Fampidirana ny Fizarana 8

Nataon’i Jehovah tena hendry i Solomona. Izy koa no nofidiny hanamboatra ny tempoly. Niala tsikelikely tamin’i Jehovah anefa izy. Hazavao amin’ny zanakao hoe mpanompo sampy no nitarika azy hanao an’izany. Lasa nizara roa ny fanjakany, ary nisy mpanjaka ratsy fanahy nitarika ny vahoaka hivadi-pinoana sy hanompo sampy. Be dia be ny mpaminanin’i Jehovah nenjehina sy novonoina tamin’izany. Vao mainka nanompo sampy be ny fanjakana tany avaratra, noho ny nataon’i Jezebela vadin’ny mpanjaka. Ratsy be ny fiainana tany tamin’izany. Mbola betsaka anefa ny Israelita tsy nivadika tamin’i Jehovah, anisan’izany i Josafata Mpanjaka sy Elia mpaminany.