FITAOMANA OLONA HIKOMY

Midika hoe ‘mijoro’ (He 9:8) ny teny grika hoe stasis, amin’ny ankapobeny, ary lasa manana heviny hoe mihataka na ‘mitaona olona hikomy.’ (Mr 15:7; Lk 23:19, 25) Azo adika hoe ‘fifandirana’ (As 15:2) koa izy io, ary misy herisetra koa tafiditra amin’izy io indraindray.​—As 23:7, 10.

Heloka mahafaty teo ambanin’ny lalàna romanina ny nitaona olona hikomy, na ny nandrisika olona hirotaka na nandray anjara tamin’izany. Nampitandrina an’ireo mpirotaka tany Efesosy àry ny ben’ny tanàna hoe: “Raha izay niseho androany izay ... dia tena mety hampangaina ho mampirisika olona hikomy amin’ny fanjakana isika. Ary tsy misy antony mamela antsika hanao izao savorovoro izao.” (As 19:40) Niampanga an’i Paoly teo anatrehan’i Feliksa governora romanina i Tertylo hoe: “Ampirisihiny hikomy amin’ny fanjakana ny Jiosy rehetra.” Tena ratsy izany, satria mety ho novonoina ho faty i Paoly raha marina izany fiampangana izany.​—As 24:5.