Посета на Ветената земја

ПРЕТПОСТАВИ си како некој пријател ти рекол дека ти купил — како подарок — ганц нова куќа среде прекрасна, мирна околина. ‚Како изгледа?‘ — би се прашувал. Несомнено, би бил желен самиот да ја погледнеш оваа куќа, да прошеташ низ неа и да ја испиташ секоја соба. Впрочем, тоа е твојот нов дом!

Во 1473 година пр. н. е., Јехова ѝ оставил во наследство на нацијата на древниот Израел еден нов дом — Ветената земја, тенко парче територија што во просек изнесува околу 500 километри од север до југ и широко 55 километри.a Сместена во она што било нарекувано Плодна полумесечина, Ветената земја претставувала едно восхитувачко место за живеење, благословено со свои единствени карактеристики.

Но, зошто би требало ти денес да бидеш заинтересиран за еден „дом“ што му бил даден на некој друг, особено некој кој живеел одамна? Затоа што спознанието за оваа историска земја може да го зголеми твоето ценење за библиските извештаи. „Во земјата на Библијата“ — напишал неодамна починатиот професор Јоханан Ахарони — „географијата и историјата се толку длабоко испреплетени што едното не може вистински да се разбере без помошта на другото.“ Освен тоа, на својот највисок степен, Ветената земја дала пример во мало за тоа што наскоро ќе значи рајот под Божјето Царство за човештвото ширум Земјината топка! (Исаија 11:9).

За време на својата земна служба, Исус Христос ги користел вообичаените глетки во Ветената земја за да даде практични поуки (Матеј 13:24—32; 25:31—46; Лука 13:6—9). И ние можеме многу да научиме на практичен начин ако разгледаме извесни обележја на древна Палестина. Затоа, да прошетаме низ некои нејзини соби, така да се рече, и да испитаме некои особени карактеристики на оваа земја што многу векови служела како дом на Божјиот народ. Како што ќе видиме, од Ветената земја можеме да научиме многу нешто.

[Фуснота]

[Извор на слика на страница 2]

Насловна страница: Pictorial Archive (Near Eastern History) Est.

[Извор на слика на страница 3]

Гаро Налбандијан