ഫിലിപ്പിയിലുള്ളവർക്ക്‌ എഴുതിയ കത്ത്‌

1 ഫിലിപ്പിയിലുള്ള+ മേൽവി​ചാ​ര​ക​ന്മാ​രും ശുശ്രൂഷാദാസന്മാരും+ ഉൾപ്പെടെ ക്രിസ്‌തുയേ​ശു​വിനോ​ടു യോജി​പ്പി​ലായ എല്ലാ വിശു​ദ്ധർക്കും, ക്രിസ്‌തുയേ​ശു​വി​ന്റെ അടിമ​ക​ളായ പൗലോ​സും തിമൊഥെയൊ​സും എഴുതു​ന്നത്‌:

2 നമ്മുടെ പിതാ​വായ ദൈവ​ത്തിൽനി​ന്നും കർത്താ​വായ യേശുക്രി​സ്‌തു​വിൽനി​ന്നും നിങ്ങൾക്ക്‌ അനർഹ​ദ​യ​യും സമാധാ​ന​വും!

3 നിങ്ങൾക്കെല്ലാംവേണ്ടി ഓരോ തവണ ഉള്ളുരു​കി പ്രാർഥി​ക്കുമ്പോ​ഴും നിങ്ങളെ ഓർത്ത്‌ ഞാൻ എന്റെ ദൈവ​ത്തി​നു നന്ദി പറയാ​റുണ്ട്‌. 4 വളരെ സന്തോ​ഷത്തോടെ​യാ​ണു ഞാൻ ഓരോ തവണയും പ്രാർഥി​ക്കാ​റു​ള്ളത്‌.+ 5 കാരണം ആദ്യത്തെ ദിവസം​മു​തൽ ഈ നിമി​ഷം​വരെ സന്തോ​ഷ​വാർത്ത​യ്‌ക്കുവേണ്ടി നിങ്ങൾ എന്തെല്ലാ​മാ​ണു സംഭാവന ചെയ്‌തത്‌!* 6 ഒരു കാര്യം എനിക്ക്‌ ഉറപ്പാണ്‌: നിങ്ങളിൽ ഒരു നല്ല പ്രവൃത്തി തുടങ്ങി​വെച്ച ദൈവം ക്രിസ്‌തുയേ​ശു​വി​ന്റെ ദിവസമാകുമ്പോഴേക്കും+ അതു തീർത്തി​രി​ക്കും.+ 7 നിങ്ങളെപ്പറ്റി ഇങ്ങനെ ചിന്തി​ക്കു​ന്നതു ന്യായ​മാണ്‌. കാരണം നിങ്ങളെ എല്ലാവരെ​യും ഞാൻ എന്റെ ഹൃദയത്തോ​ടു ചേർത്തുവെ​ച്ചി​രി​ക്കു​ന്നു. ഞാൻ തടവിലായിരുന്നപ്പോഴും+ സന്തോ​ഷ​വാർത്ത​യ്‌ക്കുവേണ്ടി വാദിച്ച്‌ അതു നിയമ​പ​ര​മാ​യി സ്ഥാപിച്ചെടുക്കാൻ+ ശ്രമി​ച്ചപ്പോ​ഴും നിങ്ങൾ എന്റെകൂ​ടെ നിൽക്കു​ക​യും അങ്ങനെ എന്നോടൊ​പ്പം ദൈവ​ത്തി​ന്റെ അനർഹ​ദ​യ​യിൽനിന്ന്‌ പ്രയോ​ജനം നേടു​ക​യും ചെയ്‌ത​ല്ലോ.

8 ക്രിസ്‌തുയേശുവിന്റെ അതേ ആർദ്രപ്രി​യത്തോ​ടെ നിങ്ങളെ എല്ലാവരെ​യും കാണാൻ ഞാൻ എത്രമാ​ത്രം ആഗ്രഹി​ക്കു​ന്നു എന്നതിനു ദൈവം സാക്ഷി. 9 ശരിയായ* അറിവിലും+ തികഞ്ഞ വകതിരിവിലും+ നിങ്ങളു​ടെ സ്‌നേഹം ഇനിയു​മി​നി​യും വർധിക്കട്ടെ+ എന്നു ഞാൻ പ്രാർഥി​ക്കു​ന്നു. 10 അങ്ങനെ നിങ്ങൾ കൂടുതൽ പ്രാധാ​ന്യ​മുള്ള കാര്യങ്ങൾ ഏതെന്ന്‌ ഉറപ്പു​വ​രു​ത്താൻ കഴിവുള്ളവരാകണമെന്നും+ അതുവഴി ക്രിസ്‌തു​വി​ന്റെ ദിവസം​വരെ കുറ്റമ​റ്റ​വ​രും മറ്റുള്ള​വ​രു​ടെ വിശ്വാ​സ​ത്തിന്‌ ഒരു തടസ്സമാകാത്തവരും*+ 11 ദൈവത്തിന്റെ മഹത്ത്വ​ത്തി​നും സ്‌തു​തി​ക്കും വേണ്ടി യേശുക്രി​സ്‌തു​വി​ന്റെ സഹായ​ത്താൽ നീതി​യു​ടെ ഫലം നിറഞ്ഞവരും+ ആയിരി​ക്കട്ടെയെ​ന്നും ആണ്‌ എന്റെ പ്രാർഥന.

12 സഹോദരങ്ങളേ, എന്റെ ഇപ്പോ​ഴത്തെ സാഹച​ര്യം വാസ്‌ത​വ​ത്തിൽ സന്തോ​ഷ​വാർത്ത​യു​ടെ വളർച്ച​യ്‌ക്കു കാരണ​മാ​യി എന്നു നിങ്ങൾ അറിയ​ണമെന്നു ഞാൻ ആഗ്രഹി​ക്കു​ന്നു. 13 കാരണം എന്റെ ചങ്ങലകൾ+ ക്രിസ്‌തു​വി​ലുള്ള വിശ്വാ​സ​ത്തി​ന്റെ പേരി​ലാ​ണെന്ന കാര്യം ചക്രവർത്തി​യു​ടെ അംഗരക്ഷകരും* മറ്റെല്ലാ​വ​രും അറിഞ്ഞു.+ 14 കർത്താവിലുള്ള സഹോ​ദ​ര​ന്മാർ മിക്കവ​രും എന്റെ ചങ്ങലകൾ കാരണം മനോ​ബ​ല​മു​ള്ള​വ​രാ​യി, പേടി​യി​ല്ലാ​തെ ദൈവ​വ​ചനം സംസാ​രി​ക്കാൻ മുമ്പ​ത്തേ​തി​ലും ധൈര്യം കാണി​ക്കു​ന്നു.

15 ശരിയാണ്‌, ചിലർ അസൂയ​യും മത്സരബു​ദ്ധി​യും കാരണ​മാ​ണു ക്രിസ്‌തു​വിനെ​ക്കു​റിച്ച്‌ പ്രസം​ഗി​ക്കു​ന്നത്‌. എന്നാൽ മറ്റു ചിലർ നല്ല മനസ്സോ​ടെ അതു ചെയ്യുന്നു. 16 ഈ രണ്ടാമത്തെ കൂട്ടർ സ്‌നേഹം നിമി​ത്ത​മാ​ണു ക്രിസ്‌തു​വിനെ​ക്കു​റിച്ച്‌ ഘോഷി​ക്കു​ന്നത്‌. കാരണം സന്തോ​ഷ​വാർത്ത​യ്‌ക്കുവേണ്ടി വാദിക്കാൻ+ എന്നെ നിയമി​ച്ചി​രി​ക്കു​ക​യാണെന്ന്‌ അവർക്ക്‌ അറിയാം. 17 ആദ്യത്തവരോ നല്ല ഉദ്ദേശ്യ​ത്തോ​ടെയല്ല, വഴക്കു​ണ്ടാ​ക്കാൻവേ​ണ്ടി​യാണ്‌ അതു ചെയ്യു​ന്നത്‌. തടവിൽ കഴിയുന്ന എന്നെ കൂടുതൽ ബുദ്ധി​മു​ട്ടി​ക്കു​ക​യാണ്‌ അവരുടെ ലക്ഷ്യം. 18 അതുകൊണ്ട്‌ എന്തു സംഭവി​ച്ചു? കാപട്യത്തോടെ​യോ ആത്മാർഥ​തയോടെ​യോ എങ്ങനെ​യു​മാ​കട്ടെ, ക്രിസ്‌തു​വിനെ​ക്കു​റിച്ച്‌ ഘോഷി​ക്കു​ന്നു​ണ്ട​ല്ലോ. അതു മതി. അതിൽ എനിക്കു സന്തോ​ഷ​മുണ്ട്‌, ഞാൻ ഇനിയും സന്തോ​ഷി​ക്കും. 19 കാരണം നിങ്ങളു​ടെ ഉള്ളുരു​കി​യുള്ള പ്രാർഥനയാലും+ യേശുക്രി​സ്‌തു​വി​ലുള്ള ദൈവാ​ത്മാ​വി​ന്റെ പിന്തുണയാലും+ അത്‌ എന്റെ രക്ഷയി​ലേക്കു നയിക്കു​മെന്ന്‌ എനിക്ക്‌ അറിയാം. 20 അതുകൊണ്ടുതന്നെ ഒരു കാരണ​വ​ശാ​ലും എനിക്കു ലജ്ജി​ക്കേ​ണ്ടി​വ​രില്ലെ​ന്നാ​ണു ഞാൻ ഇപ്പോ​ഴും പ്രതീ​ക്ഷി​ക്കു​ക​യും പ്രത്യാ​ശി​ക്കു​ക​യും ചെയ്യു​ന്നത്‌. ഞാൻ ജീവി​ച്ചാ​ലും മരിച്ചാ​ലും ശരി,+ പൂർണ​ധൈ​ര്യത്തോടെ​യുള്ള എന്റെ പ്രസം​ഗ​ത്തി​ലൂ​ടെ മുമ്പെ​ന്നത്തെ​യുംപോ​ലെ ഇപ്പോ​ഴും ക്രിസ്‌തു എന്റെ ശരീര​ത്താൽ മഹിമപ്പെ​ടും.

21 എന്നെ സംബന്ധി​ച്ചി​ടത്തോ​ളം ജീവി​ക്കു​കയെ​ന്നാൽ ക്രിസ്‌തുവും+ മരിക്കു​കയെ​ന്നാൽ നേട്ടവും ആണ്‌.+ 22 ഞാൻ ഇനിയും ഈ ശരീര​ത്തിൽത്തന്നെ ജീവി​ച്ചി​രു​ന്നാൽ എന്റെ പ്രവർത്ത​ന​ത്തി​നു കൂടുതൽ ഫലമു​ണ്ടാ​കും. പക്ഷേ ഏതു തിര​ഞ്ഞെ​ടു​ക്കുമെന്നു ഞാൻ പറയു​ന്നില്ല. 23 ഇവ രണ്ടിൽ ഏതു വേണമെന്ന കാര്യ​ത്തിൽ ഞാൻ ആകെ ആശയക്കു​ഴ​പ്പ​ത്തി​ലാണ്‌. കാരണം മോചനം നേടി ക്രിസ്‌തുവിന്റെകൂടെയായിരിക്കാൻ+ എനിക്ക്‌ ആഗ്രഹ​മുണ്ട്‌. എന്തു​കൊ​ണ്ടും അതാണ​ല്ലോ കൂടുതൽ നല്ലത്‌.+ 24 എങ്കിലും നിങ്ങ​ളെ​ക്കു​റിച്ച്‌ ഓർക്കു​മ്പോൾ ഞാൻ ഈ ശരീര​ത്തി​ലാ​യി​രി​ക്കു​ന്ന​താ​ണു കൂടുതൽ പ്രധാ​നമെന്ന്‌ എനിക്കു തോന്നു​ന്നു. 25 ഈ ബോധ്യ​മു​ള്ള​തുകൊണ്ട്‌, ഞാൻ ഈ ശരീര​ത്തിൽ തുടരുമെ​ന്നും നിങ്ങളു​ടെ പുരോ​ഗ​തി​ക്കും വിശ്വാ​സ​ത്താ​ലുള്ള സന്തോ​ഷ​ത്തി​നും വേണ്ടി നിങ്ങളുടെ​കൂടെ​യു​ണ്ടാ​കുമെ​ന്നും എനിക്ക്‌ അറിയാം. 26 അങ്ങനെ, ഞാൻ വീണ്ടും നിങ്ങളുടെ​കൂടെ​യാ​യി​രി​ക്കുമ്പോൾ ക്രിസ്‌തുയേ​ശു​വി​ലുള്ള നിങ്ങളു​ടെ സന്തോഷം ഞാൻ കാരണം കവി​ഞ്ഞൊ​ഴു​കാൻ ഇടവരട്ടെ.

27 ക്രിസ്‌തുവിനെക്കുറിച്ചുള്ള സന്തോ​ഷ​വാർത്ത​യ്‌ക്കു ചേർന്ന രീതി​യി​ലാ​യി​രി​ക്കണം നിങ്ങളു​ടെ പെരു​മാ​റ്റം.*+ അങ്ങനെ​യാ​കുമ്പോൾ ഞാൻ നിങ്ങളെ അവിടെ വന്ന്‌ കണ്ടാലും ശരി, നിങ്ങളിൽനി​ന്ന്‌ ദൂരെ​യാ​യി​രു​ന്നാ​ലും ശരി, നിങ്ങൾ ഒരേ ആത്മാവിൽ ഒരേ മനസ്സോടെ+ ഉറച്ചു​നിന്ന്‌ സന്തോ​ഷ​വാർത്ത​യി​ലുള്ള വിശ്വാ​സ​ത്തി​നുവേണ്ടി തോ​ളോ​ടുതോൾ ചേർന്ന്‌ പോരാ​ടുന്നെ​ന്നും 28 ഒരു കാര്യ​ത്തി​ലും എതിരാ​ളി​കളെ ഭയപ്പെ​ടാ​തെ നിൽക്കുന്നെ​ന്നും എനിക്കു കേൾക്കാ​നാ​കു​മ​ല്ലോ. അവർ നശിച്ചുപോകുമെന്നും+ നിങ്ങൾ രക്ഷ നേടുമെന്നും+ സൂചി​പ്പി​ക്കുന്ന, ദൈവ​ത്തിൽനി​ന്നുള്ള ഒരു അടയാ​ള​മാ​യി​രി​ക്കും ഇതെല്ലാം. 29 ക്രിസ്‌തുവിൽ വിശ്വ​സി​ക്കാൻ മാത്രമല്ല ക്രിസ്‌തു​വി​നുവേണ്ടി കഷ്ടം സഹിക്കാ​നും​കൂടെ​യുള്ള പദവി​യാ​ണ​ല്ലോ നിങ്ങൾക്കു കിട്ടി​യി​രി​ക്കു​ന്നത്‌.+ 30 നിങ്ങൾ കാൺകെ ഞാൻ നേരിട്ട അതേ പോരാ​ട്ട​മാണ്‌ ഇപ്പോൾ നിങ്ങൾക്കു​ള്ളത്‌.+ ഞാൻ ഇപ്പോ​ഴും അതേ പോരാ​ട്ട​ത്തി​ലാണെന്നു നിങ്ങൾ കേൾക്കു​ന്നു​ണ്ട​ല്ലോ.

2 അതു​കൊണ്ട്‌ നിങ്ങൾക്കി​ട​യിൽ ക്രിസ്‌തീ​യ​പ്രോ​ത്സാ​ഹ​ന​മുണ്ടെ​ങ്കിൽ, സ്‌നേ​ഹ​ത്താ​ലുള്ള സാന്ത്വ​ന​മുണ്ടെ​ങ്കിൽ, ആത്മീയ​കൂ​ട്ടാ​യ്‌മ​യുണ്ടെ​ങ്കിൽ,* ആർദ്രപ്രി​യ​മോ അനുക​മ്പ​യോ ഉണ്ടെങ്കിൽ 2 ഒരേ മനസ്സും ഒരേ സ്‌നേ​ഹ​വും ഉള്ളവരാ​യി ഒരേ ചിന്തയോടെ+ നല്ല ഒരുമ​യു​ള്ള​വ​രാ​യി​രി​ക്കുക. അങ്ങനെ എന്റെ സന്തോഷം പൂർണ​മാ​ക്കുക. 3 വഴക്കുണ്ടാക്കാനുള്ള ഉദ്ദേശ്യത്തോടെയോ+ ദുരഭിമാനത്തോടെയോ+ ഒന്നും ചെയ്യാതെ താഴ്‌മയോ​ടെ മറ്റുള്ള​വരെ നിങ്ങ​ളെ​ക്കാൾ ശ്രേഷ്‌ഠ​രാ​യി കാണുക.+ 4 നിങ്ങൾ സ്വന്തം താത്‌പ​ര്യം മാത്രം നോക്കാതെ+ മറ്റുള്ള​വ​രു​ടെ താത്‌പ​ര്യ​വും​കൂ​ടെ നോക്കണം.+

5 ക്രിസ്‌തുയേശുവിനുണ്ടായിരുന്ന അതേ മനോ​ഭാ​വം​തന്നെ​യാ​ണു നിങ്ങൾക്കും വേണ്ടത്‌.+ 6 ക്രിസ്‌തു ദൈവ​സ്വരൂ​പത്തി​ലായിരു​ന്നിട്ടും+ ദൈവ​ത്തോ​ടു തുല്യ​നാ​കാൻ ശ്രമി​ക്കുന്ന​തിനെ​ക്കുറിച്ച്‌ ചിന്തി​ക്കുക​പോലും ചെയ്യാതെ+ 7 തനിക്കുള്ളതെല്ലാം ഉപേക്ഷി​ച്ച്‌ ഒരു അടിമ​യു​ടെ രൂപം എടുത്ത്‌+ മനുഷ്യ​നാ​യി​ത്തീർന്നു.*+ 8 ഇനി, മനുഷ്യ​നാ​യി​ത്തീർന്നശേ​ഷ​വും ക്രിസ്‌തു തന്നെത്തന്നെ താഴ്‌ത്തി അനുസ​ര​ണ​മു​ള്ള​വ​നാ​യി ജീവിച്ചു. മരണ​ത്തോ​ളം,+ ദണ്ഡനസ്‌തംഭത്തിലെ* മരണ​ത്തോ​ളംപോ​ലും,+ ക്രിസ്‌തു അനുസ​ര​ണ​മു​ള്ള​വ​നാ​യി​രു​ന്നു. 9 അതുകൊണ്ടുതന്നെ ദൈവം ക്രിസ്‌തു​വി​നെ മുമ്പ​ത്തെ​ക്കാൾ ഉന്നതമായ ഒരു സ്ഥാന​ത്തേക്ക്‌ ഉയർത്തി+ മറ്റെല്ലാ പേരു​കൾക്കും മീതെ​യുള്ള ഒരു പേര്‌ കനിഞ്ഞു​നൽകി.+ 10 സ്വർഗത്തിലും ഭൂമി​യി​ലും ഭൂമി​ക്ക​ടി​യി​ലും ഉള്ള എല്ലാവ​രും യേശു​വി​ന്റെ പേരിനു മുന്നിൽ മുട്ടുകുത്താനും+ 11 എല്ലാ നാവും യേശുക്രി​സ്‌തു കർത്താവാണെന്നു+ പിതാ​വായ ദൈവ​ത്തി​ന്റെ മഹത്ത്വ​ത്തി​നാ​യി പരസ്യ​മാ​യി സമ്മതി​ച്ചു​പ​റ​യാ​നും വേണ്ടി​യാ​ണു ദൈവം ഇതു ചെയ്‌തത്‌.

12 അതുകൊണ്ട്‌ പ്രിയപ്പെ​ട്ട​വരേ, നിങ്ങൾ എപ്പോ​ഴും അനുസ​രി​ക്കാ​റു​ള്ള​തുപോ​ലെ, അതായത്‌ എന്റെ സാന്നി​ധ്യ​ത്തി​ലും അതി​നെ​ക്കാൾ മനസ്സോ​ടെ ഇപ്പോൾ എന്റെ അസാന്നി​ധ്യ​ത്തി​ലും അനുസ​രി​ക്കു​ന്ന​തുപോ​ലെ, ഭയത്തോ​ടും വിറയലോ​ടും കൂടെ സ്വന്തം രക്ഷയ്‌ക്കു​വേണ്ടി പരി​ശ്ര​മി​ച്ചുകൊ​ണ്ടി​രി​ക്കുക. 13 നിങ്ങൾക്ക്‌ ആഗ്രഹ​വും പ്രവർത്തി​ക്കാ​നുള്ള ശക്തിയും തന്നു​കൊണ്ട്‌ തന്റെ ഇഷ്ടമനു​സ​രിച്ച്‌ നിങ്ങൾക്ക്‌ ഊർജം പകരു​ന്നതു ദൈവ​മാണ്‌. 14 എല്ലാ കാര്യ​ങ്ങ​ളും പിറുപിറുപ്പും+ വാഗ്വാദവും+ കൂടാതെ ചെയ്യുക. 15 എങ്കിൽ, ഈ ലോക​ത്തിൽ ജ്യോ​തി​സ്സു​കളെപ്പോ​ലെ പ്രകാശിക്കുന്ന+ നിങ്ങൾ, വക്രത​യു​ള്ള​തും വഴിപി​ഴ​ച്ച​തും ആയ ഒരു തലമുറയിൽ+ കുറ്റമ​റ്റ​വ​രും നിഷ്‌ക​ള​ങ്ക​രും ആയി കറ പുരളാത്ത ദൈവ​മ​ക്ക​ളാ​യി​രി​ക്കും.+ 16 അങ്ങനെ നിങ്ങൾ തുടർന്നും ജീവന്റെ വചനം+ മുറുകെ പിടി​ക്കുന്നെ​ങ്കിൽ, ഞാൻ ഓടി​യ​തും അധ്വാ​നി​ച്ച​തും വെറുതേ​യാ​യിപ്പോ​യില്ലെന്ന്‌ ഓർത്ത്‌ ക്രിസ്‌തു​വി​ന്റെ ദിവസ​ത്തിൽ എനിക്കു സന്തോ​ഷി​ക്കാം. 17 എന്റെ കാര്യമെ​ടു​ത്താൽ, വിശ്വാ​സ​ത്താൽ പ്രേരി​ത​രാ​യി നിങ്ങൾ ചെയ്യുന്ന വിശുദ്ധസേവനത്തിന്മേലും* നിങ്ങൾ അർപ്പി​ക്കുന്ന ബലിയു​ടെ മേലും+ ഞാൻ എന്നെ ഒരു പാനീ​യ​യാ​ഗ​മാ​യി ചൊരി​യു​ക​യാണ്‌.+ എങ്കിൽപ്പോ​ലും എനിക്കു സന്തോ​ഷമേ ഉള്ളൂ. നിങ്ങളു​ടെ എല്ലാവ​രുടെ​യും​കൂ​ടെ ഞാൻ ആഹ്ലാദി​ക്കു​ന്നു. 18 അങ്ങനെതന്നെ, നിങ്ങളും സന്തോ​ഷത്തോ​ടി​രുന്ന്‌ എന്റെകൂ​ടെ ആഹ്ലാദി​ക്കുക.

19 കർത്താവായ യേശു​വിന്‌ ഇഷ്ടമെ​ങ്കിൽ തിമൊഥെയൊസിനെ+ വേഗം നിങ്ങളു​ടെ അടു​ത്തേക്ക്‌ അയയ്‌ക്കാ​നാ​കുമെ​ന്നാണ്‌ എന്റെ പ്രതീക്ഷ. അപ്പോൾ നിങ്ങളു​ടെ വിവരങ്ങൾ അറിഞ്ഞ്‌ എനിക്കു പ്രോ​ത്സാ​ഹനം കിട്ടും. 20 നിങ്ങളുടെ കാര്യ​ത്തിൽ ഇത്ര ആത്മാർഥ​മായ താത്‌പ​ര്യം കാണി​ക്കുമെന്ന്‌ എനിക്ക്‌ ഉറപ്പുള്ള മറ്റാരും ഇവി​ടെ​യില്ല. 21 മറ്റുള്ളവരെല്ലാം യേശുക്രി​സ്‌തു​വി​ന്റെ താത്‌പ​ര്യ​മല്ല, സ്വന്തം താത്‌പ​ര്യ​മാ​ണു നോക്കു​ന്നത്‌. 22 പക്ഷേ തിമൊ​ഥെ​യൊ​സ്‌, ഒരു മകൻ+ അപ്പന്റെ​കൂ​ടെ എന്നപോ​ലെ എന്റെകൂ​ടെ സന്തോ​ഷ​വാർത്ത​യു​ടെ വളർച്ച​യ്‌ക്കുവേണ്ടി അധ്വാ​നി​ച്ചുകൊണ്ട്‌ യോഗ്യത തെളി​യി​ച്ചതു നിങ്ങൾക്ക്‌ അറിയാ​മ​ല്ലോ. 23 അതുകൊണ്ടാണ്‌ തിമൊഥെയൊ​സി​നെ നിങ്ങളു​ടെ അടു​ത്തേക്ക്‌ അയയ്‌ക്കാ​നി​രി​ക്കു​ന്നത്‌. എന്റെ കാര്യങ്ങൾ എങ്ങനെ​യാ​കുമെന്ന്‌ അറിഞ്ഞാൽ ഉടനെ ഞാൻ അവനെ അയയ്‌ക്കും. 24 കർത്താവിന്‌ ഇഷ്ടമെ​ങ്കിൽ എനിക്കും ഉടൻതന്നെ അവി​ടേക്കു വരാൻ കഴിയുമെ​ന്നാണ്‌ എന്റെ വിശ്വാ​സം.+

25 പക്ഷേ ഇപ്പോൾ, എന്റെ സഹോ​ദ​ര​നും സഹപ്ര​വർത്ത​ക​നും സഹഭട​നും എന്റെ കാര്യങ്ങൾ നോക്കാ​നുള്ള സഹായി​യാ​യി നിങ്ങൾ അയച്ച പ്രതി​നി​ധി​യും ആയ എപ്പ​ഫ്രൊ​ദിത്തൊ​സി​നെ നിങ്ങളു​ടെ അടു​ത്തേക്കു തിരി​ച്ച​യ​യ്‌ക്കേ​ണ്ടത്‌ ആവശ്യ​മാണെന്ന്‌ എനിക്കു തോന്നു​ന്നു.+ 26 കാരണം എപ്പ​ഫ്രൊ​ദിത്തൊ​സി​നു നിങ്ങളെ എല്ലാവരെ​യും വന്നുകാ​ണാൻ വലിയ ആഗ്രഹ​മുണ്ട്‌. തന്റെ രോഗ​വി​വരം നിങ്ങൾ അറിഞ്ഞത്‌ ഓർത്ത്‌ ആൾ ആകെ നിരാ​ശ​യി​ലു​മാണ്‌. 27 വാസ്‌തവത്തിൽ രോഗം മൂർച്ഛി​ച്ച്‌ അദ്ദേഹം മരിക്കാ​റാ​യ​താണ്‌. പക്ഷേ ദൈവം കരുണ കാണിച്ചു. എപ്പ​ഫ്രൊ​ദിത്തൊ​സിനോ​ടു മാത്രമല്ല, എന്നോ​ടും. അല്ലെങ്കിൽ എനിക്കു ദുഃഖ​ത്തി​ന്മേൽ ദുഃഖം ഉണ്ടാ​യേനേ. 28 അതുകൊണ്ട്‌ ഞാൻ എപ്പ​ഫ്രൊ​ദിത്തൊ​സി​നെ എത്രയും പെട്ടെന്ന്‌ അവി​ടേക്ക്‌ അയയ്‌ക്കു​ക​യാണ്‌. വീണ്ടും അദ്ദേഹത്തെ കാണു​മ്പോൾ നിങ്ങൾക്കു സന്തോ​ഷ​മാ​കും. എന്റെ ഉത്‌ക​ണ്‌ഠ​യും അൽപ്പ​മൊ​ന്നു കുറയും. 29 കർത്താവിന്റെ അനുഗാ​മി​കളെ നിങ്ങൾ സാധാരണ സ്വീക​രി​ക്കാ​റു​ള്ള​തുപോ​ലെ നിറഞ്ഞ സന്തോ​ഷത്തോ​ടെ എപ്പ​ഫ്രൊ​ദിത്തൊ​സിനെ​യും സ്വീക​രി​ക്കുക. ഇങ്ങനെ​യു​ള്ള​വരെ വളരെ വില​പ്പെ​ട്ട​വ​രാ​യി കാണണം.+ 30 ക്രിസ്‌തുവിനുവേണ്ടി* പണി ചെയ്യാൻ മരണത്തി​ന്റെ വക്കോളം പോയ​താ​ണ​ല്ലോ എപ്പ​ഫ്രൊ​ദിത്തൊസ്‌. നിങ്ങൾക്ക്‌ ഇവിടെ വന്ന്‌ ചെയ്‌തുതരാൻ+ കഴിയാ​തെ​പോയ സഹായം എനിക്കു ചെയ്‌തു​ത​രാൻ സ്വന്തം ജീവൻപോ​ലും എപ്പ​ഫ്രൊ​ദിത്തൊസ്‌ അപകട​ത്തി​ലാ​ക്കി.

3 അവസാ​ന​മാ​യി എന്റെ സഹോ​ദ​ര​ങ്ങളേ, കർത്താ​വിൽ എപ്പോ​ഴും സന്തോ​ഷി​ക്കുക.+ ഒരേ കാര്യ​ങ്ങൾതന്നെ നിങ്ങൾക്കു വീണ്ടും എഴുതു​ന്ന​തിൽ എനിക്കു മടുപ്പു തോന്നു​ന്നില്ല. നിങ്ങളു​ടെ സുരക്ഷയെ കരുതി​യാ​ണു ഞാൻ അങ്ങനെ ചെയ്യു​ന്നത്‌.

2 നായ്‌ക്കളെ സൂക്ഷി​ക്കുക. അതു​പോ​ലെ, ഹാനി​ക​ര​മായ കാര്യങ്ങൾ ചെയ്യു​ന്ന​വരെ​യും അംഗഭം​ഗം വരുത്തു​ന്ന​വരെ​യും സൂക്ഷി​ക്കണം.+ 3 യഥാർഥപരിച്ഛേദന* ഏറ്റവർ നമ്മളാ​ണ​ല്ലോ;+ ദൈവാ​ത്മാ​വി​ന്റെ സഹായ​ത്താൽ വിശു​ദ്ധസേ​വനം അനുഷ്‌ഠി​ക്കു​ക​യും ക്രിസ്‌തുയേ​ശു​വിൽ അഭിമാനിക്കുകയും+ ജഡികകാര്യങ്ങളിൽ* ആശ്രയി​ക്കാ​തി​രി​ക്കു​ക​യും ചെയ്യുന്ന ഈ നമ്മൾ! 4 അഥവാ ആർക്കെ​ങ്കി​ലും ജഡിക​കാ​ര്യ​ങ്ങ​ളിൽ ആശ്രയി​ക്കാൻ വകയുണ്ടെ​ങ്കിൽ അത്‌ എനിക്കാ​ണ്‌.

ഇനി, ജഡിക​കാ​ര്യ​ങ്ങ​ളിൽ ആശ്രയി​ക്കാൻ വകയു​ണ്ടെന്നു മറ്റാ​രെ​ങ്കി​ലും കരുതുന്നെ​ങ്കിൽ അയാ​ളെ​ക്കാൾ എനിക്കാ​ണ്‌ അക്കാര്യ​ത്തിൽ കൂടുതൽ അവകാശം: 5 എട്ടാം ദിവസം പരി​ച്ഛേ​ദ​നയേ​റ്റവൻ,+ ഇസ്രായേൽവം​ശജൻ, ബന്യാ​മീൻ ഗോ​ത്ര​ക്കാ​രൻ, എബ്രാ​യ​രിൽനിന്ന്‌ ജനിച്ച എബ്രായൻ,+ നിയമത്തിന്റെ* കാര്യ​ത്തിൽ പരീശൻ,+ 6 തീക്ഷ്‌ണതയുടെ കാര്യ​ത്തിൽ സഭയെ ഉപദ്ര​വി​ച്ചവൻ,+ നിയമപ്ര​കാ​ര​മുള്ള നീതി​യിൽ കുറ്റമ​റ്റവൻ. 7 എങ്കിലും എനിക്കു നേട്ടമാ​യി​രുന്ന കാര്യ​ങ്ങളൊ​ക്കെ ക്രിസ്‌തു​വി​നുവേണ്ടി ഞാൻ എഴുതി​ത്തള്ളി.*+ 8 എന്തിനധികം, എന്റെ കർത്താ​വായ ക്രിസ്‌തുയേ​ശു​വിനെ​ക്കു​റി​ച്ചുള്ള അറിവി​ന്റെ അതിവിശിഷ്ട മൂല്യ​വു​മാ​യി തട്ടിച്ചുനോ​ക്കുമ്പോൾ ഒന്നും ഒരു നഷ്ടമായി ഞാൻ കണക്കാ​ക്കു​ന്നില്ല.* ക്രിസ്‌തു​വി​നുവേണ്ടി ഞാൻ ആ നഷ്ടം സഹിക്കു​ക​യും അവയെ ഒക്കെയും വെറും ഉച്ഛിഷ്ടമായി* കണക്കാ​ക്കു​ക​യും ചെയ്‌തി​രി​ക്കു​ന്നു. 9 നിയമം അനുസ​രി​ക്കു​ന്ന​തുകൊ​ണ്ടുള്ള എന്റെ സ്വന്തം നീതി​യു​ടെ പേരിലല്ല, ക്രിസ്‌തു​വി​നെ വിശ്വ​സി​ക്കു​ന്ന​തുകൊ​ണ്ടുള്ള നീതി​യു​ടെ പേരിൽ,+ അതായത്‌ വിശ്വാ​സ​ത്തി​ന്റെ അടിസ്ഥാ​ന​ത്തിൽ ദൈവം നൽകുന്ന നീതി​യു​ടെ പേരിൽ,+ ക്രിസ്‌തു​വി​നെ നേടാ​നും ക്രിസ്‌തു​വിനോ​ടു യോജി​പ്പി​ലാ​കാ​നും വേണ്ടി​യാ​ണു ഞാൻ അതു ചെയ്‌തത്‌. 10 എന്റെ ലക്ഷ്യം ഇതാണ്‌: ക്രിസ്‌തു​വിനെ​യും ക്രിസ്‌തു​വി​ന്റെ പുനരു​ത്ഥാ​ന​ത്തി​ന്റെ ശക്തി​യെ​യും അറിയണം,+ ക്രിസ്‌തു​വിന്റേ​തുപോ​ലുള്ള ഒരു മരണം വരിച്ച്‌+ ക്രിസ്‌തു​വി​ന്റെ യാതന​ക​ളിൽ പങ്കു​ചേ​രണം.+ 11 അങ്ങനെ, മരിച്ച​വ​രു​ടെ ഇടയിൽനി​ന്ന്‌ നേരത്തേ നടക്കുന്ന പുനരുത്ഥാനത്തിൽ+ എങ്ങനെയെ​ങ്കി​ലും എനിക്കു​മു​ണ്ടാ​കാൻ കഴിയു​മോ എന്നു നോക്കണം.

12 അതു ഞാൻ നേടി​ക്ക​ഴിഞ്ഞെ​ന്നോ ഞാൻ പരിപൂർണ​നായെ​ന്നോ അല്ല; ക്രിസ്‌തു​യേശു എന്നെ എന്തിനു​വേണ്ടി തിരഞ്ഞെടുത്തോ+ അതു സ്വന്തമാ​ക്കാൻ ഞാൻ പരി​ശ്ര​മി​ക്കുന്നെന്നേ ഉള്ളൂ.+ 13 സഹോദരങ്ങളേ, അതു സ്വന്തമാ​ക്കി​ക്ക​ഴിഞ്ഞെന്നു ഞാൻ കരുതു​ന്നില്ല. പക്ഷേ ഒരു കാര്യം തീർച്ച: പിന്നി​ലു​ള്ളതു മറന്നും+ മുന്നി​ലു​ള്ള​തി​നുവേണ്ടി ആഞ്ഞും കൊണ്ട്‌+ 14 ക്രിസ്‌തുയേശുവിലൂടെ ദൈവം തരുന്ന സ്വർഗീയവിളിയെന്ന+ സമ്മാന​ത്തി​നുവേണ്ടി ഞാൻ ലക്ഷ്യത്തി​ലേക്കു കുതി​ക്കു​ക​യാണ്‌.+ 15 നമ്മളിൽ പക്വതയുള്ളവർക്കെല്ലാം+ ഇതേ മനോ​ഭാ​വ​മാ​ണു വേണ്ടത്‌. ഇനി, മറ്റൊ​ന്നാ​ണു നിങ്ങൾക്കു​ള്ളതെ​ങ്കിൽ ശരിയായ മനോ​ഭാ​വം ദൈവം നിങ്ങൾക്കു വെളിപ്പെ​ടു​ത്തി​ത്ത​രും. 16 എന്തുതന്നെയായാലും, നമ്മൾ കൈവ​രിച്ച പുരോ​ഗ​തി​ക്കു ചേർച്ച​യിൽത്തന്നെ നമുക്ക്‌ ഇനിയും ചിട്ട​യോ​ടെ നടക്കാം.

17 സഹോദരങ്ങളേ, നിങ്ങ​ളെ​ല്ലാം ഒരു​പോ​ലെ എന്റെ അനുകാ​രി​ക​ളാ​കുക.+ ഞങ്ങൾ നിങ്ങൾക്കു കാണി​ച്ചു​തന്ന മാതൃ​ക​യ​നു​സ​രിച്ച്‌ ജീവി​ക്കു​ന്ന​വരെ​യും കണ്ടുപ​ഠി​ക്കുക. 18 കാരണം ക്രിസ്‌തു​വി​ന്റെ ദണ്ഡനസ്‌തംഭത്തിനു* ശത്രു​ക്ക​ളാ​യി നടക്കു​ന്നവർ ധാരാ​ള​മുണ്ട്‌. അവരെ​ക്കു​റിച്ച്‌ ഞാൻ മുമ്പ്‌ പലവട്ടം നിങ്ങ​ളോ​ടു പറഞ്ഞി​ട്ടുണ്ടെ​ങ്കി​ലും ഇപ്പോൾ കണ്ണീ​രോടെ​യാണ്‌ അവരെ​ക്കു​റിച്ച്‌ പറയു​ന്നത്‌. 19 നാശമാണ്‌ അവരെ കാത്തി​രി​ക്കു​ന്നത്‌. വയറാണ്‌ അവരുടെ ദൈവം. അവർ അഭിമാ​നി​ക്കുന്ന കാര്യങ്ങൾ അവരെ നാണംകെ​ടു​ത്തും. അവരുടെ മനസ്സു മുഴുവൻ ഭൂമി​യി​ലെ കാര്യ​ങ്ങ​ളി​ലാണ്‌.+ 20 പക്ഷേ നമ്മുടെ പൗരത്വം+ സ്വർഗ​ത്തി​ലാണ്‌.+ അവി​ടെ​നിന്ന്‌ വരുന്ന കർത്താ​വായ യേശുക്രി​സ്‌തു എന്ന രക്ഷകനുവേ​ണ്ടി​യാ​ണു നമ്മൾ ആകാം​ക്ഷയോ​ടെ കാത്തി​രി​ക്കു​ന്നത്‌.+ 21 എല്ലാത്തിനെയും കീഴ്‌പെ​ടു​ത്താൻപോന്ന മഹാശക്തിയുള്ള+ ക്രിസ്‌തു തന്റെ ആ ശക്തി ഉപയോ​ഗിച്ച്‌ നമ്മുടെ എളിയ ശരീര​ങ്ങളെ തന്റെ മഹത്ത്വ​മാർന്ന ശരീരംപോലെ* രൂപാ​ന്ത​രപ്പെ​ടു​ത്തും.+

4 അതു​കൊണ്ട്‌ ഞാൻ സ്‌നേ​ഹി​ക്കു​ക​യും കാണാൻ കൊതി​ക്കു​ക​യും ചെയ്യുന്ന എന്റെ പ്രിയ​സഹോ​ദ​ര​ങ്ങളേ, എന്റെ സന്തോ​ഷ​വും എന്റെ കിരീടവും+ ആയവരേ, ഇങ്ങനെ കർത്താ​വിൽ ഉറച്ചു​നിൽക്കുക.+

2 കർത്താവിൽ ഒരേ മനസ്സുള്ളവരായിരിക്കാൻ+ യുവൊ​ദ്യയെ​യും സുന്തു​കയെ​യും ഞാൻ പ്രോ​ത്സാ​ഹി​പ്പി​ക്കു​ന്നു. 3 എന്റെ വിശ്വ​സ്‌ത​നായ സഹപ്ര​വർത്ത​ക​നെന്ന നിലയിൽ, ഈ സ്‌ത്രീ​കൾക്കു സഹായ​മാ​യി​രി​ക്ക​ണമെന്നു ഞാൻ താങ്ക​ളോ​ടും അഭ്യർഥി​ക്കു​ന്നു. ക്ലേമന്തിന്റെ​യും ജീവപു​സ്‌ത​ക​ത്തിൽ പേരുള്ള+ എന്റെ മറ്റു സഹപ്ര​വർത്ത​ക​രുടെ​യും കൂടെ സന്തോ​ഷ​വാർത്ത​യ്‌ക്കുവേണ്ടി ഇവർ എന്റെകൂടെ​നിന്ന്‌ പോരാ​ടി​യ​വ​രാ​ണ​ല്ലോ.*

4 കർത്താവിൽ എപ്പോ​ഴും സന്തോ​ഷി​ക്കൂ! ഞാൻ വീണ്ടും പറയുന്നു: സന്തോ​ഷി​ക്കുക!+ 5 വിട്ടുവീഴ്‌ച കാണി​ക്കാ​നുള്ള നിങ്ങളു​ടെ സന്നദ്ധത*+ എല്ലാവ​രും അറിയട്ടെ. കർത്താവ്‌ അടു​ത്തെ​ത്തി​യി​രി​ക്കു​ന്നു. 6 ഒന്നിനെക്കുറിച്ചും ഉത്‌ക​ണ്‌ഠപ്പെടേണ്ടാ.+ കാര്യം എന്തായാ​ലും പ്രാർഥ​ന​യി​ലൂടെ​യും ഉള്ളുരു​കി​യുള്ള യാചന​യി​ലൂടെ​യും നിങ്ങളു​ടെ അപേക്ഷകൾ നന്ദിവാ​ക്കു​കളോ​ടെ ദൈവത്തെ അറിയി​ക്കുക.+ 7 അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവസമാധാനം+ നിങ്ങളു​ടെ ഹൃദയത്തെയും+ മനസ്സിനെയും* ക്രിസ്‌തു​യേശു മുഖാ​ന്തരം കാക്കും.

8 അവസാനമായി സഹോ​ദ​ര​ങ്ങളേ, സത്യമാ​യ​തും ഗൗരവം അർഹി​ക്കു​ന്ന​തും നീതി​നി​ഷ്‌ഠ​മാ​യ​തും നിർമലമായതും* സ്‌നേഹം ജനിപ്പി​ക്കു​ന്ന​തും സത്‌കീർത്തി​യു​ള്ള​തും അത്യു​ത്ത​മ​മാ​യ​തും പ്രശം​സ​നീ​യ​മാ​യ​തും ആയ കാര്യങ്ങൾ എന്തൊക്കെ​യാ​ണോ അതെല്ലാം തുടർന്നും ചിന്തി​ച്ചുകൊ​ണ്ടി​രി​ക്കുക.*+ 9 നിങ്ങൾ എന്നിൽ കാണു​ക​യും എന്നിൽനി​ന്ന്‌ പഠിക്കു​ക​യും സ്വീക​രി​ക്കു​ക​യും കേൾക്കു​ക​യും ചെയ്‌ത കാര്യ​ങ്ങൾക്കു ചേർച്ച​യിൽ പ്രവർത്തി​ക്കുക.+ അപ്പോൾ സമാധാ​ന​ത്തി​ന്റെ ദൈവം നിങ്ങളുടെ​കൂടെ​യു​ണ്ടാ​യി​രി​ക്കും.

10 നിങ്ങൾ എന്നോടു പഴയതുപോ​ലെ വീണ്ടും കരുതൽ കാണി​ക്കാൻ തുടങ്ങിയല്ലോ+ എന്ന്‌ ഓർത്ത്‌ ഞാൻ കർത്താ​വിൽ ഒരുപാ​ടു സന്തോ​ഷി​ക്കു​ന്നു. നിങ്ങൾ എപ്പോ​ഴും കരുത​ലു​ള്ള​വ​രാ​യി​രുന്നെ​ങ്കി​ലും അതു കാണി​ക്കാൻ നിങ്ങൾക്ക്‌ ഇടക്കാ​ലത്ത്‌ അവസരം കിട്ടി​യില്ലെന്നേ ഉള്ളൂ. 11 എനിക്ക്‌ ഇപ്പോൾ എന്തെങ്കി​ലും ആവശ്യ​മു​ണ്ടാ​യി​ട്ടല്ല ഞാൻ ഇതു പറയു​ന്നത്‌. ഏതു സാഹച​ര്യ​ത്തി​ലും തൃപ്‌തനായിരിക്കാൻ* എനിക്ക്‌ അറിയാം.+ 12 ഇല്ലായ്‌മയിൽ കഴിയാനും+ സമൃദ്ധി​യിൽ കഴിയാ​നും ഞാൻ പഠിച്ചി​രി​ക്കു​ന്നു. ഏതു കാര്യ​ത്തി​ലും ഏതു സാഹച​ര്യ​ത്തി​ലും തൃപ്‌ത​നാ​യി​രി​ക്കാ​നോ വിശന്നി​രി​ക്കാ​നോ സമൃദ്ധി​യിൽ കഴിയാ​നോ ദാരിദ്ര്യ​ത്തിൽ കഴിയാ​നോ ഉള്ള വിദ്യ എനിക്ക്‌ അറിയാം. 13 എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു.+

14 എന്തായാലും എന്റെ കഷ്ടങ്ങളിൽ പങ്കു​ചേ​രാൻ നിങ്ങൾ മനസ്സു കാട്ടി​യ​ല്ലോ. 15 ഫിലിപ്പിക്കാരേ, നിങ്ങൾക്ക്‌ അറിയാ​വു​ന്ന​തുപോ​ലെ നിങ്ങ​ളോട്‌ ആദ്യമാ​യി സന്തോ​ഷ​വാർത്ത അറിയിച്ച കാലത്ത്‌, ഞാൻ മാസിഡോ​ണി​യ​യിൽനിന്ന്‌ പോന്ന​പ്പോൾ നിങ്ങള​ല്ലാ​തെ മറ്റൊരു സഭയും കൊടു​ക്കൽവാ​ങ്ങ​ലു​ക​ളിൽ എന്റെകൂ​ടെ കൂടി​യില്ല.+ 16 കാരണം ഞാൻ തെസ്സ​ലോ​നി​ക്യ​യിൽ ആയിരു​ന്നപ്പോൾ ഒരു പ്രാവ​ശ്യ​മല്ല, രണ്ടു പ്രാവ​ശ്യം എന്റെ ആവശ്യ​ങ്ങൾക്കാ​യി നിങ്ങൾ സഹായം എത്തിച്ചു​തന്നു. 17 എന്തെങ്കിലും കിട്ടാൻ പ്രതീ​ക്ഷി​ച്ചാ​ണു ഞാൻ ഇതു പറയു​ന്നതെന്നു നിങ്ങൾ വിചാ​രി​ക്ക​രുത്‌. നിങ്ങളു​ടെ പേരി​ലുള്ള നിക്ഷേ​പ​ത്തുക വർധി​ക്കാൻ ഇടയാ​ക്കുന്ന നല്ല ഫലങ്ങൾ ഉണ്ടാക​ണമെ​ന്നാ​ണു ഞാൻ ആഗ്രഹി​ക്കു​ന്നത്‌. 18 എനിക്ക്‌ ഇപ്പോൾ എല്ലാം ആവശ്യ​ത്തി​നും അതിൽക്കൂ​ടു​ത​ലും ഉണ്ട്‌. എപ്പഫ്രൊദിത്തൊസിന്റെ+ കൈവശം നിങ്ങൾ കൊടു​ത്ത​യ​ച്ചതു കിട്ടി​യ​തുകൊണ്ട്‌ എനിക്ക്‌ ഇപ്പോൾ ഒന്നിനും കുറവില്ല. അവ ദൈവത്തെ പ്രസാ​ദി​പ്പി​ക്കുന്ന സുഗന്ധവും+ ദൈവ​ത്തി​നു സ്വീകാ​ര്യ​മായ ബലിയും ആയിരു​ന്നു. 19 അതുകൊണ്ട്‌ എന്റെ ദൈവം തന്റെ സമൃദ്ധ​മായ മഹത്ത്വ​ത്തി​നു യോജിച്ച രീതി​യിൽ ക്രിസ്‌തുയേ​ശു​വി​ലൂ​ടെ നിങ്ങളു​ടെ ആവശ്യ​ങ്ങളൊ​ക്കെ നിറ​വേ​റ്റി​ത്ത​രും.+ 20 നമ്മുടെ പിതാ​വായ ദൈവ​ത്തിന്‌ എന്നു​മെന്നേ​ക്കും മഹത്ത്വം. ആമേൻ.

21 ക്രിസ്‌തുയേശുവിനോടു യോജി​പ്പി​ലായ എല്ലാ വിശു​ദ്ധരെ​യും എന്റെ സ്‌നേ​ഹാന്വേ​ഷണം അറിയി​ക്കുക. എന്റെകൂടെ​യുള്ള സഹോ​ദ​ര​ങ്ങ​ളും അവരുടെ സ്‌നേഹം നിങ്ങളെ അറിയി​ക്കു​ന്നു. 22 വിശുദ്ധരെല്ലാവരും, പ്രത്യേ​കിച്ച്‌ സീസറി​ന്റെ അരമന​യി​ലു​ള്ളവർ,+ നിങ്ങളെ അന്വേ​ഷണം അറിയി​ക്കു​ന്നു.

23 സഹോദരങ്ങളേ, നിങ്ങൾ കാണി​ക്കുന്ന നല്ല മനസ്സു കർത്താ​വായ യേശുക്രി​സ്‌തു​വി​ന്റെ അനർഹ​ദ​യ​യാൽ അനുഗൃ​ഹീ​ത​മാ​യി​രി​ക്കട്ടെ.