Omano ny Fonao

Tiantsika hisy vokany amin’ny fontsika na ny maha isika antsika ny fomba fisainan’i Jehovah, rehefa mianatra Baiboly isika. Nanome modely amin’izany i Ezra. ‘Nanomana ny fony izy mba handinika ny Lalàn’i Jehovah.’ (Ezra 7:10) Ahoana koa no anomanantsika ny fontsika?

Mivavaha. Mivavaha isaky ny hanomboka hianatra ianao. Angataho i Jehovah mba hanampy anao hahazo sy hampihatra an’izay ianaranao.​—Sal. 119:18, 34.

Manetre tena. Afenin’Andriamanitra amin’ny olona mirehareha sy miantehitra amin’ny fahaizany ny fahamarinana. (Lioka 10:21) Miezaha mba tsy hoe hampideradera fahaizana no antony anaovanao fikarohana. Manetre tena, ka ovao izay toe-tsaina hitanao hoe tsy mifanaraka amin’ny an’Andriamanitra.

Mihainoa hiran’ilay Fanjakana. Misy vokany amin’ny fihetseham-pontsika ny mozika ary manampy antsika hifantoka amin’izay ianarantsika momba an’i Jehovah. Hanampy anao hanomana ny fonao ny mihaino hiran’ilay Fanjakana alohan’ny hianarana.