‚Соломон не беше дотеран како еден од нив‘

ДИВИТЕ цвеќиња како овие на сликата се вообичаена глетка по должината на патиштата во јужна Африка. Тие се наречени космос и се својствени за американскиот тропски појас. Ваквите прекрасни цвеќиња можеби ќе нѐ потсетат на една лекција што ја дал Исус. Мнозина од неговите слушатели биле сиромашни и биле загрижени за своите физички потреби, за својата храна и облека.

„За облеката“, прашал Исус, „зошто се грижите тегобно? Извлечете поука од тоа како растат полските кринови; не се мачат ниту предат; но ви велам дека ни Соломон во сета своја слава не беше дотеран како еден од нив“ (Матеј 6:28, 29).

Биле дадени различни предлози за тоа кој конкретен вид диво цвеќе го имал Исус на ум. Меѓутоа, Исус продолжил да ги споредува со обична вегетација, велејќи: „Ако, значи, Бог така ја облекува вегетацијата од полето која денес е тука, а утре се фрла в печка, нема ли многу повеќе да ве облече вас, маловерни?“ (Матеј 6:30).

Иако космос не се својствени за Израел, тие сигурно ја поткрепуваат лекцијата за која Исус поучувал. Сеедно дали ги гледаме од далеку или ги испитуваме од близу, тие се запрепастувачки убави и се омилен предмет за фотографите и уметниците. Навистина, Исус не претерувал кога рекол дека ‚ни Соломон во сета своја слава не бил толку дотеран како еден од нив‘.

Лекцијата за нас денес? Оние што му служат на Бог можат да бидат сигурни дека тој ќе им помогне да ги добијат неопходните работи дури и во тешки времиња. Исус објаснил: „Постојано барајте го [Божјето] царство, и сите овие работи ќе ви се додадат“ (Лука 12:31). Да, кога го бараме Божјето Царство произлегуваат вистински користи. Но, знаеш ли што е Божјето Царство и што ќе стори тоа за човештвото? Јеховините сведоци со задоволство ќе ти помогнат да ги најдеш одговорите од Библијата.