ഹഗ്ഗായി

1 ദാര്യാ​വേശ്‌ രാജാ​വി​ന്റെ വാഴ്‌ച​യു​ടെ രണ്ടാം വർഷം, ആറാം മാസം, ഒന്നാം ദിവസം യഹൂദ​യി​ലെ ഗവർണ​റും ശെയൽതീ​യേ​ലി​ന്റെ മകനും ആയ സെരുബ്ബാബേലിനും+ യഹോ​സാ​ദാ​ക്കി​ന്റെ മകനായ യോശുവ എന്ന മഹാപു​രോ​ഹി​ത​നും ഹഗ്ഗായിയിലൂടെ*+ യഹോ​വ​യിൽനിന്ന്‌ ലഭിച്ച സന്ദേശം:

2 “സൈന്യ​ങ്ങ​ളു​ടെ അധിപ​നായ യഹോവ പറയുന്നു, ‘“യഹോ​വ​യു​ടെ ഭവനം* പണിയാനുള്ള* സമയം ഇനിയും ആയിട്ടില്ല” എന്നാണ്‌ ഈ ജനം പറയു​ന്നത്‌.’”+

3 ഹഗ്ഗായി പ്രവാ​ച​കന്‌ യഹോ​വ​യിൽനിന്ന്‌ വീണ്ടും സന്ദേശം ലഭിച്ചു:+ 4 “എന്റെ ഭവനം ഇങ്ങനെ തകർന്നുകിടക്കുമ്പോഴാണോ+ നിങ്ങൾ തടിപ്പ​ല​ക​കൾകൊണ്ട്‌ അലങ്കരിച്ച വീടു​ക​ളിൽ കഴിയു​ന്നത്‌? 5 അതുകൊണ്ട്‌ സൈന്യ​ങ്ങ​ളു​ടെ അധിപ​നായ യഹോവ പറയുന്നു, ‘നിങ്ങളു​ടെ വഴിക​ളെ​ക്കു​റിച്ച്‌ മനസ്സി​രു​ത്തി ചിന്തി​ക്കുക.* 6 നിങ്ങൾ കുറെ​യേറെ വിത്തു വിതച്ചു, പക്ഷേ കൊയ്‌ത​തോ കുറച്ച്‌ മാത്രം.+ നിങ്ങൾ തിന്നുന്നു, പക്ഷേ തൃപ്‌തി വരുന്നില്ല. നിങ്ങൾ കുടി​ക്കു​ന്നു, പക്ഷേ മതിവ​രു​ന്നില്ല. നിങ്ങൾ വസ്‌ത്രം ധരിക്കു​ന്നു, പക്ഷേ ചൂടു കിട്ടു​ന്നില്ല. കൂലി​പ്പ​ണി​ക്കാ​രൻ കൂലി ഓട്ടസ​ഞ്ചി​യിൽ ഇടുന്നു.’”

7 “സൈന്യ​ങ്ങ​ളു​ടെ അധിപ​നായ യഹോവ പറയുന്നു, ‘നിങ്ങളു​ടെ വഴിക​ളെ​ക്കു​റിച്ച്‌ മനസ്സി​രു​ത്തി ചിന്തി​ക്കുക.’*

8 “‘മലയിൽ പോയി തടി കൊണ്ടുവന്ന്‌+ എന്റെ ഭവനം പണിയൂ.+ അപ്പോൾ ഞാൻ പ്രസാ​ദി​ക്കും, എനിക്കു മഹത്ത്വം ലഭിക്കും’+ എന്ന്‌ യഹോവ പറയുന്നു.”

9 “‘നിങ്ങളു​ടെ പ്രതീ​ക്ഷകൾ വലുതാ​ണ്‌, എന്നാൽ ലഭിക്കു​ന്ന​തോ കുറച്ച്‌ മാത്രം. നിങ്ങൾ അതു വീട്ടി​ലേക്കു കൊണ്ടു​വ​രു​മ്പോൾ ഞാൻ അത്‌ ഊതി പറപ്പി​ച്ചു​ക​ള​യും.+ കാരണം എന്താണ്‌’ എന്നു സൈന്യ​ങ്ങ​ളു​ടെ അധിപ​നായ യഹോവ ചോദി​ക്കു​ന്നു. ‘എന്റെ ഭവനം നശിച്ചു​കി​ട​ക്കു​മ്പോൾ നിങ്ങൾ ഓരോ​രു​ത്ത​രും സ്വന്തം വീടുകൾ മോടി പിടി​പ്പി​ക്കാ​നാ​യി പരക്കം പായു​ക​യല്ലേ?+ 10 അതുകൊണ്ടാണ്‌ ആകാശം മഞ്ഞുക​ണങ്ങൾ പൊഴി​ക്കാ​താ​യത്‌, ഭൂമി അതിന്റെ ഫലം തരാതാ​യത്‌. 11 ഞാൻ ഭൂമി​യു​ടെ മേലും പർവത​ങ്ങ​ളു​ടെ മേലും ധാന്യ​ത്തി​ന്റെ​യും പുതു​വീ​ഞ്ഞി​ന്റെ​യും എണ്ണയു​ടെ​യും നിലത്ത്‌ വളരുന്ന എല്ലാത്തി​ന്റെ​യും മേലും മനുഷ്യ​രു​ടെ​യും മൃഗങ്ങ​ളു​ടെ​യും നിങ്ങളു​ടെ കൈക​ളു​ടെ എല്ലാ അധ്വാ​ന​ത്തി​ന്റെ​യും മേലും വരൾച്ച വരുത്തി.’”

12 ശെയൽതീയേലിന്റെ+ മകൻ സെരുബ്ബാബേലും+ യഹോസാദാക്കിന്റെ+ മകൻ യോശുവ മഹാപു​രോ​ഹി​ത​നും ബാക്കി​യെ​ല്ലാ​വ​രും അവരുടെ ദൈവ​മായ യഹോ​വ​യു​ടെ​യും ഹഗ്ഗായി പ്രവാ​ച​ക​ന്റെ​യും വാക്കു​കൾക്ക്‌ അതീവ​ശ്രദ്ധ കൊടു​ത്തു. കാരണം പ്രവാ​ച​കനെ അയച്ചത്‌ യഹോ​വ​യാ​യി​രു​ന്നു. അങ്ങനെ യഹോവ നിമിത്തം ജനം ഭയഭക്തി​യു​ള്ള​വ​രാ​യി.

13 അപ്പോൾ യഹോ​വ​യു​ടെ സന്ദേശ​വാ​ഹ​ക​നായ ഹഗ്ഗായി യഹോ​വ​യിൽനിന്ന്‌ തനിക്കു ലഭിച്ച നിയോ​ഗ​മ​നു​സ​രിച്ച്‌ ജനത്തിന്‌ ഈ സന്ദേശം നൽകി: “‘ഞാൻ നിങ്ങ​ളോ​ടൊ​പ്പ​മുണ്ട്‌’+ എന്ന്‌ യഹോവ പ്രഖ്യാ​പി​ക്കു​ന്നു.”

14 അതുകൊണ്ട്‌ യഹോവ യഹൂദ​യു​ടെ ഗവർണറും+ ശെയൽതീ​യേ​ലി​ന്റെ മകനും ആയ സെരു​ബ്ബാ​ബേ​ലി​ന്റെ​യും യഹോ​സാ​ദാ​ക്കി​ന്റെ മകനായ യോശുവ+ എന്ന മഹാപു​രോ​ഹി​ത​ന്റെ​യും ബാക്കി​യെ​ല്ലാ​വ​രു​ടെ​യും മനസ്സ്‌ ഉണർത്തി.+ അങ്ങനെ അവർ വന്ന്‌ അവരുടെ ദൈവ​ത്തി​ന്റെ, സൈന്യ​ങ്ങ​ളു​ടെ അധിപ​നായ യഹോ​വ​യു​ടെ, ഭവനത്തി​ന്റെ പണികൾ തുടങ്ങി.+ 15 ദാര്യാവേശ്‌ രാജാ​വി​ന്റെ വാഴ്‌ച​യു​ടെ രണ്ടാം വർഷം ആറാം മാസം 24-ാം ദിവസ​മാ​യി​രു​ന്നു അത്‌.+

2 ഏഴാം മാസം 21-ാം ദിവസം ഹഗ്ഗായി പ്രവാചകന്‌+ യഹോ​വ​യു​ടെ സന്ദേശം ലഭിച്ചു: 2 “യഹൂദ​യു​ടെ ഗവർണറും+ ശെയൽതീ​യേ​ലി​ന്റെ മകനും ആയ സെരുബ്ബാബേലിനോടും+ യഹോസാദാക്കിന്റെ+ മകനായ യോശുവ+ എന്ന മഹാപു​രോ​ഹി​ത​നോ​ടും ബാക്കി​യെ​ല്ലാ​വ​രോ​ടും ഇങ്ങനെ ചോദി​ക്കുക: 3 ‘ഈ ഭവനത്തിന്റെ* പഴയ പ്രതാപം കണ്ടിട്ടുള്ള ആരെങ്കി​ലും ഇപ്പോൾ നിങ്ങളു​ടെ ഇടയി​ലു​ണ്ടോ?+ എങ്കിൽ ഇപ്പോൾ ഇതിന്റെ അവസ്ഥ കണ്ടിട്ട്‌ എന്തു തോന്നു​ന്നു? മുമ്പ​ത്തേ​തു​മാ​യി താരത​മ്യ​പ്പെ​ടു​ത്തു​മ്പോൾ ഇത്‌ ഒന്നുമ​ല്ല​ല്ലോ.’+

4 “എന്നാൽ യഹോവ പറയുന്നു: ‘സെരു​ബ്ബാ​ബേലേ, ശക്തനാ​യി​രി​ക്കുക! യഹോ​സാ​ദാ​ക്കി​ന്റെ മകനും മഹാപു​രോ​ഹി​ത​നും ആയ യോശു​വേ, നീയും ശക്തനാ​യി​രി​ക്കുക!’

“‘ദേശത്തെ ജനങ്ങളേ, നിങ്ങ​ളെ​ല്ലാ​വ​രും ധൈര്യ​മാ​യി ജോലി തുടരൂ,’+ എന്ന്‌ യഹോവ പറയുന്നു.

“‘ഞാൻ നിങ്ങളു​ടെ​കൂ​ടെ​യുണ്ട്‌’+ എന്നു സൈന്യ​ങ്ങ​ളു​ടെ അധിപ​നായ യഹോവ പ്രഖ്യാ​പി​ക്കു​ന്നു. 5 ‘നിങ്ങൾ ഈജി​പ്‌തിൽനിന്ന്‌ പുറത്ത്‌ വന്നപ്പോൾ ഞാൻ നൽകിയ വാഗ്‌ദാ​നം ഓർത്തു​കൊ​ള്ളുക.+ കൂടാതെ എന്റെ ആത്മാവ്‌ നിങ്ങ​ളോ​ടൊ​പ്പ​മുണ്ട്‌,*+ പേടി​ക്കേണ്ടാ.’”+

6 “സൈന്യ​ങ്ങ​ളു​ടെ അധിപ​നായ യഹോവ പറയു​ന്നത്‌ ഇതാണ്‌: ‘അൽപ്പം കഴിഞ്ഞ്‌ ഞാൻ വീണ്ടും ആകാശ​ത്തെ​യും ഭൂമി​യെ​യും കടലി​നെ​യും കരയെ​യും ഇളക്കും.’+

7 “‘സകല ജനതക​ളെ​യും ഞാൻ കുലു​ക്കും, അപ്പോൾ ജനതക​ളു​ടെ അമൂല്യവസ്‌തുക്കൾ* വന്നു​ചേ​രും.+ ഞാൻ ഈ ഭവനം മഹത്ത്വം​കൊണ്ട്‌ നിറയ്‌ക്കും’+ എന്നു സൈന്യ​ങ്ങ​ളു​ടെ അധിപ​നായ യഹോവ പറയുന്നു.

8 “‘വെള്ളി​യും സ്വർണ​വും എന്റേതാ​ണ്‌,’ എന്നു സൈന്യ​ങ്ങ​ളു​ടെ അധിപ​നായ യഹോവ പറയുന്നു.

9 “‘പണ്ടുണ്ടാ​യി​രു​ന്ന​തി​നെ​ക്കാൾ വലിയ മഹത്ത്വ​മാണ്‌ ഇനി ഈ ഭവനത്തി​നു ലഭിക്കാൻപോ​കു​ന്നത്‌,’+ സൈന്യ​ങ്ങ​ളു​ടെ അധിപ​നായ യഹോവ പറയുന്നു.

“‘ഈ സ്ഥലത്ത്‌ ഞാൻ സമാധാ​നം നൽകും’+ എന്നു സൈന്യ​ങ്ങ​ളു​ടെ അധിപ​നായ യഹോവ പ്രഖ്യാ​പി​ക്കു​ന്നു.”

10 ദാര്യാവേശിന്റെ വാഴ്‌ച​യു​ടെ രണ്ടാം വർഷം ഒൻപതാം മാസം 24-ാം ദിവസം ഹഗ്ഗായി പ്രവാ​ച​കന്‌ യഹോ​വ​യിൽനിന്ന്‌ ഈ സന്ദേശം ലഭിച്ചു:+ 11 “സൈന്യ​ങ്ങ​ളു​ടെ അധിപ​നായ യഹോവ പറയുന്നു, ‘നിയമത്തെക്കുറിച്ച്‌* പുരോ​ഹി​ത​ന്മാ​രോ​ടു ചോദി​ക്കൂ:+ 12 “ഒരാൾ തന്റെ വസ്‌ത്ര​ത്തി​ന്റെ മടക്കിൽ വിശു​ദ്ധ​മാം​സം എടുത്തു​കൊ​ണ്ടു​പോ​കു​ന്നെ​ന്നി​രി​ക്കട്ടെ. ആ വസ്‌ത്രം അപ്പത്തി​ലോ കറിയി​ലോ വീഞ്ഞി​ലോ എണ്ണയി​ലോ ഏതെങ്കി​ലും ആഹാര​പ​ദാർഥ​ത്തി​ലോ മുട്ടി​യാൽ അതു വിശു​ദ്ധ​മാ​യി​ത്തീ​രു​മോ?”’”

“ഇല്ല!”എന്നു പുരോ​ഹി​ത​ന്മാർ പറഞ്ഞു.

13 അപ്പോൾ ഹഗ്ഗായി ചോദി​ച്ചു: “ശവശരീ​രത്തെ സ്‌പർശി​ച്ച്‌ അശുദ്ധ​നാ​യി​ത്തീർന്ന ഒരുവൻ ഈ വസ്‌തു​ക്ക​ളി​ലെ​ങ്ങാ​നും തൊട്ടാൽ അത്‌ അശുദ്ധ​മാ​കു​മോ?”+

പുരോ​ഹി​ത​ന്മാർ പറഞ്ഞു: “അശുദ്ധ​മാ​കും!”

14 അപ്പോൾ ഹഗ്ഗായി പറഞ്ഞു: “‘ഈ ജനം അങ്ങനെ​ത​ന്നെ​യാണ്‌! എന്റെ വീക്ഷണ​ത്തിൽ ഈ ജനതയും അവരുടെ പ്രവൃ​ത്തി​ക​ളും അങ്ങനെ​തന്നെ. അവർ എനിക്ക്‌ അർപ്പി​ക്കു​ന്ന​തെ​ല്ലാം അശുദ്ധ​മാണ്‌,’ എന്ന്‌ യഹോവ പ്രഖ്യാ​പി​ക്കു​ന്നു.

15 “‘എന്നാൽ ഇന്നുമു​തൽ നിങ്ങൾ ഇക്കാര്യ​ത്തെ​ക്കു​റിച്ച്‌ മനസ്സി​രു​ത്തി ഒന്നു ചിന്തി​ച്ചു​നോ​ക്കൂ:* യഹോ​വ​യു​ടെ ആലയത്തിൽ കല്ലിന്മേൽ കല്ലു വെക്കു​ന്ന​തി​നു മുമ്പ്‌+ 16 കാര്യങ്ങൾ എങ്ങനെ​യാ​യി​രു​ന്നു? 20 അളവ്‌ ധാന്യം പ്രതീ​ക്ഷിച്ച്‌ നിങ്ങൾ ധാന്യ​ക്കൂ​മ്പാ​ര​ത്തി​ന്റെ അടുത്ത്‌ വന്നപ്പോൾ അതിൽ 10 അളവ്‌ മാത്രമേ ഉണ്ടായി​രു​ന്നു​ള്ളൂ. മുന്തിരിച്ചക്കിൽനിന്നുള്ള* 50 അളവ്‌ വീഞ്ഞു കോരി​യെ​ടു​ക്കാൻ വന്നപ്പോൾ തൊട്ടി​യിൽ വെറും 20 അളവേ ഉണ്ടായി​രു​ന്നു​ള്ളൂ.+ 17 നിങ്ങൾ അധ്വാ​നി​ച്ചു​ണ്ടാ​ക്കിയ എല്ലാത്തി​ന്റെ​യും മേൽ ഉഷ്‌ണ​ക്കാ​റ്റും പൂപ്പൽരോഗവും+ ആലിപ്പ​ഴ​വും വരുത്തി ഞാൻ നിങ്ങളെ അടിച്ചു. എന്നിട്ടും നിങ്ങളിൽ ഒരാൾപ്പോ​ലും എന്റെ അടു​ത്തേക്കു മടങ്ങി​വ​ന്നില്ല’ എന്ന്‌ യഹോവ പറയുന്നു.

18 “‘അതു​കൊണ്ട്‌ യഹോ​വ​യു​ടെ ആലയത്തി​ന്റെ അടിസ്ഥാ​നം ഇട്ട ഈ ദിവസം​മു​തൽ,+ അതായത്‌ ഒൻപതാം മാസം 24-ാം ദിവസം​മു​തൽ, ഇക്കാര്യ​ത്തെ​ക്കു​റിച്ച്‌ മനസ്സി​രു​ത്തി ചിന്തി​ക്കുക:* 19 നിങ്ങളുടെ സംഭരണശാലയിൽ* വിത്തു ശേഷി​ച്ചി​ട്ടു​ണ്ടോ?+ നിങ്ങളു​ടെ മുന്തി​രി​വ​ള്ളി​യും അത്തിയും മാതള​നാ​ര​ക​വും ഒലിവ്‌ മരവും ഇതുവരെ കായ്‌ച്ചി​ട്ടു​ണ്ടോ? പക്ഷേ ഇന്നുമു​തൽ ഞാൻ നിങ്ങളെ അനു​ഗ്ര​ഹി​ക്കും.’”+

20 ആ മാസം 24-ാം ദിവസം യഹോ​വ​യു​ടെ സന്ദേശം രണ്ടാം പ്രാവ​ശ്യം ഹഗ്ഗായി​ക്കു ലഭിച്ചു:+ 21 “യഹൂദ​യി​ലെ ഗവർണ​റായ സെരു​ബ്ബാ​ബേ​ലി​നോട്‌ ഇങ്ങനെ പറയണം: ‘ഞാൻ ആകാശ​ത്തെ​യും ഭൂമി​യെ​യും കുലു​ക്കാൻപോ​കു​ക​യാണ്‌.+ 22 ഞാൻ രാജ്യ​ങ്ങ​ളു​ടെ സിംഹാ​സ​ന​ങ്ങളെ മറിച്ചി​ടു​ക​യും ജനതക​ളു​ടെ രാജ്യ​ങ്ങ​ളു​ടെ ശക്തി ഇല്ലാതാ​ക്കു​ക​യും ചെയ്യും;+ ഞാൻ യുദ്ധര​ഥ​ങ്ങ​ളെ​യും തേരാ​ളി​ക​ളെ​യും മറിച്ചി​ടും, കുതി​ര​ക​ളും കുതി​ര​ക്കാ​രും വീഴും. ഓരോ​രു​ത്ത​രും സ്വന്തം സഹോ​ദ​രന്റെ വാളാൽ വീഴും.’”+

23 “സൈന്യ​ങ്ങ​ളു​ടെ അധിപ​നായ യഹോവ പറയുന്നു: ‘ശെയൽതീയേലിന്റെ+ മകനായ എന്റെ ദാസനേ, സെരു​ബ്ബാ​ബേലേ,+ ആ ദിവസം നിന്നെ ഞാൻ ഉപയോ​ഗി​ക്കും’ എന്ന്‌ യഹോവ പ്രഖ്യാ​പി​ക്കു​ന്നു. ‘ഞാൻ നിന്നെ മുദ്ര​മോ​തി​രം​പോ​ലെ​യാ​ക്കും. കാരണം ഞാൻ തിര​ഞ്ഞെ​ടു​ത്തി​രി​ക്കു​ന്നതു നിന്നെ​യാണ്‌’ എന്നു സൈന്യ​ങ്ങ​ളു​ടെ അധിപ​നായ യഹോവ പ്രഖ്യാ​പി​ക്കു​ന്നു.”

[അടിക്കു​റി​പ്പു​കൾ]