OBALA

(Ôbàla).

Zanakalahin’i Joktana, ary taranak’i Sema. Ny anaran’i Obala no voatonona faha-8 amin’izy 13 mirahalahy zanak’i Joktana. Avy tamin’izy 13 mirahalahy no nipoiran’ny fianakaviana 13 tamin’ireo fianakaviana 70 velona taorian’ny Safodrano. Tsy fantatra hoe taiza marina no nonina ny fokon’i Obala, fa ny fantatra kosa dia misy anaran-toerana maro hoe Obala any Yémen, any amin’ny faritra atsimoandrefana amin’i Arabia.​—Ge 10:21, 25-30; 1Ta 1:20, 22.