Fitsidihana An’i Panama

ILAY lakandrano mampifandray ny Oseana Atlantika sy ny Oseana Pasifika angamba no tena mampahalaza an’i Panama. Toerana ihaonan’ny olona maro koa anefa i Panama satria mampitohy an’i Amerika Avaratra sy Atsimo. Misy foko sy kolontsaina isan-karazany any. Teratany metisy eoropeanina no razamben’ny ankamaroan’ny mponina any.

Nisy foko be dia be tany Panama rehefa tonga tany ny Espaniola mpikaroka tany vaovao, tamin’ny 1501. Mbola misy hatramin’izao ny foko sasany. Iray amin’ireny ny Guna (Kuna taloha), izay mipetraka any amin’ny Vondronosy San Blas sy eny amin’ny morontsirak’i Karaiba akaikin’ny sisin-tany manelanelana an’i Panama sy Kolombia. Mihaza ny Guna, mamboly ny sakafony, ary manjono ka lakana no ampiasainy.

Rehefa manambady ny lehilahy ao amin’ny foko guna, dia lasa mipetraka any amin’ny fianakavian’ilay vehivavy ary miasa ho azy ireo. Rehefa miteraka vavy ny vadiny vao afaka miala ao amin’ny havam-badiny sy manorina ny tokantranony izy.

Misy 300 eo ho eo ny fiangonan’ny Vavolombelon’i Jehovah any Panama. Atao amin’ny teny espaniola ny fivoriana, ary misy koa amin’ny teny anglisy, goujrati, guna, kreôla any Haïti, ngabere, sinoa, ary Tenin’ny Tanana any Panama.