Fanamarihana Ambany Pejy

a Karazana mozika fandihizana ny merengey. Taloha dia mpanakanto vitsivitsy no niara-nihira azy io, ka zavamaneno maromaro no nampiasainy. Anisan’izany ny angorodao, ny karazana amponga kely atao hoe tambora, ary ny guiro (zavamaneno vita amin’ny metaly). Nisy tarika lehibe kokoa niforona tatỳ aoriana (orquestas no iantsoana azy any amin’ny Repoblika Dominikanina). Maro izao ny mpihira merengey mampiasa zavamaneno elektronika, saksaofaonina, trompetra, ary karazan’amponga atao hoe conga sy zavamaneno hafa.