Aza Mivadika fa Efa Akaiky ny Farany

NAHOANA IZANY NO TENA ILAINA? Tsy ho ela dia hisy zava-mitranga miavaka eto an-tany. Tokony ho be herim-po sy hitoky amin’i Jehovah mihoatra noho ny hatramin’izay isika amin’io fotoana io. Hanomboka ny fahoriana lehibe rehefa haringana ny fivavahan-diso. (Mt 24:21; Ap 17:16, 17) Hikorontana be ny fiainana amin’izany, nefa isika mbola mety hitory didim-pitsarana. (Ap 16:21) Hanafika antsika koa i Goga avy any Magoga. (Ezk 38:10-12, 14-16) Hanao zavatra anefa i Jehovah, ka hanomboka ny “adin’ilay andro lehiben’ilay Andriamanitra Mahery Indrindra.” (Ap 16:14, 16) Hanana herim-po hiatrehana an’ireo isika amin’ny hoavy, raha dieny izao dia efa tsy mivadika rehefa iharam-pitsapana.

INONA NO TOKONY HATAO?

• Araho foana ny fitsipik’i Jehovah momba ny fitondran-tena, na dia tsy mora aza izany.—Is 5:20

• Manompoa an’i Jehovah foana miaraka amin’ny mpanompony.—He 10:24, 25

• Tonga dia araho izay toromarika omen’ny fandaminana.—He 13:17

• Saintsaino hoe ahoana no namonjen’i Jehovah ny vahoakany tamin’ny lasa.—2Pe 2:9

• Mivavaha amin’i Jehovah ary matokia azy.—Sl 112:7, 8

JEREO ILAY VIDEO HOE MILA MANANA HERIM-PO ISIKA—AMPAHANY. VALIO IRETO AVY EO:

• 

  Nahoana no niharam-pitsapana ny mpitory tao amin’ny fiangonana iray, rehefa nakambana tamin’ny fiangonana hafa ny fiangonana nisy azy ireo?

• 

  Nahoana isika no lasa be herim-po rehefa zatra mankatò?

• 

  Nahoana isika no mila herim-po rehefa tonga ny Hara-magedona?

• 

  Inona ny tantara ao amin’ny Baiboly manampy antsika hatoky fa mahavita mamonjy antsika i Jehovah?—2Ta 20:1-24