Шуматкече, 18 апрель
«А иктаж-кӧ языкым ышта гын, Ача ончылно арален ойлышына уло» (1 Иоан. 2:1).
Эн кугу решений, кудыжым айдеме луктын кертеш, — тиде Иеговалан ӱшанле лияш сӧрымашым пуаш да тудын ешышкыже ушнаш. Чыланат тыгай решенийым луктышт манын, Иегован кумылжо уло. Молан? Молан манаш гын, еҥ-влак тудын йолташ лийышт да курымеш илышт манын, Юмын кумылжо уло (Втор. 30:19, 20; Гал. 6:7, 8). Но Иегова тудлан служитлаш нигӧм огеш темде. Тудо кажне айдемылан шке решенийым лукташ пуа, кузе илаш. Но тынеш пурышо христиан Юмын законжым пудырта да кугу сулыкым ышта гын, тунам мо лиеш? Тудо огеш ӧкынӧ гын, тудым погынымаш гыч кораҥдаш кӱлеш (1 Кор. 5:13). Но тыгай годымат сулыкым ыштыше айдемын пӧртылмыжым Иегова уло шӱм дене вуча. Вет Иегова мемнан верч шке Эргыжым пуэн. Тидлан кӧра тудо сулыкым ыштыше да вара ӧкынышӧ айдемым проститлен кертеш (1 Иоан. 2:1). Мемнан йӧратыше Юмына сулыкым ыштыше-влакым ӧкынаш порын ӱжеш (Зах. 1:3; Рим. 2:4; Иак. 4:8). w24.08 14, абз. 1, 2
Рушарня, 19 апрель
«Шӱмет уш-акылан лиеш гын, мыйын шӱмем куанаш тӱҥалеш» (Прит. 23:15).
Ту жапыште, кунам апостол Иоанн кумшо серышыжым возен пытарен, южо еҥ-влак шоям шаркаленыт да погынымаште иктылыкым пудыртеныт. Но тыгай-влакат лийыныт, кӧ «чын почеш» илен. Нуно Иеговам колыштыныт да «Юмын кӱштымашыж почеш» ыштеныт (2 Иоан. 4, 6). Нине ӱшанле христиан-влак Иоанным гына огыл, Иеговамат куандареныт (Прит. 27:11). Мыланна могай урок? Ӱшанле лиймаш куаным конда (1 Иоан. 5:3). Мутлан, кунам ме тыгайым ыштена, мо Иеговам куандара, ме пиалан улына. Тиде тӱнян алгаштарымашым кораҥдена да Юмын законжо почеш илена гын, Иегова тидлан чот куана. Каваште суксо-влакат куанат (Лук. 15:10). Меат пиалан улына, кунам ужына, кузе иза-акана-влак Юмылан ӱшанле кодыт (2 Фес. 1:4). А кунам Сатанан тӱняже тӱрыснек пыта, ме Иеговалан ӱшанле кодмыналан чот куанаш тӱҥалына. w24.11 12, абз. 17, 18
Шочмо, 20 апрель
«Тек нигӧ шкаланже пайдам ок кычал, а весылан кычалже» (1 Кор. 10:24).
Айдемын шкем кузе кучымыжым ончен, тудлан шке шижмашет нерген каласашлан мыняр жап вучыман? Тидым вашкен ыштет гын, тыгай шонымаш лектын кертеш, пуйто тый решенийым шоныде луктынат (Прит. 29:20). Да мӧҥгешла, тыланет айдеме чотак келша манын, раш коеш гын, а тый жапым чотак шует, тиде ончыкта, пуйто тый решенийым лукташ лӱдат (Эккл. 11:4). Шарне, келшаш темлыме годым тый мужыраҥаш от темле. Но тый ешым чумыраш ямде улат да тиде айдеме тыланет сай пелаш лийын кертеш манын умылышаш улат. Тый иктаж-кӧлан келшет манын ужат, а тудо тыланет ок келше гын, тидым тудлан раш умылаш пу. Айдемын шижмашыж дене модаш да тудлан ӱшаным пуаш торжа лиеш (Еф. 4:25). w24.05 22—23, абз. 9, 10