HAORANA

(Haoràna) [Mihahatsatra].

Toerana teo amin’ny sisin-tanin’ny lovan’ny Israely, tao amin’ilay fahitana azon’i Ezekiela. (Ezk 47:13, 15, 16, 18) Misy manam-pahaizana milaza azy io ho ilay faritra nantsoina taloha hoe “Basana.” (Jereo BASANA.) Toa i Haorana ilay faritra nantsoin’ny soratra ejipsianina fahiny hoe Horona, sy nantsoin’i Salmanesera III hoe Haorano tao amin’ny soratra asyrianina nataony. Toa izy io koa ilay faritra kely nantsoina hoe Aoranitida tamin’ny andron’ny Grika sy Romanina. Haorana ankehitriny no iantsoana an’ilay faritra mitomandavana, izay sady mahavokatra no maitso mavana eo anelanelan’i Damaskosy sy Yarmok.