Hira 185
Porofon’ny Fitiavan’Andriamanitra ny Fananganana ny Maty
1. Hatsangan’Andriamanitra
’Reo havan-tiantsika;
Kristy nomeny antsika,
Hitondra fiainana.
Hatsangana aloha ireo
Ho any an-danitra,
Ny “ondry vitsy” rehetra
’Zay tsy nivadika.
2. Ireo “vavolombelona”
Talohan’i Kristy,
Hatsangana eto an-tany
Mba hiaina ho doria.
Isika velona izao,
Raha maty ihany koa,
Dia tsy hafoin’i Jehovah,
Hatsangany aloha.
3. Handre ny feon’i Kristy
’Reo ao am-pasana,
Hatsangana toy ’lay jiolahy,
Izay nibebaka.
Aorian’ny Arivo Taona,
Hisy fitsapana;
Ho sambatra mandrakizay
’Reo tsy mivadika.
4. Ianareo, ry voahosotra
Sy ry “ondry hafa”,
Ampionòny ny olona
’Zay namoy havana.
Mahereza, hoy ny Tompo,
Manao ’reo asa soa,
Satria na maty aza ianao,
Hahazo valisoa.