തെസ്സ​ലോ​നി​ക്യ​യി​ലു​ള്ള​വർക്ക്‌ എഴുതിയ ഒന്നാമത്തെ കത്ത്‌

1 പൗലോ​സും സില്വാനൊസും*+ തിമൊഥെയൊസും+ പിതാ​വായ ദൈവത്തോ​ടും കർത്താ​വായ യേശുക്രി​സ്‌തു​വിനോ​ടും യോജി​പ്പി​ലുള്ള തെസ്സ​ലോ​നി​ക്യ​സ​ഭ​യ്‌ക്ക്‌ എഴുതു​ന്നത്‌:

നിങ്ങൾക്കു ദൈവ​ത്തി​ന്റെ അനർഹ​ദ​യ​യും സമാധാ​ന​വും!

2 നിങ്ങളെ എല്ലാവരെ​യും പ്രാർഥ​ന​യിൽ ഓർക്കുമ്പോഴെ​ല്ലാം ഞങ്ങൾ ദൈവ​ത്തി​നു നന്ദി പറയാ​റുണ്ട്‌.+ 3 വിശ്വസ്‌തതയോടെയുള്ള നിങ്ങളു​ടെ പ്രവൃ​ത്തി​ക​ളും സ്‌നേ​ഹത്തോ​ടെ നിങ്ങൾ ചെയ്യുന്ന കഠിനാ​ധ്വാ​ന​വും നമ്മുടെ കർത്താ​വായ യേശുക്രി​സ്‌തു​വി​ലുള്ള പ്രത്യാശ+ നിമിത്തം നിങ്ങൾ കാണി​ക്കുന്ന സഹനശ​ക്തി​യും നമ്മുടെ പിതാ​വായ ദൈവ​ത്തി​ന്റെ സന്നിധി​യിൽ ഞങ്ങൾ എപ്പോ​ഴും ഓർക്കു​ന്നു. 4 ദൈവം സ്‌നേ​ഹി​ക്കുന്ന സഹോ​ദ​ര​ങ്ങളേ, നിങ്ങളെ ദൈവം തിര​ഞ്ഞെ​ടു​ത്തി​ട്ടുണ്ടെന്നു ഞങ്ങൾക്ക്‌ അറിയാം. 5 ഞങ്ങൾ നിങ്ങ​ളോ​ടു സന്തോ​ഷ​വാർത്ത അറിയി​ച്ചപ്പോൾ അതു വാക്കു​ക​ളിൽ മാത്ര​മാ​യി ഒതുങ്ങി​നി​ന്നില്ല. പകരം ശക്തി​യോടെ​യും പൂർണബോ​ധ്യത്തോടെ​യും പരിശുദ്ധാത്മാവിനാലാണു* ഞങ്ങൾ പ്രസം​ഗി​ച്ചത്‌. ഞങ്ങൾ നിങ്ങൾക്കു​വേണ്ടി നിങ്ങളു​ടെ ഇടയിൽ എങ്ങനെ​യു​ള്ള​വ​രാ​യി​ത്തീർന്നെന്നു നിങ്ങൾക്കു​തന്നെ നന്നായി അറിയാ​മ​ല്ലോ. 6 വളരെയേറെ കഷ്ടതകൾ+ സഹി​ക്കേ​ണ്ടി​വന്നെ​ങ്കി​ലും പരിശു​ദ്ധാ​ത്മാ​വിൽനി​ന്നുള്ള സന്തോ​ഷത്തോ​ടെ ദൈവ​വ​ചനം സ്വീക​രി​ച്ച​വ​രാ​ണു നിങ്ങൾ. അതുവഴി, നിങ്ങൾ ശരിക്കും ഞങ്ങളുടെയും+ കർത്താവിന്റെയും+ അനുകാ​രി​ക​ളാ​യി. 7 മാസിഡോണിയയിലും അഖായ​യി​ലും ഉള്ള വിശ്വാ​സി​കൾക്കെ​ല്ലാം നിങ്ങൾ ഒരു മാതൃ​ക​യു​മാ​യി.

8 വാസ്‌തവത്തിൽ യഹോവയുടെ* വചനത്തി​ന്റെ മാറ്റൊ​ലി നിങ്ങളിൽനി​ന്ന്‌ മാസിഡോ​ണി​യ​യി​ലും അഖായ​യി​ലും പരന്നെന്നു മാത്രമല്ല ദൈവ​ത്തി​ലുള്ള നിങ്ങളു​ടെ വിശ്വാ​സം മറ്റെല്ലാ നാട്ടി​ലും പ്രസി​ദ്ധ​മാ​കു​ക​യും ചെയ്‌തി​രി​ക്കു​ന്നു.+ അതു​കൊണ്ട്‌ ഞങ്ങൾ ഇനി അവി​ടെയൊ​ന്നും കൂടു​ത​ലാ​യി എന്തെങ്കി​ലും പറയേ​ണ്ട​തില്ല. 9 ഞങ്ങൾ ആദ്യമാ​യി നിങ്ങളു​ടെ അടുത്ത്‌ എത്തിയ​തിനെ​ക്കു​റിച്ച്‌ അവർതന്നെ വിവരി​ക്കു​ന്ന​ല്ലോ. നിങ്ങൾ വിഗ്ര​ഹ​ങ്ങളെ വിട്ട്‌+ ജീവനുള്ള സത്യദൈ​വ​ത്തിലേക്കു തിരിഞ്ഞ്‌ ദൈവത്തെ സേവി​ക്കു​ന്ന​തിനെ​ക്കു​റി​ച്ചും 10 ദൈവം മരിച്ച​വ​രിൽനിന്ന്‌ ഉയിർപ്പി​ച്ച​വ​നും വരാനി​രി​ക്കുന്ന ക്രോധത്തിൽനിന്ന്‌+ നമ്മളെ രക്ഷിക്കു​ന്ന​വ​നും ആയ യേശു എന്ന ദൈവ​പു​ത്രൻ സ്വർഗ​ത്തിൽനിന്ന്‌ വരാൻ+ കാത്തി​രി​ക്കു​ന്ന​തിനെ​ക്കു​റി​ച്ചും അവർ പറയുന്നു.

2 സഹോ​ദ​ര​ങ്ങളേ, ഞങ്ങൾ നിങ്ങളെ സന്ദർശി​ച്ചതു വെറുതേ​യാ​യിപ്പോ​യില്ലെന്നു നിങ്ങൾക്കു​തന്നെ ബോധ്യ​മു​ണ്ട​ല്ലോ.+ 2 നിങ്ങൾക്ക്‌ അറിയാ​വു​ന്ന​തുപോ​ലെ, ആദ്യം ഞങ്ങൾക്കു ഫിലിപ്പിയിൽവെച്ച്‌+ ഉപദ്ര​വമേൽക്കു​ക​യും ആളുകൾ ഞങ്ങളോ​ട്‌ അപമര്യാ​ദ​യാ​യി പെരു​മാ​റു​ക​യും ചെയ്‌തെ​ങ്കി​ലും, നമ്മുടെ ദൈവ​ത്തി​ന്റെ സഹായ​ത്താൽ ഞങ്ങൾ ധൈര്യ​മാർജിച്ച്‌ വലിയ എതിർപ്പുകൾക്കു* നടുവി​ലും ദൈവ​ത്തിൽനി​ന്നുള്ള സന്തോ​ഷ​വാർത്ത നിങ്ങളെ അറിയി​ച്ചു.+ 3 ഞങ്ങൾ തന്ന പ്രോ​ത്സാ​ഹനം എന്തെങ്കി​ലും തെറ്റിൽനി​ന്നോ അശുദ്ധി​യിൽനി​ന്നോ ഉത്ഭവി​ച്ചതല്ല; അതു വഞ്ചനാ​പ​ര​വു​മല്ല. 4 സന്തോഷവാർത്ത ഏൽപ്പി​ക്കാൻ ദൈവം ഞങ്ങളെ യോഗ്യ​രാ​യി കണക്കാ​ക്കി​യ​തുകൊണ്ട്‌ മനുഷ്യ​രെയല്ല, ഹൃദയം പരി​ശോ​ധി​ക്കുന്ന ദൈവത്തെ+ പ്രസാ​ദി​പ്പി​ക്കുക എന്ന ലക്ഷ്യത്തി​ലാ​ണു ഞങ്ങൾ സംസാ​രി​ക്കു​ന്നത്‌.

5 നിങ്ങൾക്ക്‌ അറിയാ​മ​ല്ലോ, ഞങ്ങൾ ഒരിക്ക​ലും മുഖസ്‌തു​തി പറഞ്ഞു​കൊ​ണ്ട്‌ നിങ്ങളു​ടെ അടുത്ത്‌ വന്നിട്ടില്ല. ഞങ്ങൾ മുഖം​മൂ​ടി അണിഞ്ഞ അത്യാഗ്ര​ഹി​ക​ളു​മ​ല്ലാ​യി​രു​ന്നു.+ ഇതിനു ദൈവം സാക്ഷി! 6 ഞങ്ങൾ നിങ്ങളിൽനി​ന്നോ മറ്റു മനുഷ്യ​രിൽനി​ന്നോ ബഹുമതി നേടാ​നും ശ്രമി​ച്ചി​ട്ടില്ല. വാസ്‌ത​വ​ത്തിൽ, ക്രിസ്‌തു​വി​ന്റെ അപ്പോ​സ്‌ത​ല​ന്മാ​രെന്ന നിലയിൽ ഞങ്ങൾക്കു വേണ​മെ​ങ്കിൽ ഭാരിച്ച ചെലവു​വ​രു​ത്തുന്ന പലതും നിങ്ങളിൽനി​ന്ന്‌ ആവശ്യപ്പെ​ടാ​മാ​യി​രു​ന്നു.+ 7 പക്ഷേ ഒരു അമ്മ താൻ മുലയൂ​ട്ടുന്ന കുഞ്ഞിനെ പരിപാ​ലി​ക്കുന്ന അതേ സ്‌നേഹവാത്സല്യത്തോടെയാണു* ഞങ്ങൾ നിങ്ങ​ളോ​ടു പെരു​മാ​റി​യത്‌. 8 ഇങ്ങനെ, നിങ്ങ​ളോ​ടുള്ള വാത്സല്യം കാരണം ദൈവ​ത്തിൽനി​ന്നുള്ള സന്തോ​ഷ​വാർത്ത അറിയി​ക്കാൻ മാത്രമല്ല, ഞങ്ങളുടെ സ്വന്തം പ്രാണൻ തരാൻപോ​ലും ഞങ്ങൾ തീരു​മാ​നി​ച്ചി​രു​ന്നു.+ കാരണം നിങ്ങൾ ഞങ്ങൾക്ക്‌ അത്രയ്‌ക്കു പ്രിയപ്പെ​ട്ട​വ​രാ​യി മാറി​യി​രു​ന്നു.+

9 സഹോദരങ്ങളേ, ഞങ്ങളുടെ അധ്വാ​ന​വും കഷ്ടപ്പാ​ടും നിങ്ങൾ നന്നായി ഓർക്കു​ന്നു​ണ്ടാ​കു​മ​ല്ലോ. നിങ്ങളിൽ ആർക്കും ഒരു ഭാരമാ​കാ​തി​രി​ക്കാൻ രാവും പകലും അധ്വാനിച്ചുകൊണ്ടാണു+ ദൈവ​ത്തിൽനി​ന്നുള്ള സന്തോ​ഷ​വാർത്ത ഞങ്ങൾ നിങ്ങളെ അറിയി​ച്ചത്‌. 10 വിശ്വാസികളായ നിങ്ങളു​ടെ ഇടയിൽ ഞങ്ങൾ എത്ര കുറ്റമ​റ്റ​വ​രാ​യി​രു​ന്നു, എത്ര വിശ്വ​സ്‌ത​തയോടെ​യും നീതിയോടെ​യും ആണ്‌ ഞങ്ങൾ പെരു​മാ​റി​യത്‌ എന്നതിനെ​ല്ലാം നിങ്ങൾ സാക്ഷികൾ, ദൈവ​വും സാക്ഷി. 11 ഒരു അപ്പൻ മക്കളുടെ കാര്യ​ത്തിൽ ചെയ്യുന്നതുപോലെയാണു+ ഞങ്ങൾ നിങ്ങളെ ഓരോ​രു​ത്തരെ​യും ഉപദേശിക്കുകയും+ ആശ്വസി​പ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്‌തി​രു​ന്നത്‌ എന്നു നിങ്ങൾക്കു നന്നായി അറിയാ​മ​ല്ലോ. 12 നിങ്ങളെ തന്റെ രാജ്യത്തിലേക്കും+ മഹത്ത്വത്തിലേക്കും+ വിളിച്ച ദൈവ​ത്തിന്‌ ഇഷ്ടപ്പെട്ട രീതി​യിൽ നിങ്ങൾ എന്നും ജീവിക്കാൻവേണ്ടിയാണു+ ഞങ്ങൾ അതു ചെയ്‌തത്‌.

13 വാസ്‌തവത്തിൽ അതു​കൊ​ണ്ടാ​ണു ഞങ്ങൾ ഇടവി​ടാ​തെ ദൈവ​ത്തി​നു നന്ദി പറയു​ന്ന​തും.+ കാരണം ഞങ്ങളിൽനി​ന്ന്‌ കേട്ട ദൈവ​വ​ചനം നിങ്ങൾ സ്വീക​രി​ച്ചതു മനുഷ്യ​രു​ടെ വാക്കു​ക​ളാ​യി​ട്ടല്ല, അത്‌ യഥാർഥ​ത്തിൽ ആയിരി​ക്കു​ന്ന​തുപോ​ലെ ദൈവ​ത്തിന്റെ​തന്നെ വചനമാ​യി​ട്ടാണ്‌. വിശ്വാ​സി​ക​ളായ നിങ്ങളിൽ അതു പ്രവർത്തി​ക്കു​ന്നു​മുണ്ട്‌. 14 സഹോദരങ്ങളേ, ക്രിസ്‌തുയേ​ശു​വു​മാ​യി യോജി​പ്പി​ലായ യഹൂദ്യ​യി​ലെ ദൈവ​സ​ഭ​ക​ളു​ടെ അതേ മാതൃക നിങ്ങളും പിന്തു​ടർന്നെന്നു പറയാം. കാരണം ജൂതന്മാ​രിൽനിന്ന്‌ അവർ സഹിക്കു​ന്നതെ​ല്ലാം സ്വന്തം നാട്ടു​കാ​രിൽനിന്ന്‌ നിങ്ങളും സഹിച്ച​ല്ലോ.+ 15 കർത്താവായ യേശു​വിനെ​യും പ്രവാ​ച​ക​ന്മാരെ​യും കൊല്ലു​കപോ​ലും ചെയ്‌ത​വ​രാ​ണു ജൂതന്മാർ.+ അവർ ഞങ്ങളെ​യും ദ്രോ​ഹി​ച്ചു.+ അതു മാത്രമല്ല, അവർ ദൈവത്തെ പ്രീതിപ്പെ​ടു​ത്താ​ത്ത​വ​രാണ്‌, എല്ലാ മനുഷ്യ​രുടെ​യും നന്മയ്‌ക്കെ​തി​രു​മാണ്‌. 16 കാരണം ജനതക​ളു​ടെ രക്ഷയ്‌ക്കു​വേണ്ടി ഞങ്ങൾ ചെയ്യുന്ന പ്രസം​ഗപ്ര​വർത്ത​നത്തെ അവർ തടസ്സ​പ്പെ​ടു​ത്താൻ നോക്കു​ന്നു.+ ഇങ്ങനെ, അവർ എപ്പോ​ഴും അവരുടെ പാപങ്ങ​ളു​ടെ അളവ്‌ തികയ്‌ക്കു​ക​യാണ്‌. പക്ഷേ ഇപ്പോൾ ഇതാ, ദൈവ​ക്രോ​ധം അവരുടെ മേൽ വന്നിരി​ക്കു​ന്നു.+

17 സഹോദരങ്ങളേ, (ഹൃദയംകൊ​ണ്ടല്ലെ​ങ്കി​ലും ശരീരം​കൊ​ണ്ട്‌) കുറച്ച്‌ കാലം നിങ്ങളെ പിരിഞ്ഞ്‌ കഴി​യേ​ണ്ടി​വ​ന്നപ്പോൾ നിങ്ങളെ നേരിൽ കാണാൻ ഞങ്ങൾക്ക്‌ അതിയായ ആഗ്രഹം തോന്നി. നിങ്ങളു​ടെ അടുത്ത്‌ വരാൻ ഞങ്ങൾ ഒരുപാ​ടു ശ്രമി​ക്കു​ക​യും ചെയ്‌തു. 18 അങ്ങനെ, നിങ്ങളു​ടെ അടുത്ത്‌ എത്താൻ ഞങ്ങൾ, പ്രത്യേ​കി​ച്ചും പൗലോ​സ്‌ എന്ന ഞാൻ, ശ്രമിച്ചെ​ങ്കി​ലും സാത്താൻ ഞങ്ങളുടെ വഴിമു​ടക്കി. ഒന്നല്ല രണ്ടു തവണ ഇതു സംഭവി​ച്ചു. 19 നമ്മുടെ കർത്താ​വായ യേശു​വി​ന്റെ സാന്നി​ധ്യ​സ​മ​യത്ത്‌ യേശു​വി​ന്റെ മുന്നിൽ ഞങ്ങളുടെ പ്രത്യാ​ശ​യും ആനന്ദവും അഭിമാ​ന​കി​രീ​ട​വും ആരാണ്‌? വാസ്‌ത​വ​ത്തിൽ അതു നിങ്ങളല്ലേ?+ 20 അതെ, നിങ്ങൾതന്നെ​യാ​ണു ഞങ്ങളുടെ മഹത്ത്വ​വും ആനന്ദവും.

3 ഇനിയും സഹിക്കാൻ വയ്യെന്നാ​യപ്പോൾ, ഒറ്റയ്‌ക്കാണെ​ങ്കി​ലും ആതൻസിൽത്തന്നെ+ താമസി​ച്ചിട്ട്‌ 2 നമ്മുടെ സഹോ​ദ​ര​നും ക്രിസ്‌തു​വിനെ​ക്കു​റി​ച്ചുള്ള സന്തോ​ഷ​വാർത്ത അറിയി​ക്കു​ന്ന​തിൽ ദൈവ​ത്തി​ന്റെ ശുശ്രൂഷകനും* ആയ തിമൊഥെയൊസിനെ+ അവി​ടേക്ക്‌ അയയ്‌ക്കാൻ ഞങ്ങൾ തീരു​മാ​നി​ച്ചു. നിങ്ങളെ ബലപ്പെ​ടു​ത്തി​യും ആശ്വസി​പ്പി​ച്ചും നിങ്ങളു​ടെ വിശ്വാ​സം ശക്തി​പ്പെ​ടു​ത്താ​നാ​ണു ഞങ്ങൾ അങ്ങനെ ചെയ്‌തത്‌. 3 ഇത്തരം കഷ്ടതക​ളു​ടെ സമയത്ത്‌ ആരും വിശ്വാ​സ​ത്തിൽനിന്ന്‌ ഇളകിപ്പോകരുതെന്നാണു* ഞങ്ങളുടെ ആഗ്രഹം. നിങ്ങൾക്ക്‌ അറിയാ​വു​ന്ന​തുപോ​ലെ ഇതു​പോ​ലുള്ള കഷ്ടതകൾ നമുക്ക്‌ ഒഴിവാ​ക്കാൻ പറ്റില്ല​ല്ലോ.+ 4 നമ്മൾ കഷ്ടതകൾ സഹി​ക്കേ​ണ്ടി​വ​രുമെന്നു നിങ്ങളുടെ​കൂ​ടെ ആയിരു​ന്നപ്പോൾത്തന്നെ ഞങ്ങൾ മുൻകൂ​ട്ടി​പ്പ​റ​യാ​റു​ണ്ടാ​യി​രു​ന്ന​ല്ലോ. നിങ്ങൾക്ക്‌ അറിയാ​വു​ന്ന​തുപോ​ലെ ഇപ്പോൾ അതു സംഭവി​ക്കു​ക​യും ചെയ്‌തി​രി​ക്കു​ന്നു.+ 5 അതുകൊണ്ടാണ്‌ എനിക്കു സഹിക്കാൻ വയ്യെന്നാ​യപ്പോൾ നിങ്ങളു​ടെ വിശ്വ​സ്‌ത​തയെ​ക്കു​റിച്ച്‌ അറിയാൻ ഞാൻ തിമൊഥെയൊ​സി​നെ അയച്ചത്‌.+ ഒരുപക്ഷേ പ്രലോഭകൻ+ നിങ്ങളെ ഏതെങ്കി​ലും വിധത്തിൽ പ്രലോ​ഭി​പ്പി​ച്ചി​രി​ക്കു​മോ എന്നും അങ്ങനെ ഞങ്ങളുടെ അധ്വാ​നമെ​ല്ലാം വെറുതേ​യാ​യിപ്പോ​കു​മോ എന്നും എനിക്കു പേടി​യു​ണ്ടാ​യി​രു​ന്നു.

6 പക്ഷേ ഇപ്പോൾ, നിങ്ങളു​ടെ വിശ്വ​സ്‌ത​തയെ​യും സ്‌നേ​ഹത്തെ​യും കുറിച്ച്‌ നല്ലൊരു വാർത്ത​യു​മാ​യാ​ണു തിമൊ​ഥെ​യൊ​സ്‌ തിരിച്ചെ​ത്തി​യി​രി​ക്കു​ന്നത്‌.+ നിങ്ങൾ എപ്പോ​ഴും ഞങ്ങളെ സ്‌നേ​ഹത്തോ​ടെ ഓർക്കു​ന്നുണ്ടെ​ന്നും നിങ്ങളെ കാണാൻ ഞങ്ങൾ കൊതി​ക്കു​ന്ന​തുപോ​ലെ ഞങ്ങളെ കാണാൻ നിങ്ങളും കൊതി​ക്കു​ന്നുണ്ടെ​ന്നും തിമൊ​ഥെ​യൊ​സ്‌ അറിയി​ച്ചു. 7 അതുകൊണ്ടാണ്‌ സഹോ​ദ​ര​ങ്ങളേ, ഇത്ര​യെ​ല്ലാം ബുദ്ധിമുട്ടുകളും* കഷ്ടതക​ളും ഉണ്ടായി​ട്ടും ഞങ്ങൾക്ക്‌ ആശ്വാസം തോന്നു​ന്നത്‌. നിങ്ങളും നിങ്ങൾ കാണി​ക്കുന്ന വിശ്വ​സ്‌ത​ത​യും ആണ്‌ അതിനു കാരണം.+ 8 നിങ്ങൾ കർത്താ​വിൽ ഉറച്ചു​നിൽക്കു​ന്നു എന്ന്‌ അറിയു​ന്ന​തു​തന്നെ ഞങ്ങൾക്ക്‌ ഒരു പുത്തൻ ഉണർവേ​കുന്ന കാര്യ​മാണ്‌.* 9 നിങ്ങൾ കാരണം നമ്മുടെ ദൈവ​ത്തി​ന്റെ സന്നിധി​യിൽ ഞങ്ങൾ അനുഭ​വി​ക്കുന്ന ഈ വലിയ സന്തോ​ഷ​ത്തി​നു ഞങ്ങൾ ദൈവ​ത്തോ​ട്‌ എത്ര നന്ദി പറഞ്ഞാ​ലും മതിയാ​കു​മോ? 10 നിങ്ങളുടെ വിശ്വാ​സ​ത്തിൽ എന്തെങ്കി​ലും കുറവുണ്ടെങ്കിൽ+ അതു നികത്താൻവേണ്ടി നിങ്ങളെ ഒന്നു നേരിൽ കാണാൻ കഴി​യേ​ണ്ട​തി​നു ഞങ്ങൾ ആകുന്നത്ര തീക്ഷ്‌ണ​തയോ​ടെ രാപ്പകൽ ഉള്ളുരു​കി പ്രാർഥി​ക്കു​ന്നുണ്ട്‌.

11 ഞങ്ങൾ നിങ്ങളു​ടെ അടുത്ത്‌ എത്താൻവേണ്ടി നമ്മുടെ പിതാ​വായ ദൈവ​വും നമ്മുടെ കർത്താ​വായ യേശു​വും വഴി​യൊ​രു​ക്കട്ടെ. 12 ഞങ്ങൾക്കു നിങ്ങ​ളോ​ടുള്ള സ്‌നേഹം നിറഞ്ഞു​ക​വി​യു​ന്ന​തുപോലെ​തന്നെ നിങ്ങൾക്കു തമ്മിൽത്ത​മ്മി​ലും മറ്റുള്ള​വരോ​ടും ഉള്ള സ്‌നേഹവും+ വർധിച്ച്‌ നിറഞ്ഞു​ക​വി​യാൻ കർത്താവ്‌ ഇടയാ​ക്കട്ടെ. 13 അങ്ങനെ, നമ്മുടെ കർത്താ​വായ യേശു തന്റെ എല്ലാ വിശു​ദ്ധ​രുടെ​യും​കൂ​ടെ സാന്നി​ധ്യ​വാ​നാ​കുന്ന സമയത്ത്‌+ നമ്മുടെ പിതാ​വായ ദൈവ​ത്തി​ന്റെ മുന്നിൽ നിങ്ങളു​ടെ ഹൃദയങ്ങൾ ഉറപ്പു​ള്ള​തും കുറ്റമറ്റ വിധം വിശു​ദ്ധി​യു​ള്ള​തും ആകും.+

4 അവസാ​ന​മാ​യി സഹോ​ദ​ര​ങ്ങളേ, ഒരു കാര്യം​കൂ​ടെ പറയട്ടെ: ദൈവത്തെ പ്രസാ​ദി​പ്പി​ക്കുന്ന രീതിയിൽ+ എങ്ങനെ ജീവി​ക്കാമെന്നു ഞങ്ങളിൽനി​ന്ന്‌ നിങ്ങൾക്കു നിർദേ​ശങ്ങൾ കിട്ടി​യി​ട്ടു​ണ്ട​ല്ലോ. നിങ്ങൾ അങ്ങനെ ജീവി​ക്കു​ന്നു​മുണ്ട്‌. പക്ഷേ നിങ്ങൾ അതിൽ ഇനിയും പുരോ​ഗ​മി​ക്ക​ണമെ​ന്നാ​ണു കർത്താ​വായ യേശു​വി​ന്റെ പേരിൽ ഞങ്ങൾ നിങ്ങ​ളോട്‌ അപേക്ഷി​ക്കു​ക​യും അഭ്യർഥി​ക്കു​ക​യും ചെയ്യു​ന്നത്‌. 2 കർത്താവായ യേശു​വി​ലൂ​ടെ ഞങ്ങൾ നിങ്ങൾക്കു തന്ന നിർദേ​ശങ്ങൾ നിങ്ങൾക്ക്‌ അറിയാ​വു​ന്ന​താ​ണ​ല്ലോ.

3 നിങ്ങൾ ലൈം​ഗിക അധാർമികതയിൽനിന്ന്‌*+ അകന്നി​രി​ക്ക​ണമെ​ന്നും വിശുദ്ധരായിരിക്കണമെന്നും+ ആണ്‌ ദൈവ​ത്തി​ന്റെ ഇഷ്ടം. 4 വിശുദ്ധിയിലും+ മാനത്തി​ലും സ്വന്തം ശരീരത്തെ* വരുതി​യിൽ നിറുത്താൻ+ നിങ്ങൾ ഓരോ​രു​ത്ത​രും അറിഞ്ഞി​രി​ക്കണം. 5 അല്ലാതെ, ദൈവത്തെ അറിയാത്ത ജനതകളെപ്പോലെ+ നിങ്ങൾ അനിയന്ത്രി​ത​മായ കാമാവേശത്തോടെ+ ആർത്തി​പൂണ്ട്‌ നടക്കരു​ത്‌. 6 ഇക്കാര്യത്തിൽ ആരും പരിധി​ക്ക​പ്പു​റം പോകു​ക​യോ സഹോ​ദ​രനെ മുത​ലെ​ടു​ക്കു​ക​യോ അരുത്‌. കാരണം ഇതി​നെ​ല്ലാം യഹോവ* ശിക്ഷ നടപ്പാ​ക്കും. ഞങ്ങൾ നേര​ത്തേ​തന്നെ ഇതു നിങ്ങ​ളോ​ടു പറഞ്ഞി​ട്ടു​ള്ള​താണ്‌, ശക്തമായ മുന്നറി​യി​പ്പും തന്നിട്ടു​ണ്ട്‌. 7 കാരണം അശുദ്ധ​രാ​യി​രി​ക്കാ​നല്ല, വിശുദ്ധരായിരിക്കാനാണു+ ദൈവം നമ്മളെ വിളി​ച്ചി​രി​ക്കു​ന്നത്‌. 8 അതുകൊണ്ട്‌ ഇക്കാര്യ​ങ്ങൾ വകവെ​ക്കാ​ത്ത​യാൾ മനുഷ്യ​നെയല്ല, നിങ്ങൾക്കു പരിശുദ്ധാത്മാവിനെ+ തരുന്ന ദൈവത്തെ​യാ​ണു വകവെ​ക്കാ​തി​രി​ക്കു​ന്നത്‌.+

9 എന്തായാലും സഹോദരസ്‌നേഹത്തെക്കുറിച്ച്‌+ ഞങ്ങൾ നിങ്ങൾക്ക്‌ എഴു​തേ​ണ്ട​തില്ല. അന്യോ​ന്യം സ്‌നേഹിക്കാൻ+ ദൈവം​തന്നെ നിങ്ങളെ പഠിപ്പി​ച്ചി​ട്ടു​ണ്ട​ല്ലോ. 10 വാസ്‌തവത്തിൽ, മാസിഡോ​ണി​യ​യിലെ​ങ്ങു​മുള്ള സഹോ​ദ​ര​ങ്ങളോടെ​ല്ലാം നിങ്ങൾ ഇപ്പോൾത്തന്നെ സ്‌നേ​ഹത്തോ​ടെ പെരു​മാ​റു​ന്നുണ്ട്‌. എങ്കിലും സഹോ​ദ​ര​ങ്ങളേ, ഇനിയും കൂടുതൽ പുരോ​ഗതി വരുത്താൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. 11 ഞങ്ങൾ നിങ്ങ​ളോ​ടു നിർദേ​ശി​ച്ച​തുപോ​ലെ അടങ്ങിയൊ​തു​ങ്ങി കഴിയാനും*+ സ്വന്തം കാര്യം നോക്കി,+ സ്വന്ത​കൈ​കൊ​ണ്ട്‌ ജോലി ചെയ്‌ത്‌ ജീവിക്കാനും+ ആത്മാർഥ​മാ​യി ശ്രമി​ക്കുക. 12 അങ്ങനെയായാൽ, പുറത്തു​ള്ള​വ​രു​ടെ മുന്നിൽ+ നിങ്ങൾക്കു മാന്യ​തയോ​ടെ നടക്കാ​നാ​കും; നിങ്ങൾക്ക്‌ ഒന്നിനും ഒരു കുറവു​ണ്ടാ​കു​ക​യു​മില്ല.

13 സഹോദരങ്ങളേ, മരിച്ച്‌ ഉറക്കത്തിലായവരെക്കുറിച്ച്‌+ നിങ്ങൾ അറിവി​ല്ലാ​ത്ത​വ​രാ​യി​രി​ക്ക​രുത്‌ എന്നാണു ഞങ്ങളുടെ ആഗ്രഹം. അങ്ങനെ​യാ​കുമ്പോൾ ഒരു പ്രത്യാശയുമില്ലാത്ത+ മറ്റുള്ള​വരെപ്പോ​ലെ നിങ്ങൾക്കു ദുഃഖിക്കേ​ണ്ടി​വ​രില്ല. 14 യേശു മരിക്കു​ക​യും ഉയിർത്തെഴുന്നേൽക്കുകയും+ ചെയ്‌തെന്നു നമ്മൾ വിശ്വ​സി​ക്കു​ന്നു​ണ്ട​ല്ലോ. അങ്ങനെയെ​ങ്കിൽ, യേശു​വി​ന്റെ അനുഗാ​മി​ക​ളാ​യി മരണത്തിൽ നിദ്രകൊ​ണ്ട​വരെ​യും ദൈവം ഉയിർപ്പി​ച്ച്‌ യേശു​വിനോടൊ​പ്പം കൊണ്ടു​വ​രും.+ 15 യഹോവയുടെ* വചനത്തി​ന്റെ അടിസ്ഥാ​ന​ത്തിൽ ഞങ്ങൾ ഒരു കാര്യം നിങ്ങ​ളോ​ടു പറയാം: നമ്മുടെ കൂട്ടത്തിൽ കർത്താ​വി​ന്റെ സാന്നി​ധ്യ​സ​മ​യത്ത്‌ ജീവ​നോ​ടെ ബാക്കി​യു​ള്ളവർ, അതി​നോ​ടകം മരിച്ചവരെക്കാൾ* മുമ്പന്മാ​രാ​കില്ല. 16 കാരണം അധികാ​ര​സ്വ​ര​ത്തി​ലുള്ള ആഹ്വാ​നത്തോ​ടും മുഖ്യദൂതന്റെ+ ശബ്ദത്തോ​ടും ദൈവ​ത്തി​ന്റെ കാഹളത്തോ​ടും കൂടെ കർത്താവ്‌ സ്വർഗ​ത്തിൽനിന്ന്‌ ഇറങ്ങി​വ​രുമ്പോൾ ക്രിസ്‌തു​വിനോ​ടുള്ള യോജി​പ്പിൽ മരിച്ചവർ ആദ്യം ഉയിർത്തെ​ഴുന്നേൽക്കും.+ 17 അതിനു ശേഷം, അവരോടൊ​പ്പം ആകാശ​ത്തിൽ കർത്താ​വി​നെ എതി​രേൽക്കാൻവേണ്ടി,+ നമ്മുടെ കൂട്ടത്തിൽ ജീവ​നോ​ടെ ബാക്കി​യു​ള്ള​വരെ മേഘങ്ങളിൽ+ എടുക്കും. അങ്ങനെ, നമ്മൾ എപ്പോ​ഴും കർത്താ​വിന്റെ​കൂടെ​യാ​യി​രി​ക്കും.+ 18 അതുകൊണ്ട്‌ ഇക്കാര്യ​ങ്ങൾ പറഞ്ഞ്‌ പരസ്‌പരം ആശ്വസി​പ്പി​ച്ചുകൊ​ണ്ടി​രി​ക്കുക.

5 സഹോ​ദ​ര​ങ്ങളേ, സമയങ്ങളെ​യും കാലങ്ങളെ​യും കുറിച്ച്‌ പ്രത്യേ​കിച്ച്‌ ഒന്നും നിങ്ങൾക്ക്‌ എഴു​തേ​ണ്ട​തി​ല്ല​ല്ലോ. 2 രാത്രിയിൽ കള്ളൻ വരുന്നതുപോലെയാണ്‌+ യഹോവയുടെ* ദിവസം+ വരുന്ന​തെന്നു നിങ്ങൾക്കു നന്നായി അറിയാം. 3 എപ്പോഴാണോ അവർ “സമാധാ​നം! സുരക്ഷി​ത​ത്വം!” എന്നു പറയു​ന്നത്‌ അപ്പോൾ, ഗർഭി​ണി​ക്കു പ്രസവ​വേദന വരുന്ന​തുപോ​ലെ, പ്രതീ​ക്ഷി​ക്കാത്ത നേരത്ത്‌ അവരുടെ മേൽ പെട്ടെ​ന്നുള്ള നാശം വരും.+ ഒരുത​ര​ത്തി​ലും അവർക്കു രക്ഷപ്പെ​ടാ​നാ​കില്ല. 4 പക്ഷേ സഹോ​ദ​ര​ങ്ങളേ, പകൽവെ​ളി​ച്ചം കള്ളന്മാരെ ഓർക്കാ​പ്പു​റത്ത്‌ പിടി​കൂ​ടു​ന്ന​തുപോ​ലെ ആ ദിവസം നിങ്ങളെ ഓർക്കാ​പ്പു​റത്ത്‌ പിടി​കൂ​ടാൻ നിങ്ങൾ ഇരുട്ടി​ലു​ള്ള​വ​ര​ല്ല​ല്ലോ. 5 നിങ്ങൾ എല്ലാവ​രും വെളി​ച്ച​ത്തിന്റെ​യും പകലിന്റെ​യും മക്കളാണ്‌.+ നമ്മൾ രാത്രി​ക്കോ ഇരുട്ടി​നോ ഉള്ളവരല്ല.+

6 അതുകൊണ്ട്‌ മറ്റുള്ള​വരെപ്പോ​ലെ ഉറക്കത്തിലായിരിക്കാതെ+ നമുക്ക്‌ ഉണർന്ന്‌+ സുബോ​ധത്തോടെ​യി​രി​ക്കാം.+ 7 ഉറങ്ങുന്നവർ രാത്രി​യി​ലാ​ണ​ല്ലോ ഉറങ്ങു​ന്നത്‌. കുടി​യ​ന്മാർ രാത്രി​യി​ലാ​ണ​ല്ലോ കുടിച്ച്‌ ലക്കു​കെ​ടു​ന്നത്‌.+ 8 പക്ഷേ പകലി​നു​ള്ള​വ​രായ നമുക്കു വിശ്വാ​സ​ത്തിന്റെ​യും സ്‌നേ​ഹ​ത്തിന്റെ​യും മാർച്ചട്ട ധരിച്ചും രക്ഷയുടെ പ്രത്യാശ എന്ന പടത്തൊപ്പി+ അണിഞ്ഞും സുബോ​ധത്തോടെ​യി​രി​ക്കാം. 9 കാരണം ദൈവം നമ്മളെ തിര​ഞ്ഞെ​ടു​ത്തതു ദൈവ​ക്രോ​ധ​ത്തി​നു പാത്ര​മാ​കാ​നല്ല, നമ്മുടെ കർത്താ​വായ യേശുക്രി​സ്‌തു​വി​ലൂ​ടെ രക്ഷ നേടാ​നാണ്‌.+ 10 നമ്മൾ ഉണർന്നി​രി​ക്കു​ക​യോ ഉറങ്ങുകയോ* ആണെങ്കി​ലും ക്രിസ്‌തു​വിന്റെ​കൂ​ടെ ജീവിക്കാൻവേണ്ടിയാണു+ ക്രിസ്‌തു നമുക്കു​വേണ്ടി മരിച്ചത്‌.+ 11 അതുകൊണ്ട്‌ നിങ്ങൾ ഇപ്പോൾ ചെയ്‌തു​വ​രു​ന്ന​തുപോ​ലെ പരസ്‌പരം പ്രോത്സാഹിപ്പിക്കുകയും* ബലപ്പെ​ടു​ത്തു​ക​യും ചെയ്യുക.+

12 ഇപ്പോൾ സഹോ​ദ​ര​ങ്ങളേ, ഞങ്ങൾ ഒരു കാര്യം അപേക്ഷി​ക്കു​ക​യാണ്‌: നിങ്ങൾക്കി​ട​യിൽ അധ്വാ​നി​ക്കു​ക​യും കർത്താ​വിൽ നേതൃ​ത്വമെ​ടു​ക്കു​ക​യും നിങ്ങൾക്കു വേണ്ട ഉപദേശം തരുക​യും ചെയ്യു​ന്ന​വരെ ബഹുമാ​നി​ക്കണം. 13 അവരുടെ അധ്വാനം+ ഓർത്ത്‌ അവരോ​ടു സ്‌നേ​ഹത്തോ​ടെ സാധാ​ര​ണ​യിൽ കവിഞ്ഞ പരിഗണന കാണി​ക്കുക. പരസ്‌പരം സമാധാ​നത്തോ​ടെ കഴിയുക.+ 14 സഹോദരങ്ങളേ, ഇങ്ങനെയൊ​രു കാര്യം​കൂ​ടെ ചെയ്യാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌: ക്രമം​കെട്ട്‌ നടക്കു​ന്ന​വർക്കു താക്കീതു കൊടു​ക്കുക.*+ വിഷാദിച്ചിരിക്കുന്നവരോട്‌* അവർക്ക്‌ ആശ്വാസം തോന്നുന്ന രീതി​യിൽ സംസാ​രി​ക്കുക. ബലഹീ​നർക്കു വേണ്ട പിന്തുണ കൊടു​ക്കുക. എല്ലാവരോ​ടും ക്ഷമ കാണി​ക്കുക.+ 15 നിങ്ങളിൽ ആരും തിന്മയ്‌ക്കു പകരം തിന്മ ചെയ്യരു​ത്‌;+ നിങ്ങളു​ടെ ഇടയി​ലു​ള്ള​വർക്കും മറ്റുള്ള​വർക്കും നന്മ ചെയ്യുക എന്നതാ​യി​രി​ക്കട്ടെ എപ്പോ​ഴും നിങ്ങളു​ടെ ലക്ഷ്യം.+

16 എപ്പോഴും സന്തോ​ഷി​ക്കുക.+ 17 ഇടവിടാതെ പ്രാർഥി​ക്കുക.+ 18 എല്ലാത്തിനും നന്ദി പറയുക.+ ഇതാണു ക്രിസ്‌തുയേ​ശു​വിൽ നിങ്ങ​ളെ​ക്കു​റി​ച്ചുള്ള ദൈ​വേഷ്ടം. 19 ദൈവാത്മാവിന്റെ തീ കെടു​ത്തി​ക്ക​ള​യ​രുത്‌.+ 20 പ്രവചനങ്ങളെ നിന്ദി​ക്ക​രുത്‌.+ 21 എല്ലാ കാര്യ​ങ്ങ​ളും പരി​ശോ​ധിച്ച്‌ ഉറപ്പുവരുത്തി+ നല്ലതു മുറുകെ പിടി​ക്കുക. 22 എല്ലാ തരം തിന്മയിൽനി​ന്നും അകന്നു​നിൽക്കുക.+

23 സമാധാനത്തിന്റെ ദൈവം നിങ്ങളെ സമ്പൂർണ​മാ​യി വിശു​ദ്ധീ​ക​രി​ക്കട്ടെ. നമ്മുടെ കർത്താ​വായ യേശുക്രി​സ്‌തു​വി​ന്റെ സാന്നി​ധ്യ​സ​മ​യത്ത്‌ നിങ്ങളു​ടെ ആത്മാവും* ദേഹിയും* ശരീര​വും എല്ലാംകൊ​ണ്ടും തികവു​ള്ള​തും കുറ്റമ​റ്റ​തും ആയിരി​ക്കട്ടെ.*+ 24 നിങ്ങളെ വിളി​ക്കുന്ന ദൈവം വിശ്വ​സ്‌ത​നാണ്‌. ഉറപ്പാ​യും ദൈവം ഇതൊക്കെ ചെയ്‌തു​ത​രും.

25 സഹോദരങ്ങളേ, ഞങ്ങൾക്കു​വേണ്ടി മുടങ്ങാ​തെ പ്രാർഥി​ക്കുക.+

26 സഹോദരങ്ങളെയെല്ലാം വിശു​ദ്ധ​ചും​ബ​ന​ത്താൽ അഭിവാ​ദനം ചെയ്യുക.

27 ഈ കത്ത്‌ എല്ലാ സഹോ​ദ​ര​ങ്ങളെ​യും വായിച്ചുകേൾപ്പിക്കാൻ+ കർത്താ​വി​ന്റെ നാമത്തിൽ ഞാൻ നിങ്ങളെ ചുമത​ലപ്പെ​ടു​ത്തു​ക​യാണ്‌.

28 നമ്മുടെ കർത്താ​വായ യേശുക്രി​സ്‌തു​വി​ന്റെ അനർഹദയ നിങ്ങളുടെ​കൂടെ​യു​ണ്ടാ​യി​രി​ക്കട്ടെ.