Може ли науката да ги побие чудата?

Дали библиските чуда навистина се случиле? Многумина, вклучувајќи и бројни научници и религиозни водачи, одговараат со не. Тие сметаат дека верувањето во чуда припаѓа на едно многу попразноверно раздобје и дека модерната наука ја побила можноста за нивно одигрување. Затоа е вредно за внимание следново писмо што било објавено во лондонскиот The Times и потпишано од неколку научници. Во него се вели:

”Не е логички оправдано науката да се користи како аргумент против чудата. Тврдењето дека чудата не можат да се случат е исто така работа на верувањето како и тврдењето дека можат да се случат. Чудата претставуваат настани кои не се одиграле пред тоа. Сеедно што и да предлагаат актуелните методи во филозофијата или објавувањето на анкети на мислења, важно е да се потврди дека науката (темелена на набљудувањето на она што се случило порано) не може да каже ништо на таа тема. Нивните ”закони“ претставуваат само воопштување на нашето искуство. Верата почива на поинакви основи.“ (Нагласено од нас.) Навистина, не постои начин на кој модерната наука би можела да ја побие веродостојноста на чудата запишани во Библијата.