Нова Библија на современ грчки јазик

23 АВГУСТ 1997 беше посебен ден за оние кои беа собрани на Обласниот конгрес „Вера во Божјата Реч“ во Грција. Кога заврши попладневната сесија, беше објавена нова Библија — New World Translation of the Holy Scriptures на современ грчки јазик. Изненадените присутни веднаш се одѕваа со солзи радосници и долга овација со стоење!

Уште од 1905, Јеховините сведоци користеа еден библиски превод од 19 век кој го направил еден грчки православен свештеник. Оваа Библија добро им служеше многу години. Но, веќе извесно време Јеховините сведоци чувствуваа потреба од еден библиски превод кој е поточен и полесен за разбирање. Беа среќни што во 1993 добија грчка верзија на New World Translation of the Christian Greek Scriptures. Меѓутоа, сега беа пресреќни што ја добија целата Библија на современ грчки јазик.

Една жена Сведок, исполнета со ценење, New World Translation го нарекла „поема, нежен ветрец кој го носи Јеховиниот глас, кој за првпат можеме јасно да го разбереме на сопствениот јазик“. Некои почнале да ја читаат својата нова Библија веднаш штом стигнале дома. Еден возбуден присутен на конгресот не ја оставил својата Библија до еден часот наутро, кога завршил со читање на целата книга Јов!

New World Translation of the Holy Scriptures на грчки е резултат на отприлика седумгодишна грижлива работа. Било добиено едно писмо во кое пишувало: „Можете да бидете сигурни дека New World Translation многу ќе ни олесни во помагањето на искрените луѓе да научат за Јехова“.