 “ഈ രാജാ​ക്ക​ന്മാ​രു​ടെ കാലത്ത്‌ സ്വർഗ​സ്ഥ​നായ ദൈവം ഒരിക്ക​ലും നശിച്ചുപോകാത്ത+ ഒരു രാജ്യം സ്ഥാപി​ക്കും.+ ആ രാജ്യം മറ്റൊരു ജനതയ്‌ക്കും കൈമാ​റില്ല.+ ഈ രാജ്യ​ങ്ങ​ളെ​യെ​ല്ലാം തകർത്ത്‌ ഇല്ലാതാക്കിയിട്ട്‌+ അതു മാത്രം എന്നും നിലനിൽക്കും.+ 45 പർവതത്തിൽനിന്ന്‌ കൈ​കൊണ്ട്‌ വെട്ടി​യെ​ടു​ക്കാ​തെ വന്ന കല്ല്‌ ഇരുമ്പും ചെമ്പും കളിമ​ണ്ണും വെള്ളി​യും സ്വർണ​വും തകർക്കു​ന്ന​താ​യി കണ്ടത്‌ ഇങ്ങനെ നിറ​വേ​റും.+ ഭാവി​യിൽ സംഭവി​ക്കാ​നി​രി​ക്കു​ന്നതു മഹാ​ദൈവം രാജാ​വി​നെ അറിയി​ച്ചി​രി​ക്കു​ന്നു.+ സ്വപ്‌നം സത്യവും അതിന്റെ അർഥം ആശ്രയ​യോ​ഗ്യ​വും ആണ്‌.”

46 അപ്പോൾ, നെബൂ​ഖ​ദ്‌നേസർ രാജാവ്‌ ദാനി​യേ​ലി​നു മുന്നിൽ നിലത്ത്‌ കമിഴ്‌ന്നു​വീണ്‌ ദാനി​യേ​ലി​നെ ആദരിച്ചു. ദാനി​യേ​ലിന്‌ ഒരു സമ്മാനം കൊടു​ക്കാ​നും ദാനി​യേ​ലി​നു​വേണ്ടി സുഗന്ധ​ക്കൂട്ട്‌ അർപ്പി​ക്കാ​നും രാജാവ്‌ ഉത്തരവി​ട്ടു. 47 രാജാവ്‌ ദാനി​യേ​ലി​നോ​ടു പറഞ്ഞു: “താങ്കളു​ടെ ദൈവം ശരിക്കും ദൈവ​ങ്ങ​ളു​ടെ ദൈവ​വും രാജാ​ക്ക​ന്മാ​രു​ടെ കർത്താ​വും രഹസ്യങ്ങൾ വെളി​പ്പെ​ടു​ത്തു​ന്ന​വ​നും ആണ്‌. അതു​കൊ​ണ്ടാ​ണ​ല്ലോ താങ്കൾക്ക്‌ ഈ രഹസ്യം വെളി​പ്പെ​ടു​ത്താ​നാ​യത്‌.”+ 48 രാജാവ്‌ ദാനി​യേ​ലി​നു സ്ഥാനക്ക​യറ്റം നൽകി, ധാരാളം വിശി​ഷ്ട​സ​മ്മാ​ന​ങ്ങ​ളും കൊടു​ത്തു. ദാനി​യേ​ലി​നെ ബാബി​ലോൺ സംസ്ഥാ​ന​ത്തി​ന്റെ ഭരണാധികാരിയും+ ബാബി​ലോ​ണി​ലെ ജ്ഞാനി​ക​ളു​ടെ​യെ​ല്ലാം പ്രധാ​ന​മേ​ധാ​വി​യും ആക്കി. 49 ദാനിയേലിന്റെ അപേക്ഷ​യ​നു​സ​രിച്ച്‌ ശദ്രക്ക്‌, മേശക്ക്‌, അബേദ്‌-നെഗൊ+ എന്നിവരെ രാജാവ്‌ ബാബി​ലോൺ സംസ്ഥാ​ന​ത്തി​ന്റെ വിവിധ ഭരണവ​കു​പ്പു​ക​ളു​ടെ ചുമതല ഏൽപ്പിച്ചു. ദാനി​യേ​ലോ രാജ​കൊ​ട്ടാ​ര​ത്തിൽ സേവനം അനുഷ്‌ഠി​ച്ചു.

3 നെബൂ​ഖ​ദ്‌നേസർ രാജാവ്‌ സ്വർണം​കൊ​ണ്ടുള്ള ഒരു പ്രതിമ ഉണ്ടാക്കി. അതിന്റെ ഉയരം 60 മുഴവും* വീതി 6 മുഴവും* ആയിരു​ന്നു. ബാബി​ലോൺ സംസ്ഥാ​ന​ത്തി​ലെ ദൂരാ സമതല​ത്തിൽ അദ്ദേഹം അതു സ്ഥാപിച്ചു. 2 എന്നിട്ട്‌, സംസ്ഥാ​നാ​ധി​പ​തി​മാ​രും മേധാ​വി​ക​ളും ഗവർണർമാ​രും ഉപദേ​ഷ്ടാ​ക്ക​ളും ധനകാ​ര്യ​വി​ചാ​ര​ക​രും ന്യായാ​ധി​പ​ന്മാ​രും മജിസ്‌റ്റ്രേ​ട്ടു​മാ​രും സംസ്ഥാ​ന​ങ്ങ​ളി​ലെ എല്ലാ അധികാ​രി​ക​ളും താൻ സ്ഥാപിച്ച പ്രതി​മ​യു​ടെ ഉദ്‌ഘാ​ട​ന​ത്തി​നു കൂടി​വ​രാൻ നെബൂ​ഖ​ദ്‌നേസർ രാജാവ്‌ സന്ദേശം അയച്ചു.

3 അങ്ങനെ, സംസ്ഥാ​നാ​ധി​പ​തി​മാ​രും മേധാ​വി​ക​ളും ഗവർണർമാ​രും ഉപദേ​ഷ്ടാ​ക്ക​ളും ധനകാ​ര്യ​വി​ചാ​ര​ക​രും ന്യായാ​ധി​പ​ന്മാ​രും മജിസ്‌റ്റ്രേ​ട്ടു​മാ​രും സംസ്ഥാ​ന​ങ്ങ​ളി​ലെ എല്ലാ അധികാ​രി​ക​ളും നെബൂ​ഖ​ദ്‌നേസർ രാജാവ്‌ സ്ഥാപിച്ച പ്രതി​മ​യു​ടെ ഉദ്‌ഘാ​ട​ന​ത്തി​നു കൂടി​വന്നു; അവരെ​ല്ലാം ആ പ്രതി​മ​യു​ടെ മുന്നിൽ വന്ന്‌ നിന്നു. 4 വിളംബരം ചെയ്യു​ന്നവൻ ഉച്ചത്തിൽ വിളി​ച്ചു​പ​റഞ്ഞു: “ജനതകളേ, വിവി​ധ​രാ​ജ്യ​ക്കാ​രേ, വിവി​ധ​ഭാ​ഷ​ക്കാ​രേ, നിങ്ങ​ളോട്‌ ഇങ്ങനെ കല്‌പി​ച്ചി​രി​ക്കു​ന്നു: 5 കൊമ്പ്‌, കുഴൽവാ​ദ്യം, സീതെർ, ചെറു​കി​ന്നരം, തന്ത്രി​വാ​ദ്യം, സഞ്ചിവാ​ദ്യം, മറ്റു സംഗീ​തോ​പ​ക​ര​ണങ്ങൾ എന്നിവ​യു​ടെ ശബ്ദം കേൾക്കു​മ്പോൾ നിങ്ങൾ വീണ്‌ നെബൂ​ഖ​ദ്‌നേസർ രാജാവ്‌ സ്ഥാപിച്ച സ്വർണ​പ്ര​തി​മയെ ആരാധി​ക്കണം. 6 ആരെങ്കിലും വീണ്‌ ആരാധി​ക്കാ​തി​രു​ന്നാൽ ഉടൻ അയാളെ കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ എറിയും.”+ 7 അതുകൊണ്ട്‌, കൊമ്പ്‌, കുഴൽവാ​ദ്യം, സീതെർ, ചെറു​കി​ന്നരം, തന്ത്രി​വാ​ദ്യം, മറ്റു സംഗീ​തോ​പ​ക​ര​ണങ്ങൾ എന്നിവ​യു​ടെ ശബ്ദം കേട്ട​പ്പോൾ അവിടെ കൂടി​യി​രുന്ന എല്ലാ ജനതക​ളും രാജ്യ​ക്കാ​രും ഭാഷക്കാ​രും വീണ്‌ നെബൂ​ഖ​ദ്‌നേസർ രാജാവ്‌ സ്ഥാപിച്ച സ്വർണ​പ്ര​തി​മയെ ആരാധി​ച്ചു.

8 ആ സമയത്ത്‌ ചില കൽദയർ മുന്നോ​ട്ടു വന്ന്‌ ജൂതന്മാർക്കെ​തി​രെ കുറ്റം ആരോ​പി​ച്ചു.* 9 അവർ നെബൂ​ഖ​ദ്‌നേസർ രാജാ​വി​നോ​ടു പറഞ്ഞു: “രാജാവേ, അങ്ങ്‌ നീണാൾ വാഴട്ടെ. 10 രാജാവേ, കൊമ്പ്‌, കുഴൽവാ​ദ്യം, സീതെർ, ചെറു​കി​ന്നരം, തന്ത്രി​വാ​ദ്യം, സഞ്ചിവാ​ദ്യം, മറ്റു സംഗീ​തോ​പ​ക​ര​ണങ്ങൾ എന്നിവ​യു​ടെ ശബ്ദം കേൾക്കു​മ്പോൾ എല്ലാവ​രും വീണ്‌ സ്വർണ​പ്ര​തി​മയെ ആരാധി​ക്ക​ണ​മെന്ന്‌ അങ്ങ്‌ കല്‌പി​ച്ച​ല്ലോ. 11 ആരെങ്കിലും വീണ്‌ ആരാധി​ക്കാ​തി​രു​ന്നാൽ അയാളെ കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ എറിയണം എന്നും കല്‌പി​ച്ചി​രു​ന്ന​ല്ലോ.+ 12 എന്നാൽ, അങ്ങ്‌ ബാബി​ലോൺ സംസ്ഥാ​ന​ത്തി​ന്റെ ഭരണച്ചു​മതല ഏൽപ്പിച്ച ശദ്രക്ക്‌, മേശക്ക്‌, അബേദ്‌-നെഗൊ+ എന്നീ ജൂതന്മാ​രു​ണ്ട​ല്ലോ; രാജാവേ, അവർ അങ്ങയെ ഒട്ടും വകവെ​ക്കു​ന്നില്ല. അവർ അങ്ങയുടെ ദൈവ​ങ്ങളെ സേവി​ക്കു​ന്നില്ല. മാത്രമല്ല, അങ്ങ്‌ സ്ഥാപിച്ച സ്വർണ​പ്ര​തി​മയെ ആരാധി​ക്കാ​നും വിസമ്മ​തി​ക്കു​ന്നു.”

13 അതു കേട്ട്‌ കോപ​പ​ര​വ​ശ​നായ നെബൂ​ഖ​ദ്‌നേസർ ശദ്രക്കി​നെ​യും മേശക്കി​നെ​യും അബേദ്‌-നെഗൊ​യെ​യും തന്റെ മുന്നിൽ ഹാജരാ​ക്കാൻ കല്‌പി​ച്ചു. അങ്ങനെ, അവരെ രാജസ​ന്നി​ധി​യിൽ കൊണ്ടു​വന്നു. 14 നെബൂഖദ്‌നേസർ അവരോ​ടു ചോദി​ച്ചു: “ശദ്രക്കേ, മേശക്കേ, അബേദ്‌-നെഗൊ​യേ, നിങ്ങൾ എന്റെ ദൈവ​ങ്ങളെ സേവിക്കുന്നില്ലെന്നും+ ഞാൻ സ്ഥാപിച്ച സ്വർണ​പ്ര​തി​മയെ ആരാധി​ക്കാൻ കൂട്ടാ​ക്കു​ന്നി​ല്ലെ​ന്നും കേട്ടതു നേരാ​ണോ? 15 ഇപ്പോൾ കൊമ്പ്‌, കുഴൽവാ​ദ്യം, സീതെർ, ചെറു​കി​ന്നരം, തന്ത്രി​വാ​ദ്യം, സഞ്ചിവാ​ദ്യം, മറ്റു സംഗീ​തോ​പ​ക​ര​ണങ്ങൾ എന്നിവ​യു​ടെ ശബ്ദം കേൾക്കു​മ്പോൾ വീണ്‌ ഞാൻ സ്ഥാപിച്ച സ്വർണ​പ്ര​തി​മയെ ആരാധി​ക്കാൻ തയ്യാറാ​യാൽ നല്ലത്‌. ആരാധി​ക്കാൻ കൂട്ടാ​ക്കു​ന്നി​ല്ലെ​ങ്കിൽ ഉടനടി നിങ്ങളെ കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ എറിയും. എന്റെ കൈക​ളിൽനിന്ന്‌ നിങ്ങളെ രക്ഷിക്കാൻ ഏതു ദൈവ​ത്തി​നു കഴിയു​മെന്നു നോക്കട്ടെ.”+

16 ശദ്രക്കും മേശക്കും അബേദ്‌-നെഗൊ​യും രാജാ​വി​നോ​ടു പറഞ്ഞു: “നെബൂ​ഖ​ദ്‌നേ​സറേ, ഇക്കാര്യ​ത്തിൽ ഞങ്ങൾ പ്രത്യേ​കി​ച്ചു മറുപ​ടി​യൊ​ന്നും പറയേ​ണ്ട​തില്ല. 17 രാജാവേ, ഞങ്ങളെ തീച്ചൂ​ള​യിൽ ഇട്ടാൽപ്പോ​ലും ഞങ്ങൾ സേവി​ക്കുന്ന ദൈവ​ത്തി​നു കത്തിജ്വ​ലി​ക്കുന്ന തീച്ചൂ​ള​യിൽനി​ന്നും അങ്ങയുടെ കൈക​ളിൽനി​ന്നും ഞങ്ങളെ രക്ഷിക്കാ​നാ​കും.+ 18 എന്നാൽ, ദൈവം അങ്ങനെ ചെയ്യു​ന്നി​ല്ലെ​ങ്കി​ലും രാജാവേ, ഇത്‌ അറിഞ്ഞാ​ലും: ഞങ്ങൾ അങ്ങയുടെ ദൈവ​ങ്ങളെ സേവി​ക്കു​ക​യോ അങ്ങ്‌ സ്ഥാപിച്ച സ്വർണ​പ്ര​തി​മയെ ആരാധി​ക്കു​ക​യോ ഇല്ല.”+

19 ശദ്രക്കിന്റെയും മേശക്കി​ന്റെ​യും അബേദ്‌-നെഗൊ​യു​ടെ​യും മറുപടി കേട്ട്‌ നെബൂ​ഖ​ദ്‌നേ​സ​റിന്‌ കോപം അടക്കാ​നാ​യില്ല; രാജാ​വി​ന്റെ മുഖഭാവം* ആകെ മാറി. ചൂള പതിവി​ലും ഏഴു മടങ്ങു ചൂടാ​ക്കാൻ രാജാവ്‌ കല്‌പി​ച്ചു. 20 ശദ്രക്കിനെയും മേശക്കി​നെ​യും അബേദ്‌-നെഗൊ​യെ​യും ബന്ധിച്ച്‌ കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ എറിയാൻ രാജാവ്‌ തന്റെ സൈന്യ​ത്തി​ലെ ബലവാ​ന്മാ​രായ ചില​രോട്‌ ആജ്ഞാപി​ച്ചു.

21 അങ്ങനെ അവരെ, മേലങ്കി​യും കുപ്പാ​യ​വും തൊപ്പി​യും മറ്റെല്ലാ വസ്‌ത്ര​ങ്ങ​ളും സഹിതം വരിഞ്ഞു​കെട്ടി കത്തിജ്വ​ലി​ക്കുന്ന തീച്ചൂ​ള​യി​ലേക്ക്‌ എറിഞ്ഞു. 22 രാജാവിന്റെ ആജ്ഞ കർശന​മാ​യി​രു​ന്നു, ചൂള അസാധാ​ര​ണ​മാ​യി ചൂടു​ള്ള​തും; അതു​കൊണ്ട്‌, ശദ്രക്കി​നെ​യും മേശക്കി​നെ​യും അബേദ്‌-നെഗൊ​യെ​യും കൊണ്ടു​പോ​യ​വരെ തീജ്വാല ദഹിപ്പി​ച്ചു​ക​ളഞ്ഞു. 23 എന്നാൽ ശദ്രക്ക്‌, മേശക്ക്‌, അബേദ്‌-നെഗൊ എന്നീ മൂന്നു പുരു​ഷ​ന്മാർ ബന്ധനസ്ഥ​രാ​യി കത്തിജ്വ​ലി​ക്കുന്ന തീച്ചൂ​ള​യിൽ വീണു.

24 നെബൂഖദ്‌നേസർ രാജാവ്‌ പരി​ഭ്ര​മ​ത്തോ​ടെ ചാടി​യെ​ഴു​ന്നേറ്റ്‌ തന്റെ ഉന്നതോ​ദ്യോ​ഗ​സ്ഥ​രോ​ടു പറഞ്ഞു: “മൂന്നു പുരു​ഷ​ന്മാ​രെ​യല്ലേ നമ്മൾ ബന്ധിച്ച്‌ തീയിൽ എറിഞ്ഞത്‌?” “അതെ രാജാവേ” എന്ന്‌ അവർ മറുപടി പറഞ്ഞു. 25 രാജാവ്‌ പറഞ്ഞു: “പക്ഷേ കണ്ടോ! തീയുടെ നടുവിൽ നാലു പുരു​ഷ​ന്മാർ സ്വത​ന്ത്ര​രാ​യി നടക്കുന്നു. അവർക്ക്‌ ഒരു കുഴപ്പ​വും പറ്റിയി​ട്ടില്ല. നാലാ​മനെ കണ്ടിട്ട്‌ ദൈവ​ങ്ങ​ളു​ടെ ഒരു പുത്ര​നെ​പ്പോ​ലി​രി​ക്കു​ന്നു.”

26 നെബൂഖദ്‌നേസർ കത്തിജ്വ​ലി​ക്കുന്ന തീച്ചൂ​ള​യു​ടെ വാതി​ലി​ന്റെ അടുത്ത്‌ ചെന്ന്‌ പറഞ്ഞു: “അത്യുന്നതദൈവത്തിന്റെ+ ദാസന്മാ​രായ ശദ്രക്കേ, മേശക്കേ, അബേദ്‌-നെഗൊ​യേ, പുറത്ത്‌ വരൂ!” ശദ്രക്കും മേശക്കും അബേദ്‌-നെഗൊ​യും തീയുടെ നടുവിൽനി​ന്ന്‌ പുറത്ത്‌ വന്നു. 27 അവിടെ കൂടി​യി​രുന്ന സംസ്ഥാ​നാ​ധി​പ​തി​മാ​രും മേധാ​വി​ക​ളും ഗവർണർമാ​രും രാജാ​വി​ന്റെ ഉന്നതോദ്യോഗസ്ഥരും+ നോക്കി​യ​പ്പോൾ ആ പുരു​ഷ​ന്മാ​രു​ടെ ശരീര​ത്തിൽ അൽപ്പം​പോ​ലും പൊള്ളൽ ഏറ്റിട്ടില്ല.+ അവരുടെ ഒറ്റ മുടി​പോ​ലും കരിഞ്ഞി​ട്ടില്ല. മേലങ്കി​കൾ അതു​പോ​ലെ​തന്നെ ഇരിക്കു​ന്നു. അവരുടെ ദേഹത്ത്‌ തീയുടെ മണം​പോ​ലു​മി​ല്ലാ​യി​രു​ന്നു.

28 അപ്പോൾ, നെബൂ​ഖ​ദ്‌നേസർ പറഞ്ഞു: “ശദ്രക്കി​ന്റെ​യും മേശക്കി​ന്റെ​യും അബേദ്‌-നെഗൊ​യു​ടെ​യും ദൈവം വാഴ്‌ത്ത​പ്പെ​ടട്ടെ.+ സ്വന്തം ദൂതനെ അയച്ച്‌ ദൈവം തന്റെ ഈ ദാസന്മാ​രെ രക്ഷിച്ച​ല്ലോ. അവർ അവരുടെ ദൈവ​ത്തിൽ ആശ്രയി​ച്ച്‌ രാജക​ല്‌പ​ന​പോ​ലും ലംഘിച്ചു. അവരുടെ ദൈവ​ത്തെ​യ​ല്ലാ​തെ മറ്റ്‌ ഒരു ദൈവ​ത്തെ​യും സേവി​ക്കാ​നോ ആരാധി​ക്കാ​നോ അവർ തയ്യാറാ​യില്ല. അതിനു​വേണ്ടി മരിക്കാ​നും അവർ ഒരുക്ക​മാ​യി​രു​ന്നു.+ 29 അതുകൊണ്ട്‌, എന്റെ ആജ്ഞ കേട്ടു​കൊ​ള്ളൂ! ഏതെങ്കി​ലും ജനതയോ രാജ്യ​ക്കാ​രോ ഭാഷക്കാ​രോ ശദ്രക്കി​ന്റെ​യും മേശക്കി​ന്റെ​യും അബേദ്‌-നെഗൊ​യു​ടെ​യും ദൈവ​ത്തിന്‌ എതിരെ എന്തെങ്കി​ലും മിണ്ടി​യാൽ അവരെ തുണ്ടം​തു​ണ്ട​മാ​ക്കും. അവരുടെ വീടുകൾ പൊതു​ശൗ​ചാ​ല​യ​മാ​ക്കും.* രക്ഷിക്കാൻ ഇതു​പോ​ലെ കഴിവു​ള്ളൊ​രു ദൈവം വേറെ​യി​ല്ല​ല്ലോ.”+

30 തുടർന്ന്‌, രാജാവ്‌ ശദ്രക്കി​നും മേശക്കി​നും അബേദ്‌-നെഗൊ​യ്‌ക്കും ബാബി​ലോൺ സംസ്ഥാ​നത്ത്‌ സ്ഥാനക്കയറ്റം* നൽകി.+

4 “ഭൂമി​യി​ലെ​ങ്ങു​മുള്ള സകല ജനതകൾക്കും രാജ്യ​ക്കാർക്കും ഭാഷക്കാർക്കും നെബൂ​ഖ​ദ്‌നേസർ രാജാ​വിൽനി​ന്നുള്ള സന്ദേശം: നിങ്ങൾക്കു സമൃദ്ധ​മായ സമാധാ​നം ആശംസി​ക്കു​ന്നു! 2 അത്യുന്നതനായ ദൈവം എന്നോ​ടുള്ള ബന്ധത്തിൽ ചെയ്‌ത അത്ഭുത​ങ്ങ​ളും അടയാ​ള​ങ്ങ​ളും വിവരി​ക്കാൻ ഞാൻ ആഗ്രഹി​ക്കു​ന്നു. 3 ദൈവത്തിന്റെ അടയാ​ളങ്ങൾ എത്ര മഹനീയം! അത്ഭുതങ്ങൾ എത്ര ഗംഭീരം! ദൈവ​ത്തി​ന്റെ രാജ്യം നിത്യ​രാ​ജ്യം; ഭരണാ​ധി​പ​ത്യ​മോ തലമു​റ​ത​ല​മു​റ​യോ​ള​മു​ള്ള​തും.+

4 “നെബൂ​ഖ​ദ്‌നേസർ എന്ന ഞാൻ എന്റെ ഭവനത്തിൽ സ്വസ്ഥമാ​യി കഴിയുന്ന കാലം. കൊട്ടാ​ര​ത്തിൽ ഐശ്വ​ര്യ​സ​മൃ​ദ്ധി​യു​ടെ നടുവി​ലാ​യി​രു​ന്നു ഞാൻ. 5 അങ്ങനെയിരിക്കെ എന്നെ ഭയപ്പെ​ടു​ത്തിയ ഒരു സ്വപ്‌നം ഞാൻ കണ്ടു. പള്ളി​മെ​ത്ത​യിൽ കിടക്കു​മ്പോൾ എന്റെ മനസ്സിൽ തെളിഞ്ഞ ചിത്ര​ങ്ങ​ളും എനിക്ക്‌ ഉണ്ടായ ദിവ്യ​ദർശ​ന​ങ്ങ​ളും എന്നെ ഭയപ്പെ​ടു​ത്തി.+ 6 അതുകൊണ്ട്‌, സ്വപ്‌ന​ത്തി​ന്റെ അർഥം പറഞ്ഞു​ത​രാ​നാ​യി ബാബി​ലോ​ണി​ലെ എല്ലാ ജ്ഞാനി​ക​ളെ​യും എന്റെ മുന്നിൽ ഹാജരാ​ക്കാൻ ഞാൻ ഉത്തരവി​ട്ടു.+

7 “അങ്ങനെ, മന്ത്രവാ​ദി​ക​ളും മാന്ത്രി​ക​രും കൽദയരും* ജ്യോതിഷക്കാരും+ എന്റെ സന്നിധി​യിൽ വന്നു. ഞാൻ സ്വപ്‌നം വിവരി​ച്ചെ​ങ്കി​ലും അതിന്റെ അർഥം പറഞ്ഞു​ത​രാൻ അവർക്കു കഴിഞ്ഞില്ല.+ 8 ഒടുവിൽ, ബേൽത്ത്‌ശസ്സർ എന്നു പേരുള്ള ദാനി​യേൽ എന്റെ മുന്നിൽ വന്നു.+ എന്റെ ദൈവ​ത്തി​ന്റെ പേരിൽനിന്നാണു+ ദാനി​യേ​ലി​നു ബേൽത്ത്‌ശസ്സർ എന്ന പേര്‌ കിട്ടി​യത്‌. വിശു​ദ്ധ​ദൈ​വ​ങ്ങ​ളു​ടെ ആത്മാവുള്ള അയാളോടു+ ഞാൻ എന്റെ സ്വപ്‌നം വിവരി​ച്ചു:

9 “‘മന്ത്രവാ​ദി​ക​ളു​ടെ പ്രമാ​ണി​യായ ബേൽത്ത്‌ശ​സ്സരേ,+ വിശു​ദ്ധ​ദൈ​വ​ങ്ങ​ളു​ടെ ആത്മാവ്‌ താങ്കളി​ലു​ണ്ടെന്ന്‌ എനിക്കു നന്നായി അറിയാം.+ താങ്കൾക്ക്‌ ഒരു രഹസ്യ​വും അത്ര ബുദ്ധി​മു​ട്ട​ല്ല​ല്ലോ.+ അതു​കൊണ്ട്‌, ഞാൻ സ്വപ്‌ന​ത്തിൽ കണ്ട ദിവ്യ​ദർശ​ന​ങ്ങ​ളും അതിന്റെ അർഥവും വിശദീ​ക​രി​ച്ചു​ത​രുക.

10 “‘പള്ളി​മെ​ത്ത​യിൽവെച്ച്‌ കണ്ട ദിവ്യ​ദർശ​ന​ങ്ങ​ളിൽ, ഭൂമി​യു​ടെ നടുവിൽ ഒരു മരം നിൽക്കു​ന്നതു ഞാൻ കണ്ടു,+ ഒരു പടുകൂ​റ്റൻ മരം!+ 11 അതു വളർന്ന്‌ ബലമു​ള്ള​താ​യി. ആകാശം​മു​ട്ടെ ഉയർന്നു​നി​ന്നു. ഭൂമി​യു​ടെ ഏത്‌ അറ്റത്തു​നിന്ന്‌ നോക്കി​യാ​ലും അതു കാണാ​മാ​യി​രു​ന്നു. 12 അതിന്റെ ഇലപ്പടർപ്പു മനോ​ഹ​ര​മാ​യി​രു​ന്നു, അതിലാ​കട്ടെ നിറയെ പഴങ്ങളും. സകല ജീവജാ​ല​ങ്ങൾക്കും കഴിക്കാൻ വേണ്ടത്‌ അതിലു​ണ്ടാ​യി​രു​ന്നു. അതിനു കീഴെ കാട്ടു​മൃ​ഗങ്ങൾ തണൽ തേടി​യെത്തി. കൊമ്പു​ക​ളിൽ ആകാശ​ത്തി​ലെ പക്ഷികൾ കൂടു കൂട്ടി. ജീവജാ​ല​ങ്ങ​ളെ​ല്ലാം അതിൽനി​ന്ന്‌ ഭക്ഷിച്ചു.

13 “‘പള്ളി​മെ​ത്ത​യിൽവെച്ച്‌ ദിവ്യ​ദർശ​നങ്ങൾ കണ്ടു​കൊ​ണ്ടി​രി​ക്കെ അതാ, ഒരു സന്ദേശ​വാ​ഹകൻ,* ഒരു വിശുദ്ധൻ, സ്വർഗ​ത്തിൽനിന്ന്‌ ഇറങ്ങി​വ​രു​ന്നു!+ 14 അദ്ദേഹം ഉച്ചത്തിൽ വിളി​ച്ചു​പ​റഞ്ഞു: “ആ മരം വെട്ടി​യി​ടൂ!+ കൊമ്പു​കൾ മുറിക്കൂ! ഇലകൾ കുലുക്കി താഴെ​യി​ടൂ! പഴങ്ങൾ ചിതറി​ച്ചു​ക​ളയൂ! മൃഗങ്ങൾ അതിന്റെ കീഴെ​നിന്ന്‌ ഓടി​പ്പോ​കട്ടെ. പക്ഷികൾ അതിന്റെ കൊമ്പു​ക​ളിൽനിന്ന്‌ പറന്നക​ലട്ടെ. 15 എന്നാൽ, അതിന്റെ കുറ്റി വേരോ​ടെ നിലത്തെ പുല്ലു​കൾക്കി​ട​യിൽത്തന്നെ നിൽക്കട്ടെ. അതിനെ ഇരുമ്പു​കൊ​ണ്ടും ചെമ്പു​കൊ​ണ്ടും ഉള്ള പട്ടകൊ​ണ്ട്‌ ബന്ധിക്കണം. ആകാശ​ത്തു​നിന്ന്‌ മഞ്ഞു വീണ്‌ അതു നനയട്ടെ. ഭൂമി​യി​ലെ സസ്യജാ​ല​ങ്ങൾക്കി​ട​യിൽ മൃഗങ്ങൾക്കൊ​പ്പം അതു കഴിയട്ടെ.+ 16 മനുഷ്യഹൃദയത്തിന്റെ സ്ഥാനത്ത്‌ അതിനു മൃഗത്തി​ന്റെ ഹൃദയം ലഭിക്കട്ടെ. അങ്ങനെ ഏഴു കാലം+ കടന്നു​പോ​കട്ടെ.+ 17 ഇതു സന്ദേശവാഹകരുടെ* കല്‌പ​ന​യാണ്‌,+ വിശു​ദ്ധ​രു​ടെ ആജ്ഞയാണ്‌. അങ്ങനെ, അത്യു​ന്ന​ത​നാ​ണു മാനവ​കു​ല​ത്തി​ന്റെ രാജ്യത്തെ ഭരണാധികാരിയെന്നും+ തനിക്ക്‌ ഇഷ്ടമു​ള്ള​വനു ദൈവം അതു നൽകു​ന്നെ​ന്നും മനുഷ്യ​രിൽ ഏറ്റവും താണവ​നെ​പ്പോ​ലും അതിന്റെ ഭരണം ഏൽപ്പി​ക്കു​ന്നെ​ന്നും ജീവി​ച്ചി​രി​ക്കുന്ന എല്ലാവ​രും അറിയട്ടെ.”

18 “‘ഇതാണു നെബൂ​ഖ​ദ്‌നേസർ രാജാ​വായ ഞാൻ കണ്ട സ്വപ്‌നം. ബേൽത്ത്‌ശ​സ്സരേ, ഇനി അതിന്റെ അർഥം പറയൂ! എന്റെ രാജ്യത്തെ മറ്റൊരു ജ്ഞാനി​ക്കും ഇതിന്റെ അർഥം വിശദീ​ക​രി​ച്ചു​ത​രാൻ കഴിയു​ന്നില്ല.+ പക്ഷേ, താങ്കൾക്ക്‌ അതിനു കഴിയും. കാരണം വിശു​ദ്ധ​ദൈ​വ​ങ്ങ​ളു​ടെ ആത്മാവ്‌ താങ്കളി​ലുണ്ട്‌.’

19 “അപ്പോൾ, ബേൽത്ത്‌ശസ്സർ എന്നു പേരുള്ള ദാനിയേൽ+ ഒരു നിമിഷം തരിച്ചു​നി​ന്നു. മനസ്സിലെ ചിന്തകൾ ദാനി​യേ​ലി​നെ ഭയപ്പെ​ടു​ത്തി.

“രാജാവ്‌ പറഞ്ഞു: ‘ബേൽത്ത്‌ശ​സ്സരേ, സ്വപ്‌ന​വും അതിന്റെ അർഥവും ഓർത്ത്‌ പേടി​ക്കേണ്ടാ.’

“ബേൽത്ത്‌ശസ്സർ മറുപ​ടി​യാ​യി പറഞ്ഞു: ‘എന്റെ യജമാ​നനേ, സ്വപ്‌ന​ത്തിൽ കണ്ടത്‌ അങ്ങയെ വെറു​ക്കു​ന്ന​വർക്കു സംഭവി​ക്കട്ടെ; അതിന്റെ അർഥം അങ്ങയുടെ ശത്രു​ക്ക​ളിൽ നിറ​വേ​റട്ടെ.

20 “‘അങ്ങ്‌ കണ്ട ആ മരം—വളർന്നു​പൊ​ങ്ങിയ, ബലമുള്ള, മാനം​മു​ട്ടെ ഉയർന്ന, ഭൂമി​യിൽ എവി​ടെ​നി​ന്നും കാണാ​മാ​യി​രുന്ന,+ 21 മനോഹരമായ ഇലപ്പടർപ്പുള്ള, നിറയെ പഴങ്ങളുള്ള, സകല ജീവജാ​ല​ങ്ങൾക്കും കഴിക്കാൻ ആഹാര​മുള്ള, കീഴെ കാട്ടു​മൃ​ഗങ്ങൾ കഴിയുന്ന, കൊമ്പു​ക​ളിൽ ആകാശ​ത്തി​ലെ പക്ഷികൾ കൂടു കൂട്ടിയ ആ മരം+— 22 രാജാവേ, അത്‌ അങ്ങാണ്‌. കാരണം അങ്ങ്‌ മഹാനാ​യി വളർന്ന്‌ ബലമു​ള്ള​വ​നാ​യി. അങ്ങയുടെ പ്രതാപം വളർന്ന്‌ ആകാശ​ത്തോ​ളം എത്തി;+ അങ്ങയുടെ ഭരണാ​ധി​പ​ത്യ​മോ ഭൂമി​യു​ടെ അറ്റങ്ങ​ളോ​ള​വും.+

23 “‘തുടർന്ന്‌, ഒരു സന്ദേശ​വാ​ഹകൻ,* ഒരു വിശുദ്ധൻ,+ സ്വർഗ​ത്തിൽനിന്ന്‌ ഇറങ്ങി​വന്ന്‌ ഇങ്ങനെ പറയു​ന്നതു രാജാവ്‌ കേട്ടു: “ആ മരം വെട്ടി മറിച്ചി​ടൂ! അതു നശിപ്പി​ക്കൂ! എന്നാൽ, അതിന്റെ കുറ്റി വേരോ​ടെ നിലത്തെ പുല്ലു​കൾക്കി​ട​യിൽത്തന്നെ നിൽക്കട്ടെ. അതിനെ ഇരുമ്പു​കൊ​ണ്ടും ചെമ്പു​കൊ​ണ്ടും ഉള്ള പട്ടകൊ​ണ്ട്‌ ബന്ധിക്കണം. ആകാശ​ത്തു​നി​ന്നുള്ള മഞ്ഞ്‌ അതിനെ നനയ്‌ക്കട്ടെ. കാട്ടു​മൃ​ഗ​ങ്ങൾക്കൊ​പ്പം അതു കഴിയട്ടെ. അങ്ങനെ ഏഴു കാലം കടന്നു​പോ​കട്ടെ.”+ 24 രാജാവേ, സ്വപ്‌ന​ത്തി​ന്റെ അർഥം ഇതാണ്‌. എന്റെ യജമാ​ന​നായ രാജാ​വി​നു സംഭവി​ക്കാൻ പോകു​ന്ന​തി​നെ​ക്കു​റിച്ച്‌ അത്യു​ന്നതൻ കല്‌പി​ച്ചി​രി​ക്കു​ന്ന​താണ്‌ ഇത്‌. 25 അങ്ങയെ മനുഷ്യ​രു​ടെ ഇടയിൽനി​ന്ന്‌ ഓടി​ച്ചു​ക​ള​യും. കാട്ടു​മൃ​ഗ​ങ്ങ​ളോ​ടൊ​പ്പ​മാ​യി​രി​ക്കും അങ്ങയുടെ താമസം. അങ്ങയ്‌ക്കു തിന്നാൻ കാളയ്‌ക്കു കൊടു​ക്കു​ന്ന​തു​പോ​ലെ പുല്ലു തരും. ആകാശ​ത്തു​നിന്ന്‌ മഞ്ഞു വീണ്‌ അങ്ങ്‌ നനയും.+ അങ്ങനെ, അത്യു​ന്ന​ത​നാ​ണു മാനവ​കു​ല​ത്തി​ന്റെ രാജ്യത്തെ ഭരണാ​ധി​കാ​രി​യെ​ന്നും തനിക്ക്‌ ഇഷ്ടമു​ള്ള​വനു ദൈവം അതു നൽകുന്നെന്നും+ അങ്ങ്‌ മനസ്സി​ലാ​ക്കു​ന്ന​തു​വരെ ഏഴു കാലം+ കടന്നു​പോ​കും.+

26 “‘എന്നാൽ, അതിന്റെ കുറ്റി വേരോ​ടെ അവി​ടെ​ത്തന്നെ നിറു​ത്ത​ണ​മെന്ന്‌ അവർ പറഞ്ഞല്ലോ.+ അതിന്റെ അർഥം, ഭരിക്കു​ന്നതു സ്വർഗ​മാ​ണെന്ന്‌ അങ്ങ്‌ തിരി​ച്ച​റി​ഞ്ഞു​ക​ഴി​യു​മ്പോൾ രാജ്യം അങ്ങയ്‌ക്കു തിരികെ കിട്ടു​മെ​ന്നാണ്‌. 27 അതുകൊണ്ട്‌ രാജാവേ, എന്റെ ഉപദേശം സ്വീക​രി​ക്കേ​ണമേ. ശരിയാ​യതു ചെയ്‌ത്‌ പാപങ്ങൾ വിട്ടക​ന്നാ​ലും. പാവ​പ്പെ​ട്ട​വ​രോ​ടു കരുണ കാട്ടി​ക്കൊണ്ട്‌ കടുത്ത അന്യാ​യങ്ങൾ അവസാ​നി​പ്പി​ച്ചാ​ലും. ഒരുപക്ഷേ, അങ്ങയുടെ ഐശ്വ​ര്യ​സ​മൃ​ദ്ധി നീട്ടി​ക്കി​ട്ടി​യേ​ക്കും.’”+

28 ഇതെല്ലാം നെബൂ​ഖ​ദ്‌നേസർ രാജാ​വി​നു സംഭവി​ച്ചു.

29 12 മാസത്തി​നു ശേഷം ഒരിക്കൽ അദ്ദേഹം ബാബി​ലോ​ണി​ലെ രാജ​കൊ​ട്ടാ​ര​ത്തി​നു മുകളി​ലൂ​ടെ ഉലാത്തു​ക​യാ​യി​രു​ന്നു. 30 അപ്പോൾ, രാജാവ്‌ ഇങ്ങനെ പറഞ്ഞു: “രാജഗൃ​ഹ​ത്തി​നും രാജകീ​യ​മ​ഹി​മ​യ്‌ക്കും വേണ്ടി ഞാൻ എന്റെ സ്വന്തം ശക്തിയാ​ലും പ്രഭാ​വ​ത്താ​ലും പണിത പ്രൗഢ​ഗം​ഭീ​ര​മായ ബാബി​ലോ​ണല്ലേ ഇത്‌?”

31 രാജാവ്‌ ഇതു പറഞ്ഞ്‌ നാവെ​ടു​ക്കു​ന്ന​തി​നു മുമ്പു​തന്നെ സ്വർഗ​ത്തിൽനിന്ന്‌ ഒരു ശബ്ദം കേട്ടു: “നെബൂ​ഖ​ദ്‌നേസർ രാജാവേ, നിന്നോ​ടു പറയാ​നു​ള്ളത്‌ ഇതാണ്‌: ‘രാജ്യം നിന്റെ കൈയിൽനി​ന്ന്‌ പോയി​രി​ക്കു​ന്നു;+ 32 മനുഷ്യരുടെ ഇടയിൽനി​ന്ന്‌ നിന്നെ ഓടി​ച്ചു​ക​ള​യു​ക​യാണ്‌. കാട്ടു​മൃ​ഗ​ങ്ങ​ളോ​ടൊ​പ്പ​മാ​യി​രി​ക്കും നിന്റെ താമസം. നിനക്കു തിന്നാൻ കാളയ്‌ക്കു കൊടു​ക്കു​ന്ന​തു​പോ​ലെ പുല്ലു തരും. അങ്ങനെ, അത്യു​ന്ന​ത​നാ​ണു മാനവ​കു​ല​ത്തി​ന്റെ രാജ്യത്തെ ഭരണാ​ധി​കാ​രി​യെ​ന്നും തനിക്ക്‌ ഇഷ്ടമു​ള്ള​വനു ദൈവം അതു നൽകു​ന്നെ​ന്നും നീ മനസ്സി​ലാ​ക്കു​ന്ന​തു​വരെ ഏഴു കാലം കടന്നു​പോ​കും.’”+

33 പറഞ്ഞ വാക്കുകൾ ആ നിമി​ഷം​തന്നെ നെബൂ​ഖ​ദ്‌നേ​സ​റിൽ നിറ​വേറി. അദ്ദേഹത്തെ മനുഷ്യ​രു​ടെ ഇടയിൽനി​ന്ന്‌ ഓടി​ച്ചു​ക​ളഞ്ഞു. കാള​യെ​പ്പോ​ലെ അദ്ദേഹം പുല്ലു തിന്നാൻതു​ടങ്ങി. ആകാശ​ത്തു​നി​ന്നുള്ള മഞ്ഞു വീണ്‌ അദ്ദേഹം നനഞ്ഞു. അദ്ദേഹ​ത്തി​ന്റെ രോമം കഴുകന്റെ തൂവൽപോ​ലെ​യും നഖം പക്ഷിയു​ടെ നഖം​പോ​ലെ​യും വളർന്നു.+

34 “ആ കാലം കഴിഞ്ഞപ്പോൾ+ നെബൂ​ഖ​ദ്‌നേസർ എന്ന ഞാൻ സ്വർഗ​ത്തി​ലേക്കു നോക്കി. എനിക്കു സുബോ​ധം തിരി​ച്ചു​കി​ട്ടി. ഞാൻ അത്യു​ന്ന​തനെ മഹത്ത്വ​പ്പെ​ടു​ത്തി. എന്നെന്നും ജീവി​ച്ചി​രി​ക്കു​ന്ന​വനെ വാഴ്‌ത്തി സ്‌തു​തി​ച്ചു. കാരണം, ദൈവ​ത്തി​ന്റെ ആധിപ​ത്യം എന്നേക്കു​മുള്ള ആധിപ​ത്യ​വും ദൈവ​ത്തി​ന്റെ രാജ്യം തലമു​റ​ത​ല​മു​റ​യോ​ള​മു​ള്ള​തും ആണല്ലോ.+ 35 ഭൂവാസികളൊന്നും തിരു​മു​ന്നിൽ ഒന്നുമല്ല. സ്വർഗീ​യ​സൈ​ന്യ​ത്തോ​ടും ഭൂവാ​സി​ക​ളോ​ടും ദൈവം തനിക്ക്‌ ഇഷ്ടമു​ള്ളതു ചെയ്യുന്നു. ദൈവത്തെ തടയാനോ+ ‘എന്താണ്‌ ഈ ചെയ്‌തത്‌’+ എന്നു ദൈവ​ത്തോ​ടു ചോദി​ക്കാ​നോ ആർക്കു​മാ​കില്ല.

36 “ആ സമയത്ത്‌ എനിക്കു സുബോ​ധം വീണ്ടു​കി​ട്ടി. എന്റെ രാജ്യ​ത്തി​ന്റെ മഹത്ത്വ​വും എന്റെ മഹിമ​യും പ്രതാ​പ​വും എനിക്കു തിരികെ ലഭിച്ചു.+ എന്റെ ഉന്നതോ​ദ്യോ​ഗ​സ്ഥ​രും പ്രധാ​നി​ക​ളും അതീവ​താ​ത്‌പ​ര്യ​ത്തോ​ടെ എന്നെ തേടി വന്നു. എനിക്ക്‌ എന്റെ രാജ്യം തിരികെ കിട്ടി. ഞാൻ മുമ്പ​ത്തെ​ക്കാൾ മഹാനാ​യി.

37 “ഇപ്പോൾ, നെബൂ​ഖ​ദ്‌നേസർ എന്ന ഞാൻ സ്വർഗാ​ധി​സ്വർഗ​ങ്ങ​ളു​ടെ രാജാ​വി​നെ വാഴ്‌ത്തി സ്‌തു​തിച്ച്‌ മഹത്ത്വ​പ്പെ​ടു​ത്തു​ന്നു.+ കാരണം, ദൈവ​ത്തി​ന്റെ പ്രവൃ​ത്തി​ക​ളെ​ല്ലാം നേരു​ള്ളത്‌.+ ദൈവ​ത്തി​ന്റെ വഴികൾ നീതി​യു​ള്ള​തും. അഹങ്കാ​രി​ക​ളു​ടെ അഹങ്കാരം ഇല്ലാതാ​ക്കാ​നും ദൈവം പ്രാപ്‌ത​ന​ല്ലോ.”+

5 ഒരിക്കൽ ബേൽശസ്സർ+ രാജാവ്‌ തന്റെ പ്രധാ​നി​ക​ളിൽ ആയിരം പേർക്ക്‌ ഒരു വലിയ വിരുന്നു നടത്തി. അവരുടെ മുന്നിൽവെച്ച്‌ അദ്ദേഹം വീഞ്ഞു കുടി​ക്കു​ക​യാ​യി​രു​ന്നു.+ 2 വീഞ്ഞിന്റെ ലഹരി​യി​ലാ​യി​രി​ക്കെ ബേൽശസ്സർ, യരുശ​ലേ​മി​ലെ ദേവാ​ല​യ​ത്തിൽനിന്ന്‌ അപ്പനായ നെബൂ​ഖ​ദ്‌നേസർ എടുത്തു​കൊ​ണ്ടു​പോന്ന സ്വർണ​പാ​ത്ര​ങ്ങ​ളും വെള്ളി​പ്പാ​ത്ര​ങ്ങ​ളും കൊണ്ടു​വ​രാൻ കല്‌പി​ച്ചു.+ രാജാ​വി​നും അദ്ദേഹ​ത്തി​ന്റെ പ്രധാ​നി​കൾക്കും ഉപപത്‌നിമാർക്കും* വെപ്പാ​ട്ടി​കൾക്കും കുടി​ക്കാൻവേ​ണ്ടി​യാ​യി​രു​ന്നു അത്‌. 3 അങ്ങനെ, യരുശ​ലേ​മി​ലുള്ള ദൈവ​ഭ​വ​ന​ത്തി​ലെ വിശു​ദ്ധ​മ​ന്ദി​ര​ത്തിൽനിന്ന്‌ എടുത്തു​കൊ​ണ്ടു​പോന്ന സ്വർണ​പാ​ത്രങ്ങൾ അവർ രാജസ​ന്നി​ധി​യിൽ കൊണ്ടു​വന്നു. രാജാ​വും അദ്ദേഹ​ത്തി​ന്റെ പ്രധാ​നി​ക​ളും ഉപപത്‌നി​മാ​രും വെപ്പാ​ട്ടി​ക​ളും അതിൽനി​ന്ന്‌ കുടിച്ചു. 4 അവർ വീഞ്ഞു കുടി​ച്ചിട്ട്‌ സ്വർണം, വെള്ളി, ചെമ്പ്‌, ഇരുമ്പ്‌, തടി, കല്ല്‌ എന്നിവ​കൊ​ണ്ടുള്ള ദൈവ​ങ്ങളെ സ്‌തു​തി​ച്ചു.

5 ആ നിമി​ഷം​തന്നെ ഒരു മനുഷ്യ​ന്റെ കൈവി​ര​ലു​കൾ പ്രത്യ​ക്ഷ​പ്പെട്ട്‌ രാജ​കൊ​ട്ടാ​ര​ത്തി​ലെ വിളക്കു​ത​ണ്ടി​നു നേരെ​യുള്ള തേച്ച ഭിത്തി​യിൽ എഴുതി​ത്തു​ടങ്ങി. എഴുതി​ക്കൊ​ണ്ടി​രുന്ന കൈയു​ടെ പുറകു​വശം രാജാവ്‌ കണ്ടു. 6 അപ്പോൾ രാജാവ്‌ ആകെ വിളറി​വെ​ളു​ത്തു.* മനസ്സിലെ ചിന്തകൾ അദ്ദേഹത്തെ ഭയപ്പെ​ടു​ത്തി. അദ്ദേഹ​ത്തി​ന്റെ അരക്കെട്ട്‌ ഇളകി​യാ​ടി,+ കാൽമു​ട്ടു​കൾ കൂട്ടി​യി​ടി​ക്കാൻതു​ടങ്ങി.

7 മാന്ത്രികരെയും കൽദയരെയും* ജ്യോ​തി​ഷ​ക്കാ​രെ​യും വിളി​ക്കാൻ രാജാവ്‌ ഉച്ചത്തിൽ വിളി​ച്ചു​പ​റഞ്ഞു.+ ബാബി​ലോ​ണി​ലെ ജ്ഞാനി​ക​ളോ​ടു രാജാവ്‌ പറഞ്ഞു: “ഈ എഴുതി​യി​രി​ക്കു​ന്നതു വായിച്ച്‌ അതിന്റെ അർഥം പറഞ്ഞു​ത​രു​ന്ന​യാ​ളെ പർപ്പിൾ നിറമുള്ള വസ്‌ത്രം ധരിപ്പി​ച്ച്‌ അയാളു​ടെ കഴുത്തിൽ സ്വർണ​മാല അണിയി​ക്കും.+ അയാൾ രാജ്യത്തെ മൂന്നാ​മ​നാ​യി വാഴും.”+

8 രാജാവിന്റെ ജ്ഞാനി​ക​ളെ​ല്ലാം വന്നെങ്കി​ലും ഒരാൾക്കു​പോ​ലും എഴുതി​യി​രി​ക്കു​ന്നതു വായി​ക്കാ​നോ രാജാ​വിന്‌ അതിന്റെ അർഥം പറഞ്ഞു​കൊ​ടു​ക്കാ​നോ കഴിഞ്ഞില്ല.+ 9 ബേൽശസ്സർ രാജാവ്‌ ആകെ പരി​ഭ്ര​മി​ച്ചു. അദ്ദേഹ​ത്തി​ന്റെ മുഖം വിളറി​വെ​ളു​ത്തു. പ്രധാ​നി​ക​ളെ​ല്ലാം കുഴങ്ങി.+

10 രാജാവിന്റെയും അദ്ദേഹ​ത്തി​ന്റെ പ്രധാ​നി​ക​ളു​ടെ​യും വാക്കുകൾ കേട്ട്‌ രാജ്ഞി വിരു​ന്നു​ശാ​ല​യി​ലേക്കു കടന്നു​വന്നു. രാജ്ഞി പറഞ്ഞു: “രാജാവേ, അങ്ങ്‌ നീണാൾ വാഴട്ടെ. മനസ്സിലെ ചിന്തകൾ അങ്ങയെ ഭയപ്പെ​ടു​ത്തേ​ണ്ട​തില്ല. അങ്ങയുടെ മുഖം വിളറു​ക​യും വേണ്ടാ. 11 വിശുദ്ധദൈവങ്ങളുടെ ആത്മാവുള്ള ഒരാൾ* അങ്ങയുടെ രാജ്യ​ത്തുണ്ട്‌. അങ്ങയുടെ പിതാ​വി​ന്റെ കാലത്ത്‌, തെളിഞ്ഞ ബുദ്ധി​യും ഉൾക്കാ​ഴ്‌ച​യും ദൈവ​ങ്ങ​ളു​ടേ​തു​പോ​ലുള്ള ജ്ഞാനവും അയാളിൽ കണ്ടിരു​ന്നു.+ അങ്ങയുടെ പിതാ​വായ നെബൂ​ഖ​ദ്‌നേസർ രാജാവ്‌ അയാളെ മന്ത്രവാ​ദി​ക​ളു​ടെ​യും മാന്ത്രി​ക​രു​ടെ​യും കൽദയരുടെയും* ജ്യോ​തി​ഷ​ക്കാ​രു​ടെ​യും പ്രമാ​ണി​യാ​യി നിയമി​ച്ചു.+ അതെ രാജാവേ, അങ്ങയുടെ പിതാവ്‌ അങ്ങനെ ചെയ്‌തു. 12 കാരണം, രാജാവ്‌ ബേൽത്ത്‌ശസ്സർ എന്നു പേരിട്ട ദാനിയേലിനു+ സ്വപ്‌ന​ങ്ങ​ളു​ടെ അർഥം വിശദീ​ക​രി​ക്കാ​നും നിഗൂ​ഢ​ത​ക​ളു​ടെ ചുരു​ള​ഴി​ക്കാ​നും കുഴപ്പി​ക്കുന്ന പ്രശ്‌ന​ങ്ങ​ളു​ടെ കുരു​ക്ക​ഴി​ക്കാ​നും അസാധാ​ര​ണ​മായ ബുദ്ധി​യും ജ്ഞാനവും ഉൾക്കാ​ഴ്‌ച​യും ഉണ്ടായി​രു​ന്നു.+ ഇപ്പോൾ, ദാനി​യേ​ലി​നെ വിളി​ച്ചു​വ​രു​ത്തി​യാ​ലും. ദാനി​യേൽ ഇതിന്റെ അർഥം വിശദീ​ക​രി​ച്ചു​ത​രും.”

13 അങ്ങനെ, ദാനി​യേ​ലി​നെ രാജസ​ന്നി​ധി​യിൽ ഹാജരാ​ക്കി. രാജാവ്‌ ദാനി​യേ​ലി​നോ​ടു ചോദി​ച്ചു: “രാജാ​വായ എന്റെ അപ്പൻ യഹൂദ​യിൽനിന്ന്‌ കൊണ്ടുവന്ന+ യഹൂദാ​പ്ര​വാ​സി​ക​ളിൽപ്പെട്ട ദാനി​യേൽ താങ്കളല്ലേ?+ 14 താങ്കളിൽ ദൈവ​ങ്ങ​ളു​ടെ ആത്മാവുണ്ടെന്നും+ താങ്കൾ തെളിഞ്ഞ ബുദ്ധി​യും ഉൾക്കാ​ഴ്‌ച​യും അസാധാ​ര​ണ​മായ ജ്ഞാനവും ഉള്ളവനാ​ണെ​ന്നും ഞാൻ കേട്ടി​രി​ക്കു​ന്നു.+ 15 ഇപ്പോൾ, ഈ എഴുതി​യി​രി​ക്കു​ന്നതു വായിച്ച്‌ അർഥം പറഞ്ഞു​ത​രാൻ ജ്ഞാനി​ക​ളെ​യും മാന്ത്രി​ക​രെ​യും എന്റെ മുന്നിൽ കൊണ്ടു​വന്നു. പക്ഷേ, സന്ദേശ​ത്തി​ന്റെ അർഥം പറയാൻ അവർക്ക്‌ ആർക്കും കഴിയു​ന്നില്ല.+ 16 എന്നാൽ കുഴപ്പി​ക്കുന്ന പ്രശ്‌ന​ങ്ങ​ളു​ടെ കുരു​ക്ക​ഴി​ക്കാ​നും അർഥം വിശദീ​ക​രി​ക്കാ​നും താങ്കൾക്കു കഴിവു​ണ്ടെന്നു ഞാൻ കേട്ടി​രി​ക്കു​ന്നു.+ ഈ എഴുതി​യി​രി​ക്കു​ന്നതു വായിച്ച്‌ അതിന്റെ അർഥം പറഞ്ഞു​ത​ന്നാൽ താങ്കളെ പർപ്പിൾ നിറമുള്ള വസ്‌ത്രം ധരിപ്പി​ച്ച്‌ താങ്കളു​ടെ കഴുത്തിൽ സ്വർണ​മാല അണിയി​ക്കും. താങ്കൾ രാജ്യത്തെ മൂന്നാ​മ​നാ​യി വാഴും.”+

17 ദാനിയേൽ അപ്പോൾ രാജാ​വി​നോ​ടു പറഞ്ഞു: “സമ്മാനങ്ങൾ അങ്ങയുടെ പക്കൽ ഇരിക്കട്ടെ; പാരി​തോ​ഷി​കങ്ങൾ മറ്റാർക്കെ​ങ്കി​ലും നൽകി​യാ​ലും. എങ്കിലും എഴുതി​യി​രി​ക്കു​ന്നതു ഞാൻ രാജാ​വി​നെ വായി​ച്ചു​കേൾപ്പിച്ച്‌ അർഥം പറഞ്ഞു​ത​രാം. 18 അല്ലയോ രാജാവേ, അത്യു​ന്ന​ത​നായ ദൈവം അങ്ങയുടെ പിതാ​വായ നെബൂ​ഖ​ദ്‌നേ​സ​റി​നു രാജ്യ​വും മഹത്ത്വ​വും ബഹുമാ​ന​വും പ്രതാ​പ​വും നൽകി.+ 19 ദൈവം നൽകിയ മാഹാ​ത്മ്യം നിമിത്തം സകല ജനതക​ളും രാജ്യ​ക്കാ​രും ഭാഷക്കാ​രും അദ്ദേഹ​ത്തി​ന്റെ സന്നിധി​യിൽ ഭയന്നു​വി​റച്ചു.+ തനിക്കു തോന്നി​യ​തു​പോ​ലെ അദ്ദേഹം ആളുകളെ കൊല്ലു​ക​യോ ജീവ​നോ​ടെ വെക്കു​ക​യോ ചെയ്‌തു. തന്റെ ഇഷ്ടമനു​സ​രിച്ച്‌ ആളുകളെ ഉയർത്തു​ക​യോ താഴ്‌ത്തു​ക​യോ ചെയ്‌തു.+ 20 പക്ഷേ, ഹൃദയം അഹങ്കരി​ച്ച്‌ മനസ്സു* കഠിന​മാ​യി അദ്ദേഹം ധാർഷ്ട്യ​ത്തോ​ടെ പെരു​മാ​റി​യ​പ്പോൾ,+ രാജ്യത്തെ സിംഹാ​സ​ന​ത്തിൽനിന്ന്‌ അദ്ദേഹത്തെ താഴെ ഇറക്കി; മഹത്ത്വം അദ്ദേഹ​ത്തിൽനിന്ന്‌ എടുത്തു​മാ​റ്റി. 21 മനുഷ്യരുടെ ഇടയിൽനി​ന്ന്‌ അദ്ദേഹത്തെ ഓടി​ച്ചു​ക​ളഞ്ഞു. അദ്ദേഹ​ത്തി​ന്റെ ഹൃദയം മൃഗത്തി​ന്റേ​തു​പോ​ലെ​യാ​യി. കാട്ടു​ക​ഴു​ത​ക​ളോ​ടൊ​പ്പ​മാ​യി​രു​ന്നു അദ്ദേഹ​ത്തി​ന്റെ താമസം. അദ്ദേഹ​ത്തി​നു തിന്നാൻ കാളയ്‌ക്കു കൊടു​ക്കു​ന്ന​തു​പോ​ലെ പുല്ലു കൊടു​ത്തു. ആകാശ​ത്തു​നി​ന്നുള്ള മഞ്ഞു വീണ്‌ അദ്ദേഹം നനഞ്ഞു. അങ്ങനെ, അത്യു​ന്ന​ത​ദൈ​വ​മാ​ണു മാനവ​കു​ല​ത്തി​ന്റെ രാജ്യത്തെ ഭരണാ​ധി​കാ​രി​യെ​ന്നും തനിക്ക്‌ ഇഷ്ടമു​ള്ള​വനെ ദൈവം അതിന്റെ ഭരണം ഏൽപ്പി​ക്കു​ന്നെ​ന്നും അദ്ദേഹം മനസ്സി​ലാ​ക്കി.+

22 “എന്നാൽ, അദ്ദേഹ​ത്തി​ന്റെ മകനായ ബേൽശ​സ്സരേ, ഇതെല്ലാം അറിയാ​മാ​യി​രു​ന്നി​ട്ടും അങ്ങ്‌ ഹൃദയം താഴ്‌മ​യു​ള്ള​താ​ക്കി​യില്ല. 23 പകരം, സ്വർഗാ​ധി​സ്വർഗ​ങ്ങ​ളു​ടെ കർത്താ​വിന്‌ എതിരെ അങ്ങ്‌ സ്വയം ഉയർത്തി,+ ദൈവ​ഭ​വ​ന​ത്തി​ലെ പാത്രങ്ങൾ അങ്ങയുടെ സന്നിധി​യിൽ വരുത്തി​ച്ചു.+ അങ്ങും അങ്ങയുടെ പ്രധാ​നി​ക​ളും ഉപപത്‌നി​മാ​രും വെപ്പാ​ട്ടി​ക​ളും ആ പാത്ര​ങ്ങ​ളിൽ വീഞ്ഞു കുടിച്ചു. എന്നിട്ട്‌ സ്വർണം, വെള്ളി, ചെമ്പ്‌, ഇരുമ്പ്‌, തടി, കല്ല്‌ എന്നിവ​കൊ​ണ്ടുള്ള ദൈവ​ങ്ങളെ, ഒന്നും കാണാ​നോ കേൾക്കാ​നോ അറിയാ​നോ കഴിയാത്ത ദൈവ​ങ്ങളെ, നിങ്ങൾ സ്‌തു​തി​ച്ചു.+ പക്ഷേ, അങ്ങയുടെ ജീവന്റെമേലും+ അങ്ങ്‌ ചെയ്യുന്ന എല്ലാ കാര്യ​ങ്ങ​ളു​ടെ മേലും അധികാരമുള്ള* ദൈവത്തെ അങ്ങ്‌ മഹത്ത്വ​പ്പെ​ടു​ത്തി​യില്ല. 24 അതുകൊണ്ടാണ്‌ ദൈവം കൈ അയച്ചതും ഇത്‌ എഴുതി​ച്ച​തും.+ 25 എഴുതിയിരിക്കുന്നത്‌ ഇതാണ്‌: മെനേ, മെനേ, തെക്കേൽ, പർസീൻ.

26 “വാക്കു​ക​ളു​ടെ അർഥമോ: മെനേ എന്നാൽ, ദൈവം അങ്ങയുടെ രാജ്യ​ത്തി​ന്റെ നാളുകൾ എണ്ണി അതിന്‌ അന്തം വരുത്തി​യി​രി​ക്കു​ന്നു എന്നാണ്‌.+

27 “തെക്കേൽ എന്നാൽ, അങ്ങയെ ത്രാസ്സിൽ തൂക്കി കുറവു​ള്ള​വ​നാ​യി കണ്ടിരി​ക്കു​ന്നു എന്നാണ്‌.

28 “പെരെസ്‌ എന്നാൽ, അങ്ങയുടെ രാജ്യം വിഭജി​ച്ച്‌ മേദ്യർക്കും പേർഷ്യ​ക്കാർക്കും കൊടു​ത്തി​രി​ക്കു​ന്നു എന്നും.”+

29 തുടർന്ന്‌, ബേൽശ​സ്സ​രി​ന്റെ കല്‌പ​ന​യ​നു​സ​രിച്ച്‌ അവർ ദാനി​യേ​ലി​നെ പർപ്പിൾ നിറമുള്ള വസ്‌ത്രം ധരിപ്പി​ച്ചു; ദാനി​യേ​ലി​ന്റെ കഴുത്തിൽ സ്വർണ​മാല അണിയി​ച്ചു; ദാനി​യേൽ രാജ്യത്തെ മൂന്നാ​മ​നാ​യി വാഴും എന്നു വിളം​ബരം ചെയ്‌തു.+

30 ആ രാത്രി​തന്നെ കൽദയ​രാ​ജാ​വായ ബേൽശസ്സർ കൊല്ല​പ്പെട്ടു.+ 31 രാജ്യം മേദ്യ​നായ ദാര്യാവേശിനു+ ലഭിച്ചു; അപ്പോൾ, ദാര്യാ​വേ​ശിന്‌ ഏകദേശം 62 വയസ്സു​ണ്ടാ​യി​രു​ന്നു.

6 രാജ്യത്ത്‌ അങ്ങോ​ള​മി​ങ്ങോ​ളം 120 സംസ്ഥാ​നാ​ധി​പ​തി​മാ​രെ നിയമി​ക്കു​ന്നതു നല്ലതാ​ണെന്നു ദാര്യാ​വേ​ശി​നു തോന്നി.+ 2 അവരുടെ മേൽ മൂന്ന്‌ ഉന്നതോ​ദ്യോ​ഗ​സ്ഥ​രെ​യും നിയമി​ച്ചു. ഇവരിൽ ഒരാൾ ദാനി​യേ​ലാ​യി​രു​ന്നു.+ രാജാ​വി​നു നഷ്ടമൊ​ന്നും വരാതി​രി​ക്കേ​ണ്ട​തി​നു സംസ്ഥാനാധിപതിമാർ+ ഇവരോ​ടു കണക്കു ബോധി​പ്പി​ക്ക​ണ​മാ​യി​രു​ന്നു. 3 ദാനിയേൽ മറ്റ്‌ ഉന്നതോ​ദ്യോ​ഗ​സ്ഥ​രെ​ക്കാ​ളും സംസ്ഥാ​നാ​ധി​പ​തി​മാ​രെ​ക്കാ​ളും മികച്ചു​നി​ന്നു. അസാധാ​ര​ണ​മാം​വി​ധം സമർഥ​നാ​യി​രു​ന്നു ദാനി​യേൽ.+ ദാനി​യേ​ലി​നു സ്ഥാനക്ക​യറ്റം നൽകി മുഴു​രാ​ജ്യ​ത്തി​നും മീതെ ഉയർത്താൻ രാജാവ്‌ ആലോ​ചി​ച്ചു.

4 ആ സമയത്ത്‌ ഉന്നതോ​ദ്യോ​ഗ​സ്ഥ​രും സംസ്ഥാ​നാ​ധി​പ​തി​മാ​രും ദാനി​യേ​ലിന്‌ എതിരെ രാജ്യ​കാ​ര്യ​ങ്ങ​ളോ​ടു ബന്ധപ്പെട്ട എന്തെങ്കി​ലും കുറ്റം കണ്ടുപി​ടി​ക്കാൻ നോക്കി​ന​ട​ക്കു​ക​യാ​യി​രു​ന്നു. പക്ഷേ, ആരോ​പണം ഉന്നയി​ക്കാൻ പറ്റിയ എന്തെങ്കി​ലും തെറ്റോ കുറ്റമോ കണ്ടെത്താൻ അവർക്കു കഴിഞ്ഞില്ല. കാരണം, ദാനി​യേൽ ആശ്രയ​യോ​ഗ്യ​നും ഒന്നിലും വീഴ്‌ച വരുത്താ​ത്ത​വ​നും അഴിമതി കാണി​ക്കാ​ത്ത​വ​നും ആയിരു​ന്നു. 5 അതുകൊണ്ട്‌, അവർ പറഞ്ഞു: “ഈ ദാനി​യേ​ലി​ന്റെ കാര്യ​ത്തിൽ, അയാളു​ടെ ദൈവ​ത്തി​ന്റെ നിയമത്തോടു* ബന്ധപ്പെ​ട്ട​ല്ലാ​തെ ഒരു കാര്യ​ത്തി​ലും ഒരു ആരോ​പ​ണ​വും ഉന്നയി​ക്കാ​നാ​കു​മെന്നു തോന്നു​ന്നില്ല.”+

6 അങ്ങനെ, ആ ഉന്നതോ​ദ്യോ​ഗ​സ്ഥ​രും സംസ്ഥാ​നാ​ധി​പ​തി​മാ​രും സംഘം ചേർന്ന്‌ രാജസ​ന്നി​ധി​യി​ലെത്തി. അവർ രാജാ​വി​നോ​ടു പറഞ്ഞു: “ദാര്യാ​വേശ്‌ രാജാവേ, അങ്ങ്‌ നീണാൾ വാഴട്ടെ. 7 രാജാവിന്റെ എല്ലാ ഉദ്യോ​ഗ​സ്ഥ​രും മേധാ​വി​ക​ളും സംസ്ഥാ​നാ​ധി​പ​തി​മാ​രും രാജാ​വി​ന്റെ ഉന്നതാ​ധി​കാ​രി​ക​ളും ഗവർണർമാ​രും ഒരു കാര്യം കൂടി​യാ​ലോ​ചി​ച്ചി​രി​ക്കു​ന്നു. അത്‌ ഇതാണു രാജാവേ: 30 ദിവസ​ത്തേക്ക്‌ അങ്ങയോ​ട​ല്ലാ​തെ ഏതെങ്കി​ലും ദൈവ​ത്തോ​ടോ മനുഷ്യ​നോ​ടോ അപേക്ഷ ഉണർത്തി​ക്കു​ന്ന​യാ​ളെ സിംഹ​ക്കു​ഴി​യിൽ എറിയണം.+ ഇതെക്കു​റിച്ച്‌ ഒരു രാജക​ല്‌പന പുറ​പ്പെ​ടു​വിച്ച്‌ ഒരു നിരോ​ധനം ഏർപ്പെ​ടു​ത്തണം. 8 രാജാവേ, ഇപ്പോൾ അങ്ങ്‌ അതൊരു കല്‌പ​ന​യാ​ക്കി മേദ്യ​രു​ടെ​യും പേർഷ്യ​ക്കാ​രു​ടെ​യും റദ്ദാക്കാ​നാ​കാത്ത നിയമ​മ​നു​സ​രിച്ച്‌ അതിൽ ഒപ്പു വെച്ചാ​ലും;+ അങ്ങനെ, അതിനു മാറ്റം വരുത്താൻ പറ്റാതാ​കട്ടെ.”+

9 അങ്ങനെ, ദാര്യാ​വേശ്‌ രാജാവ്‌ ആ കല്‌പ​ന​യി​ലും നിരോ​ധ​ന​ത്തി​ലും ഒപ്പു വെച്ചു.

10 എന്നാൽ, കല്‌പ​ന​യിൽ ഒപ്പു വെച്ച കാര്യം അറിഞ്ഞ ഉടനെ ദാനി​യേൽ വീട്ടി​ലേക്കു പോയി. വീടിന്റെ മുകളി​ലത്തെ മുറി​യു​ടെ ജനലുകൾ യരുശ​ലേ​മി​നു നേരെ തുറന്നു​കി​ട​ന്നി​രു​ന്നു.+ താൻ പതിവാ​യി ചെയ്‌തു​പോ​ന്ന​തു​പോ​ലെ ദാനി​യേൽ ദിവസം മൂന്നു പ്രാവ​ശ്യം തന്റെ ദൈവ​ത്തി​നു മുന്നിൽ മുട്ടു​കു​ത്തി പ്രാർഥി​ച്ച്‌ സ്‌തു​തി​കൾ അർപ്പിച്ചു. 11 അപ്പോൾ, ആ പുരു​ഷ​ന്മാർ അകത്തേക്ക്‌ ഇരച്ചു​ക​യ​റി​വന്നു. ദാനി​യേൽ തന്റെ ദൈവ​ത്തി​ന്റെ മുന്നിൽ അപേക്ഷ ഉണർത്തി​ക്കു​ന്ന​തും പ്രീതി​ക്കാ​യി യാചി​ക്കു​ന്ന​തും അവർ കണ്ടു.

12 ഉടൻതന്നെ അവർ രാജാ​വി​നെ സമീപി​ച്ച്‌ രാജാവ്‌ ഏർപ്പെ​ടു​ത്തിയ നിരോ​ധ​ന​ത്തെ​ക്കു​റിച്ച്‌ ഓർമി​പ്പി​ച്ചു: “രാജാവേ, 30 ദിവസ​ത്തേക്ക്‌ അങ്ങയോ​ട​ല്ലാ​തെ ഏതെങ്കി​ലും ദൈവ​ത്തോ​ടോ മനുഷ്യ​നോ​ടോ അപേക്ഷ ഉണർത്തി​ക്കു​ന്ന​യാ​ളെ സിംഹ​ക്കു​ഴി​യിൽ എറിയ​ണ​മെന്നു വ്യവസ്ഥ ചെയ്‌ത്‌ അങ്ങ്‌ നിരോ​ധനം ഏർപ്പെ​ടു​ത്തി ഒപ്പു വെച്ചില്ലേ?” രാജാവ്‌ പറഞ്ഞു: “മേദ്യ​രു​ടെ​യും പേർഷ്യ​ക്കാ​രു​ടെ​യും റദ്ദാക്കാ​നാ​കാത്ത നിയമ​മ​നു​സ​രിച്ച്‌ അക്കാര്യ​ത്തിന്‌ ഒരു മാറ്റവു​മില്ല.”+ 13 ഉടനെ അവർ രാജാ​വി​നോ​ടു പറഞ്ഞു: “രാജാവേ, യഹൂദ​യിൽനിന്ന്‌ പ്രവാ​സി​യാ​യി പിടി​ച്ചു​കൊ​ണ്ടു​വന്ന ദാനിയേൽ+ അങ്ങയെ​യോ അങ്ങ്‌ ഒപ്പു വെച്ച നിരോ​ധ​ന​ത്തെ​യോ ഒട്ടും വകവെ​ക്കാ​തെ ദിവസം മൂന്നു പ്രാവ​ശ്യം പ്രാർഥി​ക്കു​ന്നു.”+ 14 ഇതു കേട്ട ഉടനെ രാജാവ്‌ ആകെ വിഷമ​ത്തി​ലാ​യി. ദാനി​യേ​ലി​നെ രക്ഷപ്പെ​ടു​ത്താൻ എന്തെങ്കി​ലും വഴിയു​ണ്ടോ എന്ന്‌ അദ്ദേഹം ആലോ​ചി​ച്ചു. ദാനി​യേ​ലി​നെ രക്ഷിക്കാൻ സൂര്യൻ അസ്‌ത​മി​ക്കു​ന്ന​തു​വരെ അദ്ദേഹം സകല ശ്രമവും ചെയ്‌തു. 15 ഒടുവിൽ, ആ പുരു​ഷ​ന്മാർ സംഘം ചേർന്ന്‌ രാജാ​വി​ന്റെ അടുത്ത്‌ ചെന്ന്‌ പറഞ്ഞു: “രാജാവേ, രാജക​ല്‌പ​ന​യ്‌ക്കോ രാജാവ്‌ ഏർപ്പെ​ടു​ത്തുന്ന ഏതെങ്കി​ലും നിരോ​ധ​ന​ത്തി​നോ മാറ്റം വരുത്താൻ പാടി​ല്ലെ​ന്നാ​ണു മേദ്യ​രു​ടെ​യും പേർഷ്യ​ക്കാ​രു​ടെ​യും നിയമ​മെന്ന്‌ അങ്ങയ്‌ക്ക്‌ അറിയാ​മ​ല്ലോ.”+

16 അങ്ങനെ, രാജാവ്‌ ഉത്തരവി​ട്ടു; അവർ ദാനി​യേ​ലി​നെ കൊണ്ടു​വന്ന്‌ സിംഹ​ക്കു​ഴി​യിൽ എറിഞ്ഞു.+ രാജാവ്‌ ദാനി​യേ​ലി​നോ​ടു പറഞ്ഞു: “താങ്കൾ നിരന്തരം സേവി​ക്കുന്ന ആ ദൈവം താങ്കളെ രക്ഷിക്കും.” 17 തുടർന്ന്‌, ഒരു കല്ലു കൊണ്ടു​വന്ന്‌ കുഴി​യു​ടെ വായ്‌ അടച്ചു. ദാനി​യേ​ലി​ന്റെ കാര്യ​ത്തിൽ ഒരു മാറ്റവും വരാതി​രി​ക്കാൻ രാജാവ്‌ തന്റെ മുദ്ര​മോ​തി​രം​കൊ​ണ്ടും തന്റെ പ്രധാ​നി​ക​ളു​ടെ മുദ്ര​മോ​തി​രം​കൊ​ണ്ടും അതിനു മുദ്ര വെച്ചു.

18 പിന്നെ, രാജാവ്‌ കൊട്ടാ​ര​ത്തി​ലേക്കു പോയി. രാത്രി മുഴുവൻ ഉപവസി​ച്ചു, ഉല്ലാസ​മൊ​ന്നും വേണ്ടെന്നു വെച്ചു.* രാജാ​വിന്‌ ഉറങ്ങാൻ കഴിഞ്ഞില്ല.* 19 ഒടുവിൽ, വെട്ടം വീണ ഉടനെ രാജാവ്‌ എഴു​ന്നേറ്റ്‌ തിടു​ക്ക​ത്തിൽ സിംഹ​ക്കു​ഴി​യു​ടെ അടു​ത്തേക്കു പോയി. 20 കുഴിയുടെ അടുത്ത്‌ ചെന്ന രാജാവ്‌ ദുഃഖം കലർന്ന സ്വരത്തിൽ ദാനി​യേ​ലി​നെ വിളിച്ചു. രാജാവ്‌ ദാനി​യേ​ലി​നോ​ടു ചോദി​ച്ചു: “ജീവനുള്ള ദൈവ​ത്തി​ന്റെ ദാസനായ ദാനി​യേലേ, താങ്കൾ ഇടവി​ടാ​തെ സേവി​ക്കുന്ന ദൈവ​ത്തി​നു സിംഹ​ങ്ങ​ളിൽനിന്ന്‌ താങ്കളെ രക്ഷിക്കാ​നാ​യോ?” 21 ഉടനെ ദാനി​യേൽ രാജാ​വി​നോ​ടു പറഞ്ഞു: “രാജാവേ, അങ്ങ്‌ നീണാൾ വാഴട്ടെ. 22 എന്റെ ദൈവം തന്റെ ദൂതനെ അയച്ച്‌ സിംഹ​ങ്ങ​ളു​ടെ വായ്‌ അടച്ചു​ക​ളഞ്ഞു.+ അവ എന്നെ ഉപദ്ര​വി​ച്ചില്ല.+ കാരണം, ഞാൻ നിരപ​രാ​ധി​യാ​ണെന്നു ദൈവം കണ്ടു. രാജാവേ, അങ്ങയോ​ടും ഞാൻ ഒരു തെറ്റും ചെയ്‌തി​ട്ടി​ല്ല​ല്ലോ.”

23 രാജാവിനു വലിയ സന്തോ​ഷ​മാ​യി. ദാനി​യേ​ലി​നെ കുഴി​യിൽനിന്ന്‌ കയറ്റാൻ രാജാവ്‌ ഉത്തരവി​ട്ടു. അങ്ങനെ, ദാനി​യേ​ലി​നെ കുഴി​യിൽനിന്ന്‌ കയറ്റി. തന്റെ ദൈവ​ത്തിൽ ആശ്രയ​മർപ്പി​ച്ചി​രു​ന്ന​തു​കൊണ്ട്‌ ദാനി​യേ​ലിന്‌ ഒരു പോറൽപോ​ലും ഏറ്റിരു​ന്നില്ല.+

24 പിന്നെ, ദാനി​യേ​ലിന്‌ എതിരെ കുറ്റാ​രോ​പണം നടത്തിയ* പുരു​ഷ​ന്മാ​രെ രാജക​ല്‌പ​ന​യ​നു​സ​രിച്ച്‌ കൊണ്ടു​വന്നു. അവരെ​യും അവരുടെ പുത്ര​ന്മാ​രെ​യും ഭാര്യ​മാ​രെ​യും സിംഹ​ക്കു​ഴി​യിൽ എറിഞ്ഞു. അവർ കുഴി​യു​ടെ അടിയിൽ എത്തുന്ന​തി​നു മുമ്പേ സിംഹങ്ങൾ അവരെ കീഴ്‌പെ​ടു​ത്തി അവരുടെ അസ്ഥിക​ളെ​ല്ലാം തകർത്തു​ക​ളഞ്ഞു.+

25 പിന്നെ, ദാര്യാ​വേശ്‌ രാജാവ്‌ ഭൂമി​യി​ലെ​ങ്ങു​മുള്ള എല്ലാ ജനതകൾക്കും രാജ്യ​ക്കാർക്കും ഭാഷക്കാർക്കും ഇങ്ങനെ എഴുതി:+ “നിങ്ങൾക്കു സമൃദ്ധ​മായ സമാധാ​നം ആശംസി​ക്കു​ന്നു! 26 എന്റെ ഭരണ​പ്ര​ദേ​ശ​ത്തെ​ങ്ങു​മുള്ള സകലരും ദാനി​യേ​ലി​ന്റെ ദൈവ​ത്തി​നു മുന്നിൽ ഭയന്നു​വി​റ​യ്‌ക്ക​ണ​മെന്നു ഞാൻ ഒരു കല്‌പന പുറ​പ്പെ​ടു​വി​ക്കു​ന്നു.+ കാരണം, ആ ദൈവ​മാ​ണു ജീവനുള്ള ദൈവം, എന്നേക്കു​മു​ള്ളവൻ. ആ ദൈവ​ത്തി​ന്റെ രാജ്യം ഒരിക്ക​ലും നശിപ്പി​ക്ക​പ്പെ​ടില്ല. ആ ഭരണം എന്നെന്നും നിലനിൽക്കും.*+ 27 ആ ദൈവം വിടുവിക്കുകയും+ രക്ഷിക്കു​ക​യും ചെയ്യുന്നു, ആകാശ​ത്തി​ലും ഭൂമി​യി​ലും അടയാ​ള​ങ്ങ​ളും അത്ഭുത​ങ്ങ​ളും കാണി​ക്കു​ന്നു.+ സിംഹ​ങ്ങ​ളു​ടെ കൈയിൽനി​ന്ന്‌ ആ ദൈവം ദാനി​യേ​ലി​നെ രക്ഷിച്ച​ല്ലോ!”

28 അങ്ങനെ ദാനി​യേൽ, ദാര്യാവേശിന്റെയും+ പേർഷ്യ​ക്കാ​ര​നായ കോരെശിന്റെയും*+ ഭരണകാ​ലത്ത്‌ ഐശ്വ​ര്യ​സ​മൃ​ദ്ധി​യിൽ കഴിഞ്ഞു.

7 ബാബി​ലോ​ണി​ലെ ബേൽശസ്സർ രാജാവിന്റെ+ വാഴ്‌ച​യു​ടെ ഒന്നാം വർഷം ദാനി​യേ​ലിന്‌ ഒരു സ്വപ്‌ന​മു​ണ്ടാ​യി, കിടക്ക​യിൽവെച്ച്‌ ചില ദർശനങ്ങൾ കണ്ടു.+ ദാനി​യേൽ ആ സ്വപ്‌നം എഴുതി​വെച്ചു.+ കാര്യ​ങ്ങ​ളെ​ല്ലാം ഒന്നും വിടാതെ രേഖ​പ്പെ​ടു​ത്തി. 2 ദാനിയേൽ പറയുന്നു:

“രാത്രി​യിൽ എനിക്കു​ണ്ടായ ദിവ്യ​ദർശ​ന​ങ്ങ​ളിൽ, ഞാൻ നോക്കി​യ​പ്പോൾ അതാ, ആകാശ​ത്തി​ലെ നാലു കാറ്റ്‌ വിശാ​ല​മായ സമു​ദ്രത്തെ ഇളക്കി​മ​റി​ക്കു​ന്നു.+ 3 സമുദ്രത്തിൽനിന്ന്‌ നാലു കൂറ്റൻ മൃഗങ്ങൾ+ കയറി​വന്നു. നാലും നാലു തരം!

4 “ആദ്യ​ത്തേത്‌ ഒരു സിംഹ​ത്തെ​പ്പോ​ലെ​യി​രു​ന്നു.+ അതിനു കഴുകന്റെ ചിറകു​ണ്ടാ​യി​രു​ന്നു.+ ഞാൻ നോക്കി​ക്കൊ​ണ്ടി​രി​ക്കു​മ്പോൾ അതാ, അതിന്റെ ചിറകു​കൾ പറി​ച്ചെ​ടു​ക്കു​ന്നു. എന്നിട്ട്‌, അതിനെ ഭൂമി​യിൽനിന്ന്‌ ഉയർത്തി മനുഷ്യ​നെ​പ്പോ​ലെ രണ്ടു കാലിൽ നിറുത്തി. അതിന്‌ ഒരു മനുഷ്യ​ഹൃ​ദ​യ​വും കൊടു​ത്തു.

5 “അപ്പോൾ അതാ! മറ്റൊരു മൃഗം. രണ്ടാമത്തെ ആ മൃഗം കരടി​യെ​പ്പോ​ലെ​യി​രു​ന്നു.+ അത്‌ ഒരു വശം പൊക്കി​യാ​ണു നിന്നത്‌. വായിൽ പല്ലുകൾക്കി​ട​യിൽ മൂന്നു വാരി​യെല്ലു കടിച്ചു​പി​ടി​ച്ചി​രു​ന്നു. ‘എഴു​ന്നേറ്റ്‌ ഇഷ്ടം​പോ​ലെ ഇറച്ചി തിന്നുക’+ എന്ന്‌ അതി​നോ​ടു പറയു​ന്നതു ഞാൻ കേട്ടു.

6 “അതിനു ശേഷം ഞാൻ നോക്കു​മ്പോൾ അതാ, മറ്റൊരു മൃഗം! അതു പുള്ളി​പ്പു​ലി​യെ​പ്പോ​ലെ​യി​രു​ന്നു.+ എന്നാൽ, അതിന്റെ മുതു​കിൽ പക്ഷിയു​ടേ​തു​പോ​ലെ നാലു ചിറകു​ണ്ടാ​യി​രു​ന്നു. ആ മൃഗത്തി​നു നാലു തലയു​മു​ണ്ടാ​യി​രു​ന്നു.+ അതിനു ഭരിക്കാ​നുള്ള അധികാ​രം കിട്ടി.

7 “ഞാൻ നോക്കി​ക്കൊ​ണ്ടി​രി​ക്കു​മ്പോൾ രാത്രി​യി​ലെ ദിവ്യ​ദർശ​ന​ങ്ങ​ളിൽ പിന്നെ നാലാ​മ​തൊ​രു മൃഗത്തെ കണ്ടു. അസാധാ​ര​ണ​ബ​ല​മുള്ള, പേടി തോന്നി​പ്പി​ക്കു​ന്നൊ​രു മൃഗം; ഒരു ഭയങ്കര​രൂ​പം! അതിനു വലിയ ഇരുമ്പു​പ​ല്ലു​ക​ളു​ണ്ടാ​യി​രു​ന്നു. അത്‌ ആർത്തി​യോ​ടെ തിന്നു​ക​യും തകർക്കു​ക​യും ചെയ്‌തു​കൊ​ണ്ടി​രു​ന്നു; ബാക്കി വന്നതെ​ല്ലാം അതു കാലു​കൊണ്ട്‌ ചവിട്ടി​യ​രച്ചു.+ മുമ്പത്തെ മൃഗങ്ങ​ളിൽനി​ന്നെ​ല്ലാം ഇതു വളരെ വ്യത്യ​സ്‌ത​മാ​യി​രു​ന്നു. ഇതിനു പത്തു കൊമ്പു​ണ്ടാ​യി​രു​ന്നു. 8 ഞാൻ ആ കൊമ്പു​ക​ളെ​ക്കു​റിച്ച്‌ ചിന്തി​ച്ചു​കൊ​ണ്ടി​രു​ന്ന​പ്പോൾ മറ്റൊരു ചെറിയ കൊമ്പ്‌+ അവയ്‌ക്കി​ട​യിൽ ഉയർന്നു​വന്നു. അതിന്റെ മുന്നിൽനി​ന്ന്‌ ആദ്യത്ത​വ​യിൽ മൂന്നെ​ണ്ണത്തെ പിഴു​തു​മാ​റ്റി. അതാ, ആ കൊമ്പിൽ മനുഷ്യ​ന്റെ കണ്ണു​പോ​ലുള്ള കണ്ണുകൾ! ഗർവ​ത്തോ​ടെ സംസാരിക്കുന്ന* ഒരു വായും അതിനു​ണ്ടാ​യി​രു​ന്നു.+

9 “ഞാൻ നോക്കി​ക്കൊ​ണ്ടി​രി​ക്കു​മ്പോൾ സിംഹാ​സ​നങ്ങൾ ഒരുക്കി. പുരാ​ത​ന​കാ​ലം​മു​തലേ ഉള്ളവൻ+ ഇരുന്നു.+ അദ്ദേഹ​ത്തി​ന്റെ വസ്‌ത്രം മഞ്ഞു​പോ​ലെ വെൺമ​യു​ള്ള​താ​യി​രു​ന്നു;+ തലമുടി ശുദ്ധമായ കമ്പിളി​രോ​മം​പോ​ലെ​യി​രു​ന്നു. അഗ്നിജ്വാ​ല​ക​ളാ​യി​രു​ന്നു അദ്ദേഹ​ത്തി​ന്റെ സിംഹാ​സനം; അതിന്റെ ചക്രങ്ങൾ കത്തിജ്വ​ലി​ക്കുന്ന തീയും.+ 10 ഒരു അഗ്നിനദി അദ്ദേഹ​ത്തി​ന്റെ മുന്നിൽനി​ന്ന്‌ പുറ​പ്പെട്ട്‌ ഒഴുകി​ക്കൊ​ണ്ടി​രു​ന്നു.+ അദ്ദേഹ​ത്തി​നു ശുശ്രൂഷ ചെയ്യു​ന്ന​വ​രു​ടെ എണ്ണം ആയിര​ത്തി​ന്റെ ആയിരം മടങ്ങും അദ്ദേഹ​ത്തി​ന്റെ സന്നിധി​യിൽ നിന്നി​രു​ന്നവർ പതിനാ​യി​ര​ത്തി​ന്റെ പതിനാ​യി​രം മടങ്ങും ആയിരു​ന്നു.+ ന്യായാധിപസഭ+ ഇരുന്നു, പുസ്‌ത​കങ്ങൾ തുറന്നു.

11 “ആ കൊമ്പു ഗർവ​ത്തോ​ടെ സംസാരിക്കുന്ന* ശബ്ദം+ കേട്ട്‌ ഞാൻ നോക്കി​നി​ന്നു. ഞാൻ നോക്കി​ക്കൊ​ണ്ടി​രി​ക്കു​മ്പോൾത്തന്നെ ആ മൃഗത്തെ കൊന്ന്‌ അതിന്റെ ശരീരം നശിപ്പി​ച്ച്‌ അതിനെ തീയി​ലിട്ട്‌ ചുടാൻ കൊടു​ത്തു. 12 എന്നാൽ, മറ്റു മൃഗങ്ങ​ളു​ടെ കാര്യ​മോ?+ അവയുടെ ആധിപ​ത്യം എടുത്തു​ക​ളഞ്ഞു. ഒരു സമയ​ത്തേ​ക്കും ഒരു കാല​ത്തേ​ക്കും കൂടെ അവയുടെ ജീവൻ നീട്ടി​ക്കൊ​ടു​ത്തു.

13 “രാത്രി​യി​ലെ ദിവ്യ​ദർശ​ന​ങ്ങ​ളിൽ ഞാൻ നോക്കി​ക്കൊ​ണ്ടി​രി​ക്കു​മ്പോൾ അതാ, ആകാശ​മേ​ഘ​ങ്ങ​ളോ​ടു​കൂ​ടെ മനുഷ്യപുത്രനെപ്പോലുള്ള+ ഒരാൾ വരുന്നു. പുരാ​ത​ന​കാ​ലം​മു​തലേ ഉള്ളവന്റെ+ അടു​ത്തേക്കു ചെല്ലാൻ അവന്‌ അനുമതി ലഭിച്ചു. അവർ അവനെ അദ്ദേഹ​ത്തി​ന്റെ തൊട്ട​ടു​ത്തേക്കു കൊണ്ടു​ചെന്നു. 14 എല്ലാ ജനതക​ളും രാജ്യ​ക്കാ​രും ഭാഷക്കാ​രും അവനെ സേവിക്കേണ്ടതിന്‌+ അവന്‌ ആധിപത്യവും+ ബഹുമതിയും+ രാജ്യ​വും നൽകി. അവന്റെ ആധിപ​ത്യം ഒരിക്ക​ലും നീങ്ങി​പ്പോ​കാത്ത നിത്യാ​ധി​പ​ത്യ​വും അവന്റെ രാജ്യം നശിപ്പി​ക്ക​പ്പെ​ടാ​ത്ത​തും ആയിരി​ക്കും.+

15 “ദാനി​യേൽ എന്ന ഞാനോ ഈ ദർശന​ങ്ങ​ളൊ​ക്കെ കണ്ട്‌ ഭയന്നു​പോ​യി; എന്റെ മനസ്സ്‌ ആകെ വിഷമി​ച്ചു.+ 16 ഇതിന്റെയൊക്കെ ശരിക്കുള്ള അർഥം എന്താ​ണെന്നു ചോദി​ക്കാൻ അവിടെ നിൽക്കുന്ന ഒരാളു​ടെ അടു​ത്തേക്കു ഞാൻ ചെന്നു. അദ്ദേഹം ഇവയു​ടെ​യെ​ല്ലാം അർഥം എനിക്കു വിശദീ​ക​രി​ച്ചു​തന്നു.

17 “‘ഈ വലിയ നാലു മൃഗങ്ങൾ+ ഭൂമി​യിൽ എഴു​ന്നേൽക്കാൻപോ​കുന്ന നാലു രാജാ​ക്ക​ന്മാ​രാണ്‌.+ 18 എന്നാൽ, പരമോ​ന്ന​തന്റെ വിശുദ്ധർക്കു+ രാജ്യം ലഭിക്കും.+ ഈ രാജ്യം എന്നും അവരുടെ കൈവശം ഇരിക്കും.+ അതെ, എന്നു​മെ​ന്നേ​ക്കും അത്‌ അവരുടെ കൈയിൽ ഇരിക്കും.’

19 “അപ്പോൾ എനിക്ക്‌, മറ്റു മൃഗങ്ങ​ളിൽനി​ന്നെ​ല്ലാം വ്യത്യ​സ്‌ത​മായ നാലാ​മത്തെ മൃഗ​ത്തെ​ക്കു​റിച്ച്‌ കൂടുതൽ അറിയ​ണ​മെന്നു തോന്നി. അത്‌ അസാധാ​ര​ണ​മാം​വി​ധം ഭയം ജനിപ്പി​ക്കുന്ന, ഇരുമ്പു​പ​ല്ലു​ക​ളും ചെമ്പു​ന​ഖ​ങ്ങ​ളും ഉള്ള, ആർത്തി​യോ​ടെ തിന്നു​ക​യും തകർക്കു​ക​യും ചെയ്യുന്ന, ബാക്കി വന്നതെ​ല്ലാം കാലു​കൊണ്ട്‌ ചവിട്ടി​യ​ര​യ്‌ക്കുന്ന മൃഗമാ​യി​രു​ന്നു.+ 20 അതിന്റെ തലയിലെ പത്തു കൊമ്പിനെക്കുറിച്ചും+ പിന്നീട്‌ ഉയർന്നു​വന്ന മറ്റേ കൊമ്പി​നെ​ക്കു​റി​ച്ചും അറിയാ​നും ഞാൻ ആഗ്രഹി​ച്ചു. കണ്ണുക​ളും ഗർവ​ത്തോ​ടെ സംസാരിക്കുന്ന* വായും ഉള്ള, കാഴ്‌ച​യ്‌ക്കു മറ്റുള്ള​വ​യെ​ക്കാൾ വലുപ്പ​മു​ണ്ടാ​യി​രുന്ന ആ കൊമ്പി​നു മുന്നിൽ മൂന്നു കൊമ്പു​കൾ വീണു​പോ​യി​രു​ന്നു.+

21 “ഞാൻ നോക്കി​ക്കൊ​ണ്ടി​രു​ന്ന​പ്പോൾ ആ കൊമ്പു വിശു​ദ്ധ​രോ​ടു യുദ്ധം ചെയ്‌ത്‌ ജയിച്ച്‌ മുന്നേ​റു​ന്നതു കണ്ടു.+ 22 പുരാതനകാലംമുതലേ+ ഉള്ളവൻ വന്ന്‌ പരമോ​ന്ന​തന്റെ വിശു​ദ്ധർക്ക്‌ അനുകൂ​ല​മാ​യി വിധി പ്രസ്‌താവിക്കുന്നതുവരെ+ അതായി​രു​ന്നു സ്ഥിതി. അതോടെ, വിശു​ദ്ധർക്കു രാജ്യം കൈവ​ശ​മാ​ക്കാൻ നിശ്ചയിച്ച സമയം വന്നെത്തി.+

23 “അദ്ദേഹം പറഞ്ഞു​ത​ന്നത്‌ ഇതാണ്‌: ‘നാലാ​മത്തെ മൃഗത്തി​ന്റെ കാര്യ​മോ, ഭൂമി​യിൽ നാലാ​മ​തൊ​രു രാജ്യം ഉണ്ടാകാ​നി​രി​ക്കു​ന്നു. അതു മറ്റെല്ലാ രാജ്യ​ങ്ങ​ളിൽനി​ന്നും വ്യത്യ​സ്‌ത​മാ​യി​രി​ക്കും. അതു ഭൂമിയെ മുഴുവൻ ആർത്തി​യോ​ടെ തിന്ന്‌ അതിനെ ചവിട്ടി​യ​രച്ച്‌ തകർക്കും.+ 24 പത്തു കൊമ്പു​ക​ളു​ടെ കാര്യ​മോ, ആ രാജ്യ​ത്തു​നിന്ന്‌ പത്തു രാജാ​ക്ക​ന്മാർ ഉദയം ചെയ്യും. എന്നാൽ, അവർക്കു ശേഷം മറ്റൊരു രാജാ​വു​കൂ​ടെ ഉദയം ചെയ്യും. ആദ്യത്ത​വ​രിൽനിന്ന്‌ വ്യത്യ​സ്‌ത​നാ​യി​രി​ക്കും അയാൾ. മൂന്നു രാജാ​ക്ക​ന്മാ​രെ അയാൾ കീഴട​ക്കും.+ 25 അയാൾ അത്യു​ന്ന​തന്‌ എതിരെ സംസാ​രി​ക്കും,+ പരമോ​ന്ന​തന്റെ വിശു​ദ്ധരെ നിരന്തരം ദ്രോ​ഹി​ക്കും. കാലങ്ങ​ളും നിയമ​വും മാറ്റാൻ അയാൾ പദ്ധതി​യി​ടും. ഒരു കാലവും കാലങ്ങ​ളും അരക്കാലവും*+ കഴിയു​ന്ന​തു​വരെ അവരെ അയാളു​ടെ കൈയിൽ ഏൽപ്പി​ക്കും. 26 എന്നാൽ, ന്യായാ​ധി​പസഭ ഇരുന്നു. അയാളെ നിശ്ശേഷം നശിപ്പി​ച്ച്‌ ഇല്ലായ്‌മ ചെയ്യേ​ണ്ട​തിന്‌ അവർ അയാളു​ടെ ആധിപ​ത്യം എടുത്തു​ക​ളഞ്ഞു.+

27 “‘എന്നാൽ, പരമോ​ന്ന​തന്റെ വിശു​ദ്ധ​രായ ജനത്തിനു രാജ്യ​വും ആധിപ​ത്യ​വും ആകാശ​ത്തിൻകീ​ഴെ​ങ്ങു​മുള്ള രാജ്യ​ങ്ങ​ളു​ടെ​യെ​ല്ലാം പ്രതാ​പ​വും ലഭിച്ചു.+ അവരുടെ രാജ്യം നിത്യം നിലനിൽക്കു​ന്ന​താ​യി​രി​ക്കും.+ എല്ലാ ആധിപ​ത്യ​ങ്ങ​ളും അവരെ സേവി​ക്കു​ക​യും അനുസ​രി​ക്കു​ക​യും ചെയ്യും.’

28 “കാര്യങ്ങൾ ഇവിടെ തീരുന്നു. ദാനി​യേൽ എന്ന ഞാനോ എന്റെ ചിന്തക​ളാൽ വല്ലാതെ പരവശ​നാ​യി വിളറി​വെ​ളു​ത്തു.* പക്ഷേ, ഞാൻ ഇതെല്ലാം ഹൃദയ​ത്തിൽ സൂക്ഷിച്ചു.”

8 ദാനി​യേൽ എന്ന എനിക്ക്‌, നേരത്തേ ഉണ്ടായ ദിവ്യദർശനത്തിനു+ ശേഷം ബേൽശസ്സർ രാജാ​വി​ന്റെ വാഴ്‌ച​യു​ടെ മൂന്നാം വർഷം+ മറ്റൊരു ദിവ്യ​ദർശ​ന​മു​ണ്ടാ​യി. 2 ഏലാം+ സംസ്ഥാ​ന​ത്തി​ലെ ശൂശൻ*+ കോട്ടയിലായിരുന്നു* ഞാൻ. ഞാൻ ദർശനം കണ്ടു​കൊ​ണ്ടി​രു​ന്നു. ഊലായി നദിയുടെ* അരികിൽ ഞാൻ നിൽക്കു​ക​യാണ്‌. 3 ഞാൻ കണ്ണ്‌ ഉയർത്തി നോക്കി​യ​പ്പോൾ അതാ, നദീതീ​രത്ത്‌ ഒരു ആൺചെ​മ്മ​രി​യാട്‌!+ അതിനു രണ്ടു കൊമ്പു​ണ്ടാ​യി​രു​ന്നു.+ രണ്ടു കൊമ്പും നന്നായി നീണ്ടതാ​യി​രു​ന്നു. എന്നാൽ, ഒന്നിനു മറ്റേതി​നെ​ക്കാൾ നീളമു​ണ്ടാ​യി​രു​ന്നു. നീളക്കൂ​ടു​ത​ലു​ള്ളതു പിന്നീ​ടാണ്‌ ഉയർന്നു​വ​ന്നത്‌.+ 4 ആ ചെമ്മരി​യാ​ടു പടിഞ്ഞാ​റോ​ട്ടും വടക്കോ​ട്ടും തെക്കോ​ട്ടും ഇടിക്കു​ന്നതു ഞാൻ കണ്ടു. വന്യമൃ​ഗ​ങ്ങൾക്കൊ​ന്നും അതിന്റെ മുന്നിൽ പിടി​ച്ചു​നിൽക്കാ​നാ​യില്ല. അതിന്റെ കൈയിൽനി​ന്ന്‌ രക്ഷിക്കാൻ കഴിവുള്ള ആരുമി​ല്ലാ​യി​രു​ന്നു.+ തോന്നി​യ​തെ​ല്ലാം ചെയ്‌ത അതു വലിയ വമ്പു കാട്ടി.

5 ഞാൻ നോക്കി​ക്കൊ​ണ്ടി​രു​ന്ന​പ്പോൾ അതാ, പടിഞ്ഞാറുനിന്ന്‌* ഒരു ആൺകോ​ലാ​ടു വരുന്നു.+ നിലം തൊടാ​തെ ഭൂമി​യു​ടെ ഉപരി​തലം മുഴുവൻ താണ്ടി വരുക​യാണ്‌ അത്‌. ആരു​ടെ​യും ശ്രദ്ധയാ​കർഷി​ക്കുന്ന ഒരു കൊമ്പ്‌ അതിന്റെ കണ്ണുകൾക്കു നടുവി​ലു​ണ്ടാ​യി​രു​ന്നു.+ 6 നദീതീരത്ത്‌ നിൽക്കു​ന്ന​താ​യി ഞാൻ കണ്ട രണ്ടു കൊമ്പുള്ള ആൺചെ​മ്മ​രി​യാ​ടി​നു നേരെ​യാ​യി​രു​ന്നു അതിന്റെ വരവ്‌. ക്രോ​ധാ​വേ​ശ​ത്തോ​ടെ അത്‌ ആ ചെമ്മരി​യാ​ടി​നു നേരെ പാഞ്ഞു​ചെന്നു.

7 ആൺകോലാടു ചെമ്മരി​യാ​ടി​ന്റെ തൊട്ട​ടു​ത്തെ​ത്തി​യതു ഞാൻ കണ്ടു. അതിനു ചെമ്മരി​യാ​ടി​നോ​ടു കടുത്ത വിദ്വേ​ഷ​മാ​യി​രു​ന്നു. അതു ചെമ്മരി​യാ​ടി​നെ ഇടിച്ചു​വീ​ഴ്‌ത്തി കൊമ്പു​കൾ രണ്ടും തകർത്തു​ക​ളഞ്ഞു. കോലാ​ടി​നു മുന്നിൽ പിടി​ച്ചു​നിൽക്കാൻ ചെമ്മരി​യാ​ടി​നു ശക്തിയി​ല്ലാ​യി​രു​ന്നു. അതു ചെമ്മരി​യാ​ടി​നെ നിലത്ത്‌ വീഴ്‌ത്തി ചവിട്ടി​മെ​തി​ച്ചു. അതിന്റെ ശക്തിയിൽനിന്ന്‌* ചെമ്മരി​യാ​ടി​നെ രക്ഷിക്കാൻ ആരുമു​ണ്ടാ​യി​രു​ന്നില്ല.

8 ആൺകോലാടു തന്നെത്തന്നെ അത്യധി​കം ഉയർത്തി; എന്നാൽ, അതു ശക്തനായ ഉടനെ അതിന്റെ വലിയ കൊമ്പ്‌ ഒടിഞ്ഞു​പോ​യി; ആ കൊമ്പി​നു പകരം ആരു​ടെ​യും ശ്രദ്ധയാ​കർഷി​ക്കുന്ന നാലു കൊമ്പ്‌ ആകാശ​ത്തി​ലെ നാലു കാറ്റി​നും നേരെ മുളച്ചു​വന്നു.+

9 അതിൽ ഒന്നിൽനി​ന്ന്‌ മറ്റൊരു ചെറിയ കൊമ്പു മുളച്ചു. അതു തെക്കോ​ട്ടും കിഴക്കോട്ടും* അലങ്കാരമായതിനു*+ നേരെ​യും വളർന്ന്‌ വളരെ വലുതാ​യി. 10 അതു വളർന്നു​വ​ളർന്ന്‌ ഒടുവിൽ ആകാശ​ത്തി​ലെ സൈന്യ​ത്തിന്‌ അടുത്ത്‌ എത്തി; എന്നിട്ട്‌, ആ സൈന്യ​ത്തി​ലും നക്ഷത്ര​ങ്ങ​ളി​ലും ചിലതു ഭൂമി​യി​ലേക്കു വീഴാൻ ഇടയാക്കി. അത്‌ അവയെ ചവിട്ടി​മെ​തി​ച്ചു. 11 സൈന്യത്തിന്റെ പ്രഭു​വിന്‌ എതി​രെ​പോ​ലും അതു തന്നെത്തന്നെ ഉയർത്തി; പ്രഭു​വിൽനിന്ന്‌ പതിവുസവിശേഷത* എടുത്തു​മാ​റ്റി. പ്രഭു​വി​ന്റെ വിശു​ദ്ധ​മ​ന്ദി​രം നിന്ന സ്ഥലം നശിപ്പി​ച്ചു.+ 12 പതിവുസവിശേഷതയോടൊപ്പം* ഒരു സൈന്യ​ത്തെ അതിനു കൊടു​ത്തു; ലംഘന​മാ​യി​രു​ന്നു കാരണം. അതു നിരന്തരം സത്യത്തെ ഭൂമി​യി​ലേക്കു വലി​ച്ചെ​റി​ഞ്ഞു; അതു ചെയ്‌ത​തെ​ല്ലാം സഫലമാ​യി.

13 ഒരു വിശുദ്ധൻ സംസാ​രി​ക്കു​ന്നതു ഞാൻ കേട്ടു; സംസാ​രി​ച്ചു​കൊ​ണ്ടി​രുന്ന വിശു​ദ്ധ​നോ​ടു മറ്റൊരു വിശുദ്ധൻ ചോദി​ച്ചു: “പതിവുസവിശേഷതയെക്കുറിച്ചും* സർവനാ​ശം വിതയ്‌ക്കുന്ന ലംഘന​ത്തെ​ക്കു​റി​ച്ചും വിശു​ദ്ധ​സ്ഥ​ല​ത്തെ​യും സൈന്യ​ത്തെ​യും ചവിട്ടി​മെ​തി​ക്കു​ന്ന​തി​നെ​ക്കു​റി​ച്ചും ഉള്ള ദിവ്യ​ദർശനം എത്ര നാൾ നീണ്ടു​നിൽക്കും?”+ 14 “2,300 സന്ധ്യയും പ്രഭാ​ത​വും പിന്നി​ടു​ന്ന​തു​വരെ! അതിനു ശേഷം, വിശു​ദ്ധ​സ്ഥലം പൂർവ​സ്ഥി​തി​യി​ലാ​കും” എന്നായി​രു​ന്നു എനിക്കു കിട്ടിയ മറുപടി.

15 കണ്ടുകൊണ്ടിരിക്കുന്ന ദിവ്യ​ദർശനം മനസ്സി​ലാ​ക്കാൻ ദാനി​യേൽ എന്ന ഞാൻ ശ്രമി​ച്ചു​കൊ​ണ്ടി​രി​ക്കു​മ്പോൾ പെട്ടെന്ന്‌ അതാ, ഒരു മനുഷ്യ​രൂ​പം എന്റെ മുന്നിൽ നിൽക്കു​ന്നു! 16 പിന്നെ ഞാൻ, ഊലായിയുടെ+ നടുവിൽനി​ന്ന്‌ ഒരു മനുഷ്യ​ന്റെ ശബ്ദം കേട്ടു. അയാൾ ഇങ്ങനെ വിളി​ച്ചു​പ​റഞ്ഞു: “ഗബ്രി​യേലേ,+ അവൻ കണ്ടത്‌ അവനു മനസ്സി​ലാ​ക്കി​ക്കൊ​ടു​ക്കുക.”+ 17 അങ്ങനെ, അദ്ദേഹം ഞാൻ നിൽക്കു​ന്നി​ട​ത്തേക്കു വന്നു. അപ്പോൾ, ഞാൻ വല്ലാതെ പേടിച്ച്‌ കമിഴ്‌ന്നു​വീ​ണു. അദ്ദേഹം എന്നോടു പറഞ്ഞു: “മനുഷ്യ​പു​ത്രാ, ഈ ദിവ്യ​ദർശനം അവസാ​ന​കാ​ല​ത്തേ​ക്കു​ള്ള​താണ്‌ എന്നു മനസ്സി​ലാ​ക്കുക.”+ 18 എന്നാൽ, അദ്ദേഹം എന്നോടു സംസാ​രി​ച്ചു​കൊ​ണ്ടി​രു​ന്ന​പ്പോൾ ഞാൻ ഗാഢനി​ദ്ര​യി​ലാ​യി. കമിഴ്‌ന്നു​കി​ട​ക്കു​ക​യാ​യി​രുന്ന എന്നെ അദ്ദേഹം തൊട്ടു; ഞാൻ നേരത്തേ നിന്നി​രുന്ന സ്ഥലത്തു​തന്നെ എന്നെ എഴു​ന്നേൽപ്പി​ച്ചു​നി​റു​ത്തി.+ 19 എന്നിട്ട്‌, എന്നോടു പറഞ്ഞു: “ക്രോ​ധ​ത്തി​ന്റെ അവസാ​ന​ഘ​ട്ട​ത്തിൽ എന്തു സംഭവി​ക്കു​മെന്നു ഞാൻ നിന്നെ അറിയി​ക്കാൻ പോകു​ക​യാണ്‌. കാരണം, അത്‌ അവസാ​ന​ത്തി​നു​വേണ്ടി നിശ്ചയിച്ച കാലത്ത്‌ സംഭവി​ക്കാ​നു​ള്ള​താണ്‌.+

20 “നീ കണ്ട രണ്ടു കൊമ്പുള്ള ആൺചെ​മ്മ​രി​യാ​ടു മേദ്യ​യി​ലെ​യും പേർഷ്യ​യി​ലെ​യും രാജാ​ക്ക​ന്മാ​രെ കുറി​ക്കു​ന്നു.+ 21 ധാരാളം രോമ​മുള്ള ആൺകോ​ലാ​ടു ഗ്രീസി​ലെ രാജാവിനെയും+ അതിന്റെ കണ്ണുകൾക്കു നടുവി​ലുള്ള വലിയ കൊമ്പ്‌ ആദ്യത്തെ രാജാ​വി​നെ​യും കുറി​ക്കു​ന്നു.+ 22 ഒടിഞ്ഞുപോയ ആ കൊമ്പി​നു പകരം നാലു കൊമ്പു​കൾ ഉയർന്നു​വ​ന്ന​തോ,+ അദ്ദേഹ​ത്തി​ന്റെ രാജ്യ​ത്തിൽനിന്ന്‌ നാലു രാജ്യങ്ങൾ ഉയർന്നു​വ​രും. പക്ഷേ, അദ്ദേഹ​ത്തി​ന്റെ ശക്തി അവയ്‌ക്കു​ണ്ടാ​യി​രി​ക്കില്ല.

23 “അവരുടെ രാജ്യം അവസാ​നി​ക്കാ​റാ​കു​മ്പോൾ, ലംഘകർ ലംഘനം തികയ്‌ക്കുന്ന സമയത്ത്‌* ഗൂഢാർഥ​പ്ര​യോ​ഗങ്ങൾ മനസ്സി​ലാ​ക്കാൻ കഴിവുള്ള,* കണ്ടാൽ പേടി തോന്നുന്ന ഒരു രാജാവ്‌ എഴു​ന്നേൽക്കും. 24 അദ്ദേഹം വളരെ ശക്തനാ​കും; പക്ഷേ, സ്വന്തം ശക്തിയാ​ലാ​യി​രി​ക്കില്ല. അദ്ദേഹം അസാധാ​ര​ണ​മായ വിധത്തിൽ നാശം* വിതയ്‌ക്കും, താൻ ഉദ്ദേശി​ക്കു​ന്ന​തെ​ല്ലാം ഫലപ്ര​ദ​മാ​യി നടപ്പാ​ക്കും. അദ്ദേഹം ചെയ്യു​ന്ന​തെ​ല്ലാം സഫലമാ​കും. ശക്തന്മാർക്കും വിശു​ദ്ധ​ജ​ന​ത്തി​നും അദ്ദേഹം നാശം വരുത്തും.+ 25 കൗശലക്കാരനായ അദ്ദേഹം ചതിയി​ലൂ​ടെ കാര്യം സാധി​ക്കും; സ്വന്തഹൃ​ദ​യ​ത്തിൽ വലുപ്പം ഭാവി​ക്കും; സുരക്ഷി​ത​ത്വം കളിയാ​ടുന്ന ഒരു സമയത്ത്‌* അനേകരെ നശിപ്പി​ക്കും. അദ്ദേഹം പ്രഭു​ക്ക​ന്മാ​രു​ടെ പ്രഭു​വിന്‌ എതി​രെ​പോ​ലും എഴു​ന്നേൽക്കും. പക്ഷേ, അദ്ദേഹം തകർന്നു​പോ​കും. എന്നാൽ മനുഷ്യ​ന്റെ കൈയാ​ലാ​യി​രി​ക്കില്ല.

26 “സന്ധ്യക​ളെ​യും പ്രഭാ​ത​ങ്ങ​ളെ​യും കുറിച്ച്‌ ദിവ്യ​ദർശ​ന​ത്തിൽ പറഞ്ഞതു സത്യമാ​ണ്‌. എങ്കിലും നീ ദർശനം രഹസ്യ​മാ​യി സൂക്ഷി​ക്കണം. കാരണം, അതു വിദൂ​ര​ഭാ​വി​യി​ലേ​ക്കു​ള്ള​താണ്‌.”*+

27 ദാനിയേൽ എന്ന ഞാൻ ആകെ ക്ഷീണിച്ച്‌ തളർന്ന്‌ കുറച്ച്‌ ദിവസ​ത്തേക്ക്‌ അസുഖം പിടിച്ച്‌ കിടന്നു.+ പിന്നെ, എഴു​ന്നേറ്റ്‌ രാജാവ്‌ ഏൽപ്പിച്ച ജോലി​കൾ ചെയ്‌തു.+ എങ്കിലും, ഇതൊക്കെ കണ്ട്‌ ഞാൻ ആകെ മരവിച്ച ഒരു അവസ്ഥയി​ലാ​യി​രു​ന്നു; ദിവ്യ​ദർശനം ആർക്കും മനസ്സി​ലാ​ക്കാ​നാ​യ​തു​മില്ല.+

9 അഹശ്വേ​ര​ശി​ന്റെ മകനായ ദാര്യാ​വേ​ശി​ന്റെ വാഴ്‌ച​യു​ടെ ഒന്നാം വർഷം+—മേദ്യ​വം​ശ​ജ​നായ അദ്ദേഹ​ത്തെ​യാ​ണു കൽദയ​രു​ടെ രാജ്യ​ത്തി​ന്റെ രാജാ​വാ​ക്കി​യത്‌.+— 2 അതെ, അദ്ദേഹ​ത്തി​ന്റെ ഭരണത്തി​ന്റെ ഒന്നാം വർഷം ദാനി​യേൽ എന്ന ഞാൻ, യരുശ​ലേം എത്ര വർഷം വിജനമായിക്കിടക്കുമെന്നു+ ഗ്രന്ഥങ്ങളിൽനിന്ന്‌* മനസ്സി​ലാ​ക്കി​യെ​ടു​ത്തു. യിരെമ്യ പ്രവാ​ച​ക​നോ​ടുള്ള യഹോ​വ​യു​ടെ വചനത്തിൽ സൂചി​പ്പി​ച്ചി​രുന്ന ആ കാലഘട്ടം 70 വർഷമാ​യി​രി​ക്കു​മെന്നു ഞാൻ തിരി​ച്ച​റി​ഞ്ഞു.+ 3 അതുകൊണ്ട്‌, ഞാൻ സത്യ​ദൈ​വ​മായ യഹോ​വ​യി​ലേക്ക്‌ എന്റെ മുഖം തിരിച്ചു; വിലാ​പ​വ​സ്‌ത്രം ധരിച്ച്‌ ചാരത്തി​ലി​രുന്ന്‌ ഉപവസിച്ച+ ഞാൻ പ്രാർഥ​ന​യിൽ ദൈവ​ത്തോ​ടു കെഞ്ചി​യ​പേ​ക്ഷി​ച്ചു. 4 എന്റെ ദൈവ​മായ യഹോ​വ​യോ​ടു കുറ്റങ്ങൾ ഏറ്റുപ​റഞ്ഞ്‌ ഞാൻ ഇങ്ങനെ പ്രാർഥി​ച്ചു:

“സത്യ​ദൈ​വ​മായ യഹോവേ, അങ്ങയെ സ്‌നേ​ഹിച്ച്‌ അങ്ങയുടെ കല്‌പ​നകൾ അനുസരിക്കുന്നവരോട്‌+ അചഞ്ചലസ്‌നേഹം+ കാണി​ക്കു​ക​യും ഉടമ്പടി പാലി​ക്കു​ക​യും ചെയ്യുന്ന, ഭയാദ​രവ്‌ ഉണർത്തുന്ന, മഹാനായ ദൈവമേ, 5 ഞങ്ങൾ പാപം ചെയ്‌തി​രി​ക്കു​ന്നു; ഞങ്ങൾ തെറ്റു ചെയ്‌തു, മഹാപാ​തകം പ്രവർത്തി​ച്ചു;+ ഞങ്ങൾ അങ്ങയെ ധിക്കരി​ച്ച്‌ അങ്ങയുടെ കല്‌പ​ന​ക​ളും വിധി​ക​ളും വിട്ടു​മാ​റി​യി​രി​ക്കു​ന്നു. 6 അങ്ങയുടെ നാമത്തിൽ ഞങ്ങളുടെ രാജാ​ക്ക​ന്മാ​രോ​ടും പ്രഭു​ക്ക​ന്മാ​രോ​ടും പൂർവി​ക​രോ​ടും ദേശത്തെ സർവജ​ന​ങ്ങ​ളോ​ടും സംസാ​രിച്ച അങ്ങയുടെ ദാസരായ പ്രവാ​ച​ക​ന്മാർക്കു ഞങ്ങൾ ശ്രദ്ധ കൊടു​ത്തില്ല.+ 7 യഹോവേ, നീതി അങ്ങയു​ടേത്‌. ഞങ്ങൾക്കു​ള്ള​തോ, ഇന്നു കാണു​ന്ന​തു​പോ​ലെ നാണ​ക്കേ​ടും. അതെ, അങ്ങയോ​ട്‌ അവിശ്വ​സ്‌തത കാണി​ച്ച​തു​കൊണ്ട്‌ അടുത്തും അകലെ​യും ഉള്ള പല ദേശങ്ങ​ളി​ലേക്ക്‌ അങ്ങ്‌ ചിതറി​ച്ചു​കളഞ്ഞ ഇസ്രാ​യേൽ മുഴു​വ​നും യരുശ​ലേം​നി​വാ​സി​ക​ളും യഹൂദാ​പു​രു​ഷ​ന്മാ​രും ലജ്ജിത​രാ​യി​രി​ക്കു​ന്നു.+

8 “യഹോവേ, ഞങ്ങൾ ലജ്ജിത​രാ​കേ​ണ്ട​വർത​ന്നെ​യാണ്‌; ഞങ്ങളുടെ രാജാ​ക്ക​ന്മാ​രും പ്രഭു​ക്ക​ന്മാ​രും പൂർവി​ക​രും നാണം​കെ​ടണം. കാരണം, ഞങ്ങൾ അങ്ങയ്‌ക്കെ​തി​രെ പാപം ചെയ്‌ത​ല്ലോ. 9 ഞങ്ങളുടെ ദൈവ​മായ യഹോവ കരുണ​യുള്ള​വനും ക്ഷമി​ക്കുന്ന​വനും ആണ്‌.+ ഞങ്ങൾ പക്ഷേ ദൈവത്തെ ധിക്കരി​ച്ചു.+ 10 തന്റെ ദാസരായ പ്രവാ​ച​ക​ന്മാ​രി​ലൂ​ടെ ദൈവം ഞങ്ങളുടെ മുന്നിൽ വെച്ച നിയമങ്ങൾ ഞങ്ങൾ അനുസ​രി​ച്ചില്ല. അങ്ങനെ, ഞങ്ങൾ ഞങ്ങളുടെ ദൈവ​മായ യഹോ​വ​യു​ടെ വാക്കു കേട്ടനു​സ​രി​ച്ചില്ല.+ 11 ഇസ്രായേൽ മുഴുവൻ അങ്ങയുടെ നിയമം ലംഘിച്ച്‌ അങ്ങയുടെ വാക്കു കേട്ടനു​സ​രി​ക്കാ​തെ വഴി​തെ​റ്റി​പ്പോ​യി​രി​ക്കു​ന്നു. അതു​കൊണ്ട്‌, സത്യ​ദൈ​വ​ത്തി​ന്റെ ദാസനായ മോശ​യു​ടെ നിയമ​ത്തിൽ എഴുതി​യി​രി​ക്കുന്ന ശാപവും അതിൽ ആണയിട്ട്‌ പറഞ്ഞ കാര്യ​വും അങ്ങ്‌ ഞങ്ങളുടെ മേൽ ചൊരി​ഞ്ഞു;+ ഞങ്ങൾ ദൈവ​ത്തിന്‌ എതിരെ പാപം ചെയ്‌ത​ല്ലോ. 12 ദൈവം ഞങ്ങളുടെ മേൽ മഹാവി​പത്തു വരുത്തി. അങ്ങനെ, ഞങ്ങൾക്കെ​തി​രെ​യും ഞങ്ങളെ ഭരിച്ച ഭരണാധികാരികൾക്കെതിരെയും* പറഞ്ഞ​തെ​ല്ലാം ദൈവം നിറ​വേറ്റി.+ യരുശ​ലേ​മിൽ സംഭവി​ച്ച​തു​പോ​ലെ ആകാശ​ത്തിൻകീ​ഴെ​ങ്ങും ഒരിക്ക​ലും സംഭവി​ച്ചി​ട്ടില്ല.+ 13 മോശയുടെ നിയമ​ത്തിൽ എഴുതി​യി​ട്ടു​ള്ള​തു​പോ​ലെ ഈ വിപത്തു​ക​ളെ​ല്ലാം ഞങ്ങളുടെ മേൽ വന്നു.+ എന്നിട്ടും ഞങ്ങൾ ഞങ്ങളുടെ ദൈവ​മായ യഹോ​വ​യോ​ടു പ്രീതി​ക്കാ​യി യാചി​ച്ചില്ല; അതെ, ഞങ്ങൾ ഞങ്ങളുടെ തെറ്റുകൾ വിട്ടകലുകയോ+ ദിവ്യസത്യത്തെപ്പറ്റി* ഉൾക്കാ​ഴ്‌ച​യു​ള്ള​വ​രെന്നു തെളി​യി​ക്കു​ക​യോ ചെയ്‌തില്ല.

14 “അതു​കൊണ്ട്‌ അതൊക്കെ ശ്രദ്ധി​ച്ചു​കൊ​ണ്ടി​രുന്ന യഹോവ ഒടുവിൽ ഞങ്ങളുടെ മേൽ വിപത്തു വരുത്തി. ഞങ്ങളുടെ ദൈവ​മായ യഹോവ താൻ ചെയ്‌തി​ട്ടുള്ള ഏതു കാര്യ​ത്തി​ലും നീതി​മാ​നാ​ണ​ല്ലോ. എന്നിട്ടും ഞങ്ങൾ ദൈവ​ത്തി​ന്റെ വാക്കു കേട്ടനു​സ​രി​ച്ചില്ല.+

15 “ബലമുള്ള കൈ​കൊണ്ട്‌ ഈജി​പ്‌ത്‌ ദേശത്തു​നിന്ന്‌ തന്റെ ജനത്തെ വിടു​വിച്ച്‌ കൊണ്ടുവന്ന്‌+ തനിക്കു​വേണ്ടി ഇന്നും നിലനിൽക്കുന്ന ഒരു പേര്‌ നേടിയ ഞങ്ങളുടെ ദൈവ​മായ യഹോവേ,+ ഞങ്ങൾ പാപം ചെയ്‌തി​രി​ക്കു​ന്നു; മഹാപാ​ത​ക​മാ​ണു ഞങ്ങൾ ചെയ്‌തത്‌. 16 യഹോവേ, അങ്ങയുടെ നീതി​യുള്ള സകല പ്രവൃ​ത്തി​കൾക്കും ചേർച്ച​യിൽ,+ അങ്ങയുടെ കോപ​വും ക്രോ​ധ​വും യരുശ​ലേം നഗരത്തെ, അങ്ങയുടെ വിശു​ദ്ധ​പർവ​തത്തെ, വിട്ടു​നീ​ങ്ങാൻ ദയവായി ഇടയാ​ക്കേ​ണമേ. കാരണം, ഞങ്ങളുടെ പാപങ്ങ​ളും ഞങ്ങളുടെ പൂർവി​ക​രു​ടെ തെറ്റു​ക​ളും നിമിത്തം യരുശ​ലേ​മും അങ്ങയുടെ ജനവും ചുറ്റു​മുള്ള സകലർക്കും ഒരു നിന്ദാ​വി​ഷ​യ​മാണ്‌.+ 17 അതുകൊണ്ട്‌ ഞങ്ങളുടെ ദൈവമേ, അങ്ങയുടെ ഈ ദാസന്റെ പ്രാർഥ​ന​യും യാചന​ക​ളും ഇപ്പോൾ ശ്രദ്ധി​ക്കേ​ണമേ. യഹോവേ, നശിച്ചുകിടക്കുന്ന+ അങ്ങയുടെ വിശു​ദ്ധ​മ​ന്ദി​ര​ത്തി​ന്മേൽ അങ്ങയെ കരുതി തിരു​മു​ഖം പ്രകാ​ശി​പ്പി​ക്കേ​ണമേ.+ 18 എന്റെ ദൈവമേ, ചെവി ചായിച്ച്‌ കേൾക്കേ​ണമേ! കണ്ണുകൾ തുറന്ന്‌ ഞങ്ങളുടെ നഗരം നശിച്ചു​കി​ട​ക്കു​ന്നതു കാണേ​ണമേ, അങ്ങയുടെ പേരിൽ അറിയ​പ്പെ​ടുന്ന നഗരത്തെ നോ​ക്കേ​ണമേ. ഞങ്ങൾ അങ്ങയോ​ടു യാചി​ക്കു​ന്നതു ഞങ്ങളുടെ നീതി​പ്ര​വൃ​ത്തി​ക​ളു​ടെ പേരിലല്ല, അങ്ങയുടെ മഹാക​രുണ നിമി​ത്ത​മാണ്‌.+ 19 യഹോവേ, കേൾക്കേ​ണമേ. യഹോവേ, ക്ഷമി​ക്കേ​ണമേ.+ യഹോവേ, ഞങ്ങളെ ശ്രദ്ധിച്ച്‌ ഞങ്ങൾക്കു​വേണ്ടി പ്രവർത്തി​ക്കേ​ണമേ! അങ്ങയുടെ നഗരവും അങ്ങയുടെ ജനവും അങ്ങയുടെ പേരി​ലാ​ണ​ല്ലോ അറിയ​പ്പെ​ടു​ന്നത്‌. അതു​കൊണ്ട്‌ എന്റെ ദൈവമേ, അങ്ങയെ കരുതി താമസി​ക്ക​രു​തേ!”+

20 ഞാൻ ഇങ്ങനെ സംസാ​രി​ക്കു​ക​യും പ്രാർഥി​ക്കു​ക​യും എന്റെയും എന്റെ ജനമായ ഇസ്രാ​യേ​ലി​ന്റെ​യും പാപങ്ങൾ ഏറ്റുപ​റ​യു​ക​യും ദൈവ​ത്തി​ന്റെ വിശുദ്ധപർവതത്തോടു+ പ്രീതി കാണി​ക്ക​ണ​മെന്ന്‌ എന്റെ ദൈവ​മായ യഹോ​വ​യു​ടെ മുമ്പാകെ അപേക്ഷി​ക്കു​ക​യും ചെയ്യു​ക​യാ​യി​രു​ന്നു. 21 അതെ, ഞാൻ പ്രാർഥി​ച്ചു​കൊ​ണ്ടി​രു​ന്ന​പ്പോൾ, നേരത്തേ ഞാൻ ദർശന​ത്തിൽ കണ്ട+ ഗബ്രി​യേൽ എന്നയാൾ+ എന്റെ അടുത്ത്‌ വന്നു. ഞാൻ അപ്പോൾ ആകെ അവശനാ​യി​രു​ന്നു; വൈകു​ന്നേ​രത്തെ കാഴ്‌ച അർപ്പി​ക്കുന്ന സമയമാ​യി​രു​ന്നു അത്‌. 22 എനിക്കു ഗ്രഹി​ക്കാ​നുള്ള ശക്തി തന്നു​കൊണ്ട്‌ അദ്ദേഹം പറഞ്ഞു:

“ദാനി​യേലേ, നിനക്ക്‌ ഉൾക്കാ​ഴ്‌ച​യും ഗ്രഹണ​ശ​ക്തി​യും തരാനാ​ണു ഞാൻ ഇപ്പോൾ വന്നത്‌. 23 നീ യാചി​ച്ചു​തു​ട​ങ്ങി​യ​പ്പോൾത്തന്നെ എനിക്ക്‌ ഒരു സന്ദേശം കിട്ടി; അതു നിന്നെ അറിയി​ക്കാ​നാ​ണു ഞാൻ വന്നത്‌. കാരണം, നീ വളരെ പ്രിയ​പ്പെ​ട്ട​വ​നാണ്‌.*+ അതു​കൊണ്ട്‌, ഞാൻ പറയു​ന്നതു ശ്രദ്ധിച്ച്‌ ദർശനം മനസ്സി​ലാ​ക്കി​ക്കൊ​ള്ളുക.

24 “ലംഘനം അവസാ​നി​പ്പി​ക്കാ​നും പാപം ഇല്ലാതാക്കാനും+ തെറ്റിനു പ്രായ​ശ്ചി​ത്തം ചെയ്യാനും+ നിത്യ​നീ​തി കൊണ്ടുവരാനും+ ദിവ്യ​ദർശ​ന​വും പ്രവചനവും* മുദ്രയിടാനും+ ഏറ്റവും വിശുദ്ധമായതിനെ* അഭി​ഷേകം ചെയ്യാ​നും വേണ്ടി നിന്റെ ജനത്തി​നും നിന്റെ വിശു​ദ്ധ​ന​ഗ​ര​ത്തി​നും 70 ആഴ്‌ച* നിശ്ചയി​ച്ചി​രി​ക്കു​ന്നു.+ 25 യരുശലേം പുതു​ക്കി​പ്പ​ണിത്‌ പൂർവസ്ഥിതിയിലാക്കാൻ+ കല്‌പന പുറ​പ്പെ​ടു​ന്ന​തു​മു​തൽ നേതാവായ+ മിശിഹ* വരെ+ 7 ആഴ്‌ച​യു​ണ്ടാ​യി​രി​ക്കും, കൂടാതെ 62 ആഴ്‌ച​യും.+ നീ അത്‌ അറിയണം, അതു മനസ്സി​ലാ​ക്കണം. പൊതുസ്ഥലവും* കിടങ്ങും സഹിതം അവളെ പുതു​ക്കി​പ്പ​ണിത്‌ പൂർവ​സ്ഥി​തി​യി​ലാ​ക്കും. എന്നാൽ, കഷ്ടത നിറഞ്ഞ സമയത്താ​യി​രി​ക്കും അതു സംഭവി​ക്കുക.

26 “62 ആഴ്‌ച​യ്‌ക്കു ശേഷം മിശി​ഹയെ വധിക്കും;+ അവന്റേ​താ​യി ഒന്നും ശേഷി​ക്കില്ല.+

“ഒരു നേതാവ്‌ വരുന്നു. അവന്റെ ആൾക്കാർ നഗരവും വിശു​ദ്ധ​സ്ഥ​ല​വും നശിപ്പി​ക്കും.+ അതിന്റെ അവസാനം പ്രളയ​ത്താ​ലാ​യി​രി​ക്കും. അവസാ​നം​വരെ യുദ്ധമു​ണ്ടാ​കും. നാശമാ​ണ്‌ അതിനു നിശ്ചയി​ച്ചി​രി​ക്കു​ന്നത്‌.+

27 “അവൻ അനേകർക്കു​വേണ്ടി ഒരു ആഴ്‌ച​ത്തേക്ക്‌ ഉടമ്പടി പ്രാബ​ല്യ​ത്തിൽ നിറു​ത്തും. ആഴ്‌ച പകുതി​യാ​കു​മ്പോൾ, ബലിയും കാഴ്‌ച​യും അർപ്പി​ക്കു​ന്നതു നിന്നു​പോ​കാൻ അവൻ ഇടയാ​ക്കും.+

“നാശം വിതയ്‌ക്കു​ന്നവൻ മ്ലേച്ഛവ​സ്‌തു​ക്ക​ളു​ടെ ചിറകി​ലേറി വരും.+ നശിച്ചു​കി​ട​ക്കു​ന്നതു സമ്പൂർണ​മാ​യി നശിക്കു​ന്ന​തു​വരെ, നിശ്ചയി​ച്ചു​വെ​ച്ചി​രി​ക്കു​ന്നത്‌ അതിന്മേൽ ചൊരി​യും.”

10 പേർഷ്യൻ രാജാ​വായ കോ​രെ​ശി​ന്റെ വാഴ്‌ച​യു​ടെ മൂന്നാം വർഷം,+ ബേൽത്ത്‌ശസ്സർ എന്നു വിളി​ച്ചി​രുന്ന ദാനിയേലിന്‌+ ഒരു വെളി​പാ​ടു ലഭിച്ചു. സന്ദേശം സത്യമാ​യി​രു​ന്നു; വലി​യൊ​രു പോരാ​ട്ട​ത്തെ​ക്കു​റി​ച്ചാ​യി​രു​ന്നു അത്‌. ദാനി​യേ​ലി​നു സന്ദേശം മനസ്സി​ലാ​യി. കണ്ടതു നന്നായി ഗ്രഹി​ക്കാൻ ദാനി​യേ​ലി​നു സഹായം ലഭിച്ചു.

2 അക്കാലത്ത്‌, ദാനി​യേൽ എന്ന ഞാൻ മൂന്ന്‌ ആഴ്‌ച​ക്കാ​ലം ദുഃഖാ​ച​ര​ണ​ത്തി​ലാ​യി​രു​ന്നു.+ 3 വിശിഷ്ടവിഭവങ്ങളൊന്നും ഞാൻ കഴിച്ചില്ല, ഇറച്ചി​യോ വീഞ്ഞോ തൊട്ടില്ല, മൂന്ന്‌ ആഴ്‌ച​ക്കാ​ലം ദേഹത്ത്‌ എണ്ണ തേച്ചു​മില്ല. 4 ഒന്നാം മാസം 24-ാം ദിവസം. ഞാൻ ടൈഗ്രിസ്‌*+ മഹാന​ദി​യു​ടെ തീരത്താ​യി​രുന്ന സമയം. 5 ഞാൻ തല പൊക്കി നോക്കി​യ​പ്പോൾ അതാ, ലിനൻവ​സ്‌ത്രം ധരിച്ച ഒരാൾ!+ അദ്ദേഹ​ത്തി​ന്റെ അരയിൽ ഊഫാ​സി​ലെ സ്വർണം​കൊ​ണ്ടുള്ള അരപ്പട്ട​യു​ണ്ടാ​യി​രു​ന്നു. 6 അദ്ദേഹത്തിന്റെ ശരീരം പീതര​ത്‌നം​പോ​ലെ​യി​രു​ന്നു!+ മുഖത്തി​നു മിന്നൽപ്പി​ണ​രി​ന്റെ പ്രകാ​ശ​മാ​യി​രു​ന്നു! കണ്ണുകൾ തീപ്പന്തം​പോ​ലെ ജ്വലിച്ചു! കൈയും കാലും തേച്ചു​മി​നു​ക്കിയ ചെമ്പു​പോ​ലി​രു​ന്നു!+ ജനക്കൂ​ട്ട​ത്തി​ന്റെ ആരവം​പോ​ലി​രു​ന്നു അദ്ദേഹ​ത്തി​ന്റെ ശബ്ദഗാം​ഭീ​ര്യം. 7 ദാനിയേൽ എന്ന ഞാൻ മാത്ര​മാ​ണു ദർശനം കണ്ടത്‌. എന്റെ കൂടെ​യു​ണ്ടാ​യി​രു​ന്നവർ അതു കണ്ടില്ല.+ എങ്കിലും വല്ലാ​ത്തൊ​രു പേടി അവരെ പിടി​കൂ​ടി; അവർ ഓടി​യൊ​ളി​ച്ചു.

8 അങ്ങനെ, ഞാൻ ഒറ്റയ്‌ക്കാ​യി. ഈ മഹാദർശനം കണ്ടപ്പോൾ എന്റെ ശക്തി മുഴുവൻ ചോർന്നു​പോ​യി, എന്റെ ചൈത​ന്യം നഷ്ടമായി. എനിക്ക്‌ ഒട്ടും ബലമി​ല്ലാ​താ​യി.+ 9 അപ്പോൾ, അദ്ദേഹം സംസാ​രി​ക്കു​ന്നതു ഞാൻ കേട്ടു. പക്ഷേ, അതു കേട്ട​പ്പോൾ ഞാൻ ഗാഢനി​ദ്ര​യി​ലാ​യി; നിലത്ത്‌ കമിഴ്‌ന്നു​കി​ടന്ന്‌ ഞാൻ ഉറങ്ങി.+ 10 അപ്പോൾ, ഒരു കൈ എന്നെ തൊട്ടു.+ അത്‌ എന്നെ കുലു​ക്കി​വി​ളി​ച്ച​പ്പോൾ ഞാൻ മുട്ടു​കു​ത്തി കൈകൾ ഊന്നി നിന്നു. 11 അപ്പോൾ, അദ്ദേഹം പറഞ്ഞു:

“എത്രയും പ്രിയപ്പെട്ട* ദാനി​യേലേ,+ ഞാൻ പറയാൻപോ​കുന്ന കാര്യങ്ങൾ ശ്രദ്ധി​ച്ചു​കേൾക്കണം. എഴു​ന്നേ​റ്റു​നിൽക്ക്‌! നിന്നെ വന്നുകാ​ണാ​നാണ്‌ എന്നെ അയച്ചത്‌.”

അദ്ദേഹം ഇതു പറഞ്ഞ​പ്പോൾ ഞാൻ വിറച്ചു​വി​റച്ച്‌ എഴു​ന്നേ​റ്റു​നി​ന്നു.

12 അദ്ദേഹം എന്നോടു പറഞ്ഞു: “ദാനി​യേലേ, പേടി​ക്കേണ്ടാ.+ നീ ഗ്രാഹ്യം നേടാൻ മനസ്സു​വെച്ച്‌ നിന്റെ ദൈവ​ത്തി​ന്റെ മുമ്പാകെ നിന്നെ​ത്തന്നെ താഴ്‌ത്തിയ ആദ്യദി​വ​സം​മു​തലേ നിന്റെ വാക്കുകൾ കേട്ടി​രി​ക്കു​ന്നു. നിന്റെ പ്രാർഥന നിമി​ത്ത​മാ​ണു ഞാൻ വന്നത്‌.+ 13 പക്ഷേ, പേർഷ്യൻ സാമ്രാ​ജ്യ​ത്തി​ന്റെ പ്രഭു+ 21 ദിവസം എന്നോട്‌ എതിർത്തു​നി​ന്നു. എന്നാൽ, പ്രധാനപ്രഭുക്കന്മാരിൽ* ഒരാളായ മീഖായേൽ*+ അപ്പോൾ എന്നെ സഹായി​ക്കാൻ വന്നു. ഞാനോ അവിടെ പേർഷ്യൻ രാജാ​ക്ക​ന്മാ​രു​ടെ അടുത്ത്‌ നിന്നു. 14 അവസാനനാളുകളിൽ നിന്റെ ജനത്തിന്‌ എന്തു സംഭവി​ക്കു​മെന്നു നിന്നെ അറിയി​ക്കാ​നാ​ണു ഞാൻ വന്നിരി​ക്കു​ന്നത്‌.+ കാരണം, ആ ദിവ്യ​ദർശനം ഭാവി​യി​ലേ​ക്കു​ള്ള​താണ്‌.”+

15 അദ്ദേഹം എന്നോടു സംസാ​രി​ച്ചു​കൊ​ണ്ടി​രു​ന്ന​പ്പോൾ ഞാൻ തല കുനിച്ചു; എനിക്കു മിണ്ടാൻ പറ്റാതാ​യി. 16 അപ്പോൾ, മനുഷ്യ​നെ​പ്പോ​ലി​രി​ക്കുന്ന ആൾ എന്റെ ചുണ്ടു​ക​ളിൽ തൊട്ടു.+ ഞാൻ വായ്‌ തുറന്ന്‌ എന്റെ മുന്നിൽ നിൽക്കുന്ന വ്യക്തി​യോ​ടു പറഞ്ഞു: “എന്റെ യജമാ​നനേ, ദിവ്യ​ദർശനം കാരണം ഞാൻ പേടി​ച്ചു​വി​റ​യ്‌ക്കു​ക​യാണ്‌. എനിക്ക്‌ ഒട്ടും ബലമില്ല.+ 17 പിന്നെ, ഈ ദാസൻ യജമാ​ന​നോട്‌ എങ്ങനെ സംസാ​രി​ക്കും?+ ഇപ്പോൾ എനിക്ക്‌ ഒട്ടും ബലമില്ല; എന്നിൽ ശ്വാസം​പോ​ലും ബാക്കി​യില്ല.”+

18 മനുഷ്യനെപ്പോലിരിക്കുന്ന ആൾ എന്നെ വീണ്ടും തൊട്ട്‌ ബലപ്പെ​ടു​ത്തി.+ 19 എന്നിട്ട്‌, എന്നോടു പറഞ്ഞു: “വളരെ പ്രിയ​പ്പെ​ട്ട​വനേ,*+ പേടി​ക്കേണ്ടാ.+ നിനക്കു സമാധാ​ന​മു​ണ്ടാ​കട്ടെ.+ ധൈര്യ​മാ​യി​രി​ക്കൂ! നീ ധൈര്യ​മാ​യി​രി​ക്കൂ!” അദ്ദേഹം എന്നോടു സംസാ​രി​ച്ച​പ്പോൾ എനിക്കു ബലം കിട്ടി. ഞാൻ പറഞ്ഞു: “എന്റെ യജമാ​നനേ, പറഞ്ഞാ​ലും; അങ്ങ്‌ എന്നെ ബലപ്പെ​ടു​ത്തി​യ​ല്ലോ.”

20 അപ്പോൾ, അദ്ദേഹം പറഞ്ഞു: “ഞാൻ വന്നത്‌ എന്തിനാ​ണെന്നു നിനക്ക്‌ അറിയാ​മോ? ഞാൻ ഇപ്പോൾ പേർഷ്യൻ പ്രഭു​വി​നോ​ടു പോരാ​ടാൻ തിരി​ച്ചു​പോ​കും.+ ഞാൻ പോകു​മ്പോൾ ഗ്രീസി​ന്റെ പ്രഭു വരും. 21 എങ്കിലും, സത്യലി​ഖി​ത​ങ്ങ​ളിൽ രേഖ​പ്പെ​ടു​ത്തി​യി​രി​ക്കുന്ന കാര്യങ്ങൾ ഞാൻ നിനക്കു പറഞ്ഞു​ത​രാം. നിങ്ങളു​ടെ പ്രഭുവായ+ മീഖായേലല്ലാതെ+ ഇക്കാര്യ​ങ്ങ​ളിൽ എനിക്ക്‌ ഇത്ര നല്ല പിന്തുണ തരുന്ന മറ്റാരു​മില്ല.

11 “ഞാനോ അദ്ദേഹത്തെ ബലപ്പെ​ടു​ത്താ​നും ശക്തീകരിക്കാനും* ആയി മേദ്യ​നായ ദാര്യാ​വേ​ശി​ന്റെ വാഴ്‌ച​യു​ടെ ഒന്നാം വർഷം+ എഴു​ന്നേറ്റു. 2 ഞാൻ ഇപ്പോൾ നിന്നോ​ടു പറയാൻപോ​കു​ന്നതു സത്യമാ​ണ്‌:

“പേർഷ്യ​യിൽ മൂന്നു രാജാ​ക്ക​ന്മാർകൂ​ടെ എഴു​ന്നേൽക്കും.* നാലാമൻ മറ്റെല്ലാ​വ​രെ​ക്കാ​ളും ഏറെ സമ്പത്തു വാരി​ക്കൂ​ട്ടും. തന്റെ സമ്പത്തു​കൊണ്ട്‌ ശക്തനാ​കു​മ്പോൾ അവൻ സകലവും ഗ്രീസി​ന്‌ എതിരെ ഇളക്കി​വി​ടും.+

3 “ശക്തനായ ഒരു രാജാവ്‌ എഴു​ന്നേറ്റ്‌ വലിയ അധികാ​ര​ത്തോ​ടെ ഭരിക്കും;+ അവൻ തനിക്ക്‌ ഇഷ്ടമു​ള്ള​തെ​ല്ലാം ചെയ്യും. 4 എന്നാൽ, അവൻ എഴു​ന്നേ​റ്റു​ക​ഴി​യു​മ്പോൾ അവന്റെ രാജ്യം തകരും. അത്‌ ആകാശ​ത്തി​ലെ നാലു കാറ്റു​കൾക്കു നേരെ വിഭജി​ച്ചു​പോ​കും.+ എന്നാൽ, അതു ലഭിക്കു​ന്നത്‌ അവന്റെ പിൻത​ല​മു​റ​ക്കാർക്കാ​യി​രി​ക്കില്ല; അത്‌ അവന്റെ ആധിപ​ത്യം​പോ​ലെ​യു​മാ​യി​രി​ക്കില്ല; കാരണം, വേരോ​ടെ പിഴു​തു​പോ​കുന്ന അവന്റെ രാജ്യം മറ്റുള്ള​വ​രു​ടെ കൈക​ളി​ലാ​കും.

5 “അവന്റെ പ്രഭു​ക്ക​ന്മാ​രിൽ ഒരാൾ, അതായത്‌ തെക്കേ രാജാവ്‌, ശക്തനാ​കും. എന്നാൽ, ഒരാൾ അവനെ​ക്കാൾ പ്രബല​നാ​യി വലിയ അധികാ​ര​ത്തോ​ടെ ഭരിക്കും; അവന്റെ അധികാ​രം മറ്റേ ആളു​ടേ​തി​നെ​ക്കാൾ വലുതാ​യി​രി​ക്കും.

6 “കുറച്ച്‌ വർഷങ്ങൾക്കു ശേഷം അവർ ഒരു സഖ്യം ഉണ്ടാക്കും. തെക്കേ രാജാ​വി​ന്റെ മകൾ വന്ന്‌ വടക്കേ രാജാ​വു​മാ​യി ഒരു ധാരണ​യി​ലെ​ത്തും.* എന്നാൽ, അവളുടെ കൈക്ക​രു​ത്തു നിലനിൽക്കില്ല; അതു​പോ​ലെ, അവനും അവന്റെ കൈയും നിലനിൽക്കില്ല. അവളെ മറ്റുള്ള​വ​രു​ടെ കൈയിൽ ഏൽപ്പി​ച്ചു​കൊ​ടു​ക്കും; അതെ, അവളെ​യും അവളെ കൊണ്ടു​വ​രു​ന്ന​വ​രെ​യും അവളെ ജനിപ്പി​ച്ച​വ​നെ​യും അവളെ അക്കാലത്ത്‌ ശക്തയാ​ക്കു​ന്ന​വ​നെ​യും ഏൽപ്പി​ച്ചു​കൊ​ടു​ക്കും. 7 അവന്റെ സ്ഥാനത്ത്‌, അവളുടെ വേരു​ക​ളിൽനി​ന്നുള്ള മുളക​ളിൽ ഒരാൾ എഴു​ന്നേൽക്കും. സൈന്യ​ത്തിന്‌ അടു​ത്തേക്കു വരുന്ന അവൻ വടക്കേ രാജാ​വി​ന്റെ കോട്ട​യു​ടെ നേരെ ചെല്ലും. അവൻ അവർക്കെ​തി​രെ നടപടി​യെ​ടുത്ത്‌ അവരെ​ക്കാൾ പ്രബല​നാ​കും. 8 അവൻ അവരുടെ ദൈവങ്ങൾ, ലോഹ​വി​ഗ്ര​ഹങ്ങൾ,* സ്വർണ​വും വെള്ളി​യും കൊണ്ടുള്ള ഭംഗിയുള്ള* ഉരുപ്പ​ടി​കൾ എന്നിവ ഈജി​പ്‌തി​ലേക്കു കൊണ്ടു​വ​രും; ബന്ദിക​ളെ​യും കൊണ്ടു​വ​രും. കുറച്ച്‌ വർഷ​ത്തേക്ക്‌ അവൻ വടക്കേ രാജാ​വിൽനിന്ന്‌ അകന്ന്‌ നിൽക്കും. 9 വടക്കേ രാജാ​വോ തെക്കേ രാജാ​വി​ന്റെ രാജ്യ​ത്തി​നു നേരെ വരു​മെ​ങ്കി​ലും സ്വദേ​ശ​ത്തേക്കു മടങ്ങി​പ്പോ​കും.

10 “അവന്റെ പുത്ര​ന്മാ​രോ, ശക്തമായ ഒരു വൻസൈ​ന്യ​ത്തെ സംഘടി​പ്പിച്ച്‌ യുദ്ധത്തി​ന്‌ ഒരുങ്ങും. അവൻ പ്രളയ​ജ​ലം​പോ​ലെ തകർത്തു​വാ​രി മുന്നേ​റും. എന്നാൽ, അവൻ മടങ്ങി​പ്പോ​കും; തന്റെ കോട്ട​യിൽ തിരി​ച്ചെ​ത്തും​വരെ അവൻ യുദ്ധം ചെയ്യും.

11 “ക്ഷുഭി​ത​നായ തെക്കേ രാജാവ്‌ ചെന്ന്‌ അവനോ​ട്‌, അതായത്‌ വടക്കേ രാജാ​വി​നോട്‌, പോരാ​ടും. അവനാ​കട്ടെ വലി​യൊ​രു ജനക്കൂ​ട്ടത്തെ സംഘടി​പ്പി​ക്കും; പക്ഷേ, ആ ജനക്കൂട്ടം മറ്റേ രാജാ​വി​ന്റെ കൈയിൽ ഏൽപ്പി​ക്ക​പ്പെ​ടും. 12 ജനക്കൂട്ടത്തെ പിടി​ച്ചു​കൊ​ണ്ടു​പോ​കും. അവന്റെ ഹൃദയം അഹങ്കരി​ക്കും. പതിനാ​യി​ര​ങ്ങളെ അവൻ വീഴ്‌ത്തും. എന്നാൽ, തനിക്ക്‌ അനുകൂ​ല​മായ ഈ സാഹച​ര്യം അവൻ പ്രയോ​ജ​ന​പ്പെ​ടു​ത്തില്ല.

13 “വടക്കേ രാജാവ്‌ മടങ്ങി​വന്ന്‌ ആദ്യ​ത്തേ​തി​ലും വലി​യൊ​രു ജനക്കൂ​ട്ടത്തെ സംഘടി​പ്പി​ക്കും. കുറച്ച്‌ വർഷങ്ങൾക്കു ശേഷം, അതായത്‌ കാലങ്ങൾ അവസാ​നി​ക്കു​മ്പോൾ, അവൻ ഒരു വൻസൈ​ന്യ​ത്തെ സംഘടി​പ്പിച്ച്‌ ധാരാളം സാധന​സാ​മ​ഗ്രി​ക​ളു​മാ​യി വരും. 14 അക്കാലത്ത്‌ തെക്കേ രാജാ​വിന്‌ എതിരെ അനേകർ എഴു​ന്നേൽക്കും.

“ഒരു ദിവ്യ​ദർശനം യാഥാർഥ്യ​മാ​യെന്നു വരുത്തി​ത്തീർക്കാൻ നിന്റെ ജനത്തിന്‌ ഇടയിലെ അക്രമാസക്തരെ* കൊണ്ടു​പോ​കും. പക്ഷേ, അവർ ഇടറി​വീ​ഴും.

15 “വടക്കേ രാജാവ്‌ വന്ന്‌ ആക്രമി​ക്കാ​നാ​യി ചെരിഞ്ഞ തിട്ട ഉണ്ടാക്കി കോട്ട​മ​തി​ലുള്ള ഒരു നഗരം പിടി​ച്ച​ട​ക്കും. തെക്കിന്റെ കൈകൾക്കോ* അവന്റെ ശ്രേഷ്‌ഠ​പു​രു​ഷ​ന്മാർക്കോ പിടി​ച്ചു​നിൽക്കാ​നാ​കില്ല; പിടി​ച്ചു​നിൽക്കാ​നുള്ള ശക്തി അവർക്കു​ണ്ടാ​കില്ല. 16 അവന്‌ എതിരെ വരുന്നവൻ അവനു തോന്നു​ന്ന​തു​പോ​ലെ ചെയ്യും. അവന്റെ മുന്നിൽ ആരും പിടി​ച്ചു​നിൽക്കില്ല. അവൻ അലങ്കാരദേശത്ത്‌*+ നിൽക്കും; നിശ്ശേഷം നശിപ്പി​ക്കാ​നുള്ള കഴിവ്‌ അവന്റെ കൈകൾക്കു​ണ്ടാ​യി​രി​ക്കും. 17 അവൻ തന്റെ രാജ്യ​ത്തി​ന്റെ സർവശ​ക്തി​യോ​ടും​കൂ​ടെ വരാൻ ഉറച്ച തീരു​മാ​ന​മെ​ടു​ക്കും; എന്നാൽ അവനു​മാ​യി ഒരു ധാരണ​യി​ലെ​ത്തും.* ഉദ്ദേശി​ച്ച​തെ​ല്ലാം അവൻ ഫലപ്ര​ദ​മാ​യി നടപ്പാ​ക്കും. സ്‌ത്രീ​ക​ളു​ടെ പുത്രി​യെ തകർത്തു​ക​ള​യാൻ അവന്‌ അനുമതി ലഭിക്കും. അവൾ പിടി​ച്ചു​നിൽക്കില്ല; അവൾ അവന്റേ​താ​യി തുടരില്ല. 18 അവൻ പിന്നി​ലുള്ള തീര​ദേ​ശ​ങ്ങ​ളി​ലേക്കു മുഖം തിരിച്ച്‌ പലതും പിടി​ച്ച​ട​ക്കും. അവനിൽനി​ന്ന്‌ തനിക്കു​ണ്ടാ​കുന്ന നിന്ദ ഒരു സൈന്യാ​ധി​പൻ നിറു​ത്ത​ലാ​ക്കും. അതോടെ, ആ നിന്ദ നീങ്ങും. അതു തിരിച്ച്‌ അവന്റെ മേൽത്തന്നെ വരാൻ അവൻ ഇടയാ​ക്കും. 19 തുടർന്ന്‌, അവൻ സ്വദേ​ശത്തെ കോട്ട​ക​ളി​ലേക്കു മുഖം തിരി​ക്കും. അവൻ ഇടറി​വീ​ഴും. പിന്നെ അവനെ കാണില്ല.

20 “അവന്റെ സ്ഥാനത്ത്‌ ഒരാൾ എഴു​ന്നേൽക്കും. പിടിച്ചുവാങ്ങുന്ന* ഒരാളെ അവൻ മഹിമ​യുള്ള രാജ്യ​ത്തി​ലൂ​ടെ അയയ്‌ക്കും. എന്നാൽ, കുറച്ച്‌ ദിവസ​ങ്ങൾക്കകം അവൻ തകരും. പക്ഷേ, അതു കോപ​ത്താ​ലോ യുദ്ധത്താ​ലോ ആയിരി​ക്കില്ല.

21 “ആളുകൾ അവജ്ഞ​യോ​ടെ വീക്ഷിക്കുന്ന* ഒരാൾ അവന്റെ സ്ഥാനത്ത്‌ എഴു​ന്നേൽക്കും. രാജ്യ​ത്തി​ന്റെ മഹത്ത്വം അവർ അവനു നൽകില്ല. സുരക്ഷി​ത​ത്വം കളിയാ​ടുന്ന ഒരു സമയത്ത്‌* അവൻ വന്ന്‌ വഞ്ചനയി​ലൂ​ടെ രാജ്യം കൈക്ക​ലാ​ക്കും. 22 അവൻ നിമിത്തം പ്രളയ​ത്തി​ന്റെ കൈകൾ* തുടച്ചു​നീ​ക്ക​പ്പെ​ടും. അവ തകർന്നു​പോ​കും; ഉടമ്പടിയുടെ+ നേതാവിന്റെ+ ഗതിയും അതുത​ന്നെ​യാ​യി​രി​ക്കും. 23 അവർ അവനു​മാ​യി സഖ്യത​യി​ലാ​യ​തു​കൊണ്ട്‌ അവൻ വഞ്ചന കാണി​ച്ചു​കൊ​ണ്ടി​രി​ക്കും. മാത്രമല്ല, അവൻ എഴു​ന്നേൽക്കു​ക​യും ചെറി​യൊ​രു ജനതയെ ഉപയോ​ഗിച്ച്‌ ശക്തനാ​കു​ക​യും ചെയ്യും. 24 സുരക്ഷിതത്വം കളിയാ​ടുന്ന സമയത്ത്‌* അവൻ സംസ്ഥാ​നത്തെ ഐശ്വ​ര്യ​സ​മൃ​ദ്ധ​മായ ഭാഗങ്ങ​ളി​ലേക്കു വരും. എന്നിട്ട്‌, അവന്റെ പിതാ​ക്ക​ന്മാ​രും അവരുടെ പിതാ​ക്ക​ന്മാ​രും ചെയ്യാ​ത്തത്‌ അവൻ ചെയ്യും. കൊള്ള​മു​ത​ലും കവർച്ച​വ​സ്‌തു​ക്ക​ളും മറ്റു സാധന​ങ്ങ​ളും അവൻ അവർക്കി​ട​യിൽ വിതരണം ചെയ്യും. ചുറ്റും കോട്ട​മ​തി​ലുള്ള പ്രദേ​ശ​ങ്ങൾക്കെ​തി​രെ അവൻ കുടി​ല​ത​ന്ത്രം മനയും; എന്നാൽ, ഒരു കാല​ത്തേക്കു മാത്രം.

25 “അവൻ തെക്കേ രാജാ​വിന്‌ എതിരെ ശക്തിയും ധൈര്യവും* സംഭരി​ക്കും; അവനോ​ടൊ​പ്പം ഒരു വൻസൈ​ന്യ​മു​ണ്ടാ​യി​രി​ക്കും. തെക്കേ രാജാ​വും അതിശ​ക്ത​മായ ഒരു വൻസൈ​ന്യ​ത്തെ കൂട്ടി യുദ്ധത്തി​ന്‌ ഒരുങ്ങും. പക്ഷേ, അവർ അവന്‌ എതിരെ കുടി​ല​ത​ന്ത്രങ്ങൾ മനയു​ന്ന​തു​കൊണ്ട്‌ അവനു പിടി​ച്ചു​നിൽക്കാ​നാ​കില്ല. 26 അവന്റെ വിശി​ഷ്ട​വി​ഭ​വങ്ങൾ കഴിക്കു​ന്നവർ അവന്റെ വീഴ്‌ച​യ്‌ക്കു കളമൊ​രു​ക്കും.

“അവന്റെ സൈന്യ​ത്തെ തുടച്ചു​നീ​ക്കും;* ഒരു കൂട്ട​ക്കൊല നടക്കും.

27 “ഈ രണ്ടു രാജാ​ക്ക​ന്മാ​രു​ടെ​യും ഹൃദയ​ത്തി​ന്റെ താത്‌പ​ര്യം മോശ​മായ കാര്യങ്ങൾ ചെയ്യാ​നാ​യി​രി​ക്കും. ഒരു മേശയ്‌ക്കു ചുറ്റും ഇരുന്ന്‌ അവർ പരസ്‌പരം നുണ പറയും. എന്നാൽ, ഒന്നും നടപ്പാ​കില്ല; കാരണം, നിശ്ചയിച്ച സമയത്ത്‌ മാത്രമേ അവസാനം വരുക​യു​ള്ളൂ.+

28 “ധാരാളം സാധന​സാ​മ​ഗ്രി​ക​ളു​മാ​യി അവൻ സ്വദേ​ശ​ത്തേക്കു മടങ്ങും. അവന്റെ ഹൃദയം വിശു​ദ്ധ​യു​ട​മ്പ​ടിക്ക്‌ എതിരാ​യി​രി​ക്കും. ഉദ്ദേശി​ച്ച​തെ​ല്ലാം ഫലപ്ര​ദ​മാ​യി നടപ്പാക്കി അവൻ സ്വദേ​ശ​ത്തേക്കു തിരി​കെ​പ്പോ​കും.

29 “നിശ്ചയി​ക്ക​പ്പെട്ട സമയത്ത്‌ മടങ്ങി​വ​രുന്ന അവൻ തെക്കേ ദേശത്തി​ന്‌ എതിരെ ചെല്ലും. എന്നാൽ, ഇത്തവണ സ്ഥിതി​ഗ​തി​കൾ മുമ്പ​ത്തെ​പ്പോ​ലെ ആയിരി​ക്കില്ല. 30 കാരണം, കിത്തീംകപ്പലുകൾ+ അവന്‌ എതിരെ വരും; അങ്ങനെ, അവന്റെ അഹങ്കാരം ഇല്ലാതാ​കും.

“അവൻ മടങ്ങി​ച്ചെന്ന്‌ വിശുദ്ധയുടമ്പടിക്കെതിരെ+ അധി​ക്ഷേ​പ​വാ​ക്കു​കൾ ചൊരി​യും;* ഉദ്ദേശി​ച്ച​തെ​ല്ലാം അവൻ ഫലപ്ര​ദ​മാ​യി നടപ്പാ​ക്കും. അവൻ മടങ്ങി​ച്ചെന്ന്‌ വിശു​ദ്ധ​യു​ട​മ്പടി ഉപേക്ഷി​ക്കു​ന്ന​വ​രു​ടെ നേരെ ശ്രദ്ധ തിരി​ക്കും. 31 അവനിൽനിന്ന്‌ പുറപ്പെട്ട കൈകൾ* എഴു​ന്നേൽക്കും. അവ വിശു​ദ്ധ​മ​ന്ദി​ര​വും കോട്ട​യും അശുദ്ധമാക്കി+ പതിവുസവിശേഷത* നീക്കം ചെയ്യും.+

“എന്നിട്ട്‌ നാശം വിതയ്‌ക്കുന്ന മ്ലേച്ഛവ​സ്‌തു​വി​നെ പ്രതി​ഷ്‌ഠി​ക്കും.+

32 “ഉടമ്പടി​ക്കെ​തി​രെ വഷളത്തം കാണി​ക്കു​ന്ന​വരെ ചക്കരവാക്കു* പറഞ്ഞ്‌ അവൻ വിശ്വാ​സ​ത്യാ​ഗ​ത്തി​ലേക്കു നയിക്കും. എന്നാൽ, തങ്ങളുടെ ദൈവത്തെ അറിയുന്ന ജനം വിജയി​ക്കും; ഉദ്ദേശി​ച്ച​തെ​ല്ലാം അവർ ഫലപ്ര​ദ​മാ​യി നടപ്പാ​ക്കും. 33 ജനത്തിൽ ഉൾക്കാഴ്‌ചയുള്ളവർ+ അനേകർക്കു ബുദ്ധി പറഞ്ഞു​കൊ​ടു​ക്കും. അവർ പക്ഷേ, വാളാ​ലും തീയാ​ലും അടിമ​ത്ത​ത്താ​ലും കൊള്ള​യാ​ലും വീഴും; കുറച്ച്‌ ദിവസ​ത്തേക്ക്‌ ഇതു തുടരും. 34 എന്നാൽ, അവർ വീഴു​മ്പോൾ അവർക്കു ചെറി​യൊ​രു സഹായം ലഭിക്കും. ചക്കരവാ​ക്കു പറഞ്ഞ്‌* പലരും അവരു​ടെ​കൂ​ടെ കൂടു​ക​യും ചെയ്യും. 35 ഒരു ശുദ്ധീ​ക​രണം നടത്താ​നും അവസാ​ന​കാ​ലം​വരെ അഴുക്കു നീക്കി വെൺമയുള്ളതാക്കാനും+ വേണ്ടി ഉൾക്കാ​ഴ്‌ച​യു​ള്ള​വ​രിൽ ചിലർ വീണു​പോ​കാൻ ഇടയാ​ക്കും; നിശ്ചയിച്ച സമയത്ത്‌ സംഭവി​ക്കേ​ണ്ട​താ​ണ​ല്ലോ അത്‌.

36 “രാജാവ്‌ തനിക്കു തോന്നു​ന്ന​തെ​ല്ലാം ചെയ്യും. അവൻ സകല ദൈവ​ങ്ങ​ളെ​ക്കാ​ളും തന്നെത്തന്നെ മഹത്ത്വീ​ക​രിച്ച്‌ സ്വയം ഉയർത്തും, ദൈവാധിദൈവത്തിന്‌+ എതിരെ വൻകാ​ര്യ​ങ്ങൾ സംസാ​രി​ക്കും. ക്രോധം അവസാ​നി​ക്കു​ന്ന​തു​വരെ അവൻ ചെയ്യു​ന്ന​തെ​ല്ലാം സഫലമാ​കും. കാരണം, നിശ്ചയി​ച്ചി​രി​ക്കു​ന്നതു നടക്കണ​മ​ല്ലോ. 37 തന്റെ പിതാ​ക്ക​ന്മാ​രു​ടെ ദൈവത്തെ അവൻ ഒട്ടും വകവെ​ക്കില്ല. സ്‌ത്രീ​ക​ളു​ടെ ആഗ്രഹ​ത്തി​നോ മറ്റ്‌ ഏതെങ്കി​ലും ദൈവ​ത്തി​നോ അവൻ ഒരു വിലയും കല്‌പി​ക്കില്ല. പകരം, അവൻ തന്നെത്തന്നെ എല്ലാവ​രെ​ക്കാ​ളും ഉയർത്തും. 38 എന്നാൽ,* കോട്ട​ക​ളു​ടെ ദൈവ​ത്തിന്‌ അവൻ മഹത്ത്വം നൽകും. അവന്റെ പിതാ​ക്ക​ന്മാർ അറിഞ്ഞി​ട്ടി​ല്ലാത്ത ദൈവത്തെ സ്വർണ​വും വെള്ളി​യും അമൂല്യ​ര​ത്‌ന​ങ്ങ​ളും മനോഹരവസ്‌തുക്കളും* കൊണ്ട്‌ അവൻ മഹത്ത്വ​പ്പെ​ടു​ത്തും. 39 അവൻ ഒരു അന്യ​ദൈ​വ​ത്തി​ന്റെ കൂട്ടു പിടിച്ച്‌* ഏറ്റവും കെട്ടു​റ​പ്പുള്ള സങ്കേത​ങ്ങൾക്കെ​തി​രെ തന്റെ പദ്ധതികൾ ഫലപ്ര​ദ​മാ​യി നടപ്പാ​ക്കും. തന്നെ* അംഗീ​ക​രി​ക്കു​ന്ന​വരെ അവൻ വലിയ മഹത്ത്വം അണിയി​ക്കും. അനേകരെ ഭരിക്കാൻ അവൻ അവർക്ക്‌ അവസരം ഒരുക്കും. അവൻ നിലം വിലയ്‌ക്കു വീതി​ച്ചു​കൊ​ടു​ക്കും.

40 “അവസാ​ന​കാ​ലത്ത്‌ തെക്കേ രാജാവ്‌ അവനോ​ട്‌ ഏറ്റുമു​ട്ടും.* അവന്‌ എതിരെ വടക്കേ രാജാവ്‌ രഥങ്ങളും കുതി​ര​പ്പ​ട​യാ​ളി​ക​ളും അനേകം കപ്പലു​ക​ളും ആയി കൊടു​ങ്കാ​റ്റു​പോ​ലെ ആഞ്ഞടി​ക്കും. അവൻ ദേശങ്ങ​ളിൽ കടന്ന്‌ പ്രളയ​ജ​ലം​പോ​ലെ തകർത്തു​വാ​രി മുന്നേ​റും. 41 അലങ്കാരദേശത്തും* അവൻ പ്രവേ​ശി​ക്കും;+ അനേകം ദേശങ്ങൾ വീണു​പോ​കും. എന്നാൽ, അവന്റെ കൈക​ളിൽനിന്ന്‌ ഏദോ​മും മോവാ​ബും അമ്മോ​ന്യ​രു​ടെ പ്രധാ​ന​ഭാ​ഗ​വും രക്ഷപ്പെ​ടും. 42 വീണ്ടുംവീണ്ടും അവൻ ദേശങ്ങൾക്കു നേരെ കൈ ഓങ്ങും; ഈജി​പ്‌ത്‌ ദേശവും രക്ഷപ്പെ​ടില്ല. 43 ഈജിപ്‌തിലെ സകല മനോഹരവസ്‌തുക്കളും* സ്വർണ​ത്തി​ന്റെ​യും വെള്ളി​യു​ടെ​യും മറഞ്ഞി​രി​ക്കുന്ന നിധി​ക​ളും അവന്റെ ഭരണത്തിൻകീ​ഴി​ലാ​കും. ലിബി​യ​ക്കാ​രും എത്യോ​പ്യ​ക്കാ​രും അവനെ അനുഗ​മി​ക്കും.*

44 “എന്നാൽ, കിഴക്കുനിന്നും* വടക്കു​നി​ന്നും ഉള്ള വാർത്തകൾ അവനെ അസ്വസ്ഥ​നാ​ക്കും. അപ്പോൾ അവൻ, സമ്പൂർണ​നാ​ശം വിതയ്‌ക്കാ​നും അനേകരെ കൊന്നു​മു​ടി​ക്കാ​നും മഹാ​ക്രോ​ധ​ത്തോ​ടെ ഇറങ്ങി​ത്തി​രി​ക്കും. 45 മഹാസമുദ്രത്തിനും അലങ്കാരമായ* വിശു​ദ്ധ​പർവ​ത​ത്തി​നും ഇടയിൽ അവൻ തന്റെ രാജകീയകൂടാരങ്ങൾ* സ്ഥാപി​ക്കും.+ ഒടുവിൽ അവൻ അന്തരി​ക്കും, അവനെ സഹായി​ക്കാൻ ആരുമു​ണ്ടാ​കില്ല.

12 “നിന്റെ ജനത്തി​നു​വേണ്ടി നിൽക്കുന്ന മഹാപ്രഭുവായ+ മീഖായേൽ*+ ആ സമയത്ത്‌ എഴു​ന്നേൽക്കും.* ഒരു ജനത ഉണ്ടായ​തു​മു​തൽ അതുവരെ ഉണ്ടായി​ട്ടി​ല്ലാത്ത കഷ്ടതയു​ടെ ഒരു കാലം അപ്പോ​ഴു​ണ്ടാ​കും. ആ സമയത്ത്‌ നിന്റെ ജനം, പുസ്‌ത​ക​ത്തിൽ പേര്‌ എഴുതി​ക്കാ​ണുന്ന എല്ലാവ​രും,+ രക്ഷപ്പെ​ടും.+ 2 നിലത്തെ പൊടി​യിൽ ഉറങ്ങി​ക്കി​ട​ക്കുന്ന പലരും ഉണരും. അതെ, ചിലർ നിത്യ​ജീ​വ​നി​ലേ​ക്കും മറ്റുള്ളവർ അപമാ​ന​ത്തി​ലേ​ക്കും നിത്യ​നി​ന്ദ​യി​ലേ​ക്കും ഉണർന്നെ​ണീ​ക്കും.

3 “ഉൾക്കാ​ഴ്‌ച​യു​ള്ളവർ ആകാശ​വി​താ​നം​പോ​ലെ​യും, അനേകരെ നീതി​യി​ലേക്കു കൊണ്ടു​വ​രു​ന്നവർ നക്ഷത്ര​ങ്ങൾപോ​ലെ​യും എന്നു​മെ​ന്നേ​ക്കും ഉജ്ജ്വല​മാ​യി പ്രകാ​ശി​ക്കും.

4 “നീയോ ദാനി​യേലേ, ഈ വാക്കുകൾ രഹസ്യ​മാ​യി സൂക്ഷി​ക്കുക, പുസ്‌തകം മുദ്ര വെക്കുക; അവസാ​ന​കാ​ലം​വരെ അത്‌ അങ്ങനെ ഇരിക്കട്ടെ.+ പലരും ഓടി​ന​ട​ക്കും;* ശരിയായ അറിവ്‌ സമൃദ്ധ​മാ​കും.”+

5 പിന്നെ, ദാനി​യേൽ എന്ന ഞാൻ നോക്കി​യ​പ്പോൾ മറ്റു രണ്ടു പേർ നിൽക്കു​ന്നതു കണ്ടു; ഒരാൾ നദിയു​ടെ ഇക്കരെ​യും മറ്റേയാൾ അക്കരെ​യും.+ 6 നദിയുടെ വെള്ളത്തി​ന്മീ​തെ നിൽക്കുന്ന ലിനൻവ​സ്‌ത്ര​ധാ​രി​യായ മനുഷ്യനോട്‌+ അവരിൽ ഒരാൾ ചോദി​ച്ചു: “ഈ വിസ്‌മ​യ​കാ​ര്യ​ങ്ങൾ പൂർത്തി​യാ​കാൻ ഇനി എത്ര നാൾ എടുക്കും?” 7 അപ്പോൾ, നദിയി​ലെ വെള്ളത്തി​ന്മീ​തെ നിൽക്കുന്ന ലിനൻവ​സ്‌ത്ര​ധാ​രി​യായ മനുഷ്യൻ സംസാ​രി​ക്കു​ന്നതു ഞാൻ കേട്ടു. അദ്ദേഹം വല​ങ്കൈ​യും ഇട​ങ്കൈ​യും ആകാശ​ത്തേക്ക്‌ ഉയർത്തി എന്നെന്നും ജീവി​ച്ചി​രി​ക്കു​ന്ന​വ​നെ​ച്ചൊ​ല്ലി ഇങ്ങനെ സത്യം ചെയ്‌തു:+ “അതിനു നിശ്ചയിച്ച ഒരു കാലവും കാലങ്ങ​ളും അരക്കാലവും* എടുക്കും. വിശു​ദ്ധ​ജ​ന​ത്തി​ന്റെ ശക്തി തകർത്തു​ക​ഴി​ഞ്ഞാൽ ഉടൻ+ ഇക്കാര്യ​ങ്ങ​ളെ​ല്ലാം പൂർത്തി​യാ​കും.”

8 ഞാൻ ഇതൊക്കെ കേട്ടെ​ങ്കി​ലും എനിക്ക്‌ ഒന്നും മനസ്സി​ലാ​യില്ല.+ അതു​കൊണ്ട്‌, ഞാൻ ചോദി​ച്ചു: “എന്റെ യജമാ​നനേ, ഇതി​ന്റെ​യെ​ല്ലാം അവസാനം എന്താകും?”

9 അപ്പോൾ, അദ്ദേഹം പറഞ്ഞു: “ദാനി​യേലേ, പൊയ്‌ക്കൊ​ള്ളൂ. ഈ വാക്കുകൾ അവസാനകാലംവരെ+ മുദ്ര വെച്ച നിലയിൽ രഹസ്യ​മാ​യി സൂക്ഷി​ക്കേ​ണ്ട​താണ്‌. 10 പലരും അഴുക്കു നീക്കി തങ്ങളെ വെൺമ​യു​ള്ള​വ​രാ​ക്കും;+ അവർ ശുദ്ധി​യു​ള്ള​വ​രാ​കും. ദുഷ്ടന്മാ​രോ ദുഷ്ടത പ്രവർത്തി​ക്കും; ദുഷ്ടന്മാർക്കാർക്കും മനസ്സി​ലാ​കി​ല്ലെ​ങ്കി​ലും ഉൾക്കാ​ഴ്‌ച​യു​ള്ള​വർക്കു കാര്യം മനസ്സി​ലാ​കും.+

11 “പതിവുസവിശേഷത* നീക്കം ചെയ്‌ത്‌,+ നാശം വിതയ്‌ക്കുന്ന മ്ലേച്ഛവ​സ്‌തു​വി​നെ പ്രതിഷ്‌ഠിക്കുന്നതുമുതൽ+ 1,290 ദിവസ​മു​ണ്ടാ​യി​രി​ക്കും.

12 “പ്രതീക്ഷയോടെ* കാത്തി​രുന്ന്‌ 1,335 ദിവസ​ത്തി​ന്റെ അവസാ​നം​വരെ എത്തുന്നവൻ സന്തുഷ്ടൻ.

13 “നീയോ അവസാ​നം​വരെ ഉറച്ചു​നിൽക്കുക. നീ വിശ്ര​മി​ക്കു​മെ​ങ്കി​ലും കാത്തി​രി​പ്പി​ന്റെ കാലം കഴിയു​മ്പോൾ നിന്റെ ഓഹരിക്കായി* നീ എഴു​ന്നേൽക്കും.”+