TANÀNAN’NY LEVITA

Tsy nomena tany ho lovany ny Levita, fa i Jehovah no lovany. (No 18:20; De 18:1, 2) Nodidian’Andriamanitra anefa ireo fokon’ny Israely hanome azy ireo tanàna 48 miaraka amin’ny kijana manodidina. (No 35:1-8) Nozaraina ho an’ny Levita izy ireny (Js 21:1-8), ka ny 13 tanànan’ny mpisorona (Js 21:19; jereo TANÀNAN’NY MPISORONA), ary ny 6 tanàna fialokalofan’ireo nahafaty olona tsy nahy.​—Js 20:7-9; jereo TANÀNA FIALOKALOFANA.

Niparitaka tany amin’ireo foko hafa tokoa ny Levita, araka ny faminanian’i Jakoba taloha kelin’ny nahafatesany.​—Ge 49:5-7.

Azon’ny Levita navotana foana izay trano namidiny tao an-tanànany, na naverina taminy rehefa taon-jobily. Tsy azo namidy kosa ny kijana nanodidina ny tanànany.​—Le 25:32-34; jereo LEVITA.