“Man nani sin war nani dukiara bara war trabilka nani dukiara sin aisi kabia walma”

“1960 manka ra wark takaia tâ krikri. Baha piua wina 40 war aiklabanka nani tasba aiska ra takan ba dukiara nu munri. Kaikri nahki Stech bara Unión Soviética war aiklabanka ba kau karna taki kan, bara las kat ban wina mâyara iwan. Sakuna 2025 manka ra takan dukia nani ba, rayaki ra pas trip kaikisna. Kan war aiklabanka nani ailal bâra sa, bara yu bani kau klir kaikisa tila wina kum ba kau pali karnika tara alki auya ba” (John Simpson, BBC kampanika ra tasba aiska ra war aiklabanka nani dukiara âiulbra, yang nani ba pîska kum kau siksa mangkri).

Upla sut ba tasba aiska ra war aiklabanka nani taki ba dukiara wari takisa. Bara luki banhwisa yu kum diara nani ba kau pain takbia sapa. ¿Jisas dîa smalkan?

Jisas dîa smalkan ba

Jisas kaina manis wina aisan naiwa piua ra dîa takai kan ba dukiara. Ai nina blablikra nani ra naku win: “Man nani sin war nani dukiara bara war trabilka nani dukiara sin aisi kabia walma” (Matiu 24:6).

War aiklabanka nani ba dukiara yawan sut wari takisa, ban sakuna bîla kaikanka briaia sip sa. Kan Jisas smalkan war aiklabanka nani, tasba sauhkanka nani bara upla daukanka saura nani ba “tasba tnata sainka” sa (Matiu 24:3; Luk 21:7). Naha tânka wiaia want sa piua kum balbia Jisas mita war aiklabanka nani sut ba danh daukbia. ¿Nahki muni?

Jisas dîa daukbia ba

Tisku piua ra Gâd Kingka Lâka Kingka baku, Jisas mita war aiklabanka nani sut âpu daukbia tasba aiska ra (Lawana Nani 46:9).

Jisas tasba ra nahki kupia kumi lâka bri balbia, bara baha piua ra wan rayaka nahki kabia ba lan takaia want sma kaka, “Un mundo sin guerras y sin conflictos armados es posible” ulbanka ba aisi kaiks.