HELEKA

(Helèka) [fanafohezana ny hoe Hilkia, izay midika hoe “Anjarako i Jehovah”], Helekita (Helekìta).

Zanak’i Gileada i Heleka ary zafiafin’i Manase. Ny anarany no voatonona faharoa amin’ireo zanakalahin’i Gileada. Izy no razamben’ny fianakavian’ny Helekita izay voasoratra anarana tamin’ilay fanisam-bahoaka, tamin’ny faramparan’ny dian’ny Israelita tany an-tany efitra. Nahazo anjara lova tao amin’ny faritanin’i Manase izy ireo.​—No 26:3, 4, 29, 30; Js 17:2.