„Скапоцени камења на вистината“

„СКАПОЦЕНИ камења на вистината.“ Вака едно писмо до нигериската подружница на Јеховините сведоци опишува две посебни списанија. Писателот, еден младич, објаснува:

„Ви пишувам за да ја изразам мојата искрена благодарност за вашите напори во обработувањето на практично сите аспекти од секојдневниот живот преку списанијата Стражарска кула и Разбудете се!

Имам 17 години. Лани, една локална радио⁠-​станица спонзорираше еден натпревар во пишување состави на темата ‚Љубовта е многу повеќе од секс — СИДА-та е реална‘. Секој состав не смееше да биде помал од четиристотини зборови. За најдобриот расказ требаше да се даде награда од 1.000 наири [12,5 долари]. Се разбира, тие рекоа дека луѓето не би требало да пишуваат само за да добијат награда туку, напротив, за да научат нешто . . .

Јас најдов информации за СИДА-та во обете списанија. Во врска со љубовта имаше една неисцрпна низа статии. Употребив некои точки од Разбудете се! од 8 август 1978 година (англ.).

Само два месеца откако го испратив мојот состав, излегоа резултатите. На мое изненадување, бев прв во државите Крос Ривер и Аква Ибом!

Сите информации што ги употребив потекнуваа од списанијата. Навистина е прекрасно што Јехова ни обезбедува навремени информации во овој болен свет оптоварен со проблеми. Како вистински христијани, ние знаеме дека љубовта е многу, многу повеќе од секс. И, се разбира, водењето чист, морален живот нѐ штити од болести како што е СИДА-та.

Не можам а да не ви се заблагодарам за овие скапоцени камења на вистината кои вие неуморно ги објавувате. Нека Јехова продолжи да ги благословува вашите напори додека непрекинато ги обезбедувате овие скапоцени списанија“.