Колосеумот и библиското пророштво

ОД ДОПИСНИКОТ НА РАЗБУДЕТЕ СЕ! ВО ИТАЛИЈА

ЕДЕН древен натпис пронајден во Колосеумот во Рим (Италија) можеби индиректно потврдува едно библиско пророштво за уништувањето на Ерусалим. Натписот очигледно е поврзан со градењето и свеченото отворање на Колосеумот во 80 година н. е. Како што го реконструирал професорот Геза Алфолди од Универзитетот на Хајделберг (Германија), натписот гласи: „Императорот Тит Веспазијан Цезар Аугуст го подигнал новиот амфитеатар од добивката на пленот“. Каков плен?

„Станува збор за огромниот плен што го зел Тит во војната против Евреите“, вели Алфолди, „а посебно од златните предмети“ од храмот во Ерусалим. Овој храм бил уништен во исполнување на Исусовото пророштво (Матеј 24:1, 2; Лука 21:5, 6). Алфолди заклучува дека Колосеумот — заедно со прочуената Порта на Тит, која ги прикажува римските победници натоварени со пленот земен во еврејската војна — е споменик на оваа историска победа на Римјаните.