ATERA

(Atèra) [Mihidy; Voasakana].

1. Lehilahy israelita izy, ary nisy 98 ny zanany na taranany niaraka tamin’i Zerobabela avy tany an-tsesitany tany Babylona, tamin’ny 537 T.K. (Ezr 2:1, 2, 16; Ne 7:21) Toy izao no voalaza ao amin’ilay lisitra: “Valo amby sivifolo ny taranak’i Atera, avy amin’ny ankohonan’i Hezekia.” Asehon’izany fa mety ho zanak’i Atera izy ireo, ary i Atera kosa taranak’i Hezekia (tsy ilay mpanjakan’i Joda). Mety hidika koa anefa izany hoe taranak’i Atera avy tamin’i Hezekia izy ireo. Mety ho taranak’io Atera io ny iray tamin’ireo filoha nanisy tombo-kase an’ilay “fianianana” tamin’ny andron’i Nehemia.​—Ne 9:38; 10:1, 17.

2. Loham-pianakaviana. Taranany ny sasany tamin’ireo Levita ‘taranak’ireo mpiandry vavahadin’ny’ tempoly. Niala tany Babylona ireo Levita ireo ka niverina tany Jerosalema niaraka tamin’i Zerobabela.​—Ezr 2:42; Ne 7:45.