തീത്തോ​സിന്‌ എഴുതിയ കത്ത്‌

1 ദൈവം തിര​ഞ്ഞെ​ടു​ത്ത​വ​രു​ടെ വിശ്വാ​സ​വും ദൈവ​ഭ​ക്തിപ്ര​കാ​ര​മുള്ള സത്യത്തി​ന്റെ ശരിയായ* അറിവും ഉള്ളവനും ദൈവ​ത്തി​ന്റെ അടിമ​യും യേശുക്രി​സ്‌തു​വി​ന്റെ അപ്പോ​സ്‌ത​ല​നും ആയ പൗലോ​സ്‌ എന്ന ഞാൻ, 2 നുണ പറയാൻ കഴിയാത്ത ദൈവം+ ദീർഘ​കാ​ലം മുമ്പ്‌ വാഗ്‌ദാ​നം ചെയ്‌ത നിത്യ​ജീ​വന്റെ പ്രത്യാശയുടെ+ അടിസ്ഥാ​ന​ത്തിൽ 3 (തന്റേതായ സമയം വന്നപ്പോൾ നമ്മുടെ രക്ഷകനായ ദൈവം തന്റെ കല്‌പ​ന​യാൽ എന്നെ ഭരമേൽപ്പിച്ച പ്രസംഗപ്രവർത്തനത്തിലൂടെ+ തന്റെ വചനം അറിയി​ച്ചു.) 4 തീത്തോസേ, നമ്മൾ പങ്കിടുന്ന വിശ്വാ​സപ്ര​കാ​രം ഒരു യഥാർഥ​മ​ക​നായ നിനക്ക്‌ എഴുതു​ന്നത്‌:

പിതാ​വാ​യ ദൈവ​ത്തിൽനി​ന്നും നമ്മുടെ രക്ഷകനായ ക്രിസ്‌തുയേ​ശു​വിൽനി​ന്നും നിനക്ക്‌ അനർഹ​ദ​യ​യും സമാധാ​ന​വും!

5 ഞാൻ നിന്നെ ക്രേത്ത​യിൽ വിട്ടി​ട്ടുപോ​ന്നത്‌ നേരെ​യാ​ക്കേണ്ട കാര്യങ്ങൾ നേരെയാക്കാനും* ഞാൻ തന്ന നിർദേ​ശ​ങ്ങ​ള​നു​സ​രിച്ച്‌ നഗരംതോ​റും മൂപ്പന്മാരെ* നിയമി​ക്കാ​നും ആയിരു​ന്ന​ല്ലോ. ഇവയാ​യി​രു​ന്നു ആ നിർദേ​ശങ്ങൾ: 6 മൂപ്പൻ ആരോ​പ​ണ​ര​ഹി​ത​നും ഒരു ഭാര്യ മാത്ര​മു​ള്ള​വ​നും താന്തോന്നികളെന്നോ* ധിക്കാ​രി​കളെ​ന്നോ ദുഷ്‌പേ​രി​ല്ലാത്ത, വിശ്വാ​സി​ക​ളായ മക്കളു​ള്ള​വ​നും ആയിരി​ക്കണം.+ 7 മേൽവിചാരകൻ ദൈവ​ത്തി​ന്റെ കാര്യ​സ്ഥ​നാ​യ​തുകൊണ്ട്‌ ആരോ​പ​ണ​ര​ഹി​ത​നാ​യി​രി​ക്കണം. തന്നിഷ്ടക്കാരനോ+ മുൻകോപിയോ+ കുടി​യ​നോ അക്രമാസക്തനോ* വളഞ്ഞ വഴിയി​ലൂ​ടെ നേട്ടമു​ണ്ടാ​ക്കാൻ നോക്കു​ന്ന​വ​നോ ആയിരി​ക്ക​രുത്‌. 8 പകരം അതിഥിപ്രിയനും+ നന്മയെ സ്‌നേ​ഹി​ക്കു​ന്ന​വ​നും സുബോധമുള്ളവനും*+ നീതി​നി​ഷ്‌ഠ​നും വിശ്വ​സ്‌ത​നും ആത്മനിയന്ത്രണമുള്ളവനും+ ആയിരി​ക്കണം. 9 മേൽവിചാരകൻ വിശ്വസ്‌തവചനത്തെ* മുറുകെ പിടിച്ച്‌ വിദഗ്‌ധ​മാ​യി പഠിപ്പിക്കുന്നവനും+ അങ്ങനെ, പ്രയോജനകരമായ* പഠിപ്പിക്കലിലൂടെ+ പ്രോ​ത്സാ​ഹി​പ്പി​ക്കാ​നും എതിർക്കു​ന്ന​വരെ ശാസിക്കാനും+ കഴിവു​ള്ള​വ​നും ആയിരി​ക്കണം.

10 ധിക്കാരികളും കഴമ്പി​ല്ലാത്ത കാര്യങ്ങൾ പറയു​ന്ന​വ​രും വഞ്ചകരും അവിടെ ധാരാ​ള​മു​ണ്ട​ല്ലോ, പ്രത്യേ​കിച്ച്‌ പരി​ച്ഛേ​ദ​നാ​വാ​ദി​കൾ.*+ 11 അവരുടെ വായട​പ്പി​ക്കണം. കാരണം, വളഞ്ഞ വഴിയി​ലൂ​ടെ നേട്ടം ഉണ്ടാക്കാൻവേണ്ടി അവർ അരുതാ​ത്തതു പഠിപ്പി​ച്ചുകൊണ്ട്‌ കുടും​ബ​ങ്ങളെ അപ്പാടേ വഴി​തെ​റ്റി​ക്കു​ന്നു. 12 “ക്രേത്തർ എന്നു പറഞ്ഞാൽത്തന്നെ നുണയ​ന്മാ​രും ദുഷ്ടജ​ന്തു​ക്ക​ളും മടിയ​ന്മാ​രായ തീറ്റിഭ്രാ​ന്ത​രും ആണ്‌” എന്ന്‌ അവരുടെ കൂട്ടത്തിൽ ഒരാൾ, അവരുടെ ഒരു പ്രവാ​ച​കൻതന്നെ, പറഞ്ഞി​ട്ടു​ണ്ട​ല്ലോ.

13 ഈ പറഞ്ഞതു സത്യമാ​ണ്‌. അതു​കൊണ്ട്‌ നീ അവരെ കർശന​മാ​യി ശാസി​ക്കു​ന്നതു നിറു​ത്ത​രുത്‌. അങ്ങനെ​യാ​കുമ്പോൾ അവർ വിശ്വാ​സ​ത്തിൽ ഉറച്ചു​നിൽക്കും.* 14 ജൂതന്മാരുടെ കെട്ടു​ക​ഥ​കൾക്കും സത്യം വിട്ടക​ലു​ന്ന​വ​രു​ടെ കല്‌പ​ന​കൾക്കും അവർ ചെവി കൊടു​ക്കില്ല. 15 ശുദ്ധിയുള്ളവർക്ക്‌ എല്ലാം ശുദ്ധമാ​ണ്‌.+ പക്ഷേ ശുദ്ധി​യി​ല്ലാ​ത്തവർക്കും വിശ്വാ​സ​മി​ല്ലാ​ത്ത​വർക്കും ഒന്നും ശുദ്ധമല്ല. കാരണം അവരുടെ മനസ്സും മനസ്സാ​ക്ഷി​യും അശുദ്ധ​മാണ്‌.+ 16 ദൈവത്തെ അറിയു​ന്ന​വ​രാണെന്ന്‌ അവർ അവകാ​ശ​വാ​ദം മുഴക്കുന്നെ​ങ്കി​ലും സ്വന്തം പ്രവൃ​ത്തി​ക​ളി​ലൂ​ടെ ദൈവത്തെ തള്ളിപ്പ​റ​യു​ന്നു.+ കാരണം അവർ വൃത്തികെ​ട്ട​വ​രും അനുസ​ര​ണംകെ​ട്ട​വ​രും ഒരു നല്ല കാര്യ​ത്തി​നും കൊള്ളാ​ത്ത​വ​രും ആണ്‌.

2 എന്നാൽ നീ എപ്പോ​ഴും പ്രയോജനകരമായ* പഠിപ്പിക്കലുമായി+ യോജി​ക്കുന്ന കാര്യങ്ങൾ പറയുക. 2 പ്രായമുള്ള പുരു​ഷ​ന്മാർ ശീലങ്ങ​ളിൽ മിതത്വം പാലി​ക്കു​ന്ന​വ​രും കാര്യഗൗരവമുള്ളവരും* സുബോ​ധ​മു​ള്ള​വ​രും വിശ്വാ​സം, സ്‌നേഹം, സഹനശക്തി എന്നീ കാര്യ​ങ്ങ​ളിൽ കരുത്തരും* ആയിരി​ക്കട്ടെ. 3 അങ്ങനെതന്നെ, പ്രായ​മുള്ള സ്‌ത്രീ​ക​ളും ദൈവ​ഭ​ക്തർക്കു ചേർന്ന പെരു​മാ​റ്റ​ശീ​ല​മു​ള്ള​വ​രും പരദൂ​ഷണം പറയാ​ത്ത​വ​രും വീഞ്ഞിന്‌ അടിമപ്പെ​ടാ​ത്ത​വ​രും നല്ല കാര്യങ്ങൾ പഠിപ്പി​ക്കു​ന്ന​വ​രും ആയിരി​ക്കട്ടെ. 4 അവർക്ക്‌ അപ്പോൾ പ്രായം കുറഞ്ഞ സ്‌ത്രീ​കളെ ഉപദേ​ശി​ക്കാ​നാ​കും.* അങ്ങനെ, ഭർത്താ​ക്ക​ന്മാരെ​യും മക്കളെ​യും സ്‌നേ​ഹി​ക്കു​ന്ന​വ​രും 5 സുബോധമുള്ളവരും ചാരിത്ര്യ​ശു​ദ്ധി​യു​ള്ള​വ​രും വീട്ടുജോ​ലി​കൾ ചെയ്യുന്നവരും* നല്ലവരും ഭർത്താ​ക്ക​ന്മാർക്കു കീഴ്‌പെട്ടിരിക്കുന്നവരും+ ആയിരി​ക്കാൻ അവർക്ക്‌ അവരെ പഠിപ്പി​ക്കാ​നാ​കും.* ദൈവ​ത്തി​ന്റെ വചന​ത്തെ​ക്കു​റിച്ച്‌ ആരും മോശ​മാ​യി സംസാ​രി​ക്കാൻ ഇടവരു​ക​യു​മില്ല.

6 അതുപോലെ, സുബോ​ധ​മു​ള്ള​വ​രാ​യി​രി​ക്കാൻ പ്രായം കുറഞ്ഞ പുരുഷന്മാരെയും+ പ്രോ​ത്സാ​ഹി​പ്പി​ക്കുക. 7 നല്ല കാര്യങ്ങൾ ചെയ്യു​ന്ന​തിൽ നീ എല്ലാ വിധത്തി​ലും അവർക്ക്‌ ഒരു മാതൃ​ക​യാ​യി​രി​ക്കണം. നിർമ​ല​മായ കാര്യങ്ങൾ* നല്ല കാര്യ​ഗൗ​ര​വത്തോ​ടെ,*+ 8 ആർക്കും കുറ്റം പറയാ​നാ​കാത്ത രീതി​യിൽ നല്ല* വാക്കുകൾ+ ഉപയോ​ഗിച്ച്‌ പഠിപ്പി​ക്കുക. അങ്ങനെ​യാ​യാൽ, നമ്മളെ​ക്കു​റിച്ച്‌ മോശ​മാ​യതൊ​ന്നും പറയാൻ കിട്ടാതെ എതിരാ​ളി​കൾ നാണി​ച്ചുപോ​കും.+ 9 അടിമകൾ യജമാ​ന​ന്മാർക്ക്‌ എല്ലാ കാര്യ​ങ്ങ​ളി​ലും കീഴടങ്ങിയിരുന്നുകൊണ്ട്‌+ അവരെ പ്രസാ​ദി​പ്പി​ക്കാൻ ശ്രമി​ക്കണം. അവരോ​ടു തർക്കു​ത്ത​രമൊ​ന്നും പറയരു​ത്‌. 10 അവരുടേതൊന്നും മോഷ്ടിക്കാതെ+ തികച്ചും വിശ്വാ​സയോ​ഗ്യ​രാണെന്നു തെളി​യി​ക്കണം. അങ്ങനെ, നമ്മുടെ രക്ഷകനായ ദൈവ​ത്തി​ന്റെ പഠിപ്പി​ക്ക​ലിന്‌ എല്ലാ വിധത്തി​ലും ഒരു അലങ്കാ​ര​മാ​കാൻ അവർക്കു കഴിയും.+

11 എല്ലാ തരം മനുഷ്യ​രുടെ​യും രക്ഷയ്‌ക്കു+ വഴി തുറന്നു​കൊ​ണ്ട്‌ അനർഹദയ വെളിപ്പെ​ട്ടി​രി​ക്കു​ന്ന​ല്ലോ. 12 അഭക്തിയും ലൗകി​കമോ​ഹ​ങ്ങ​ളും തള്ളിക്കളഞ്ഞ്‌+ സുബോ​ധത്തോടെ​യും നീതി​നി​ഷ്‌ഠയോടെ​യും ദൈവ​ഭ​ക്തിയോടെ​യും ഈ വ്യവസ്ഥിതിയിൽ* ജീവി​ക്കാൻ അതു നമ്മളെ പരിശീ​ലി​പ്പി​ക്കു​ന്നു.+ 13 സന്തോഷമേകുന്ന പ്രത്യാശയുടെ+ സാക്ഷാ​ത്‌കാ​ര​ത്തി​നും മഹാദൈ​വ​ത്തിന്റെ​യും നമ്മുടെ രക്ഷകനായ യേശുക്രി​സ്‌തു​വിന്റെ​യും തേജോ​മ​യ​മായ വെളിപ്പെ​ട​ലി​നും വേണ്ടി കാത്തി​രി​ക്കുന്ന നമ്മൾ അങ്ങനെ​യാ​ണ​ല്ലോ ജീവിക്കേ​ണ്ടത്‌. 14 നമ്മളെ എല്ലാ തരം ദുഷ്‌ചെ​യ്‌തി​ക​ളിൽനി​ന്നും സ്വതന്ത്രരാക്കി*+ നല്ല കാര്യങ്ങൾ+ ചെയ്യു​ന്ന​തിൽ ഉത്സാഹ​മുള്ള ഒരു ജനമെന്ന നിലയിൽ തന്റെ പ്രത്യേ​ക​സ്വ​ത്താ​യി ശുദ്ധീ​ക​രിച്ചെ​ടു​ക്കാൻ നമുക്കു​വേണ്ടി തന്നെത്തന്നെ അർപ്പി​ച്ച​വ​നാ​ണ​ല്ലോ ക്രിസ്‌തു.+

15 നീ തികഞ്ഞ അധികാ​രത്തോ​ടെ അവരെ ശാസി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ഇക്കാര്യ​ങ്ങളെ​ല്ലാം അവരോ​ടു പറയു​ക​യും ചെയ്യുക.+ ആരും നിന്നെ വില കുറച്ച്‌ കാണാൻ അനുവ​ദി​ക്ക​രുത്‌.

3 ഗവൺമെ​ന്റു​കൾക്കും അധികാ​ര​ങ്ങൾക്കും കീഴ്‌പെട്ടിരുന്നുകൊണ്ട്‌+ അനുസ​രണം കാണി​ക്കാ​നും എല്ലാ സത്‌പ്ര​വൃ​ത്തി​ക്കും ഒരുങ്ങി​യി​രി​ക്കാ​നും 2 ആരെക്കുറിച്ചും മോശ​മാ​യി സംസാ​രി​ക്കാ​തി​രി​ക്കാ​നും വഴക്കാ​ളി​ക​ളാ​കാ​തെ വിട്ടു​വീഴ്‌ച ചെയ്യുന്നവരായി*+ എല്ലാ മനുഷ്യരോ​ടും നല്ല സൗമ്യത കാണിക്കാനും+ അവരെ തുടർന്നും ഓർമി​പ്പി​ക്കണം. 3 കാരണം ഒരു കാലത്ത്‌ നമ്മളും വിവേ​ക​മി​ല്ലാ​ത്ത​വ​രും അനുസ​ര​ണംകെ​ട്ട​വ​രും വഴി​തെ​റ്റി​ക്കപ്പെ​ട്ട​വ​രും പല തരം മോഹ​ങ്ങൾക്കും ജീവി​ത​സു​ഖ​ങ്ങൾക്കും അടിമ​ക​ളും പരസ്‌പരം വെറുത്ത്‌ വഷളത്ത​ത്തി​ലും അസൂയ​യി​ലും കാലം കഴിച്ച​വ​രും അറയ്‌ക്കപ്പെ​ട്ട​വ​രും ആയിരു​ന്ന​ല്ലോ.

4 എന്നാൽ നമ്മുടെ രക്ഷകനായ ദൈവ​ത്തി​ന്റെ ദയയും+ മനുഷ്യരോ​ടുള്ള സ്‌നേ​ഹ​വും വെളിപ്പെ​ട്ടപ്പോൾ 5 (അതു നമ്മൾ എന്തെങ്കി​ലും നീതിപ്ര​വൃ​ത്തി​കൾ ചെയ്‌തി​ട്ടല്ല,+ ദൈവ​ത്തി​നു നമ്മളോ​ടു കരുണ തോന്നി​യി​ട്ടാണ്‌.)+ നമുക്കു ജീവൻ കിട്ടാ​നാ​യി നമ്മളെ കഴുകുകയും+ പരിശുദ്ധാത്മാവിനെ* ഉപയോ​ഗിച്ച്‌ പുതുക്കുകയും+ ചെയ്‌ത്‌ ദൈവം നമ്മളെ രക്ഷിച്ചു. 6 നമ്മുടെ രക്ഷകനായ യേശുക്രി​സ്‌തു​വി​ലൂ​ടെ ദൈവം ഈ ആത്മാവി​നെ നമ്മുടെ മേൽ സമൃദ്ധമായി* ചൊരി​ഞ്ഞു.+ 7 ദൈവത്തിന്റെ അനർഹ​ദ​യ​യാൽ നമ്മൾ നീതി​മാ​ന്മാർ എന്നു പ്രഖ്യാപിക്കപ്പെട്ടതിനു+ ശേഷം നിത്യ​ജീ​വന്റെ പ്രത്യാശയനുസരിച്ച്‌+ അവകാശികളാകാൻവേണ്ടിയാണു+ ദൈവം അതു ചെയ്‌തത്‌.

8 ഇതു വിശ്വാ​സയോ​ഗ്യ​മായ വാക്കു​ക​ളാണ്‌. ദൈവത്തെ വിശ്വ​സി​ച്ചി​രി​ക്കു​ന്നവർ നല്ല കാര്യങ്ങൾ ചെയ്യു​ന്ന​തിൽ മനസ്സു കേന്ദ്രീ​ക​രി​ച്ചു​നി​റു​ത്താൻ നീ എപ്പോ​ഴും ഇക്കാര്യ​ങ്ങൾ ഊന്നി​പ്പ​റ​യ​ണമെന്നു ഞാൻ ആഗ്രഹി​ക്കു​ന്നു. ഇതെല്ലാം മനുഷ്യർക്കു പ്രയോ​ജനം ചെയ്യുന്ന ഉത്തമകാ​ര്യ​ങ്ങ​ളാണ്‌.

9 ബുദ്ധിശൂന്യമായ തർക്കങ്ങ​ളും വംശാ​വ​ലി​ക​ളു​ടെ വിശക​ല​ന​ങ്ങ​ളും വാദ​പ്ര​തി​വാ​ദ​ങ്ങ​ളും നിയമത്തെച്ചൊല്ലിയുള്ള* വഴക്കു​ക​ളും ഒഴിവാ​ക്കുക. കാരണം ഇതെല്ലാം ഒരു പ്രയോ​ജ​ന​വു​മി​ല്ലാത്ത വ്യർഥ​കാ​ര്യ​ങ്ങ​ളാണ്‌.+ 10 സഭയിൽ തെറ്റായ ഉപദേശം പ്രചരിപ്പിക്കുന്നയാൾക്ക്‌+ ഒരു പ്രാവ​ശ്യം താക്കീതു* കൊടു​ക്കുക. രണ്ടാമത്‌ ഒന്നുകൂ​ടെ താക്കീതു കൊടുത്തിട്ടും+ കൂട്ടാ​ക്കു​ന്നില്ലെ​ങ്കിൽ അയാളെ തീർത്തും ഒഴിവാ​ക്കുക.+ 11 അയാൾ നേർവഴി വിട്ട്‌ പാപത്തിൽ നടക്കു​ന്ന​വ​നും അങ്ങനെ തനിക്കു​തന്നെ ശിക്ഷ വിധി​ച്ച​വ​നും ആണല്ലോ.

12 ഞാൻ അർത്തെ​മാ​സിനെ​യോ തിഹിക്കൊസിനെയോ+ നിന്റെ അടു​ത്തേക്ക്‌ അയയ്‌ക്കു​മ്പോൾ നീ എങ്ങനെയെ​ങ്കി​ലും നിക്കൊപ്പൊ​ലി​യിൽ എന്റെ അടുത്ത്‌ എത്താൻ നോക്കണം. ഞാൻ മഞ്ഞുകാ​ലം ചെലവ​ഴി​ക്കു​ന്നത്‌ അവി​ടെ​യാ​യി​രി​ക്കും. 13 നിയമത്തിൽ നല്ല പാണ്ഡി​ത്യ​മുള്ള സേനാ​സി​നും അപ്പൊല്ലോ​സി​നും യാത്ര​യിൽ ഒന്നിനും ഒരു കുറവ്‌ വരാതി​രി​ക്കാൻ നിന്നെ​ക്കൊ​ണ്ട്‌ പറ്റുന്നതെ​ല്ലാം ചെയ്‌തുകൊ​ടു​ക്കണം.+ 14 ഇതുപോലുള്ള നല്ല കാര്യങ്ങൾ ചെയ്യാൻ നമ്മുടെ ആളുക​ളും പഠി​ക്കേ​ണ്ട​താണ്‌. അപ്പോൾ അടിയ​ന്തി​ര​മാ​യി സഹായം വേണ്ടവർക്കെ​ല്ലാം സഹായം ചെയ്‌തുകൊടുക്കാൻ+ അവർക്കു കഴിയും. അങ്ങനെയെ​ങ്കിൽ അവർ ഫലം കായ്‌ക്കാ​ത്ത​വ​രാ​യിപ്പോ​കില്ല.+

15 എന്റെകൂടെയുള്ള എല്ലാവ​രും നിന്നെ സ്‌നേ​ഹാന്വേ​ഷ​ണങ്ങൾ അറിയി​ക്കു​ന്നു. ഞങ്ങളെ സ്‌നേ​ഹി​ക്കുന്ന എല്ലാ വിശ്വാ​സി​കളെ​യും എന്റെ അന്വേ​ഷണം അറിയി​ക്കുക.

അനർഹദയ നിങ്ങളു​ടെ എല്ലാവ​രുടെ​യും​കൂടെ​യു​ണ്ടാ​യി​രി​ക്കട്ടെ.