Hira 132

Arovy ny Fonao

(Ohabolana 4:23)

1. Mba hahazoanao fiainana,

Arovy ny fonao.

Ny Tenin’Andriamanitra,

Saintsaino sy araho.

Izay rehetra ataonao

Dia avy ao an-tsainao.

Koa aoka hadio hatrany

Ny eritreritrao.

2. Tena miaro ny fonao

Ny vavaka ataonao.

Resaho amin’i Jehovah

’Zay mampanahy anao.

Ianaro koa ny Teniny,

Vakio isan’andro,

Ary ataovy namanao

Ireo madio am-po.

3. Mifantoha amin-javatra

Madio sy mahitsy,

Ary ’zay zava-dehibe

Sy mahatehotia.

Ny fisaintsainana izany

No hiaro ny fonao,

Ny fiainana mandrakizay

No ho valisoanao.