മർക്കോ​സ്‌ എഴുതി​യത്‌

1 ദൈവ​പുത്ര​നായ യേശുക്രി​സ്‌തു​വിനെ​ക്കു​റി​ച്ചുള്ള സന്തോ​ഷ​വാർത്ത തുടങ്ങു​ന്നു: 2 യശയ്യ പ്രവാ​ച​കന്റെ പുസ്‌ത​ക​ത്തിൽ എഴുതി​യി​രി​ക്കു​ന്ന​തുപോ​ലെ, “(ഇതാ ഞാൻ നിന്റെ മുമ്പേ എന്റെ സന്ദേശ​വാ​ഹ​കനെ അയയ്‌ക്കു​ന്നു; അവൻ നിനക്കു വഴി ഒരുക്കും.)+ 3 വിജനഭൂമിയിൽ* വിളി​ച്ചു​പ​റ​യു​ന്ന​വന്റെ ശബ്ദം: ‘യഹോവയ്‌ക്കു* വഴി ഒരുക്കുക; ദൈവ​ത്തി​ന്റെ പാതകൾ നേരെ​യാ​ക്കുക.’”+ 4 യോഹന്നാൻ സ്‌നാ​പകൻ വിജന​ഭൂ​മി​യിൽ ചെന്ന്‌, പാപങ്ങ​ളു​ടെ ക്ഷമയ്‌ക്കാ​യുള്ള മാനസാ​ന്ത​രത്തെ പ്രതീ​കപ്പെ​ടു​ത്തുന്ന സ്‌നാനം ഏൽക്കണ​മെന്നു പ്രസം​ഗി​ച്ചുകൊ​ണ്ടി​രു​ന്നു.+ 5 അങ്ങനെ, യഹൂദ്യപ്രദേ​ശ​ത്തും യരുശലേ​മി​ലും താമസി​ക്കുന്ന എല്ലാവ​രും യോഹ​ന്നാ​ന്റെ അടുത്ത്‌ ചെന്ന്‌ പാപങ്ങൾ പരസ്യ​മാ​യി ഏറ്റുപ​റഞ്ഞു. യോഹ​ന്നാൻ അവരെ യോർദാൻ നദിയിൽ സ്‌നാ​നപ്പെ​ടു​ത്തി.*+ 6 യോഹന്നാൻ ഒട്ടക​രോ​മംകൊ​ണ്ടുള്ള വസ്‌ത്ര​വും തുകലുകൊ​ണ്ടുള്ള അരപ്പട്ട​യും ധരിച്ചി​രു​ന്നു.+ വെട്ടു​ക്കി​ളി​യും കാട്ടുതേ​നും ആയിരു​ന്നു ഭക്ഷണം.+ 7 യോഹന്നാൻ ഇങ്ങനെ പ്രസം​ഗി​ച്ചു: “എന്നെക്കാൾ ശക്തനാ​യവൻ പുറകേ വരുന്നു​ണ്ട്‌; കുനിഞ്ഞ്‌ അദ്ദേഹ​ത്തി​ന്റെ ചെരി​പ്പി​ന്റെ കെട്ട്‌ അഴിക്കാൻപോ​ലും ഞാൻ യോഗ്യ​നല്ല.+ 8 ഞാൻ നിങ്ങളെ വെള്ളം​കൊ​ണ്ട്‌ സ്‌നാ​നപ്പെ​ടു​ത്തി. എന്നാൽ അദ്ദേഹം നിങ്ങളെ പരിശുദ്ധാത്മാവുകൊണ്ട്‌* സ്‌നാ​നപ്പെ​ടു​ത്തും.”+

9 ആ കാലത്ത്‌ യേശു ഗലീല​യി​ലെ നസറെ​ത്തിൽനിന്ന്‌ യോഹ​ന്നാ​ന്റെ അടുത്ത്‌ വന്നു. യോഹ​ന്നാൻ യേശു​വി​നെ യോർദാ​നിൽ സ്‌നാ​നപ്പെ​ടു​ത്തി.+ 10 വെള്ളത്തിൽനിന്ന്‌ കയറിയ ഉടനെ, ആകാശം പിളരു​ന്ന​തും ദൈവാ​ത്മാവ്‌ പ്രാവുപോ​ലെ തന്റെ മേൽ വരുന്ന​തും യേശു കണ്ടു.+ 11 “നീ എന്റെ പ്രിയ​പു​ത്രൻ, നിന്നിൽ ഞാൻ പ്രസാ​ദി​ച്ചി​രി​ക്കു​ന്നു” എന്ന്‌ ആകാശ​ത്തു​നിന്ന്‌ ഒരു ശബ്ദവും ഉണ്ടായി.+

12 ഉടൻതന്നെ ദൈവാ​ത്മാവ്‌ യേശു​വി​നെ വിജന​ഭൂ​മി​യിലേക്കു പോകാൻ പ്രേരി​പ്പി​ച്ചു. 13 വന്യമൃഗങ്ങളുള്ള ആ പ്രദേ​ശത്ത്‌ യേശു 40 ദിവസ​മു​ണ്ടാ​യി​രു​ന്നു. ആ സമയത്ത്‌ സാത്താൻ യേശു​വി​നെ പ്രലോ​ഭി​പ്പി​ച്ചു.+ എന്നാൽ ദൂതന്മാർ യേശു​വി​നു ശുശ്രൂഷ ചെയ്‌തു.+

14 യോഹന്നാൻ തടവി​ലാ​യശേഷം യേശു ഗലീല​യിൽ ചെന്ന്‌+ ദൈവ​ത്തിൽനി​ന്നുള്ള സന്തോ​ഷ​വാർത്ത പ്രസം​ഗി​ച്ചു.+ 15 യേശു പറഞ്ഞു: “നിശ്ചയി​ച്ചിരി​ക്കുന്ന കാലം വന്നി​രി​ക്കുന്നു; ദൈവ​രാ​ജ്യം അടുത്തി​രി​ക്കു​ന്നു. മാനസാ​ന്ത​രപ്പെടൂ!+ ഈ സന്തോ​ഷ​വാർത്ത​യിൽ വിശ്വാ​സ​മു​ള്ള​വ​രാ​യി​രി​ക്കൂ.”

16 യേശു ഗലീല​ക്ക​ട​ലി​ന്റെ തീരത്തു​കൂ​ടി നടക്കു​മ്പോൾ ശിമോ​നും സഹോ​ദ​ര​നായ അന്ത്രയോസും+ കടലിൽ വല വീശു​ന്നതു കണ്ടു.+ അവർ മീൻപി​ടു​ത്ത​ക്കാ​രാ​യി​രു​ന്നു.+ 17 യേശു അവരോ​ട്‌, “എന്റെ കൂടെ വരൂ, ഞാൻ നിങ്ങളെ മനുഷ്യ​രെ പിടി​ക്കു​ന്ന​വ​രാ​ക്കാം”+ എന്നു പറഞ്ഞു. 18 അപ്പോൾത്തന്നെ അവർ വലകൾ ഉപേക്ഷി​ച്ച്‌ യേശു​വി​നെ അനുഗ​മി​ച്ചു.+ 19 അവിടെനിന്ന്‌ അൽപ്പദൂ​രം ചെന്ന​പ്പോൾ സെബെ​ദി​യു​ടെ മകനായ യാക്കോ​ബും സഹോ​ദരൻ യോഹ​ന്നാ​നും വള്ളത്തിൽ ഇരുന്ന്‌ വല നന്നാക്കു​ന്നതു യേശു കണ്ടു.+ 20 ഉടനെ യേശു അവരെ​യും വിളിച്ചു. അവർ അപ്പനായ സെബെ​ദി​യെ കൂലി​ക്കാ​രുടെ​കൂ​ടെ വള്ളത്തിൽ വിട്ടിട്ട്‌ യേശു​വി​നെ അനുഗ​മി​ച്ചു. 21 അവിടെനിന്ന്‌ അവർ കഫർന്ന​ഹൂ​മിലേക്കു പോയി.

ശബത്ത്‌ തുടങ്ങിയ ഉടനെ യേശു സിന​ഗോ​ഗിൽ ചെന്ന്‌ പഠിപ്പി​ക്കാൻതു​ടങ്ങി.+ 22 യേശു പഠിപ്പി​ക്കുന്ന രീതി കണ്ട്‌ അവർ അതിശ​യി​ച്ചുപോ​യി. കാരണം ശാസ്‌ത്രി​മാരെപ്പോലെയല്ല, അധികാ​ര​മു​ള്ള​വ​നാ​യി​ട്ടാ​ണു യേശു പഠിപ്പി​ച്ചത്‌.+ 23 അശുദ്ധാത്മാവ്‌* ബാധിച്ച ഒരു മനുഷ്യൻ അപ്പോൾ സിന​ഗോ​ഗി​ലു​ണ്ടാ​യി​രു​ന്നു. അയാൾ ഉച്ചത്തിൽ ഇങ്ങനെ വിളി​ച്ചു​പ​റഞ്ഞു: 24 “നസറെ​ത്തു​കാ​ര​നായ യേശുവേ, അങ്ങയ്‌ക്ക്‌ ഇവിടെ എന്തു കാര്യം?+ ഞങ്ങളെ ഇല്ലാതാ​ക്കാൻ വന്നതാ​ണോ? അങ്ങ്‌ ആരാ​ണെന്ന്‌ എനിക്കു നന്നായി അറിയാം; ദൈവ​ത്തി​ന്റെ പരിശു​ദ്ധൻ!”+ 25 എന്നാൽ അതിനെ ശകാരി​ച്ചുകൊണ്ട്‌ യേശു പറഞ്ഞു: “മിണ്ടിപ്പോ​ക​രുത്‌! അയാളിൽനി​ന്ന്‌ പുറത്ത്‌ വരൂ.” 26 അശുദ്ധാത്മാവ്‌ അയാളെ ഞെളി​പി​രികൊ​ള്ളിച്ച്‌ അത്യു​ച്ച​ത്തിൽ അലറി​ക്കൊ​ണ്ട്‌ പുറത്ത്‌ വന്നു. 27 ജനമെല്ലാം അതിശ​യത്തോ​ടെ തമ്മിൽത്ത​മ്മിൽ ഇങ്ങനെ പറയു​ന്നു​ണ്ടാ​യി​രു​ന്നു: “എന്താണ്‌ ഇത്‌? പുതിയൊ​രു തരം പഠിപ്പി​ക്കൽ! അദ്ദേഹം അശുദ്ധാ​ത്മാ​ക്കളോ​ടുപോ​ലും അധികാ​രത്തോ​ടെ കല്‌പി​ക്കു​ന്നു; അവ അനുസ​രി​ക്കു​ക​യും ചെയ്യുന്നു.” 28 അങ്ങനെ യേശു​വിനെ​ക്കു​റി​ച്ചുള്ള വാർത്ത ഗലീല​യിലെ​ങ്ങും അതി​വേഗം പരന്നു.

29 പിന്നെ അവർ സിന​ഗോ​ഗിൽനിന്ന്‌ ഇറങ്ങി ശിമോന്റെ​യും അന്ത്ര​യോ​സിന്റെ​യും വീട്ടി​ലേക്കു പോയി. യാക്കോ​ബും യോഹ​ന്നാ​നും കൂടെ​യു​ണ്ടാ​യി​രു​ന്നു.+ 30 ശിമോന്റെ അമ്മായിയമ്മ+ പനി പിടിച്ച്‌ കിടപ്പാ​യി​രു​ന്നു; അവിടെ ചെന്ന ഉടനെ അവർ അക്കാര്യം യേശു​വിനോ​ടു പറഞ്ഞു. 31 യേശു അടുത്ത്‌ ചെന്ന്‌ ആ സ്‌ത്രീ​യെ കൈക്കു പിടിച്ച്‌ എഴു​ന്നേൽപ്പി​ച്ചു. അവരുടെ പനി മാറി. അവർ എഴു​ന്നേറ്റ്‌, വന്നവരെ സത്‌ക​രി​ച്ചു.

32 വൈകുന്നേരം സൂര്യൻ അസ്‌ത​മി​ച്ചശേഷം ആളുകൾ എല്ലാ രോഗി​കളെ​യും ഭൂതബാ​ധി​തരെ​യും യേശു​വി​ന്റെ അടു​ത്തേക്കു കൊണ്ടു​വ​രാൻതു​ടങ്ങി.+ 33 നഗരം ഒന്നടങ്കം വാതിൽക്കൽ തടിച്ചു​കൂ​ടി​യി​രു​ന്നു. 34 പല തരം രോഗങ്ങൾ കാരണം കഷ്ടപ്പെ​ട്ടി​രുന്ന അനേകരെ യേശു സുഖ​പ്പെ​ടു​ത്തി.+ ധാരാളം ഭൂതങ്ങളെ പുറത്താ​ക്കി. പക്ഷേ, താൻ ക്രിസ്‌തുവാണെന്നു* ഭൂതങ്ങൾക്ക്‌ അറിയാ​മാ​യി​രു​ന്ന​തുകൊണ്ട്‌ യേശു അവയെ സംസാ​രി​ക്കാൻ അനുവ​ദി​ച്ചില്ല.

35 അതിരാവിലെ, വെട്ടം വീഴു​ന്ന​തി​നു മുമ്പു​തന്നെ, യേശു ഉണർന്ന്‌ ഒറ്റപ്പെട്ട ഒരു സ്ഥലത്തേക്കു പോയി. അവിടെ ചെന്ന്‌ യേശു പ്രാർഥി​ക്കാൻതു​ടങ്ങി.+ 36 പക്ഷേ ശിമോ​നും കൂടെ​യു​ള്ള​വ​രും യേശു​വി​നെ അന്വേ​ഷിച്ച്‌ കണ്ടുപി​ടി​ച്ചു. 37 യേശുവിനെ കണ്ടപ്പോൾ, “എല്ലാവ​രും അങ്ങയെ അന്വേ​ഷി​ക്കു​ക​യാണ്‌” എന്നു പറഞ്ഞു. 38 എന്നാൽ യേശു അവരോ​ടു പറഞ്ഞു: “നമുക്കു മറ്റ്‌ എവി​ടേക്കെ​ങ്കി​ലും പോകാം. അടുത്ത്‌ വേറെ​യും പട്ടണങ്ങ​ളു​ണ്ട​ല്ലോ. അവി​ടെ​യും എനിക്കു പ്രസം​ഗി​ക്കണം. ഞാൻ വന്നതു​തന്നെ അതിനുവേ​ണ്ടി​യാ​ണ​ല്ലോ.”+ 39 അങ്ങനെ, യേശു ഗലീല​യിലെ​ല്ലാ​യി​ട​ത്തു​മുള്ള സിന​ഗോ​ഗു​ക​ളിൽ ചെന്ന്‌ പ്രസം​ഗി​ക്കു​ക​യും ഭൂതങ്ങളെ പുറത്താ​ക്കു​ക​യും ചെയ്‌തു.+

40 ഒരു കുഷ്‌ഠരോ​ഗി യേശു​വി​ന്റെ അടുത്ത്‌ വന്ന്‌ മുട്ടു​കു​ത്തി ഇങ്ങനെ അപേക്ഷി​ച്ചു: “ഒന്നു മനസ്സുവെ​ച്ചാൽ അങ്ങയ്‌ക്ക്‌ എന്നെ ശുദ്ധനാ​ക്കാം.”+ 41 അതു കേട്ട്‌ മനസ്സ്‌ അലിഞ്ഞ യേശു കൈ നീട്ടി അയാളെ തൊട്ടു​കൊ​ണ്ട്‌, “എനിക്കു മനസ്സാണ്‌, ശുദ്ധനാ​കുക” എന്നു പറഞ്ഞു.+ 42 അപ്പോൾത്തന്നെ കുഷ്‌ഠം മാറി അയാൾ ശുദ്ധനാ​യി. 43 യേശു അയാളെ പെട്ടെന്നു പറഞ്ഞയച്ചു. കർശന​മാ​യി ഇങ്ങനെ കല്‌പി​ക്കു​ക​യും ചെയ്‌തു: 44 “ഇത്‌ ആരോ​ടും പറയരു​ത്‌. എന്നാൽ നീ ചെന്ന്‌ ഇതു പുരോ​ഹി​തനെ കാണിച്ച്‌ ശുദ്ധീ​ക​ര​ണ​ത്തി​നുവേണ്ടി മോശ കല്‌പി​ച്ചത്‌ അർപ്പി​ക്കണം.+ അത്‌ അവർക്കൊ​രു തെളി​വാ​കട്ടെ.”+ 45 പക്ഷേ അയാൾ അവി​ടെ​നിന്ന്‌ പോയി ഈ വാർത്ത കൊട്ടിഘോ​ഷിച്ച്‌ നാട്ടിലെ​ങ്ങും പാട്ടാക്കി. അതു​കൊണ്ട്‌ യേശു​വി​നു പരസ്യ​മാ​യി ഒരു നഗരത്തി​ലും ചെല്ലാൻ പറ്റാതാ​യി. പുറത്ത്‌ ജനവാ​സ​മി​ല്ലാത്ത പ്രദേ​ശ​ങ്ങ​ളിൽ യേശു​വി​നു താമസിക്കേ​ണ്ടി​വന്നു. എന്നിട്ടും എല്ലായി​ട​ത്തു​നി​ന്നും ജനങ്ങൾ യേശു​വി​ന്റെ അടുത്ത്‌ വന്നു​കൊ​ണ്ടി​രു​ന്നു.+

2 എന്നാൽ കുറെ ദിവസം കഴിഞ്ഞ്‌ യേശു വീണ്ടും കഫർന്ന​ഹൂ​മിൽ ചെന്നു. യേശു വീട്ടി​ലുണ്ടെന്നു വാർത്ത പരന്നു.+ 2 വാതിൽക്കൽപ്പോലും നിൽക്കാൻ ഇടമി​ല്ലാ​ത്ത​വി​ധം ധാരാളം പേർ അവിടെ വന്നുകൂ​ടി. യേശു അവരോ​ടു ദൈവ​വ​ചനം പ്രസം​ഗി​ക്കാൻതു​ടങ്ങി.+ 3 ശരീരം തളർന്നു​പോയ ഒരാളെ അപ്പോൾ അവിടെ കൊണ്ടു​വന്നു. നാലു പേർ ചേർന്ന്‌ അയാളെ എടുത്തുകൊ​ണ്ടാ​ണു വന്നത്‌.+ 4 എന്നാൽ ജനക്കൂട്ടം കാരണം അയാളെ യേശു​വി​ന്റെ അടുത്ത്‌ എത്തിക്കാൻ കഴിഞ്ഞില്ല. അതു​കൊണ്ട്‌ അവർ യേശു ഇരുന്നി​ടത്തെ മേൽക്കൂര ഇളക്കി​മാ​റ്റി​യിട്ട്‌ മതിയായ ഒരു ദ്വാരം ഉണ്ടാക്കി അയാളെ കിടക്കയോ​ടെ താഴെ ഇറക്കി. 5 അവരുടെ വിശ്വാ​സം കണ്ടിട്ട്‌+ യേശു തളർവാ​തരോ​ഗിയോട്‌, “മകനേ, നിന്റെ പാപങ്ങൾ ക്ഷമിച്ചി​രി​ക്കു​ന്നു” എന്നു പറഞ്ഞു.+ 6 ഇതു കേട്ട്‌, അവി​ടെ​യു​ണ്ടാ​യി​രുന്ന ചില ശാസ്‌ത്രി​മാർ ഇങ്ങനെ മനസ്സിൽ പറഞ്ഞു:+ 7 “ഈ മനുഷ്യൻ എന്താ ഇങ്ങനെ പറയു​ന്നത്‌? ഇതു ദൈവ​നി​ന്ദ​യാണ്‌. ദൈവ​ത്തി​ന​ല്ലാ​തെ ആർക്കെ​ങ്കി​ലും പാപങ്ങൾ ക്ഷമിക്കാൻ കഴിയു​മോ?”+ 8 പെട്ടെന്നുതന്നെ അവരുടെ ചിന്ത തിരി​ച്ച​റിഞ്ഞ യേശു അവരോ​ടു ചോദി​ച്ചു: “നിങ്ങൾ എന്തിനാ​ണ്‌ ഇങ്ങനെയൊ​ക്കെ ആലോ​ചി​ക്കു​ന്നത്‌?+ 9 ഏതാണ്‌ എളുപ്പം? തളർവാ​തരോ​ഗിയോട്‌, ‘നിന്റെ പാപങ്ങൾ ക്ഷമിച്ചി​രി​ക്കു​ന്നു’ എന്നു പറയു​ന്ന​താ​ണോ അതോ ‘എഴു​ന്നേറ്റ്‌ നിന്റെ കിടക്ക എടുത്ത്‌ നടക്കുക’ എന്നു പറയു​ന്ന​താ​ണോ? 10 എന്നാൽ ഭൂമി​യിൽ പാപങ്ങൾ ക്ഷമിക്കാൻ+ മനുഷ്യപുത്രന്‌+ അധികാ​ര​മുണ്ടെന്നു നിങ്ങൾ അറിയാൻവേണ്ടി...” യേശു തളർവാ​തരോ​ഗിയോ​ടു പറഞ്ഞു: 11 “എഴു​ന്നേറ്റ്‌, കിടക്ക എടുത്ത്‌ വീട്ടി​ലേക്കു പോകൂ എന്നു ഞാൻ നിന്നോ​ടു പറയുന്നു.” 12 ഉടൻതന്നെ, എല്ലാവ​രും നോക്കി​നിൽക്കെ അയാൾ എഴു​ന്നേറ്റ്‌ കിടക്ക​യും എടുത്ത്‌ പുറ​ത്തേക്കു നടന്നു. എല്ലാവ​രും അത്ഭുതപ്പെ​ട്ടുപോ​യി. “ആദ്യമാ​യി​ട്ടാണ്‌ ഇങ്ങനെയൊ​രു സംഭവം കാണു​ന്നത്‌” എന്നു പറഞ്ഞ്‌ അവർ ദൈവത്തെ സ്‌തു​തി​ച്ചു.+

13 യേശു പിന്നെ​യും കടൽത്തീ​രത്തേക്കു പോയി. അനേകർ യേശു​വി​ന്റെ അടുത്ത്‌ വന്നു​കൊ​ണ്ടി​രു​ന്നു. യേശു ആ ജനക്കൂ​ട്ടത്തെ പഠിപ്പി​ക്കാൻതു​ടങ്ങി. 14 യേശു നടന്നുപോ​കുമ്പോൾ അൽഫാ​യി​യു​ടെ മകൻ ലേവി നികുതി പിരി​ക്കു​ന്നി​ടത്ത്‌ ഇരിക്കു​ന്നതു കണ്ട്‌, “എന്നെ അനുഗ​മി​ക്കുക” എന്നു പറഞ്ഞു. ഉടനെ ലേവി എഴു​ന്നേറ്റ്‌ യേശു​വി​നെ അനുഗ​മി​ച്ചു.+ 15 പിന്നെ യേശു ലേവി​യു​ടെ വീട്ടിൽ ഭക്ഷണത്തി​ന്‌ ഇരുന്നു. കുറെ നികു​തി​പി​രി​വു​കാ​രും പാപി​ക​ളും യേശു​വിന്റെ​യും ശിഷ്യ​ന്മാ​രുടെ​യും കൂടെ ഇരുന്ന്‌ ഭക്ഷണം കഴിക്കു​ന്നു​ണ്ടാ​യി​രു​ന്നു. അങ്ങനെ​യുള്ള അനേകർ യേശു​വി​നെ അനുഗ​മി​ച്ചി​രു​ന്നു.+ 16 യേശു നികു​തി​പി​രി​വു​കാ​രുടെ​യും പാപി​ക​ളുടെ​യും കൂടെ ഭക്ഷണം കഴിക്കു​ന്നതു കണ്ട്‌ പരീശ​ന്മാ​രിൽപ്പെട്ട ശാസ്‌ത്രി​മാർ യേശു​വി​ന്റെ ശിഷ്യ​ന്മാരോട്‌, “ഇയാൾ എന്താ നികു​തി​പി​രി​വു​കാ​രുടെ​യും പാപി​ക​ളുടെ​യും കൂടെ ഭക്ഷണം കഴിക്കു​ന്നത്‌” എന്നു ചോദി​ച്ചു. 17 ഇതു കേട്ട യേശു അവരോ​ടു പറഞ്ഞു: “ആരോ​ഗ്യ​മു​ള്ള​വർക്കല്ല, രോഗി​കൾക്കാ​ണു വൈദ്യ​നെ ആവശ്യം. നീതി​മാ​ന്മാരെയല്ല, പാപി​കളെ വിളി​ക്കാ​നാ​ണു ഞാൻ വന്നത്‌.”+

18 പരീശന്മാർക്കും യോഹ​ന്നാ​ന്റെ ശിഷ്യ​ന്മാർക്കും ഉപവസി​ക്കുന്ന പതിവു​ണ്ടാ​യി​രു​ന്നു. അതു​കൊണ്ട്‌ അവർ വന്ന്‌ യേശു​വിനോ​ടു ചോദി​ച്ചു: “യോഹ​ന്നാ​ന്റെ ശിഷ്യ​ന്മാ​രും പരീശ​ന്മാ​രു​ടെ ശിഷ്യ​ന്മാ​രും പതിവാ​യി ഉപവസി​ക്കാ​റുണ്ട്‌. പക്ഷേ അങ്ങയുടെ ശിഷ്യ​ന്മാർ എന്താണ്‌ ഉപവസി​ക്കാ​ത്തത്‌?”+ 19 യേശു അവരോ​ടു പറഞ്ഞു: “മണവാളൻ+ കൂടെ​യു​ള്ളപ്പോൾ അയാളു​ടെ കൂട്ടു​കാർ ഉപവസി​ക്കാ​റില്ല, ഉണ്ടോ? മണവാളൻ കൂടെ​യു​ള്ളി​ടത്തോ​ളം അവർക്ക്‌ ഉപവസി​ക്കാൻ കഴിയില്ല. 20 എന്നാൽ മണവാ​ളനെ അവരുടെ അടുത്തു​നിന്ന്‌ കൊണ്ടുപോ​കുന്ന കാലം വരും.+ അന്ന്‌ അവർ ഉപവസി​ക്കും. 21 പഴയ വസ്‌ത്ര​ത്തിൽ ആരും പുതിയ തുണി​ക്ക​ഷണം തുന്നിച്ചേർക്കാ​റില്ല. അങ്ങനെ ചെയ്‌താൽ പുതിയ തുണി​ക്ക​ഷണം ചുരു​ങ്ങുമ്പോൾ അതു പഴയ വസ്‌ത്രത്തെ വലിച്ചി​ട്ട്‌ കീറൽ കൂടുതൽ വലുതാ​കും.+ 22 അതുപോലെ ആരും പുതിയ വീഞ്ഞു പഴയ തുരു​ത്തി​യിൽ ഒഴിച്ചുവെ​ക്കാ​റില്ല. അങ്ങനെ ചെയ്‌താൽ വീഞ്ഞ്‌ ആ തുരുത്തി പൊട്ടി​ക്കും. വീഞ്ഞും തുരു​ത്തി​യും നഷ്ടപ്പെ​ടും. പുതിയ വീഞ്ഞു പുതിയ തുരു​ത്തി​യി​ലാണ്‌ ഒഴിച്ചുവെ​ക്കു​ന്നത്‌.”

23 ഒരു ശബത്തു​ദി​വസം യേശു വിളഞ്ഞു​കി​ട​ക്കുന്ന ഒരു വയലി​ലൂ​ടെ പോകു​ക​യാ​യി​രു​ന്നു. യേശു​വി​ന്റെ ശിഷ്യ​ന്മാർ ധാന്യ​ക്ക​തി​രു​കൾ പറിച്ചു.+ 24 ഇതു കണ്ട പരീശ​ന്മാർ യേശു​വിനോട്‌, “എന്താ ഇത്‌? ഇവർ ശബത്തിൽ ചെയ്യാൻ പാടില്ലാത്ത* കാര്യം ചെയ്യു​ന്നതു കണ്ടില്ലേ” എന്നു ചോദി​ച്ചു. 25 പക്ഷേ യേശു അവരോ​ടു പറഞ്ഞു: “ദാവീദ്‌ തനിക്കും കൂടെ​യു​ള്ള​വർക്കും തിന്നാൻ ഒന്നുമി​ല്ലാ​തെ വിശന്ന​പ്പോൾ ചെയ്‌തത്‌ എന്താ​ണെന്നു നിങ്ങൾ വായി​ച്ചി​ട്ടി​ല്ലേ?+ 26 മുഖ്യപുരോഹിതനായ അബ്യാഥാരിനെക്കുറിച്ചുള്ള+ വിവര​ണ​ത്തിൽ പറയു​ന്ന​തുപോ​ലെ, ദാവീദ്‌ ദൈവ​ഭ​വ​ന​ത്തിൽ കയറി പുരോ​ഹി​ത​ന്മാ​ര​ല്ലാ​തെ മറ്റാരും തിന്നാൻ പാടില്ലാത്ത* കാഴ്‌ച​യപ്പം തിന്നുകയും+ കൂടെ​യു​ള്ള​വർക്കു കൊടു​ക്കു​ക​യും ചെയ്‌തി​ല്ലേ?” 27 പിന്നെ യേശു അവരോ​ടു പറഞ്ഞു: “ശബത്ത്‌ മനുഷ്യ​നുവേ​ണ്ടി​യാണ്‌ ഉണ്ടായത്‌;+ അല്ലാതെ, മനുഷ്യൻ ശബത്തി​നുവേ​ണ്ടി​യല്ല. 28 മനുഷ്യപുത്രൻ ശബത്തി​നും കർത്താ​വാണ്‌”+ എന്നു പറഞ്ഞു.

3 യേശു വീണ്ടും ഒരു സിന​ഗോ​ഗിൽ ചെന്നു. ശോഷിച്ച കൈയുള്ള* ഒരാൾ അവി​ടെ​യു​ണ്ടാ​യി​രു​ന്നു.+ 2 ശബത്തിൽ യേശു ആ മനുഷ്യ​നെ സുഖ​പ്പെ​ടു​ത്തു​മോ എന്നു കാണാൻ പരീശ​ന്മാർ യേശു​വിനെ​ത്തന്നെ ശ്രദ്ധി​ച്ചുകൊ​ണ്ടി​രു​ന്നു. യേശു​വിൽ കുറ്റം കണ്ടുപി​ടി​ക്കുക എന്നതാ​യി​രു​ന്നു അവരുടെ ലക്ഷ്യം. 3 കൈ ശോഷിച്ച* മനുഷ്യനോ​ടു യേശു, “എഴു​ന്നേറ്റ്‌ ഇവിടെ നടുക്കു വന്ന്‌ നിൽക്കുക” എന്നു പറഞ്ഞു. 4 പിന്നെ യേശു അവരോ​ട്‌, “ശബത്തിൽ ഉപകാരം ചെയ്യു​ന്ന​തോ ഉപദ്ര​വി​ക്കു​ന്ന​തോ, ജീവൻ രക്ഷിക്കു​ന്ന​തോ നശിപ്പി​ക്കു​ന്ന​തോ ഏതാണു ശരി”* എന്നു ചോദി​ച്ചു.+ എന്നാൽ അവർ ഒന്നും മിണ്ടി​യില്ല. 5 അവരുടെ ഹൃദയ​കാ​ഠി​ന്യ​ത്തിൽ യേശു​വി​ന്റെ മനസ്സു നൊന്തു.+ ദേഷ്യത്തോ​ടെ അവരെ നോക്കി​യിട്ട്‌ യേശു ആ മനുഷ്യ​നോ​ട്‌, “കൈ നീട്ടൂ” എന്നു പറഞ്ഞു. അയാൾ കൈ നീട്ടി. അതു സുഖ​പ്പെട്ടു. 6 ഉടൻതന്നെ പരീശ​ന്മാർ അവി​ടെ​നിന്ന്‌ ഇറങ്ങി യേശു​വി​നെ കൊല്ലാൻ ഹെരോ​ദി​ന്റെ അനുയാ​യി​ക​ളു​മാ​യി കൂടി​യാലോ​ചി​ച്ചു.+

7 എന്നാൽ യേശു ശിഷ്യ​ന്മാ​രുടെ​കൂ​ടെ കടപ്പു​റത്തേക്കു പോയി. ഗലീല​യിൽനി​ന്നും യഹൂദ്യ​യിൽനി​ന്നും ഉള്ള ഒരു വലിയ ജനക്കൂട്ടം യേശു​വി​ന്റെ പിന്നാലെ ചെന്നു.+ 8 യേശു ചെയ്‌തതൊ​ക്കെ കേട്ടിട്ട്‌ ദൂരെ യരുശലേ​മിൽനി​ന്നും ഇദുമ​യ​യിൽനി​ന്നും യോർദാ​ന്‌ അക്കരെ​നി​ന്നും സോരിന്റെ​യും സീദോന്റെ​യും ചുറ്റു​മുള്ള പ്രദേ​ശ​ങ്ങ​ളിൽനി​ന്നും വലിയ ഒരു ജനസമൂ​ഹം യേശു​വി​ന്റെ അടുത്ത്‌ വന്നു. 9 ജനക്കൂട്ടം തന്നെ ഞെരു​ക്കാ​തി​രിക്കേ​ണ്ട​തി​നു തനിക്കു​വേണ്ടി ഒരു ചെറിയ വള്ളം സജ്ജമാ​ക്കി​നി​റു​ത്താൻ യേശു ശിഷ്യ​ന്മാരോ​ടു പറഞ്ഞു. 10 യേശു അനേകരെ സുഖ​പ്പെ​ടു​ത്തി​യ​തുകൊണ്ട്‌, ഗുരു​ത​ര​മായ രോഗ​ങ്ങ​ളാൽ കഷ്ടപ്പെ​ട്ടി​രു​ന്ന​വരെ​ല്ലാം യേശു​വി​നെ ഒന്നു തൊടാൻ തിക്കി​ത്തി​ര​ക്കിക്കൊ​ണ്ടി​രു​ന്നു.+ 11 അശുദ്ധാത്മാക്കൾപോലും*+ യേശു​വി​നെ കാണു​മ്പോൾ യേശു​വി​ന്റെ മുന്നിൽ വീണ്‌, “നീ ദൈവ​പുത്ര​നാണ്‌” എന്നു വിളി​ച്ചു​പ​റ​യു​മാ​യി​രു​ന്നു.+ 12 എന്നാൽ തന്നെക്കു​റിച്ച്‌ വെളിപ്പെ​ടു​ത്ത​രുത്‌ എന്നു യേശു പലപ്പോ​ഴും അവയോ​ടു കർശന​മാ​യി കല്‌പി​ച്ചു.+

13 യേശു ഒരു മലയിൽ കയറി​യിട്ട്‌ താൻ മനസ്സിൽ കണ്ട ചിലരെ അടു​ത്തേക്കു വിളി​ച്ചു​വ​രു​ത്തി.+ അവർ യേശു​വി​ന്റെ അടുത്ത്‌ ചെന്നു.+ 14 യേശു 12 പേരുടെ ഒരു സംഘം രൂപീകരിച്ച്‌* അവർക്ക്‌ അപ്പോ​സ്‌ത​ല​ന്മാർ എന്നു പേരിട്ടു. യേശു​വിന്റെ​കൂ​ടെ നടക്കാ​നും യേശു പറഞ്ഞയ​യ്‌ക്കുമ്പോൾ പോയി പ്രസം​ഗി​ക്കാ​നും വേണ്ടി​യാണ്‌ അവരെ തിര​ഞ്ഞെ​ടു​ത്തത്‌. 15 ഭൂതങ്ങളെ പുറത്താ​ക്കാ​നുള്ള അധികാ​ര​വും അവർക്കു നൽകി.+

16 യേശു രൂപീകരിച്ച* 12 പേരുടെ സംഘത്തിലുണ്ടായിരുന്നവർ+ ഇവരാണ്‌: പത്രോസ്‌+ എന്നു യേശു പേര്‌ നൽകിയ ശിമോൻ, 17 സെബെദിയുടെ മകനായ യാക്കോ​ബ്‌, യാക്കോ​ബി​ന്റെ സഹോ​ദ​ര​നായ യോഹ​ന്നാൻ (യേശു ഇവർക്ക്‌ “ഇടിമു​ഴ​ക്ക​ത്തി​ന്റെ മക്കൾ” എന്ന്‌ അർഥമുള്ള ബൊവ​നേർഗെസ്‌ എന്ന പേര്‌ നൽകി.),+ 18 അന്ത്രയോസ്‌, ഫിലി​പ്പോ​സ്‌, ബർത്തൊലൊ​മാ​യി, മത്തായി, തോമസ്‌, അൽഫാ​യി​യു​ടെ മകനായ യാക്കോ​ബ്‌, തദ്ദായി, കനാനേയനായ* ശിമോൻ, 19 യേശുവിനെ പിന്നീട്‌ ഒറ്റി​ക്കൊ​ടുത്ത യൂദാസ്‌ ഈസ്‌ക​ര്യോ​ത്ത്‌.

പിന്നെ യേശു ഒരു വീട്ടിൽ ചെന്നു. 20 യേശുവിനും ശിഷ്യ​ന്മാർക്കും ഭക്ഷണം കഴിക്കാൻപോ​ലും പറ്റാത്ത വിധം വീണ്ടും ആളുകൾ വന്നുകൂ​ടി. 21 എന്നാൽ യേശു​വി​ന്റെ ബന്ധുക്കൾ ഇതെല്ലാം കേട്ട​പ്പോൾ, “അവനു ഭ്രാന്താ​ണ്‌” എന്നു പറഞ്ഞ്‌ യേശു​വി​നെ പിടി​ച്ചുകൊ​ണ്ടുപോ​കാൻ ഇറങ്ങി​ത്തി​രി​ച്ചു.+ 22 യരുശലേമിൽനിന്ന്‌ വന്ന ശാസ്‌ത്രി​മാ​രും ഇങ്ങനെ ആരോ​പി​ച്ചു: “ഇവനിൽ ബയെത്‌സെബൂബ്‌* കയറി​യി​ട്ടുണ്ട്‌. ഭൂതങ്ങ​ളു​ടെ അധിപനെക്കൊ​ണ്ടാണ്‌ ഇവൻ ഭൂതങ്ങളെ പുറത്താ​ക്കു​ന്നത്‌.”+ 23 അതുകൊണ്ട്‌ യേശു അവരെ അടുത്ത്‌ വിളിച്ച്‌ ദൃഷ്ടാ​ന്തങ്ങൾ ഉപയോ​ഗിച്ച്‌ അവരോ​ടു സംസാ​രി​ക്കാൻതു​ടങ്ങി: “സാത്താന്‌ എങ്ങനെ സാത്താനെ പുറത്താ​ക്കാൻ പറ്റും? 24 ഒരു രാജ്യ​ത്തി​ലെ ആളുകൾ പരസ്‌പരം പോര​ടി​ക്കുന്നെ​ങ്കിൽ ആ രാജ്യം നിലനിൽക്കില്ല.+ 25 ഒരു വീട്ടിലെ ആളുകൾ പരസ്‌പരം പോര​ടി​ക്കുന്നെ​ങ്കിൽ ആ വീടും നിലനിൽക്കില്ല. 26 അതുപോലെ സാത്താൻ തന്നോ​ടു​തന്നെ എതിർത്ത്‌ തനിക്ക്‌ എതിരെ പോരാ​ടുന്നെ​ങ്കിൽ അവൻ നിലനിൽക്കില്ല. അത്‌ അവന്റെ അന്ത്യമാ​യി​രി​ക്കും. 27 ശക്തനായ ഒരാളു​ടെ വീട്ടിൽ കടന്ന്‌ സാധനങ്ങൾ കൊള്ള​യ​ടി​ക്ക​ണമെ​ങ്കിൽ ആദ്യം അയാളെ പിടി​ച്ചുകെ​ട്ടണം. അയാളെ പിടി​ച്ചുകെ​ട്ടി​യാ​ലേ അതിനു കഴിയൂ. 28 സത്യമായും ഞാൻ നിങ്ങ​ളോ​ടു പറയുന്നു: മനുഷ്യ​രു​ടെ ഏതൊരു പാപവും വിശു​ദ്ധ​കാ​ര്യ​ങ്ങളോ​ടുള്ള നിന്ദയും അവരോ​ടു ക്ഷമിക്കും. 29 പക്ഷേ ആരെങ്കി​ലും പരിശു​ദ്ധാ​ത്മാ​വി​നെ നിന്ദി​ച്ചാൽ അത്‌ ഒരിക്ക​ലും ക്ഷമിക്കില്ല.+ ആ പാപം അവന്‌ എന്നേക്കു​മാ​യി കണക്കി​ടും.”+ 30 “അവനി​ലു​ള്ളത്‌ അശുദ്ധാ​ത്മാ​വാണ്‌” എന്ന്‌ അവർ ആരോ​പി​ച്ച​തുകൊ​ണ്ടാണ്‌ യേശു ഇതു പറഞ്ഞത്‌.+

31 ആ സമയത്ത്‌ യേശു​വി​ന്റെ അമ്മയും സഹോദരന്മാരും+ അവിടെ എത്തി. അവർ പുറത്ത്‌ നിന്നിട്ട്‌ യേശു​വി​നെ വിളി​ക്കാൻ ആളയച്ചു.+ 32 യേശുവിന്റെ ചുറ്റും ഒരു ജനക്കൂട്ടം ഇരിപ്പു​ണ്ടാ​യി​രു​ന്നു. അവർ യേശു​വിനോട്‌, “ഇതാ, അങ്ങയെ കാണാൻ അമ്മയും സഹോ​ദ​ര​ന്മാ​രും പുറത്ത്‌ കാത്തു​നിൽക്കു​ന്നു”+ എന്നു പറഞ്ഞു. 33 എന്നാൽ യേശു അവരോ​ടു ചോദി​ച്ചു: “ആരാണ്‌ എന്റെ അമ്മയും സഹോ​ദ​ര​ന്മാ​രും?” 34 എന്നിട്ട്‌ ചുറ്റും ഇരിക്കു​ന്ന​വരെ നോക്കി​ക്കൊ​ണ്ട്‌ യേശു പറഞ്ഞു: “ഇതാ, എന്റെ അമ്മയും സഹോ​ദ​ര​ന്മാ​രും!+ 35 ദൈവത്തിന്റെ ഇഷ്ടം ചെയ്യു​ന്നത്‌ ആരോ അവരാണ്‌ എന്റെ സഹോ​ദ​ര​നും സഹോ​ദ​രി​യും അമ്മയും.”+

4 യേശു പിന്നെ​യും കടൽത്തീ​രത്ത്‌ ചെന്ന്‌ പഠിപ്പി​ക്കാൻതു​ടങ്ങി. വലിയ ഒരു ജനക്കൂട്ടം യേശു​വി​ന്റെ അടുത്ത്‌ വന്നുകൂ​ടി​യ​തുകൊണ്ട്‌ യേശു ഒരു വള്ളത്തിൽ കയറി ഇരുന്നു. വള്ളം തീരത്തു​നിന്ന്‌ അൽപ്പം അകലെ​യാ​യി​രു​ന്നു, ജനക്കൂ​ട്ട​മാ​കട്ടെ കടൽത്തീ​ര​ത്തും.+ 2 ദൃഷ്ടാന്തങ്ങൾ ഉപയോ​ഗിച്ച്‌ യേശു അവരെ പലതും പഠിപ്പി​ക്കാൻതു​ടങ്ങി.+ അങ്ങനെ പഠിപ്പി​ക്കു​ന്ന​തി​നി​ടെ യേശു പറഞ്ഞു:+ 3 “കേൾക്കൂ! ഒരു വിതക്കാ​രൻ വിത്തു വിതയ്‌ക്കാൻ പോയി.+ 4 വിതയ്‌ക്കുമ്പോൾ വിത്തു​ക​ളിൽ കുറെ വഴിയ​രി​കെ വീണു. പക്ഷികൾ വന്ന്‌ അവ തിന്നു​ക​ളഞ്ഞു. 5 ചിലത്‌, അധികം മണ്ണില്ലാത്ത പാറസ്ഥ​ലത്ത്‌ വീണു. മണ്ണിന്‌ ആഴമി​ല്ലാ​യി​രു​ന്ന​തുകൊണ്ട്‌ അവ പെട്ടെന്നു മുളച്ചുപൊങ്ങിയെങ്കിലും+ 6 സൂര്യൻ ഉദിച്ച​പ്പോൾ വെയി​ലേറ്റ്‌ വാടി; വേരി​ല്ലാ​ത്ത​തുകൊണ്ട്‌ അവ ഉണങ്ങിപ്പോ​യി. 7 മറ്റു ചില വിത്തുകൾ മുൾച്ചെ​ടി​കൾക്കി​ട​യിൽ വീണു. മുൾച്ചെ​ടി​കൾ വളർന്ന്‌ അവയെ ഞെരു​ക്കി​ക്ക​ള​ഞ്ഞ​തുകൊണ്ട്‌ അവ ഫലം കായ്‌ച്ചില്ല.+ 8 വേറെ ചിലതു നല്ല മണ്ണിൽ വീണു. അവ മുളച്ച്‌ വളർന്ന്‌ 30-ഉം 60-ഉം 100-ഉം മേനി വിളവ്‌ നൽകി.”+ 9 എന്നിട്ട്‌ യേശു കൂട്ടി​ച്ചേർത്തു: “കേൾക്കാൻ ചെവി​യു​ള്ളവൻ കേൾക്കട്ടെ.”+

10 യേശു തനിച്ചാ​യപ്പോൾ ചുറ്റു​മു​ണ്ടാ​യി​രു​ന്ന​വ​രും പന്ത്രണ്ടു പേരും* ദൃഷ്ടാ​ന്ത​ങ്ങളെ​ക്കു​റിച്ച്‌ യേശു​വിനോ​ടു ചോദ്യ​ങ്ങൾ ചോദി​ക്കാൻതു​ടങ്ങി.+ 11 യേശു അവരോ​ടു പറഞ്ഞു: “ദൈവ​രാ​ജ്യത്തെ​ക്കു​റി​ച്ചുള്ള പാവനരഹസ്യം+ മനസ്സി​ലാ​ക്കാൻ അനു​ഗ്രഹം ലഭിച്ചതു നിങ്ങൾക്കാ​ണ്‌. എന്നാൽ പുറത്തു​ള്ള​വർക്ക്‌ അതെല്ലാം ദൃഷ്ടാ​ന്ത​ങ്ങ​ളാ​യി​ത്തന്നെ ഇരിക്കു​ന്നു.+ 12 അവർ നോക്കു​ന്നുണ്ട്‌. പക്ഷേ നോക്കി​യി​ട്ടും അവർ കാണു​ന്നില്ല. അവർ കേൾക്കു​ന്നുണ്ട്‌. പക്ഷേ കേട്ടി​ട്ടും അവർ സാരം മനസ്സി​ലാ​ക്കു​ന്നില്ല. ഒരിക്ക​ലും മനംതി​രി​ഞ്ഞു​വ​രാത്ത അവർക്കു ക്ഷമയും കിട്ടില്ല.”+ 13 പിന്നെ യേശു അവരോ​ടു പറഞ്ഞു: “നിങ്ങൾക്ക്‌ ഈ ദൃഷ്ടാന്തം മനസ്സി​ലാ​കു​ന്നില്ലെ​ങ്കിൽ, പിന്നെ മറ്റു ദൃഷ്ടാ​ന്തങ്ങൾ എങ്ങനെ മനസ്സി​ലാ​കും?

14 “വിതക്കാ​രൻ വിതയ്‌ക്കു​ന്നതു ദൈവ​വ​ച​ന​മാണ്‌.+ 15 ചിലർ ആ വചനം കേൾക്കു​ന്നു. എന്നാൽ അവർ അതു കേൾക്കുന്ന ഉടനെ സാത്താൻ വന്ന്‌,+ അവരിൽ വിതച്ച വചനം എടുത്തു​ക​ള​യു​ന്നു. വഴിയ​രി​കെ വിതച്ചത്‌ എന്നു പറഞ്ഞത്‌ ഇവരെ​ക്കു​റി​ച്ചാണ്‌.+ 16 വേറെ ചിലർ പാറസ്ഥ​ലത്ത്‌ വിതച്ച വിത്തുപോലെ​യാണ്‌. അവർ ദൈവ​വ​ചനം കേൾക്കുന്ന ഉടൻതന്നെ അതു സന്തോ​ഷത്തോ​ടെ സ്വീക​രി​ക്കും.+ 17 വേര്‌ ഇറങ്ങി​യി​ട്ടില്ലെ​ങ്കി​ലും അവർ കുറച്ച്‌ കാലം നിൽക്കും. പക്ഷേ ദൈവ​വ​ച​ന​ത്തി​ന്റെ പേരിൽ കഷ്ടതയോ ഉപദ്ര​വ​മോ ഉണ്ടാകു​മ്പോൾ പെട്ടെന്നു വിശ്വാ​സ​ത്തിൽനിന്ന്‌ വീണുപോ​കും. 18 ചിലർ മുൾച്ചെ​ടി​കൾക്കി​ട​യിൽ വിതച്ച വിത്തുപോലെ​യാണ്‌. 19 അവർ ദൈവ​വ​ചനം കേൾക്കുന്നെങ്കിലും+ ഈ വ്യവസ്ഥിതിയിലെ* ഉത്‌കണ്‌ഠകളും+ ധനത്തിന്റെ വഞ്ചകശക്തിയും+ മറ്റ്‌ എല്ലാ തരം മോഹങ്ങളും+ കടന്നു​കൂ​ടി ദൈവ​വ​ച​നത്തെ ഞെരുക്കി അതിനെ ഫലശൂ​ന്യ​മാ​ക്കു​ന്നു. 20 എന്നാൽ നല്ല മണ്ണിൽ വിതച്ച​താ​യി പറഞ്ഞി​രി​ക്കു​ന്നത്‌, ദൈവ​വ​ചനം കേട്ട്‌ അതു സ്വീക​രി​ക്കു​ന്ന​വരെ​ക്കു​റി​ച്ചാണ്‌. അവർ 30-ഉം 60-ഉം 100-ഉം മേനി വിളവ്‌ തരുന്നു.”+

21 വീണ്ടും യേശു അവരോ​ടു പറഞ്ഞു: “വിളക്കു കത്തിച്ച്‌ ആരെങ്കി​ലും കൊട്ട​യു​ടെ കീഴെ​യോ കട്ടിലി​ന്റെ അടിയി​ലോ വെക്കാ​റു​ണ്ടോ? വിളക്കു​ത​ണ്ടി​ലല്ലേ വെക്കുക?+ 22 മറച്ചുവെച്ചിരിക്കുന്നതൊന്നും എന്നെന്നും മറഞ്ഞി​രി​ക്കില്ല. ഒളിപ്പി​ച്ചുവെ​ച്ചി​രി​ക്കു​ന്നതൊ​ന്നും വെളി​ച്ചത്ത്‌ വരാതി​രി​ക്കു​ക​യു​മില്ല.+ 23 കേൾക്കാൻ ചെവി​യു​ള്ളവൻ കേൾക്കട്ടെ.”+

24 പിന്നെ യേശു അവരോ​ടു പറഞ്ഞു: “കേൾക്കുന്ന കാര്യ​ങ്ങൾക്കു ശ്രദ്ധ കൊടു​ക്കുക.+ നിങ്ങൾ അളന്നുകൊ​ടു​ക്കുന്ന പാത്രംകൊ​ണ്ടു​തന്നെ നിങ്ങൾക്കും അളന്നു​കി​ട്ടും; അതിൽ അധിക​വും കിട്ടും. 25 ഉള്ളവനു കൂടുതൽ കൊടു​ക്കും.+ പക്ഷേ ഇല്ലാത്ത​വന്റെ കൈയിൽനി​ന്ന്‌ ഉള്ളതും​കൂ​ടെ എടുത്തു​ക​ള​യും.”+

26 യേശു തുടർന്നു: “ഒരു മനുഷ്യൻ മണ്ണിൽ വിത്തു വിതറു​മ്പോൾ സംഭവി​ക്കു​ന്ന​തുപോലെ​യാ​ണു ദൈവ​രാ​ജ്യം. 27 അയാൾ രാത്രി​യിൽ ഉറങ്ങുന്നു, രാവിലെ ഉണരുന്നു. പക്ഷേ വിത്തു മുളച്ച്‌ വളരു​ന്നത്‌ എങ്ങനെ​യെന്ന്‌ അയാൾ അറിയു​ന്നില്ല. 28 ആദ്യം നാമ്പ്‌, പിന്നെ കതിർ, ഒടുവിൽ കതിർ നിറയെ ധാന്യ​മ​ണി​കൾ. ഇങ്ങനെ, പടിപ​ടി​യാ​യി മണ്ണു സ്വയം ഫലം വിളയി​ക്കു​ന്നു. 29 ധാന്യം വിളഞ്ഞാൽ ഉടനെ, കൊയ്‌ത്തി​നു സമയമാ​യ​തുകൊണ്ട്‌ അയാൾ അതു കൊയ്യു​ന്നു.”

30 യേശു ഇങ്ങനെ​യും പറഞ്ഞു: “ദൈവ​രാ​ജ്യ​ത്തെ എന്തി​നോട്‌ ഉപമി​ക്കാം? ഏതു ദൃഷ്ടാന്തം ഉപയോ​ഗിച്ച്‌ വിശദീ​ക​രി​ക്കാം? 31 അത്‌ ഒരു കടുകു​മ​ണിപോലെ​യാണ്‌. മണ്ണിൽ വിതയ്‌ക്കു​മ്പോൾ അതു ഭൂമി​യി​ലെ എല്ലാ വിത്തു​ക​ളി​ലുംവെച്ച്‌ ഏറ്റവും ചെറു​താണ്‌.+ 32 എന്നാൽ അതു മുളച്ചുപൊ​ങ്ങി തോട്ട​ത്തി​ലെ മറ്റെല്ലാ ചെടി​കളെ​ക്കാ​ളും വലുതാ​കു​ന്നു. അതിനു വലിയ ശിഖരങ്ങൾ ഉണ്ടാകു​ന്നു. ആകാശ​ത്തി​ലെ പക്ഷികൾ അതിന്റെ തണലിൽ ചേക്കേ​റു​ന്നു.”

33 അങ്ങനെ അവരുടെ ഗ്രഹണപ്രാ​പ്‌തി​ക്ക​നു​സ​രിച്ച്‌ ഇതു​പോ​ലുള്ള പല ദൃഷ്ടാന്തങ്ങൾ+ ഉപയോ​ഗിച്ച്‌ യേശു അവർക്കു ദൈവ​വ​ചനം പറഞ്ഞുകൊ​ടു​ത്തു. 34 ദൃഷ്ടാന്തങ്ങൾ കൂടാതെ യേശു അവരോ​ട്‌ ഒന്നും പറയാ​റി​ല്ലാ​യി​രു​ന്നു. എന്നാൽ ശിഷ്യ​ന്മാ​രുടെ​കൂ​ടെ തനിച്ചാ​യി​രി​ക്കുമ്പോൾ യേശു അവർക്ക്‌ എല്ലാം വിശദീ​ക​രി​ച്ചുകൊ​ടു​ക്കു​മാ​യി​രു​ന്നു.+

35 അന്നു വൈകുന്നേ​ര​മാ​യപ്പോൾ യേശു അവരോ​ട്‌, “നമുക്ക്‌ അക്കരയ്‌ക്കു പോകാം”+ എന്നു പറഞ്ഞു. 36 അങ്ങനെ, ജനക്കൂ​ട്ടത്തെ പറഞ്ഞയ​ച്ചശേഷം അതേ വള്ളത്തിൽത്തന്നെ അവർ യേശു​വി​നെ അക്കരയ്‌ക്കു കൊണ്ടുപോ​യി. മറ്റു വള്ളങ്ങളും ഒപ്പമു​ണ്ടാ​യി​രു​ന്നു.+ 37 അപ്പോൾ ഒരു വലിയ കൊടു​ങ്കാറ്റ്‌ ഉണ്ടായി. തിരമാ​ലകൾ വള്ളത്തിൽ ആഞ്ഞടി​ച്ചുകൊ​ണ്ടി​രു​ന്നു. വെള്ളം കയറി വള്ളം മുങ്ങാ​റാ​യി.+ 38 യേശു അമരത്ത്‌* ഒരു തലയണ​യിൽ തലവെച്ച്‌ ഉറങ്ങു​ക​യാ​യി​രു​ന്നു. അവർ യേശു​വി​നെ വിളി​ച്ചു​ണർത്തി​യിട്ട്‌ പറഞ്ഞു: “ഗുരുവേ, നമ്മൾ ഇപ്പോൾ മരിക്കും. അങ്ങ്‌ ഇതൊ​ന്നും കാണു​ന്നി​ല്ലേ?” 39 അതു കേട്ട​പ്പോൾ യേശു എഴു​ന്നേറ്റ്‌ കാറ്റിനെ ശാസിച്ച്‌ കടലി​നോ​ട്‌, “അടങ്ങൂ! ശാന്തമാ​കൂ!”+ എന്നു പറഞ്ഞു. അപ്പോൾ കാറ്റ്‌ അടങ്ങി. എല്ലാം ശാന്തമാ​യി. 40 യേശു അവരോ​ട്‌, “നിങ്ങൾ എന്തിനാ​ണ്‌ ഇങ്ങനെ പേടി​ക്കു​ന്നത്‌? നിങ്ങൾക്ക്‌ ഇപ്പോ​ഴും ഒട്ടും വിശ്വാ​സ​മി​ല്ലേ” എന്നു ചോദി​ച്ചു. 41 പക്ഷേ അസാധാ​ര​ണ​മായ ഒരു ഭയം അവരെ പിടി​കൂ​ടി. അവർ തമ്മിൽത്ത​മ്മിൽ ഇങ്ങനെ ചോദി​ച്ചു: “ശരിക്കും ഇത്‌ ആരാണ്‌? കാറ്റും കടലും പോലും ഇദ്ദേഹത്തെ അനുസ​രി​ക്കു​ന്ന​ല്ലോ.”+

5 പിന്നെ അവർ കടലിന്‌ അക്കരെ ഗരസേ​ന്യ​രു​ടെ നാട്ടിൽ എത്തി.+ 2 യേശു വള്ളത്തിൽനി​ന്ന്‌ ഇറങ്ങിയ ഉടനെ, അശുദ്ധാത്മാവ്‌* ബാധിച്ച ഒരു മനുഷ്യൻ ശവക്കല്ല​റ​കൾക്കി​ട​യിൽനിന്ന്‌ യേശു​വി​ന്റെ നേരെ വന്നു. 3 കല്ലറകൾക്കിടയിലായിരുന്നു അയാളു​ടെ താവളം. ആർക്കും അയാളെ ചങ്ങല​കൊ​ണ്ടുപോ​ലും തളയ്‌ക്കാൻ കഴിഞ്ഞി​രു​ന്നില്ല. 4 കാരണം, പലപ്പോ​ഴും വിലങ്ങും ചങ്ങലക​ളും കൊണ്ട്‌ ബന്ധി​ച്ചെ​ങ്കി​ലും അയാൾ ചങ്ങലകൾ വലിച്ചുപൊ​ട്ടി​ക്കു​ക​യും വിലങ്ങു​കൾ തകർക്കു​ക​യും ചെയ്‌തു. ആർക്കും അയാളെ കീഴ്‌പെ​ടു​ത്താ​നുള്ള ശക്തിയി​ല്ലാ​യി​രു​ന്നു. 5 രാത്രിയും പകലും എന്നില്ലാ​തെ അയാൾ കല്ലറക​ളി​ലും മലകളി​ലും അലറി​വി​ളിച്ച്‌ നടന്നു. മാത്രമല്ല, കല്ലു​കൊണ്ട്‌ അയാൾ സ്വന്തം ശരീര​ത്തിൽ മുറിവേൽപ്പി​ക്കു​ക​യും ചെയ്‌തി​രു​ന്നു. 6 യേശുവിനെ ദൂരത്തു​നിന്ന്‌ കണ്ട അയാൾ ഓടി​ച്ചെന്ന്‌ യേശു​വി​നെ വണങ്ങിയിട്ട്‌+ 7 ഇങ്ങനെ അലറി​വി​ളിച്ച്‌ പറഞ്ഞു: “അത്യു​ന്ന​ത​ദൈ​വ​ത്തി​ന്റെ പുത്ര​നായ യേശുവേ, അങ്ങ്‌ എന്തിനാ​ണ്‌ എന്റെ കാര്യ​ത്തിൽ ഇടപെ​ടു​ന്നത്‌? എന്നെ ഉപദ്ര​വി​ക്കില്ലെന്നു ദൈവ​ത്തെ​ക്കൊ​ണ്ട്‌ ആണയിട്‌.”+ 8 “അശുദ്ധാ​ത്മാ​വേ, ഈ മനുഷ്യ​നെ വിട്ട്‌ പുറത്ത്‌ വരൂ” എന്ന്‌ യേശു കല്‌പി​ച്ച​തുകൊ​ണ്ടാണ്‌ ആ അശുദ്ധാത്മാവ്‌+ ഇങ്ങനെ പറഞ്ഞത്‌. 9 “നിന്റെ പേര്‌ എന്താണ്‌” എന്ന്‌ യേശു ചോദി​ച്ചപ്പോൾ അയാൾ പറഞ്ഞു: “എന്റെ പേര്‌ ലഗ്യോൻ.* കാരണം, ഞങ്ങൾ പലരുണ്ട്‌.” 10 ആ ആത്മാക്കളെ അന്നാട്ടിൽനി​ന്ന്‌ പറഞ്ഞയ​യ്‌ക്ക​രുതെന്ന്‌ അയാൾ യേശു​വിനോ​ടു യാചി​ച്ചുകൊ​ണ്ടി​രു​ന്നു.+

11 അപ്പോൾ അവിടെ മലയിൽ വലി​യൊ​രു പന്നിക്കൂട്ടം+ മേയു​ന്നു​ണ്ടാ​യി​രു​ന്നു.+ 12 ആ ആത്മാക്കൾ യേശു​വിനോട്‌ ഇങ്ങനെ കേണ​പേ​ക്ഷി​ച്ചു: “ഞങ്ങളെ ആ പന്നിക്കൂ​ട്ട​ത്തിലേക്ക്‌ അയയ്‌ക്കണേ; ഞങ്ങൾ അവയിൽ പ്രവേ​ശി​ച്ചുകൊ​ള്ളാം.” 13 യേശു അവയ്‌ക്ക്‌ അനുവാ​ദം കൊടു​ത്തു. അങ്ങനെ, അശുദ്ധാ​ത്മാ​ക്കൾ പുറത്ത്‌ വന്ന്‌ പന്നിക്കൂ​ട്ട​ത്തിൽ കടന്നു. പന്നികൾ വിര​ണ്ടോ​ടി ചെങ്കു​ത്തായ സ്ഥലത്തു​നിന്ന്‌ കടലി​ലേക്കു ചാടി. ഏകദേശം 2,000 പന്നിക​ളു​ണ്ടാ​യി​രു​ന്നു. എല്ലാം മുങ്ങി​ച്ചത്തു. 14 അവയെ മേയ്‌ച്ചി​രു​ന്നവർ ഓടി​ച്ചെന്ന്‌ നഗരത്തി​ലും നാട്ടിൻപു​റ​ത്തും വിവരം അറിയി​ച്ചു. സംഭവി​ച്ചത്‌ എന്താ​ണെന്നു കാണാൻ ആളുകൾ വന്നുകൂ​ടി.+ 15 അവർ യേശു​വി​ന്റെ അടുത്ത്‌ ചെന്ന​പ്പോൾ, ലഗ്യോൻ പ്രവേ​ശി​ച്ചി​രുന്ന ഭൂതബാ​ധി​തൻ വസ്‌ത്രം ധരിച്ച്‌ സുബോ​ധത്തോ​ടെ ഇരിക്കു​ന്നതു കണ്ടു. അവർക്ക്‌ ആകെ പേടി​യാ​യി. 16 പന്നിക്കൂട്ടത്തിനും ഭൂതബാ​ധി​ത​നും സംഭവി​ച്ചതെ​ല്ലാം നേരിൽ കണ്ടവർ അവർക്കു കാര്യങ്ങൾ വിവരി​ച്ചുകൊ​ടു​ക്കു​ക​യും ചെയ്‌തു. 17 അപ്പോൾ, ആ പ്രദേശം വിട്ട്‌ പോകാൻ അവർ യേശു​വിനോട്‌ അപേക്ഷി​ച്ചു.+

18 യേശു വള്ളത്തിൽ കയറു​മ്പോൾ, ഭൂതബാ​ധി​ത​നാ​യി​രുന്ന മനുഷ്യൻ തന്നെയും കൂടെക്കൊ​ണ്ടുപോ​കാൻ യേശു​വിനോട്‌ അപേക്ഷി​ച്ചു.+ 19 എന്നാൽ യേശു അയാളെ അതിന്‌ അനുവ​ദി​ക്കാ​തെ ഇങ്ങനെ പറഞ്ഞു: “നീ നിന്റെ വീട്ടു​കാ​രു​ടെ അടു​ത്തേക്കു പോയി യഹോവ* നിനക്കു ചെയ്‌തു​തന്ന കാര്യ​ങ്ങളെ​പ്പ​റ്റി​യും നിന്നോ​ടു കാണിച്ച കരുണയെ​ക്കു​റി​ച്ചും പറയുക.” 20 അങ്ങനെ, അയാൾ ദക്കപ്പൊലിയിൽ* ചെന്ന്‌ യേശു തനിക്കു ചെയ്‌തു​ത​ന്ന​തിനെ​ക്കു​റിച്ച്‌ എല്ലാവരോ​ടും പറയാൻതു​ടങ്ങി. ഇതു കേട്ട്‌ ആളുകളെ​ല്ലാം അതിശ​യി​ച്ചു.

21 യേശു തിരിച്ച്‌ വള്ളത്തിൽ ഇക്കരെ എത്തിയ​പ്പോൾ വലി​യൊ​രു ജനക്കൂട്ടം കടൽത്തീ​രത്ത്‌ യേശു​വി​ന്റെ അടുത്ത്‌ വന്നുകൂ​ടി.+ 22 അപ്പോൾ സിന​ഗോ​ഗി​ന്റെ അധ്യക്ഷ​ന്മാ​രിൽ ഒരാളായ യായീ​റൊ​സ്‌ അവിടെ വന്നു. യേശു​വി​നെ കണ്ട ഉടനെ യായീ​റൊ​സ്‌ യേശു​വി​ന്റെ കാൽക്കൽ വീണ്‌+ 23 പലവട്ടം ഇങ്ങനെ അപേക്ഷി​ച്ചു: “എന്റെ മോൾക്ക്‌ അസുഖം വളരെ കൂടു​ത​ലാണ്‌.* അങ്ങ്‌ വന്ന്‌ അവളുടെ മേൽ കൈകൾ വെക്കണേ.+ അങ്ങനെ ചെയ്‌താൽ അവൾ സുഖം പ്രാപി​ച്ച്‌ ജീവി​ക്കും.” 24 യേശു അയാ​ളോടൊ​പ്പം പോയി. ഒരു വലിയ ജനക്കൂട്ടം യേശു​വി​നെ തിക്കിഞെ​രു​ക്കി യേശു​വി​ന്റെ ഒപ്പം ചെന്നു.

25 രക്തസ്രാവം+ കാരണം 12 വർഷമായി+ കഷ്ടപ്പെ​ട്ടി​രുന്ന ഒരു സ്‌ത്രീ അക്കൂട്ട​ത്തി​ലു​ണ്ടാ​യി​രു​ന്നു; 26 പല വൈദ്യ​ന്മാ​രു​ടെ അടുത്ത്‌ പോയി വല്ലാതെ കഷ്ടപ്പെടുകയും* തനിക്കു​ള്ളതെ​ല്ലാം ചെലവാ​ക്കു​ക​യും ചെയ്‌തി​ട്ടും ആ സ്‌ത്രീ​യു​ടെ സ്ഥിതി വഷളാ​യ​ത​ല്ലാ​തെ ഒരു പ്രയോ​ജ​ന​വു​മു​ണ്ടാ​യില്ല. 27 യേശു ചെയ്‌ത​തിനെ​ക്കു​റിച്ചൊ​ക്കെ കേട്ടറിഞ്ഞ ആ സ്‌ത്രീ ജനക്കൂ​ട്ട​ത്തിന്‌ ഇടയി​ലൂ​ടെ യേശു​വി​ന്റെ പിന്നിൽ എത്തി പുറങ്കു​പ്പാ​യ​ത്തിൽ തൊട്ടു.+ 28 കാരണം “യേശു​വി​ന്റെ പുറങ്കു​പ്പാ​യ​ത്തിലൊ​ന്നു തൊട്ടാൽ മതി, എന്റെ അസുഖം മാറും”+ എന്ന്‌ ആ സ്‌ത്രീ​യു​ടെ മനസ്സു പറയു​ന്നു​ണ്ടാ​യി​രു​ന്നു. 29 അപ്പോൾത്തന്നെ അവരുടെ രക്തസ്രാ​വം നിലച്ചു. തന്നെ വല്ലാതെ വലച്ചി​രുന്ന ആ രോഗം മാറി​യ​താ​യി അവർക്കു മനസ്സി​ലാ​യി.

30 തന്നിൽനിന്ന്‌ ശക്തി+ പുറ​പ്പെട്ടെന്നു യേശു പെട്ടെന്നു തിരി​ച്ച​റി​ഞ്ഞു. ജനക്കൂ​ട്ട​ത്തി​ന്റെ നടുവിൽ നിന്നി​രുന്ന യേശു തിരിഞ്ഞ്‌, “ആരാണ്‌ എന്റെ പുറങ്കു​പ്പാ​യ​ത്തിൽ തൊട്ടത്‌”+ എന്നു ചോദി​ച്ചു. 31 എന്നാൽ ശിഷ്യ​ന്മാർ യേശു​വിനോ​ടു ചോദി​ച്ചു: “ഈ ജനം മുഴുവൻ അങ്ങയെ തിക്കിഞെ​രു​ക്കു​ന്നതു കാണു​ന്നി​ല്ലേ? എന്നിട്ടും, ‘എന്നെ തൊട്ടത്‌ ആരാണ്‌’ എന്ന്‌ അങ്ങ്‌ ചോദി​ക്കു​ന്നോ?” 32 യേശുവോ തന്നെ തൊട്ടത്‌ ആരാ​ണെന്നു കാണാൻ ചുറ്റും നോക്കു​ന്നു​ണ്ടാ​യി​രു​ന്നു. 33 തനിക്കു സംഭവി​ച്ചതു മനസ്സി​ലാ​ക്കിയ സ്‌ത്രീ പേടി​ച്ചു​വി​റച്ച്‌ യേശു​വി​ന്റെ കാൽക്കൽ വീണ്‌ സത്യം മുഴുവൻ തുറന്നു​പ​റഞ്ഞു. 34 യേശു ആ സ്‌ത്രീയോ​ടു പറഞ്ഞു: “മകളേ, നിന്റെ വിശ്വാ​സ​മാ​ണു നിന്നെ സുഖ​പ്പെ​ടു​ത്തി​യത്‌. സമാധാ​നത്തോ​ടെ പൊയ്‌ക്കൊ​ള്ളൂ.+ നിന്റെ മാറാരോ​ഗം മാറി​ക്കി​ട്ടി​യ​ല്ലോ.+ ഇനി ആരോ​ഗ്യത്തോ​ടെ ജീവി​ക്കുക.”

35 യേശു അങ്ങനെ സംസാ​രി​ച്ചുകൊ​ണ്ടി​രി​ക്കുമ്പോൾ സിന​ഗോ​ഗി​ലെ അധ്യക്ഷന്റെ വീട്ടിൽനി​ന്ന്‌ ചിലർ വന്ന്‌ പറഞ്ഞു: “മോൾ മരിച്ചുപോ​യി. ഇനി എന്തിനാ​ണു ഗുരു​വി​നെ ബുദ്ധി​മു​ട്ടി​ക്കു​ന്നത്‌?”+ 36 എന്നാൽ അതു കേട്ട യേശു സിന​ഗോ​ഗി​ലെ അധ്യക്ഷ​നോ​ട്‌, “പേടി​ക്കേണ്ടാ, വിശ്വ​സി​ച്ചാൽ മാത്രം മതി”+ എന്നു പറഞ്ഞു. 37 പത്രോസിനെയും യാക്കോ​ബിനെ​യും യാക്കോ​ബി​ന്റെ സഹോ​ദ​ര​നായ യോഹ​ന്നാനെ​യും അല്ലാതെ മറ്റാ​രെ​യും തന്റെകൂ​ടെ പോരാൻ യേശു അനുവ​ദി​ച്ചില്ല.+

38 അങ്ങനെ, അവർ സിന​ഗോ​ഗി​ലെ അധ്യക്ഷന്റെ വീട്ടിൽ എത്തി. അവിടെ ആളുകൾ കരഞ്ഞു​നി​ല​വി​ളിച്ച്‌ ബഹളമു​ണ്ടാ​ക്കു​ന്നതു യേശു കണ്ടു.+ 39 അകത്തുചെന്ന്‌ യേശു അവരോ​ടു ചോദി​ച്ചു: “നിങ്ങൾ എന്തിനാ​ണ്‌ ഇങ്ങനെ കരഞ്ഞ്‌ ബഹളംവെ​ക്കു​ന്നത്‌? കുട്ടി മരിച്ചി​ട്ടില്ല, ഉറങ്ങു​ക​യാണ്‌.”+ 40 ഇതു കേട്ട്‌ അവർ യേശു​വി​നെ കളിയാ​ക്കി​ച്ചി​രി​ക്കാൻതു​ടങ്ങി. എന്നാൽ യേശു അവരെയെ​ല്ലാം പുറത്തി​റ​ക്കി​യിട്ട്‌ കുട്ടി​യു​ടെ അപ്പനെ​യും അമ്മയെ​യും തന്നോ​ടു​കൂടെ​യു​ള്ള​വരെ​യും കൂട്ടി അവളെ കിടത്തി​യി​രു​ന്നി​ടത്തേക്കു ചെന്നു. 41 യേശു കുട്ടി​യു​ടെ കൈപി​ടിച്ച്‌ അവളോ​ട്‌ “തലീഥാ കൂമി” എന്നു പറഞ്ഞു. (പരിഭാ​ഷപ്പെ​ടു​ത്തുമ്പോൾ, “മോളേ, ഞാൻ നിന്നോ​ടു പറയുന്നു: ‘എഴു​ന്നേൽക്ക്‌!’”+ എന്നാണ്‌ അതിന്റെ അർഥം.) 42 ഉടൻതന്നെ പെൺകു​ട്ടി എഴു​ന്നേറ്റ്‌ നടന്നു. (അവൾക്ക്‌ 12 വയസ്സാ​യി​രു​ന്നു.) ഇതു കണ്ട്‌ അവർ സന്തോ​ഷംകൊണ്ട്‌ മതിമ​റന്നു. 43 എന്നാൽ സംഭവി​ച്ചത്‌ ആരോ​ടും പറയരു​തെന്നു യേശു അവരോ​ട്‌ ആവർത്തി​ച്ചു​പ​റഞ്ഞു.*+ അവൾക്ക്‌ എന്തെങ്കി​ലും കഴിക്കാൻ കൊടു​ക്കാ​നും യേശു പറഞ്ഞു.

6 യേശു അവി​ടെ​നിന്ന്‌ സ്വന്തം നാട്ടി​ലെത്തി.+ ശിഷ്യ​ന്മാ​രും കൂടെ​യു​ണ്ടാ​യി​രു​ന്നു. 2 ശബത്തിൽ യേശു സിന​ഗോ​ഗിൽ ചെന്ന്‌ പഠിപ്പി​ക്കാൻതു​ടങ്ങി. കേൾവി​ക്കാ​രിൽ പലരും ആശ്ചര്യത്തോ​ടെ പറഞ്ഞു: “ഈ മനുഷ്യൻ ഇതെല്ലാം എവി​ടെ​നിന്ന്‌ പഠിച്ചു?+ ഈ ജ്ഞാന​മെ​ല്ലാം ഇയാൾക്ക്‌ എങ്ങനെ​യാണ്‌ കിട്ടി​യത്‌? എങ്ങനെ​യാണ്‌ ഈ അത്ഭുത​ങ്ങളൊ​ക്കെ ചെയ്യാൻ പറ്റുന്നത്‌?+ 3 ഇയാൾ ഒരു മരപ്പണി​ക്കാ​ര​നല്ലേ?+ ആ മറിയ​യു​ടെ മകൻ?+ യാക്കോബും+ യോ​സേ​ഫും യൂദാ​സും ശിമോ​നും ഇയാളു​ടെ സഹോ​ദ​ര​ന്മാ​രല്ലേ?+ ഇയാളു​ടെ സഹോ​ദ​രി​മാ​രും ഇവിടെ നമ്മു​ടെ​കൂടെ​യി​ല്ലേ?” ഇങ്ങനെ പറഞ്ഞ്‌ അവർ യേശു​വിൽ വിശ്വ​സി​ക്കാ​തി​രു​ന്നു.* 4 എന്നാൽ യേശു അവരോ​ട്‌, “ഒരു പ്രവാ​ച​കനെ സ്വന്തം നാട്ടു​കാ​രും വീട്ടു​കാ​രും ബന്ധുക്ക​ളും മാത്രമേ ആദരി​ക്കാ​തി​രി​ക്കൂ” എന്നു പറഞ്ഞു.+ 5 ഏതാനും രോഗി​ക​ളു​ടെ മേൽ കൈകൾ വെച്ച്‌ അവരെ സുഖ​പ്പെ​ടു​ത്തി​യ​ത​ല്ലാ​തെ മറ്റ്‌ അത്ഭുത​ങ്ങളൊ​ന്നും അവി​ടെവെച്ച്‌ ചെയ്യാൻ യേശു​വി​നു കഴിഞ്ഞില്ല. 6 അവർക്കു വിശ്വാ​സ​മി​ല്ലാ​ത്തതു കണ്ട്‌ യേശു​വിന്‌ അതിശയം തോന്നി. യേശു അടുത്തുള്ള ഗ്രാമ​ങ്ങ​ളിൽ ചുറ്റി​സ​ഞ്ച​രിച്ച്‌ പഠിപ്പി​ച്ചുകൊ​ണ്ടി​രു​ന്നു.+

7 പിന്നെ യേശു ആ പന്ത്രണ്ടു പേരെ* അടുത്ത്‌ വിളിച്ച്‌ ഈരണ്ടാ​യി അയച്ചു​തു​ടങ്ങി.+ അവർക്ക്‌ അശുദ്ധാത്മാക്കളുടെ* മേൽ അധികാ​ര​വും കൊടു​ത്തു.+ 8 യാത്രയ്‌ക്ക്‌ ഒരു വടിയ​ല്ലാ​തെ അപ്പമോ ഭക്ഷണസ​ഞ്ചി​യോ അരയിലെ പണസ്സഞ്ചിയിൽ+ പണമോ* ഒന്നും എടുക്ക​രുത്‌ എന്ന്‌ യേശു അവരോ​ടു കല്‌പി​ച്ചു. 9 ചെരിപ്പു ധരിക്കാം; എന്നാൽ രണ്ടു വസ്‌ത്ര​മ​രുത്‌ എന്നും അവർക്കു കല്‌പന കൊടു​ത്തു. 10 തുടർന്ന്‌ യേശു അവരോ​ടു പറഞ്ഞു: “നിങ്ങൾ ഒരു വീട്ടിൽ ചെന്നാൽ ആ സ്ഥലം വിട്ട്‌ പോകു​ന്ന​തു​വരെ ആ വീട്ടിൽ താമസി​ക്കുക.+ 11 എവിടെയെങ്കിലും ആളുകൾ നിങ്ങളെ സ്വീക​രി​ക്കാതെ​യോ നിങ്ങളു​ടെ വാക്കു കേൾക്കാതെ​യോ വന്നാൽ അവി​ടെ​നിന്ന്‌ പോകു​മ്പോൾ നിങ്ങളു​ടെ കാലിലെ പൊടി കുടഞ്ഞു​ക​ള​യുക.+ അത്‌ അവർക്ക്‌ ഒരു തെളി​വാ​കട്ടെ.” 12 അങ്ങനെ അവർ പോയി ആളുകൾ മാനസാ​ന്ത​രപ്പെ​ട​ണമെന്നു പ്രസം​ഗി​ച്ചു.+ 13 അവർ ധാരാളം ഭൂതങ്ങളെ പുറത്താ​ക്കി.+ അനേകം രോഗി​കളെ എണ്ണ പൂശി സുഖ​പ്പെ​ടു​ത്തി.

14 ഹെരോദ്‌ രാജാവ്‌ ഇതെക്കു​റിച്ച്‌ കേൾക്കാ​നി​ട​യാ​യി. കാരണം യേശു​വി​ന്റെ പേര്‌ പ്രസി​ദ്ധ​മാ​യി​ത്തീർന്നി​രു​ന്നു. ജനം ഇങ്ങനെ പറയു​ന്നു​മു​ണ്ടാ​യി​രു​ന്നു: “യോഹ​ന്നാൻ സ്‌നാ​പകൻ മരിച്ച​വ​രിൽനിന്ന്‌ ഉയിർപ്പി​ക്കപ്പെ​ട്ടി​രി​ക്കു​ന്നു. അതു​കൊ​ണ്ടാണ്‌ അയാൾക്ക്‌ ഈ അത്ഭുതങ്ങൾ ചെയ്യാ​നാ​കു​ന്നത്‌.”+ 15 എന്നാൽ ചിലർ, “ഇത്‌ ഏലിയ​യാണ്‌” എന്നും വേറെ ചിലർ, “പണ്ടത്തെ പ്രവാ​ച​ക​ന്മാരെപ്പോ​ലുള്ള ഒരു പ്രവാ​ച​ക​നാണ്‌” എന്നും പറയു​ന്നു​ണ്ടാ​യി​രു​ന്നു.+ 16 ഇതു കേട്ട ഹെരോ​ദാ​കട്ടെ, “ഞാൻ തല വെട്ടി​ക്കൊന്ന യോഹ​ന്നാൻ ഉയിർത്തെ​ഴുന്നേ​റ്റി​രി​ക്കു​ന്നു” എന്നു പറഞ്ഞു. 17 ഈ ഹെരോ​ദാ​ണു യോഹ​ന്നാ​നെ പിടിച്ച്‌ ജയിലിൽ അടയ്‌ക്കാൻ കല്‌പന കൊടു​ത്തത്‌. തന്റെ സഹോ​ദ​ര​നായ ഫിലിപ്പോ​സി​ന്റെ ഭാര്യ ഹെരോ​ദ്യ കാരണ​മാ​ണു രാജാവ്‌ അതു ചെയ്‌തത്‌. ഹെരോ​ദ്‌ ഹെരോ​ദ്യ​യെ വിവാഹം ചെയ്‌തി​രു​ന്നു.+ 18 “സഹോ​ദ​രന്റെ ഭാര്യയെ രാജാവ്‌ ഭാര്യ​യാ​ക്കിവെ​ക്കു​ന്നതു ശരിയല്ല”*+ എന്നു യോഹ​ന്നാൻ അദ്ദേഹത്തോ​ടു പലവട്ടം പറഞ്ഞി​രു​ന്നു. 19 അതുകൊണ്ട്‌ ഹെരോ​ദ്യക്ക്‌ യോഹ​ന്നാനോ​ടു കടുത്ത പകയു​ണ്ടാ​യി​രു​ന്നു. യോഹ​ന്നാ​നെ കൊന്നു​ക​ള​യാൻ ആഗ്രഹിച്ചെ​ങ്കി​ലും ഹെരോ​ദ്യക്ക്‌ അതിനു സാധി​ച്ചി​രു​ന്നില്ല. 20 യോഹന്നാൻ നീതി​മാ​നും വിശു​ദ്ധ​നും ആണെന്ന്‌+ അറിയാ​മാ​യി​രു​ന്ന​തുകൊണ്ട്‌ ഹെരോ​ദി​നു യോഹ​ന്നാ​നെ ഭയമാ​യി​രു​ന്നു. അതു​കൊണ്ട്‌ അദ്ദേഹം യോഹ​ന്നാ​നെ സംരക്ഷി​ച്ചു. യോഹ​ന്നാ​ന്റെ വാക്കുകൾ ഹെരോ​ദി​നെ ചിന്താ​ക്കു​ഴ​പ്പ​ത്തി​ലാ​ക്കി​യി​രു​ന്നെങ്കി​ലും യോഹ​ന്നാൻ പറയു​ന്നതു രാജാവ്‌ താത്‌പ​ര്യത്തോ​ടെ കേൾക്കാ​റു​ണ്ടാ​യി​രു​ന്നു.

21 അങ്ങനെയിരിക്കെ, ജന്മദിനത്തിൽ+ ഹെരോ​ദ്‌ തന്റെ ഉന്നതോദ്യോ​ഗ​സ്ഥർക്കും സൈന്യാ​ധി​പ​ന്മാർക്കും ഗലീല​യി​ലെ പ്രമു​ഖർക്കും വേണ്ടി ഒരു അത്താഴ​വി​രുന്ന്‌ ഒരുക്കി.+ അന്നു ഹെരോ​ദ്യക്ക്‌ ഒരു അവസരം ഒത്തുകി​ട്ടി. 22 ഹെരോദ്യയുടെ മകൾ അകത്ത്‌ വന്ന്‌ നൃത്തം ചെയ്‌ത്‌ ഹെരോ​ദിനെ​യും വിരു​ന്നിന്‌ ഇരുന്ന​വരെ​യും സന്തോ​ഷി​പ്പി​ച്ചു. രാജാവ്‌ പെൺകു​ട്ടിയോ​ടു പറഞ്ഞു: “ആഗ്രഹി​ക്കു​ന്നത്‌ എന്തും ചോദി​ച്ചുകൊ​ള്ളൂ, ഞാൻ തരാം.” 23 “നീ എന്തു ചോദി​ച്ചാ​ലും, അതു രാജ്യ​ത്തി​ന്റെ പകുതി​യാ​യാ​ലും, ഞാൻ തരും” എന്നു രാജാവ്‌ സത്യം ചെയ്‌തു. 24 അവൾ പോയി അമ്മയോ​ട്‌, “ഞാൻ എന്തു ചോദി​ക്കണം” എന്നു ചോദി​ച്ചു. “യോഹ​ന്നാൻ സ്‌നാ​പ​കന്റെ തല ചോദി​ക്ക്‌” എന്നു ഹെരോ​ദ്യ പറഞ്ഞു. 25 ഉടനെ അവൾ ഓടി രാജാ​വി​ന്റെ അടുത്ത്‌ ചെന്ന്‌, “ഇപ്പോൾത്തന്നെ സ്‌നാ​പ​കയോ​ഹ​ന്നാ​ന്റെ തല ഒരു തളിക​യിൽ എനിക്കു തരണം” എന്നു പറഞ്ഞു.+ 26 രാജാവിനു വലിയ സങ്കടം തോന്നിയെ​ങ്കി​ലും വിരു​ന്നു​കാ​രു​ടെ മുന്നിൽവെച്ച്‌ ആണയി​ട്ടുപോ​യ​തുകൊണ്ട്‌ അവളുടെ അപേക്ഷ തള്ളിക്ക​ള​യാൻ കഴിഞ്ഞില്ല. 27 അതുകൊണ്ട്‌ രാജാവ്‌ ഉടൻതന്നെ ഒരു അംഗര​ക്ഷ​കനെ അയച്ച്‌ യോഹ​ന്നാ​ന്റെ തല കൊണ്ടു​വ​രാൻ കല്‌പി​ച്ചു. അയാൾ ജയിലിൽ ചെന്ന്‌ യോഹ​ന്നാ​ന്റെ തല വെട്ടി 28 അത്‌ ഒരു തളിക​യിൽ വെച്ച്‌ കൊണ്ടു​വന്നു. പെൺകു​ട്ടി അതു വാങ്ങി അമ്മയ്‌ക്കു കൊണ്ടുപോ​യി കൊടു​ത്തു. 29 ഈ വാർത്ത അറിഞ്ഞ യോഹ​ന്നാ​ന്റെ ശിഷ്യ​ന്മാർ വന്ന്‌ ശരീരം എടുത്തുകൊ​ണ്ടുപോ​യി ഒരു കല്ലറയിൽ അടക്കം ചെയ്‌തു.

30 അപ്പോസ്‌തലന്മാർ യേശു​വി​ന്റെ അടുത്ത്‌ ഒരുമി​ച്ചു​കൂ​ടി അവർ ചെയ്‌ത​തും പഠിപ്പി​ച്ച​തും എല്ലാം യേശു​വിനോ​ടു വിവരി​ച്ചു.+ 31 നിരവധി ആളുകൾ വരുക​യും പോകു​ക​യും ചെയ്‌തി​രു​ന്ന​തുകൊണ്ട്‌ ഭക്ഷണം കഴിക്കാൻപോ​ലും അവർക്കു സമയം കിട്ടി​യി​രു​ന്നില്ല. അതു​കൊണ്ട്‌ യേശു അവരോ​ട്‌, “വരൂ, നമുക്കു മാത്ര​മാ​യി ഒറ്റപ്പെട്ട ഒരു സ്ഥലത്ത്‌ പോയി അൽപ്പം വിശ്ര​മി​ക്കാം”+ എന്നു പറഞ്ഞു. 32 അങ്ങനെ, അവർ വള്ളത്തിൽ കയറി ഒറ്റപ്പെട്ട ഒരു സ്ഥലത്തേക്കു പോയി.+ 33 എന്നാൽ അവർ പോകു​ന്നത്‌ ആളുകൾ കണ്ടു. പലരും അത്‌ അറിഞ്ഞു. അങ്ങനെ എല്ലാ നഗരങ്ങ​ളിൽനി​ന്നും ജനം ഓടി അവർക്കു മുമ്പേ അവിടെ എത്തി. 34 യേശു കരയ്‌ക്കി​റ​ങ്ങി​യപ്പോൾ വലി​യൊ​രു ജനക്കൂ​ട്ടത്തെ കണ്ടു. അവർ ഇടയനി​ല്ലാത്ത ആടുകളെപ്പോലെയായിരുന്നതുകൊണ്ട്‌+ യേശു​വിന്‌ അവരോ​ട്‌ അലിവ്‌ തോന്നി,+ അവരെ പലതും പഠിപ്പി​ച്ചു.+

35 നേരം വൈകി​യപ്പോൾ ശിഷ്യ​ന്മാർ യേശു​വി​ന്റെ അടുത്ത്‌ വന്ന്‌ പറഞ്ഞു: “ഇതൊരു ഒറ്റപ്പെട്ട സ്ഥലമല്ലേ? നേരവും വൈകി.+ 36 ജനത്തെ പറഞ്ഞയ​യ്‌ക്കൂ. അവർ അടുത്തുള്ള നാട്ടിൻപു​റ​ങ്ങ​ളി​ലും ഗ്രാമ​ങ്ങ​ളി​ലും ചെന്ന്‌ എന്തെങ്കി​ലും വാങ്ങി കഴിക്കട്ടെ.”+ 37 മറുപടിയായി യേശു, “നിങ്ങൾ അവർക്ക്‌ വല്ലതും കഴിക്കാൻ കൊടു​ക്ക്‌” എന്നു പറഞ്ഞു. അപ്പോൾ അവർ, “ഞങ്ങൾ പോയി 200 ദിനാറെക്ക്‌* അപ്പം വാങ്ങി ജനത്തിനു കൊടു​ക്ക​ണോ” എന്നു ചോദി​ച്ചു.+ 38 യേശു അവരോ​ടു പറഞ്ഞു: “നിങ്ങളു​ടെ കൈയിൽ എത്ര അപ്പമുണ്ട്‌? ചെന്ന്‌ നോക്കൂ.” അവർ നോക്കി​യിട്ട്‌ യേശു​വിനോ​ടു പറഞ്ഞു: “അഞ്ചെണ്ണം, രണ്ടു മീനു​മുണ്ട്‌.”+ 39 പിന്നെ യേശു എല്ലാവരോ​ടും പുൽപ്പു​റത്ത്‌ കൂട്ടം​കൂ​ട്ട​മാ​യി ഇരിക്കാൻ പറഞ്ഞു.+ 40 അവർ 100-ഉം 50-ഉം പേരുള്ള കൂട്ടങ്ങ​ളാ​യി ഇരുന്നു. 41 പിന്നെ യേശു ആ അഞ്ച്‌ അപ്പവും രണ്ടു മീനും എടുത്ത്‌ ആകാശ​ത്തേക്കു നോക്കി പ്രാർഥി​ച്ചു.+ എന്നിട്ട്‌ അപ്പം നുറുക്കി, ശിഷ്യ​ന്മാ​രെ വിളമ്പാൻ ഏൽപ്പിച്ചു. ആ രണ്ടു മീനും യേശു എല്ലാവർക്കും പങ്കിട്ടുകൊ​ടു​ത്തു. 42 അങ്ങനെ ജനം മുഴുവൻ തിന്ന്‌ തൃപ്‌ത​രാ​യി. 43 ബാക്കിവന്ന കഷണങ്ങൾ അവർ ശേഖരി​ച്ചു. അത്‌ 12 കൊട്ട നിറ​യെ​യു​ണ്ടാ​യി​രു​ന്നു. മീനും ബാക്കി​വന്നു.+ 44 അപ്പം കഴിച്ച പുരു​ഷ​ന്മാർ 5,000 പേരു​ണ്ടാ​യി​രു​ന്നു.

45 പെട്ടെന്നുതന്നെ, ശിഷ്യ​ന്മാ​രെ വള്ളത്തിൽ കയറ്റി ബേത്ത്‌സ​യിദ വഴി തനിക്കു മുമ്പേ അക്കരയ്‌ക്കു പറഞ്ഞു​വി​ട്ടിട്ട്‌ യേശു ജനക്കൂ​ട്ടത്തെ പറഞ്ഞയച്ചു.+ 46 എല്ലാവരും പോയി​ക്ക​ഴി​ഞ്ഞപ്പോൾ യേശു പ്രാർഥി​ക്കാൻവേണ്ടി ഒരു മലയി​ലേക്കു പോയി.+ 47 സന്ധ്യയായപ്പോഴേക്കും വള്ളം നടുക്ക​ട​ലിൽ എത്തി. യേശു​വോ തനിച്ച്‌ കരയി​ലാ​യി​രു​ന്നു.+ 48 കാറ്റു പ്രതി​കൂ​ല​മാ​യി​രു​ന്ന​തി​നാൽ അവർ വള്ളം തുഴയാൻ പാടുപെ​ടു​ന്നതു കണ്ട്‌ യേശു രാത്രി​യു​ടെ നാലാം യാമത്തോടെ* കടലിനു മുകളി​ലൂ​ടെ നടന്ന്‌ അവരുടെ നേരെ ചെന്നു. പക്ഷേ യേശു അവരെ കടന്നുപോ​കു​ന്ന​താ​യി ഭാവിച്ചു. 49 യേശു കടലിനു മുകളി​ലൂ​ടെ നടക്കു​ന്നതു കണ്ട്‌ ശിഷ്യ​ന്മാർ, “അയ്യോ! എന്തോ ഒരു രൂപം!” എന്നു പറഞ്ഞ്‌ ഉറക്കെ നിലവി​ളി​ച്ചു. 50 അവർ എല്ലാവ​രും ആ കാഴ്‌ച കണ്ട്‌ പരി​ഭ്ര​മി​ച്ചുപോ​യി. എന്നാൽ ഉടനെ യേശു അവരോ​ടു സംസാ​രി​ച്ചു: “എന്തിനാ പേടി​ക്കു​ന്നത്‌? ഇതു ഞാനാണ്‌. ധൈര്യ​മാ​യി​രിക്ക്‌.”+ 51 യേശു വള്ളത്തിൽ കയറി. കാറ്റു നിലച്ചു. ഇതു കണ്ട്‌ അവർ ആകെ അമ്പരന്നുപോ​യി. 52 കാരണം അത്ഭുത​ക​ര​മാ​യി അപ്പം നൽകിയ സംഭവ​ത്തിൽനിന്ന്‌ ഗ്രഹിക്കേ​ണ്ടത്‌ അവർ ഗ്രഹി​ച്ചി​രു​ന്നില്ല. ഗ്രഹി​ക്കുന്ന കാര്യ​ത്തിൽ അവരുടെ ഹൃദയം അപ്പോ​ഴും മാന്ദ്യ​മു​ള്ള​താ​യി​രു​ന്നു.

53 അവർ അക്കരെ ഗന്നേസരെ​ത്തിൽ എത്തി വള്ളം തീര​ത്തോ​ടു ചേർത്ത്‌ നങ്കൂര​മിട്ട്‌ നിറുത്തി.+ 54 അവർ വള്ളത്തിൽനി​ന്ന്‌ ഇറങ്ങി​യപ്പോൾത്തന്നെ ആളുകൾ യേശു​വി​നെ തിരി​ച്ച​റി​ഞ്ഞു. 55 അവർ ആ പ്രദേ​ശത്തെ​ല്ലാം ഓടി​ന​ടന്ന്‌ അത്‌ അറിയി​ച്ചു. ആളുകൾ രോഗി​കളെ കിടക്കയോ​ടെ എടുത്തു​കൊ​ണ്ട്‌, യേശു​വുണ്ടെന്നു കേട്ടി​ടത്തേക്കു വരാൻതു​ടങ്ങി. 56 യേശു ചെല്ലുന്ന ഗ്രാമ​ങ്ങ​ളി​ലും നഗരങ്ങ​ളി​ലും നാട്ടിൻപു​റ​ങ്ങ​ളി​ലും ഒക്കെ ആളുകൾ രോഗി​കളെ കൊണ്ടു​വന്ന്‌ ചന്തസ്ഥല​ങ്ങ​ളിൽ കിടത്തി​യിട്ട്‌ യേശു​വി​ന്റെ പുറങ്കു​പ്പാ​യ​ത്തി​ന്റെ അറ്റത്തെങ്കിലും* തൊടാൻ അനുവ​ദി​ക്ക​ണമെന്നു യാചി​ക്കു​മാ​യി​രു​ന്നു.+ അതിൽ തൊട്ട​വ​രുടെയെ​ല്ലാം രോഗം ഭേദമാ​യി.

7 യരുശലേ​മിൽനിന്ന്‌ വന്ന പരീശ​ന്മാ​രും ചില ശാസ്‌ത്രി​മാ​രും യേശു​വി​നു ചുറ്റും കൂടി.+ 2 യേശുവിന്റെ ശിഷ്യ​ന്മാ​രിൽ ചിലർ അശുദ്ധ​മായ കൈ​കൊണ്ട്‌, അതായത്‌ കഴുകാത്ത കൈ​കൊണ്ട്‌,* ഭക്ഷണം കഴിക്കു​ന്നത്‌ അവർ കണ്ടു. 3 (പരീശ​ന്മാ​രും എല്ലാ ജൂതന്മാ​രും പൂർവി​ക​രു​ടെ പാരമ്പ​ര്യം മുറുകെ പിടി​ക്കു​ന്ന​തുകൊണ്ട്‌ കൈകൾ മുട്ടു​വരെ കഴുകാ​തെ ഭക്ഷണം കഴിക്കാ​റില്ല. 4 ചന്തയിൽനിന്ന്‌ തിരിച്ചെ​ത്തുമ്പോ​ഴും കഴുകി ശുദ്ധി വരുത്താ​തെ അവർ കഴിക്കാ​റില്ല. ഇതിനു പുറമേ പാനപാത്ര​ങ്ങ​ളും കുടങ്ങ​ളും ചെമ്പു​പാത്ര​ങ്ങ​ളും വെള്ളത്തിൽ മുക്കി ശുദ്ധീ​ക​രി​ക്കു​ന്ന​തുപോ​ലുള്ള മറ്റ്‌ അനേകം പാരമ്പ​ര്യ​ങ്ങ​ളും അവർ അനുഷ്‌ഠി​ച്ചുപോ​രു​ന്നു.)+ 5 അതുകൊണ്ട്‌ ആ പരീശ​ന്മാ​രും ശാസ്‌ത്രി​മാ​രും യേശു​വിനോട്‌, “നിന്റെ ശിഷ്യ​ന്മാർ പൂർവി​ക​രു​ടെ പാരമ്പ​ര്യം അനുസ​രി​ക്കാ​തെ അശുദ്ധ​മായ കൈ​കൊണ്ട്‌ ഭക്ഷണം കഴിക്കു​ന്നത്‌ എന്താണ്‌” എന്നു ചോദി​ച്ചു.+ 6 യേശു അവരോ​ടു പറഞ്ഞു: “കപടഭ​ക്ത​രായ നിങ്ങ​ളെ​ക്കു​റിച്ച്‌ യശയ്യ ഇങ്ങനെ പ്രവചി​ച്ചത്‌ എത്ര ശരിയാ​ണ്‌: ‘ഈ ജനം വായ്‌കൊ​ണ്ട്‌ എന്നെ ബഹുമാ​നി​ക്കു​ന്നു. എന്നാൽ അവരുടെ ഹൃദയം എന്നിൽനി​ന്ന്‌ വളരെ അകലെ​യാണ്‌.+ 7 അവർ എന്നെ ആരാധി​ക്കു​ന്ന​തുകൊണ്ട്‌ ഒരു പ്രയോ​ജ​ന​വു​മില്ല. കാരണം മനുഷ്യ​രു​ടെ കല്‌പ​ന​ക​ളാണ്‌ അവർ ഉപദേ​ശ​ങ്ങ​ളാ​യി പഠിപ്പി​ക്കു​ന്നത്‌.’+ 8 നിങ്ങൾ അങ്ങനെ ദൈവ​ക​ല്‌പ​നകൾ വിട്ടു​ക​ള​ഞ്ഞിട്ട്‌ മനുഷ്യ​രു​ടെ പാരമ്പ​ര്യം മുറുകെ പിടി​ക്കു​ന്നു.”+

9 യേശു ഇങ്ങനെ​യും അവരോ​ടു പറഞ്ഞു: “പാരമ്പ​ര്യം പിൻപ​റ്റാൻവേണ്ടി നിങ്ങൾ വിദഗ്‌ധ​മാ​യി ദൈവ​ക​ല്‌പന അവഗണി​ക്കു​ന്നു.+ 10 ഉദാഹരണത്തിന്‌, ‘നിന്റെ അപ്പനെ​യും അമ്മയെ​യും ബഹുമാ​നി​ക്കണം’+ എന്നും ‘അപ്പനെ​യോ അമ്മയെ​യോ നിന്ദിച്ച്‌ സംസാരിക്കുന്നവനെ* കൊന്നു​ക​ള​യണം’+ എന്നും മോശ പറഞ്ഞല്ലോ. 11 എന്നാൽ നിങ്ങൾ പറയുന്നു: ‘ആരെങ്കി​ലും അപ്പനോ​ടോ അമ്മയോ​ടോ, “നിങ്ങൾക്ക്‌ ഉപകാ​രപ്പെ​ടു​ന്ന​താ​യി എന്റെ കൈയി​ലു​ള്ളതെ​ല്ലാം കൊർബാ​നാണ്‌ (അതായത്‌, ദൈവ​ത്തി​നു നേർന്ന​താണ്‌)” എന്നു പറഞ്ഞാൽ’ 12 പിന്നെ അപ്പനോ അമ്മയ്‌ക്കോ വേണ്ടി യാതൊ​ന്നും ചെയ്യാൻ നിങ്ങൾ അയാളെ അനുവ​ദി​ക്കു​ന്നില്ല.+ 13 ഇങ്ങനെ പാരമ്പ​ര്യ​ത്തി​ന്റെ പേര്‌ പറഞ്ഞ്‌ നിങ്ങൾ ദൈവ​വ​ച​ന​ത്തി​നു വില കല്‌പി​ക്കാ​തി​രി​ക്കു​ന്നു.+ ഇങ്ങനെ പലതും നിങ്ങൾ ചെയ്യുന്നു.”+ 14 യേശു വീണ്ടും ജനത്തെ അടു​ത്തേക്കു വിളിച്ച്‌ അവരോ​ടു പറഞ്ഞു: “നിങ്ങൾ എല്ലാവ​രും ഞാൻ പറയു​ന്നതു ശ്രദ്ധിച്ച്‌ അതിന്റെ അർഥം മനസ്സി​ലാ​ക്കൂ.+ 15 പുറത്തുനിന്ന്‌ ഒരാളു​ടെ ഉള്ളി​ലേക്കു പോകു​ന്നതൊ​ന്നും അയാളെ അശുദ്ധ​നാ​ക്കു​ന്നില്ല. ഉള്ളിൽനി​ന്ന്‌ പുറ​ത്തേക്കു വരുന്ന​താണ്‌ അയാളെ അശുദ്ധ​നാ​ക്കു​ന്നത്‌.”+ 16 *——

17 ജനക്കൂട്ടത്തെ വിട്ട്‌ യേശു ഒരു വീട്ടിൽ ചെന്ന​പ്പോൾ ശിഷ്യ​ന്മാർ ഈ ദൃഷ്ടാ​ന്തത്തെ​ക്കു​റിച്ച്‌ യേശു​വിനോ​ടു ചോദ്യ​ങ്ങൾ ചോദി​ച്ചു​തു​ടങ്ങി.+ 18 യേശു അവരോ​ടു പറഞ്ഞു: “നിങ്ങൾക്കും അവരെപ്പോ​ലെ മനസ്സി​ലാ​ക്കാൻ പ്രാപ്‌തി​യില്ലെ​ന്നോ? പുറത്തു​നിന്ന്‌ ഒരാളു​ടെ ഉള്ളി​ലേക്കു പോകു​ന്നതൊ​ന്നും അയാളെ അശുദ്ധ​നാ​ക്കു​ന്നില്ലെന്നു നിങ്ങൾക്ക്‌ അറിയി​ല്ലേ? 19 കാരണം, അത്‌ അയാളു​ടെ ഹൃദയ​ത്തിലേക്കല്ല, വയറ്റിലേ​ക്കാ​ണു പോകു​ന്നത്‌. പിന്നെ അതു വയറ്റിൽനി​ന്ന്‌ പുറ​ത്തേക്കു പോകു​ന്നു.” എല്ലാ ആഹാര​വും ശുദ്ധമാ​ണെന്ന്‌ അങ്ങനെ യേശു വ്യക്തമാ​ക്കി. 20 പിന്നെ യേശു പറഞ്ഞു: “ഒരാളു​ടെ ഉള്ളിൽനി​ന്ന്‌ പുറ​ത്തേക്കു വരുന്ന​താണ്‌ അയാളെ അശുദ്ധ​നാ​ക്കു​ന്നത്‌.+ 21 കാരണം ഉള്ളിൽനി​ന്ന്‌, മനുഷ്യ​രു​ടെ ഹൃദയ​ത്തിൽനി​ന്നാണ്‌,+ ഹാനി​ക​ര​മായ ചിന്തകൾ, അതായത്‌ ലൈം​ഗിക അധാർമി​കത,* മോഷണം, കൊല​പാ​തകം, 22 വ്യഭിചാരം, അത്യാ​ഗ്രഹം, ദുഷ്ടത, വഞ്ചന, ധിക്കാ​രത്തോടെ​യുള്ള പെരു​മാ​റ്റം,* അസൂയ​യുള്ള കണ്ണ്‌, ദൈവ​നിന്ദ, ധാർഷ്ട്യം, വിഡ്‌ഢി​ത്തം എന്നിവയെ​ല്ലാം ഉണ്ടാകു​ന്നത്‌. 23 ഈ ചീത്ത കാര്യ​ങ്ങളെ​ല്ലാം ഉള്ളിൽനി​ന്ന്‌ പുറ​പ്പെട്ട്‌ മനുഷ്യ​നെ അശുദ്ധ​നാ​ക്കു​ന്നു.”

24 അവിടെനിന്ന്‌ എഴു​ന്നേറ്റ്‌ സോർ-സീദോൻ+ പ്രദേ​ശ​ങ്ങ​ളിലേക്കു പോയ യേശു അവിടെ ഒരു വീട്ടിൽ ചെന്നു. ആരും അത്‌ അറിയ​രുതെന്നു യേശു ആഗ്രഹി​ച്ചു. പക്ഷേ ആളുകൾ എങ്ങനെ​യോ അറിഞ്ഞു. 25 അശുദ്ധാത്മാവ്‌* ബാധിച്ച ഒരു കൊച്ചുപെൺകു​ട്ടി​യു​ടെ അമ്മ യേശു​വിനെ​ക്കു​റിച്ച്‌ കേട്ട ഉടനെ അവിടെ വന്ന്‌ യേശു​വി​ന്റെ കാൽക്കൽ വീണു.+ 26 ആ സ്‌ത്രീ സിറിയൻ ഫൊയ്‌നി​ക്യ ദേശത്തുനിന്നുള്ള* ഒരു ഗ്രീക്കു​കാ​രി​യാ​യി​രു​ന്നു. തന്റെ മകളിൽനി​ന്ന്‌ ഭൂതത്തെ പുറത്താ​ക്കാൻ ആ സ്‌ത്രീ യേശു​വിനോ​ടു വീണ്ടും​വീ​ണ്ടും അപേക്ഷി​ച്ചു. 27 എന്നാൽ യേശു, “ആദ്യം മക്കളുടെ വയറു നിറയട്ടെ. മക്കളുടെ അപ്പം എടുത്ത്‌ നായ്‌ക്കു​ട്ടി​കൾക്ക്‌ ഇട്ടു​കൊ​ടു​ക്കു​ന്നതു ശരിയ​ല്ല​ല്ലോ”+ എന്നു പറഞ്ഞു: 28 അപ്പോൾ ആ സ്‌ത്രീ പറഞ്ഞു: “അങ്ങ്‌ പറഞ്ഞതു ശരിയാ​ണ്‌ യജമാ​നനേ. പക്ഷേ, മേശയു​ടെ കീഴെ​യുള്ള നായ്‌ക്കു​ട്ടി​ക​ളും കുഞ്ഞു​ങ്ങ​ളു​ടെ കൈയിൽനി​ന്ന്‌ വീഴുന്ന അപ്പക്കഷ​ണങ്ങൾ തിന്നാ​റു​ണ്ട​ല്ലോ.” 29 യേശു സ്‌ത്രീയോ​ടു പറഞ്ഞു: “നീ ഇങ്ങനെയൊ​രു മറുപടി പറഞ്ഞല്ലോ. പൊയ്‌ക്കൊ​ള്ളൂ. ഭൂതം നിന്റെ മകളെ വിട്ട്‌ പോയി​രി​ക്കു​ന്നു.”+ 30 സ്‌ത്രീ വീട്ടിൽ ചെന്ന​പ്പോൾ കുട്ടി കിടക്ക​യിൽ കിടക്കു​ന്നതു കണ്ടു. ഭൂതം അവളെ വിട്ട്‌ പോയി​രു​ന്നു.+

31 പിന്നെ യേശു സോർപ്ര​ദേശം വിട്ട്‌ സീദോൻവഴി ദക്കപ്പൊലിപ്രദേശത്തുകൂടെ*+ ഗലീല​ക്ക​ട​ലിന്‌ അടു​ത്തേക്കു തിരി​ച്ചുപോ​യി. 32 അവിടെവെച്ച്‌ ചിലർ സംസാ​ര​വൈ​ക​ല്യ​മുള്ള ബധിര​നായ ഒരു മനുഷ്യനെ+ യേശു​വി​ന്റെ അടുത്ത്‌ കൊണ്ടു​വന്ന്‌ അയാളു​ടെ മേൽ കൈ വെക്കണ​മെന്നു യാചിച്ചു. 33 യേശു അയാളെ ജനക്കൂ​ട്ട​ത്തിൽനിന്ന്‌ മാറ്റിക്കൊ​ണ്ടുപോ​യി. എന്നിട്ട്‌ അയാളു​ടെ ചെവി​ക​ളിൽ വിരൽ ഇട്ടു. പിന്നെ തുപ്പി​യിട്ട്‌ അയാളു​ടെ നാവിൽ തൊട്ടു.+ 34 എന്നിട്ട്‌ ആകാശ​ത്തേക്കു നോക്കി ഒരു ദീർഘ​നി​ശ്വാ​സത്തോ​ടെ അയാ​ളോട്‌, “എഫഥാ” എന്നു പറഞ്ഞു. “തുറക്കട്ടെ” എന്നാണ്‌ അതിന്റെ അർഥം. 35 അയാളുടെ ചെവികൾ തുറന്നു.+ സംസാ​ര​വൈ​ക​ല്യം മാറി അയാൾ നന്നായി സംസാ​രി​ക്കാൻതു​ടങ്ങി. 36 ഇത്‌ ആരോ​ടും പറയരു​തെന്നു യേശു അവരോ​ടു കല്‌പി​ച്ചു.+ എന്നാൽ യേശു അവരെ എത്ര​ത്തോ​ളം വിലക്കി​യോ അത്ര​ത്തോ​ളം അവർ അതു പ്രസി​ദ്ധ​മാ​ക്കി.+ 37 അവർക്കുണ്ടായ അതിശയം പറഞ്ഞറി​യി​ക്കാൻ പറ്റാത്ത​താ​യി​രു​ന്നു.+ അവർ പറഞ്ഞു: “എത്ര നല്ല കാര്യ​ങ്ങ​ളാ​ണു യേശു ചെയ്യു​ന്നത്‌! യേശു ബധിരർക്കു കേൾവി​ശ​ക്തി​യും ഊമർക്കു സംസാ​രശേ​ഷി​യും കൊടു​ക്കു​ന്നു.”+

8 ആ ദിവസ​ങ്ങ​ളിൽ വീണ്ടും ഒരു വലിയ ജനക്കൂട്ടം വന്നുകൂ​ടി. അവരുടെ കൈയിൽ കഴിക്കാൻ ഒന്നുമി​ല്ലാ​യി​രു​ന്നു. യേശു ശിഷ്യ​ന്മാ​രെ വിളിച്ച്‌ അവരോ​ടു പറഞ്ഞു: 2 “ഈ ജനക്കൂ​ട്ടത്തോട്‌ എനിക്ക്‌ അലിവ്‌ തോന്നു​ന്നു.+ മൂന്നു ദിവസ​മാ​യി ഇവർ എന്റെകൂടെ​യാ​ണ​ല്ലോ. ഇവർക്കു കഴിക്കാൻ ഒന്നുമില്ല.+ 3 വിശന്നിരിക്കുന്ന ഇവരെ ഞാൻ ഒന്നും കൊടു​ക്കാ​തെ വീടു​ക​ളിലേക്കു പറഞ്ഞയ​ച്ചാൽ ഇവർ വഴിയിൽ കുഴഞ്ഞു​വീ​ണാ​ലോ? ചിലരാണെ​ങ്കിൽ വളരെ ദൂരെ​നി​ന്നു​ള്ള​വ​രാണ്‌.” 4 എന്നാൽ ശിഷ്യ​ന്മാർ യേശു​വിനോട്‌, “ഇവരുടെയെ​ല്ലാം വിശപ്പു മാറ്റാൻ വേണ്ട അപ്പം ഈ ഒറ്റപ്പെട്ട സ്ഥലത്ത്‌ എവി​ടെ​നിന്ന്‌ കിട്ടാ​നാണ്‌” എന്നു ചോദി​ച്ചു. 5 യേശു അവരോ​ട്‌, “നിങ്ങളു​ടെ കൈയിൽ എത്ര അപ്പമുണ്ട്‌” എന്നു ചോദി​ച്ചപ്പോൾ, “ഏഴ്‌” എന്ന്‌ അവർ പറഞ്ഞു.+ 6 ജനക്കൂട്ടത്തോടു നിലത്ത്‌ ഇരിക്കാൻ യേശു നിർദേ​ശി​ച്ചു. യേശു ആ ഏഴ്‌ അപ്പം എടുത്ത്‌ ദൈവത്തോ​ടു നന്ദി പറഞ്ഞിട്ട്‌, വിളമ്പാ​നാ​യി നുറുക്കി ശിഷ്യ​ന്മാർക്കു കൊടു​ത്തു​തു​ടങ്ങി. അവർ അതു ജനത്തിനു വിളമ്പി.+ 7 കുറച്ച്‌ ചെറിയ മീനു​ക​ളും അവരുടെ കൈയി​ലു​ണ്ടാ​യി​രു​ന്നു. ദൈവത്തോ​ടു നന്ദി പറഞ്ഞ​ശേഷം യേശു ശിഷ്യ​ന്മാരോട്‌ അതും വിളമ്പാൻ പറഞ്ഞു. 8 അങ്ങനെ അവരെ​ല്ലാം തിന്ന്‌ തൃപ്‌ത​രാ​യി. ബാക്കിവന്ന അപ്പക്കഷ​ണങ്ങൾ ഏഴു വലിയ കൊട്ട​ക​ളിൽ നിറ​ച്ചെ​ടു​ത്തു.+ 9 അവിടെ ഏകദേശം 4,000 പുരു​ഷ​ന്മാ​രു​ണ്ടാ​യി​രു​ന്നു. പിന്നെ യേശു അവരെ പറഞ്ഞയച്ചു.

10 ഉടൻതന്നെ യേശു ശിഷ്യ​ന്മാരോടൊ​പ്പം വള്ളത്തിൽ കയറി ദൽമനൂ​ഥപ്രദേ​ശത്തേക്കു പോയി.+ 11 അവിടെവെച്ച്‌ പരീശ​ന്മാർ വന്ന്‌ യേശു​വിനോ​ടു തർക്കി​ച്ചു​തു​ടങ്ങി. യേശു​വി​നെ പരീക്ഷി​ക്കാൻവേണ്ടി അവർ സ്വർഗ​ത്തിൽനി​ന്നുള്ള ഒരു അടയാളം ആവശ്യ​പ്പെട്ടു.+ 12 മനം* നൊന്ത്‌ യേശു പറഞ്ഞു: “ഈ തലമുറ അടയാളം അന്വേ​ഷി​ക്കു​ന്നത്‌ എന്തിനാണ്‌?+ ഈ തലമു​റ​യ്‌ക്ക്‌ ഒരു അടയാ​ള​വും ലഭിക്കില്ല എന്നു സത്യമാ​യി ഞാൻ പറയുന്നു.”+ 13 ഇതു പറഞ്ഞിട്ട്‌ യേശു അവരെ വിട്ട്‌ വീണ്ടും വള്ളത്തിൽ കയറി അക്കരയ്‌ക്കു പോയി.

14 എന്നാൽ അവർ പോകു​മ്പോൾ അപ്പം എടുക്കാൻ മറന്നുപോ​യി​രു​ന്നു. അവരുടെ കൈയിൽ ഒരു അപ്പം മാത്രമേ ഉണ്ടായി​രു​ന്നു​ള്ളൂ.+ 15 യേശു വളരെ ഗൗരവത്തോ​ടെ അവർക്ക്‌ ഈ മുന്നറി​യി​പ്പു നൽകി: “സൂക്ഷി​ച്ചുകൊ​ള്ളുക! പരീശ​ന്മാ​രുടെ​യും ഹെരോ​ദിന്റെ​യും പുളിച്ച മാവിനെ​ക്കു​റിച്ച്‌ ജാഗ്രത വേണം.”+ 16 ഇതു കേട്ട​പ്പോൾ, അപ്പം എടുക്കാ​ഞ്ഞ​തിനെച്ചൊ​ല്ലി അവർ വഴക്കി​ടാൻതു​ടങ്ങി. 17 ഇതു ശ്രദ്ധിച്ച യേശു അവരോ​ടു ചോദി​ച്ചു: “അപ്പമി​ല്ലാ​ത്ത​തിനെച്ചൊ​ല്ലി നിങ്ങൾ എന്തിനാ​ണു വഴക്കി​ടു​ന്നത്‌? കാര്യങ്ങൾ വിവേ​ചിച്ച്‌ അർഥം മനസ്സി​ലാ​ക്കാൻ ഇപ്പോ​ഴും നിങ്ങൾക്കു കഴിയു​ന്നി​ല്ലേ? ഗ്രഹി​ക്കുന്ന കാര്യ​ത്തിൽ നിങ്ങളു​ടെ ഹൃദയം ഇപ്പോ​ഴും മാന്ദ്യ​മു​ള്ള​താ​ണോ? 18 ‘കണ്ണുണ്ടാ​യി​ട്ടും നിങ്ങൾ കാണു​ന്നി​ല്ലേ? ചെവി​യു​ണ്ടാ​യി​ട്ടും കേൾക്കു​ന്നി​ല്ലേ?’ 19 ഞാൻ അഞ്ച്‌ അപ്പം+ 5,000 പുരു​ഷ​ന്മാർക്കു നുറു​ക്കിക്കൊ​ടു​ത്തപ്പോൾ ബാക്കിവന്ന കഷണങ്ങൾ നിങ്ങൾ എത്ര കൊട്ട നിറ​ച്ചെ​ടുത്തെന്ന്‌ ഓർക്കു​ന്നി​ല്ലേ?” “പന്ത്രണ്ട്‌”+ എന്ന്‌ അവർ പറഞ്ഞു. 20 “ഞാൻ ഏഴ്‌ അപ്പം 4,000 പുരു​ഷ​ന്മാർക്കു നുറു​ക്കിക്കൊ​ടു​ത്തപ്പോൾ ബാക്കിവന്ന കഷണങ്ങൾ എത്ര കൊട്ട* നിറ​ച്ചെ​ടു​ത്തു?” “ഏഴ്‌”+ എന്ന്‌ അവർ പറഞ്ഞു. 21 അപ്പോൾ യേശു അവരോ​ട്‌, “ഇപ്പോ​ഴും നിങ്ങൾക്കു കാര്യം മനസ്സി​ലാ​യി​ല്ലേ” എന്നു ചോദി​ച്ചു.

22 പിന്നെ അവർ ബേത്ത്‌സ​യി​ദ​യിൽ എത്തി. അന്ധനായ ഒരു മനുഷ്യ​നെ ആളുകൾ യേശു​വി​ന്റെ അടുത്ത്‌ കൊണ്ടു​വന്ന്‌ അയാളെ ഒന്നു തൊടാൻ അപേക്ഷി​ച്ചു.+ 23 യേശു ആ അന്ധന്റെ കൈയിൽ പിടിച്ച്‌ ഗ്രാമ​ത്തി​നു വെളി​യിലേക്കു കൊണ്ടുപോ​യി. അയാളു​ടെ കണ്ണുക​ളിൽ തുപ്പിയിട്ട്‌+ അയാളു​ടെ മേൽ കൈ വെച്ച്‌, “നിനക്ക്‌ എന്തെങ്കി​ലും കാണാൻ പറ്റുന്നു​ണ്ടോ” എന്നു ചോദി​ച്ചു. 24 അയാൾ നോക്കി​യിട്ട്‌ പറഞ്ഞു: “എനിക്ക്‌ ആളുകളെ കാണാം. പക്ഷേ കണ്ടിട്ട്‌ മരങ്ങൾ നടക്കു​ന്ന​തുപോ​ലുണ്ട്‌.” 25 യേശു വീണ്ടും തന്റെ കൈകൾ ആ മനുഷ്യ​ന്റെ കണ്ണുക​ളിൽ വെച്ചു. അപ്പോൾ അയാളു​ടെ കാഴ്‌ച തെളിഞ്ഞു. കാഴ്‌ച തിരി​ച്ചു​കി​ട്ടിയ അയാൾക്ക്‌ എല്ലാം വ്യക്തമാ​യി കാണാമെ​ന്നാ​യി. 26 “ഗ്രാമ​ത്തിലേക്കു പോക​രുത്‌” എന്നു പറഞ്ഞ്‌ യേശു അയാളെ വീട്ടി​ലേക്ക്‌ അയച്ചു.

27 പിന്നെ യേശു​വും ശിഷ്യ​ന്മാ​രും കൈസ​ര്യ​ഫി​ലി​പ്പി​യി​ലെ ഗ്രാമ​ങ്ങ​ളിലേക്കു പോയി. വഴിയിൽവെച്ച്‌ യേശു ശിഷ്യ​ന്മാരോട്‌, “ഞാൻ ആരാ​ണെ​ന്നാ​ണു ജനം പറയു​ന്നത്‌” എന്നു ചോദി​ച്ചു.+ 28 “ചിലർ സ്‌നാപകയോഹന്നാൻ+ എന്നും മറ്റു ചിലർ ഏലിയ+ എന്നും വേറെ ചിലർ പ്രവാ​ച​ക​ന്മാ​രിൽ ഒരാൾ എന്നും പറയുന്നു” എന്ന്‌ അവർ പറഞ്ഞു. 29 യേശു അവരോ​ടു ചോദി​ച്ചു: “ഞാൻ ആരാ​ണെ​ന്നാ​ണു നിങ്ങൾക്കു തോന്നു​ന്നത്‌?” പത്രോ​സ്‌ പറഞ്ഞു: “അങ്ങ്‌ ക്രിസ്‌തു​വാണ്‌.”+ 30 എന്നാൽ തന്നെക്കു​റിച്ച്‌ ആരോ​ടും പറയരു​തെന്നു യേശു അവരോ​ടു കർശന​മാ​യി കല്‌പി​ച്ചു.+ 31 മനുഷ്യപുത്രന്‌ അനേകം കഷ്ടപ്പാ​ടു​കൾ സഹി​ക്കേ​ണ്ടി​വ​രുമെ​ന്നും മൂപ്പന്മാരും* മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും മനുഷ്യ​പുത്രനെ തള്ളിക്ക​ള​യുമെ​ന്നും കൊല്ലുമെന്നും+ മൂന്നു ദിവസം കഴിഞ്ഞ്‌ മനുഷ്യ​പു​ത്രൻ ഉയിർത്തെ​ഴുന്നേൽക്കുമെ​ന്നും യേശു അവരെ പഠിപ്പി​ക്കാൻതു​ടങ്ങി.+ 32 വാസ്‌തവത്തിൽ, ഉള്ള കാര്യം യേശു തുറന്നു​പ​റ​യു​ക​യാ​യി​രു​ന്നു. എന്നാൽ പത്രോ​സ്‌ യേശു​വി​നെ മാറ്റി​നി​റു​ത്തി ശകാരി​ച്ചു.+ 33 അപ്പോൾ യേശു പുറം​തി​രിഞ്ഞ്‌, ശിഷ്യ​ന്മാ​രെ നോക്കി​യിട്ട്‌ പത്രോ​സി​നെ ശാസിച്ചു. യേശു പറഞ്ഞു: “സാത്താനേ, എന്റെ മുന്നിൽനിന്ന്‌* മാറൂ! നിന്റെ ചിന്തകൾ ദൈവ​ത്തി​ന്റെ ചിന്തകളല്ല, മനുഷ്യ​രുടേ​താണ്‌.”+

34 പിന്നെ യേശു ശിഷ്യ​ന്മാരെ​യും ജനക്കൂ​ട്ടത്തെ​യും അടുത്ത്‌ വിളിച്ച്‌ അവരോ​ടു പറഞ്ഞു: “എന്റെ അനുഗാ​മി​യാ​കാൻ ആഗ്രഹി​ക്കു​ന്നവൻ സ്വയം ത്യജിച്ച്‌ തന്റെ ദണ്ഡനസ്‌തംഭം* എടുത്ത്‌ എന്നെ അനുഗ​മി​ക്കട്ടെ.+ 35 ആരെങ്കിലും തന്റെ ജീവൻ രക്ഷിക്കാൻ ആഗ്രഹി​ച്ചാൽ അതു നഷ്ടമാ​കും. എന്നാൽ ആരെങ്കി​ലും എനിക്കുവേ​ണ്ടി​യും ദൈവ​രാ​ജ്യത്തെ​ക്കു​റി​ച്ചുള്ള സന്തോ​ഷ​വാർത്ത​യ്‌ക്കുവേ​ണ്ടി​യും ജീവൻ നഷ്ടപ്പെ​ടു​ത്തി​യാൽ അതിനെ രക്ഷിക്കും.+ 36 വാസ്‌തവത്തിൽ, ഒരാൾ ലോകം മുഴുവൻ നേടി​യാ​ലും ജീവൻ നഷ്ടപ്പെ​ട്ടാൽ പിന്നെ എന്തു പ്രയോ​ജനം?+ 37 അല്ല, ഒരാൾ തന്റെ ജീവനു പകരമാ​യി എന്തു കൊടു​ക്കും?+ 38 വ്യഭിചാരികളുടെയും* പാപി​ക​ളുടെ​യും ഈ തലമു​റ​യിൽ ആർക്കെ​ങ്കി​ലും എന്നെയും എന്റെ വാക്കു​കളെ​യും കുറിച്ച്‌ ലജ്ജ തോന്നി​യാൽ, തന്റെ പിതാ​വി​ന്റെ മഹത്ത്വ​ത്തിൽ വിശു​ദ്ധ​ദൂ​ത​ന്മാരോടൊ​പ്പം വരുമ്പോൾ+ മനുഷ്യ​പുത്ര​നും അയാ​ളെ​ക്കു​റിച്ച്‌ ലജ്ജ തോന്നും.”+

9 പിന്നെ യേശു അവരോ​ട്‌, “ഇവിടെ നിൽക്കു​ന്ന​വ​രിൽ ചിലർ, മരിക്കു​ന്ന​തി​നു മുമ്പ്‌ ദൈവ​രാ​ജ്യം പ്രതാ​പത്തോ​ടെ വരുന്നതു കാണും എന്നു ഞാൻ സത്യമാ​യി നിങ്ങ​ളോ​ടു പറയുന്നു”+ എന്നു പറഞ്ഞു. 2 ആറു ദിവസം കഴിഞ്ഞ്‌ യേശു പത്രോ​സിനെ​യും യാക്കോ​ബിനെ​യും യോഹ​ന്നാനെ​യും കൂട്ടി​ക്കൊ​ണ്ട്‌ ഉയരമുള്ള ഒരു മലയി​ലേക്കു പോയി. യേശു അവരുടെ മുന്നിൽവെച്ച്‌ രൂപാ​ന്ത​രപ്പെട്ടു.+ 3 ഭൂമിയിലെ ഒരു അലക്കു​കാ​ര​നും വെളു​പ്പി​ക്കാൻ കഴിയാ​ത്തത്ര വെൺമയോ​ടെ യേശു​വി​ന്റെ വസ്‌ത്രങ്ങൾ വെട്ടി​ത്തി​ളങ്ങി. 4 ഏലിയയും മോശ​യും അവർക്കു പ്രത്യ​ക്ഷ​രാ​യി. അവർ യേശു​വിനോ​ടു സംസാ​രി​ച്ചുകൊ​ണ്ടി​രു​ന്നു. 5 പത്രോസ്‌ യേശു​വിനോ​ടു പറഞ്ഞു: “റബ്ബീ, ഞങ്ങൾക്ക്‌ ഇവിടെ വരാൻ കഴിഞ്ഞത്‌ എത്ര നന്നായി! ഞങ്ങൾ മൂന്നു കൂടാരം ഉണ്ടാക്കട്ടെ. ഒന്ന്‌ അങ്ങയ്‌ക്കും ഒന്നു മോശ​യ്‌ക്കും പിന്നെ ഒന്ന്‌ ഏലിയ​യ്‌ക്കും.” 6 വാസ്‌തവത്തിൽ എന്തു ചെയ്യണ​മെന്നു പത്രോ​സിന്‌ അപ്പോൾ അറിയി​ല്ലാ​യി​രു​ന്നു. അവർ അത്രയ്‌ക്കു പേടി​ച്ചുപോ​യി. 7 അപ്പോൾ ഒരു മേഘം രൂപ​പ്പെട്ട്‌ അവരുടെ മീതെ നിന്നു. “ഇവൻ എന്റെ പ്രിയ​പു​ത്രൻ.+ ഇവൻ പറയു​ന്നതു ശ്രദ്ധി​ക്കണം”+ എന്നു മേഘത്തിൽനി​ന്ന്‌ ഒരു ശബ്ദവും ഉണ്ടായി.+ 8 പെട്ടെന്നു ശിഷ്യ​ന്മാർ ചുറ്റും നോക്കി. പക്ഷേ യേശു​വിനെ​യ​ല്ലാ​തെ ആരെയും കണ്ടില്ല.

9 അവർ കണ്ടത്‌, മനുഷ്യ​പു​ത്രൻ മരിച്ച​വ​രിൽനിന്ന്‌ ഉയിർത്തെ​ഴുന്നേൽക്കു​ന്ന​തു​വരെ ആരോ​ടും പറയരുതെന്നു+ മലയിൽനി​ന്ന്‌ ഇറങ്ങി​വ​രുമ്പോൾ യേശു അവരോ​ടു കർശന​മാ​യി കല്‌പി​ച്ചു.+ 10 അവർ ഇക്കാര്യം ഹൃദയ​ത്തിൽ സൂക്ഷിച്ചു.* എന്നാൽ മരിച്ച​വ​രിൽനി​ന്നുള്ള ഉയിർപ്പി​ന്റെ അർഥം എന്തായി​രി​ക്കും എന്നതിനെ​ക്കു​റിച്ച്‌ അവർ തമ്മിൽത്ത​മ്മിൽ സംസാ​രി​ച്ചു. 11 പിന്നെ അവർ യേശു​വിനോട്‌, “ആദ്യം ഏലിയ+ വരു​മെന്നു ശാസ്‌ത്രി​മാർ പറയു​ന്നത്‌ എന്താണ്‌” എന്നു ചോദി​ച്ചു.+ 12 യേശു അവരോ​ടു പറഞ്ഞു: “ഏലിയ​യാണ്‌ ആദ്യം വന്ന്‌ എല്ലാം നേരെ​യാ​ക്കു​ന്നത്‌.+ എന്നാൽ മനുഷ്യ​പു​ത്രൻ അനേകം കഷ്ടപ്പാടുകളും+ നിന്ദയും സഹിക്കണമെന്ന്‌+ എഴുതി​യി​രി​ക്കു​ന്നത്‌ എന്തു​കൊ​ണ്ടാണ്‌? 13 പക്ഷേ ഞാൻ നിങ്ങ​ളോ​ടു പറയുന്നു, ഏലിയ+ വന്നുക​ഴി​ഞ്ഞു. ഏലിയയെ​ക്കു​റിച്ച്‌ എഴുതി​യി​രു​ന്ന​തുപോലെ​തന്നെ, തോന്നി​യ​തുപോലെയെ​ല്ലാം അവർ അദ്ദേഹത്തോ​ടു ചെയ്‌തു.”+

14 അവർ മറ്റു ശിഷ്യ​ന്മാ​രു​ടെ അടു​ത്തേക്കു വരു​മ്പോൾ വലി​യൊ​രു ജനക്കൂട്ടം അവർക്കു ചുറ്റും കൂടി​യി​രി​ക്കു​ന്ന​തും ശാസ്‌ത്രി​മാർ അവരോ​ടു തർക്കി​ക്കു​ന്ന​തും കണ്ടു.+ 15 എന്നാൽ യേശു​വി​നെ കണ്ട ഉടനെ ജനമെ​ല്ലാം ആശ്ചര്യ​പ്പെട്ട്‌ യേശു​വി​ന്റെ അടു​ത്തേക്ക്‌ ഓടി​ച്ചെന്ന്‌ അഭിവാ​ദനം ചെയ്‌തു. 16 യേശു അവരോ​ട്‌, “എന്തി​നെ​ക്കു​റി​ച്ചാ​ണു നിങ്ങൾ അവരോ​ടു തർക്കി​ക്കു​ന്നത്‌” എന്നു ചോദി​ച്ചു. 17 അപ്പോൾ ജനക്കൂ​ട്ട​ത്തിൽ ഒരാൾ യേശു​വിനോ​ടു പറഞ്ഞു: “ഗുരുവേ, ഊമനായ ഒരു അശുദ്ധാത്മാവ്‌*+ എന്റെ മകനെ ബാധി​ച്ച​തുകൊണ്ട്‌ ഞാൻ അവനെ അങ്ങയുടെ അടു​ത്തേക്കു കൊണ്ടു​വ​ന്ന​താണ്‌. 18 അത്‌ അവനെ ബാധി​ക്കുമ്പോഴെ​ല്ലാം അവനെ നിലത്ത്‌ തള്ളിയി​ടും. അവൻ പല്ലു കടിക്കു​ക​യും അവന്റെ വായിൽനി​ന്ന്‌ നുരയും പതയും വരുക​യും ചെയ്യും. അതോടെ അവന്റെ ശക്തി​യെ​ല്ലാം ചോർന്നുപോ​കും. അതിനെ പുറത്താ​ക്കാൻ ഞാൻ അങ്ങയുടെ ശിഷ്യ​ന്മാരോട്‌ ആവശ്യപ്പെട്ടെ​ങ്കി​ലും അവർക്കു കഴിഞ്ഞില്ല.” 19 അപ്പോൾ യേശു അവരോ​ടു പറഞ്ഞു: “വിശ്വാ​സ​മി​ല്ലാത്ത തലമു​റയേ,+ ഞാൻ ഇനി എത്ര കാലം നിങ്ങളുടെ​കൂടെ​യി​രി​ക്കണം? എത്ര കാലം നിങ്ങളെ സഹിക്കണം? അവനെ ഇങ്ങു കൊണ്ടു​വരൂ.”+ 20 അപ്പോൾ അവർ അവനെ യേശു​വി​ന്റെ അടുത്ത്‌ കൊണ്ടു​വന്നു. എന്നാൽ യേശു​വി​നെ കണ്ട ഉടനെ അശുദ്ധാ​ത്മാവ്‌ കുട്ടിയെ ഞെളി​പി​രികൊ​ള്ളി​ച്ചു. അവൻ നിലത്ത്‌ കിടന്ന്‌ ഉരുണ്ടു. വായിൽനി​ന്ന്‌ നുരയും പതയും വന്നു. 21 യേശു അവന്റെ അപ്പനോ​ട്‌, “ഇവന്‌ ഇതു തുടങ്ങി​യിട്ട്‌ എത്ര കാലമാ​യി” എന്നു ചോദി​ച്ചു. “കുട്ടി​ക്കാ​ലം​മു​തൽ” എന്ന്‌ അയാൾ പറഞ്ഞു. 22 “അവനെ കൊല്ലാൻവേണ്ടി അതു കൂടെ​ക്കൂ​ടെ അവനെ തീയി​ലും വെള്ളത്തി​ലും തള്ളിയി​ടാ​റുണ്ട്‌. എന്തെങ്കി​ലും ചെയ്യാൻ കഴിയുമെ​ങ്കിൽ ഞങ്ങളോ​ട്‌ അലിവ്‌ തോന്നി ഞങ്ങളെ സഹായിക്കേ​ണമേ” എന്ന്‌ ആ മനുഷ്യൻ അപേക്ഷി​ച്ചു. 23 യേശു അയാ​ളോ​ടു പറഞ്ഞു: “‘കഴിയുമെ​ങ്കിൽ’ എന്നോ? വിശ്വാ​സ​മുണ്ടെ​ങ്കിൽ ഒരാൾക്ക്‌ എന്തും സാധി​ക്കും.”+ 24 ഉടനെ കുട്ടി​യു​ടെ അപ്പൻ ഇങ്ങനെ വിളി​ച്ചു​പ​റഞ്ഞു: “എനിക്കു വിശ്വാ​സ​മുണ്ട്‌! എങ്കിലും വിശ്വാ​സ​ത്തിൽ എനിക്കുള്ള കുറവ്‌ നികത്താൻ സഹായി​ക്കണേ.”+

25 അപ്പോൾ ഒരു ജനക്കൂട്ടം തങ്ങളുടെ അടു​ത്തേക്ക്‌ ഓടി​ക്കൂ​ടു​ന്നതു കണ്ട്‌ യേശു അശുദ്ധാ​ത്മാ​വി​നെ ശകാരി​ച്ചുകൊണ്ട്‌ ഇങ്ങനെ പറഞ്ഞു: “ഊമനും ബധിര​നും ആയ ആത്മാവേ, ഇവനെ വിട്ട്‌ പോകൂ. ഇനി ഇവനിൽ പ്രവേ​ശി​ക്ക​രുത്‌ എന്നു ഞാൻ നിന്നോ​ടു കല്‌പി​ക്കു​ന്നു.”+ 26 അലറിവിളിച്ച്‌ അവനെ വല്ലാതെ ഞെളി​പി​രികൊ​ള്ളിച്ച്‌ അത്‌ അവനെ വിട്ട്‌ പോയി. അവൻ മരിച്ച​തുപോലെ​യാ​യി. ഇതു കണ്ട്‌ പലരും, “അവൻ മരിച്ചുപോ​യി” എന്നു പറഞ്ഞു. 27 എന്നാൽ യേശു അവനെ കൈക്കു പിടിച്ച്‌ എഴു​ന്നേൽപ്പി​ച്ചു. അവൻ നേരെ നിന്നു. 28 പിന്നെ ഒരു വീട്ടിൽ ചെന്ന​പ്പോൾ ശിഷ്യ​ന്മാർ സ്വകാ​ര്യ​മാ​യി യേശു​വിനോട്‌, “അതെന്താ ഞങ്ങൾക്ക്‌ അതിനെ പുറത്താ​ക്കാൻ കഴിയാ​ഞ്ഞത്‌”+ എന്നു ചോദി​ച്ചു. 29 യേശു അവരോ​ടു പറഞ്ഞു: “ഇത്തരം അശുദ്ധാ​ത്മാ​ക്കളെ പ്രാർഥ​നകൊണ്ട്‌ മാത്രമേ പുറത്താ​ക്കാൻ പറ്റൂ.”

30 അവർ അവിടം വിട്ട്‌ ഗലീല​യി​ലൂ​ടെ പോയി. എന്നാൽ ഇക്കാര്യം ആരും അറിയ​രുതെന്നു യേശു ആഗ്രഹി​ച്ചു. 31 കാരണം യേശു ശിഷ്യ​ന്മാർക്കു ചില കാര്യങ്ങൾ പറഞ്ഞുകൊ​ടു​ക്കു​ക​യാ​യി​രു​ന്നു. യേശു പറഞ്ഞു: “മനുഷ്യ​പുത്രനെ ഒറ്റി​ക്കൊ​ടുത്ത്‌ മനുഷ്യ​രു​ടെ കൈയിൽ ഏൽപ്പി​ക്കും. അവർ അവനെ കൊല്ലും.+ പക്ഷേ കൊന്നാ​ലും മൂന്നു ദിവസം കഴിഞ്ഞ്‌ മനുഷ്യ​പു​ത്രൻ ഉയിർത്തെ​ഴുന്നേൽക്കും.”+ 32 എന്നാൽ യേശു പറഞ്ഞത്‌ അവർക്കു മനസ്സി​ലാ​യില്ല. അതെപ്പറ്റി എന്തെങ്കി​ലും ചോദി​ക്കാ​നും അവർക്കു പേടി​യാ​യി​രു​ന്നു.

33 അവർ കഫർന്ന​ഹൂ​മിൽ എത്തി. വീട്ടിൽ ചെന്ന​പ്പോൾ യേശു അവരോ​ട്‌, “വഴിയിൽവെച്ച്‌ നിങ്ങൾ എന്തി​നെ​ക്കു​റി​ച്ചാ​ണു തർക്കി​ച്ചുകൊ​ണ്ടി​രു​ന്നത്‌” എന്നു ചോദി​ച്ചു.+ 34 എന്നാൽ അവർ മറുപ​ടിയൊ​ന്നും പറഞ്ഞില്ല. കാരണം, തങ്ങളിൽ ആരാണു വലിയവൻ എന്നതിനെ​ക്കു​റി​ച്ചാ​യി​രു​ന്നു അവർ തർക്കി​ച്ചത്‌. 35 അപ്പോൾ യേശു അവിടെ ഇരുന്നി​ട്ട്‌ പന്ത്രണ്ടു പേരെയും* അടുത്ത്‌ വിളിച്ച്‌ അവരോ​ടു പറഞ്ഞു: “ഒന്നാമ​നാ​കാൻ ആരെങ്കി​ലും ആഗ്രഹി​ച്ചാൽ അയാൾ ഏറ്റവും ഒടുവി​ല​ത്ത​വ​നും എല്ലാവർക്കും ശുശ്രൂഷ ചെയ്യു​ന്ന​വ​നും ആകണം.”+ 36 യേശു ഒരു കൊച്ചു​കു​ട്ടി​യെ അവരുടെ നടുവിൽ നിറുത്തി ചേർത്തു​പി​ടി​ച്ചുകൊണ്ട്‌ അവരോ​ടു പറഞ്ഞു: 37 “ഇങ്ങനെ​യുള്ള ഒരു കുട്ടിയെ+ എന്റെ നാമത്തിൽ സ്വീക​രി​ക്കു​ന്നവൻ എന്നെയും സ്വീക​രി​ക്കു​ന്നു. എന്നെ സ്വീക​രി​ക്കു​ന്നവൻ എന്നെ മാത്രമല്ല, എന്നെ അയച്ച ദൈവത്തെ​യും സ്വീക​രി​ക്കു​ന്നു.”+

38 യോഹന്നാൻ യേശു​വിനോ​ടു പറഞ്ഞു: “ഗുരുവേ, ഒരാൾ അങ്ങയുടെ പേര്‌ ഉപയോ​ഗിച്ച്‌ ഭൂതങ്ങളെ പുറത്താ​ക്കു​ന്നതു ഞങ്ങൾ കണ്ടു. അയാൾ നമ്മളെ അനുഗ​മി​ക്കു​ന്നവൻ അല്ലാത്ത​തുകൊണ്ട്‌ ഞങ്ങൾ അയാളെ തടയാൻ നോക്കി.”+ 39 എന്നാൽ യേശു അവരോ​ടു പറഞ്ഞു: “അയാളെ തടയേണ്ടാ. കാരണം, എന്റെ നാമത്തിൽ ഒരു അത്ഭുതം ചെയ്‌തി​ട്ട്‌ ഉടനെ എന്നെക്കു​റിച്ച്‌ മോശ​മാ​യതു പറയാൻ ആർക്കും പറ്റില്ല. 40 നമുക്ക്‌ എതിര​ല്ലാ​ത്ത​വരെ​ല്ലാം നമ്മുടെ പക്ഷത്താണ്‌.+ 41 നിങ്ങൾ ക്രിസ്‌തു​വി​ന്റെ ആളുക​ളാണ്‌ എന്ന കാരണ​ത്താൽ ആരെങ്കി​ലും നിങ്ങൾക്ക്‌ അൽപ്പം* വെള്ളം കുടി​ക്കാൻ തന്നാൽ+ അയാൾക്കു പ്രതി​ഫലം ലഭിക്കാതെപോ​കില്ല എന്നു ഞാൻ സത്യമാ​യി നിങ്ങ​ളോ​ടു പറയുന്നു.+ 42 എന്നാൽ വിശ്വാ​സ​മുള്ള ഈ ചെറി​യ​വ​രിൽ ഒരാൾ വിശ്വാ​സ​ത്തിൽനിന്ന്‌ വീണുപോകാൻ* ആരെങ്കി​ലും ഇടയാ​ക്കി​യാൽ, കഴുത തിരി​ക്കു​ന്ന​തുപോ​ലുള്ള ഒരു തിരി​കല്ലു കഴുത്തിൽ കെട്ടി അയാളെ കടലിൽ എറിയു​ന്ന​താണ്‌ അയാൾക്കു കൂടുതൽ നല്ലത്‌.+

43 “നീ പാപം ചെയ്യാൻ* നിന്റെ കൈ ഇടയാ​ക്കുന്നെ​ങ്കിൽ അതു വെട്ടി​ക്ക​ള​യുക. രണ്ടു കൈയും ഉള്ളവനാ​യി കെടു​ത്താ​നാ​കാത്ത തീയുള്ള ഗീഹെന്നയിലേക്കു* പോകു​ന്ന​തിനെ​ക്കാൾ, അംഗഭം​ഗം വന്നവനാ​യി ജീവനി​ലേക്കു കടക്കു​ന്ന​താ​ണു നല്ലത്‌.+ 44 *—— 45 നീ പാപം ചെയ്യാൻ* നിന്റെ കാൽ ഇടയാ​ക്കുന്നെ​ങ്കിൽ അതു വെട്ടി​ക്ക​ള​യുക. രണ്ടു കാലും ഉള്ളവനാ​യി ഗീഹെന്നയിൽ* എറിയപ്പെ​ടു​ന്ന​തിനെ​ക്കാൾ, മുടന്ത​നാ​യി ജീവനി​ലേക്കു കടക്കു​ന്ന​താ​ണു നല്ലത്‌.+ 46 *—— 47 നീ പാപം ചെയ്യാൻ* നിന്റെ കണ്ണ്‌ ഇടയാ​ക്കുന്നെ​ങ്കിൽ അതു ചൂഴ്‌ന്നു​ക​ള​യുക.+ രണ്ടു കണ്ണും ഉള്ളവനാ​യി ഗീഹെന്നയിൽ* എറിയപ്പെ​ടു​ന്ന​തിനെ​ക്കാൾ ഒറ്റക്കണ്ണ​നാ​യി ദൈവ​രാ​ജ്യ​ത്തിൽ കടക്കു​ന്ന​താ​ണു നല്ലത്‌.+ 48 ഗീഹെന്നയിൽ* പുഴുക്കൾ ചാകു​ന്നില്ല; അവിടത്തെ തീ കെടു​ത്തു​ന്ന​തു​മില്ല.+

49 “ഉപ്പു വിതറു​ന്ന​തുപോ​ലെ ഇത്തരം ആളുക​ളു​ടെ മേൽ തീ വിതറും.+ 50 ഉപ്പു നല്ലതു​തന്നെ; എന്നാൽ അതിന്‌ ഉപ്പുരസം നഷ്ടമാ​യാൽ എങ്ങനെ നിങ്ങൾ അതിനു വീണ്ടും ഉപ്പുരസം വരുത്തും?+ നിങ്ങൾ ഉപ്പുള്ളവരും+ പരസ്‌പരം സമാധാ​ന​ത്തിൽ കഴിയു​ന്ന​വ​രും ആയിരി​ക്കുക.”+

10 യേശു അവി​ടെ​നിന്ന്‌ പോയി യോർദാ​ന്‌ അക്കരെ യഹൂദ്യ​യു​ടെ അതിർത്തിപ്രദേ​ശ​ങ്ങ​ളിൽ എത്തി. വീണ്ടും അനേകം ആളുകൾ യേശു​വി​ന്റെ അടുത്ത്‌ വന്നുകൂ​ടി. പതിവുപോ​ലെ യേശു അവരെ പഠിപ്പി​ക്കാൻതു​ടങ്ങി.+ 2 അപ്പോൾ യേശു​വി​നെ പരീക്ഷി​ക്കാൻവേണ്ടി പരീശ​ന്മാർ ചെന്ന്‌, ഒരാൾ ഭാര്യയെ വിവാ​ഹമോ​ചനം ചെയ്യു​ന്നതു ശരിയാണോ* എന്നു ചോദി​ച്ചു.+ 3 അപ്പോൾ യേശു, “മോശ നിങ്ങ​ളോട്‌ എന്താണു കല്‌പി​ച്ചത്‌” എന്നു ചോദി​ച്ചു. 4 “മോച​ന​പ​ത്രം എഴുതി​യിട്ട്‌ വിവാ​ഹമോ​ചനം ചെയ്‌തുകൊ​ള്ളാൻ മോശ അനുവ​ദി​ച്ചി​ട്ടുണ്ട്‌”+ എന്ന്‌ അവർ പറഞ്ഞു. 5 പക്ഷേ യേശു അവരോ​ടു പറഞ്ഞു: “നിങ്ങളു​ടെ ഹൃദയ​കാ​ഠി​ന്യം കാരണമാണു+ മോശ നിങ്ങൾക്കു​വേണ്ടി ഈ കല്‌പന എഴുതി​യത്‌.+ 6 എന്നാൽ സൃഷ്ടി​യു​ടെ ആരംഭ​ത്തിൽ, ‘ദൈവം ആണും പെണ്ണും ആയി അവരെ സൃഷ്ടിച്ചു.+ 7 അതുകൊണ്ട്‌ പുരുഷൻ അപ്പനെ​യും അമ്മയെ​യും പിരിയുകയും+ 8 അവർ രണ്ടു പേരും ഒരു ശരീര​മാ​കു​ക​യും ചെയ്യും.’+ അവർ പിന്നെ രണ്ടല്ല, ഒരു ശരീര​മാണ്‌. 9 അതുകൊണ്ട്‌ ദൈവം കൂട്ടിച്ചേർത്തതിനെ* ഒരു മനുഷ്യ​നും വേർപെ​ടു​ത്താ​തി​രി​ക്കട്ടെ.”+ 10 വീട്ടിൽ ചെന്ന​പ്പോൾ ശിഷ്യ​ന്മാർ ഇതെക്കു​റിച്ച്‌ യേശു​വിനോ​ടു ചോദി​ക്കാൻതു​ടങ്ങി. 11 യേശു അവരോ​ടു പറഞ്ഞു: “ഭാര്യയെ വിവാ​ഹമോ​ചനം ചെയ്‌ത്‌ മറ്റൊ​രു​വളെ വിവാഹം കഴിക്കു​ന്നവൻ അവൾക്കു വിരോ​ധ​മാ​യി വ്യഭി​ചാ​രം ചെയ്യുന്നു.+ 12 ഒരു സ്‌ത്രീ തന്റെ ഭർത്താ​വി​നെ വിവാ​ഹമോ​ചനം ചെയ്‌ത്‌ മറ്റൊ​രാ​ളെ വിവാഹം കഴിച്ചാൽ അവളും വ്യഭി​ചാ​രം ചെയ്യുന്നു.”+

13 യേശു തൊട്ട്‌ അനു​ഗ്ര​ഹി​ക്കാൻവേണ്ടി ആളുകൾ കുട്ടി​കളെ യേശു​വി​ന്റെ അടുത്ത്‌ കൊണ്ടു​വ​രാൻതു​ടങ്ങി. എന്നാൽ ശിഷ്യ​ന്മാർ അവരെ വഴക്കു പറഞ്ഞു.+ 14 ഇതു കണ്ട്‌ അമർഷം തോന്നിയ യേശു അവരോ​ടു പറഞ്ഞു: “കുട്ടി​കളെ എന്റെ അടു​ത്തേക്കു വിടൂ. അവരെ തടയേണ്ടാ. ദൈവ​രാ​ജ്യം ഇങ്ങനെ​യു​ള്ള​വ​രുടേ​താണ്‌.+ 15 ഒരു കുട്ടിയെപ്പോ​ലെ ദൈവ​രാ​ജ്യ​ത്തെ സ്വീക​രി​ക്കാത്ത ആരും ഒരു വിധത്തി​ലും അതിൽ കടക്കില്ല എന്നു ഞാൻ സത്യമാ​യി നിങ്ങ​ളോ​ടു പറയുന്നു.”+ 16 പിന്നെ യേശു കുട്ടി​കളെ കൈയിൽ എടുത്ത്‌ അവരുടെ മേൽ കൈകൾ വെച്ച്‌ അനു​ഗ്ര​ഹി​ച്ചു.+

17 യേശു പോകുന്ന വഴിക്ക്‌ ഒരു മനുഷ്യൻ ഓടി​വന്ന്‌ യേശു​വി​ന്റെ മുന്നിൽ മുട്ടു​കു​ത്തി, “നല്ലവനായ ഗുരുവേ, നിത്യ​ജീ​വൻ അവകാ​ശ​മാ​ക്കാൻ ഞാൻ എന്താണു ചെയ്യേ​ണ്ടത്‌” എന്നു ചോദി​ച്ചു.+ 18 യേശു അയാ​ളോ​ടു പറഞ്ഞു: “നീ എന്താണ്‌ എന്നെ നല്ലവൻ എന്നു വിളി​ക്കു​ന്നത്‌? ദൈവം ഒരുവ​ന​ല്ലാ​തെ നല്ലവൻ ആരുമില്ല.+ 19 ‘കൊല ചെയ്യരു​ത്‌,+ വ്യഭി​ചാ​രം ചെയ്യരു​ത്‌,+ മോഷ്ടി​ക്ക​രുത്‌,+ കള്ളസാക്ഷി പറയരു​ത്‌,+ വഞ്ചന കാണി​ക്ക​രുത്‌,+ നിന്റെ അപ്പനെ​യും അമ്മയെ​യും ബഹുമാ​നി​ക്കുക’+ എന്നീ കല്‌പ​നകൾ നിനക്ക്‌ അറിയാ​മ​ല്ലോ.” 20 അപ്പോൾ അയാൾ, “ഗുരുവേ, ഇക്കാര്യ​ങ്ങളെ​ല്ലാം ഞാൻ ചെറു​പ്പം​മു​തൽ അനുസ​രി​ക്കു​ന്നുണ്ട്‌” എന്നു പറഞ്ഞു. 21 യേശു അയാളെ നോക്കി. അയാ​ളോ​ടു സ്‌നേഹം തോന്നി​യിട്ട്‌ പറഞ്ഞു: “ഒരു കുറവ്‌ നിനക്കു​ണ്ട്‌: പോയി നിനക്കു​ള്ളതെ​ല്ലാം വിറ്റ്‌ ദരി​ദ്രർക്കു കൊടു​ക്കുക. അപ്പോൾ സ്വർഗ​ത്തിൽ നിനക്കു നിക്ഷേ​പ​മു​ണ്ടാ​കും. എന്നിട്ട്‌ വന്ന്‌ എന്റെ അനുഗാ​മി​യാ​കുക.”+ 22 എന്നാൽ അയാൾ ഇതു കേട്ട്‌ ആകെ സങ്കട​പ്പെട്ട്‌ അവി​ടെ​നിന്ന്‌ പോയി. കാരണം അയാൾക്കു ധാരാളം വസ്‌തു​വ​ക​ക​ളു​ണ്ടാ​യി​രു​ന്നു.+

23 യേശു ചുറ്റും നോക്കി​യിട്ട്‌ ശിഷ്യ​ന്മാരോട്‌, “സമ്പത്തു​ള്ള​വർക്കു ദൈവ​രാ​ജ്യ​ത്തിൽ കടക്കാൻ എത്ര പ്രയാ​സ​മാണ്‌!” എന്നു പറഞ്ഞു.+ 24 എന്നാൽ യേശു​വി​ന്റെ വാക്കുകൾ കേട്ട്‌ ശിഷ്യ​ന്മാർ അത്ഭുത​പ്പെട്ടു. അതു​കൊണ്ട്‌ യേശു അവരോ​ടു പറഞ്ഞു: “മക്കളേ, ദൈവ​രാ​ജ്യ​ത്തിൽ കടക്കാൻ എത്ര പ്രയാ​സ​മാണ്‌! 25 ഒരു ധനികൻ ദൈവ​രാ​ജ്യ​ത്തിൽ കടക്കു​ന്ന​തിനെ​ക്കാൾ എളുപ്പം ഒട്ടകം ഒരു സൂചി​ക്കു​ഴ​യി​ലൂ​ടെ കടക്കു​ന്ന​താണ്‌.”+ 26 അവർ മുമ്പ​ത്തെ​ക്കാൾ അതിശ​യിച്ച്‌ യേശു​വിനോട്‌,* “അങ്ങനെയെ​ങ്കിൽ ആരെങ്കി​ലും രക്ഷപ്പെ​ടു​മോ” എന്നു ചോദി​ച്ചു.+ 27 യേശു അവരെ​ത്തന്നെ നോക്കി ഇങ്ങനെ പറഞ്ഞു: “അതു മനുഷ്യർക്ക്‌ അസാധ്യം. എന്നാൽ ദൈവ​ത്തിന്‌ അങ്ങനെയല്ല. ദൈവ​ത്തിന്‌ എല്ലാം സാധ്യം.”+ 28 പത്രോസ്‌ യേശു​വിനോട്‌, “ഞങ്ങൾ എല്ലാം ഉപേക്ഷി​ച്ച്‌ അങ്ങയെ അനുഗ​മി​ച്ചി​രി​ക്കു​ന്നു” എന്നു പറഞ്ഞു.+ 29 യേശു അവരോ​ടു പറഞ്ഞു: “സത്യമാ​യി ഞാൻ നിങ്ങ​ളോ​ടു പറയുന്നു: എന്നെ​പ്ര​തി​യും ദൈവ​രാ​ജ്യത്തെ​ക്കു​റി​ച്ചുള്ള സന്തോ​ഷ​വാർത്തയെപ്ര​തി​യും വീടു​കളെ​യോ സഹോ​ദ​ര​ന്മാരെ​യോ സഹോ​ദ​രി​മാരെ​യോ അപ്പനെ​യോ അമ്മയെ​യോ മക്കളെ​യോ നിലങ്ങളെ​യോ ഉപേക്ഷിക്കേ​ണ്ടി​വന്ന ഏതൊരാൾക്കും+ 30 ഈ കാലത്തു​തന്നെ ഉപദ്ര​വത്തോ​ടു​കൂ​ടെ 100 മടങ്ങു വീടു​കളെ​യും സഹോ​ദ​ര​ന്മാരെ​യും സഹോ​ദ​രി​മാരെ​യും അമ്മമാരെ​യും മക്കളെ​യും നിലങ്ങളെ​യും ലഭിക്കും;+ വരാൻപോ​കുന്ന വ്യവസ്ഥിതിയിൽ* നിത്യ​ജീ​വ​നും! 31 എന്നാൽ മുമ്പന്മാർ പലരും പിമ്പന്മാ​രും പിമ്പന്മാർ മുമ്പന്മാ​രും ആകും.”+

32 അവർ യരുശലേ​മിലേ​ക്കുള്ള വഴിയേ പോകു​ക​യാ​യി​രു​ന്നു. യേശു അവരുടെ മുന്നി​ലാ​യാ​ണു നടന്നി​രു​ന്നത്‌. അവർ ആകെ ആശ്ചര്യ​ഭ​രി​ത​രാ​യി​രു​ന്നു. അവരെ അനുഗ​മി​ച്ചി​രു​ന്ന​വർക്കോ ഭയം തോന്നി. വീണ്ടും യേശു പന്ത്രണ്ടു പേരെ* അടുത്ത്‌ വിളിച്ച്‌ തനിക്കു സംഭവി​ക്കാ​നി​രി​ക്കുന്ന കാര്യ​ങ്ങളെ​ക്കു​റിച്ച്‌ അവരോ​ടു വിവരി​ച്ചു:+ 33 “നമ്മൾ ഇപ്പോൾ യരുശലേ​മിലേക്കു പോകു​ക​യാണ്‌. മനുഷ്യ​പുത്രനെ മുഖ്യ​പുരോ​ഹി​ത​ന്മാ​രുടെ​യും ശാസ്‌ത്രി​മാ​രുടെ​യും കൈയിൽ ഏൽപ്പി​ച്ചുകൊ​ടു​ക്കും. അവർ അവനെ മരണത്തി​നു വിധിച്ച്‌ ജനതക​ളിൽപ്പെ​ട്ട​വ​രു​ടെ കൈയിൽ ഏൽപ്പി​ക്കും. 34 അവർ അവനെ പരിഹ​സി​ക്കു​ക​യും അവന്റെ മേൽ തുപ്പു​ക​യും അവനെ ചാട്ടയ്‌ക്ക്‌ അടിക്കു​ക​യും കൊല്ലു​ക​യും ചെയ്യും. എന്നാൽ മൂന്നു ദിവസം കഴിഞ്ഞ്‌ മനുഷ്യ​പു​ത്രൻ ഉയിർത്തെ​ഴുന്നേൽക്കും.”+

35 സെബെദിയുടെ പുത്ര​ന്മാ​രായ യാക്കോ​ബും യോഹന്നാനും+ യേശു​വി​നെ സമീപി​ച്ച്‌, “ഗുരുവേ, ഞങ്ങൾ ചോദി​ക്കു​ന്നത്‌ എന്തായാ​ലും ചെയ്‌തു​ത​രണം” എന്നു പറഞ്ഞു.+ 36 യേശു അവരോ​ട്‌, “ഞാൻ എന്താണു ചെയ്‌തു​തരേ​ണ്ടത്‌” എന്നു ചോദി​ച്ചു. 37 അവർ യേശു​വിനോട്‌, “അങ്ങ്‌ മഹത്ത്വത്തോ​ടെ ഇരിക്കു​മ്പോൾ ഞങ്ങളിൽ ഒരാളെ അങ്ങയുടെ വലത്തും ഒരാളെ ഇടത്തും ഇരു​ത്തേ​ണമേ” എന്നു പറഞ്ഞു.+ 38 എന്നാൽ യേശു അവരോ​ടു പറഞ്ഞു: “നിങ്ങൾ ചോദി​ക്കു​ന്നത്‌ എന്താ​ണെന്നു നിങ്ങൾക്ക്‌ അറിയില്ല. ഞാൻ കുടി​ക്കുന്ന പാനപാ​ത്രം കുടി​ക്കാൻ നിങ്ങൾക്കു കഴിയു​മോ? ഞാൻ ഏൽക്കുന്ന സ്‌നാനം ഏൽക്കാൻ നിങ്ങൾക്കാ​കു​മോ?”+ 39 “ഞങ്ങൾക്കു കഴിയും” എന്ന്‌ അവർ പറഞ്ഞു. യേശു അവരോ​ടു പറഞ്ഞു: “ഞാൻ കുടി​ക്കുന്ന പാനപാ​ത്രം നിങ്ങൾ കുടി​ക്കു​ക​യും ഞാൻ ഏൽക്കുന്ന സ്‌നാനം നിങ്ങൾ ഏൽക്കു​ക​യും ചെയ്യും.+ 40 എന്നാൽ എന്റെ വലത്തോ ഇടത്തോ ഇരുത്തു​ന്നതു ഞാനല്ല. ആ സ്ഥാനങ്ങൾ ആർക്കുവേ​ണ്ടി​യാ​ണോ ഒരുക്കി​യി​രി​ക്കു​ന്നത്‌ അവർക്കു​ള്ള​താണ്‌.”

41 എന്നാൽ ഇതെക്കു​റിച്ച്‌ കേട്ട​പ്പോൾ മറ്റു പത്തു പേർക്കും യാക്കോ​ബിനോ​ടും യോഹ​ന്നാനോ​ടും അമർഷം തോന്നി.+ 42 എന്നാൽ യേശു അവരെ അടുത്ത്‌ വിളിച്ച്‌ ഇങ്ങനെ പറഞ്ഞു: “ജനതകൾ ഭരണാ​ധി​കാ​രി​ക​ളാ​യി കാണു​ന്നവർ അവരുടെ മേൽ ആധിപ​ത്യം നടത്തുന്നെ​ന്നും അവർക്കി​ട​യി​ലെ ഉന്നതർ അവരുടെ മേൽ അധികാ​രം പ്രയോ​ഗി​ക്കുന്നെ​ന്നും നിങ്ങൾക്ക്‌ അറിയാ​മ​ല്ലോ.+ 43 എന്നാൽ നിങ്ങൾക്കി​ട​യിൽ അങ്ങനെ​യാ​യി​രി​ക്ക​രുത്‌. നിങ്ങളിൽ വലിയ​വ​നാ​കാൻ ആഗ്രഹി​ക്കു​ന്നവൻ നിങ്ങൾക്കു ശുശ്രൂഷ ചെയ്യു​ന്ന​വ​നാ​യി​രി​ക്കണം.+ 44 നിങ്ങളിൽ ഒന്നാമ​നാ​കാൻ ആഗ്രഹി​ക്കു​ന്നവൻ നിങ്ങളു​ടെ അടിമ​യാ​യി​രി​ക്കണം. 45 കാരണം മനുഷ്യ​പുത്രൻപോ​ലും വന്നതു ശുശ്രൂ​ഷി​ക്കപ്പെ​ടാ​നല്ല, ശുശ്രൂഷിക്കാനും+ അനേകർക്കു​വേണ്ടി തന്റെ ജീവൻ മോചനവിലയായി* കൊടു​ക്കാ​നും ആണ്‌.”+

46 പിന്നെ അവർ യരീ​ഹൊ​യിൽ എത്തി. ശിഷ്യ​ന്മാരോ​ടും ഒരു വലിയ ജനക്കൂ​ട്ടത്തോ​ടും ഒപ്പം യേശു യരീഹൊ വിട്ട്‌ പോകു​മ്പോൾ ബർത്തി​മാ​യി (തിമാ​യി​യു​ടെ മകൻ) എന്ന അന്ധനായ ഒരു ഭിക്ഷക്കാ​രൻ വഴിയ​രി​കെ ഇരിപ്പു​ണ്ടാ​യി​രു​ന്നു.+ 47 നസറെത്തുകാരനായ യേശു​വാണ്‌ അതുവഴി പോകു​ന്നതെന്നു കേട്ട​പ്പോൾ അയാൾ, “ദാവീ​ദു​പു​ത്രാ,+ യേശുവേ, എന്നോടു കരുണ തോ​ന്നേ​ണമേ”+ എന്ന്‌ ഉറക്കെ വിളി​ച്ചു​പ​റ​യാൻതു​ടങ്ങി. 48 പലരും മിണ്ടാ​തി​രി​ക്കാൻ പറഞ്ഞ്‌ ശകാരിച്ചെ​ങ്കി​ലും അയാൾ, “ദാവീ​ദു​പു​ത്രാ, എന്നോടു കരുണ കാണി​ക്കണേ” എന്നു കൂടുതൽ ഉറക്കെ വിളി​ച്ചു​പ​റഞ്ഞു. 49 യേശു നിന്നിട്ട്‌, “അയാളെ ഇങ്ങു വിളിക്കൂ” എന്നു പറഞ്ഞു. അവർ അന്ധനായ ആ മനുഷ്യ​നെ വിളിച്ചു. അവർ പറഞ്ഞു: “ധൈര്യ​മാ​യി​രി​ക്കൂ. യേശു നിന്നെ വിളി​ക്കു​ന്നു. എഴു​ന്നേറ്റ്‌ വരൂ.” 50 അപ്പോൾ അയാൾ തന്റെ പുറങ്കു​പ്പാ​യം വലി​ച്ചെ​റിഞ്ഞ്‌ ചാടിയെ​ഴുന്നേറ്റ്‌ യേശു​വി​ന്റെ അടുത്ത്‌ ചെന്നു. 51 “ഞാൻ എന്താണു ചെയ്‌തു​തരേ​ണ്ടത്‌” എന്ന്‌ യേശു ചോദി​ച്ചപ്പോൾ, “റബ്ബോനീ,* എനിക്കു കാഴ്‌ച തിരി​ച്ചു​കി​ട്ടണം” എന്ന്‌ അന്ധനായ ആ മനുഷ്യൻ പറഞ്ഞു. 52 യേശു അയാ​ളോ​ടു പറഞ്ഞു: “പൊയ്‌ക്കൊ​ള്ളൂ. നിന്റെ വിശ്വാ​സം നിന്നെ സുഖ​പ്പെ​ടു​ത്തി​യി​രി​ക്കു​ന്നു.”+ ഉടനെ ബർത്തി​മാ​യി​ക്കു കാഴ്‌ച തിരി​ച്ചു​കി​ട്ടി.+ യാത്ര​യിൽ അയാളും യേശു​വി​നെ അനുഗ​മി​ച്ചു.

11 അവർ യാത്ര ചെയ്‌ത്‌ യരുശലേ​മിന്‌ അടുത്തുള്ള ഒലിവു​മ​ല​യി​ലെ ബേത്ത്‌ഫാഗ, ബഥാന്യ+ എന്നീ സ്ഥലങ്ങ​ളോട്‌ അടുത്ത​പ്പോൾ യേശു ശിഷ്യ​ന്മാ​രിൽ രണ്ടു പേരെ വിളിച്ച്‌+ 2 അവരോടു പറഞ്ഞു: “ആ കാണുന്ന ഗ്രാമ​ത്തിലേക്കു പോകുക. അവിടെ ചെല്ലു​മ്പോൾത്തന്നെ ആരും ഇതുവരെ കയറി​യി​ട്ടി​ല്ലാത്ത ഒരു കഴുത​ക്കു​ട്ടി​യെ കെട്ടി​യി​രി​ക്കു​ന്നതു കാണും. അതിനെ അഴിച്ച്‌ കൊണ്ടു​വ​രുക. 3 ‘നിങ്ങൾ എന്താണ്‌ ഈ ചെയ്യു​ന്നത്‌’ എന്ന്‌ ആരെങ്കി​ലും ചോദി​ച്ചാൽ, ‘കർത്താ​വിന്‌ ഇതിനെ ആവശ്യ​മുണ്ട്‌, ഉടൻതന്നെ ഇതിനെ തിരിച്ചെ​ത്തി​ക്കാം’ എന്നു പറയുക.” 4 അങ്ങനെ അവർ പോയി, തെരു​വിൽ ഒരു വീട്ടു​വാ​തിൽക്കൽ കഴുത​ക്കു​ട്ടി​യെ കെട്ടി​യി​രി​ക്കു​ന്നതു കണ്ട്‌ അതിനെ അഴിച്ചു.+ 5 എന്നാൽ അവിടെ നിന്നി​രു​ന്ന​വ​രിൽ ചിലർ അവരോ​ടു ചോദി​ച്ചു: “നിങ്ങൾ എന്താണ്‌ ഈ ചെയ്യു​ന്നത്‌, കഴുത​ക്കു​ട്ടി​യെ അഴിക്കു​ന്നോ?” 6 യേശു പറഞ്ഞി​രു​ന്ന​തുപോലെ​തന്നെ അവർ അവരോ​ടു പറഞ്ഞു. അവർ അവരെ പോകാൻ അനുവ​ദി​ച്ചു.

7 അവർ കഴുതക്കുട്ടിയെ+ യേശു​വി​ന്റെ അടുത്ത്‌ കൊണ്ടു​വന്ന്‌ അവരുടെ പുറങ്കു​പ്പാ​യങ്ങൾ അതിന്റെ മേൽ ഇട്ടു. യേശു അതിന്റെ പുറത്ത്‌ കയറി ഇരുന്നു.+ 8 പലരും അവരുടെ പുറങ്കു​പ്പാ​യങ്ങൾ വഴിയിൽ വിരിച്ചു. മറ്റു ചിലർ പറമ്പിൽനി​ന്ന്‌ പച്ചിലക്കൊ​മ്പു​കൾ വെട്ടിക്കൊ​ണ്ടു​വന്നു.+ 9 മുന്നിലും പിന്നി​ലും നടന്നി​രു​ന്നവർ ഇങ്ങനെ ആർത്തു​വി​ളി​ക്കു​ന്നു​ണ്ടാ​യി​രു​ന്നു: “ഓശാന!*+ യഹോവയുടെ* നാമത്തിൽ വരുന്നവൻ അനുഗൃ​ഹീ​തൻ!+ 10 നമ്മുടെ പിതാ​വായ ദാവീ​ദി​ന്റെ വരുവാ​നുള്ള രാജ്യം അനു​ഗ്ര​ഹി​ക്കപ്പെ​ട്ടത്‌!+ അത്യു​ന്ന​ത​ങ്ങ​ളിൽ വസിക്കു​ന്ന​വനേ, ഓശാന!”* 11 യരുശലേമിൽ എത്തിയ യേശു ദേവാ​ല​യ​ത്തിൽ ചെന്ന്‌ ചുറ്റു​പാ​ടു​മു​ള്ളതെ​ല്ലാം നോക്കി​ക്കണ്ടു. പക്ഷേ നേരം വൈകി​യ​തി​നാൽ യേശു പന്ത്രണ്ടു പേരോടൊപ്പം* ബഥാന്യ​യിലേക്കു പോയി.+

12 പിറ്റേന്ന്‌ അവർ ബഥാന്യ വിട്ടുപോ​രുമ്പോൾ യേശു​വി​നു വിശന്നു.+ 13 യേശു ദൂരത്തു​നിന്ന്‌ നിറയെ ഇലകളുള്ള ഒരു അത്തി മരം കണ്ടു. അതിൽനി​ന്ന്‌ എന്തെങ്കി​ലും കിട്ടു​മോ എന്ന്‌ അറിയാൻ അടു​ത്തേക്കു ചെന്നു. എന്നാൽ അതിൽ ഇലയല്ലാ​തെ ഒന്നും കണ്ടില്ല. കാരണം, അത്‌ അത്തിപ്പ​ഴ​ത്തി​ന്റെ കാലമ​ല്ലാ​യി​രു​ന്നു. 14 യേശു അതി​നോട്‌, “നിന്നിൽനി​ന്ന്‌ ഇനി ഒരിക്ക​ലും ആരും പഴം കഴിക്കാ​തി​രി​ക്കട്ടെ”+ എന്നു പറഞ്ഞു. യേശു​വി​ന്റെ ശിഷ്യ​ന്മാർ അതു ശ്രദ്ധി​ക്കു​ന്നു​ണ്ടാ​യി​രു​ന്നു.

15 അവർ യരുശലേ​മിൽ എത്തി. യേശു ദേവാ​ല​യ​ത്തിൽ ചെന്ന്‌ അവിടെ വിൽക്കു​ക​യും വാങ്ങു​ക​യും ചെയ്‌തി​രു​ന്ന​വരെ പുറത്താ​ക്കാൻതു​ടങ്ങി. നാണയം മാറ്റിക്കൊ​ടു​ക്കു​ന്ന​വ​രു​ടെ മേശക​ളും പ്രാവു​വിൽപ്പ​ന​ക്കാ​രു​ടെ ഇരിപ്പി​ട​ങ്ങ​ളും മറിച്ചി​ട്ടു.+ 16 ദേവാലയത്തിന്‌ ഉള്ളിലൂ​ടെ എന്തെങ്കി​ലും കൊണ്ടുപോ​കാൻ യേശു ആരെയും അനുവ​ദി​ച്ചില്ല. 17 യേശു അവരെ പഠിപ്പി​ക്കുമ്പോൾ ഇങ്ങനെ പറഞ്ഞു: “‘എന്റെ ഭവനം സകല ജനതകൾക്കു​മുള്ള പ്രാർഥ​നാ​ലയം എന്ന്‌ അറിയപ്പെ​ടും’ എന്ന്‌ എഴുതി​യി​ട്ടു​ണ്ട​ല്ലോ.+ നിങ്ങളോ അതിനെ കവർച്ച​ക്കാ​രു​ടെ ഗുഹയാ​ക്കി​യി​രി​ക്കു​ന്നു.”+ 18 ഇതെക്കുറിച്ച്‌ കേട്ട മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും യേശു​വി​നെ കൊല്ലാ​നുള്ള വഴി ആലോ​ചി​ച്ചു​തു​ടങ്ങി.+ എന്നാൽ അവർക്കു യേശു​വി​നെ പേടി​യാ​യി​രു​ന്നു. കാരണം, ജനമെ​ല്ലാം യേശു പഠിപ്പി​ക്കു​ന്നതു കേട്ട്‌ ആകെ അതിശ​യി​ച്ചുപോ​യി​രു​ന്നു.+

19 സന്ധ്യയായപ്പോൾ അവർ നഗരത്തിൽനി​ന്ന്‌ പോയി. 20 അതിരാവിലെ അവർ ആ അത്തിയു​ടെ അടുത്തു​കൂ​ടെ വരു​മ്പോൾ അതു വേര്‌ ഉൾപ്പെടെ ഉണങ്ങിപ്പോ​യി​രി​ക്കു​ന്നതു കണ്ടു.+ 21 അപ്പോൾ പത്രോ​സി​നു തലേദി​വ​സത്തെ സംഭവം ഓർമ വന്നു. പത്രോ​സ്‌ പറഞ്ഞു: “റബ്ബീ കണ്ടോ, അങ്ങ്‌ ശപിച്ച ആ അത്തി ഉണങ്ങിപ്പോ​യി.”+ 22 അപ്പോൾ യേശു അവരോ​ടു പറഞ്ഞു: “ദൈവ​ത്തിൽ വിശ്വാ​സ​മു​ണ്ടാ​യി​രി​ക്കുക. 23 ഹൃദയത്തിൽ സംശയി​ക്കാ​തെ, താൻ പറയു​ന്നതു സംഭവി​ക്കു​മെന്ന വിശ്വാ​സത്തോ​ടെ ആരെങ്കി​ലും ഈ മലയോ​ട്‌, ‘ഇളകിപ്പോ​യി കടലിൽ പതിക്കുക’ എന്നു പറഞ്ഞാൽ അവൻ പറഞ്ഞതുപോ​ലെ സംഭവി​ക്കും എന്നു ഞാൻ സത്യമാ​യി നിങ്ങ​ളോ​ടു പറയുന്നു.+ 24 അതുകൊണ്ട്‌ ഞാൻ നിങ്ങ​ളോ​ടു പറയുന്നു: നിങ്ങൾ പ്രാർഥി​ക്കു​ക​യും ചോദി​ക്കു​ക​യും ചെയ്യു​ന്നതൊ​ക്കെ നിങ്ങൾക്കു ലഭിച്ചു​ക​ഴിഞ്ഞെന്നു വിശ്വ​സി​ക്കുക. അപ്പോൾ അവ നിങ്ങൾക്കു ലഭിച്ചി​രി​ക്കും.+ 25 നിങ്ങൾ പ്രാർഥി​ച്ചുകൊണ്ട്‌ നിൽക്കു​മ്പോൾ, മറ്റുള്ള​വ​രു​മാ​യുള്ള എല്ലാ പ്രശ്‌ന​ങ്ങ​ളും ക്ഷമിച്ചു​ക​ള​യുക. അങ്ങനെ ചെയ്‌താൽ, സ്വർഗ​സ്ഥ​നായ നിങ്ങളു​ടെ പിതാവ്‌ നിങ്ങളു​ടെ തെറ്റു​ക​ളും ക്ഷമിക്കും.”+ 26 *——

27 അവർ വീണ്ടും യരുശലേ​മിൽ എത്തി. യേശു ദേവാ​ല​യ​ത്തി​ലൂ​ടെ നടക്കു​മ്പോൾ മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും മൂപ്പന്മാ​രും യേശു​വി​ന്റെ അടുത്ത്‌ വന്ന്‌ ചോദി​ച്ചു: 28 “നീ എന്ത്‌ അധികാ​ര​ത്തി​ലാണ്‌ ഇതൊക്കെ ചെയ്യു​ന്നത്‌? ആരാണു നിനക്ക്‌ ഈ അധികാ​രം തന്നത്‌?”+ 29 യേശു അവരോ​ടു പറഞ്ഞു: “ഞാനും നിങ്ങ​ളോട്‌ ഒരു ചോദ്യം ചോദി​ക്കും. അതിന്‌ ഉത്തരം പറഞ്ഞാൽ എന്ത്‌ അധികാ​ര​ത്തി​ലാണ്‌ ഇതൊക്കെ ചെയ്യു​ന്നതെന്നു ഞാനും പറയാം. 30 യോഹന്നാനാലുള്ള സ്‌നാനം+ സ്വർഗ​ത്തിൽനി​ന്നോ മനുഷ്യ​രിൽനി​ന്നോ?* പറയൂ.”+ 31 അപ്പോൾ അവർ പരസ്‌പരം പറഞ്ഞു: “‘സ്വർഗ​ത്തിൽനിന്ന്‌’ എന്നു പറഞ്ഞാൽ, ‘പിന്നെ നിങ്ങൾ എന്തു​കൊണ്ട്‌ യോഹ​ന്നാ​നെ വിശ്വ​സി​ച്ചില്ല’ എന്ന്‌ അവൻ ചോദി​ക്കും. 32 ‘മനുഷ്യ​രിൽനിന്ന്‌’ എന്നു പറയാമെ​ന്നുവെ​ച്ചാൽ എന്താകും നമ്മുടെ സ്ഥിതി?” യോഹ​ന്നാ​നെ ഒരു പ്രവാ​ച​ക​നാ​യി ജനം കണക്കാ​ക്കി​യി​രു​ന്ന​തുകൊണ്ട്‌ അവർക്ക്‌ അവരെ പേടി​യാ​യി​രു​ന്നു.+ 33 അതുകൊണ്ട്‌ അവർ യേശു​വിനോട്‌, “ഞങ്ങൾക്ക്‌ അറിയില്ല” എന്നു പറഞ്ഞു. അപ്പോൾ യേശു അവരോ​ട്‌, “എങ്കിൽ ഞാൻ ഇതൊക്കെ ചെയ്യു​ന്നത്‌ എന്ത്‌ അധികാ​ര​ത്തി​ലാണെന്നു ഞാനും നിങ്ങ​ളോ​ടു പറയു​ന്നില്ല” എന്നു പറഞ്ഞു.

12 പിന്നെ യേശു അവരോ​ടു ദൃഷ്ടാ​ന്തങ്ങൾ ഉപയോ​ഗിച്ച്‌ സംസാ​രി​ക്കാൻതു​ടങ്ങി: “ഒരാൾ ഒരു മുന്തി​രിത്തോ​ട്ടം നട്ടുപി​ടി​പ്പി​ച്ചു.+ അതിനു ചുറ്റും വേലി കെട്ടി. ഒരു മുന്തി​രി​ച്ചക്കു സ്ഥാപിച്ച്‌ വീഞ്ഞു​സം​ഭ​രണി കുഴി​ച്ചു​ണ്ടാ​ക്കി. ഒരു കാവൽഗോ​പു​ര​വും പണിതു.+ എന്നിട്ട്‌ അതു കൃഷി ചെയ്യാൻ പാട്ടത്തി​നു കൊടു​ത്തിട്ട്‌ വിദേ​ശത്തേക്കു പോയി.+ 2 വിളവെടുപ്പിനു സമയമാ​യപ്പോൾ തോട്ട​ത്തി​ലെ മുന്തി​രി​പ്പ​ഴ​ങ്ങ​ളു​ടെ ഓഹരി വാങ്ങാൻ അദ്ദേഹം ഒരു അടിമയെ ആ കൃഷി​ക്കാ​രു​ടെ അടു​ത്തേക്ക്‌ അയച്ചു. 3 എന്നാൽ അവർ അയാളെ പിടിച്ച്‌ തല്ലി വെറു​ങ്കൈയോ​ടെ തിരി​ച്ച​യച്ചു. 4 വീണ്ടും അദ്ദേഹം മറ്റൊരു അടിമയെ അവരുടെ അടു​ത്തേക്ക്‌ അയച്ചു. അവർ അയാളു​ടെ തലയ്‌ക്ക്‌ അടിച്ച്‌ പരി​ക്കേൽപ്പി​ക്കു​ക​യും അപമാ​നി​ക്കു​ക​യും ചെയ്‌തു.+ 5 അദ്ദേഹം മറ്റൊ​രാളെ​യും അയച്ചു. അവർ അയാളെ കൊന്നു​ക​ളഞ്ഞു. മറ്റു പലരെ​യും അദ്ദേഹം അയച്ചു. ചിലരെ അവർ തല്ലുക​യും ചിലരെ കൊല്ലു​ക​യും ചെയ്‌തു. 6 അയയ്‌ക്കാൻ ഇനി ഒരാൾക്കൂടെ​യു​ണ്ടാ​യി​രു​ന്നു, അദ്ദേഹ​ത്തി​ന്റെ പ്രിയ​പ്പെട്ട മകൻ!+ ‘എന്റെ മകനെ അവർ മാനി​ക്കും’ എന്നു പറഞ്ഞ്‌ ഒടുവിൽ മകനെ​യും അയച്ചു. 7 എന്നാൽ ആ കൃഷി​ക്കാർ തമ്മിൽത്ത​മ്മിൽ ഇങ്ങനെ പറഞ്ഞു: ‘ഇവനാണ്‌ അവകാശി.+ വരൂ, നമുക്ക്‌ ഇവനെ കൊന്നു​ക​ള​യാം. അപ്പോൾ സ്വത്തു നമ്മുടെ കൈയി​ലാ​കും.’ 8 അങ്ങനെ, അവർ അവനെ പിടിച്ച്‌ കൊന്ന്‌ മുന്തി​രിത്തോ​ട്ട​ത്തി​നു വെളി​യിലേക്ക്‌ എറിഞ്ഞു.+ 9 മുന്തിരിത്തോട്ടത്തിന്റെ ഉടമ ഇപ്പോൾ എന്തു ചെയ്യും? അദ്ദേഹം വന്ന്‌ ആ കൃഷി​ക്കാ​രെ കൊന്ന്‌ മുന്തി​രിത്തോ​ട്ടം വേറെ ആരെ​യെ​ങ്കി​ലും ഏൽപ്പി​ക്കും.+ 10 നിങ്ങൾ ഈ തിരുവെ​ഴുത്ത്‌ ഇതുവരെ വായി​ച്ചി​ട്ടി​ല്ലേ? ‘പണിയു​ന്നവർ തള്ളിക്കളഞ്ഞ കല്ലു മുഖ്യ മൂലക്ക​ല്ലാ​യി​ത്തീർന്നി​രി​ക്കു​ന്നു.*+ 11 ഇതിനു പിന്നിൽ യഹോ​വ​യാണ്‌;* നമുക്ക്‌ ഇതൊരു അതിശ​യം​തന്നെ.’”+

12 യേശു തങ്ങളെ ഉദ്ദേശി​ച്ചാണ്‌ ഈ ദൃഷ്ടാന്തം പറഞ്ഞ​തെന്ന്‌ അവർക്കു മനസ്സി​ലാ​യി. അതു​കൊണ്ട്‌ അവർ യേശു​വി​നെ പിടികൂടാൻ* ആഗ്രഹി​ച്ചു. എങ്കിലും ജനക്കൂ​ട്ടത്തെ പേടി​യാ​യി​രു​ന്ന​തുകൊണ്ട്‌ അവർ യേശു​വി​നെ വിട്ട്‌ പോയി.+

13 പിന്നെ അവർ യേശു​വി​നെ വാക്കിൽ കുടു​ക്കാൻവേണ്ടി പരീശ​ന്മാ​രി​ലും ഹെരോ​ദി​ന്റെ അനുയാ​യി​ക​ളി​ലും ചിലരെ യേശു​വി​ന്റെ അടു​ത്തേക്ക്‌ അയച്ചു.+ 14 അവർ വന്ന്‌ യേശു​വിനോ​ടു പറഞ്ഞു: “ഗുരുവേ, അങ്ങ്‌ സത്യസ​ന്ധ​നും ആളുക​ളു​ടെ അംഗീ​കാ​രം ആഗ്രഹി​ക്കാ​ത്ത​വ​നും ആണെന്നു ഞങ്ങൾക്ക്‌ അറിയാം. കാരണം അങ്ങ്‌ ആരു​ടെ​യും മുഖം നോക്കാ​റി​ല്ല​ല്ലോ. അങ്ങ്‌ ദൈവ​ത്തി​ന്റെ വഴി ശരിയായി* പഠിപ്പി​ക്കു​ന്നു. അതു​കൊണ്ട്‌ പറയൂ, സീസറി​നു തലക്കരം കൊടു​ക്കു​ന്നതു ശരിയാണോ* അല്ലയോ? 15 ഞങ്ങൾ അതു കൊടു​ക്ക​ണോ വേണ്ടയോ?” അവരുടെ കാപട്യം തിരി​ച്ച​റിഞ്ഞ്‌ യേശു അവരോ​ട്‌, “നിങ്ങൾ എന്തിനാ​ണ്‌ എന്നെ ഇങ്ങനെ പരീക്ഷി​ക്കു​ന്നത്‌? ഒരു ദിനാറെ* കൊണ്ടു​വരൂ, ഞാൻ നോക്കട്ടെ” എന്നു പറഞ്ഞു. 16 അവർ ഒരെണ്ണം കൊണ്ടു​വന്നു. യേശു അവരോ​ട്‌, “ഇതിലുള്ള ചിത്ര​വും എഴുത്തും ആരു​ടേ​താണ്‌” എന്നു ചോദി​ച്ചപ്പോൾ, “സീസറി​ന്റേത്‌” എന്ന്‌ അവർ പറഞ്ഞു. 17 അപ്പോൾ യേശു അവരോ​ട്‌, “സീസർക്കു​ള്ളതു സീസർക്കും+ ദൈവ​ത്തി​നു​ള്ളതു ദൈവ​ത്തി​നും കൊടു​ക്കുക”+ എന്നു പറഞ്ഞു. യേശു​വി​ന്റെ വാക്കുകൾ കേട്ട്‌ അവർ അതിശ​യി​ച്ചുപോ​യി.

18 പുനരുത്ഥാനമില്ലെന്നു പറയുന്ന സദൂക്യർ+ അപ്പോൾ യേശു​വി​ന്റെ അടുത്ത്‌ വന്ന്‌ ചോദി​ച്ചു:+ 19 “ഗുരുവേ, വിവാ​ഹി​ത​നായ ഒരാൾ മക്കളി​ല്ലാ​തെ മരിച്ചുപോ​യാൽ അയാളു​ടെ സഹോ​ദരൻ അയാളു​ടെ ഭാര്യയെ സ്വീക​രിച്ച്‌ സഹോ​ദ​ര​നുവേണ്ടി മക്കളെ ജനിപ്പിക്കേ​ണ്ട​താണെന്നു മോശ നമ്മളോ​ടു പറഞ്ഞി​ട്ടു​ണ്ട​ല്ലോ.+ 20 ഒരിടത്ത്‌ ഏഴു സഹോ​ദ​ര​ന്മാ​രു​ണ്ടാ​യി​രു​ന്നു. ഒന്നാമൻ ഒരു സ്‌ത്രീ​യെ വിവാഹം കഴിച്ചു. എന്നാൽ മക്കളി​ല്ലാ​തെ മരിച്ചു. 21 അപ്പോൾ രണ്ടാമൻ അവളെ സ്വീക​രി​ച്ചു. അയാളും മക്കളി​ല്ലാ​തെ മരിച്ചു. മൂന്നാ​മ​നും അങ്ങനെ​തന്നെ. 22 അങ്ങനെ ഏഴു പേരും മക്കളി​ല്ലാ​തെ മരിച്ചു. ഒടുവിൽ ആ സ്‌ത്രീ​യും മരിച്ചു. 23 പുനരുത്ഥാനത്തിൽ ആ സ്‌ത്രീ അവരിൽ ആരുടെ ഭാര്യ​യാ​യി​രി​ക്കും? ആ സ്‌ത്രീ ഏഴു പേരുടെ​യും ഭാര്യ​യാ​യി​രു​ന്ന​ല്ലോ.” 24 യേശു അവരോ​ടു പറഞ്ഞു: “തിരുവെ​ഴു​ത്തു​കളെ​ക്കു​റി​ച്ചോ ദൈവ​ത്തി​ന്റെ ശക്തി​യെ​ക്കു​റി​ച്ചോ അറിയാ​ത്ത​തുകൊ​ണ്ടല്ലേ നിങ്ങൾക്കു തെറ്റു പറ്റുന്നത്‌?+ 25 അവർ മരിച്ച​വ​രിൽനിന്ന്‌ ഉയിർക്കു​മ്പോൾ പുരു​ഷ​ന്മാർ വിവാഹം കഴിക്കു​ക​യോ സ്‌ത്രീ​കളെ വിവാഹം കഴിച്ചുകൊ​ടു​ക്കു​ക​യോ ഇല്ല. അവർ സ്വർഗ​ത്തി​ലെ ദൂതന്മാരെപ്പോലെ​യാ​യി​രി​ക്കും.+ 26 മരിച്ചവർ ഉയിർപ്പി​ക്കപ്പെ​ടു​ന്ന​തിനെ​ക്കു​റി​ച്ചോ, മോശ​യു​ടെ പുസ്‌ത​ക​ത്തി​ലെ മുൾച്ചെ​ടി​യു​ടെ വിവര​ണ​ത്തിൽ ദൈവം മോശ​യോ​ട്‌, ‘ഞാൻ അബ്രാ​ഹാ​മി​ന്റെ ദൈവ​വും യിസ്‌ഹാ​ക്കി​ന്റെ ദൈവ​വും യാക്കോ​ബി​ന്റെ ദൈവ​വും ആണ്‌’ എന്നു പറഞ്ഞതാ​യി നിങ്ങൾ വായി​ച്ചി​ട്ടി​ല്ലേ?+ 27 ദൈവം മരിച്ച​വ​രു​ടെ ദൈവമല്ല, ജീവനു​ള്ള​വ​രു​ടെ ദൈവ​മാണ്‌. നിങ്ങൾക്കു വലിയ തെറ്റു പറ്റിയി​രി​ക്കു​ന്നു.”+

28 അവിടെ വന്നിരുന്ന ശാസ്‌ത്രി​മാ​രിൽ ഒരാൾ അവർ തർക്കി​ക്കു​ന്നതു കേട്ടു. യേശു അവരുടെ ചോദ്യ​ത്തി​നു നന്നായി ഉത്തരം കൊടു​ത്തെന്നു മനസ്സി​ലാ​ക്കി ആ ശാസ്‌ത്രി യേശു​വിനോട്‌, “എല്ലാ കല്‌പ​ന​ക​ളി​ലുംവെച്ച്‌ ഏറ്റവും പ്രധാ​നപ്പെ​ട്ടത്‌ ഏതാണ്‌” എന്നു ചോദി​ച്ചു.+ 29 അപ്പോൾ യേശു പറഞ്ഞു: “ഒന്നാമ​ത്തേത്‌ ഇതാണ്‌: ‘ഇസ്രാ​യേലേ കേൾക്കുക, യഹോവ*—നമ്മുടെ ദൈവ​മായ യഹോവ*—ഒരുവനേ ഉള്ളൂ; 30 നിന്റെ ദൈവ​മായ യഹോവയെ* നീ നിന്റെ മുഴു​ഹൃ​ദ​യത്തോ​ടും നിന്റെ മുഴുദേഹിയോടും* നിന്റെ മുഴു​മ​നസ്സോ​ടും നിന്റെ മുഴു​ശ​ക്തിയോ​ടും കൂടെ സ്‌നേ​ഹി​ക്കണം.’+ 31 രണ്ടാമത്തേത്‌, ‘നിന്റെ അയൽക്കാ​രനെ നീ നിന്നെപ്പോലെ​തന്നെ സ്‌നേ​ഹി​ക്കണം’+ എന്നതും. ഇവയെ​ക്കാൾ വലിയ മറ്റൊരു കല്‌പ​ന​യു​മില്ല.” 32 ശാസ്‌ത്രി യേശു​വിനോ​ടു പറഞ്ഞു: “ഗുരുവേ, കൊള്ളാം, അങ്ങ്‌ പറഞ്ഞതു സത്യമാ​ണ്‌: ‘ദൈവം ഒരുവനേ ഉള്ളൂ; മറ്റൊരു ദൈവ​വു​മില്ല.’+ 33 ദൈവത്തെ മുഴു​ഹൃ​ദ​യത്തോ​ടും മുഴുചിന്താശേഷിയോടും* മുഴു​ശ​ക്തിയോ​ടും കൂടെ സ്‌നേ​ഹി​ക്കു​ന്ന​തും അയൽക്കാ​രനെ തന്നെ​പ്പോലെ​തന്നെ സ്‌നേ​ഹി​ക്കു​ന്ന​തും ആണ്‌ സമ്പൂർണ​ദ​ഹ​ന​യാ​ഗ​ങ്ങളെ​ക്കാ​ളും ബലികളെ​ക്കാ​ളും ഏറെ മൂല്യ​മു​ള്ളത്‌.”+ 34 ശാസ്‌ത്രി ബുദ്ധി​പൂർവം ഉത്തരം പറഞ്ഞെന്നു മനസ്സി​ലാ​ക്കി യേശു, “താങ്കൾ ദൈവ​രാ​ജ്യ​ത്തിൽനിന്ന്‌ അകലെയല്ല” എന്നു പറഞ്ഞു. പിന്നെ ആരും യേശു​വിനോട്‌ ഒന്നും ചോദി​ക്കാൻ ധൈര്യപ്പെ​ട്ടില്ല.+

35 ദേവാലയത്തിൽ പഠിപ്പി​ച്ചുകൊ​ണ്ടി​രി​ക്കുമ്പോൾ, യേശു അവരോ​ടു പറഞ്ഞു: “ക്രിസ്‌തു ദാവീ​ദി​ന്റെ മകനാ​ണെന്നു ശാസ്‌ത്രി​മാർ പറയു​ന്നത്‌ എങ്ങനെ ശരിയാ​കും?+ 36 ‘“ഞാൻ നിന്റെ ശത്രു​ക്കളെ നിന്റെ കാൽക്കീ​ഴാ​ക്കു​ന്ന​തു​വരെ എന്റെ വലതു​വ​ശത്ത്‌ ഇരിക്കുക” എന്ന്‌ യഹോവ* എന്റെ കർത്താ​വിനോ​ടു പറഞ്ഞു’+ എന്നു പരിശു​ദ്ധാ​ത്മാ​വി​നാൽ പ്രേരിതനായി+ ദാവീദ്‌ പറഞ്ഞല്ലോ. 37 ദാവീദുതന്നെ ക്രിസ്‌തു​വി​നെ ‘കർത്താവ്‌’ എന്നു വിളി​ക്കുന്ന സ്ഥിതിക്ക്‌, ക്രിസ്‌തു എങ്ങനെ ദാവീ​ദി​ന്റെ മകനാ​കും?”+

ആ വലിയ ജനക്കൂട്ടം യേശു പറയു​ന്നതെ​ല്ലാം ആസ്വദി​ച്ച്‌ കേട്ടുകൊ​ണ്ടി​രു​ന്നു. 38 പഠിപ്പിക്കുന്നതിനിടെ യേശു അവരോ​ട്‌ ഇങ്ങനെ​യും പറഞ്ഞു: “നീളൻ കുപ്പാ​യങ്ങൾ ധരിച്ച്‌ ചുറ്റി​ന​ട​ക്കാ​നും ചന്തസ്ഥല​ങ്ങ​ളിൽ അഭിവാ​ദനം ലഭിക്കാനും+ 39 സിനഗോഗുകളിൽ മുൻനിരയിൽ* ഇരിക്കാ​നും അത്താഴ​വി​രു​ന്നു​ക​ളിൽ പ്രമു​ഖ​സ്ഥാ​നങ്ങൾ കിട്ടാ​നും ആഗ്രഹി​ക്കുന്ന ശാസ്‌ത്രി​മാ​രെ സൂക്ഷി​ച്ചുകൊ​ള്ളുക.+ 40 അവർ വിധവ​മാ​രു​ടെ വീടുകൾ* വിഴു​ങ്ങു​ക​യും ആളുകളെ കാണി​ക്കാൻവേണ്ടി നീണ്ട പ്രാർഥ​നകൾ നടത്തു​ക​യും ചെയ്യുന്നു. അവർക്കു കിട്ടുന്ന ശിക്ഷാ​വി​ധി ഏറെ കടുത്ത​താ​യി​രി​ക്കും.”

41 യേശു, സംഭാ​വ​നപ്പെ​ട്ടി​കൾ കാണാ​വുന്ന ഒരിടത്ത്‌ പോയി ഇരുന്നു.+ എന്നിട്ട്‌ ആളുകൾ ആ പെട്ടി​ക​ളിൽ പണം ഇടുന്നതു നിരീ​ക്ഷി​ച്ചു. പണക്കാ​രായ പലരും ധാരാളം നാണയങ്ങൾ ഇടുന്നു​ണ്ടാ​യി​രു​ന്നു.+ 42 അപ്പോൾ ദരി​ദ്ര​യായ ഒരു വിധവ വന്ന്‌ തീരെ മൂല്യം കുറഞ്ഞ രണ്ടു ചെറുതുട്ടുകൾ* ഇട്ടു.+ 43 ഇതു കണ്ട യേശു ശിഷ്യ​ന്മാ​രെ അടുത്ത്‌ വിളിച്ച്‌ അവരോ​ടു പറഞ്ഞു: “ഞാൻ സത്യമാ​യി നിങ്ങ​ളോ​ടു പറയുന്നു: സംഭാ​വ​നപ്പെ​ട്ടി​ക​ളിൽ മറ്റെല്ലാ​വ​രും ഇട്ടതിനെ​ക്കാൾ കൂടു​ത​ലാ​ണു ദരി​ദ്ര​യായ ഈ വിധവ ഇട്ടത്‌.+ 44 അവരെല്ലാം ഇട്ടത്‌ അവരുടെ സമൃദ്ധി​യിൽനി​ന്നാണ്‌. പക്ഷേ ഈ വിധവ ഇല്ലായ്‌മയിൽനിന്ന്‌* തനിക്കു​ള്ളതെ​ല്ലാം, തന്റെ ഉപജീ​വ​ന​ത്തി​നുള്ള വക മുഴു​വ​നും, ഇട്ടു.”+

13 യേശു ദേവാ​ല​യ​ത്തിൽനിന്ന്‌ പുറ​ത്തേക്ക്‌ ഇറങ്ങു​മ്പോൾ ശിഷ്യ​ന്മാ​രിൽ ഒരാൾ യേശു​വിനോട്‌, “ഗുരുവേ, എത്ര മനോ​ഹ​ര​മായ കെട്ടി​ട​ങ്ങ​ളും കല്ലുക​ളും!” എന്നു പറഞ്ഞു.+ 2 എന്നാൽ യേശു ആ ശിഷ്യനോ​ടു പറഞ്ഞു: “ഈ വലിയ കെട്ടി​ടങ്ങൾ കാണു​ന്നി​ല്ലേ? എന്നാൽ ഒരു കല്ലിന്മേൽ മറ്റൊരു കല്ലു കാണാത്ത രീതി​യിൽ ഇതെല്ലാം ഇടിച്ചു​ത​കർക്കുന്ന സമയം വരും.”+

3 പിന്നെ യേശു ദേവാ​ല​യ​ത്തിന്‌ അഭിമു​ഖ​മാ​യി ഒലിവു​മ​ല​യിൽ ഇരിക്കു​മ്പോൾ പത്രോ​സും യാക്കോ​ബും യോഹ​ന്നാ​നും അന്ത്ര​യോ​സും തനിച്ച്‌ യേശു​വി​ന്റെ അടുത്ത്‌ വന്ന്‌ ഇങ്ങനെ ചോദി​ച്ചു: 4 “ഇതെല്ലാം എപ്പോ​ഴാ​യി​രി​ക്കും സംഭവി​ക്കുക? ഇതെല്ലാം അവസാ​നി​ക്കുന്ന കാലത്തി​ന്റെ അടയാളം എന്തായി​രി​ക്കും, ഞങ്ങൾക്കു പറഞ്ഞു​ത​രാ​മോ?”+ 5 അപ്പോൾ യേശു അവരോ​ടു പറഞ്ഞു: “ആരും നിങ്ങളെ വഴി​തെ​റ്റി​ക്കാ​തി​രി​ക്കാൻ സൂക്ഷി​ക്കണം.+ 6 ‘ഞാനാണു ക്രിസ്‌തു’ എന്നു പറഞ്ഞ്‌ പലരും എന്റെ നാമത്തിൽ വന്ന്‌ അനേകരെ വഴി​തെ​റ്റി​ക്കും. 7 യുദ്ധകോലാഹലങ്ങളും യുദ്ധങ്ങളെ​ക്കു​റി​ച്ചുള്ള വാർത്ത​ക​ളും കേൾക്കു​മ്പോൾ നിങ്ങൾ പേടി​ക്ക​രുത്‌. അവ സംഭവിക്കേ​ണ്ട​താണ്‌. എന്നാൽ അത്‌ അവസാ​നമല്ല.+

8 “ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും.+ ഒന്നിനു പുറകേ ഒന്നായി പല സ്ഥലങ്ങളിൽ ഭൂകമ്പങ്ങൾ ഉണ്ടാകും. കൂടാതെ, ഭക്ഷ്യക്ഷാ​മ​ങ്ങ​ളും ഉണ്ടാകും.+ ഇതൊക്കെ പ്രസവവേ​ദ​ന​യു​ടെ ആരംഭം മാത്ര​മാണ്‌.+

9 “നിങ്ങളോ ജാഗ്ര​തയോ​ടി​രി​ക്കുക. ആളുകൾ നിങ്ങളെ കോട​തി​യിൽ ഹാജരാ​ക്കും.+ സിന​ഗോ​ഗു​ക​ളിൽവെച്ച്‌ നിങ്ങളെ തല്ലുകയും+ എന്നെ​പ്രതി ഗവർണർമാ​രുടെ​യും രാജാ​ക്ക​ന്മാ​രുടെ​യും മുന്നിൽ ഹാജരാ​ക്കു​ക​യും ചെയ്യും. അങ്ങനെ അവരോ​ടു നിങ്ങളു​ടെ വിശ്വാ​സത്തെ​ക്കു​റിച്ച്‌ പറയാൻ നിങ്ങൾക്ക്‌ അവസരം കിട്ടും.+ 10 മാത്രമല്ല ആദ്യം ദൈവ​രാ​ജ്യത്തെ​ക്കു​റി​ച്ചുള്ള സന്തോ​ഷ​വാർത്ത സകല ജനതകളോ​ടും പ്രസം​ഗിക്കേ​ണ്ട​താണ്‌.+ 11 അവർ നിങ്ങളെ ഏൽപ്പി​ച്ചുകൊ​ടു​ക്കാൻ കൊണ്ടുപോ​കുമ്പോൾ, എന്തു പറയു​മെന്നു മുൻകൂ​ട്ടി ചിന്തിച്ച്‌ ഉത്‌ക​ണ്‌ഠപ്പെടേണ്ടാ. ആ സമയത്ത്‌ പരിശു​ദ്ധാ​ത്മാവ്‌ നിങ്ങൾക്കു നൽകു​ന്നത്‌ എന്തോ അതു പറയുക. കാരണം സംസാ​രി​ക്കു​ന്നതു നിങ്ങളല്ല, പരിശു​ദ്ധാ​ത്മാ​വാണ്‌.+ 12 കൂടാതെ സഹോ​ദരൻ സഹോ​ദ​രനെ​യും അപ്പൻ മകനെ​യും കൊല്ലാൻ ഏൽപ്പി​ച്ചുകൊ​ടു​ക്കും. മക്കൾ മാതാ​പി​താ​ക്കൾക്കെ​തി​രെ തിരിഞ്ഞ്‌ അവരെ കൊല്ലി​ക്കും.+ 13 എന്റെ പേര്‌ നിമിത്തം സകലരും നിങ്ങളെ വെറു​ക്കും.+ എന്നാൽ അവസാ​നത്തോ​ളം സഹിച്ചുനിൽക്കുന്നവൻ+ രക്ഷ നേടും.+

14 “എന്നാൽ നാശം വിതയ്‌ക്കുന്ന മ്ലേച്ഛവസ്‌തു+ നിൽക്ക​രു​താ​ത്തി​ടത്ത്‌ നിൽക്കു​ന്നതു കാണു​മ്പോൾ (വായന​ക്കാ​രൻ വിവേ​ചിച്ചെ​ടു​ക്കട്ടെ.) യഹൂദ്യ​യി​ലു​ള്ളവർ മലകളി​ലേക്ക്‌ ഓടിപ്പോ​കട്ടെ.+ 15 പുരമുകളിൽ നിൽക്കു​ന്നവൻ താഴെ ഇറങ്ങു​ക​യോ വീട്ടിൽനി​ന്ന്‌ എന്തെങ്കി​ലും എടുക്കാൻ അകത്ത്‌ കയറു​ക​യോ അരുത്‌. 16 വയലിലായിരിക്കുന്നവൻ പുറങ്കു​പ്പാ​യം എടുക്കാൻ വീട്ടി​ലേക്കു തിരി​ച്ചുപോ​ക​രുത്‌. 17 ആ നാളു​ക​ളിൽ ഗർഭി​ണി​ക​ളുടെ​യും മുലയൂ​ട്ടു​ന്ന​വ​രുടെ​യും കാര്യം കഷ്ടംതന്നെ!+ 18 അതു മഞ്ഞുകാ​ലത്ത്‌ സംഭവി​ക്കാ​തി​രി​ക്കാൻ പ്രാർഥി​ച്ചുകൊ​ണ്ടി​രി​ക്കുക. 19 കാരണം ദൈവം ലോകത്തെ സൃഷ്ടിച്ചതുമുതൽ* അന്നുവരെ സംഭവി​ച്ചി​ട്ടി​ല്ലാ​ത്ത​തും പിന്നെ ഒരിക്ക​ലും സംഭവി​ക്കി​ല്ലാ​ത്ത​തും ആയ കഷ്ടതയുടെ+ നാളു​ക​ളാ​യി​രി​ക്കും അവ.+ 20 യഹോവ* ആ നാളുകൾ വെട്ടി​ച്ചു​രു​ക്കു​ന്നില്ലെ​ങ്കിൽ ആരും രക്ഷപ്പെ​ടില്ല. എന്നാൽ താൻ തിര​ഞ്ഞെ​ടു​ത്തി​രി​ക്കു​ന്ന​വരെപ്രതി ദൈവം ആ നാളുകൾ വെട്ടി​ച്ചു​രു​ക്കും.+

21 “അന്ന്‌ ആരെങ്കി​ലും നിങ്ങ​ളോട്‌, ‘ഇതാ, ക്രിസ്‌തു ഇവിടെ’ എന്നോ ‘അതാ, അവിടെ’ എന്നോ പറഞ്ഞാൽ വിശ്വ​സി​ക്ക​രുത്‌;+ 22 കാരണം കള്ളക്രി​സ്‌തു​ക്ക​ളും കള്ളപ്ര​വാ​ച​ക​ന്മാ​രും എഴുന്നേറ്റ്‌+ കഴിയുമെ​ങ്കിൽ തിര​ഞ്ഞെ​ടു​ത്തി​രി​ക്കു​ന്ന​വരെപ്പോ​ലും വഴി​തെ​റ്റി​ക്കാൻ അടയാ​ള​ങ്ങ​ളും അത്ഭുത​ങ്ങ​ളും കാണി​ക്കും. 23 നിങ്ങൾ സൂക്ഷി​ച്ചുകൊ​ള്ളുക.+ എല്ലാം ഞാൻ മുൻകൂ​ട്ടി നിങ്ങ​ളോ​ടു പറഞ്ഞി​രി​ക്കു​ന്നു.

24 “എന്നാൽ അക്കാലത്ത്‌, ആ കഷ്ടതയ്‌ക്കു ശേഷം, സൂര്യൻ ഇരുണ്ടുപോ​കും. ചന്ദ്രൻ വെളിച്ചം തരില്ല.+ 25 നക്ഷത്രങ്ങൾ ആകാശ​ത്തു​നിന്ന്‌ വീഴും. ആകാശ​ത്തി​ലെ ശക്തികൾ ആടിയു​ല​യും. 26 അപ്പോൾ മനുഷ്യപുത്രൻ+ വലിയ ശക്തി​യോടെ​യും മഹത്ത്വത്തോടെ​യും മേഘങ്ങ​ളിൽ വരുന്നത്‌ അവർ കാണും.+ 27 പിന്നെ മനുഷ്യ​പു​ത്രൻ ദൂതന്മാ​രെ അയയ്‌ക്കും. തിര​ഞ്ഞെ​ടു​ത്തി​രി​ക്കു​ന്ന​വരെ അവർ ഭൂമി​യു​ടെ അറുതി​മു​തൽ ആകാശ​ത്തി​ന്റെ അറുതി​വരെ നാലു ദിക്കിൽനിന്നും* കൂട്ടി​ച്ചേർക്കും.+

28 “അത്തി മരത്തിന്റെ ദൃഷ്ടാ​ന്ത​ത്തിൽനിന്ന്‌ പഠിക്കുക: അതിന്റെ ഇളങ്കൊ​മ്പ്‌ തളിർക്കു​മ്പോൾ വേനൽ അടു​ത്തെന്നു നിങ്ങൾ അറിയു​ന്ന​ല്ലോ.+ 29 അതുപോലെ, ഇതെല്ലാം സംഭവി​ക്കു​ന്നതു കാണു​മ്പോൾ മനുഷ്യ​പു​ത്രൻ അടുത്ത്‌ എത്തി​യെന്ന്‌, അവൻ വാതിൽക്ക​ലുണ്ടെന്ന്‌, മനസ്സി​ലാ​ക്കിക്കൊ​ള്ളുക.+ 30 ഇതെല്ലാം സംഭവി​ക്കു​ന്ന​തു​വരെ ഈ തലമുറ ഒരു കാരണ​വ​ശാ​ലും നീങ്ങിപ്പോ​കില്ല എന്നു ഞാൻ സത്യമാ​യി നിങ്ങ​ളോ​ടു പറയുന്നു.+ 31 ആകാശവും ഭൂമി​യും നീങ്ങിപ്പോ​കും.+ എന്റെ വാക്കു​ക​ളോ ഒരിക്ക​ലും നീങ്ങിപ്പോ​കില്ല.+

32 “ആ ദിവസ​വും മണിക്കൂ​റും പിതാ​വി​ന​ല്ലാ​തെ ആർക്കും, സ്വർഗ​ത്തി​ലെ ദൂതന്മാർക്കോ പുത്ര​നുപോ​ലു​മോ അറിയില്ല.+ 33 അതുകൊണ്ട്‌ നോക്കി​യി​രി​ക്കൂ! ഉണർന്നി​രി​ക്കൂ!+ നിശ്ചയി​ച്ചി​രി​ക്കുന്ന സമയം നിങ്ങൾക്ക്‌ അറിയി​ല്ല​ല്ലോ.+ 34 ഒരു മനുഷ്യൻ വീടിന്റെ ചുമതല അടിമ​കളെ ഏൽപ്പി​ച്ചിട്ട്‌ ദൂര​ദേ​ശത്തേക്കു പോകു​ന്ന​തുപോലെ​യാണ്‌ അത്‌.+ അയാൾ അടിമ​ക​ളിൽ ഓരോ​രു​ത്തർക്കും ഓരോ ജോലി നൽകു​ക​യും ഉണർന്നി​രി​ക്കാൻ വാതിൽക്കാ​വൽക്കാ​രനോ​ടു കല്‌പി​ക്കു​ക​യും ചെയ്‌തു.+ 35 നിങ്ങളും എപ്പോ​ഴും ഉണർന്നി​രി​ക്കുക.* കാരണം വീട്ടു​കാ​രൻ വരുന്നതു സന്ധ്യക്കോ അർധരാത്രി​ക്കോ നേരം പുലരും​മുമ്പോ* അതിരാ​വിലെ​യോ എപ്പോ​ഴാണെന്ന്‌ അറിയില്ല.+ 36 ഓർക്കാപ്പുറത്ത്‌ വീട്ടു​കാ​രൻ വരു​മ്പോൾ നിങ്ങളെ ഉറങ്ങു​ന്ന​വ​രാ​യി കാണരു​ത​ല്ലോ.+ 37 നിങ്ങളോടു പറയു​ന്ന​തു​തന്നെ ഞാൻ എല്ലാവരോ​ടും പറയുന്നു: എപ്പോ​ഴും ഉണർന്നി​രി​ക്കുക.”*+

14 പെസഹയ്‌ക്കും+ പുളിപ്പില്ലാത്ത* അപ്പത്തിന്റെ ഉത്സവത്തിനും+ രണ്ടു ദിവസം​കൂ​ടി​യേ ഉണ്ടായി​രു​ന്നു​ള്ളൂ.+ മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും യേശു​വി​നെ തന്ത്രപൂർവം പിടികൂടി* കൊന്നു​ക​ള​യാൻ വഴി തേടു​ക​യാ​യി​രു​ന്നു.+ 2 എന്നാൽ അവർ പറഞ്ഞു: “ജനം ഇളകിയേ​ക്കാം. അതു​കൊണ്ട്‌ ഉത്സവത്തി​നു വേണ്ടാ.”

3 യേശു ബഥാന്യ​യിൽ കുഷ്‌ഠരോ​ഗി​യായ ശിമോ​ന്റെ വീട്ടിൽ ഭക്ഷണത്തി​ന്‌ ഇരിക്കു​മ്പോൾ ഒരു സ്‌ത്രീ ഒരു വെൺകൽഭ​രണി നിറയെ വളരെ വിലപി​ടി​പ്പുള്ള, ശുദ്ധമായ ജടാമാം​സി തൈലവുമായി* വന്നു. ആ സ്‌ത്രീ വെൺകൽഭ​രണി തുറന്ന്‌ തൈലം യേശു​വി​ന്റെ തലയിൽ ഒഴിച്ചു.+ 4 ഇതിൽ അമർഷം​പൂണ്ട്‌ ചിലർ തമ്മിൽത്ത​മ്മിൽ ഇങ്ങനെ പറഞ്ഞു: “ഈ സുഗന്ധ​തൈലം ഇങ്ങനെ പാഴാ​ക്കി​യത്‌ എന്തിനാ​ണ്‌? 5 ഇതു വിറ്റാൽ 300 ദിനാറെയിൽ* കൂടുതൽ കിട്ടി​യേനേ. ആ പണം വല്ല ദരി​ദ്രർക്കും കൊടു​ക്കാ​മാ​യി​രു​ന്നു.” അവർക്ക്‌ ആ സ്‌ത്രീയോ​ടു കടുത്ത ദേഷ്യം തോന്നി.* 6 പക്ഷേ യേശു അവരോ​ടു പറഞ്ഞു: “അവളെ വെറുതേ വിടൂ. നിങ്ങൾ എന്തിനാ​ണ്‌ ഈ സ്‌ത്രീ​യെ ഇങ്ങനെ വിഷമി​പ്പി​ക്കു​ന്നത്‌? അവൾ എനിക്കു​വേണ്ടി ഒരു നല്ല കാര്യ​മല്ലേ ചെയ്‌തത്‌?+ 7 ദരിദ്രർ എപ്പോ​ഴും നിങ്ങളുടെ​കൂടെ​യു​ണ്ട​ല്ലോ.+ എപ്പോൾ വേണ​മെ​ങ്കി​ലും അവർക്കു നന്മ ചെയ്യാ​നും നിങ്ങൾക്കു പറ്റും. എന്നാൽ ഞാൻ എപ്പോ​ഴും നിങ്ങളുടെ​കൂടെ​യു​ണ്ടാ​യി​രി​ക്കില്ല.+ 8 ഇവളെക്കൊണ്ട്‌ പറ്റുന്നത്‌ ഇവൾ ചെയ്‌തു. എന്റെ ശവസം​സ്‌കാ​ര​ത്തി​നുള്ള ഒരുക്ക​മാ​യി ഇവൾ മുൻകൂ​ട്ടി എന്റെ ശരീര​ത്തിൽ സുഗന്ധ​തൈലം ഒഴിച്ച​താണ്‌.+ 9 ലോകത്ത്‌ എവിടെ ദൈവ​രാ​ജ്യത്തെ​ക്കു​റി​ച്ചുള്ള സന്തോ​ഷ​വാർത്ത പ്രസംഗിച്ചാലും+ അവി​ടെയെ​ല്ലാം ആളുകൾ ഈ സ്‌ത്രീ ചെയ്‌ത​തിനെ​ക്കു​റിച്ച്‌ പറയു​ക​യും ഇവളെ ഓർക്കു​ക​യും ചെയ്യും എന്നു ഞാൻ സത്യമാ​യി നിങ്ങ​ളോ​ടു പറയുന്നു.”+

10 പന്ത്രണ്ടു പേരിൽ* ഒരാളായ യൂദാസ്‌ ഈസ്‌ക​ര്യോ​ത്ത്‌ യേശു​വി​നെ ഒറ്റി​ക്കൊ​ടു​ക്കാമെന്നു പറഞ്ഞ്‌ മുഖ്യ​പുരോ​ഹി​ത​ന്മാ​രു​ടെ അടുത്ത്‌ ചെന്നു.+ 11 അതു കേട്ട​പ്പോൾ അവർക്കു വലിയ സന്തോ​ഷ​മാ​യി. യൂദാ​സിന്‌ അവർ പണം*+ കൊടു​ക്കാമെന്നു പറഞ്ഞു. അങ്ങനെ, യൂദാസ്‌ യേശു​വി​നെ ഒറ്റി​ക്കൊ​ടു​ക്കാൻ തക്കം​നോ​ക്കി നടന്നു.

12 പെസഹാമൃഗത്തെ അറുക്കുന്ന, പുളി​പ്പി​ല്ലാത്ത അപ്പത്തിന്റെ ഒന്നാം ദിവസം+ ശിഷ്യ​ന്മാർ യേശു​വിനോ​ടു ചോദി​ച്ചു: “അങ്ങയ്‌ക്കു പെസഹ ഭക്ഷിക്കാൻ+ ഞങ്ങൾ അത്‌ എവിടെ ഒരുക്കണം?”+ 13 അപ്പോൾ യേശു ശിഷ്യ​ന്മാ​രിൽ രണ്ടു പേരോ​ടു പറഞ്ഞു: “നഗരത്തി​ലേക്കു പോകുക. അവിടെ ഒരാൾ ഒരു മൺകു​ട​ത്തിൽ വെള്ളവു​മാ​യി നിങ്ങളു​ടെ നേരെ വരും. അയാളു​ടെ പിന്നാലെ ചെല്ലുക.+ 14 അയാൾ കയറിപ്പോ​കുന്ന വീട്ടിൽ ചെന്ന്‌ വീട്ടു​കാ​രനോട്‌, ‘“എനിക്ക്‌ എന്റെ ശിഷ്യ​ന്മാ​രുടെ​കൂ​ടെ പെസഹ ഭക്ഷിക്കാ​നുള്ള മുറി എവി​ടെ​യാണ്‌” എന്നു ഗുരു ചോദി​ക്കു​ന്നു’ എന്നു പറയണം. 15 മുകളിലത്തെ നിലയിൽ വേണ്ട സൗകര്യ​ങ്ങളെ​ല്ലാ​മുള്ള ഒരു വലിയ മുറി അയാൾ നിങ്ങൾക്കു കാണി​ച്ചു​ത​രും. അവിടെ നമുക്കു​വേണ്ടി പെസഹ ഒരുക്കുക.” 16 അങ്ങനെ, ശിഷ്യ​ന്മാർ നഗരത്തിൽ ചെന്നു. യേശു പറഞ്ഞതുപോലെ​തന്നെ എല്ലാം സംഭവി​ച്ചു. അവർ പെസഹ​യ്‌ക്കുള്ള ഒരുക്കങ്ങൾ നടത്തി.

17 സന്ധ്യയായപ്പോൾ യേശു പന്ത്രണ്ടു പേരോടൊ​പ്പം അവിടെ ചെന്നു.+ 18 മേശയ്‌ക്കൽ ഭക്ഷണം കഴിച്ചുകൊ​ണ്ടി​രി​ക്കുമ്പോൾ യേശു അവരോ​ടു പറഞ്ഞു: “സത്യമാ​യി ഞാൻ നിങ്ങ​ളോ​ടു പറയുന്നു, എന്നോടൊ​പ്പം ഭക്ഷണം കഴിച്ചുകൊ​ണ്ടി​രി​ക്കുന്ന നിങ്ങളിൽ ഒരാൾ എന്നെ ഒറ്റി​ക്കൊ​ടു​ക്കും.”+ 19 ദുഃഖത്തോടെ അവരെ​ല്ലാം മാറി​മാ​റി, “അതു ഞാനല്ല​ല്ലോ, അല്ലേ” എന്ന്‌ യേശു​വിനോ​ടു ചോദി​ക്കാൻതു​ടങ്ങി. 20 യേശു അവരോ​ടു പറഞ്ഞു: “അതു നിങ്ങൾ പന്ത്രണ്ടു പേരിൽ ഒരാളാ​ണ്‌, എന്നോടൊ​പ്പം പാത്ര​ത്തിൽ അപ്പം മുക്കു​ന്നവൻ.+ 21 തന്നെക്കുറിച്ച്‌ എഴുതി​യി​രി​ക്കു​ന്ന​തുപോലെ​തന്നെ മനുഷ്യ​പു​ത്രൻ പോകു​ന്നു. എന്നാൽ മനുഷ്യ​പുത്രനെ ഒറ്റി​ക്കൊ​ടു​ക്കു​ന്ന​വന്റെ കാര്യം കഷ്ടം!+ ജനിക്കാ​തി​രി​ക്കു​ന്ന​താ​യി​രു​ന്നു ആ മനുഷ്യ​നു നല്ലത്‌.”+

22 അവർ കഴിച്ചുകൊ​ണ്ടി​രി​ക്കുമ്പോൾ യേശു ഒരു അപ്പം എടുത്ത്‌ പ്രാർഥി​ച്ച്‌ നുറുക്കി അവർക്കു കൊടു​ത്തുകൊണ്ട്‌, “ഇതാ, ഇതു വാങ്ങൂ, ഇത്‌ എന്റെ ശരീര​ത്തി​ന്റെ പ്രതീ​ക​മാണ്‌” എന്നു പറഞ്ഞു.+ 23 പിന്നെ യേശു ഒരു പാനപാ​ത്രം എടുത്ത്‌ നന്ദി പറഞ്ഞ​ശേഷം അവർക്കു കൊടു​ത്തു. അവർ എല്ലാവ​രും അതിൽനി​ന്ന്‌ കുടിച്ചു.+ 24 യേശു അവരോ​ടു പറഞ്ഞു: “ഇത്‌ അനേകർക്കു​വേണ്ടി ഞാൻ ചൊരി​യാൻപോ​കുന്ന, ‘ഉടമ്പടിയുടെ+ രക്ത’ത്തിന്റെ+ പ്രതീ​ക​മാണ്‌.+ 25 ദൈവരാജ്യത്തിൽ പുതിയ വീഞ്ഞു കുടി​ക്കുന്ന നാൾവരെ മുന്തി​രി​വ​ള്ളി​യു​ടെ ഈ ഉത്‌പന്നം ഞാൻ ഇനി കുടി​ക്കില്ല എന്നു സത്യമാ​യി നിങ്ങ​ളോ​ടു പറയുന്നു.” 26 ഒടുവിൽ സ്‌തുതിഗീതങ്ങൾ* പാടി​യിട്ട്‌ അവർ ഒലിവു​മ​ല​യിലേക്കു പോയി.+

27 യേശു അവരോ​ടു പറഞ്ഞു: “നിങ്ങൾ എല്ലാവ​രും എന്നെ ഉപേക്ഷി​ക്കും.* കാരണം, ‘ഞാൻ ഇടയനെ വെട്ടും,+ ആടുകൾ ചിതറിപ്പോ​കും’+ എന്ന്‌ എഴുതി​യി​ട്ടു​ണ്ട​ല്ലോ. 28 എന്നാൽ ഉയിർപ്പി​ക്കപ്പെ​ട്ടശേഷം ഞാൻ നിങ്ങൾക്കു മുമ്പേ ഗലീല​യ്‌ക്കു പോകും.”+ 29 അപ്പോൾ പത്രോ​സ്‌ യേശു​വിനോട്‌, “മറ്റെല്ലാ​വ​രും അങ്ങയെ ഉപേക്ഷി​ച്ചാ​ലും ഞാൻ ഉപേക്ഷി​ക്കില്ല”*+ എന്നു പറഞ്ഞു. 30 യേശു പത്രോ​സിനോ​ടു പറഞ്ഞു: “ഇന്ന്‌ ഈ രാത്രി​യിൽത്തന്നെ, കോഴി രണ്ടു തവണ കൂകും​മുമ്പ്‌ നീ എന്നെ മൂന്നു പ്രാവ​ശ്യം തള്ളിപ്പ​റ​യും എന്നു ഞാൻ സത്യമാ​യി നിന്നോ​ടു പറയുന്നു.”+ 31 എന്നാൽ പത്രോ​സ്‌, “അങ്ങയുടെ​കൂ​ടെ മരി​ക്കേ​ണ്ടി​വ​ന്നാ​ലും ഞാൻ ഒരിക്ക​ലും അങ്ങയെ തള്ളിപ്പ​റ​യില്ല” എന്നു പറഞ്ഞുകൊണ്ടേ​യി​രു​ന്നു. മറ്റുള്ള​വ​രും അങ്ങനെ​തന്നെ പറഞ്ഞു.+

32 പിന്നീട്‌ അവർ ഗത്ത്‌ശെമന എന്ന സ്ഥലത്ത്‌ എത്തി. യേശു ശിഷ്യ​ന്മാരോ​ടു പറഞ്ഞു: “ഞാൻ ഒന്നു പ്രാർഥി​ച്ചിട്ട്‌ വരാം. നിങ്ങൾ ഇവിടെ ഇരിക്ക്‌.”+ 33 യേശു പത്രോ​സിനെ​യും യാക്കോ​ബിനെ​യും യോഹ​ന്നാനെ​യും കൂടെ കൊണ്ടുപോ​യി.+ യേശു​വി​ന്റെ ഉള്ളിൽ ദുഃഖം നിറഞ്ഞ്‌ മനസ്സു വല്ലാതെ അസ്വസ്ഥ​മാ​കാൻതു​ട​ങ്ങി​യി​രു​ന്നു. 34 യേശു അവരോ​ടു പറഞ്ഞു: “എന്റെ ഉള്ളിലെ വേദന മരണ​വേ​ദ​നപോ​ലെ അതിക​ഠി​ന​മാണ്‌.+ നിങ്ങൾ ഇവിടെ ഉണർന്നി​രി​ക്കൂ.”*+ 35 എന്നിട്ട്‌ യേശു അൽപ്പം മുന്നോ​ട്ടുപോ​യി കമിഴ്‌ന്നു​വീണ്‌, കഴിയുമെ​ങ്കിൽ ഈ കഷ്ടാനുഭവം* നീങ്ങിപ്പോ​കാൻ ഇടയാക്കേ​ണമേ എന്നു പ്രാർഥി​ച്ചു. 36 യേശു പറഞ്ഞു: “അബ്ബാ,* പിതാവേ,+ അങ്ങയ്‌ക്ക്‌ എല്ലാം സാധ്യ​മാണ്‌. ഈ പാനപാ​ത്രം എന്നിൽനി​ന്ന്‌ നീക്കേ​ണമേ. എങ്കിലും എന്റെ ഇഷ്ടമല്ല, അങ്ങയുടെ ഇഷ്ടം നടക്കട്ടെ.”+ 37 യേശു തിരി​ച്ചുചെ​ന്നപ്പോൾ അവർ ഉറങ്ങു​ന്നതു കണ്ട്‌ പത്രോ​സിനോ​ടു ചോദി​ച്ചു: “ശിമോ​നേ, നീ ഉറങ്ങു​ക​യാ​ണോ? ഒരു മണിക്കൂ​റുപോ​ലും ഉണർന്നിരിക്കാൻ* കഴിയു​ന്നി​ല്ലേ?+ 38 പ്രലോഭനത്തിൽ അകപ്പെ​ടാ​തി​രി​ക്കാൻ നിങ്ങൾ എപ്പോ​ഴും ഉണർന്നിരുന്ന്‌* പ്രാർഥി​ക്കണം.+ ആത്മാവ്‌* തയ്യാറാണെങ്കിലും* ശരീരം ബലഹീ​ന​മാണ്‌, അല്ലേ?”+ 39 യേശു പിന്നെ​യും പോയി അതേ കാര്യം പറഞ്ഞ്‌ പ്രാർഥി​ച്ചു.+ 40 വീണ്ടും യേശു ചെന്ന​പ്പോൾ അവർ ഉറങ്ങു​ന്ന​താ​ണു കണ്ടത്‌; ഉറക്കക്ഷീ​ണം കാരണം അവരുടെ കണ്ണ്‌ അടഞ്ഞുപോ​യി. അതു​കൊണ്ട്‌ യേശു​വിനോട്‌ എന്തു പറയണ​മെന്ന്‌ അവർക്ക്‌ അറിയി​ല്ലാ​യി​രു​ന്നു. 41 മൂന്നാമതു യേശു ചെന്ന​പ്പോൾ അവരോ​ടു പറഞ്ഞു: “ഇങ്ങനെ​യുള്ള ഒരു സമയത്താ​ണോ നിങ്ങൾ ഉറങ്ങി വിശ്ര​മി​ക്കു​ന്നത്‌? മതി! സമയം വന്നിരി​ക്കു​ന്നു!+ ഇതാ, മനുഷ്യ​പുത്രനെ പാപി​കൾക്ക്‌ ഒറ്റി​ക്കൊ​ടുത്ത്‌ അവരുടെ കൈയിൽ ഏൽപ്പി​ക്കാൻപോ​കു​ന്നു. 42 എഴുന്നേൽക്ക്‌, നമുക്കു പോകാം. ഇതാ, എന്നെ ഒറ്റി​ക്കൊ​ടു​ക്കു​ന്നവൻ അടുത്ത്‌ എത്തിയി​രി​ക്കു​ന്നു.”+

43 യേശു ഇതു പറഞ്ഞുകൊ​ണ്ടി​രു​ന്നപ്പോൾത്തന്നെ, പന്ത്രണ്ടു പേരിൽ ഒരാളായ യൂദാസ്‌ അവിടെ എത്തി. മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും മൂപ്പന്മാ​രും അയച്ച ഒരു ജനക്കൂട്ടം വാളു​ക​ളും വടിക​ളും പിടിച്ച്‌ യൂദാ​സിന്റെ​കൂടെ​യു​ണ്ടാ​യി​രു​ന്നു.+ 44 യേശുവിനെ ഒറ്റി​ക്കൊ​ടു​ക്കു​ന്നവൻ അവരു​മാ​യി ഒരു അടയാളം പറഞ്ഞൊ​ത്തി​രു​ന്നു: “ഞാൻ ആരെയാ​ണോ ചുംബി​ക്കു​ന്നത്‌, അയാളാ​ണു നിങ്ങൾ അന്വേ​ഷി​ക്കു​ന്നവൻ. അയാളെ പിടിച്ച്‌ കൊണ്ടുപൊ​യ്‌ക്കൊ​ള്ളൂ, രക്ഷപ്പെ​ടാ​തെ നോക്കണം.” 45 അങ്ങനെ യൂദാസ്‌ നേരെ ചെന്ന്‌, “റബ്ബീ” എന്നു വിളിച്ച്‌ വളരെ സ്‌നേ​ഹത്തോ​ടെ യേശു​വി​നെ ചുംബി​ച്ചു. 46 അപ്പോൾ അവർ യേശു​വി​നെ പിടി​കൂ​ടി. 47 എന്നാൽ അടുത്ത്‌ നിന്നവ​രിൽ ഒരാൾ തന്റെ വാൾ വലിച്ചൂ​രി മഹാപുരോ​ഹി​തന്റെ അടിമയെ വെട്ടി. അയാളു​ടെ ചെവി അറ്റു​പോ​യി.+ 48 അപ്പോൾ യേശു അവരോ​ടു ചോദി​ച്ചു: “നിങ്ങൾ എന്താ ഒരു കള്ളനെ പിടി​ക്കാൻ വരുന്ന​തുപോ​ലെ വാളും വടിക​ളും ഒക്കെയാ​യി എന്നെ പിടി​ക്കാൻ വന്നിരി​ക്കു​ന്നത്‌?+ 49 ദേവാലയത്തിൽ പഠിപ്പി​ച്ചുകൊണ്ട്‌ ഞാൻ ദിവസ​വും നിങ്ങ​ളോടൊ​പ്പ​മു​ണ്ടാ​യി​രു​ന്ന​ല്ലോ.+ എന്നിട്ടും നിങ്ങൾ എന്നെ പിടി​ച്ചില്ല. എന്നാൽ തിരുവെ​ഴു​ത്തു​കൾ നിറ​വേ​റാ​നാണ്‌ ഇപ്പോൾ ഇതു സംഭവി​ച്ചത്‌.”+

50 അപ്പോൾ ശിഷ്യ​ന്മാരെ​ല്ലാം യേശു​വി​നെ വിട്ട്‌ ഓടിപ്പോ​യി.+ 51 എന്നാൽ നേർത്ത ഒരു ലിനൻ വസ്‌ത്രം മാത്രം ദേഹത്ത്‌ ധരിച്ച്‌ ഒരു യുവാവ്‌ യേശു​വി​ന്റെ തൊട്ടു​പി​ന്നാ​ലെ ചെല്ലു​ന്നു​ണ്ടാ​യി​രു​ന്നു. അവർ അയാളെ പിടി​ക്കാൻ ശ്രമിച്ചു. 52 എന്നാൽ അയാൾ വസ്‌ത്രം ഉപേക്ഷി​ച്ച്‌ നഗ്നനായി* ഓടിപ്പോ​യി.

53 പിന്നെ അവർ യേശു​വി​നെ മഹാപുരോ​ഹി​തന്റെ അടു​ത്തേക്കു കൊണ്ടുപോ​യി.+ എല്ലാ മുഖ്യ​പുരോ​ഹി​ത​ന്മാ​രും മൂപ്പന്മാ​രും ശാസ്‌ത്രി​മാ​രും അവിടെ ഒരുമി​ച്ചു​കൂ​ടി.+ 54 പത്രോസ്‌ കുറെ അകലം പാലിച്ച്‌ യേശു​വി​ന്റെ പിന്നാലെ ചെല്ലു​ന്നു​ണ്ടാ​യി​രു​ന്നു. മഹാപുരോ​ഹി​തന്റെ വീടിന്റെ നടുമു​റ്റം​വരെ പത്രോ​സ്‌ ചെന്നു. എന്നിട്ട്‌ ആ വീട്ടിലെ പരിചാ​ര​കരോടൊ​പ്പം തീ കാഞ്ഞുകൊ​ണ്ടി​രു​ന്നു.+ 55 അപ്പോൾ മുഖ്യ​പുരോ​ഹി​ത​ന്മാ​രും സൻഹെദ്രിൻ* മുഴു​വ​നും യേശു​വി​നെ കൊല്ലാൻവേണ്ടി യേശു​വിന്‌ എതിരെ തെളി​വു​കൾ അന്വേ​ഷി​ക്കു​ക​യാ​യി​രു​ന്നു. എന്നാൽ അവർക്ക്‌ ഒന്നും കണ്ടെത്താ​നാ​യില്ല.+ 56 കള്ളസാക്ഷികൾ പലരും വന്ന്‌ യേശു​വിന്‌ എതിരെ മൊഴി കൊടുത്തെങ്കിലും+ അവരുടെ മൊഴി​കൾ പരസ്‌പ​ര​വി​രു​ദ്ധ​മാ​യി​രു​ന്നു. 57 മറ്റു ചില കള്ളസാ​ക്ഷി​കൾ എഴു​ന്നേറ്റ്‌ ഇങ്ങനെ മൊഴി കൊടു​ത്തു: 58 “‘കൈ​കൊണ്ട്‌ പണിത ഈ ദേവാ​ലയം ഇടിച്ചു​ക​ളഞ്ഞ്‌ കൈ​കൊ​ണ്ട​ല്ലാ​തെ മറ്റൊന്നു മൂന്നു ദിവസ​ത്തി​നകം ഞാൻ പണിയും’+ എന്ന്‌ ഇവൻ പറയു​ന്നതു ഞങ്ങൾ കേട്ടു.” 59 എന്നാൽ ഇക്കാര്യ​ത്തി​ലും അവരുടെ മൊഴി​കൾ പരസ്‌പ​ര​വി​രു​ദ്ധ​മാ​യി​രു​ന്നു.

60 പിന്നെ മഹാപുരോ​ഹി​തൻ അവരുടെ നടുക്ക്‌ എഴു​ന്നേ​റ്റു​നിന്ന്‌ യേശു​വി​നെ ചോദ്യം ചെയ്‌തു: “നിനക്കു മറുപടി ഒന്നും പറയാ​നി​ല്ലേ? നിനക്ക്‌ എതി​രെ​യുള്ള ഇവരുടെ മൊഴി നീ കേൾക്കു​ന്നി​ല്ലേ?”+ 61 പക്ഷേ യേശു മറുപ​ടിയൊ​ന്നും പറഞ്ഞില്ല, ഒന്നും മിണ്ടാതെ നിന്നു.+ പിന്നെ​യും മഹാപുരോ​ഹി​തൻ യേശു​വി​നെ ചോദ്യം ചെയ്യാൻതു​ടങ്ങി. അദ്ദേഹം ചോദി​ച്ചു: “നീ പരിശു​ദ്ധ​നാ​യ​വന്റെ പുത്ര​നായ ക്രിസ്‌തു​വാ​ണോ?” 62 അപ്പോൾ യേശു പറഞ്ഞു: “അതെ. മനുഷ്യപുത്രൻ+ ശക്തനായവന്റെ* വലതു​ഭാ​ഗത്ത്‌ ഇരിക്കുന്നതും+ ആകാശമേ​ഘ​ങ്ങളോ​ടെ വരുന്ന​തും നിങ്ങൾ കാണും.”+ 63 ഇതു കേട്ട്‌ മഹാപുരോ​ഹി​തൻ തന്റെ വസ്‌ത്രം കീറി​ക്കൊ​ണ്ട്‌ പറഞ്ഞു: “ഇനി എന്തിനാ​ണു വേറെ സാക്ഷികൾ?+ 64 നിങ്ങൾ ഇപ്പോൾ ദൈവ​നിന്ദ നേരിട്ട്‌ കേട്ടല്ലോ. എന്താണു നിങ്ങളു​ടെ തീരു​മാ​നം?”* യേശു മരണ​യോ​ഗ്യ​നാണെന്ന്‌ എല്ലാവ​രും വിധിച്ചു.+ 65 ചിലർ യേശു​വി​ന്റെ മേൽ തുപ്പുകയും+ യേശു​വി​ന്റെ മുഖം മൂടി​യിട്ട്‌ കൈ ചുരുട്ടി ഇടിക്കു​ക​യും യേശു​വിനോട്‌, “പ്രവചി​ക്ക്‌” എന്നു പറയു​ക​യും ചെയ്‌തു. കോട​തി​യി​ലെ സേവക​ന്മാർ ചെകി​ട്ടത്ത്‌ അടിച്ചി​ട്ട്‌ യേശു​വി​നെ അവി​ടെ​നിന്ന്‌ കൊണ്ടുപോ​യി.+

66 പത്രോസ്‌ താഴെ നടുമു​റ്റത്ത്‌ തീ കാഞ്ഞുകൊ​ണ്ടി​രി​ക്കുമ്പോൾ മഹാപുരോ​ഹി​തന്റെ ഒരു വേലക്കാ​രിപ്പെൺകു​ട്ടി അവിടെ എത്തി.+ 67 പത്രോസിനെ സൂക്ഷി​ച്ചുനോ​ക്കിക്കൊണ്ട്‌ അവൾ, “താങ്കളും ആ നസറെ​ത്തു​കാ​ര​നായ യേശു​വിന്റെ​കൂടെ​യു​ണ്ടാ​യി​രു​ന്ന​ല്ലോ” എന്നു പറഞ്ഞു. 68 എന്നാൽ അതു നിഷേ​ധി​ച്ചുകൊണ്ട്‌ പത്രോ​സ്‌ പറഞ്ഞു: “എനിക്ക്‌ അയാളെ അറിയില്ല. നീ പറയു​ന്നത്‌ എനിക്കു മനസ്സി​ലാ​കു​ന്നില്ല.” എന്നിട്ട്‌ പത്രോ​സ്‌ പുറത്ത്‌ പടിപ്പു​ര​യിലേക്കു പോയി. 69 ആ പരിചാ​രിക പത്രോ​സി​നെ കണ്ട്‌ വീണ്ടും, അവിടെ നിന്നി​രു​ന്ന​വരോട്‌, “ഇയാൾ അവരിൽ ഒരാളാ​ണ്‌” എന്നു പറഞ്ഞു. 70 പിന്നെയും പത്രോ​സ്‌ അതു നിഷേ​ധി​ച്ചു. വീണ്ടും, അൽപ്പം കഴിഞ്ഞ്‌, അടുത്ത്‌ നിന്നി​രു​ന്നവർ പത്രോ​സിനോ​ടു പറഞ്ഞു: “നീയും അവരിൽ ഒരാളാ​ണ്‌ തീർച്ച. നീ ഒരു ഗലീല​ക്കാ​ര​നാ​ണ​ല്ലോ.” 71 എന്നാൽ പത്രോ​സ്‌ സ്വയം പ്രാകി​ക്കൊ​ണ്ട്‌, “നിങ്ങൾ പറയുന്ന ഈ മനുഷ്യ​നെ എനിക്ക്‌ അറിയില്ല” എന്ന്‌ ആണയിട്ട്‌ പറഞ്ഞു. 72 ഉടൻതന്നെ കോഴി രണ്ടാമ​തും കൂകി.+ “കോഴി രണ്ടു തവണ കൂകും​മുമ്പ്‌ നീ മൂന്നു പ്രാവ​ശ്യം എന്നെ തള്ളിപ്പ​റ​യും”+ എന്ന്‌ യേശു പറഞ്ഞത്‌ ഓർത്ത്‌ പത്രോ​സ്‌ നിയ​ന്ത്രണം വിട്ട്‌ പൊട്ടി​ക്ക​രഞ്ഞു.

15 അതിരാ​വിലെ​തന്നെ മുഖ്യ​പുരോ​ഹി​ത​ന്മാ​രും മൂപ്പന്മാ​രും ശാസ്‌ത്രി​മാ​രും അടങ്ങിയ സൻഹെ​ദ്രിൻ ഒന്നടങ്കം കൂടി​യാലോ​ചിച്ച്‌ യേശു​വി​നെ ബന്ധിച്ച്‌ കൊണ്ടുപോ​യി പീലാത്തൊ​സി​നെ ഏൽപ്പിച്ചു.+ 2 പീലാത്തൊസ്‌ യേശു​വിനോട്‌, “നീ ജൂതന്മാ​രു​ടെ രാജാ​വാ​ണോ”+ എന്നു ചോദി​ച്ചപ്പോൾ, “അങ്ങുതന്നെ അതു പറയു​ന്ന​ല്ലോ”+ എന്നു യേശു പറഞ്ഞു. 3 എന്നാൽ മുഖ്യ​പുരോ​ഹി​ത​ന്മാർ യേശു​വിന്‌ എതിരെ പല ആരോ​പ​ണ​ങ്ങ​ളും ഉന്നയി​ച്ചുകൊ​ണ്ടി​രു​ന്നു. 4 പീലാത്തൊസ്‌ യേശു​വി​നെ വീണ്ടും ചോദ്യം ചെയ്യാൻതു​ടങ്ങി. അദ്ദേഹം ചോദി​ച്ചു: “നിനക്ക്‌ ഒന്നും പറയാ​നി​ല്ലേ?+ എന്തെല്ലാം ആരോ​പ​ണ​ങ്ങ​ളാണ്‌ ഇവർ നിനക്ക്‌ എതിരെ ഉന്നയി​ക്കു​ന്നതെന്നു കേട്ടില്ലേ?”+ 5 എന്നാൽ യേശു കൂടു​ത​ലായൊ​ന്നും പറഞ്ഞില്ല. ഇതു കണ്ട്‌ പീലാത്തൊ​സിന്‌ അതിശയം തോന്നി.+

6 ഓരോ ഉത്സവത്തി​നും ജനം ആവശ്യപ്പെ​ടുന്ന ഒരു തടവു​കാ​രനെ പീലാ​ത്തൊ​സ്‌ മോചി​പ്പി​ക്കാ​റു​ണ്ടാ​യി​രു​ന്നു.+ 7 ആ സമയത്ത്‌ ബറബ്ബാസ്‌ എന്നു പേരുള്ള ഒരാൾ കലാപ​കാ​രി​കളോടൊ​പ്പം ജയിലി​ലു​ണ്ടാ​യി​രു​ന്നു. കലാപ​ത്തി​നി​ടെ കൊല നടത്തി​യ​വ​രാ​യി​രു​ന്നു അവർ. 8 ജനം പീലാത്തൊ​സി​ന്റെ അടുത്ത്‌ ചെന്ന്‌ അവർക്കു പതിവാ​യി ചെയ്‌തുകൊ​ടു​ക്കാ​റു​ള്ള​തുപോ​ലെ ഇപ്രാ​വ​ശ്യ​വും ചെയ്യാൻ അദ്ദേഹ​ത്തോ​ട്‌ അപേക്ഷി​ച്ചു. 9 അപ്പോൾ പീലാ​ത്തൊ​സ്‌ അവരോ​ട്‌, “ജൂതന്മാ​രു​ടെ രാജാ​വി​നെ ഞാൻ വിട്ടു​ത​രട്ടേ”+ എന്നു ചോദി​ച്ചു. 10 കാരണം അസൂയകൊ​ണ്ടാ​ണു മുഖ്യ​പുരോ​ഹി​ത​ന്മാർ യേശു​വി​നെ തന്റെ കൈയിൽ ഏൽപ്പി​ച്ചതെന്നു പീലാത്തൊ​സിന്‌ അറിയാ​മാ​യി​രു​ന്നു.+ 11 എന്നാൽ യേശു​വി​നു പകരം ബറബ്ബാ​സി​നെ മോചി​പ്പി​ക്ക​ണമെന്ന്‌ ആവശ്യപ്പെ​ടാൻ മുഖ്യ​പുരോ​ഹി​ത​ന്മാർ ജനക്കൂ​ട്ടത്തെ പ്രേരി​പ്പി​ച്ചു.+ 12 പീലാത്തൊസ്‌ പിന്നെ​യും അവരോ​ട്‌, “അങ്ങനെയെ​ങ്കിൽ ജൂതന്മാ​രു​ടെ രാജാ​വെന്നു നിങ്ങൾ വിളി​ക്കു​ന്ന​വനെ ഞാൻ എന്തു ചെയ്യണം” എന്നു ചോദി​ച്ചു.+ 13 “അവനെ സ്‌തം​ഭ​ത്തിലേറ്റ്‌!”+ എന്നു വീണ്ടും അവർ അലറി. 14 എന്നാൽ പീലാ​ത്തൊ​സ്‌ അവരോ​ടു ചോദി​ച്ചു: “എന്തിന്‌, ഇയാൾ എന്തു തെറ്റാണു ചെയ്‌തത്‌?” എന്നാൽ അവർ, “അവനെ സ്‌തം​ഭ​ത്തിലേറ്റ്‌!”+ എന്നു കൂടുതൽ ഉച്ചത്തിൽ വിളി​ച്ചു​പ​റഞ്ഞു. 15 ഒടുവിൽ ജനക്കൂ​ട്ടത്തെ തൃപ്‌തിപ്പെ​ടു​ത്താൻവേണ്ടി പീലാ​ത്തൊ​സ്‌ ബറബ്ബാ​സി​നെ അവർക്കു വിട്ടുകൊ​ടു​ത്തു. യേശു​വിനെ​യോ ചാട്ടയ്‌ക്ക്‌ അടിപ്പി​ച്ചു.+ എന്നിട്ട്‌ സ്‌തം​ഭ​ത്തിലേറ്റി കൊല്ലാൻ ഏൽപ്പിച്ചു.+

16 പടയാളികൾ യേശു​വി​നെ ഗവർണ​റു​ടെ വസതി​യു​ടെ നടുമു​റ്റത്തേക്കു കൊണ്ടുപോ​യി. അവർ പട്ടാളത്തെ മുഴു​വ​നും വിളി​ച്ചു​കൂ​ട്ടി.+ 17 അവർ യേശു​വി​നെ പർപ്പിൾ നിറത്തി​ലുള്ള വസ്‌ത്രം ധരിപ്പി​ച്ചു, ഒരു മുൾക്കി​രീ​ടം മെടഞ്ഞ്‌ തലയിൽ വെച്ചു. 18 “ജൂതന്മാ​രു​ടെ രാജാവേ, അഭിവാ​ദ്യ​ങ്ങൾ!”*+ എന്ന്‌ അവർ വിളി​ച്ചു​പ​റ​ഞ്ഞുകൊ​ണ്ടി​രു​ന്നു. 19 ഈറ്റത്തണ്ടുകൊണ്ട്‌ അവർ യേശു​വി​ന്റെ തലയ്‌ക്ക്‌ അടിച്ചു. അവർ യേശു​വി​ന്റെ മേൽ തുപ്പു​ക​യും മുട്ടു​കു​ത്തി യേശു​വി​നെ വണങ്ങു​ക​യും ചെയ്‌തു. 20 ഇങ്ങനെ കളിയാ​ക്കി​യിട്ട്‌ അവർ പർപ്പിൾ നിറത്തി​ലുള്ള ആ വസ്‌ത്രം അഴിച്ചു​മാ​റ്റി യേശു​വി​നെ സ്വന്തം പുറങ്കു​പ്പാ​യം ധരിപ്പി​ച്ചു. എന്നിട്ട്‌ യേശു​വി​നെ സ്‌തം​ഭ​ത്തിൽ തറയ്‌ക്കാൻ കൊണ്ടുപോ​യി.+ 21 അലക്‌സാണ്ടറിന്റെയും രൂഫൊ​സിന്റെ​യും അപ്പനായ, ശിമോൻ എന്നു പേരുള്ള കുറേ​ന​ക്കാ​രൻ നാട്ടിൻപു​റ​ത്തു​നിന്ന്‌ അതുവഴി വരുക​യാ​യി​രു​ന്നു. അവർ അയാളെ നിർബ​ന്ധിച്ച്‌ യേശു​വി​ന്റെ ദണ്ഡനസ്‌തംഭം* ചുമപ്പി​ച്ചു.+

22 അങ്ങനെ അവർ യേശു​വി​നെ ഗൊൽഗോഥ എന്ന സ്ഥലത്ത്‌ കൊണ്ടു​ചെന്നു. (പരിഭാ​ഷപ്പെ​ടു​ത്തുമ്പോൾ, “തലയോ​ടി​ടം”+ എന്നാണ്‌ ആ സ്ഥലപ്പേ​രി​ന്റെ അർഥം.) 23 അവർ യേശു​വി​നു മീറ*+ കലർത്തിയ വീഞ്ഞു കൊടുത്തെ​ങ്കി​ലും യേശു അതു നിരസി​ച്ചു. 24 യേശുവിനെ സ്‌തം​ഭ​ത്തിൽ തറച്ച​ശേഷം അവർ നറുക്കി​ട്ട്‌ യേശു​വി​ന്റെ പുറങ്കു​പ്പാ​യം വീതിച്ചെ​ടു​ത്തു.+ 25 അവർ യേശു​വി​നെ സ്‌തം​ഭ​ത്തിൽ തറച്ച​പ്പോൾ സമയം മൂന്നാം മണിയാ​യി​രു​ന്നു.* 26 “ജൂതന്മാ​രു​ടെ രാജാവ്‌” എന്ന്‌ അവിടെ എഴുതിവെ​ച്ചി​രു​ന്നു.+ യേശു​വിന്‌ എതിരെ ആരോ​പിച്ച കുറ്റമാ​യി​രു​ന്നു അത്‌. 27 കൂടാതെ അവർ രണ്ടു കവർച്ച​ക്കാ​രെ, ഒരുത്തനെ യേശു​വി​ന്റെ വലത്തും മറ്റവനെ ഇടത്തും ആയി സ്‌തം​ഭ​ത്തിലേറ്റി.+ 28 *—— 29 അതിലേ കടന്നുപോ​യവർ തലകു​ലു​ക്കിക്കൊണ്ട്‌ ഇങ്ങനെ പറഞ്ഞ്‌ യേശു​വി​നെ നിന്ദിച്ചു:+ “ഹേ! ദേവാ​ലയം ഇടിച്ചു​ക​ളഞ്ഞ്‌ മൂന്നു ദിവസ​ത്തി​നകം പണിയു​ന്ന​വനേ,+ 30 നിന്നെത്തന്നെ രക്ഷിക്ക്‌. ദണ്ഡനസ്‌തം​ഭ​ത്തിൽനിന്ന്‌ ഇറങ്ങിവാ.” 31 അങ്ങനെതന്നെ, മുഖ്യ​പുരോ​ഹി​ത​ന്മാ​രും ശാസ്‌ത്രി​മാ​രും യേശു​വി​നെ കളിയാ​ക്കിക്കൊണ്ട്‌ തമ്മിൽത്ത​മ്മിൽ ഇങ്ങനെ പറഞ്ഞു: “മറ്റുള്ള​വരെ ഇവൻ രക്ഷിച്ചു. എന്നാൽ സ്വയം രക്ഷിക്കാൻ ഇവനു പറ്റുന്നില്ല!+ 32 ഇസ്രായേലിന്റെ രാജാ​വായ ക്രിസ്‌തു ദണ്ഡനസ്‌തംഭത്തിൽനിന്ന്‌* ഇറങ്ങി​വ​രട്ടെ. അതു കണ്ടാൽ ഇവനിൽ വിശ്വ​സി​ക്കാം.”+ യേശു​വി​ന്റെ ഇരുവ​ശ​ത്തും സ്‌തം​ഭ​ത്തിൽ കിടന്ന​വർപോ​ലും യേശു​വി​നെ നിന്ദിച്ചു.+

33 ആറാം മണിമുതൽ* ഒൻപതാം മണിവരെ* ആ നാട്ടിലെ​ങ്ങും ഇരുട്ടു പരന്നു.+ 34 ഒൻപതാം മണി ആയപ്പോൾ യേശു ഉറക്കെ “ഏലീ, ഏലീ, ലമാ ശബക്താനീ” എന്നു വിളി​ച്ചു​പ​റഞ്ഞു. (പരിഭാ​ഷപ്പെ​ടു​ത്തുമ്പോൾ, “എന്റെ ദൈവമേ, എന്റെ ദൈവമേ, അങ്ങ്‌ എന്താണ്‌ എന്നെ കൈവി​ട്ടത്‌” എന്നാണ്‌ അതിന്റെ അർഥം.)+ 35 അരികെ നിന്നി​രുന്ന ചിലർ ഇതു കേട്ട്‌, “കണ്ടോ! അവൻ ഏലിയയെ വിളി​ക്കു​ക​യാണ്‌” എന്നു പറഞ്ഞു. 36 ഒരാൾ ഓടി​ച്ചെന്ന്‌ പുളിച്ച വീഞ്ഞിൽ നീർപ്പഞ്ഞി* മുക്കി ഒരു ഈറ്റത്ത​ണ്ടി​ന്മേൽ വെച്ച്‌ യേശു​വി​നു കുടി​ക്കാൻ കൊടു​ത്തുകൊണ്ട്‌ പറഞ്ഞു:+ “അവൻ അവിടെ കിടക്കട്ടെ, അവനെ താഴെ ഇറക്കാൻ ഏലിയ വരുമോ എന്നു നോക്കാം.” 37 എന്നാൽ യേശു ഉറക്കെ നിലവി​ളിച്ച്‌ ജീവൻ വെടിഞ്ഞു.*+ 38 അപ്പോൾ വിശു​ദ്ധ​മ​ന്ദി​ര​ത്തി​ലെ തിരശ്ശീല+ മുകളിൽനി​ന്ന്‌ താഴെ​വരെ രണ്ടായി കീറിപ്പോ​യി.+ 39 യേശു മരിച്ച​പ്പോൾ സംഭവി​ച്ചതെ​ല്ലാം കണ്ട്‌ അവിടെ നിന്നി​രുന്ന സൈനികോദ്യോ​ഗസ്ഥൻ, “ഈ മനുഷ്യൻ ശരിക്കും ദൈവ​പുത്ര​നാ​യി​രു​ന്നു” എന്നു പറഞ്ഞു.+

40 ഇതെല്ലാം നോക്കി​ക്കൊ​ണ്ട്‌ അകലെ കുറെ സ്‌ത്രീ​ക​ളും നിന്നി​രു​ന്നു. മഗ്‌ദ​ല​ക്കാ​രി മറിയ​യും ചെറിയ യാക്കോ​ബിന്റെ​യും യോ​സെ​യുടെ​യും അമ്മയായ മറിയ​യും ശലോ​മ​യും അക്കൂട്ട​ത്തി​ലു​ണ്ടാ​യി​രു​ന്നു.+ 41 യേശു ഗലീല​യി​ലാ​യി​രു​ന്നപ്പോൾ യേശു​വി​നെ അനുഗ​മി​ക്കു​ക​യും ശുശ്രൂ​ഷി​ക്കു​ക​യും ചെയ്‌ത​വ​രാണ്‌ ഇവർ.+ യേശു​വിന്റെ​കൂ​ടെ യരുശലേ​മിലേക്കു വന്ന മറ്റു പല സ്‌ത്രീ​ക​ളും അവി​ടെ​യു​ണ്ടാ​യി​രു​ന്നു.

42 അപ്പോൾത്തന്നെ വൈകുന്നേ​ര​മാ​യ​തുകൊ​ണ്ടും ശബത്തിന്റെ തലേദി​വ​സ​മായ ഒരുക്ക​നാൾ ആയതുകൊ​ണ്ടും, 43 അരിമഥ്യക്കാരനായ യോ​സേഫ്‌ ധൈര്യ​പൂർവം പീലാത്തൊ​സി​ന്റെ അടുത്ത്‌ ചെന്ന്‌ യേശു​വി​ന്റെ ശരീരം ചോദി​ച്ചു.+ ന്യായാ​ധി​പ​സ​ഭ​യി​ലെ ബഹുമാ​ന്യ​നായ ഒരു അംഗവും ദൈവ​രാ​ജ്യ​ത്തി​നുവേണ്ടി കാത്തി​രി​ക്കു​ന്ന​യാ​ളും ആയിരു​ന്നു യോ​സേഫ്‌. 44 എന്നാൽ ഇത്ര വേഗം യേശു മരിച്ചോ എന്നു പീലാ​ത്തൊ​സ്‌ ഓർത്തു. അതു​കൊണ്ട്‌ പീലാ​ത്തൊ​സ്‌ സൈനികോദ്യോ​ഗ​സ്ഥനെ വിളിച്ച്‌ യേശു മരിച്ചോ എന്ന്‌ അന്വേ​ഷി​ച്ചു. 45 അയാളോടു ചോദി​ച്ച്‌ ഉറപ്പാ​ക്കി​യശേഷം പീലാ​ത്തൊ​സ്‌ ശരീരം യോ​സേ​ഫി​നു വിട്ടുകൊ​ടു​ത്തു. 46 പിന്നെ യോ​സേഫ്‌ മേന്മ​യേ​റിയ ലിനൻതു​ണി വാങ്ങി. എന്നിട്ട്‌ യേശു​വി​നെ താഴെ ഇറക്കി അതിൽ പൊതി​ഞ്ഞ്‌ പാറയിൽ വെട്ടി​യു​ണ്ടാ​ക്കിയ ഒരു കല്ലറയിൽ വെച്ചു.+ കല്ലറയു​ടെ വാതിൽക്കൽ ഒരു കല്ലും ഉരുട്ടി​വെച്ചു.+ 47 എന്നാൽ മഗ്‌ദ​ല​ക്കാ​രി മറിയ​യും യോ​സെ​യു​ടെ അമ്മ മറിയ​യും യേശു​വി​നെ വെച്ച സ്ഥലത്തേക്കു നോക്കി അവി​ടെ​ത്തന്നെ നിന്നു.+

16 ശബത്ത്‌+ കഴിഞ്ഞ​പ്പോൾ മഗ്‌ദ​ല​ക്കാ​രി മറിയ​യും യാക്കോ​ബി​ന്റെ അമ്മ മറിയയും+ ശലോ​മ​യും യേശു​വി​ന്റെ ശരീര​ത്തിൽ പൂശാൻ സുഗന്ധ​വ്യ​ഞ്‌ജ​നങ്ങൾ വാങ്ങി.+ 2 ആഴ്‌ചയുടെ ഒന്നാം ദിവസം അതിരാ​വി​ലെ, സൂര്യൻ ഉദിച്ച​പ്പോൾത്തന്നെ അവർ കല്ലറയു​ടെ അടുത്ത്‌ എത്തി.+ 3 “കല്ലറയു​ടെ വാതിൽക്കൽനി​ന്ന്‌ ആരു കല്ല്‌ ഉരുട്ടി​മാ​റ്റി​ത്ത​രും” എന്ന്‌ അവർ തമ്മിൽത്ത​മ്മിൽ പറയു​ന്നു​ണ്ടാ​യി​രു​ന്നു. 4 എന്നാൽ അവർ നോക്കി​യപ്പോൾ വളരെ വലുപ്പ​മുള്ള ആ കല്ല്‌ ഉരുട്ടി​മാ​റ്റി​യി​രി​ക്കു​ന്ന​താ​യി കണ്ടു.+ 5 കല്ലറയ്‌ക്കുള്ളിൽ കടന്ന​പ്പോൾ വെളുത്ത നീളൻ കുപ്പായം ധരിച്ച ഒരു ചെറു​പ്പ​ക്കാ​രൻ വലതു​ഭാ​ഗത്ത്‌ ഇരിക്കു​ന്നതു കണ്ട്‌ അവർ പരി​ഭ്ര​മി​ച്ചുപോ​യി. 6 എന്നാൽ ആ ചെറു​പ്പ​ക്കാ​രൻ അവരോ​ടു പറഞ്ഞു: “പരി​ഭ്ര​മിക്കേണ്ടാ.+ സ്‌തം​ഭ​ത്തിലേറ്റി കൊന്ന നസറെ​ത്തു​കാ​ര​നായ യേശു​വിനെ​യല്ലേ നിങ്ങൾ നോക്കു​ന്നത്‌? യേശു ഇവി​ടെ​യില്ല, ഉയിർപ്പി​ക്കപ്പെ​ട്ടി​രി​ക്കു​ന്നു.+ ഇതാ, ഇവി​ടെ​യാ​ണു യേശു​വി​നെ വെച്ചി​രു​ന്നത്‌.+ 7 നിങ്ങൾ പോയി യേശു​വി​ന്റെ ശിഷ്യ​ന്മാരോ​ടും പത്രോ​സിനോ​ടും ഇങ്ങനെ പറയണം: ‘നിങ്ങൾക്കു മുമ്പേ യേശു ഗലീല​യിൽ എത്തും.+ യേശു നിങ്ങ​ളോ​ടു പറഞ്ഞി​രു​ന്ന​തുപോലെ​തന്നെ അവി​ടെവെച്ച്‌ നിങ്ങൾ യേശു​വി​നെ കാണും.’”+ 8 കല്ലറയിൽനിന്ന്‌ പുറത്ത്‌ ഇറങ്ങിയ ആ സ്‌ത്രീ​കൾ പേടി​ച്ചു​വി​റ​യ്‌ക്കു​ന്നു​ണ്ടാ​യി​രു​ന്നു. ആകെ അമ്പരന്നു​പോയ അവർ അവിടെ നിന്ന്‌ ഓടിപ്പോ​യി. പേടി​കൊ​ണ്ട്‌ അവർ ആരോ​ടും ഒന്നും പറഞ്ഞില്ല.*+