Manahem: Jehova warkka ba wan rayaka ra pas tâura mangkaia sa

Pas kristianka nani piua ra Antíoco kangrigisanka ra tâ bri kan muihnika kum bâra kan nina ba Manahem. Witin dukiara Apastil Nani Sturka 13:1 ba wisa: “Galili kuntrika wihtka, Herod wal pâwan ba”. Naha tânka sa Manahem ba kulkanka tara bri skulka kum ra diman bara ban kra ai pamalika ba lalahkira kan.

Ban sakuna Manahem ba wahbi sakan kristian takaia bara kangrigisan dukiara karna wark takaia. Witin skul tara diman bara kulkanka tara bri kan uplika nani ra kakaira kan. Ban sakuna baha nani yus munras kan muihni lakri nani mawanra tara pulaia dukiara. Kau ni, karna wark takan muihni lakri nani ra hilp munaia dukiara.

Manahem sturka ba wan smalkisa Jehova warkka daukaia kau tânka tara brisa naha tasba ra kulkanka briaia apia kaka lalah ailal pliki sakaia ba wal. Yawan skul dimaia ba kulkanka yabisa, kuna yawan mapara dîa kau tânka tara bri ba sika Gâd warkka daukaia. Baha mita, yawan swiras sa diara kumi sin wan alki takaskbia (Pil. 1:9,10). Manahem baku Jehova warkka daukaia ba wan rayaka ra pas tâura mangkisa (Mt. 6:33).