HORONAIMA

(Horònaima) [mety hidika hoe Lavaka Roa [izany hoe zohy]].

Toerana tany Moaba anisan’ny nampiharan’i Jehovah ny didim-pitsarany. (Is 15:1, 5; Je 48:1, 3, 5, 34) Tsy fantatra hoe taiza marina no nisy azy io. Nandinika ny hevitr’ilay anarana anefa ny olona sasany, ka nilaza fa mety ho el-ʽIrak (midika hoe “Zohy”) izy io. Any amin’ny 490 m eo ho eo no misy an’i el-ʽIrak raha midina avy eo amin’ny lembalemba moabita, ary 18 km eo ho eo atsinanan’ny tendrony atsimon’ny Ranomasina Maty. Mety ho Horonaima ihany ilay “Horonân” resahin’ny Vato Moabita hoe resin’i Mesa, mpanjakan’i Moaba.