LO-ROHAMA

(Lo-rohàma) [Tsy Namindrana Fo [Izy]].

Zanakavavin’i Gomera vadin’i Hosea mpaminany. Nasain’i Jehovah natao hoe Lo-rohama ny anaran’izy io, satria “tsy hamindra fo amin’ny taranak’Israely intsony” Izy. Holaviny àry ny Israely manontolo. (Ho 1:6-8) Nolazaina hoe “nitera-dahy [tamin’i Hosea]” i Gomera, fony niteraka an’i Jezirela. Tsy misy resaka Hosea intsony anefa rehefa teraka i Lo-rohama, fa natao fotsiny hoe “bevohoka indray i Gomera, ka nitera-bavy.” Mety hoe tsy zanak’i Hosea àry, hono, izy io, fa zanak’i Gomera tamin’izy nanitsakitsaka azy, na dia tsy resahina mivantana aza izany. (Ho 1:2, 3) Resahin’ny Hosea 2:1, 23 an-kolaka ny hevitry ny anaran’i Lo-rohama.